الكاتبة ( نون النعيمي ) ✨!
بلسان ادريس يكول :
احضني آريد ابجيلك العندي
مآ معقولةه ما الكاك ،
عندي سوالف متيهات
منو اليحضني وآحجيها .
.................🤍................
بعد مرور شهرين ..
علي : يمعودة تعايي ازقنبي اريد اطلععع عندي دوام
_ جيت لتصيح ، نزلت واني اتمنى ارجع انام لان اليل كله اقرة
علي : صباح الخير برنسس ربُى
ربُى : صباح النور
علي : يلا اكلي حته ترحين للمدرسة لتتأخيرن
ربُى : وفف بعدني نعسانة
علي : من تنجحين عود ناميي
اقترب مني باسني من راسي وانطاني الف دينار
ربُى : شكد مكدي شنو الف مدكول اختي الصغيرة يعجبة تاكل شي والله يا الله
علي : دكافي كافي انتِ منو يكدر للسانج
رجعلي طلع الف لاخ من جيبه انطاني اياه
علي : هاج ام بطن شبعي
ربُى : تاج راسي اخويه علاوي
علي : ههههههههه شكد مصلحچية يلا اني طالع ديربالج لتتأخرين
ربُى : خوش
_ طلع علي واني كملت ريوكي الي چان عباره عن لفة جبن ومربه وكلاص حليب
كملت وصعدت بدلت ماعرف اسوي شعري لان رجع ديطول ف ضفرته ضفيره عاديه وعفته
مر شهرين وحنه بغداد محد من اهل ابويه قبل ياخذنه عنده ولا خوالي قبلو ف قررنه نكعد بالشقه الي چان ابويه كاعد بيه اخويه بده يدرس للسادس ويشتغل بنفس الوقت واني خامس ابتدائي ممقصر ويايه
اخويه يشتغل عماله من يرجع من المدرسه واذا عنده دوام ظهري يطلع الصبح يشتغل
حياتنه كلش اتغيرت خلال هاي الشهرين بعدنه ممتأقلمين ويه بغداد احس روحي غريبه اهنا ممتعوده حتى ع الكلام اللي يحچو كلش اشتاقيت للبصره خلال هاي الشهرين احس روحي كلش كبرت خلال هذا الوقت
ماعندي صديقات اتمنى يجي إدريس اهنا لان هوه صديقي وهم لان كلش ضايجه وحدي وماعندي احد احچي وياه
حضرت جدولي وطلعت من البيت وقفلت علي اول ايام وره مكملنه النقل مال مدارس هوه چان يوديني بس هسه ميكدر لان صار عليه ضغط
كمت اروح وحدي واجي لان قريبه المدرسه
مريت ع المحل اشتريت بطل مي وتوجهت للمدرسه
دخلت للمدرسه ابجهي للصف خلال هل شهرين عرفوني المعلمات لان شاطره ، صح جيت بنص الدوام بس برزت نفسي من الدراسه
طلعت كتبي وكعدت ع الرحله كاعده وحدي لان كلهم عدهم صديقاتي وكاعدات وياهن والولد كاعدين ويه الولد بس اني وحدي
داكلب بالواجب مال يوم
اجن اثنين بنات وكفو يم رحلتي يباعون عليه
:- اسمج ربُى مو؟
:- اي
:- جايه من البصره؟
:- اي
:- ليش جيتي اهنا
:- ماعرف هيه صارت وانقلت
:- صدك يتيمه انتِ؟
_ خنكتني العبره من كالت هيج بس اذكرت كلام علي كلي صيري قوية حتى محد يكدرلج
:- اي يتميه امي وابويه اثنينهم ميتين اكدر اساعدج بشي؟
:- لا حبيبتي بس داسئل اني
:- زين اذا كملتي تكدرين توخرين لان داراجع
وخر من يمي وهمه مستغربين من طريقة كلامي بس لازم اتعود واصير قويه ومابين ضعفي الاحد من هسه من اني وصغيره حتى محد يكدرلي من اكبر
اجت المعلمه امتحنه وچان كلش سهل بس كله ادكول صعب لان مقارين
خل الدوام واني كلش فراحنه لان جاوبت
وچان الامتحان سهل
رجعت للبيت چان علي بعده مجاي
بطني توجعني من الجوع سويتلي لفه مال جبن ومربه ومددت ع القنفه واني اقره بالواجب مال باحر بدون حتى ما ابدل ملابسي
غفيت الحد ما كعدني علي وصعدني الغرفتي .
حياتنه صارت كلش صعبه صرنه سند البعض اني وعلي اخويه منكدر بدون بعض يساندني واسانده
نجحت من الخامس وبديت اقره للسادس واخويه بده يداوم جامعه
ويه الوقت علي كام يشتغل شغلتين سوه ويداوم لان العيشه صارت اصعب كلش
الصبح يطلع عماله الظهر يداوم وبالليل بمطعم
بكل هاي الظروف والامور متركنه دراستنه
علي صار اللي ام واب حنيته عوضت هواي امور احتاجه ، مخلانه نحتاج احد چنه ناكل من تعب علي اذا اشتغل ناكل مشتغل مناكل
يوم وره يوم الايام اتصير اصعب ويكبر الضغظ اكثر كلما نكبر تكبر المسؤوليه وانصير احنه المسؤولين عن انفسنه واعمالنه
خلال هاي الفتره محد سأل علينه ولا احد اجانه وكال شمحتاجين ولا احد انطانه ربع دينار كله من تعب علي ، اصلاً نسونه ويه الوقت
مره من الليالي علي كلش اتأخر بالرجعه للبيت
ضليت اروح واجي بالبيت
الحد ما فتح الباب بالمفتاح بس سمعت صوت المفتاح ركضت ع الباب
اشوف علي وجه كله ازرك ومنفوخ واكو دم بحلكه
ضليت واكفه بمكاني وارجف وعيوني كامت اذب دمع بدون ما احس
علي فات من يمي وراح كعد ع القنفه بدون ميحچي شي رحت وراه كعدت بصفه واني ابچي
ربُى : شبيك
علي : مابيه شي اتعاركت
ربُى : ليش شلون تعاركت
علي : حتى حمامات اغسل بالمطعم وبالاخير مينطيني يوميه يكلي انتَ شمشتغل
ربُى : الله لا يوفقه ان شاء الله
علي : خل يولي يمعودة اني هم لزمته خوش كتله كتلته بس اندارو عليه اربعه من العمال الوكين مالته مكدرتلهم كلهم
ربُى : شكد جبناء يا الله
علي : روحي نامي لتهتمين وراج دوام
ربُى : وانتَ تبقه هيج
علي : لا حطب اسبح صعدي نامي
_ هواي مواقف وامور مرينه بيه سوه هذا الموقف لا شيء يم المواقف البقيه هواي امور صعبه عديناه سوه ومستمرين ..
.................🤍................
بعد مرور ٨ سنوات ....
:- الووو وينن صرتي
:- وصلت وصلت يمعودة
سمعت صوت الباب اندكت
ربُى : فتحت الباب وعطت ابجه صدك تحجيننننن لينن باعي ساعبيش ونبي اذا رزلني الدكتور من وراج اطيح حضج
لين : اهوو يمعودة ميرزلج هسه قابل كل يوم متأخرين احنه
_ استغفر الله يلا امشي ، طلعنه من البيت وتوجهنه السيارة لين صعدنه وبدت اسوق
لين : اكلج اخوج وين
ربُى : شعليج بي عيونج ع الطريق لا اعميه
لين : اهوو هسه انتِ شبيج نحسه مدكليلي
ربُى : معليج ميخصج ليش نحسه
لين : اوييي هسه اني ميته ع اخوج
ربُى : اي ميته عليه ، وباوعتله وغمزت
لين : شكد خبيثه اويي خل اشغل أغنيه احسلي
ربُى : شغلت اغنيه جانت كلش حلوه بديت اتعمق بيه تكول :
ع بالي ولا انتَ داري بالي جرالي
والليِالي سنين طويلة سبَتهالي
يا أنشغالي بكل كلمةِ قولتهالي
كمية مشاعر وحب بهاي الاغنية مو طبيعية توديك العالم ثاني قاطعت تفكيري لين وهيه دكول
لين : لجج نسيتت الحمرهَ مالتييي الحمره
ربُى : صدك تحچين عبالي بيج شي عادي اني شايله حمره عود من نوصل اخذيه
لين : دجيبيه هسه خل اخلي
ربُى : انجبي وسوقي مابينه حيل انموت من وره حمرتج ست لين
لين : شكد نفسيه عفيه انتِ ربُى
ربُى : خوش اني نفسيه ميخالف بس وصلينه بخير
خلال هل ٨ سنوات عشنه حياة كلش هادئه اني واخويه ، علي بقه ويايه ورباني وصرف عليه اشتغل وعوض مكان ابويه مشتغل الشغله مال عقارات مثل ابويه ، اشتغل عماله واشتغل بمطعم واشتغل منظف واشتغل حمال كلشي يجي ع الباب اشتغله علي في سبيل منحتاج احد ونطلب من احد
من كبر ودرس ودخل جامعه وخلاني اكمل دراسه وحالين هوه مدرس لغة انكليزيه وممزوج بعده ، جانت حياتنه ابغداد كلش حلوة ومابيه اكشن ، كملت مدرستي وحالين اني مرحله اولى طبيبة اسنان طلعت معدل ٩٨ حققت واحد من احلامي وحلم امي وبعدني مستمره واسعى حتى احقق اكثر
معدلي كلش تعبت عليه وسهرت وجبته بتعب كلب ، مجنت امصدكه من طلعتلي طبيه ، هذا واحد من انجازاتي ونصه يروح الاخويه لان ضل ويايه ومعافني ابد وشكو شي اني حققته يرجع الاخويه
مرينه بضروف كلش صعبه اجت ايام ماعدنه شي ناكله لو نشربه اجت ليالي متنه من البرد بيه ماعدنه صوبه
بس رب العالمين معافنه وضال ويانه بكل وقت ودقيقه
عوضنه بهواي امور حلوة واوله حلمي
صرت مره وانسانه قويه معتمده ع روحه
بطلت اكون الطفله الضعيفه اللي تبچي باليل وادور ايده تحضنه وازيح خوفه
صرت انسانه كلش قويه ، قويه الدرجه احس ماكو مشاعر بداخلي ماكو احساس وخوف ، ماكو غير الفراغ والسواد بداخلي .
.................🤍................
بالبصره تحديداً ..
_ هدوء يمعودين حيجي الضابط اسكتو
شخص : يمعود شثابرينه بي
شخص ٢ : دسكت لك غير متعرفو بعدكم
شخص : بس صدك صغير هوه مثل ميكولون
شخص ٢ : لك اي حسب م سمعت بعده صغير بس كلش هيبه خرب يومه المركز كله يطكطك من اسمه
شخص : لعد شون صار ضابط
شخص ٢ : لك غير واسطه شلون يعني برئيك
شخص : ماكو هيج بلد خايس الرايح والجاي يصير ضابط والله الي عنده واسطه يعيش ملكك
شخص ٢ : دسكت يمعود عااااد
:-عوفه عوفه خل يكمل الاستاذ
وكفت كباله وكتله كمل ليش سكتت
:- س س سيدي اني اسف مجان قصدي
:- شنو الي مجان قصدك عليه بالضبط ؟
:- س س س سيدي
:- لكككككك احچيييييي شبيككك ملطلط بيبيتيييي تحچييي اقوه منكككك
:- حاضررر سيديي
:- اله برزايل يله تمشون عدل
انتوو الي حتصيرونن ضباط عوود وتحمون الشعبب
واضحح الشعب هوه الي حيحميكم يا فاشليننننن
جان كلامي موجه الكل اللي بالقاعه جنت اشوف الرهبه والخوف بعيونهم جنت اشوفهم مثل الاصنام يخافون حتى يرمشون ضحكت بكلبي ، اكره الناس الجبناء اكره الخوف العدهم
يلااا الكل ع شغله ماشوف احد
_ثواني وصارت الغرفه فارغه
نزعت شفقتي وخليته ع الميز كعدت ع الكرسي ومديت رجلي ع الطبله وتچيت راسي وغمضت
دقايق ودخل شخص
احمد : لكك هاي شنوو هيجج تعبانن
إدريس : رفعت راسي شفت احمد حچيت واني ارجع راسي
شجابك ؟
احمد: يابه جيت اشوف عضيدي
إدريس : لشوفه
احمد : دنجب هوه بكيفك
باوعتله صفح واني اخزر بي
احمد : لكك عميي عرفنه ضابط والدنيا كله ترجف منك بس مو ويايه
إدريس : ههههههههههههههه تعال چلب تعال
اجه حضنيي وكعد ، لك شوكت رجعت
احمد : اليوم الصبح
إدريس : غير ادكلي لعد چان جيتك
احمد : انجب لك ماكو فرق
إدريس : هيج الزواج يخلي الواحد يصير حلو
احمد: لكك ايي صاير اموت مو ولعبت بلحيتي
إدريس : جذب بعدك وجه الچوبب حته الچوب احلا ظلمته والله ههههههههههه
احمد : سخيف مصيرلك جاره لو بعد ميت سنه
إدريس : من تصيرلك عود نتفاهم
احمد : اهوو اكوم احسلي ليش متعب روحي ويه واحد مطي
إدريس : احسلك والله
سلم عليه احمد وطلع من الغرفه ، رجعت راسي ع الكرسي واني مغمض فكرة توديني وفكرة تجيبني .
_عشت بالبصره ويه والدتي والدي تمرض وصار شلل وره سنتين توفه قررت اشتغل واعين امي رغم ابويه عنده مزرعه ومحل نجاره شكد جان انسان قاسي وظالم بس كلما اذكره اترحمله واكول هوه الي سواني رجال . كملت سادس ادبي بمعدل ٨٧ مدخلت جامعه عينيِ عمي وياه بالجيش چان ضابط معروف وعنده رتبه وره فترا صرت ضابط صح مدخلت كلية عسكريه بس اتعلمت كلشي يخصه
صرت انسان اله هيبته ورتبته صار الكل يخاف مني والكل يحاول يتجنبني احمد ضل صديقي وصار ملازم وتزوج بالجديد
مريت بطفوله قاسيه ومرحلة المراهقه بعد اقسه
كضيته اشتغل واقره الحد ما صرت باللي صرته هسه .
...
:- هاا كملتي المحاضره ؟
:- يي وترزلت لان تأخرت من وراج ست
:- هسه ديلا يمعودة شصار قابل ، صارلي ساعه منتظرتج
:- ي هوه كله يمعودة عندج لو احد يموت كدامج هم ادكليله يمعوووود
:- دبس بس تعاي خل اشربج عصير رمان
:- عود دتقشمريني
:- هاي شبيك حب غير اعرف بيج تحبي
:- اوكفي خل ادك ع علي لان اريد اشتري ملابس هم وچم شغله محتاجته
:- ديلا دكي
_ طلعت مبايلي من الجنطه ودادك ع علي يدك ويدك وميشيله
لين : اخاف بالدرس او شي
ربُى : ي يمكن يلا خل انروح عود من ارجع اكله
رحنه المول ..... ضلينه نفتر ملكيت شي معين يعجبني ف دانتمشه اني ولين لفت نضري فستان اسود چان طويل وبي فتحه من الصفح ويكون ربع ردن ساده كلش بسيط بي حزام اسود بي شذره حمره
لين : بربج هذا يلوك للطويلات شيطلع عليج دشداشه اسحسل ههههههههههههههه
ربُى : ههه كلش ضحكت اصلاً انتِ تغارين من طولي الحلو
لين : دسكتي يمعودة ليسمعج احد ويطكج بضحكه
ربُى : ديلا عساس انتِ شونج
لين : ع الاقل طويله مو عبالك وحده صف رابع ابتدائي
ربُى : هسه لازم اضحك اني
لين : يي هههههههههههه لج سوي چاره النفسج وطولي خزيتيني حته استحي امشي بصفج
ربُى : ترحين فدوة الطولي اصلاً تغارين وهيج تحجين والله اله اشتري واكسر عينج ديلا
لين : عساس طول غزال هوه انتِ شبرين مابيج
_ باوعتله صفح بداخلي كلت هم صدك بس ميمنعني انو اشتري
قررت اشتري وفعلاً طبيت حتى اشتري لان كلش حلوه ويطلع علية يجنن بعتبار اني بيضه وشعري اسود طويل للمعلومه اني مو محجبه
عاملت عليه وشتريته
لين : لج يموتت بس انتِ قزمه مدري شلون حيطلع عليج
ربُى : يطلع يموت معليج انتِ بس طلعي منه احنه بخير
لين : هم عاجبته روحه القزمه
ربُى : كوووولش عاجبتني
بس اكلج اني متت جوع
لين : يلا امشي ناكل فوك اني هم جوعانه
:- يلا امشي
اني مشتهيه لفه همبركر جبن
لين : لج اني ماعرف شاكل يمكن حطلب بيتزا
ربُى : اوكي ، رحنه كلمن يطلب الروحه رجعت للميز انتظر لين تطلب دقايق وجتي لين للميز
:- ها طلبتي
:- ي طلبت بيتزا صغيرة وببسي
:- ي زين
_ ضلينه كاعدين انسولف بين ميمر الوكت يمكن اصعب انتظار بالدنيا هوه انتظار الاكل
كامت لين قبلي لان مرت ربع ساعه تقريباً داكوم وراه بس استوقفني شخص يصيح ربُى ربُى
انداريت حتى اشوف منو
وچان ....
هل يا ترى راح يجمع القدر بين اعجاب الطفوله ؟ ومنو الشخص الي نادى ع ربُى ؟
.................🤍................
الهنا ويكون خلص البارت طبعاً البارت طويل سويته مثل مكلت راح تكون احداث مشوقه وحلوه واكيد بطلة القصه جاي اتابع وياكم ♥️!
القصة من النوع " القصير " يعني قصه قصيرة بكل احداثه.