الكاتبة ( نون النعيمي) ✨!
وأنا أعذرك
أنتَ ما شايف حمل هم التفاصيل الصغيرة
شگد يقهرك
صرت أخاف من الشوارع والأماكن
والأغاني البيها أذكرَك
أحسب لنسيانك وما أنام إذا مو بالرسايل
واگعد وليلية أدورَك
.................🤍................
:- الوو
:- تفضل
:- وين انتَ
:- بالدوام
:- عندك واجب القاء قبض ابغداد لازم تروح
:- دزلي التفاصيل برساله
:- ماشي بس المهمه سريه تره
:- ماشي
:- هسه ادزلك الرساله
يلا مع السلامه
:- الله وياك
:- سد الضابط التليفون
مچان عاجبني الوضع اروح البغداد ماحب اروح اهناك اختنك
_اندكت الباب
تفضل
احمد : اجاني اتصال اجاك الك
إدريس : ي اجاني عدنه مهمه القاء قبض ابغداد
احمد : ي سمعت بس حتروح لو متريد
إدريس : ي اروح شنو هيه لعبه بعدين اني هم اريد شويه اثارة مشتهي اكتل احد
احمد : كفوو ذيبب
إدريس : اني حطلع ديربالك ع العراق بين ما اجي
احمد : خوش هههههههههههههههه
اخذت سويج السيارة وطلعت واني الحماوة صاعده عندي اكره بغداد ماكدر اطبله اخر مره طبيتله من اني وصغير وراه حرمته عليه كلما اتذكر .... المهم
ضليت افتر بالسيارة داشغل الراديو مال سيارة وجان تطلع اغنيه
لا تسولف علينه من يسألون
عيون الناس لاتحسد عشقنا
واذا طلعت شمس فوت انتَ للبيت
لان شمسين معناها احترقنا .. احترقناا
اني وادندن ويه الاغنيه شفت نفسي اباب البيت
طبكت السيارة ونزلت
دكيت الباب
اتلكتني امي
سلمى : حبيبي امك وين جنت بالي يمك
إدريس : بسته من راسه والله يمه دوام وشغل يادوب الحك اتنفس
سلمى : الله يساعدك حبيبي تعال خل اصبلك غده مسويه دجاج بالفرن وتمن احمر
إدريس : شنو تعرفين راح اجي مسويه الشي الاحبه
سلمى : شعندي غيرك يا بعد عيني وعيني
اتعلل بين ما اصب الاكل
إدريس : صار ، طبيت الغرفتي طلعت ملابس وطبيت اسبح
كملت وطلعت جانت ريحة الاكل لازمه البيت مستحملت لبست شون مجان ونزلت
_لجج يمه شنو هل ريحة حموت من الجوع (واني انزل من الدرج )
سلمى : تعال يمه اكل صبيتلك
_ كعدت ع الميز وبديت اكل وامي كاعده كبالي تاكل
:- اكلج يوم
:- كول عيني
:- راح اطلع البغداد كم يوم وارجع
:- باوعتلي بستغراب وكالت شسوي
:- عندي شغله اكمله وارجع
:- خوش يمه ديربالك ع نفسك
:- ان شاء الله اكو فلوس بالدولاب اذا احتاجيتي اخذي واي شي صير دكيلي
:- ماشي يمه بس ارجع بالسلامه
:- الله كريم
....................
:- باوعتله بستغراب وكلت اتفضل
اقترب مني وهوه يحچي
:- اني سيف وياج بالدوام
:- يا سيف ؟ ماعرفك اعذرني
:- لا عادي المهم اني اعرفج بس حبيت اسئلج سؤال
:- اي تفضل اسئل
:- اليوم الدكتور من شرح كتبتي شرحه لو لا
:- اي كتبته
:- عادي تنطيني اياه باجر ارجعه الج
:- اي عادي
:- فتحت جنطتي وطلعت الدفتر وجهته اله
هاك تفضل
:- اشكرج باجر ارجعه
:- عادي ماكو مشكله
سلم واشكر مني وراح ، استغربت من عنده لان اول مره اشوفه بس اني مو من النوع الاجتماعيه ف ماعرف يجوز اني ممنتبهتله
لين : ها لجج منو هذا وغمزتلي
كاعده تشمي بتجاهي وهيه بيده صينية الاكل وتغمز عبالك جاهله
ربُى : انجبي يمعودة ويايه بالمحاظرة طلب الدفتر وانطيتهيا
لين : ي عميي حب من اول دفتر
ربُى : اهو شكد مزعجه عفيه لدوخيني سكتي
لين : سكتنه عمي
_ جابت الاكل لين وضلينه ناكل ونسولف
فجأة دك تليفوني
علي : وين انتِ
ربُى : بالمول ويه لين
علي : غير ادكين عليه وتكليلي
ربُى : تره دكيت عليك وانتَ ماكو مشلته
علي : اي چان عندي درس
ربِى : لعد شون ادكول مداكه
علي : اهو هسه كفرنه عمي داكه حقج عليه
ربُى : ديلا روح خل اكمل اكل متأخر
علي : خوش ديربالج ع نفسج
سد المكالمه ضلينه كاعدين شويه
:- اكلج باجر عيد ميلاد زينب ترحين
:- يا زينب
:- البنيه الوياج بالقسم عزمتج وعزمتني
:- ماعرف يجوز ماروح
:- ليييشش تعاي حتى نغير جوو حبابه
:- اشوف
_كملنه وطلعنه اتوجهت لين البيتنه حتى توصلني
:- يلا حبيتي مع السلامه عود نتخابر
:- ماشي ضلعي
طبكت الباب وطلعت المفتاح من الجنطه فتحت الباب وطبيت ,
چان البيت بارد ونضيف وكلش هادء مال نوم
اني اكمل شغل البيت من الليل، طبعاً ماعرف اسوي اكل ف اعتمد ع علي كلش طيب ايسوي الاكل اني اذا طبيت للمطبخ اتصير كارثه البيت يحترك ف اتجنب المطبخ
صعدت الغرفتي چان علي بعده مجاي طلعتلي ملابس وخليت الفستان الي شاريته ع الچربايه وطبيت اسبح
ضليت افكر اذا اروح للعيد ميلاد او لا
لان حتى البنيه ماعرفه هواي بس عزمتني هيه احس فشله اذا ماروح واني ماعرف اكذب واطلع عذر .
..........
_ امدد ع الچربايه ، يكفخ بجهي هوى السبلت
تذكرت اسولف ابويه وضربه الي وشكد چان يكرهني
اتذكر مره ..
طبيت للبيت جنت مطين لعبت طوبه ويه ولد المنطقه ف وكعت بالطين تعرفون شتاء العراق شلونه بس مي وطين الكاع
جانت كلش تمطر واني فرحان لان كولت كول ع الفريق المقابيلنه
كملنه لعب وكلمن راح البيته جنت فرحان واريد اوصل حته اكول الامي كولت واني فوزت فريقي
طبيت للبيت چان ابويه كاعد ع التلفزون وديتفرج اخبار وامي بالمطبخ دسوي اكل جنه عائله كلش بسيطه بس ابويه مخربه
طبيت ركض ع امي بدون مانتبه ع نفسي وشصاير بيه
إدريس : يمه يمه كولت كول وفوزتت الفريق والضحكه شاكه حلكي مجنت ادري هاي الضحكه راح تطلع من خشمي
سلمى : عفيه وليدي يلا طب اسبح بسرعه ( بتوتر )
:- نور الاستاذ وهوه يقترب مني وين جنت بله
إدريس : جنت العب طوبه ويه الولد
:- والمن كلت بله وطلعت حته تلعب
إدريس : كلت الامي
:- هااا واني هنا طرطور موو
إدريس : بس ياب .... حتى مخلاني اكمل الكلمه والزمني دك ضرب
جنت ماحس منين تجيني الضربات بحيث يضربني بكل قوته عبالك ديعارك شخص بطوله او بكده
كبرني ابويه ميت سنه ليكدام بس سواني رجال كام ميأثر بيه شي بس مع الاسف صرت انسان ماكو رحمه بكلبه ولا يشفق ع احد مجرد كتله من البرود
صرت انسان عديم الرحمه انسان ميشعر ولا يحس ، ماعرف شنو يعني حنيه ولا اعرف شنو حب ، انسان ع كد مصلحته وشغله لا اكثر ولا اقل ماعرف شنو يعني تعاطف وحب
انسان حتى نفسه ميحبه ، ميحب احد ولا يخاف من احد بس من الله ، ابويه سلب من عندي كلبي كله سبب من عندي التعاطف ، تربيت وكبرت ع الضرب والغلط والاذيه والظلم ماشفت شي حنين غير امي
امي هيه الانسانه الوحيده الحنينه اللي بحياتي
بس ضعيفه كلش ضعيفه ، عاطفته تتغلب عليه بهواي امور ، اتذكر ابويه شكد چان يأذيه بس اداري وتهتم بي واتسويله اكل وتغسل ملابسه وهوه ميستاهل شوفه من عيونها .
اني واتذكر حسيت شي حار ع خدي
وهمت نفسي وكلت جذب مو دموع ومسحته ورجع البرود الملامحي ، كلش نادراً ابچي احس اكو دموع بداخلي اذا طلعن ميوقفن ، كتمت وجه السنين كله بكلبي من زمان ، غفيت بدون سابق انذار .
.......
_ كملت سبح وبدلت ونزلت جوه ادور شي اكله طبعاً اني اكل بس ميبين عليه شي ، دادور بالمطبخ ع شي اكله واسمع صوت الباب ينفتح
علي : هاي شنو يمكن اكو بزونه بالمطبخ دتبحوش
:- ياااا هاي شوكت جيت
:- هستوني تره
:- سويلي اكل جوعانه والله
:- انتِ شوكت مجوعانه مدكليلي حضريلي ملابس بين ماروح للمحل واجي
:- جيبلي حبشكلات وياك حباب
:- يدلل الحلو
_ طلع علي واني صعدت حته احضرله ملابس ف جنت اكلب بالملابسن ف عجبني تشيرت اخذته بعده بلعلامه
_ شلت بجامه جان توكع منه صوره صغيره ، جانت صورة بنيه كلش حلوة اول مرا اشوفه معقوله يحب بس عمره مسولفلي شي بخصوص هل موضوع رجعت الصورة المكانه واخذت غير بجامه ونزلت جوه
دك الباب وفتحته
:- هاج كمشي ايدي راحت
:- هاي علاكه كامله حلويات لعيونج
:- يايييي بعد كلبيي شعندي غيرك
:- طب سبح وطلع يسوي اكل خلص النهار بين ضحكه منا وسالفه منا . بس بقه بالي يم الدفتر مالتي .
.....
( ب ٥:٣٦ دقيقه صباحاً )
_دك المنبه يم راسي لو بيدي اكسره
كمت اتوجهت للكنتور اخذت ملابسي وطبيت اسبح كملت طلعت
اخذت جنطتي وحذائي ونزلت ع كيف حتى ماكعد امي
توجهت الغرفته فتحت الباب شفته نايمه سديت الباب لبست الحذاء وطلعت ، الجو حلو بي نسمة برد وهوى صعدت السيارات وتصلت ب احمد
:- ها يابه وين انتَ راح اجيك
:- خوش منتظرك
:- ديلا
سديت المكالمه وتوجهت الاحمد چان منتظرني بالباب
صعد وتحركنه البغداد .
.......
_ دك التليفون شفته لين انطيته رفض شفت الساعه ب ٣ وربع الظهر .
كلش مشتاقه الامي واريد اشوفه شفته بالحلم بس ماكدر اروح للبصره وحدي واكيد علي ميوديني لان ملتزم بشغل
اتنهدت وكلت الله كريم يجي يوم واجيج حبيبتي
كمت اخذت خاولي وطبيت اسبح
كملت وطلعت شفت الفراش مخربط رتبته ومكدت ع الكرسي كدام المرايه ماريد اروح للعيد ميلاد بس حروح لان ضايجه وماعندي شي اسوي اليوم غير الملزمه اللي اخذه هذا الولد
بس بعد وكت بس يادوب لان ساعه لمن افكر شلبس وشسوي شعري ووو
اتوجهت للكنتور وفتحته چان بي هواي فساتين كلهن حلوات بس عيوني توجهت للفستان الاسود اللي البارحه شتريته طلعته وطلعت وياه كعب اسود كلش حلو
خلته ع جسمي واني اتأمل حلاة الفستان عليه ...
لبست الفستان وشلت شعري نص وعفت الباقي مفتوح شعري كلش طويل وسرح كعدت حته اخلي مكياج اني ماحب اخلي بس راح اخلي حتى يبرز ويه الملابس
رسمت الاينر وخليت مسكاره وحمره رماني تطلع ويه بشرتي كلش حلوه وبس .
لبست الكعب ووكفت كدام المرايه جنت كلش راضيه ع شكلي چان الفستان مخصر عليه كلش حلو
اخذت تليفوني من الميز وطكيت صوره .
شفت الساعه تقريباً ب ٥ و ثلث هيج شي
دزيت رساله ال لين
💬 ها كملتي
يي هسه حجيج 💬
💬 اوكي انتظرج
نزلت جوه بين متجي لين
دكت هورن السيارة اخذت شال وخليته ع جتفي بين منوصل
طلعت وسديت الباب توجهت للسيارة فتحت الباب وطبيت
لين : لج هاي شطالعه تموتينن خرب ظلمتج من كلت الفستان حيطلع محلو عليج
ربُى : شعبالج لعد اني محليه الفستان ادريي
لين : اويلي ع المغرور
توجهنه للفندق لان زينب مسويه العيد ميلاد بالفندق
.......
لبست بنطرون اسود وستره سوده وجواهه قميص ابيض چان مسدسي بالبنطرون احب البس الرسمي ينطي هيبه للرجل
ها نطلع
اي يلا
بسيارتك انروح مو
اي
توجهنه لسيارتي
احمد : اكلك وين المشتبه بي
إدريس : عساس بفندق ......
احمد : بس شيسوي هناك
إدريس : ماعرف عساس حفله مال بنت اخته مدري شنو بس اتوقع ميجي مو زوج لهل درجة هوه
احمد : اني هم هيج اكول بس تره طالع تموت خويه
إدريس : ها احمد خير
احمد : خرب لو اني مره چان كتلت روحي عليك
إدريس : اكرمنه بسكوتك بله
احمد : ههههههههه ماشي
_ وصلنه للفندق تقريباً الساعه ب ٧ هيج شي لان ازدحامات
طبينه چان الفندق كبير وفخم اتوجهنه للقاعه الي بيه الحفله
جانو هواي عالم شلون راح نلزمه ما اعرف
احمد : اكلك باع الحاتات
إدريس : مو تره ادك ع مرتك واكله
احمد : قصدي باع خواتي بالاسلام والله حلوات
إدريس : طايح الحض مو بيدك
......
ربُى : طبينه للقاعه كلش چبيرة متوقعته هيج بس كلش حلوة ومرتبه چان كلشي بيه يلفت الانظار
لين : خل اشوف زينب وين
ماشي ، راحت لين ضليت اتمشه بالقاعه نزعت الشال من جتفي بالسيارة لين مخلتني لابسته
چان الكل يباع عليه ويتهامس جانت عيون الشباب كله عليه واني ماخذه وضعيت التغليس .
إدريس : واكف وحاط ايدي ع الميز داباع ع العالم اخاف المح المشتبه فجأة ، وره دقيقتين بدت الحفله چان قسم يركص قسم ياكل قسم بس يصفك ووو جانت نظراتي موجه ع الكل تقريباً
توجهت نظراتي ع ابنيه جانت ناطيتني ظهره ممبين شي من وجهه جانت تتمايل ويه الاغنيه شعره طويل كلش طويل اسود احس هذا الشعر مو غريب عليه ولابسه فستان اسود
من تتمايل يروح شعره منا ومنا جانت لازمه ايد بنية ويركصن سوه
ربُى : بدت الحفله جانت كلش صاخبه بس حلوه اجوائه اتجنن اجت لين يمي ضلت تقنع بيه حته نركص اني ماحب اركص بس محبيت اكسر خاطره ف رحت وياه وبدينه نركص جنت بس اتمايل اروح منا واجي منا
بس لين جانت لازمه ايدي و تردح اكيد حسيت عيون العالم اتريد تاكلني بساعته بس مهتميت وضليت اركص واتمايل
إدريس : جان الكل موجه عيونه علية صار عندي فضول اشوف شكله شنو هاي اول مره بحياتي يكون عندي فضول تجاه ابنية ف كلت الاحمد حروح اشرب مي جانت خوش حجه لان اذا عرف راح يفضحني ويلح
بديت امشي تجاهه واني الفضول كاتلني
فجاة ....
.................🤍................
أفتَقِدُ لِعيناي
التي نَسيتُها في تَقاسيم مَلامِحُكَ
عِندما لَمحتُكَ لأول مرة .
شنو تتوقعون صار ؟ وهل راح يجمعهم القدر مره ثانيه ؟ وليش ادريس ميحب بغداد ؟
الهنا تكون نهاية البارت هل مره صدك طويل
😂🥲 البارتات الجايه احداثه كلش حلوه .