فبيت مرام قاعدة وغير دموعها لي يهبطوا البارح التهات بالمشكل و نسات بلي ختها راهي رايحة ، تفكرت كل لحضة كبيرة و صغيرة جوزوها مع بعض .. سهراتهم ، لمتهم ، خرجتهم ، مناقرتهم ، كلشي يجمعهم ، مسحت دموعها كي شافت اناهيد جاية جيهتها و تضحك ..
اناهيد : صباح نور بنتي زينة
بيلسان : صباح الخير راكي مليحة ؟
اناهيد : حمدلله ، علاه راكي تبكي خير !
بيلسان : والو جيست توحشت مرام
اناهيد : بووه راهي فطريق
بيلسان : هيه ، مديلنا سر الضحكة الشابة هاذي
على كلمتها التالية دخلت عائشة تضحك
عائشة : قلتيلها ؟
اناهيد : صبتيني حا نهدر
بيلسان : واش تقول ؟
اناهيد : ياك ادم لبارح كي وصلنا راح لخدمته جبد البنات كانو بايتين عند صحبتهم و فرالنا الحكاية ، راهو جاي و جاب الذهبات معاه
بيلسان : هه هاذي عفسة شابة
عائشة : ايه نوضي البسي يجي يشوفك شابة
بيلسان : الله الله علاه يشوفني شابة
اناهيد : روحي برك
شافت فيهم بنص عين و ناضت رايحة للدوش ، كيما كان الحال دوشت جبدت شعرها لبست 👇🏻
دارت مايك اب خفيف و خرجت كاشما تعاون ، دخلت للكوزينة لقات ادم قاعد و عاطيها بالضهر جات خارجة تفكرت بلي لازم تشكرو .. رجعت خطوة للور و عشرة للقدام قعدت قدامو شافها تبسم
بيلسان : احم صباح الخير
ادم : صباح النور
بيلسان : مرسي
ادم : على واش ؟
بيلسان : هاذيك الحكاية
ادم : في كل وقت
حط الكاس تاع القهوة و جا رايح ، حبساتو كي شداتو من يدو و خفخف جبدتها ، سقساها بعينيه واش ؟ جاوباتو تفرك فصباعتيها باين عليها التوتر
بيلسان : وشبيك ليوم ؟
ادم : واش ؟
بيلسان : راك مقلق مني ؟
ادم : لالا
جا رايح زادت حبساتو و هاذ الخطرة مابعدتش يدها
بيلسان : كاشما غلطت معاك ؟
ادم : نتي طبعك هكا ولا غير معايا ؟
بيلسان : كيفاه ؟
ادم : باردة ، فوق اللازم
بيلسان : كيفاه تحبني نكون ؟ و كيفاه باردة ؟
ادم : اغلقي الموضوع
جبد يدو وجا خارج
بيلسان : الا عندي ذرة قيمة بالنسبة ليك جاوبني ..
زير على عينيه و دار يشوف في عينيها بنضرة مافهمتهاش
ادم : ماشي حاجة كبيرة ، جيست ماتتجنبينيش
بيلسان : ماقصديش برك انا ماشي موالفة نخالط الجنس الاخر ، ادم انا ..
قطعت عليهم اناهيد كي دخلت غير شافتهم مع بعض وساعت ضحكتها ، رفدت كاس ماء تشرب فيه فهاذيك الاثناء خرج ادم ، راحت ليها تسقسي و تلعب بخصلة شعر من راسها
اناهيد : فواش كنتو تهدروا و غير دخلت سكتوا ؟
بيلسان : هه طاطا واشمن هدرة نخبوها عليك غير سقسى عليا
اناهيد : بوبي تربية يدي نتي و حالتك هاذي نعرفها مليح يسما ما تحشينيش
جبدتها من الخصلة تاع شعرها حتى قالت اي
بيلسان : جيست شكرتو خالتي علاه تكبري فيها
اناهيد : امنتك ، راكي شابة
بيلسان (ضحكت بتبهليل) : مارسي حبي
ردتلها الضحكة و خرجت ..
تنهدت و قعدت فوق الطابلة تضحك و تتحسس فاليد لي شداتو بيها ..
بعد شي ربع ساعة لحقت مرام دخلت لبيتها القديمة حطت صاكها و تسطحت على البونك تسترجع فياماتها هنا ، دورت راسها لقات ملاك مزالها راقدة تبسمت و راحت نوضتها ، هبلتها مي فطنت راحت دوشت نشفت شعرها شربت حليب و راحت لبست 👇🏻
خلاص النهار و لحق الوقت لي تروح فيه مرام و اسلام (شهر العسل) بسيف باش طلقت دارهم و ركبت فالطونوبيل مخلية بيلسان تبكي بالشهقة اول مرة راح تبعد عليها هاذ المدة موالفين كل لحضة يعيشوها مع بعض ، طلعو للدار فرزوا الحالة غسلوا الماعن و رقدوا ..
جازت ايام و راحت ايام ..
فات شهر ماتبدلوش فيه صوالح بزاف ، بيلسان و ادم رجعوا قراب اكثر و لقائاتهم كثروا ، ملاك هدرت مع اناهيد و قدرت تقنعها بصهيب و قدرت عائلتها تتقبلوا و قرروا يديرو الخطبة كي مراد يرجع من خدمته ، اما مرام و اسلام عندهم يومين ملي رجعوا و استقروا فدارهم مكانتش بعيدة بزاف مي لازملها وقت باش تلحق ..
|حطت لمستها الاخيرة من المايك اب رفدت ساكها و خرجت ديراكت 👇🏻
كانت عيطتلها مرام باه تروحلها للدار حكمتها السماطة مع اللي اسلام خلاصلو الكونجي و رجع للخدمة ، شدت طاكسي عطاتله لادراس بسيف باش لقات الدار ، دقدقت ثواني و حلتلها غير شافتها تغرغرو عينيهم حضنو بعض و الدموع مخلطين بالخناين تبهديلة فالزنقة لي يجوز يقعد يشوف ، دخلتها للصالون قعدوا يقصروا حكاتلها كلش بالتفصيل واش جوزو و واش شافو راكو تعرفوا "البنات" فطروا كيف كيف خملوا الحالة و دارو فيلم ، هكاك خلاص النهار كان روتين اعتيادي ادم خدم و رجع للدار ، اناهيد و عائشة مع حكاياتهم لي مايخلاصوش رجالهم فالخدمة و ملاك تقرا ، مراد غدوة يرجع من السفرة تاعو ، سيليا لقات روحها بالحمل عيطت ليماها خبرتها و تفاهمو يديرو لمة صغيرة بيناتهم بهاذ المناسبة ..
_____________
رأيكم ؟ 🌝
صايي البارات الجاي تبدا علاقة ادم و بيلسان بصح اعطوني افكار كيفاه يعترفلها كلش انا نديروا ؟ 😒