احفــاد الغيـــث "الاصلية"

البارت «36»

الـكـاتـبــــة لـــيـــان..♡
________________♡
________________♡

لا تـنـسـون الـتـصـويـت + الـتـعـلـيـق ؏ الـفـقـرات

                     ~~~~~~~~~~~~
                      ~~~~~~~~~~~
            ؏ بالـي حبيبـي ؏ بالـي حبيبـي..
            اغمـرك ما اتركـك اسرقـك ما ارجعـك..
            احبسـك ما طلعـك مـن قلبـي ولا يـوم..
          اخطفـلك نظراتـك ضحكاتـك حركاتـك..♡

꧁꧂꧁꧂꧁꧂꧁꧂꧁꧂꧁꧂

جوان:- من خلص العرس اني صعدت بسيارة ادم وهو بقه واكف بـ باب الفندق يسولف هو وعلي ومبين عليه عصبي مدري ليش

الكل راحوو بقينه بس احنه شوية ودخل علي للفندق واجه ادم صعد بالسيارة باوعلي وابتسم يحاول يسوي نفسه طبيعي كدامي

بس اني ادري اكوو شي ضامه عليه ومن اسأله يگول ماكوو شي بقيت ساكتة وهو شوية وحجه..

ادم:- جوان

جوان:- هاا

ادم:- شبيج صافنة

جوان:- ما بيه شي

ادم:- اكيد اكوو شي شاغل بالج احجي

جوان:- ماكوو شي بس تعبانه

ادم:- تره اني اعرفج كلش زين ومتأكد اكوو شي يعني هاي الحركات مال تعبانه ومدري شنوو متعبر عليه احجي شبيج

جوان:- واني هم اعرفك كلش زين وهاي حركاتك متعبر عليه

ادم:- شقصدج

جوان:- ادم انت ضام عليه شي

ادم:- لا

جوان:- ادري صاير شي ومتريد دگوله

ادم:- حبيبتي لا تشغلين بالج ماكوو شي

جوان:- بعد ما حجيت شي وهو هم سكت بقينه نمشي شوية وبعدين ادم كام يحجي بعصبية..

ادم:- خرب شجابهم ذوله

جوان:- منوو

ادم:- ابد مو وقتكم هسه

جوان:- ادم شكوو

ادم:- ماكوو شي

جوان:- يباوع بالمراية ؏ السيارة الورانه ويغلط عليهم وصار يسوق اسرع من سرعته گلت راح نسوي حادث والله يرحمنه

بقه يمشي هواي وسريع ويدخل بالفروع الحد ما ضيع السيارة الي جانت ورانه يله وگف واني ارجف من الخوف..

ادم:- جوان بيج شي

جوان:- شصار هسه

ادم:- لا تخافين ماكوو شي

جوان:- ادددم لاااا تخبلنييي منووو ذوله الييي جانوو ورانه

ادم:- استغفرلله صوتج نصي هاج اشربي مي

جوان:- انطاني المي شربت واني ارجف من وره الموقف الي صار..

ادم:- هسه اجي

جوان:- وين رايح

ادم:- واكف هنا لا تخافين

جوان:- اخذ موبايله ونزل وكف يم السيارة وخابر مدري منوو وعصبي نااار بقيت كاعدة منتظرته يكمل حتى يحجيلي ذوله منوو

شوية واجت رسالة الموبايله الثاني صار عندي فضول اشوف منو دزله اخذت موبايله وفتحت الرسالة وانصدمت من المكتوب

هاي رسالة تهديد لو شنوو منوو ذوله الي يهددونه بقيت اقره بالرساله ودموعي ينزلن من الخوف شوية وهو صعد بالسيارة

شاف الموبايل بيدي سحبه مني بسرعة وقره الرسالة وباوع عليه وگال..

ادم:- قريتيها موو

جوان:- منوو ذوله

ادم:- جوان منوو سمحلج تفتحين موبايلي

جوان:- انتتت هذذا الهامكك فتحت موووبايلك گوول منوو ذوله الي يهددون بيييك

ادم:- شغل لا تدخلين بيه

جوان:- ذوله نفسهم الي جانوو يمشون ورانه قبل شوية موو

ادم:- كافي اسكتي

جوان:- راح تخبلنييي احجييي عااااد

ادم:- اييي هم نفسهم

جوان:- وليش يهددون بيك

ادم:- استلمت قضية وهم يردوني اتركها

جوان:- رجعني للبيت

ادم:- جوان بيج شي

جوان:- گتلك رجعني للبيت..

سكت وبده يسوق واني صافنة ودموعي ينزلن وصلنه للبيت ونزلت بسرعة وصعدت الغرفتي كعدت والرجفة بعدها بيه

شوية وگمت سبحت وطلعت مشطت شعري وبقيت كاعدة بغرفتي بعدين گمت رحت الغرفة ادم اريد يفهمني ؏ الموضوع اكثر

فتحت الباب بدون ما ادگه ودخلت لگيته كاعد يدخن باوعتله وحجيت

.. احجي

ادم:- شحجي

جوان:- ؏ الي صار اليوم

ادم:- تره گتلج قضية

جوان:- ايي فهمني اكثر ليش يهددونك

ادم:- هم گتلج قبل شوية يردوني اتركها

جوان:- كاعد يدخن ويباوعلي ويحجي بـ برود ولا كأنوو اكوو شي من شفته هيج فار دمي حسيته ديستفزني بحركاته ما اتحملت وعطت

.. اددددم شبيييك انتتتت تررره ديهدددونك

ادم:- عادي

جوان:- شنوو عادي

ادم:- عادي متعود دائماً يهددوني

جوان:- عود صدك تحجي

ادم:- ايي قابل اغشج

جوان:- ادم كافي احجي عدل

ادم:- لعد اني شلون داحجي اعوج

جوان:- يعني هاي القضية الي مستلمها خطرة موو

ادم:- ايي

جوان:- وهذا التهديد من وراهة

ادم:- ايي

جوان:- وحياتك بخطر هسه..

من گتله هيج سكت ما جاوبني واني رحت كعدت ؏ التخم وابچي وهو بس يباوع عليه حتى ما يحجي اخير شي مسحت دموعي وگتله

.. ادم اترك هاي القضية

ادم:- جوان روحي نامي تعبتي اليوم

جوان:- تره داحجي صدك

ادم:- استغفرلله

جوان:- تررره حييياتك بخطررر ممكن بأي لحظةةة يكتلوونك

ادم:- لا تخافين ميسوون شي

جوان:- منو يعرف بهذا الشي

ادم:- بس علي وهسه انتي عرفتي وما اريد شخص يعرف بهذا الشي فهمتي

جوان:- ادم

ادم:- جوان كافي لا تتدخلين بشغلي

جوان:- ههههههه شغلك زين ما فكرت بينه اذا يصير بيك شي احنه شنسوي وانيييي شسوووي اذا صارلك شييي

ادم:- لا تصيحين

جوان:- تتركها لو لا

ادم:- لا

جوان:- گمت وبقيت امشي بالغرفة اروح منا واجي منا اخير شي مسحت دموعي باوعتله وگتله

.. اني لو القضية

ادم:- شنوو

جوان:- اذا ما تترك هاي القضية كلشي بيناتنه ينتهي

ادم:- جووووان كاااافي

جوان:- اختااااار

ادم:- گتلج لا تتدخلين بشغلي

جوان:- يعني متترك القضية

ادم:- لاااا مااا اتركهاا شغلييي هذذا

جوان:- ماشي..

عفته وطلعت رحت الغرفتي تمددت بمكاني وبقيت ابچي الحد ما غفيت واني دموعي ؏ خدي

ثاني يوم كعدت عيوني حمر من البچي غسلت وبدلت ونزلت جوه وما احجي ولا حرف وياهوو يسألني شبيج اگله تعبانه

ما اريد احجي شصاير لان ادم ميريد واحد يعرف وره الغده صعدت بغرفتي واجن جيلان وريم يسألني شبيه ما اتحملت وبچيت

وهنه كاعدات يمي يهدئن بيه بعدين گلت خلي احجي بس الهن اكيد ميگولن الواحد مسحت دموعي وبس ردت احجي سمعنه صوت عياط جوه

طفرنه كلنه ونزلنه ركض جوه لگينه جولي تعيط والكل ملتم عليها..

جولي:- عاااااا يمممممه

جيلان:- شكوووو

ليث:- اختتتج راح تجيييب الفررررخ

جولي:- ليييييث لاااا دگوووول ؏ ابنييي فررررخ

ليث:- لججج انتيييي عيطييي وانجبيييي

جولي:- يممممممه

انس:- جولي شوو باوعيلي اتنفسي ايي عفية اتفسي

لين:- اخذي شهييييق زفييير

جوان:- انس ولين كاعدين يمها ويحجون وياهة وهي عاطت بصوت عالي وهمه عاطوو وياهة ثنينهم..

.. عااااااااااااااااااا

ايهم:- وجعاااااا انتوووو هم تطلگوووون

انس:- شبيك وياهة ؏ الواهس

كرم:- شوفي جولي انتي بس عيطي ولا تخافين

جوان:- مندري نحير بـ جولي لو نضحك ؏ ذوله مگابليها ويعيطون وياهة والولد طلعوو يشغلون السيارة شوية ودخل اياد..

اياد:- شكوو شصاااير حبيبتي شبيج

جولي:- ايااااد وخرررر ذوله منيييي

اياد:- لكممم شبيييكم

ليث:- غير نعيط وياهة حتى متحس نفسها وحيده

اياد:- انجبوو وخرو

جوان:- اجه اياد شالها وطلع وليث يركض وراهم ويصيح..

ليث:- مووو تنسووون ابنكم تسمووونه ؏ اسمييي

جولي:- ايييي حتى يطلععع خبلللل مثلككك عاااااااا

ليث:- ايييي عيطييي حييييل

اياد:- لييييث راح امووووتك

ليث:- انتتت حييير بهذا الفيييل الي بيييدك

جوان:- هم يركضون ويعيطون واحنه كعدنه بالگاع من الضحك عليهم الولد كلهم راحوو وياهم وامها وعمتي ام اياد هم راحن وياهم

كعدنه ننتظرهم وكل شوية نخابر عليهم يگولون بعدها اخير شي جيلان خابرت ؏ ليث وجاوبها..

ليث:- هااا هااا خييير شكووو

جيلان:- شبيييك

ليث:- شكوو كل شوية وحده مخابره

جيلان:- غير نسأل ؏ جولي

ليث:- مو ذاك زوجج ما خابرتي

جيلان:- مو قبل شوية خابرته گلت هسه خلي اخابرك انت المهم شصار

ليث:- مبروك اختج جابت فرخ وانتي صرتي خاله

جيلان:- عاااااااااا

ليث:- وهررررش شبيج انگرصتي

جيلان:- لككك صرررت خالة

ليث:- ههههههههه

جيلان:- اكوو شي يضحك

ليث:- خالة چيس حب

جيلان:- هه هه هه متضحك المهم جولي شلونها

ليث:- زينة

جيلان:- ديله روح

ليث:- انقلعي

لين:- هاااا شصار

جيلان:- جابت

لين:- شجابت

ريم:- جابت بزونه سؤالج تافه

لين:- وجع غير نسأل

ريم:- هي غير حامل بولد

لين:- ايي صح نسيت

ليان:- يعني هسه احنه صرنه عمات

ريم:- عمات چيس حب

جيلان:- انجبي لا تصيرين مثل ليث

ارجوان:- هم متراهمين طنجرة ولگت غطاهة

ريم:- فديتنه نخبل

جوان:- بنات اني راح اصعد انام اذا اجت جولي هنا كعدني حتى اشوفها..

عفتهن كاعدات وصعدت فوك تمددت بمكاني وغطيت راسي ونمت ما اريد افكر بشي اتهرب من افكاري بالنوم

_________________________

جيلان:- صعدت جوان نامت واني بقيت كاعدة شوية وبعدين صعدت فوك ردت ادخل الغرفتي وبعدين تذكرت بعد غرفة علي صارت غرفتي

رحت للغرفة بدلت وتمددت ؏ الچرباية شوية وغفيت ما ادري شكد مر وقت وحسيت واحد يبوسني فتحت عيوني لگيت علي نايم بصفي

شفته وابتسمت وتقربت عليه ونمت بحضنه وهو حضني حيل وگال..

علي:- يله كومي كافي نوم

جيلان:- ما اريد نعسانه

علي:- متردين تشوفين جولي وابنها

جيلان:- ليش هم وين

علي:- جوه

جيلان:- گمت كعدت وباوعت ؏ الساعة جانت بـ 9 بليل وگلت الـ علي

.. يعني جولي راح تبقه يمنه

علي:- ايي امج ما قبلت تروح

جيلان:- ايي احسن خلي انزل اشوفهم

علي:- لحظة لا تنزلين

جيلان:- هاا

علي:- انتظريني اسبح وننزل اني وياج

جيلان:- ماشي يله كوم بسرعة

علي:- ايي كايم

جيلان:- كام علي دخل للحمام واني كمت بدلت ملابسي وكعدت خليت مكياج خفيف بس كملت طلع علي من الحمام

لابس بس بجامه ولازم بيده منشفه ينشف شعره شافني ابتسم واتقدم عليه لزم ايدي وكومي وسحبني عليه وحاوط خصري بيده

دنگ باسني بعيوني وبعدين بخدي وبطرف شفتي وحسيت مي ينگط عليه باوعت يوكع من شعره گتله

.. عليي وخر نگعتني

علي:- هاا ضجتي من المي

جيلان:- ايي

علي:- دشوفي لعد

جيلان:- نزل راسه وصار يهزه حيل والمي ينگط عليه من شعره واني اضحك واصيح

.. هههههههه علييي لاااا كااافي

علي:- تدرين مشتاقلج

جيلان:- مو هاي اني يمك

علي:- حتى وانتي گبالي اشتاقلج

جيلان:- ابتسمت وهو تقرب عليه راد يبوسني وسمعنه صوته..

ليث:- عليييييي

جيلان:- انفتح الباب ودخل ليث يحجي واني بسرعة دفعت علي و وخرت منه وعلي شال المنشفه وشمرها ؏ ليث..

ليث:- اسف اسف نسيت انت متزوج لحظة

جيلان:- رجع طلع وسد الباب ودگه واحنه صافنين وهو صاح..

ليث:- هااا ادخللل لووو لا

علي:- ادخل وفضني

ليث:- هاا شلونكم

علي:- مره ثانية دگ الباب قبل لا تدخل

ليث:- مو دگيته

علي:- انجب

ليث:- واني شمدريني بيكم جاي...

علي:- لييييث

ليث:- هههههههه قصدي اني متعود ادفر باب غرفتك وادخل وهسه نسيتك اتزوجت

علي:- شتريد هسه

ليث:- اريد شاحنتك

علي:- انجب واطلع بره ما انطيها

ليث:- ليييش

علي:- اخير مره انطيتك شاحنتي بعد ما رجعتها

ليث:- هااا مو شفتك عندك وحده ثانية گلت خلي اخذ هاي ألي

علي:- ايي خوش

ليث:- هسه تنطيها لو لا

علي:- لا

ليث:- جيلان

جيلان:- هاا

ليث:- شاحنتج

جيلان:- لا والله ما انطيها

ليث:- جيبيها لج

جيلان:- شاحنتي وبكيفي ما اريد انطيها

ليث:- تجيبيها لو افضحج

جيلان:- هاا

ليث:- اذا ما تجيبيها انزل اگول لگيت جيلان حاضنه علي

جيلان:- يحجي ويغمز ادري بيه هذا خبيث صدك يسويها ردت اروح انطي الشاحنه وعلي حجه..

علي:- بيك خير انزل سويها

ليث:- ايي اسويها

علي:- عادي احجي تره زوجتي

ليث:- هاا جيلان احجي

جيلان:- هاا لا لحظة هسه اجيبها الك

ليث:- عفية

علي:- اطلع بررره لككك

جيلان:- راح علي يريد يكتله وذاك طلع يركض ويضحك وسد الباب واني گلت

.. لااا عليي

علي:- شبيج

جيلان:- هسه صدك يحجي

علي:- واذا حجه تره عادي

جيلان:- مو استحي

علي:- ميحجي لا تخافين

جيلان:- راح علي لبس البدي مال الاتراك ولزم ايدي ونزلنه سوه لگيت البنات محضرات جوه غرفه الـ جولي والكل كاعدين يمها

دخلنه للغرفة علي كعد واني رحت سلمت ؏ جولي وبست ابنها يخبل وبعدين رحت كعدت يم البنات والولد يحجون..

ليث:- يعني جولي صدك سويتيها

جولي:- شنوو

ليث:- يعني صدك

جولي:- هوو شنووو

ليث:- مع كل الاسف عليج

جولي:- ليث كوم مني

ليث:- مع الاسف ؏ الخوه اخخخ گلبي

اياد:- كافي دراما واحجي شكوو

ليث:- ليش ما سميتوو ابنكم ؏ اسمي

اياد:- انت بيش الكيلوو

انس:- لا اني خاله المفروض يسمونه ؏ اسمي

ليث:- ههههههه شلون خال

ايهم:- والنعل من هيج خال

انس:- انجبوو

جيلان:- ليش شنوو سميتوو

جولي:- سميته غيث ؏ اسم جدو

جيلان:- فدوه يخبل هسه من يكبر يصير مثل جدو

جولي:- ايي اني اريده يصير مثل جدو

ليث:- ايي جيلان

جيلان:- هااا

ليث:- من يصير عدكم طفل تسمينه ليث موو

جيلان:- اكيد لا

ليث:- لا ادري بيج تحبيني وراح تسمينه ؏ اسمي

جيلان:- يحجي ويغمز ويأشر فهمت قصده الخبيث عود يهدد بيه..

ليث:- موو صح كلامي

جيلان:- هاا ايي

ايهم:- شعجب يعني اذا صار عندج طفل تسمينه

جيلان:- ايي

ليث:- اني انسان خلوق ومحبوب والناس تسمي اطفالها ؏ اسمي موو جيلان

جيلان:- ايي صح كلامه

ايهم:- والعباس ليث لازم شي ؏ جيلان ويهدد بيها والهذا السبب هي تحجي هيج

ليث:- انجب لك قابل شلازم عليها

ايهم:- ما اعرف جيلان احجي لازم عليج شي موو

ليث:- ههههههههه جيلان لازم عليج شي اني

انس:- احجي الصراحة لا تخافين

كرم:- اذا انتي بخطر بس اغمزي

جيلان:- يباوعون عليه منتظريني احجي واني من الفشلة دمعت عيوني وباوعت ؏ علي وهو حجه..

علي:- ليث اذا اكوم اجنزك انت وشلتك الخايسة كافي اسكتوو ومعليكم بيها

انس:- تجيك التهايم وانت نايم هسه احنه شعلينه

ليث:- انتوو مو اصدقائي اتحملوو

كرم:- وشمحصلين من هاي الصداقة بس طيحان الحظ

ليث:- غصباً عليكم تتحملون وانتوو الممنونين

ايهم:- انجب

ليث:- انجبيت

_________________________

حور:- كاعدة بغرفتي ادرس ودگ موبايلي باوعت ايهم جاوبت وگتله

.. هلااا بـ ابو عـيـون بحـر

ايهم:- هلا بـ حوريتـي السمره

حور:- شوو اليوم مختفي

ايهم:- ملتهي

حور:- بشنوو

ايهم:- ليش متدرين

حور:- لا شصاير

ايهم:- صرت خال وعم

حور:- شنوو

ايهم:- شنوو

حور:- ما فهمت عليك شنوو خال وعم

ايهم:- اليوم جولي جابت

حور:- يااا ما ادري الف مبروك

ايهم:- يبارك بيج

حور:- ايي وشنوو خال وعم

ايهم:- مو جولي مثل اختي واياد مثل اخوية يعني صرت خال وعم طفلهم بنفس الوقت

حور:- هااا فهمت

ايهم:- غير تجين تشوفيها موو

حور:- ايي متفقة اني والبنات قبل خطوبة جوان وادم بيوم اجي ابات يمكم يعني من اجي للخطوبة اشوفها

ايهم:- يعني تباتين يمنه

حور:- ايي

ايهم:- هلااا

حور:- ابات يم البنات مو يمك

ايهم:- عود خوش

حور:- بقينه نحجي شوية وبعدين سمعت صوت ليث يمه يحجي وياه..

ليث:- هاي تحجي ويه حور

ايهم:- ايي ليش

ليث:- شوو انطيني اريد احجي وياهة

ايهم:- شتريد منها

ليث:- شعليك انطيني ومعليك

ايهم:- هاي فتحت سبيكر احجي

ليث:- شلونج حوريتنـه

ايهم:- حوووور اسمها مو حوريتكم

ليث:- اسكت ومعليك المهم شلونج ولج

حور:- هههههه تمام وانت

ليث:- اني مثل العسل

حور:- دومك

ليث:- اريد اگلج شغلة

حور:- گول

ليث:- اليوم من رحنه للمستشفى ويه جولي تدرين ايهم شسوه

حور:- شسوه

ليث:- زحف ؏ الممرضات

ايهم:- لااا تجذذذب لككك

ليث:- حشاي من الجذب حور تره داحجي الحق

حور:- ايي وبعد شسوه

ايهم:- لججج جذذاب جيييب المووبايل لكك

حور:- كمل ليث

ليث:- ايي زحف ؏ الممرضات واخذ ارقامهن گتله اذا ما اگول الـ حور عليك يگلي بس تحجي اموتك بس اني ما اگدر اضم عليج

حور:- ماشي

ايهم:- لج عود صدگتي

حور:- لا

ليث:- شنووو

حور:- ادري ايهم ميسويها

ليث:- شمدريج

حور:- لان هو يحبني وما يباوع ؏ وحده غيري مو صح ايهم

ايهم:- اروح فدوه الـ حوريتـي سمعت لك

ليث:- امداكم عود گلت خلي يتعاركون بلكت يصير اكشن شوية

حور:- ههههههههههههه

ليث:- اروح الواحد ثاني احسن

ايهم:- لكك ويين راييح

ليث:- رايح الـ ليان الفاهية ادفعها ؏ تيم حتى تتعارك وياه ويصير اكشن شوية

ايهم:- امداك شكد تحب المشاكل

حور:- هههههههه راح

ايهم:- ايي هسه شوية وتگب العيطة

حور:- روح شوف شيصير وتعال گولي

ايهم:- ايي رايح

حور:- سدينه الخط واني درست شوية وبعدين كمت نزلت جوه رحت للحديقة گلت اكعد شوية ولگيت غدير كاعدة ؏ المرجوحة وتبچي

استغربت من حالتها رحت كعدت يمها وهي بس شافتني مسحت دموعها بسرعة واني حجيت

.. غدير شبيج

غدير:- ما بيه شي

حور:- ليش تبچين

غدير:- ماكوو شي

حور:- گامت رادت تروح واني لزمت ايدها وسحبتها وكعدتها بصفي وحجيت

.. احجي شصاير وياج ليش تبچين

غدير:- اسفة

حور:- ؏ شنوو

غدير:- ؏ كلشي سويته بيج

حور:- كافي لا تفكرين بالموضوع

غدير:- اني اعترف جنت حقيرة وياج وأذيتج هواي بس والله هسه ندمانه ؏ كلشي سويته بيج واصلاً اكوو اشياء قبل سويتها واني ما جنت قابلة عليها

بس امي جبرتني اسوي هيج دائماً تجي يمي تحجي عليج واني جنت شنوو دگول اسمع كلامها وانفذه حتى ما استاهل تسامحيني

حور:- غدير كافي لا تبچين المهم انتي حسيتي بغلطج واعترفتي بيه واعتذرتي واني هم غلطانه

غدير:- ليش شسويتي انتي

حور:- شنوو نسيتي جنتي كل ما تسويلي شي اني ارجعها الج بالاقوه يعني صرنه متعادلين

غدير:- بس اني جنت ابده اول شي

حور:- ثنينه غلطانات مثل ما انتي جنتي تأذيني اني هم جنت أذيج واني مسامحتج ؏ كلشي صار

غدير:- صدك

حور:- والله وهسه امسحي دموعج..

مسحت دموعها وسحبتها وحضنتها جانت هاي اول مره اني وغدير نحضن بعض ونحجي هيج جانت مشاكلنه كلها بسبب سعاد ابتعدت منها وگتلها

.. بعد خلي نعيش طبيعي مثل كل اخوات وبلا منسوي مشاكل وننسه كلشي صار بالماضي ونعوفه وره ظهرنه ماشي

غدير:- ماشي

حور:- هسه كومي خلي نسوي شاميه ونصعد بغرفتي نباوع فيلم

غدير:- ايي يله

حور:- گمنه سوينه شاميه واخذنه حلويات وصعدنه بغرفتي نباوع فيلم ومن خلص بقينه سهرانين نسولف ونضحك

كعدت غدير تسولف ؏ مواقف صايره وياهة واني متت ضحك الحد ما نعسنه ونامت يمي حمدت ربي وشكرته لان اتصلحت علاقتي ويه اختي..

_________________________

ريم:- كاعدين اني والبنات بالمطبخ نسولف ودخل ليث يصيح..

ليث:- ولججج لييييان وييينج

ليان:- شكووو شبيييك

ليث:- ولج مصيبة مصيبة

جيلان:- شصاير

ليث:- اخخخ لج ما گتلج

ليان:- لا

ارجوان:- شكوو

ليث:- ولج مصيبة مصيبة

ريم:- لو تحجي لو تطلع بره

ليث:- امداج لازم تخربين حماسي

ريم:- دحجي شكوو

ليث:- ليان العوبة الثولة الفاهية انتي نايمة ورجليج بالشمس

ليان:- هسه غير يحجي

ليث:- تيم

ليان:- شبيه

ليث:- البارحة كاعد ويه صبا ويشتغلون سوه من شفتهم گتله مو ليان متقبل تحجي ويه هاي صبار يگول شمدريها هي

ليان:- هو گال هيج

ليث:- ايي گال شمدريها

ليان:- يعني يجذب عليه من يگول ما احجي وياهة

ليث:- ايي شفتي مع الاسف عليه

ليان:- اذا ما اروح ويه اهلي

ريم:- ليث يحجي وهاي العوبة مصدگه وصافنة عليه انوب گامت تريد تطلع من المطبخ وصحت وراهة

.. لججج الغبييية اوكفيي

ليان:- شكوو

ريم:- وين رايحة

ليان:- الاخوج

جيلان:- عود صدگتي

ليث:- انجبن معليجن وانتي روحيله گليله ليش تجذب عليه

ليان:- ايي رايحة

ريم:- لج الفاهية اوكفي تره تيم صارله اسبوع ما رايح للشركة ملتهي بالتحضيرات

جيلان:- والبارحة العرس بعد شوكت شافها وحجه وياهة

ليان:- هاا

لين:- وجعاا قشمرج

ارجوان:- غبية

ليان:- لييييث

ليث:- وجع وانتن ما خليتنها تروح واحنه نستمتع بالاكشن

ريم:- رجعت ليان كعدت وتحجي ؏ ليث وهو يغم بينه لان گنالها جذاب شوية ودخل ايهم يركض وگال..

ايهم:- هاا بشر علگت لو لا

ليث:- لا

ايهم:- حيييل

ليث:- انجب لك

ريم:- انت شبيك تدور مشاكل اليوم

ليث:- ولج ضوجة وصار هواي عدنه هدوء نريد اكشن شوية نتونس بيه

ريم:- هاا تريد اكشن موو

ليث:- ايي لان ضايج

ريم:- لعد ماكوو اكشن اليوم روح نام احسن

ليث:- هو هم هيج يله باااااي اروح انام

ريم:- طلع ليث واني صفنت وابتسمت واجتني كفخة ؏ راسي باوعت ايهم ضربني وگال..

ايهم:- ادري بيج تفكرين بمصيبة

ريم:- اني شمعرفني بالمصايب

ايهم:- ايي متعرفيهم فقيرة امشي نامي لج

ريم:- ايي هسه رايحة انام والله يبعدنه عن المصايب

ايهم:- نشووف

ريم:- طلع ايهم والبنات سون انسحاب وحده وره الثانية وصعدن الغرفهن ولين باتت يمنه واني بقيت كاعدة بالمطبخ

انتظرهم ينامون كلهم حتى اسوي اكشن الـ ليث خطية ضايج بقيت كاعدة تقريباً ساعة وصار هدوء يعني الكل ناموو

گمت صعدت فوك الغرفة ايهم فتحت الباب ومديت بس راسي لگيته نايم والغرفة بيها اضاءة خفيفية دخلت امشي ؏ اطراف اصابعي حتى ميحس بيه

وبقيت ادور بغرفته بدون ما اطلع صوت الحد ما فتحت الكنتور ولگيتها واخيييراً راح تنجح الخطة مالتي

جانت حيه اصطناعية لونها اسود ايهم من زمان مشتريها وضامها عود يسوي بيهم مقالب وهسه اني راح اسوي بيها اول مقلب وبـ ليث

سديت الكنتور ورحت اريد اطلع وبس فتحت الباب اجاني صوته..

ايهم:- لگفتتتج

ريم:- بس سمعت صوته گمزت گمزه حتى الحيه وگعت من ايدي التفتت بسرعة عليه وهو كام شغل الضوه و وگف كدامي وحجه..

ايهم:- ولج شتسوين بغرفتي

ريم:- عبالي كاعد اجيت اشوفك خاف محتاج شي

ايهم:- ايي حنونه كلش متگدرين تنامين اذا ما تلبين كل طلباتي

ريم:- ايي شفت

ايهم:- دنجبي لج مره ثانية من تردين تجذبين احجي شي منطقي حتى اصدگج

ريم:- يعني ما صدگت

ايهم:- لا وعرفت عندج مصيبة الهذا السبب بقيت كاعد حتى اشوفج شتردين تسوين

ريم:- لا ما اسوي شي رايحة انام

ايهم:- شوفي حبيبتي من تبدين بشي كملي

ريم:- يعني

ايهم:- يعني كملي الخطة مالتج تردين تذبين الحيه ؏ ليث موو

ريم:- ايي

ايهم:- بس هي مالتي الحيه

ريم:- ادري عود اسوي بيها المقلب وارجعها

ايهم:- موافق اخذيها بس بشرط

ريم:- شرط؟

ايهم:- ايي

ريم:- وشنوو هالشرط

ايهم:- نسوي المقلب سوه

ريم:- موافقة

ايهم:- غصباً عليج يله امشي

ريم:- اخذنه الحيه ورحنه الغرفة ليث لگيناه نايم نومته المشهورة نايم ؏ بطنه بنص الچرباية وفاتح اديه ورجليه نومته تضحك

شغلنه الضوه ورحنه وگفنه يمه اتأكدنه منه نايم وخلينه الحيه كدام وجها ؏ الچرباية وطلعنه من غرفته رحنه الغرفة ايهم..

ايهم:- وهسه لازم نكعده حتى يشوفها

ريم:- بس شلون واحنه طلعنه من غرفته

ايهم:- عوفيها عليه

ريم:- جاب موبايله وخابر ؏ ليث وفتح سبيكر بقه يدگ هواي وبعدين جاوب..

ليث:- الوو

ايهم:- لك ليث

ليث:- ليث منوو

ايهم:- انت

ليث:- وانت منوو

ايهم:- اني ايهم

ليث:- ايهم منوو

ايهم:- لج هذا بعده نايم

ريم:- عيط عليه حتى يكعد

ايهم:- لككك ليييث اكعددد

ليث:- وجع كاعد لا تصيح

ايهم:- مدري شنوو دخل الغرفتك

ليث:- شدخل

ايهم:- ما ادري كوم شوف

ليث:- ايهم ولي عااااااااااا

ريم:- جان يحجي وفجأة كام يعيط بعلوو صوته وصلنه الصوت للغرفة وايهم سد الخط وگمنه نضحك عليه..

ايهم:- تعاااي نشوف

ريم:- طلعنه من الغرفة والولد والبنات كلهم طلعوو ؏ الصوت وراحوو الغرفة ليث وايهم التفت عليه وگال..

ايهم:- انلاصت

ريم:- كعدو ؏ صوته

ايهم:- امشي خلي نشوف

ريم:- دخلنه الغرفته لگينه الولد يحجون ويه ليث يردون يفهمون شبيه وهو ميجاوب واگف ؏ الچرباية ويصيح..

ليث:- لكمم الحگوووووليي

علي:- بسس فهمنننه شبيييك

ليث:- لدغتنيييي رااااح امووووت

ادم:- احجيييي لا اجنززززك

ليث:- ولكم حييييه بغرفتييييي

ارجوان:- يممممممممه

ليان:- عااااااااا الحگووووولنه

جيلان:- عليييي حيييييه

ريم:- البنات گامن يعيطن ويه ليث ويركضن بالغرفة والولد صفنوو عليهم ميدرون شيسوون اخير شي صعدن ؏ الچرباية وگفن يم ليث واني وايهم بلگوه كاتمين ضحكتنه..

تيم:- ليث لا تمسلت

ليث:- والعباس شفتها

علي:- وين جانت

ليث:- ؏ الچرباية مالتي

ادم:- لعد وين راحت

ليث:- من الهبطة شلتها وشمرتها مدري وين راحت

انس:- هذا النعاس مأثر عليه

كرم:- اگص ايدي اذا كلامه صح

جوان:- شمدريكم انتوو يمكن صدك اكوو حيه

ادم:- ومنين تجي الحيه

ليث:- ولكم اني بعيوني شفتها هيج هالكبرها

علي:- ايي وشلون شكلها

ليث:- عدها راسين

ايهم:- راسين فرد مره

ليث:- ايي

ايهم:- حلوو وبعد

ليث:- شكبرهاااا ومطلعة لسانها عليه

جيلان:- علي خلي نطلع من البيت

علي:- وين نروح

جيلان:- ما ادري

ادم:- ليث اذا طلع كلامك جذب اخذك واذبك بنص الحياية

ليث:- هسه غير داگول شفتها بهاي عيوني

علي:- لعد وينها

ليث:- ما ادري

ريم:- بقوو كلهم يباوعون بالگاع يردون يشوفون صدك لو جذب واني باوعت يم الميز شفتها واگعه بصفه وطالع بس راسها

ندست ايهم بيده وأشرتله عليها شافها وابتسم وبعدين صاح..

ايهم:- ولكممم ذييييج الحييييه

ريم:- بس گال هيج الكل التفت ؏ المكان وشافوها وانس وكرم طفرو ؏ الچرباية وگاموو يعيطون همه وليث والبنات..

علي:- كاااااافي خليييي نشووووف

انس:- راااااح تلدغنيييييي

لين:- لاااا تخاااف متمووووت لان انتتتت وياااهة نفسس الفصليييية

انس:- انتيييي انجبييي لا اشمررررج عليهاااا

ليث:- موووو وقتتتت عركتكمممم

علي:- كاااااااااافي

ريم:- بس عاط علي كلهم سكتوو وادم راح يم الميز وشالها وذوله صافنين عليه..

ادم:- لگينه الحيه

علي:- امداك خفت من حيه اصطناعية

ليث:- هااا

ادم:- وجعااا مو حقيقية هاي

ليث:- احلف

ادم:- انجب

علي:- يعني هاي الهوسة كلها وبالنهاية تطلع اصطناعية

ادم:- گلت عدها راسين موو

ليث:- وين راح راسها الثاني

كرم:- امداك هبطتنه بنص الليل

انس:- شدعي عليك

ليث:- هاي منو جابها بغرفتي

ريم:- چنه اني وايهم واكفين يم الباب ونباوع عليهم ليث شافنه وباوعلنه بشك وگال..

ليث:- انتوو ليش ما خفتوو

ايهم:- احنه منخاف من الحيه

ليث:- لا تمسلت

ريم:- ايي صح كلامه منخاف احنه وبعدين اني تعاملت ويه هواي حياية بحياتي يعني الوضع عادي عندي

ليث:- علي

علي:- خير

ليث:- ذوله اصحاب الجريمة

علي:- يا جريمة

ليث:- هم جابوو الحيه الغرفتي

ايهم:- لا تتبله علينه

ليث:- والعباس هم

ادم:- صدك انتوو

ريم:- مو مساعة هو گال ضايج اريد اكشن واني ما حبيت ابقي السالفة بنفسه فـ سويتله اكشن

تيم:- والله بيكم كتله

ايهم:- اصلاً يستاهل الي صار بيه تدري مساعة شسوه

تيم:- شسوه

ايهم:- اجه كعد يم ليان ويدفعها عليك حتى تتعاركون يگول اريد اكشن

علي:- لعد تستاهل الي صار بيك ابو الاكشن

ليث:- امداكم جان انجلطت بهل الليل

ايهم:- عار ما عليك شي

ليث:- وهسه تفضلوو بره اريد انام

ادم:- الله يطيح حظك

علي:- يله جيلان امشي

جيلان:- وين

علي:- مو تردين تطلعين من البيت امشي اطلعج

جيلان:- هااا

ليث:- الوووو شبيييج انتييي نايييمة

جيلان:- اووووي لا تصيح

ليث:- كومن يله كسرتن چربايتي يله كل واحد الغرفته وانتوو حسابكم بعدين

ريم:- طلعوو الكل من الغرفة وطشوو الغرفهم واني وايهم واكفين يم الباب ونضحك عليه وهو گام وسد الباب بوجهنه

ورحنه كل واحد الغرفته تمددت بمكاني وكل ما اتذكر الموقف اضحك عليهم..

_________________________

جوان:- ثاني يوم كعدنه الصبح نزلنه سوينه ريوك والكل كعدو سوه شوية وطلع اياد من الغرفة الي بيها جولي يفرك بعيونه

ليث باوعله وفتح عيونه بصدمه وبعدين فركهم ورجع فتحهم وگال..

ليث:- انت حقيقي

اياد:- وياي

ليث:- يعني حقيقي

اياد:- اهووو مالي خلگك صباح الخير

جوان:- الكل جاوبه وكعد يتريك ويانه وليث ياكل ويباوعله وحجه..

ليث:- الساني كام يحكني بعد ما اگدر لازم احجي

علي:- غرد وفضنه

ليث:- انت مو البارحة بليل رحت شجابك هسه

اياد:- رجليه

ليث:- يعني نمت هنا

اياد:- ايي

ليث:- منو فتحلك الباب

علي:- اني

ليث:- وليش اجيت

اياد:- اشتاقيت المرتي واجيت ما اعرف اكعد بدونها

ليث:- صريح بعد چبدي

اياد:- وهسه خلصت تحقيق

ليث:- ايي خلصت

جوان:- رجعنه ناكل وليث بس يحجي مدري منين يجيب هاي الطاقة من الصبح شوية وحجه جدو..

الجد:- جوان خلصتي تحضيرات

جوان:- تحضيرات شنوو

الجدة:- يااا يالغمة تحضيرات خطوبتج

جوان:- هاا نسيت

ليث:- ثول اكوو وحده تنسه خطوبتها

ريم:- استيعابها بطيئ لان هستوها كعدت من النوم

جوان:- باوعت ؏ ادم ولا يمه الموضوع حتى ما باوعلي واصلاً من تعاركنه لليوم حتى ما حاول يحجي وياي فوك ما غلطان

واني هم لا حجيت وياه ولا اهتميتله بس من يطلع ابقه خايفة وافكر لا يصيرله شي الحد ما يرجع للبيت واشوفه بعيوني يله ارتاح

كملنه ريوك وگمنه اني والبنات نظفنه البيت كله من فوك ليجوه جلفناه جلف طاحت ادينه

هو نظيف بس امي وعماتي يگولن باجر يجون العالم يشوفون بيتنه وصخ ومدري الوصخ الي يحجن عليه وينه

كملنه واني رحت للمطبخ شربت مي ودخلت جيلان كعدت ؏ ميز الطعام وحجت وياي..

جيلان:- جوان

جوان:- هاا

جيلان:- تعاي اكعدي هنا

جوان:- ليش

جيلان:- اريد احجي وياج

جوان:- وهاي كعدت احجي

جيلان:- البارحة ما كملنه حديثنه

جوان:- يا حديث

جيلان:- ليش جنتي تبچين

جوان:- مو گتلجن جنت تعبانه

جيلان:- وشبيج انتي وادم

جوان:- هاا ما بينه شي

جيلان:- لعد ليش من سألناج البارحة بچيتي

جوان:- شسمه

جيلان:- تعاركتوو

جوان:- ردت اگللها ما متعاركين بس دخل ادم للمطبخ قبل لا اني احجي هو حجه..

ادم:- جيلان

جيلان:- هاا

ادم:- علي يدور عليج

جيلان:- ايي رايحة اشوفه

جوان:- كامت جيلان طلعت من المطبخ وادم باوع عليه وخزرني واجه وكف كدام الطاوله خله اديه عليها ونزل المستواي وحجه بصوت ناصي..

ادم:- اني مو گتلج ممنوع شخص يعرف بالموضوع

جوان:- واني ما حجيت الشخص

ادم:- لعد شنوو جنتي تحجين انتي وجيلان

جوان:- سألتني واني گتلها ما بينه شي

ادم:- خوش

جوان:- وخر من الطاولة وراح راد يطلع والتفت عليه وحجه..

ادم:- ولا تبقين هيج مطنگره حتى ما يحسون بيج

جوان:- بكيفي

ادم:- انتي مو خيرتيني بينج وبين القضية

جوان:- ايي وانت اختاريت القضية

ادم:- لا

جوان:- يعني تركتها

ادم:- لا

جوان:- لعد

ادم:- ما تركتج لا انتي ولا القضية يعني راح استمر بيها

جوان:- ماشي لعد راح تخسرني

ادم:- شتسوين مثلاً تلغين الخطوبة الي هي باجر

جوان:- حجه هاي الجملة بستهزاء وابتسم واني ما ادري شحجي حرگ گلبي بكلامه عافني وطلع بره گمت طلعت وراه بسرعة صحت عليه والتفت باوعلي

.. وين رايح

ادم:- شعليج

جوان:- سألتك جاوب

ادم:- عندي شغل

جوان:- ادم لا تطلع من البيت

ادم:- ليش

جوان:- اذا ملاحظ ديهددونك

ادم:- يعني

جوان:- يعني اكعد بالبيت ولا تطلع لا يصير بيك شي

ادم:- شنو خايفة عليه

جوان:- لا

ادم:- لعد ليش متردين اطلع

جوان:- خايفة ؏ امك وجيلان اذا صار بيك شي راح يدمرن

ادم:- وانتي؟

جوان:- شبيه اني

ادم:- اذا صار بيه شي انتي شتسوين

جوان:- يباوعلي بتركيز منتظرني احجي واني بس باوعتله وما جاوبت ؏ سؤاله التفتت ردت ادخل وحجيت واني امشي

.. لا تطلع الخاطر امك

عفته ودخلت جوه كعدت يم البنات بالصالة شوية ودخل هو باوعلي وصعد فوك واني ارتاحيت لان ما طلع..

_________________________

حور:- حضرت غراضي وكملت ونزلت الـ بابا گتله وطلعنه شوية و وصلنه نزلت دگيت الباب وسمعت خطوات واحد يمشي ويغني..

.. عيـونه عيـون غـزلان صـد ليـه ورمانـي
انـه الضليـت حيـران مـدري شجانـي
عيـونه عيـون غـزلان صـد ليـه ورمانـي

حور:- انفتح الباب وطلع ليث شافني وابتسم وكام يطگ اصبع ويغني..

ليث:- الاسمـراني مـر يا يمـه وگلـي هـاي..
مـن كلمـة يمـا مـدري اش حصـل جـواي..

حور:- گالـي يا گمـره يا حلـوه يا روح الـروح..
علتـي انتـي يا زينـة وسـبب بلـواي..

ليث:- لك هلا بـ اختي هلا بمرت اخوية هلا بـ حوريـة ايهم هلا بالضلع الما ينشلع

حور:- هلا بـ اخوية هلا بزوج اختي المستقلبي هلا بـ حبيب الغزالة هلا بالضلع الما ينشلع

ليث:- شتسوين جايتنه

حور:- هستوك جنت حباب

ليث:- ايي وهسه شتردين

حور:- اجيت ؏ حبيبي وصديقاتي

ليث:- حبيبج نايم وصديقاتج هم نايمات

حور:- يعني هسه اروح

ليث:- مجبور ادخلج تفضلي

حور:- دخلت وهو سد الباب واجه يمشي كدامي ويصيح..

ليث:- هلااا هلاا بييج ويينكم ياهل البييت سوولنه طرريق تفضلييي تفضليي

ريم:- خييير شكووو تصيييح

ليث:- وجع اجت صديقتج ومرت اخوج

ريم:- هلا بيك ضلعي

حور:- وبيك اكثر

ليث:- هاا ولد

ريم:- شعليك تعاي حبي ندخل

ليث:- امداجن

حور:- وين جولي والبيبي

ريم:- جوه تعاي

حور:- دخلنه للغرفة الي بيها جولي لگيتها كاعدة وابنها بحضنها والبنات كاعدات يمها

.. هلاااو

البنات:- هلاوات

حور:- الحمدلله ؏ السلامه حبي

جولي:- الله يسلمج حبيبتي

حور:- رحت بستها وكعدت يمها بست ابنها وبقيت اباوع عليه وگلت

.. فدوه يخبل

جيلان:- احمم طالع ؏ خالته

حور:- انجبي اصلاً ولا يمج

جولي:- يشبه اياد

ليان:- ايي صح حلوو ؏ ابوه فديته يجنن

جولي:- انجبي

ليان:- تره اخوووية

جولي:- تقبلين اتغزل بـ تيم

ليان:- لا

جولي:- لعد انجبي

ارجوان:- حور اليوم تباتين موو

حور:- طبعاً ابات

ريم:- الفرحة الگلب ايهم

حور:- صدك هو ايهم وينه شو ماكوو

ريم:- نايم

حور:- هاا ماشي..

بقيت كاعده يم البنات ساعة نسولف ساعة نتكافش وبعدين اني گمت..

لين:- وين رايحة

حور:- اسلم ؏ جدو مشتاقتله

ريم:- هاا گلتي جدو موو

حور:- ايي جدو

ريم:- ماشي روحي تلگين جدو فوك بغرفته نايم عود انتي كعدي وسلمي عليه

حور:- گالت هيج وغمزتلي واني ضحكت وطلعت صعدت فوك الغرفة ايهم فتحت الباب ودخلت لگيت الغرفة باردة وبيها اضاءة خفيفة

وايهم نايم رحت كعدت بصفه ؏ الچرباية واباوع عليه والعب بشعره بعدين گمت اجر بخشمه لو بشعره لو اگرص خده وهو تحرك وحجه بدون ميفتح عيونه..

ايهم:- ليث وخر اريد انام

حور:- ضحكت ؏ الصامت رجعت اخبث عليه وهو كل شوية يدفع ايدي..

ايهم:- لييييث راح اگووملك اطلع بره

حور:- جريت شعره حيل وهو گمز وطفر راد يحجي وبس شافني بقه يباوع عليه ويفرك بعيونه بعدين حجه..

ايهم:- بگد ما احبها گمت اتخيلها

حور:- الهاي الدرجة تحبني حتى تتخيلني

ايهم:- واكثر ياريت كل خيال هيج حلوو

حور:- اتقربت يمه بسته بخده وهو بعده ما مستوعب الوضع وهمست بذنه

.. واذا اگلك اني حقيقية هسه مو خيال

ايهم:- حوريتـي

حور:- عيونها

ايهم:- يعني هاي صدك انتي كدامي

حور:- ايي صدك

ايهم:- يعني صدك

حور:- ايييهم راح اعووفك وانزززل والله

ايهم:- لا لا تعاي مو گلتيلي تعال العصر اخذني

حور:- حبيت اسويلك مفاجأة

ايهم:- احلا مفاجأة وربي

حور:- گال هيج وسحبني حضني بقه حاضني عبالك صار سنين ما شايفني بعدين همس بذني..

ايهم:- مشتاقلج يل مخليتني اتيـه وجـوه اهـل بيتـي

حور:- گال هيج وباسني بخدي وابتعد مني يباوعلي ومبتسم واني گتله

.. يله اني راح انزل

ايهم:- لا ابقي كاعدة بعد

حور:- لا عيب راح انزل اكعد يم البنات وانت تعال يمنه

ايهم:- خوش

حور:- بسته بخده وگمت طلعت من الغرفة مبتسمة ونزلت جوه بغرفة جولي كعدت يم البنات وريم لازم تحجي..

ريم:- هاي كل وحده تروح تسلم ؏ جدو هيج تجي مبتسمة

حور:- انجبي

ريم:- ههههههههههههه

حور:- جوان

جوان:- هاا

حور:- شنوو شعورج وانتي خطوبتج باجر

جوان:- عادي

ارجوان:- شنوو عادي

جوان:- يعني شعور عادي

ريم:- امداج

لين:- شوو ولا عبالك باجر عدنه خطوبة

جوان:- ليش شتردين

لين:- خلي نركص شوية نهوس نغني

جوان:- انجبي واكعدي

جيلان:- انتي انجبي والله باجر خطوبة اخوية اني عاجبني اركص

ريم:- ايي صح يله بنات گومن

حور:- گمنه اني والبنات كلنه ورحنه بالصالة ما لگينه واحد بيها وريم راحت جابت الديجي واجت قبل لا تشغله گالت..

ريم:- راح اشغله وشوفن الولد شلون راح يجون

حور:- گالت هيج وشغلته وعلته كله وصدك بس شغلته طلع ليث من الاستقبال يهز رگبه ونزل ايهم من فوك يهز چتف وطلعوو انس وكرم من المطبخ يهوسون

واجوو اربعتهم تگابلوو بنص الصالة ويركصون ونزلن البنات وياهم

وجوان جان مبين عليها ضايجة ومن شافتهم هيج ابتسمت شوية وتصفگ بعدين طلعت بيبي من غرفتها وضربت ليث بالعوچية..

ليث:- اخخخخ

الجدة:- طفيييي

ليث:- شنووو

الجدة:- طفيييي

ليث:- ماااا اسمممع ماااا اسمممع

الجدة:- لككك طفييي الصخااام لااا اكسررر عوچيتي علييك

ليث:- طفيته هااا زهيرة شتردين گطعتي ركصتنه

الجدة:- انه اسويلكم هوسات وانتوو اركصوو

ايهم:- لككك هلااا اليوم زهيرة تركص ويانه

الجدة:- چاا غير باجر خطوبة عزيزي

جوان:- هااا بيبي واني

الجدة:- وخطوبة عزيزتي

ليث:- تفضلي جدة اوكفي بنصنه وانتوو تعالوو اوكفوو هنا

انس:- يله جدة ابدي

الجدة:- هااا فرررح گلبيي يوووم الدگن طبووله فررح گلبييي

.. يوووم الدگن طبووله

انس:- كللللوووووششش

الجدة:- مهنة بعررسك ياا ماااي عيووني مهنة بعرسك

.. ياااا مااااي عيوووني

ايهم:- هلاا هلاا هلاا ايي جدة بعد

الجدة:- خووواته هووواي والملعببب يحللنه خوواته هوواي

البنات:- والملعببب يحلللنه خووواته هووواي

ليان:- كللللوووووششش

حور:- بيبي واكفة بنصهم وتقره هوسات وهم يهوسون ويردون وراهة بعدين اجوو الكل ؏ الصوت كعدو وهم مستمرين يهوسون

بعدين اجت عمتي ام اياد من شافتهم هيج هم قرت هوسة وگامن عماتي كلهن يهوسن وياهم..

ام اياد:- كللللوووووششش وسعووو الميييدان العماااته وسعوووو الميييدان

.. العمااااته

حور:- نزل ادم من فوك وكف يم الدرج ويباوع عليهم ومبتسم ليث من شافه راح وگف يمه ويهوس..

ليث:- وبشاربك صارت مره عوف درب السرسره كلللووووششش

ادم:- انجب لك

جيلان:- يله بنات تعالن گابلني هلاااا اخووونه خوووش اخووو يستاااهل الهووسة اخوونه خووش اخوو

.. يستاااهل الهوووسة

حور:- ضحك ادم واجه سحب جيلان باسها وحضنها وكعدو واحد بصف الثاني والكل كعدو وليث حجه..

ليث:- يمممه تعبببت شفت ادم شكد هوستلك

ادم:- يعني

ليث:- انطيني كرامية هوساتي

ادم:- دنجب لك هو انت تريد سبب حتى تركص ولگيت خطوبتي حجه

ليث:- انتي شكوو حاضنته

جيلان:- وياي

ليث:- لا ويه الحايط

جيلان:- انت شعليك اخوية وبكيفي

ليث:- ايي صح اني معليه بس علي وجوان ميقبلون عود يغارون وكذا

ادم:- يعني

ليث:- يعني براحتكم شعليه اني

ايهم:- عفية اسكت احسن

انس:- كرم

كرم:- هاا

انس:- لك اليوم شسويت بالولد نزلت عليه دوسه ونص

كرم:- يستاهل

ليث:- يا ولد

انس:- واحد صديقنه بس كرم يضوج منه

ايهم:- ليش تضوج منه

كرم:- يمعود واحد مزعج ومغرور شايف نفسه

انس:- ههههههه لك لو تشوفون اليوم شسوه بيه خلاه ميعرف يحجي

ليث:- احجو السالفة كلها

كرم:- اجانه اليوم عود ؏ اساس يريد يتزوج وامه لگتله بنية وهو ما موافق عليها يابه ليش ما وافقت يگول والله ما عجبتني مو حلوة

ليث:- وانت شگتله

انس:- گاله ديله ؏ اساس انت حلوو لك انت مباوع ؏ نفسك بالمراية جنك برميل وراسك مربع وخشمك تارس وجهك قبل لا تتشرط شلون تريد البنية شوف نفسك

ايهم:- هيج گتله

كرم:- ايي

الجد:- بس ميصير هيج تحجي وياه

كرم:- جدي كعد يعيب ؏ البنية كدامنه ما بقه عيب ما طلعه بيها حرگ گلبي كلامه وما اتحملت وحجيت

الجد:- ميخالف ابني المفروض تفهمة بس مو بهاي الطريقة

كرم:- لان ضوجني هيج حجيت واحنه هم متعودين نتشاقة يعني اكيد ما ضاج مني

الجد:- من تشوف واحد سمين وتبدي تحجي عليه بحجة الشقة تره هو راح يتأذه وتنجرح مشاعره بس مراح يبين هالشي

او من تشوف واحد مو حلوو حسب وجهة نظرك او بيه نقص او فد مرض معين حاول دگول كلمة طيبة بدل ما تجرحة بحجة الشقة وتضحك عليه

تره ماكوو انسان كامل الكمال بس لله سبحانه وتعالى لذلك انتبه ؏ الكلمة الي تطلع منك واحسبلها الف حساب لان جرح المشاعر مو هين

الكلام الي دگوله انت وعبالك سهل ممكن غيرك ما ينام ليله بسبب هذا الكلام الجارح ويبقه يفكر بيه وكل ما يشوفك راح يتذكر كلامك

كرم:- صح كلامك جدي ما جان لازم احجي وياه هيج اسف بعد ما تنعاد

الجد:- لا تعتذر مني روح اعتذر من الولد الي حجيت وياه هيج

كرم:- انشالله

الجد:- وخلوو هاي الكلمة بـ بالكم الـكـلـمـة الـطـيـبـة صـدقـة

_________________________

جوان:- ثاني يوم صارت الخطوبة واكفة بغرفتي واباوع ؏ نفسي بالمراية لابسه فستان سمائي اشتريت هذا اللون لان ادم يحبه

اباوع ؏ نفسي ماكوو فرحة بوجهي ضايجة وخايفة واحس گلبي مقبوض لان ممكن بأي لحظة يصير شي بـ ادم وهم ضايجة منه لان ما اهتملي ولا اهتم لدموعي الي نزلت ؏ موده

بدل ما احس بالسعادة واضحك واركص لان راح اتزوج الشخص الي احبه احس اريد اكعد وحدي وابچي انفتح الباب ودخلت جيلان..

جيلان:- هاا يحلوو كملت

جوان:- ايي

جيلان:- بعدج ضايجة

جوان:- لا بالعكس فرحانه

جيلان:- جنتي متعاركة انتي وادم موو

جوان:- مشكلة بسيطة وانحلت وتصالحنه لا تخافين ماكوو شي

جيلان:- الحمدلله يله تعاي ننزل

جوان:- ابتسمت هيج بالجذب ونزلنه اني وجيلان والهلاهل طرشتي والچكليت فلش راسي رحت كعدت ؏ الكوشة والبنات كدامي يركصون

اجن سحبني وما قبلت اكوم وكومني غصباً عليه ركصت شوية وبعدين كعدت شوية وگالوو راح تعقدون گمت كعدت يم الباب وعقدنه

من عقدنه نزلت دمعتي وحسيت بفرحة ولوو صغيرة بس الظروف والمشكلة الي بينه غطت ؏ فرحتي رجعت كعدت ؏ الكوشة

شوية ودخل ادم مبتسم بس اني ادري بيه ضايج ويمثل كدامهم مثلي وبيبي سوت مثل كل مره من واحد يخطب وكفت يمه وتهوسله

من كملت اجه باس راسي وكعد بصفي واجن البنات حجن ويانه حتى نكوم نركص ؏ گولتهن الرقصة الرومانسية بس ثنينه ما قبلنه نكوم

بقينه كاعدين شوية والكل يركص بعدين ادم حجه وياي..

ادم:- بعدج ضايجة موو

جوان:- اني مو ضايجة

ادم:- لعد

جوان:- احس گلبي راح يوكف من الخوف لان ممكن بأي لحظة نسمع خبر سيء عليك

ادم:- گتلج لا تخافين ما يصير شي هذا شغلي ومتعود

جوان:- وذاك اليوم نسيت شلون لحگونه ويمكن لو ما اني وياك جان وكفت ورحتلهم برجليك سمعتك من گلت الـ علي لان جوان وياي ما وكفت السيارة

ادم:- تتنسطين علينه؟

جوان:- هذا الي هامك انت اتنسطك عليكم بس ما يهمك اني شنوو احس او شيصير بيه اذا صارلك شي موو صح

ادم:- جوان گتلج هذا شغلي لا تتدخلين بيه

جوان:- واني گتلك تختار لو اني لو القضية وانت ما قبلت تترك القضية وخسرتني صح هسه احنه خطبنه بس هيج كدامهم

واني لو اعرف بهاي القضية قبل لا تخطبني جان من خطبتني رفضت لان ما فكرت بينه من استلمت هيج قضاية خطرة

ادم:- احجي براحتج شنوو يجي بـ بالج گولي ادري بيج لان زعلانه مني تحجين هيج

جوان:- گال هيج واتقرب باسني بخدي وكام طلع واني سيطرت ؏ دموعي وما خليتهم ينزلون..

_________________________

جيلان:- خلصت الخطوبة وبدينه بالضيم التنظيف وامي وعماتي واكفات ؏ روسنه يرزلون بينه فوك ما طايح حظنه بالشغل ما عاجبهن

كملنه وصعدت فوك حتى ابدل جنت لابسه بنطرون وقميص صعدت امشي بالصالة الفوك وسمعت صوت واحد يصوفر وراي

التفتت لگيت علي واكف يم الدرج يباوعلي من فوك ليجوه ويصوفر ابتسمت وهو اجه وكف يمي وباسني بخدي وگال..

علي:- هذا الجمال هواي عليه

جيلان:- وجمالك هم هواي ؏ گلبي

علي:- اروح فدوه الگلبج

جيلان:- گال هيج وحاوط خصري بـ بيده وسحبني عليه واني گتله

.. علي شتسوي لا يجي واحد

علي:- ميهمني

جيلان:- ويشوفونه

علي:- ميهمني

جيلان:- علي

علي:- اششش مشتاقلج

جيلان:- الصبح شفتني

علي:- وهم مشتاقلج

جيلان:- يحجي ويقربني عليه اكثر راد يبوسني وسمعنه صوته..

ليث:- استغفرالله

جيلان:- سمعنه صوته ودفعت علي وابتعدت منه بسرعة وعلي غمض عيونه ورفع راسه ليفوك ومدري شيهمس وبعدين التفت ؏ ليث وگال..

علي:- هو اني جنت منتظرك تجي

ليث:- لازم متعودين عليه كل مره اقطع اللحظة عليكم

علي:- ايي صح اصلاً انصدمت لان اتأخرت كل مره تجي من وكت

ليث:- يله انشالله ؏ الجايات

علي:- انجب

ليث:- وبعدين انتوو مو عدكم غرفة مترحون بيها شتسوون بنص البيت مو عيب

علي:- والله حتى لو بالغرفة هم تسوي علينه مداهمة

ليث:- شسوي غير عندي جفاف فـ لازم اقطع اللحظة عليكم

علي:- جيلان تعاي للغرفة

جيلان:- اجه علي لزم ايدي وسحبني وراه وليث صاح ورانه..

ليث:- عووود اقفلووو الباااب خااف واحد يداهمكم

علي:- قصددك خاااف انتتت تداهمننه

ليث:- بالضبططط

جيلان:- دخلنه للغرفة واني اخذت ملابسي وشردت من علي للحمام سبحت وبدلت ونزلت جوه

لگيت الولد واكفين بالصالة يغنون ويركصون لان بعد ما خلوهم يشغلون الديجي كعدت يم البنات ونباوع عليهم وايهم حجه..

ايهم:- كافي ردح تعبنه منه

ليث:- لعد شتريد

ايهم:- غنوو اغنية رومانسية

انس:- ايي يله ابدو

ايهم:- لحظة حوريتـي تعاي وياي نركص رومانسي

جيلان:- اجه ايهم سحب حور باوعت ؏ ليث شفته صافن ومبتسم بعدين اجه يركض وسحب لين من ايدها وهي حجت..

لين:- اوووي عوفني

ليث:- كومي وانجبي

لين:- ما اريد اركص وياك

ليث:- ومنوو گلج اريد اركص وياج

لين:- لعد ليش تريد دگومني

ليث:- دگومي

جيلان:- سحبها حيل وكومها واخذها ودفعها ؏ انس وهي عثرت وچلبت بيه بسرعة وهو لزمها من خصرها وليث گال..

ليث:- عفية انتوو اركصوو سوه

لين:- جان وكعت من وراك

ليث:- بس ما وكعتي لان انس حضنج بسرعة

لين:- كافي اسكت

ليث:- تعاي غزالتـي نركص وانت الغبي اذا گلت منو سمحلك تركص ويه اختي اخنگك

ايهم:- اليوم سماح الك اركص براحتك

ليث:- غصباً عليك

جيلان:- اجه سحبها و وكفو يركصون انوب اجه كرم سحب رحيق وهم ركصوو سوه ويغنون..

ليث:- ؏ بالـي حبيبـي اغمـرك ما اتركـك اسرقـك ما ارجعـك

ايهم:- احبسـك ما طلعـك مـن قلبـي ولا يـوم

انس:- اخطفـلك نظراتـك ضحكاتـك حركاتـك

كرم:- علقهـم بغرفتـي نيمهـم ؏ فرشتـي احلمهـم بغفوتـي تـا يحلـى بعينـي النـوم

.. ؏ باااالــي حـبـيـبـييي ليلـه الالبسلـك الابيـض وصيـر ملكـك والدنيـا تشهـد

جيلان:- هذا المقطع كلنه غنينه سوه بيه وبصوت عالي ونصفگ عود نسوي لحن وكذا صار يخبل

بعدين كعدنه كلنه والولد يسولفونه ؏ الخطوبة وشسوو اليوم شوية وايهم اخذ حور يوصلها البيتهم لليل كلش طشينه الغرفنه

واني بس خليت راسي ؏ المخده نمت وفزيت ؏ اصوات يمي فتحت عيوني لگيت علي كاعد وبيده ملفات باوعت عليه وگتله

.. علي

علي:- هاا كعدتي

جيلان:- بيش الساعة

علي:- بـ 5 الصبح

جيلان:- شتسوي كاعد بهذا الوقت

علي:- ما اسوي شي ارجعي نامي

جيلان:- بقيت كاعدة اباوع عليه وهو اخذ واحد من الملفات وكام طلع من الغرفة كمت وراه طلعت لگيته واكف وهو وادم بالصالة الفوك

وادم لابس البدله مالته العسكرية وهم بيده ملفات ويحجون هو وعلي رحت وكفت يمهم وادم شافني وگال..

ادم:- شتسوين كاعد

جيلان:- انتوو شتسوون كاعدين وليش لابس البدلة مالتك

ادم:- دوامي اريد اروح هسه

جيلان:- بس ضروري تروح اليوم وانت البارحة خطبتك

ادم:- ايي عندي شغل

جيلان:- بقوو يحجون شوية ؏ الشغل بعدين ادم دخل الغرفته گال شوية ويروح..

علي:- يله تعاي انام

جيلان:- انت اروح اني انزل اشرب مي واجي

علي:- خوش

جيلان:- راح علي للغرفة واني نزلت للمطبخ شربت مي وصعدت فوك وشفت غرفة جوان بابها مفتوح رحت باوعت

لگيت ادم كاعد كدام چربايتها ويباوع عليها وهي نايمة بعدين باسها بخدها ومدري شنوو همس بذنها وكام واني بسرعة ابتعدت عن الباب

وهو طلع من الغرفة شافني واجه وكف يمي باسني وحضني وگال..

ادم:- ديربالج ؏ نفسج

جيلان:- ترجع بالسلامه انشالله..

اخذ جنتطته وراح راد ينزل بعدين وكف والتفت عليه وحجه

ادم:- جيلان

جيلان:- هاا

ادم:- جوان بـ امانتج انتي وعلي

جيلان:- ادم ليش تحجي هيج صاير شي

ادم:- لا تخافين ماكوو شي بس ديربالكم ؏ جوان

جيلان:- بعيونـي اخليها

ادم:- وگليلها لو شيصير بينكم ادم يحبج ومستحيل يسوي شي يأذيج

جيلان:- انشالله..

راح ادم واني دخلت للغرفة وتمددت ؏ الچرباية وخايفة حسيت گلبي انقبض خليت ايدي عليه وغمضت عيوني وسمعت صوت علي حجه وياي..

علي:- جيلان شبيج

جيلان:- ما بيه شي

علي:- ليش وجهج اصفر

جيلان:- مدري شوو خفت ؏ ادم

علي:- ليش

جيلان:- شوو حالته غريبة وكلامه بعد اغرب

علي:- لا تخافين ماكوو شي

جيلان:- علي متأكدة صاير شي احجي شكوو

علي:- ولج ماكوو شي

جيلان:- علييي

علي:- جيييلان لا تلحين گتلج ماا صاير شي

جيلان:- من شفته عصب سكتت شوية ودگ موبايله باوع عليه وعقد حواجبه

.. منوو خابر

علي:- ادم

جيلان:- جاوب

علي:- الوو ادم شبيييك

جيلان:- گال هيج وطفر واني گمت بسرعة وكفت واباوع عليه بس يصيح وكلشي ما مفتهمة منه حسيت گلبي راح يوكف من الخوف..

علي:- ادددم احجييي اتأذيييت......

꧁꧂꧁꧂꧁꧂꧁꧂꧁꧂꧁꧂

شـنـوو رأيـكـم بـالـبـارت..♡

لا تـنـسـون الـتـصـويـت..♡

حـسـاب الانـسـتـا 👇🏻🧡