معتقل الصحراء

الحلقة الثالثة والثلاثون

صباح الحب اعتذر ع التأخير
وجان توصل القصة للنص مليون
البارت ٣٤٠٠ كلمة
قراءة ممتعة لا تنسون التصويت و التعليق

#معتقل_الصحراء ٣٣
#بقلم_ام_مختار
#دنيا_غانم

صليل _ ما فهمت اني سامع بأوربا قانون
توصل هناك تعفطلك بعد يا ربط يا شد

سائد _ مناسك تسويها؟؟
ما تعرف جبانه موو كدها
مياسين قوية بس ما تكسرك حساسه تهتم
والدليل رغم رحمة حجت عليهن هسا گاعده وتسولف وياها و الحياة ماشيه

جاهد _منين خايف؟؟

سائد _ باوعتله لا تزعل مني بس دائماََ تخيب امالي هيه

جاهد _رحمة موو

سائد _اييي لا تريد منك طفل ولا تغار ولا تهتم من تباوع ولا تريد تزوج
وروح وكلها الوقف السني يگول يسمح بالزواج وشوف رد فعلها
اني ما خايف عليك لأن اصلاََ عقد الزواج مالتك باطل وياها بس رحمة لعوبه تلعب بعقل البنات تگدرر

جاهد _ ادري والهذا السبب ما ردت طفل

سائد _ انت مو صاحبي انت جزء من گلبي
انت هنااا مدفون بالنفس اليصعد والينزل
وادري بيك شجاع ،،، بس گدام حبك حيللل ضعيف

جاهد _ اخاف عليها تضيع اكثر من الضياع الهيه بي

سائد _مو شكال اعتبر كل هذاا اختبار وشوفو بالاخير شنو يصير صح لو اني غلطان

صليل _صح الصح
واحنه نحجي جاهد طلع

سائد _وياريت بس هيج يا صاحبي
المتعلق گلبك بيها عينها على اخوتك

صليل _اسسسس لا يسمععععع

_لاعت روحييي والله اريد الزمه اشگه وصلتين هاي الخايسسسه

صليل _ شنوو حجينه بهذا الموضوع مو گلنه
نسد حلگنه هوو يكشفهااا

سائد _ولك تتودد الييي  اريد اترس حلكهااا خرااا واطمها بالتراب جاهد الاقوه و جاهد  الاشطر وجاهد الاجمل و جاهدد الاحسنننننن بس القذررر قذرررر

صليل _ دسكت يمعوود لا يرررجع  تريد تفرررقنه انتتتت

سائد _ ولك نار تجوووي بكلبي
من وره هاي الخايسة،،، انا من انطيتكم حبوب المانع  جان سبب من الاسباب من شفتهااا هيج رخيصه كلت هاي تجر البنات وياهااا بوصخها
ليش تربطون روحكم بطفل
بس فلتت منهااا

صليل _ شيسكته بعد ولك كافي لا يجي وتكسر روحة والله اموتك سائددد

سائد _سكتت سكتت

صليل _هاك هاي يوميتي شوف شگد تشيل منها

سائد _لازم نسوي نظام بالبيت للاكل والشرب
وبس تجيب هاي نطلع

صليل _متفقين بس يمته نعقد ع البنات

_هذا الموضوع عليك اتفق وي شيخ سيد
على وقت خلي يجي للبيت ونعقد

صليل _ لازم تفهمه الموضوع واني رجال اضحوكي مو مال شيوخ بس يعرقلي شي اكله انعل ابوك ههههه مو مال شيوخ وساده اني

سائد _ اخخ منك سهله اطلع الفجر للسيده هم اصلي و هم الزملي واحد منهم

صليل _گله اذا ما تجي اكعدك على البطل

سائد _هااا اشتاقيت للبطاله

صليل _وداعتك ولا مره كعدوني على بطل
لو مكعدني على بطل جان شكيت...... الصياح

سائد _ هسا بيد الله جاي يتشكشك عدل

صليل _ على طاري الحساب و العقاب ولك هاي نيزك من تحجي بالله تشغل ضميري الليل ابقه ما اعرف شلونه

سائد _ نيزك مثل النيزك نازله بكل قوتها علينه
وكأنوا الحساب بعد المصايب السوينها

صليل _عزاا بعينج حسيبة  سائده بس اجه طاري نيزك ضحكت

سائد _ منين جبت حسيبه ولك

_هذا ابو الگهوه هيج يگول

سائد _هههههه صليل مناسك   احتلت گلبي وصرت اسيرها

صليل _ على كيفج ويانه يا الجولان

سائد _ههههههههههههه
.......

رحمة _ما ادري هاي العقود بشنو تفيد
خو نجمع ونجيب ال ٤ الا لاف

مياسين _ اني مني وحده اريد صليل وهم منها اخفف عليه فلوس الجوازات وهم من بنات الحرام ادري بيهن يتنفسن خيانه

مناسك _  من شفت رحمة حجت تشجعت وحجيت واني  ع الاقل گدام الله هذا زوجي شما يصير ربي راضي عنه

رحمة_ اني ما يفيد بيه لا عقد ولا طفل همزين اوي الزلم يرادلهم خلك

مناسك _ اني احجي وياها ببرود ومياسين تنطيها كل بسمار ولا الثاني وولا تهتم
اتعجب  على طول نفسها وعدم كرامتها

ام سائد _ عفيه بناتي تره اذا الله راضي بأفعالكم يفتحلكم باب من ابواب الفرج
والله

مناسك _ان شاء الله

ام سائد _ اني رايحة قابل شگد باقيلي يوم مناسك اريدج تهتمين بوليدي ما اريد اتركي للدنيا والله هو يحبج ويخاف عليج ومنج
اريد تستغلين هذا الشي وتردين ابني للطريق الصحيح

مناسك _ ان شاء الله

رحمة _ اروح الغرفتي انام احسلي

مياسين _ فتحت الباب وسدته وراها حيل راحت روحج ومرض يلوحج

ام سائد _عيب يوم مياسين عوفوها هيه حره

مياسين _ عايفتها اني قابل شمسويتلها
يجي يوم واسويلها  اذا ما اطلع الغدة الدرقية
من بلعومها  ما اطلع مياسين

مناسك _ شمعنى الغدة الدرقية بالله

مياسين _ مو هيه الوحيده الاعرف وين يصير مكانها  ههههههههه

مناسك _ نعله على يومج

ام سائد _ مخبله انتِ

مناسك _ الفجر  طلع سائد يصلي بالسيده
جنت اتوضه بالحمام فتح الباب وباوعلي
نزلت اردان ثوبي شكووو

سائد _ماكو صباح الخير تقبل الله
الله ياخذك اي شي منج حلو

مناسك _ تقبل الله مقدماََ هيج زين

سائد _ما وياها كلمة حلوه تبرد گلبي

مناسك _ ايي اكو الصابون خلص من تجي اذا شفت محل جيبلنه وياك عبرت من جوه  ايده يريد كلمة حلوه ابن صياح

سائد _ربيي صبرني وتقبل مني
عفتها وطلعت اضحك دخلت للسيده ع سريع انتهت صلاتهم و گعدت اصلي على صفحة
شايفين من الله يسهلك امر اني هيج صار وياي وگف يمي سيد  الحد ما خلصت صلاتي ولزمني من جتفي وابتسم تقبل الله وليدي

_منه ومنك  صالح الاعمال

_ما تدري شگد   فرحت من شفتك تصلي..
احنه اخوه بالدين  وحلو تجمعنه هاي المكانات

سائد _الحمد لله اكيد اخوه  سيدنه
سيد اني محتاجك بموضوع عندك وقت تسمعني لا؟

_تفضل

_اني سني بعد انت عرفت
حبيتلي بنيه شيعيه الاعرفه مدام هيه مسلمه
واني مسلم ماكو خلاف على هذا الزواج صح لو اني غلطان

_صح لكن بي اكراه من الوقوع بالمذهب الاخر يعني نعرف المرأه عطوفه حنونه متأثره
تتأثر بزوجها و كلام زوجها وتصير على مذهبه

_سيد اني رايدها هيه لا اريدها تصير على مذهبي ولا بيوم اغصبها وانت مثل ما تشوف اني انسان مسالم اصلي اليوم هنا باجر بالمسجد عكبه ببيتي واني رايدها وانتو ما يرضيكم نوكع بالاثم مو صحيح

_صح

_ البنيه يتيمه لا ام ولا اب وفقيره واني روحي تعلقت بيها واريد اعقد تكدر اساعدني

_ههههه  اكدر اعقدلك بس يصير عقد على المذهب الجعفري

_عمي اروح فدوه المذهبكم بس عقدولي انا شرايد اريد بيت وهيه وحلال الله ما رايد شي

_ بارك الله بيك وليدي

سائد _اتفقنه باجر الصبح يتم عقد الزواج
وجنت خايف اگله ما عدنه اوراق وتطلع السالفه عرضه سكتت رجعت  وحجيت وياهم وهنا انتبهت ما لازم نلفت نظر
يابه يعقدلي بس اني ونشوف غيره يعقد الصليل وهكذا

صليل _ اول مره تسويها و تخلي روحك الاول ليشش ولج سائده اشگ ثووووبي

سائد _والله نسيت سالفتنه كلت هو يعقدلنه تلاثتنه بس احنه لا اوراق ونفس البيت خفت يشك بشي ويرفض اني عمي اجيبلك سيد لخ بس اصبرلي شعدنه نسوي تأخي وي الجماعة الحد ما نسرق بناتهم

مناسك _ خلي يكون بعلمك اني ما اغير مذهبي ولا صلاتي ولا ولايتي ولا اي شي

سائد _ليش انتِ ناويه أتممين زواجنه؟؟

_لا يعني اقصد هيج بس احذرك

_ اذا غيرتي مذهبج الخاطري اني اطلكج هيج زين

_ايي هيج زين

هسا اني طالع للشغل وانتو يلاا كل واحد الشغله وانتن بالليل الي گعده وياجن سوالف صفيحة و كبه حلبية وكبه لبنيه ومدري شنو بطلنها
حتى البنيه نفختنها بسوالفجن

مناسك _بدون ما احس على روحي سألته
صدگ سمنانه

سائد _ اي و الله سمنانه خاف انتِ جنتي كمر هسا صرتي الكمر و نجومة

مناسك _.....

سائد _ ربي فك عقدة السانها للخرسة

ام سائد _امييين
يلا   تعالن نرتب البيت ونعزم ام راما والبنات حتى السيد من يجي ما يستغرب

مياسين _گعدي ارتاحي انا انظف البيت  كله اسوي يلمع وعروستنه هماتين خلي ترتاح

مناسك _ عروس هه اكره هاي الكلمة
الاولى خسرتني عمري والثانيه الله واعلم شراح تسوي بيه

.....

جاهد _ لبست قاط وكفت گبال المراية اعدل بسترتي وارفع بشعري

_جاهد المعلمة بدياك

_تمام جاي وين الگاها

_الطاوله الاولى

_ تعديت بين الطاولات متوجهه الطاولتها واني اتخيل شكلها حلوه لو لا وليش يسمونها المعلمة
وصلت يمها مرحبا

_يا اهلين انت البودگار الجديد

_اي نعم

_شو انت من وين

_العراق

_يا اهلين وسهلين اطيب ناس

جاهد _ اذا اطبك رحمة وراما ما يطلعن نص جمالها بس عيونها قصيده قبانية
تسلمين من ذوقج

المعلمة _قعود هون

_لا اني راح اوگف يمج يعني

_لا شو توقف تعا هون

_گعدتني يمها تلمست جتفي وبتسمت قديه عمرك جهاد

_اسمي جاهد نهاية التلاثينات

_شو حلو وهيك محافظ على جسمك وجمالك

_ اي احب اهتم بنفسي

_متزوج جاهد

_ ما ادري

_ههههههه شو ما بتعرف  يعني متزوج ومنفصل عنا

_لا  مزوج وما مزوج
يعني مزوج بس شبهه منفصلين بس حامل هيه

_يا حرام

_ الحمد لله على كل حال

_ اول مره بشوف حدن هيك جميل

_ شكرََا

_ تحجي وياي وعيونها عليه تتفحصني واني عيني على سائد وهو يقدم العصاير المحرمة
و الماي والمزه
والبنات شلون يوگفن يمه ويضحكن ويا وهو مثل الحصان لا يلف يمين ولا يسار
فززتني ايدها التتلمس فخذي
باوعتلها ابتسمت حسيت روحي اني البنيه مو هيه

_شو عم تخجل مني

جاهد _لا شلون اخجل وينك يا صليل الملعب ملعبك خالني بي شكوو

_ما قلتلي راح يجيك صبي والا بنت

_بعدها شهرين ما نعرف
بقت تسأل واني اجاوب
الحد الساعه بالوحده بالليل هيه بس گاعده ويجون يسلمون عليها الي يدخلون وكل واحد منهم يحط يمها صفطة فلوس وحده منهن كفيله اطلعنه الاخر بقعة بالعالم

نادين _ شو جهزت السياره

_اي ستنه

_يلا جاهد هلق توصلوني ع البيت وبعده تروح ع بيتك بكره الصبح بدياك هوون مزروع

_حاضر
صعدت وياها السياره جانت اخر موديل
رحنه الحي يمكن جان اسمه ابو رمانه ما اتذكر بالضبط بس حي راقيي راقيييي
بيتها جان عباره عن قصر مووبيت الحرس بالباب
الدنيا هوسه يمي على شنو كل هاي الحماية والفخفخة
نزلت فتحتلها الباب وصرت وراها
دخلنه وياها من شفت البيت من جوه
بقيت مذهول من جماله  و اعماره
انطت للسايق فلوس هواي تبين
و للحارس الثاني باوعتلي وبتسمت

_شو ما بدك

_ بكيفج

_احكي هي الكلمة مره تانيه

_بكيفج

_بكيفش

_ههههههه بكيفج جج
مو شش

_صعب كتير ها بس حلو زي صعوبتو

_شكرََا

_تعاا هي لألك

_شكرا اخذتها و طلبت منهم يوصلوني كتلها لا اني اروح عندي شغله  وبعدين اروح للبيت
خفت يوصلوني ويشوفني الافات شيخلصنه
اجرت  تكسي وطلعت للبار الكبرية ما اعرف شنو نطلق عليه لبست ملابسي و ضميت القاط ورجعت
لگيت البيت يلمع لمع وهدوء

مياسين _مووو توصخون شي خلصت البيت هساا

جاهد _انعل ابو اليوصخ البيت غير ادري تذبحيني

_هههههه لا ما اذبحك كافي عليك رحمة اعدام مستمر

_هههههههههههه
دخلت لكيتها نايمه غسلت ولبست تراك ونمت ما حسيت بشي بعد

سائد _اليوم جان الشغل مو بس متعب موتني هم ولازم على طول تضحك  وتجامل
ومن يجيك واحد سكران طينه يخليلك الفلوس بحزام البنطرون والله لو ما المبتغى انزع الحزام واوكعله دگ خلصت الفجر طلعت گبل للسيده صليت و شفتلي سيد حجيتله الي اريده  و انطاني الرقم الارضي الصديقة هو يعقد
حياتنه كلها تعب وغش
وصلت للبيت نمت بالصاله بعد ما ندليت دربي

ام سائد _گوووم يوم يلا لازم تروح  تجيب السيد وتجي

_ايي گايم گايم

مناسك _گاعده متوتره ما اعرف شنو اريد الحد الصبح واني  ساعه اگول ما اريد وساعة اگول ميخالف سكتي عقلي مشوش اجتي مياسين جايبتلي فستان طويل من رحمة

_جبته الج ما قبلت بس كتلها عساج ما قبلتي

_ما اريد البس منها شي

مياسين _ومنو طلب رأيج يلا نزعيي

مناسك _شنوو نزعي عيب

_ دنزعي نزعي خلي ارتبلج الفستان رحمة اسمن ويبين مبهذل عليج

مناسك _ما تقبل عليمن ملبستني منها

مياسين _وعساها ما رضت يلاا لا تعبيني
ذبت ثوبها بتسمت سمنانه صدگ ولج صايرات عندج زريرات

_صدگ

_اي و الله صايره تخبلين
هسا لبسي هذا التراكسود  وخليني اشوف الفستان عليج
جان لونه ابيض واخضر لبسته جان عريض نزعتهيا وخصرته ورجعت لبسته گعد عليها
خليتله مكياج خفيف ولفيتلها الحجاب فدوه للخديدات الطالعات لزمتها من ضهرها وطلعتها هااا شرايكم

ام سائد _اللهم صل على محمد

مياسين _ صليتي على نبيج خاله خزرت رحمة هااا شرايج

_حلوه

مياسين _كون نصلي عليج قريب العاجل
يالبومة

شوي وندگ الجرس طلعت ام راما وراما باوعت الصليل

صليل _ ما باوعت وعيونج 

_عفيه  اذا تباوع  اشلعهن والعب بيهن دعبل

_بس لا اطلعين بت صياح بالاخير انتِ

_انصبلك وكر هنااا

_هههههههه باجر المووعد ياا بنيه باجررر

_ونحن لهاا
تقرب مني وهمسلي ابوس كل شامه بجسمج....

اتأخر سائد خفنه السيد من يعرف ماكو اوراق ما يعقد بس الحمد لله وصل السيد وسائد انطو الاسماء الصحيحه ورجع  سأل  حتى يأكدون

گعد السيد ويمه مناسك وعلى جهه اللخ سائد
بده يحجي

_يقول الله
يا ايها الناس انا خلقناكم من ذكر وانثى وجعلناكم شعوباََ وقبائل لتعارفوا ان اكرمكم عن الله اتقاكم
ان الله عليماََ خبير

ويقول النبي محمد صل الله عليه واله وسلم
اذا خطب اليكم من ترضون دينه وخلقه فزوجوه، الا تفعلوا تكن فتنه في الارض وفساد عريض

مياسين _ كمل الاحاديث و الاقاويل وكلام يبث  الراحة بالنفس
ختامها
تنكح المرأة لاربع لمالها و جمالها ولدينها ونسبها
فاظفر بذات الدين تربت يداك
َبده العقد وبده يحجي المناسك وتردد وسائد كذلك

الحد ما باركلهم
مناسك ما شفت وجهه بعد شوي يوصل الحضنها
وسائد مركز هواي وي السيد ويطكطك بأصابع ايدي
خلص وسمعنه الاويها

واويهاااا خدودك طرايا
واويهااا زنودك مرايا
واويها تسلم عيون سائد
واويها نقاكي من بين الصبا
ولوووووش

مياسين اني كمت اوزع ابتسامات حتى هوساتهن نازكة
وطبعاََ اكيد سألت مو قال هو اخوها كيف تزوجو

جاوبتها اني جان يمزح وياج
وهيه المرأه عبالك ابنها معرس باركت وضحكت وسولفت وهلهلت وراحت

طلع جاهد وسائد وي السيد
ورجعو

مياسين _مبروك

سائد _ الله يبارك بيكم يابه شصار بحالي من رحت للسيد

صليل _حضنته الف مبروك شصارر

جاهد _تعال ولك احضني مستعجل  اريد اطلع للشغل

سائد _ايي  اطلع اني هم اريد اطلع
يابه غير گتله  ما عدنه اوراق كتله احترك بيتنه ونهزمنه من الحكومه
ما حجة بس اكد اذا البنيه ابوها موجود  وهيه باكر
لازم الاب يحضر
كتله يتيمه امس گتلك اني

گال منو المسؤول كتله اني مسؤول منها هيه ما عدها سند اني معيشها يم امي واريد اعقد عليها حتى لا نوگع بالحرام
يابه مجد بيه و گال  عفيه بيك ومن هاي الامور نشف ريجي واني اجيبه

رحمة _الف مبروك

سائد تسلمين خويه باوعتلها وضحكت
مبروك يا طيف مر وعلعله الگلبي

مناسك _ الله يبارك بيك

_ما ترحمين بحالي وتجين تنطيني حضنه وتخليني اروح للشغل متونس

مناسك _شوفي خاله شنو كتلج

ام سائد _ لا يوم خطيه شوي شوي شبيك

سائد _شوي شوي شحاجين احنه يلا خلوني اروح اتأخرت طلعت من البيت واني الكون كله ما سايعني للحضه شكيت بروحي سويت هاي الخطه الخاطر هاي اللحضه بس
طلعت الشغلي بكامل سعادتي بكامل قوتي
وصلت هناك لگيت جاهد واكف يم اليسموها المعلمة و يسولف ويضحك وهيه مندمجة ويا
رحت لبست ملابسي طلعت ما لگيتهم شنو اختفيت ولك
بقيت اشتغل الحد الفجر
جانن يجن سكرانات البوس بفلس من بعيد وقريب بس اتعده من يمها تلمس ايدي وتوكعلي بوس من بعيد لو تگوم تتقرب الي
جنت بعزز الحب ولهفتي الها ما طافيه حتى اجاوب وياهن بالعكس ابعد لأن بالي يمها  و اريدها وهيه مانعتني خاله بالي يمها صعب هساا يجاوب وي غيرها
الفجر خلصت وطلعت للبيت گبل
دخلت هدوء عشر دقايق على الصلاة
واني الشيطان يوسوسلي انام بقيت احجي وي روحي
اذا هسا تجي وتنام على ايدي شسويلها
والله ما اسوي شي سائد  ويعرف نفسه يبقه يباوعلها يباوع النعمة الله المطشرة

مناسك _طلعت   داريد اتوضى واشوفه يحجي وي روحة ويضحك بيك شي

سائد _بيه انتِ وين رايحة

_وين رايحة قابل  اتوضى

سائد _ هيه طاعات الزوج مو فرض من فروض الاسلام

_ مستحب

_ههههههههه ما تجين تحبيني شبيج

مناسك _ صلاة

_نصلي وتعاي يمي

مناسك _صلي واجي يمك

_عليج السيدة زينب

_هههههههه لا شكرََا اضحك عليك

ام سائد _ ها ولج نيزك اضحكين على ابني

صليل _ هسا عرفتي  خاله ابنج صاير مضحكه من زمان لفريخ الدجاجة

مناسك _ مياسين منو يوميا يجي بالباب يطلب لو كلمة كلممممة وحده

صليل _عاباج الله يا نيزك بقت تعير بينه باجر تصير حلالي واريد اشوفج تحجين كلمة كلمممة

مناسك _ لا شدخلني بعد يلا هسا صير حباب ووخر اريد اتوضى

مياسين _ايي اريد نتوضه

صليل _حتى تدعن علينه اني ادرري

مياسين _ما ينطيني گلبي

سائد توضيت صليت وهيه هم فتحت باب الغرفه غطت شعرها
تره طوختيها يا بنيه

مناسك _ما طوختها بس شعري مو حلو هيج ارتاحيت

سائد _ تقربت منها كنبصت وصرت موازي لعيونها ما بيج شي مو حلو بأصابيعي جريت الحجاب بهدوء كلشي بيج حلو انتِ وشعرج وعيونج السحرني
و هدوئج
مناسك _قبل جم يوم تصيحلي الفاهيه هساا هدوئج

سائد _ ام گليب ما تنسيت شي

_لا ما انسه

_ عدلت گعدتي وتقربت منها باوعت الامي بعدها تصلي امي تطول بالصلاة يمكن تصلي الصياح وياها مدري شسوي اغتمنت الفرصة
وتلمست بطراف اصابيعها خدها غمضت عيونها
ما اريد اغصبج بس رحميني بس تعاااي يمي

_واذا اجيت يمك تتونس

_اتونس!! اطيررررر السعاده تلبسني جناحاتها حتى الوح الافق

_.....

_تقبلين تجين يمي؟؟

_ لا

_زين نص ساعة

_وشنو تسوي بهاي النص ساعة

_بس انومج على صدري والله ما اسوي شي

_سائد  ما اريدد

_فدوووه حسيت بيها نجرفت وي حجيي رخت وي توسلي بيها مجاللل

مناسك _نص ساعة

_مو اكثر

_ووين نروح حتى مكان ماكوو

سائد _ طلعت بالصاله صفكت الصليل ابو الصول اتركلي الغرفة الليل

_ تره راما هسا نايمه

_نجب

صليل _ادري نيزك تستحرم لعد شراح تغتصب الحيطان

سائد _دسكتتت يمعود لا تغير رايها نص ساعة بالگوه قبلت

صليل _ هاي طالعة تبياته مو مرأة ورجلها

سائد _ نزعت حزام البنطرون و شمرته عليه دسكتتت رحمة  للسان الكح... الشايله

صليل _تعدت من يمي خجلانه اجيت اعفطلها
بس گلت لا تغير رايها وسائد يجي يتبالش بيه
باوعت المياسين وعضيت شفتي
ما اطلعين نص ساعة اقصد تجين

مياسين _بالحلال عوود

صليل _دنعل ابوج لابو الحلال بت ابو الديوجة

مياسين _هههههههه
.....

مناسك _ دخلت للغرفة هو فرش الفراش
ذب بنطرونه ولبست سرواله بس الفالينه ما لبسها

سائد _تعااي

مناسك _اي البس واجي

سائد _مووو كتلج انومج على صدري

_ اي عريان؟؟

_ايي لعد شلبس بطانيه تعااي ولج كاافي مووو فتتي الگلبي

_تقربت منه ما جنت حابه ولا اريد بس اريد اشوف هاي النص ساعه شنو تفرق عنده شنوو تسويله
فتح ايده نمت عليها قرب راسي الصدره تحديداََ على گلبه باس راسي وغطاني ونام
اذا اگلكم سائد ما طول خمس دقايق تگولون تجذب بس نام
نام بدون شعور بس ايده مقفلة علية بالعشرين دقيقة هيج  و  التف ضمني الصدره اكثر وحط ايده على بطني
همس بصوت ناعس هم يجي يوم وتنترس هاي  البطن بوليد منييي

مناسك _ رأساََ عقلي الباطن جاوب وحبوب المانع وين تروووح
من بعدها ما گدرت ابقه لحضه صعببب حتى لو بيه شي يحاول البقية تعادي وتهجم وخاصه افكارري گمت
باوعلي ما خلصنه النص ساعة

_بعد ما اگدرر سائد فدوه

سائد _مووو انتِ تردين الحلال هذااا الحلال قابلل  اني هسا كفرررت  وهيج تسوين بيه ادري الفات مؤلم بس الحاضر تعذيب الييي

مناسك _مو گلتلك خالتي شوي شوي

سائد _ روحي الله وياج مدام خالتج كالت

مياسين _الصبح گعدت اني رحت الصليل يگعد سائد حتى يجيب السيد ونعقد
يمكن جنون مني بس حبيته اني حالي حال اي انسان حب ويريد حبيبه

سائد _طلعت اتصلت علي السيد واجاني
والكارثه جان   نفس السيد لا اگدر ارجع شافني  ولا اگدر اظل بمكاني شگله
استغرب من شافني

_ليش ما كتلي امس اخوك يريد يعقد جان مره وحده  عقدتلكم اكو شي مريب احجيلي  فهمني

_احجيلك وانت قرر بعدها حجيتله كلشي ما خليت شي ما حجيته اله  بس سالفة جاهد و رحمة ما حجيتها واكيد ما كتله اني شنو سويت بالسجون بس حجيتله الاغتصاب واحنه جنه مجبورين وهسا احنه اريد نزوج ولحيت بهذا الموضوع هواي

_حسبي الله ونعمة الوكيل
الله قبيل هاي العصابه
ربت علي جتفي وگلي گووم مدام الله هداكم وتردون البنات بالحلال ومدام تحل عليك وما بيهاا حرمة  اني اول واحد يشد على ايدك بهاي الخطوة

مياسين _ تم عقدي بكل سلاسه وعقد رحمة
طلع السيد
وصليل رجعلي يهوس بالصاله

_واويهااا يا بنيه صرتي الي
واويها اليوم اشيلج فوگ ظهري وافتلي
واويها يا ناس اسمعو
مياسه صارت مسكني
وكلووووش

سائد _موو انت تهلهل ولك

صليل _ هسا انت منصدم من الهلهوله ما منصدم من الاويها وهسا وخر بلا زحمة انطوني مرتي والله وياكم الشغل يرحب بيكم اني مجاز الى يوم القيامة

مناسك _فرحتهم تخبل خاصه مياسين هيج ضحكتها تبشر بالخير تضحك من كل كلبها
اخذها وهو يهلهل ويصفك الروحة ودخلو غرفتهم.

سائد _مووو تفشلنه الحيطان  بس منظر كلشي ينسمع

صليل _ راح ابوسها على صامت ولا يهمك

جاهد _يلا يمعود اتأخرنه

مناسك _ هنا تسكن  العبرات
يم جاهد
هيه دخلت وهمه نزلو

سائد _ شنو ما راح تجي وياي

جاهد _ اروح البيت المعلمة وبالليل اجي للبار

_تمام انتظرك

جاهد _ اجرت  تكسي وطلعت بس وصلت الحماية البره حاسبت دخلت للبيت طلعتلي الخدامه جنب المسح تلاقيها

_فتحت الباب العباره عن زجاج جانت گاعده على المرجوحة لابسة فستان طويل كيمون ملون وفاتحة شعرها منطقة الصدر تقريباََ كلها ظاهره
صباح الخير ست نادين

_صباح الياسمين شوو بدك تظل واقف

_ما حابة تطلعين اليوم

_لاا ما بدي   

جاهد _ تشرب من العصير اليمها وتباوعلي وترجع تباوع للمي الي بالمسبح اني احتاريت وياها اذا متريدني ليش گلتلي باجر تعال بهذا  الوقت وجداََ  مهم

نادين _ ما بدك شي جاهد

_يعني شنو

_يعني  اي أشي  حكيلي اي أشي  حكيلي عن امانيك

_والله اذا اكلج اقصى اماني العمر بنيه احبها تصير الي وتحبنييي
تگليلي ما اسهل امنيتك
بس سبحان الله لا الله ولا الطبيعه راضيه بهذا الزواج

_ يا حراام ليه

_لان هيه ما تحبني

_ اذا بدكياها  معلش نخليها توافق

_شلون

_بالمصاري كلشي بينحل  انا اعطيها الي بدهيا المهم تصير لألك 

_واذا اكلج المصاري ما تحلها

_مافي  حد بهاد  العالم ما يضعف قدام المصاري

_ واذا اجتي يمي وهيه ما تحبني فادت المصاري؟

نادين _تعا لألي انا بحبك

_ههههه كلج ذوق ست

_بحكي الحقيقة جاهد انا بحبك
تعرف انا ما جبت هدول بالساهل
بس مو بالصعوبه الي بتتخيلها هيه كلها ليله مع هاد وليله مع هاد وضحكه مع تاجر  وحضكه  مع مدير  هز وسط بالبار حتى صار صاحب البار كلب لألي و انجمع هاد كلو
بس لما عرفتك صرت بتمنى هاد كله يروح
وارجع انا البنت النظيفة و  نتقابل بحي الله مكان وتعجب فيني ونتزوج
اكتشفت هلق وانا احكي
امنيتي انت وامنيتك حد ما بدياك
قديه هاي الدنيا ظالمة

يتبع.....
نادين وجاهد شنوو توقعاتكم للقادم؟؟؟