سلامٌ للقلوب التي تُحبنا ببساطة💕💕💥💥
................
راحت حنين اطك صور ويا البنات وتفاجأة بجية بنت خالتها رنا
حنين : لككك احلى من اجه يبعدي هم زين جيتي مشتاقتلج
رنا : انجبي بلا لواگة شلون طالعة بربج
حنين : غير اتكطعين
رنا : ترا اعرف اني حلوه ماكو داعي يعني 😌
حنين :🙂
جابت ايباد مالتها رنا وطكو صور على سناب بأيام فلتر الورود 😭😂 وضلو يطكون صور منعجبات بنفسهم فجأة ايات وابن خالتها احمد فتح دي جي وكاموا يركصون بالحوش على ردح على دبكات على تركماني .....
فجأه هلهلت حنين وطب ابن عمة حنين عمار وابن عمها مهند
عمار : ولكم عيب متستحون على نفسكم متكولون الناس شراح تكول علينا
حنين والبنات تفشلن رغم الفشلة مامتنعوا عن الركص ومهند يباوع ع حنين وحنين متدري عي بالها تركص ويا البنات وفتحوا سلوو
حنين و رنا ركصوا عبالك همه العرسان وراهه جتي العروس طكوا صور ويه عروس وراحوا بيت العروس وضلوا يبجون وودعوا العروس
حنين : لا تنقهرين شمس هاي سنة الحياة اختج الحمدلله تزوجت واحسن عائلة يوم الج
شمس : حبيبي انتي ان شاءالله
طلعوا ورجعوا للبيت راحو بيت عمار وحنين فجأه تخربطت احوالها
حنين : عمو عمار اني عندي امتحان تاريخ يوم ثلاثاء اريد ارجع ع بيت
عمار : بنيتي رجعي ويا بيت عمج همه ياخذوج الولد ان شاءالله ع بيتكم
حنين : اوك عمو شكراً
راحت حنين ع شمس عمود تكوللها تجي وياهم
حنين : شمس اني اجي وياكم اليوم ابقه يمكم عمود باجر ارجع للبيت ويه علاوي
شمس : والله حنين اني مراح ارجع عمود سبعة اختي وامي هم نضل اهنا
حنين كلش انقهرت شافت نفسها وين تروح وحدها يم ولد عمها تبقه هم اصولاً محلو الابنيه تبقه بيت الولد صح تعتبرهم مثل اخوانهم بس هم ميصير ضلت مقهوره والدمعة بطرف عينها فجأه دانيه مرت ابن عمها جتي حجت ويه حنين
دانيه : عمري ضلي يمي اليوم مابيها اشكال وهم باجر اسوي اطيب غده لعيونج لا ضوجين
حست حنين شويه ارتاحت انو راح تبقه بيت دانيه مرت ابن عمها كلش حبابه هي صح مواليد 95 بس روحها مرحة
حنين : ماشي عمري تسلمين
اجه سائق التكسي الي يوصلهم يصير صديق ابن خالتهم حنين ركبت اول وحده وره السائق التكسي وهي مو محجبة ولابسه تراك وهي صغيره وناعمة كلش السائق التكسي يعدل مرايه وممطفي ضوه مال سياره ويباوع ع حنين وحنين كلش تستحي متعرف شتسوي شافت من الجامة مهند يباوع عليها هي مماخذه راحتها فجأه من حركة مهند خلت حنين تتحرك مشاعرها اكثر اله وتميل ازيد
مهند : طفي ضوه السياره
السائق التكسي : هااا ماكدر اشوف زين لان نظري ضعيف
مهند : اطفي لو اكسر ضوه بنفسي ؟؟
السائق التكسي : بخوف ( حاضر )
حنين من فرحة الابتسامة تبين عليها ممصدكة هيج سوه مهند علمودها كامت تفكر تكول ( شنوووووو بس لا كام يغار عليه 😍🤣 )
كعدت دانيه بصف حنين وبصف دانيه مهند وكدام السائق زوج دانيه واطفاله اهنا تعبت حنين ونامت بسيارة بس طسات متخليها تنام براحتها فجأه حست اكو واحد خله ايده جوه راسها وهي محست بروحها ونامت.....
......................
شراح يصير من حنين تبقه بيت داينه هم مهند راح يجي بيت مرت اخو ؟ علمود حنين !!
الكاتبة: Panda 🤍🐼