مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه.
"""""""""""""""""""
سويت العصاير وخليتهم بلثلاجه
وغسلت لمواعين الي شتغلت بيها
ورحت صعدت فوك بغرفتي اصلي
لاكاني سلام توه طالع من الحمام
ودخل لغرفة سامر
دخلت للغرفه صليت وكملت ونزعت الازار
ورحت دكيت لباب
سلام: تفضل
فتحت لباب ودخلت لكيته يقلم باضافره
رواء: مساء الخير نعيماً
سلام : مساء الورد. شلونج ست البنات
رواء: يروحي زينه الحمدلله
كمل وخله المقراضه بل مجر
ومد ايده اخذ لباكيت شعل جكاره
سلام: اي ست البنات احجي شكو ماكو
بتسمت :مثل شنو بله
ضحك بصوت عالي
سلام :اي صيري غبيه ولله كلشي تعرفين
ضحكت
رواء: والله ماعرف شتقصد على شنوو هيه اخبار هواي بس على جهه معينه غير تكلي
سلام: لا هيج خلي تولي
وكام خله الجكاره بنفاضه
سلام:حنوشه اخذي قميصي اكويه اريد اطلع
رواء :تدلل ماشي
قبل لااطلع
رواء: سلام تقصد على عذراء مووو
حجه وهوه شبه لمعصب
سلام: اي ق..... هاي شبيج انتي انا عفتها من زمان ومافكر بيهه اصلا علمود فلوس باعتني بكل سهوله بقه گلب يحبهه بعد. استغفر الله العظيم واتوب اليه
شوفي احنا مو كلشي بهاي الدنيا نريده لازم نحصله
لان هاي دنيا متعرفين شوكت تصعدك وشوكت تنزلك
وهيه الله يسامحه ركضت ورى سراب الدنيا وصدمها بل اخر ورجعت محمله بل خيبات
وياريت تعلمت من هاذا الدرس رجعت عليه وتريد تخرب حياتي وتعفسهه من جديد حضرتها اكثر من رقم وترجع من رقم جديد
ضليت مصدومة من تصرفات عذراء يعني اذا تحبين سلام ليش خنتيه وعفتيه وزوجتي هسه صار عزيز
زين منين جابت رقمه لان هوه غير رقمه من وره معافته صدك نصدمت بتصرفاتهه
فززني من تفكيري
سلام: يله اكويلي القميص بسرعه رحيم جاي يدك عليه خبصني خبص
گلبي رجف من سمعت أسمه
و مادري شنو صارلي شعور اول مره احس بيه بس ماعرف شنو هوه
روائ: اي هسه دقايق اخذت القميص بسرعه كويته ونطيته اله
أخذه مني يلبس بيه وهوه يمشي
سلام: وين صرني يمعوده رحيم بلباب منتضرني وينج هوه قميص نزلت وراه
كاعدين ابوي جاي
ام سلام :وين يمه راح نتعشه
سلام :تعشو يمه بلعافيه انا معزوم يم اصدقائي
أم سلام: واحنه يمه مالنه حصه بيك بس أصدقائك هم نريد نشوفك متكلي شوكت نشوفك واشبع منك باجر تجي لمسعده وتاخذك واكوم ماشوفك فدنوب
سلام: حجيه فد ساعتين ثلاثه ورجع ماطول واكعد وياج للصبح شتردين بعد من رخصتكم
ابو سلام : الله وياك وليدي معليك بكلام امك الي بس تريد تحجي
طلع سلام
ابو سلام: اكلج انتي ماتعوفين الولد بحاله كل شويه وذبيتيلج حجايه واذا تزوج شني يعني وياج بنفس البيت وشبعي منه شوف.
ام سلام : وين اشوفه بلدوام ومن ينزل بت جميله المسمومه تأخذه وتعلكه فوك يمها مثل امها عدهه حظ الزلمه يباوع لحلكهه
حجه ابوي وهوه الغضب يطاير من عيونه
ابو سلام: لا اله الا الله هاي بعدنه بلبدايه وهيج ناشبه باجر من تجي لبنيه شسوين
شوفي واسمعي زين اذا باجر اتزوج سلام وبقيتي على هذا اسلوبج وتصرفاتج وكمتي كل ساعه مناشبه الولد ومرته ماتلومين اله نفسج
وهاي سوالف العمه والجنه أنا مااطيقه ولا أحبها ولا أريد أسمع حرف واحد يوصلني
وبزماني تعرفيني هم من وره هاي لمشاكل جبتج وجيت لبغداد وعفت ابوي وامي واخواني في سبيل اريح بالي
من المشاكل الي من وراج ومن وره امي الله يرحمها ونسوان أخواني. اذا سمعتج مفتعله مشكله لو تضايقين تعرفين شسوي لو موشياب
وتعرفيني اذا عصبت
كافي لو لمن تجلطني يله ترتاحين
مروه: علئ كيفك يابه لايصعد سكرك ستهدي بلرحمن
خله ابوي ودخل لغرفته وسد لباب وامي بقت ساكته بس مبين عليهه العصبيه
""""""""""""""""""
ورده
بعد ماطلعنه من بيت العلويه
أبوي لاكانه توه جاي وكفنا ننتضر السياره توصل
وصل ابوي واحنا صعدنه
امي سلمت بس انا ذابتهه على الصامت مسلمت
حرك السياره بالطريق
ابو ورده: خير شنو كالت الكم العلويه
ام ورده: كالت هاي عين وقرت عليهه وكالت ان شاء الله خير
ابو ورده: ها خير ان شاء الله
الطرفين سكتو وانا احس راسي راح ينفجر عقلي متشتت يجيب افكار ويودي أفكار
وكلام امي لهسه يضرب براسي لمن كالت اجيب ابنها واجيج
عقلي يرفض تصديق الكلام وبنفس الوقت يريد يطوله حته يفكر بيه بس انا أرفض وحاول ابعده عني ومااخلي هل الأفكار تهاجمني وتشتتني
حايره بدوامة أفكاري وماعرف شنو الي يصير بيه وليش هلكد رافضه الزواج. وكارهته وهنا احنه مصيرنه الزواج لادراسه ولاشي وانا كارهه سلام كره حته مشايفته مجرد بس ينذكر اسمه احقد عليه وعلى
اهلي وعلى عمي حته لانو انا مااعول اخلص يطلعلي واحد جديد
أبوي وكف ابسياره يم محل ونزل جاب ماي وعصير وموطه ونساتل وحلويات
فتحت الباب وخلاهن بحضني
ابو ورده :ذني الج بنيتي اكلي الموطه لاتموع وتخرب
أخذتهه منه ماحبيت افشله وخليتهه بحضني وماكلت
حرك السياره
ابو ورده: ليش ماكلتي بويه هااا
ام ورده: اكلي لا تموع لموطه وتخرب
حجيت بهدوء :ماريد هناك بلبيت يم فاطمة وماسه ناكل سوه
أبوي ضل كل شويه وكال اكلي بويه اشربي بويه
وامي تكله ماتريد تريد يم اخواتها تاكل
وصلنا للبيت وانا نزلت
لان جنت أحس بأحباط بلسياره
ونفسي تلعب وخايفه ابوي يفتح موضوع الزواج ويكوم يسفط عليه بل نصائح وانا استحي من ابوي ماعرف احجي يمه
دخلت للغرفه مالتنه وسديته
بدلت ملابسي
اسمع فاطمه تحاجي بأمي جاا ورده وين
كلتلهه امي دخلت قبلنه يجوز بلغرفه مالتجن
أجت فاطمه دكت لباب عليه
ورده: هسه بس ابدل وفتحلج لباب صبر
كملت وفتحت لباب
فاطمه: هلو ورده
ورده: هلا ومرحبه
فاطمه: وين رحتو صدك لبيت العلويه ليش رحتن شسون
ورده :ماعرف ذيج امج وسئليهه مالي خلك
فاطمه: شنهي جااا انتي مو وياهه شنهي اسئل امي
ورده: انا نسيت وين رحنا ماتذكر ولا أريد أتذكر كارهه الدنيا وأريد ارتاح بس ماعرف شلون
فاطمه: ورده شبيج خيه مريضه شنهي ليش هيج معصبه وكارهه الدنيا بعدج بنيه شابه والدنيا كدامج ليش تكولين هيج
ورده: اي مريضه مريضه مريضه من شي اسمه زواج ولج انا محد يحس بيه من اهلج يردون يزوجوني وانا زواج ماريد ازووج هيه كوه ولج كرهوني بالزواج كرهوني بكل الرياجيل
امج تفتر بيه ببيوت الساده شنو انا مخبله اشكك بهدومي احجي وي روحي
وحجت هناك كلمه خلت جسمي قشعر من كد البشاعه لحسيتها
فاطمة : شنوو حجت ورده عليج الله كولي
ورده: فاطمه مالي خلك روحي طالعه من الدنيا وأهلهه كون انام وبعد مااكعد وماشوف احد
فاطمة : كولي يالله وان شاء الله تنحل انتي بس سلمي امرج ل الله وان شاء الله كلشي واله حل لاتقهرين بروحج
مر النهار عادي وبليل امي شعلت بخور نار وحرمل ومدري شنو وبخرت البيت واجتني تفتر علي بالبخور ابتعدت منها
ورده :شنو هذا يمه خنكتيني ماريد
ام ورده: ومرض شنو جاي اسويلج سحر طفرتي
ورده: يمه لو موتسوين هيج انا ماريد ماريد
ام ورده: ادبسز شنو قصدج يعني جاي اسويلج سحر حته تتزوجين بس أنتي شيطانه. وتكرهين الآيات ولادعيه الي تجيت لبركه ورزق
وهذا حرز يحميج من كلشي بس انتي شيطانج قوي ومتأمنين بهيج شغلات
ضليت ساكته شكلهه شكلهه
جابت هذا المدري شنو بي بخور وفرته على راسي مرتين مدري ثلاثه وخذته وطلعت
كمت انكت بنفسي
وردد ربي اذا جان الشي الي بالي لاتخليه يمسني ومايشتغل
انا اقصد على الحرز مدرى شنو الي جابته أمي من العلويه
ضلت امي يوميه تبخر البيت وكت الغروب هيه من تكوم تبخر انا اطلع بره البيت اسوي نفسي بعدني اشتغل بره
لو اعلف دجاج لو اسوي نفسي اضم لبط بمكانه لو اسوي نفسي اغسل ملابس اشغل نفسي بأي شي
اخاف انوو هاذا الحرز وشغلات الي جابتهم امي من بيت العلويه يخلني أوافق على زواج من سلام وكوم احبه
بهذم ا لكم يوم انا كمت اطلع بل حلال وي مصطفى وماسه بس مصطفى يخلي الحلال يمنا ويروح يم صحبانه هم يسرحون ويجتمعون سوه
نشوفهم من بعيد كلش اذا صعدنه على تل لو ايشان عالي نشوفهم
رقيه هم ويانه هيه وخوها يسرحون والبنات الي أهلهم بل خيمه هم قريبات علينه بس ميتقربن النه ولااحنه نتقرب يمهن
مره كاعدين انا ورقيه وماسه
نسولف ونشوف وحده من البنات الي سارحات شويه عنا اجت علينا
وصلت يمنا وسلمت علينا واحنا ردينا السلام
البنيه: عدجن ماي بارد الماي لعدنه خلص وهم حار ومايروي العطش
ورده: اي عدنه صار تدللين ماسه جيبي القاروره مالتنه
البنيه: رحمه الله والديجن مشكورات
رقيه: انتم وين أهلكم ليش معزبين هنا بحالكم ديرتكم مابيها مرتع شنوو
البنيه: احنه ماعدنه ديره معينه يبنت الناس نمشي وين ماينذكر النه مجان بيه مرعى للحلال
ورده :يعني بدوو رحل افتهم من حجيج
البنيه: ناس تسمينه بدوو ناس تسمينه غجر ناس تسمينه كاوليه بس احنا مانهتم الهم علينه بس بروحنه وبحلالنه
فكينا عيونه من كالت كاوليه وغجر احنا نسمع انو همه يسون حفلات ورقص ويغنون وهيج اشياء عيب وحرام
ورده كمت اتراجف. لايسمعون اهلي كتلهه احنه راح نروح حلالنه لا يمشي على صفحه ويشلع كلوبنه وهذا لماي اخذيه الج هوه ولقاروره
البنيه: مشكوره باينتج معزبه وبت اجواد وشيوخ يلمزيونه
ورده: كلنا عباد الله وماكو فرق بينا يله احنه نروح
رقيه وماسه هم مثلي خفنه منهه
كمنه نتراكض بتعدنه عنهه
وباوعنه عليهه ردت يم صاحبتهه وشالت لقاروره على رأسهه مال الماي
رقيه: كلبي وكف ولجن يعني صدك هاي كاوليه
ورده: هيه ماكالت احنه كاوليه كالت ناس تسمينه
ماسه: خاف تطلع صدك كاوليه ويخطفونه وياخذونه وياهم
ورده :ماتسدين حلكج وخيالج الواسع لاتسمحيله يفكر هيج همه ناس حالهم حالنه بس همه هذا شغلهم وبعدين هيه ماكالت احنا كاوليه كالت ناس يسمونه هيج بس انا خايفه لاسمعون اهلي وهسه يكولون ليش تحجن وياهه
ماسه: شوفي وريده انا بعد مااجي للسروح لوزرعين الدرب ذهب مااجي فتهمتي لولا
ورده: ايبااا حته اميسه ام بطن تتوعدلي وتهددني شوفي حبيبتي إذا تردين قدمي طلبج لهلج وهمه يكلولج لاتروحين. عود ذيج الساعه ضلي لاتروحين
وبعدين تعاي هيه شسوت النا وشنو شفنه عليهه حته هيج نحجي ونتناكر هااا تره ناس عادين مثلنه ولا يمنا ولا كربانه
رقيه: بعد مانجي بهذا المكان خاف تجي مره ثانيه تطلب من عدنه ماي وتلزك يمنه تكعد هنه تره مبينات يردن يجن يكعدن يمنه بس مالاكيات مجال
ورده: نجبي انتي الثانيه شنهي. احنه بني اميه الي كتلو الحسين وماطوه قطرة ماي
خطيه هيه كالت حته عدنه ماي حار ومايروي العطش اكلجن باجر نجيب ويانه ماي وثلج ونطيهن الهن خطيه
همه هنا بلخيمه وحته كهرباء ماعدهم خطيه الله يعينهم
رقيه :هااا بكيفج بس مانخليهن يجن يمنه وزين اذا أهلنه نشدونه المن هذا الماي وثلج زايد شنكول الهم بله
ماسه: انا برره الموضوع عيني بلجمعيه الخيريه مال ورده باجر من اهلج يدرون بيج تجيبن ماي وثلج الرعيان الكاوليه يكصون راسج عن جثتج ويدفوننج بليل اضلم
ورده: لسانج هذا اكصه الي يلسع لسع ولج شنو لكيتهم يغنون يركصون شنو هذا الحجي هااا شو زايحه لمستحى انتي هنه بنيات مثلنه سارحات خطيه وكاتلهن الحر ولعطش
واذا أهلنه درو نكلهم لماي يخلص بسرعه ويصير حار بسرعه ومايكفينه
رقيه: هيج شوفين يله انا اجيب وياي وانتي هم
ورده: ان شاء الله هسه يله خلي نلم الحلال حته نروح نرجع
ماسه معاجبها الحجي مالي وكل شويه وذبتلهه حجايه عليه بس أنا ادقها وماحاجيها اخليهه تنحب مثل الجلب وتسكت
روحنا الحلال لهلنه ولغنم تمشي واحنا نمشي وراهه والشمس تكتل
رقيه بحلالهم على جهه واحنه بحلالنه على جهه بس بنفس الطريق
وصلنا والحلال راح على نهر يورد الماي
إنا رحت للبيت وماسه بقت يم الحلال
دخلت للحوش نزعت الجبه الي لابستهه فوك ثوبي ونزعت لثامي وجفوفي وحذائي وجواريبي
ودخلت الحمام
كاعده اسبح واجت ماسه كامت ادك بل باب
ماسه :يله كملتي اريد اسبح وراج
ورده: ومرض شكو فلشتي لباب
هسه اطلع شعدي بايته بلحمام شنهي
ماسه: ورده
ورده: هااا
ماسه: انا تره اشوفج
ورده : شنهي اطلع لولا ماتستحين انتي. فدنوب
ماسه: هههههه هههههه لعدج عدي
ورده: نوب ولا مختله ولا مستحيه يمه دخيلك ياعلي منج
امشي لا اطلعلج انعنع ضلوعج
بسرعه لبست ملابسي وفتحت الباب
لكيتها ملابسهه بيدهه واكفه بلباب تضحك عليه
ورده :اكلج انتي ماتستحين عود شنو هذا الحجي
هسه اكول الأمي عليج اخليه تربيج من جديد شو فد نوب زايحتهه
ماسه: هههههه خفت دخيلج ورده لاتكولين الأمي تره طكني
حجت وهيه ترفع بحواجبها اتحداج تفتحين لموضوع يمها هههههه
ورده : سامتح انا بس لو اريد اكللها وخليه تكسر عضامج تكسر
ماسه: احبج وعلي ورده لا زعلين مني اشاقه وياج انا
ماكدر شلون راح اصبر على فراكج لوتزوجتي هاذا ابو صماخ. لو مترضين احجي عليه هاا
هههههه ولج كون اشوفه لهذا ابو صماخ الي نهى عليج وخرب عرسج
ورده تضايقت من حجي ماسه من جابت طاري الزواج
:ليش ذكريني انا اريد أنسه ليش تخلين الأوهام تهاجمني من جديد
ماسه: عمت عيني ورده انا اسفه لازعلين عليه عليج الله
وهسه اسبح وغسل هدومج وياي
ورده :لا مازعل منج وملابسي اغسليهن عدل مومثل ذيج المره بس غاطتهن بل ماي ومطلعتهن
وباقيات مدري شلونهن انا ملابسي اغسلهن عدل وفركهن بصابون حته يطلعن يلمعن
ماسه : والله الج خلك انتي بلجلف مال لهدوم انا اكره غسل لهدوم ياريت عدنه غساله مثل باقي الناس يكولون تخلين بيه لملابس تغسلهن وحدها وانتي بس عليج تطلعينهن وشرينهن
ورده :اي صدك ياريت عدنه غساله ابوج الف مره نكله جيب يكول ايصير خير ومايجيب
ماسه: اكو ناس هسه اكيد عدهم وحده هههههه
ورده :ياهمه
ماسه: هههههه خاف اكول وطكيني وتزعلين
ورده :شنهي عليمن ازعل جاا انا شلي غرض وطكج
ماسه: بس خل اعلك ملابسي وكلج ياهمه
علكت ملابسها وردت اباب لحمام وطلعت بس راسها
ماسه: همه اكيد عدهم لان همه ناس عايش بغداد وناس متطورين
ورده :هسه غير تحجي ياهمه سويتيهه طويله اريد اروح أمشط شعري شلع كلبي نكع ضهري ماي
ماسه :هههههه فدوه بس حلفس ماطكيني
ورده :وسم شكو ضحكين كولي وعليمن اطكج
ماسه: أمم هههههاي بيت زوجج لمستقبلي وكبل سدتت الباب
ورده :انا اعلمج اليوم هنا اكعدلج باب الحمام جم مره كتلج لاجبين طاري الزواج. وطاري بيت عمج. وهذا المايتسمئ يم اذاني انا اعلمج والله لان انتي زوديته هواي
فارت اعصابي من وراهه هيه عود تضحك وياي بس انا اعصب منه وكمت افيض غضب عليهه يتبع ....
تصبحون علئ ماتتمنون فراشاتي 🦋💙