قريري العيون

البارت احد عشر

مساء الورد والياسمين عليكم فراشاتي 🦋🖤

قريري العيون 

بقلم زهراء علي

ممكن تعليق للفقرات وتصويت+متابعه

مشاهده ممتعه.

"""""""""""""""""""
ورده

رحت غسلت شعري بس شلع كلبي يله نضف بس هم ضل بيه ورجعت لكيت فاطمه  كاعده وأخذتهه وياي غسلته اليه
كملنه واجيت نشفته وخليتله زيت شعر ومشطته  ضفرته فاطمه  اليه ولفيته وبعد كمت على شغلي كل عاده مال لحلال

للغروب خبزت وكملت ودخلت للحوش مال بيتنا وامي شمرت ماي على وجهي جفلت  جفله جيت انجبح بلگاع انا والخبز

ورده: شبيج  يمه شنو هاي ليش عود

ام ورده:  هاي ماي مقري عليه من بيت الساده من بخت الساده يطرد العين والمرض والمشاكل

مسحت وجهي وانا مراضيه بلي سوته امي بس سكتت وانا اعرفهه شنو غايتهه بهاذا فعلهه اكيد حته ارضئ  بالزواج وكلبي يصب عليه

رحت خليت الخبز بلنجانه مالت الخبز وامي اجت وراي

ام ورده: اكلج ورده باجر اخذج وياي لبيت العلويه تريد تشوفج

ورده: تريد تشوفني ليش شعدها وياي تريد تخطبني هم

ام ورده:  وسم ومرض انا كتلهه بتي مريظه ونحلانه مدري شبيها وكالت جيبيهه اليه خل أشوفهه احسن

ورده :يمه انا اعرف قصدج شنو وانا ماروح
  وماتزوج ماتزوج يله كافي مليت

ام ورده:  يطبج مرض لي يمرضج اناعلى مودج بس الضاهر انتي تحبين الاهاين ولمكفخه وغصبن عليج ترحين وياي وانتي الممنونه

ورده:  ماروح ماروح ماروح

اجت  عليه تريد تضربني وكضنهه البنات

غلطت علي  وطلعت كعدت ابجي وانا خايفه شلون بيه خاف تاخذني امي لبيت العلويه وتنطي لأمي حرز لو شي  يخلي زواجي يتم غصبن عليه

إنا اخاف من هيج شغلات وخصوصاً همه ناس معروفين وناس تتقصدهم من كل مكان

حته تحصل مرادها
الليل كله مانمت افكر شلون بيه باجر وشراح يصير
النوم جافاني وتعودت علئ القهر والسهر والتفكير الي يحطمني   للصبح يله غفيت

اجت فاطمه  تكعد بيه

فاطمة. :ورده وريده كومي امي  تكول خل تكعد
رفعت راسي وتذكرت اليوم تاخذني امي للعلويه

طار النوم من عيني كعدت على حيلي
واجت امي

ام ورده :  يله خاتون  ماتكعدين ابوج يريد ياخذنه وياه ومناك يروح للقضاء عده شغل كومي بدلي يله

سكتت ماحجيت رحت غسلت وجهي وحته صلاه ماصليت رايح الوكت

رجعت بدلت لبست جبه سوده وشال رمادي وكعدت اتريك

ماسه:  اليوم راح اروح للسروح وحدي بس انا ومصطفى. ومصطفى يروح يسخت ويعوفني
اوف ينشلع كلبي اليوم

سكتت ماحاجيتهه لان مالي خلك احجي ولا حرف
أبوي لبس عكاله وعباته وطلعنه

بيت الساده قريب كلش للقضاء يعني مسافه ونوصل لقضاء
ذبانه ابوي وطلع بدربه

دكينا الباب وفتحته  النا مره متوسطه بالعمر ضعيفه

المره:  اهلا وسهلا تفضلو

ام ورده: صبحج الله بالخير  حبيبه

المره: صبحج الله بالنور تفضلن 

دخلنه  للبيت
بس شنو من بيت ماشاء الله تبارك الله
يخبل دخلتنه بغرفه هيج منعزله من البيت تصير كلش يم الباب الرئيسي

دخلنه للغرفه جانت نضيفه وريحه البخور تخبل بيها ميز زغير وعليه كتب شكد وهيج مثل طاسه بيها كتب وأوراق وقلام

كعدنه وشويه واجت مره جبيره بالعمر سلمت وكعدت

المره : اهلا وسهلا بيج ام حازم

ام ورده:  وبيج اكثر علويه يبعد كلبي شلونج شخبارج علويه

العلويه :الحمدلله هاي بتج الي كتيلي عليهه

كلبي نغزني من حجت وباعت عليه وتوترت

العلويه: اللهم صل  على محمد وآل محمد. ماشاءالله حلوه يحقلها تدلل عليكم

ضحكت أمي: ياااا علويه شلعت كلوبنا من سالفه الي كتلج بيها

العلويه :ليش حبيبتي ماتريدين تزوجين شنو الي يخليج  ترفضين

ضليت اباوع عليهه وانا ساكته

العلويه : شكد عمرج

ورده:  ١٦ سنه

العلويه: الله يحفظج بنيتي  انتي حبابه وماتشلعين گلب امج وابوج وتبيضين  وجه ابوج ان شاء الله
مدت ايدهه وجابت عدت كتب وخلتهن كدامهه
وامي راسا مدت ايدهه على جزدانهه وطلعت فلوس وخلت بل كتاب الي راح تكشف بيه العلويه
استغربت من الي اشوفه كدامي لان اول مره اشوف هيج

سدت الكتاب ٣مرات وفتحته ٣مرات
العلويه:  همه ناس طيبين ولي راح يتزوجها هم خوش ولد وكلش زينه قسمتهه

امي طارت من الفرح
ام ورده:  ان شاء الله ابخت جدج علويه اريد يهديها ويصلحها ويطرد هذا  العناد من راسها

إنا  كلبي يعصرني واحس نفسي ختنگت من المكان الكاعدين بيه
وردت ابجي سمعت كلام المره

بعدين كالت تعاي بنيتي يمي خلي اقرأ عليج
تفاجأت وبقيت جامده بمكاني
صاحت بيه امي

ام ورده : تدني يم العلويه خلي تقرأ عليج من حلكها الطاهر
تقربت وانا كلبي يلعب ومامرتاحه
قرت عليه شويه وختمتهه

العلويه:  الهم صل على محمد وآل محمد يله كومي بنيتي

ضلت امي تشكر بيهه
ختمتهه امي  بكلام  الي خلاني ارتعد من كعب رجلي لهامت راسي

ام ورده : ان شاء الله بس تزوج بخير وسلامه ويصير عدهه جاهل اجيبه واجي ازوره بيتكم وهديتج موجوده ومو شلون هديه

جحضت عيوني وجسمي رتعد من الي سمعته وحسيت رجليه نشلت شعور مقرف اجتاح كل جسمي بهاي. الحضه

معقولة هاي امي ليش حجت هيج ماعرف شنو من شعور حسيته
كل الي عرفته انو لعبت نفسي من هل كلام واحسه مويمي شنو ابني شنو طفل والله احساس ماعرف اوصفه ليهسه

انا الزواج ماطايقته ونوب ابني اصلا مامخليه ابالي شنو الزواج واكرهه كره

باوعت لأامي وكلبي يفيض غيض منها وعتب شلون حجت هذن  الكلمات

شويه واجن نسوان دكن الباب وبتها راحت فتحت لباب

ام ورده:  مشكوره علويه ماقصرتي
ومدت ايده على جزدانه وطلعت فلوس ونطتهن للعلويه

العلويه: لاتخافين ان شاء الله بهل اسبوع اصير زينه ويتم الزواج بخير وسلامه وخاف تحتاجين شي بس تعاي وانا حاضره
وسوي الي كتلج عليه ونطت لأامي جيس ورقي ابيض ماعرف شبيه

تشكرت امي منها وطلعنه
وإنا احس كل حيل مابيه ورجليه مايعينني وكلبي يخفق بسرعه ويوجعني من الي سمعته

طلعنه وانا  نهديت على أمي

ورده:  شلون تكولين هاي لكلمه موعيب انا مو بتج ادري تكرهوني بس ليش تحجينهه

ام ورده: انا اكرهج انتي ولله جلبه مايسوالج زين و شنو من كلمه ياستار

سكتت لان ماكدر اكلهه شلون كلتي للعلويه اذا صار عدهه جاهل اجيبه واجي ازوره اخاف واستحي اكلهه عندي الكلمه جبيره وعيب احجيهه وانا بعدني بنيه ماعرفهه جنت اتناسه موضوع انو اتزوج واروح من بيتنا هسه امي جملت عليه بذن الكلمات خلتهن ابالي شنو اجيب جهال

عندي  نفور. قوي من الزواج وحقدت علئ الكل
هلكد اكره سلام وحاقده عليه  وانا  ماشايفته ولا مره

""""""""""""""

رواء

خالتي اجت علينه الضاهر امي مخابرتهه  وامي قصت القصه كلهه  وضلن يحجن علئ ابوي

خالتي:  شلون قبلتي تزوجين سلام وحده من العرب ماتذكرين شسوت بيج امهه وهسه اتخيلي شلونهه تطلع   شلون شكلها اكيد وصخه وكلامها مدري شلونه يفشل

ام سلام :شسوي ياخيه راح اموت من القهر گلبي ورم

خالتي: هذا سلام  الهيبه فدوه رحت لطوله ولجماله ياخذله وحده هيج هسه تلكينهه تلعب النفس  وكعدت تزن برأس امي الي تكمز من القهر جملتهه

شويه وراحت

ثاني يوم اجن خالاتي ثنين وهم امي كلتلهن

استغفرالله هسع شبيهن كارهات البنيه ويوزن باامي هسه هنه شايفاتهه يضلمن بختهن

بليل  واجت خالتي وياهه عذراء  سلمت على أمي واجت يمي بالمطبخ

عذراء :  صدك سلام  راح يزوج بت عمج المعيديه

رواء: شنهو هل حجي عذراء هاي بت عمه وراح تصير زوجته

عذراء:  عووع شلون راح يكون شكلهه اكيد معيديه اهل الوصح والقذاره وسلام اصلا وين شايفهه ومايريدهه امي تكول جبره ابوه عليهه

رواء: هوه الي خابر وكلهم بت عمي أريدهه

عذراء:  هههههه ضحكتيني والله هوه منين يعرفها لو ماابوج ضغط  عليه يزوجه لوبعد الف سنه هوه ميفكر اصلا حته يعرفها

ضجت من كلامها كلش ضلت تغلط علئ البنيه

جانت مبينه الغيره على وجها.
كلت بگلبي لوتحبينه وبيج خير من البدايه ماغدرتي وصاحبتي براسه ولله لويدري بيج جنتي وياه ومصاحبه

رحت كعدت يمهن وهيه اجت وتوز باامي

عذراء. :خاله ولله حرامات تجبرونه هوه ميريدهه هوه وين وهيه وين شنو المعيديه هاي وتاخذ سلام

ام سلام: شسوي ياخاله شسوي مصيبه علئ راسي راح اموت من القهر ياخذ الكشر ويعوف البرتقال

تقصد علئ عذراء

رواء :يمه شبيهه وده ابوي يكول تخبل وتشبه مروه ويكول نادره وسباعيه

عذراء: ايعععع من كل عقلج تلكينهه خيستهه مال الصخول تفوح

مريم: شبيها كلهه صخول شنو ماعدهم ماي ليش تحجين عليهه

عذراء: شبيج كليتيني بكشوري تدافعلهه اني بت خالتجن صار النه عمر سوه وذيج حته ماشايفاتهه

ام سلام: انجبن يلا عذوره خاله معليج بيهن بناتي مغسولات

خالتي: خيه هنيالج علئ بناتج من هسه باعنج علمودهه

رواء:خاله شنو السالفه شنو بعناها هسه شمسوين
سكتتني امي ماخلتني احجي
ام سلام: كومي كومي يلا روحي شوفي شغلج

كمت طالعه روحي ومريم اجت وراي ضلينه ندردم عليهن

بعدها راحن

واحنا نشغلنا وي العمال  بالبيت صار هوسه
وشغل كومه
ابو سلام: ام سلام  من هسه ابدي بالتحضيرات وأريد كلشي من أحسنه ومن اغلاه هاي بنيت أخوي
وماريدج تقصرين ابدد

ام سلام:  ان شاء الله

بس حجته وهيه مراضيه وتتحسر

الطابق الفوك كمل ب أسبوع غرفه سلتم صارت تخبل اختيار سامر طبعاً

وامي بهاذا الأسبوع كاعده تجهز احتياجات العرس بس غراض ورده كلشي ممشترين منها

"""""""""""""
سلام

كاعد بل واجب وادخن وفكر
بسالفة الزواج وسالفه النهوه منين اجتني منين طلعتي
وبديت أفكر ابت عمي اكول خطيه اكيد جانت فرحانه
وتحضر لزواجها
شنو ذنبها نضلمت بقوانين هيه مالهه ذنب بيها بسبب عادات العرف العشائري وثارات سابقه نقتلت فرحتها
ونهدمت أحلامها الله يسامحك يابه

ستغفرت ربي وكمت شفت الساعه لكيته ب 12:30
كعدت صديقي ايوب لان بدأ واجبه وانا  اسلم الواجب وروح ارتاح
كعد خطيه وكام راح للواجب  ذبيت البدله العسكريه موتتني حر
رحت سبحت واجيت تمددت على فراشي

لكيت رقم داك عليه مرتين
كلت منو هذا ماهتميت وانا ميت تعب خليت التلفون جوه لمخده ونمت

كعدت ثاني يوم الصبح عدنه تمارين صباحيه ولازم نكون جاهزين من وقت

طلعنه لساحه مال تدريب   ورجعنه وره ساعتين
لكيت هم نفس الرقم داك عليه
كلت خلي ادك خاف احد محتاج شي لو عرف
دكيت رن رن ماكو جواب عفته جاي اروح اسبح
ودك التلفون شلته
اجاني صوت بنيه

سلام: الو

:هلو شلونك

سلام :الحمدلله
بس هل بنيه صوتها موغريب عليه

سلام :عذرراء

عذراء: اي سلام مشتاقتلك

ستفزتني وتنرفزت منها بدون مااجاوبهه
سديت الاتصال بوجهه وطفيته عام صدك ماتستحي
يتبع.......

نلتقيم ببارت جديد

تصبحون علئ الف خير 🦋💙