"ညီ ဘာဖြစ်နေတာလဲ။ မျက်နှာကလည်းမှုန်ကုပ်ကုပ်နဲ့"
"ဘာမှမဖြစ်ပါဘူး။ ရိုက်ကွင်းကပြီးပြီလား"
"မပြီးသေးဘူး။ နောက်တစ် Scene ကျန်သေးတယ်။ ရေကူးကန်ထဲရိုက်ရမှာ"
"အော် .... ကို တစ်ယောက်တည်းလား"
ကိုကသက်ပြင်းတစ်ချက်ချကာ မပြောချင်ပြောချင်ပြောရတော့မည့်ပုံဖြစ်သွားသည်။
"မဟုတ်ဘူး နှစ်ယောက်။ ခုနကနမ်းရတာကလေ ဘာသဘောမှမပါဘူးနော် ချစ်။ နောက်ရိုက်ရမယ့်အခန်းကလည်း ရေကူးကန်ထဲမှာ ရိုတဲ့အခန်းမို့လို့ ဟို.... ညီကိုမကြည့်စေချင်ဘူးကွာ။ ညီ ဇေနဲ့ ပြန်လိုက်ပါ့တော့လား။ ညီ့ရှေ့မှာ သူများကို ဖက်လိုက်နမ်းလိုက်လုပ်နေရတာ ကိုယ်အဆင်မပြေဘူး။ ဖြစ်နိုင်ရင်ဒီကားကိုလျော်ကြေးပေးပြီး ထွက်ပစ်ချင်တယ်"
"ထွက်တော့မထွက်ပါနဲ့။ ပြန်စေချင်ရင် ညီပြန်ပါ့မယ်"
"အင်း ..... ကိုယ့်အချစ်က ဒီလိုနားလည်ပေးလို့သာပေါ့။ နောက်ကိုဆင်ခြင်ပါ့မယ်နော်။ ဒီလိုဖက်လှဲတကင်းအခန်းတွေပါတဲ့ ဇာတ်ကားတွေထပ်လက်မခံတော့ဘူး"
ကို့စကားတွေက ညီညီ့ကိုဝမ်းမသာစေပါ။ အပွေ့အဖက်လောက်ကိုလည်း ညီညီသဝန်မတိုပါ။ အချစ်ကားဖြစ်ဖြစ် အမုန်းကားဖြစ်ဖြစ် အပွေ့အဖက်ဆိုတာကတော့ပါကြတာချည်း။ ကို့အတွက် အစစအရာရာ အဆင်ပြေအောင်လို့သာ "ညီသဝန်မတိုပါဘူး။ စိတ်ချလက်ချရိုက်"ပြောရတာ တကယ်တမ်းညီညီ့ရင်ထဲမှာ အများကြီးသဝန်တိုပါသည်။
ကိုယ့်အပေါ်မှာတကယ်ချစ်ခင်တဲ့ ကို့အချစ်တွေကိုမြင်နေရလို့သာ နှလုံးတစ်ဝက်အေးနိုင်တာ။
အထူးသဖြင့် ညီညီ့ထက်အရင်ချစ်ခဲ့ဖူးတဲ့၊ သူ့ကိုဘယ်လောက်ချစ်ကြောင်း ညီညီ့ကိုတောင်ပြောပြဖူးတဲ့၊ ကိုယ့်အရှေ့မှာ အစ်ကို့ရဲ့ချစ်တတ်မှူကြီးကို ခဏခဏမြင်ရစေခဲ့တဲ့သူနဲ့ ပြန်လည်တွေ့ဆုံပြီး ဒီလိုအချစ်အခန်းတွေ ရိုက်ကူးနေတာကို ညီညီကပြုံးပြုံးလေးကြည့်ပြီး " ဒါအလုပ်သဘောအရနမ်းတာ။ ငါဘယ်လိုမှမခံစားရဘူး။ ငါ့ချစ်သူက ငါ့ကိုပဲချစ်တာ"လို့တွေးနေမယ်ထင်လို့လား။
ညီညီလည်းနှလုံးသားလူပဲ။ ချစ်တတ်သွားရင် သဝန်တိုတတ်လာတာပေါ့။ သူတို့အနမ်းမှာ သူတို့စိတ်တွေပျော်ဝင်နေ မနေဆိုတာ သူတို့ကိုယ်တိုင်ပဲသိမှာ။
"ငါ့ချစ်သူကငါ့ကိုပဲချစ်တာပါ"လို့တွေးမိတာနဲ့တပြိုင်နက် အဲ့တာကိုယ့်ဘက်ကစပြီးမလုံလာတာပဲ။ သူ့အချစ်အပေါ်မှာကိုယ်စပြီး သံသယဝင်လာတာပဲ။ သူတို့နှစ်ယောက်စိတ်ချင်း ပြန်နီးစပ်သွားကြရင်ဆိုတဲ့အတွေးတွေက ညီညီ့ကိုခြိမ်းခြောက်လာတော့မည်။
"ဇေသုခ.... ညီညီ့ကိုပြန်ခေါ်သွားလိုက်တော့"
ဇေက ညီညီ့အနားမှာလာရပ်သည်။ ညီညီ့အဖြေကိုစောင့်နေသည့်သဘော။ ညီညီလည်း ဒီမှာဘာလာလုပ်နေမလဲ။ ပြန်ရုံပေါ့။ ဒီနိုင်ငံကဲ့ကမ္ဘာကျော်တစ်ယောက်မို့လို့ လူအာရုံစိုက်ခံရတယ်ဖြစ်ဉီးတော့ ဒီရိုက်ကူးရေးမှာ ကိုယ်ကအပြင်လူပဲလေ။
ကားပေါ်မှာလည်း ညီညီငြိမ်ပြီးလိုက်လာခဲ့သည်။ အတွေးတွေရယ်လို့ အရပ်ရပ်အဖက်ဖက်ကိုဖြန့်ကျက်နေကြပြီး ဘာတွေတွေးနေမိမှန်းလဲမသိ။ ဟိုရောက်လိုက်ဒီရောက်လိုက်။
သက်ပြင်းတွေလည်းဘယ်နှစ်ခါချမိမှန်းမသိ။ ထိုချိန် ကားရပ်လိုက်တာတော့သိသည်။ တစ်ခုခုဝင်စရာရှိလို့နေမှာဟုတွေးမိလိုက်ပြီး မှန်ကိုကျော်လို့အပြင်ဘက်ကြည့်မိမှ အိမ်ကြီးတွေသာရှိသည့်လမ်းဘေးမှာဖြစ်နေသည်။ တစ်ဖက်လူဆီမှ ချလောက်ချလောက် အသံသေးသေးလေးတွေလည်းကြားရသည်။
"ရော့ နေ့ခင်းဆေး သောက်လိုက်ဉီး"
ညီညီ့ရှေ့မှာ လက်ဖဝါးတစ်ခုကဖြန့်လာသည်။ ထိုလက်ဖဝါးပေါ်တွင် ဆေးအတောင့်အချို့ပါသည်။ ဟိုးတစ်ခါဆေးရုံတက်ပြီးကတည်းက နေ့တိုင်းရက်ဆက်သောက်နေရသည့်ဆေးတွေပင်။ ညီညီမသောက်ချင်ဘူးငြင်းလည်း ဇေကအတင်းတိုက်သည်။
"ပြောတော့ ရောဂါကသေးသေးလေးဆို။ ဆေးတွေကဘယ်ချိန်ထိသောက်နေရဉီးမှာလဲ။ ဟင်း ရင်ဘတ်ထဲကအောင့်တာမျိုးမရှိတော့ပါဘူး"
ညီညီအထွန့်ပြန်တက်လိုက်ပေမယ့် ဆေးတောင့်များကိုတော့ ယူလိုက်ပါသည်။
"ဒီဆေးကအားဆေးတွေ။ မင်းကအမြဲတမ်းအားသုံးနေရတာ နေ့တိုင်းသောက်ရမှာပေါ့"
ညီညီ အပြင်ဘက်သို့ပြန်လှည့်လိုက်သည်။ မှန်ခြားထား၍ပဲလား အပြင်ပန်းမှာနေပူတာနေကိုမြင်ရ၍ပဲလားမသိ စိတ်ထဲပင်မွန်းကြပ်လာသည်။
"တစ်နေရာရာကို သွားချင်လား။ လိုက်ပို့ပေးမယ်"
ဇေ့စကားကြောင့် ညီညီစိတ်မသာယာသည့်ကြားကနေ ထူးဆန်းသလိုကြည့်မိသေးသည်။ ကိုယ်ဘယ်ကိုပဲသွားချင်ပါတယ်ပြောပြော အမြဲတမ်းအပိုလုပ်ပြောသလိုထင်တတ်သူက သူကိုယ်တိုင်ကစပြီးလိုက်ပို့မတဲ့လေ။ သူနဲ့သာဆိုရင် လူမရှိသူမရှိတဲ့နေရာကိုပဲ ရွေးရဉီးမှာ။ လူရှင်းတဲ့နေရာသာဖြစ်ပါစေ လူရှင်းရင် သင်္ချိုင်းကုန်းတောင်လိုက်ပို့မယ့်သူ....။
"မသွားချင်ပါဘူး"
"ရုပ်ရှင်ကြည့်မလား။ ခုတင်နေတဲ့ကား မင်းကြည့်မလို့ဆို"
ရုပ်ရှင်တဲ့လား။ ဇေက ညီညီ့ကိုအဲ့လိုလူများတဲ့နေရာကိုသွားခွင့်ပြုတယ်တဲ့လား။ ဇေ ဘာဖြစ်နေတာလဲ။
" ဘာကြောင်ကြည့်နေတာလဲ။ သွားမှာလား မသွားဘူးလား"
ဇေ့ပုံစံသည် လတ်တလောပုံစံနှင့်မတူ။ အရင်ကပုံစံလိုပြန်ဖြစ်လာသည်။ မမြင်ရတာကြာပြီဖြစ်သည့် အပြုံးလေးတွေ တလောတလော ပြန်မြင်နေရသည်။ ညီညီ့သဘောကိုလိုက်တတ်သည့် ဇေပြန်ရောက်နေပြန်သည်။ ပုံစံအတည်တကျမရှိသည့် ဇေ့အပြုံးကို မြင်ရတုန်းလေးအဝကြည့်ထားလိုက်ချင်ပါ၏။ ညီညီ့ရင်ဘတ်တစ်နေရာကနေလည်း ခုန်နေတာကို ကိုယ်တိုင်သတိထားမိသည်။
ဟင့်အင်း ညီညီထိန်းချုပ်လို့မရဘူး။
ရင်ခုန်သံတွေက သူ့လိုလိုဖြစ်နေတာ။
"ကဲပါကွာ မင်းအဖြေကိုစောင့်နေရင် အိုသေတော့မယ်။ ငါနဲ့နှစ်ယောက်တည်း ဒုတိယအကြိမ် ရုပ်ရှင်ကြည့်ကြရအောင်"
........
လက်မှတ်ဝယ်တာကအစ ဇေကပင်လုပ်ပေးသည်။ ကားထဲကထွက်မလာခင်ကတည်းက ကိုယ့်ကို နှာခေါင်းစည်း Mask တပ်ပေးကာ ဉီးထုပ်အနက်ကိုခေါင်းငိုက်စိုက်ဆောင်းပေးသည်။ သူကိုယ်တိုင်လည်း Mask တပ်သည်။
၂၀၂၀ လောက်က တစ်ကမ္ဘာလုံးမှာ ကိုဗစ် ၁၉ ဗိုင်းရပ်စ်ပြန့်သွားချိန်တုန်းက အချိန်မျိုးမှာ Mask တပ်ကြတာမထူးဆန်းသော်လည်း ၂၀၂၇ ခုနှစ်မှာတပ်ထားရတာ လူအများထဲအနည်းငယ်တော့ထူးဆန်းနေသည်။ မသိသာစေချင်၍ ရုပ်ဖျက်ပါတယ် ရုပ်ဖျက်ကာမှပိုသိသာနေမှာစိုးရတာလည်းတစ်လုပ်။
ထို့ကြောင့် လူတွေဝင်ပြီးမှဝင်သည်။ ရုံအတွင်းကိုဝင်သည်နှင့် တစ်ကိုယ်လုံးအေးစိမ့်သွားလေသည်။ ညီညီ့မှာ ထပ်အင်္ကျီမပါပါ။ အဲကွန်းအအေးကြောင့်ပဲလားမသိ ရင်ထဲမှာတလှပ်လှပ်နဲ့ ပေါ့ပါးနေမိတော့သည်။
ထိုင်ရမယ့်ခုံအထိ ညီညီ့လက်ကို ဇေကဆွဲထားသည်။ မှောင်အတိထဲ ခလုပ်တိုက်မိမှာစိုးလို့တဲ့လေ။ ဒါနဲ့ဆို ဇေနဲ့နှစ်ယောက်တည်း ရုပ်ရှင်ကြည့်ဖူးတာ ဒုတိယအကြိမ်မြောက်။ နှစ်ကြိမ်စလုံးက မြန်မာပြည်မှာချည်းပဲ။ တစ်ကြိမ်က ပြည်မှာ တစ်ကြိမ်ကရန်ကုန်မှာ။ အကြိမ်ရေနည်းလို့လားမသိဘူး ခံစားမှုအသစ်တြွေဖစ်ပေါ်နေမိသေးသည်။ စောနကမွန်းကြပ်တာတွေလည်း ပေါ့လာပြီး ဇေနဲ့အတူရုပ်ရှင်ထဲမှာစီးမြောမိရင်း။
"ရော့ ပေါက်ပေါက်စား"
"ရေသောက်ဉီး"
"အာလူးကြော်"
တစ်ခုပြီးတစ်ခုကျွေးနေသည်။ မုန့်စားဖို့များရုပ်ရှင်ဝင်ကြည့်နေကြသလား။ တစ်ခါတစ်ခါ လက်သန်းနှစ်ခု ထိထိမိသွားကြရင်ကို အသားချင်းမထိဖူးတဲ့လူတွေလို အနည်းငယ်ပြန်ပြန်ရုတ်မိကြသေးသည်။
ထိုနေ့က ရုပ်ရှင်ပဲကြည့်ခဲ့တာလားဆိုတော့မဟုတ်ပါ။ ကာရာအိုကေလည်းသွားဆိုခဲ့သေးသည်။ မိုက်မြင်ရင်သီချင်းဆိုချင်သည့် ညီညီဆိုသမျှသီချင်းကို ဇေက ပြုံးပြုံးကြီးနားထောင်ပေးသည်။ တစ်နေလုံးညီညီပျော်နေမိတော့သည်။
ဇေ့ဘက်က အလံစိမ်းမပြဘဲ ခုလိုနီးနီးကပ်ကပ်နေရတာမျိုး အကြာကြီးနေမြှပန်ရတဲ့အတွက်၊ ဘယ်တော့မှထပ်ရမလဲမသိတဲ့အတွက် ညီညီစိတ်လွတ်ကိုယ်လွတ်ပျော်ခဲ့မိသည်။
ညီညီ မရှက်တမ်းရာဝန်ခံရရင် ဇေ့ကိုညီညီချစ်နေမိတာပါပဲ။ ဘယ်လိုအချစ်မျိုးလဲတော့မသိတော့ဘူး။
......
"ဇေ့ ခုညငါမင်းနဲ့လာအိပ်မယ်"
အရင်ရက်တွေက မန်ဘာတွေခြောက်ယောက်မှာသုံးယောက်တစ်ခန်းစီအိပ်ကြတာဖြစ်သည်။ ညီညီ့အခန်းမှာနှစ်ယောက် ဧည့်သည်ထားဖို့ချန်ထားသည့်အခန်းလွတ်မှာသုံးယောက်။ အိပ်ရာကုတင်ကကျယ်သော်လည်း သုံးယောက်စာမို့သိပ်တော့မလွတ်လပ်ပေ။ သို့သော်လည်း သင်တန်းသားဘဝထဲက အတင်းတိုးအိပ်နေကြမို့ အတူအိပ်ရတာကိုမကြိုက်တာမျိုးတော့မဖြစ်မိကြပါ။ ကိုယ်ကအိမ်ရှင်မို့ သူတို့သက်တောင်သက်သာဖြစ်အောင် ဇေ့အခန်းထဲသွားအိပ်ဖို့စဉ်းစားမိခြင်းပင်။
"မင်းအခန်းထဲဘာလို့လဲ"
"သူတို့ကြပ်မှာစိုးလို့ပါ"
"ဒီလိုပဲအိပ်လာတာ ပြန်ပဲပြန်ရတော့မှာကို"
"ဘာလဲ.....မအိပ်စေချင်တာလား"
ဇေက သက်ပြင်းတစ်ချက်ချပြီး ညီညီ့ကိုစိုက်ကြည့်နေသည်။
"လာ အိပ်"
ခွင့်ပြုချက်ရတော့ လိုချင်တာရသွားသည့်ကလေးတစ်ယောက်လို ညီညီပျော်မိသွားသည်။ ဒီနေ့ သဘောတွေစွတ်ကောင်းနေတာပဲ။
"ဟေး......"
ထိုစဉ်ပဲအခန်းထဲကနေ မန်ဘာတွေထွက်ချလာသည်။ WhiteNet က စီနီယာတွေကတော့ နိုဗိုတယ်ဟော်တယ်မှာ တည်းသည်။ ရိုက်ကူးရေးသမားများအတွက် ကုန်ကျစရိတ်ကို မေမေ့ကုမ္ပဏီကခံပေးထားသည်။ မန်ဘာတွေကိုသာ ညီညီအဖော်ရအောင် အိမ်ခေါ်ထားခြင်းပင်။
သူတို့ကလည်း ကိုယ့်အိမ်မှာပျော်ကြပါ၏။ ရိုက်ကူးရေးက နောက်ရက်ထဲဆိုပြီးပြီဖြစ်သည်။
"မင်းတို့မှန်မှန်ပြော ဒီနေ့ငါတို့ကိုချန်ပြီး နှစ်ယောက်တည်းဘယ်တွေသွားနေတာလဲ"
"အာ.... ဘယ်မှမသွားပါဘူး"
"မလိမ်နဲ့နော် ဟွန့် အရင်ရက်ကတော့ ကမ္ဘာ့ရန်သူတွေအတိုင်းပဲ။ ခုကျတော့လည်းနှစ်ယောက်သားတည့်လို့"
"ဒါနဲ့ခေါင်းအုံးကြီးကိုင်ပြီးဘာလုပ်မလို့လဲ"
"ငါသူနဲ့ ခုညအိပ်မလို့"
"ဟင် ဘာလို့လဲ ငါတို့နဲ့အိပ်တော့"
"မဟုတ်ပါဘူး......မင်းတို့ကြပ်မှာစိုးလို့။ မနက်ဖြန်ရွှေတိဂုံဘုရားလိုက်ပို့မယ်"
"ဝါး.....ငါသိတယ် ငါသိတယ် အဲ့ဘုရားကို
တကယ့်ကိုမိုက်တယ်"
"ရား ငရဲကြီးမယ်"
သို့နှင့် ညီညီ အကြာကြီးနေမှ ဇေနှင့်အတူပြန်အိပ်ရဖို့ဖြစ်လာသည်။ ဇေကအိပ်ရာပြင်ပေးကာ ညီညီလှဲပြီးတာနဲ့ စောင်အသင့်ခြုံပေးသည်။ မအိပ်ခင် ဆေးဆိုတာကြီးကိုသောက်ရပြန်သေး၏။
ဇေသာဒီနေ့ပျော်အောင်မလုပ်ပေးခဲ့ရင် ညီညီတစ်ယောက်တည်းမှိုင်နေမိဉီးမှာ။ ကို့စိတ်နဲ့အတွေးပေါင်းသောင်းခြောက်ထောင်ပွားနေဉီးမှာ။ ဇေ့ကြောင့်သာစိတ်တွေပေါ့ပါးလာတာလေ။
ဇေက စားပွဲမှာထိုင်လို့ လပ်တော့နဲ့တစ်ခုခုကိုလုပ်နေသည်။ ခလုပ်တွေကိုလည်း တချောက်ချောက်နဲ့နှိပ်သည်။ ညီညီလည်းမအိပ်ချင်သေးပါဘူး။ ထို့ကြောင့် အလုပ်လုပ်နေသည့်ဇေ့ကို ဘေးချင်းတိုက်ကနေ လှမ်းသာကြည့်မိသည်။
ချောလိုက်တာ ဇေက။ တကယ့်ကိုခန့်ညားတဲ့အသွင်အပြင်နဲ့ လူတကာလိုချင်တဲ့ပုံစံမျိုးပဲ။ ရုပ်ရည်ပိုင်းရော စိတ်ဓာတ်ပိုင်းရောအကုန်ပြည့်စုံတယ်။ အလုပ်တစ်ခုအတည်တကျရှိပြီး တည်ကြည်လေးနက်တယ်။ အသက်နှစ်ဆယ့်ခြောက်နှစ်အရွယ် ဇေက အတော်လေးရင့်ရင့်ကျက်ကျက်နဲ့တွေးခေါ်တတ်တယ်။ လူရည်မွန်ဖြစ်ပြီး အရှိန်အဝါတစ်ခုထိလည်းရှိတယ်။ သစ္စာရှိတာက မွေးရာပါအရည်အချင်းလိုပဲ။
အဲ့လိုလူက ညီညီ့ဘေးမှာရှိနေပြီး အဲ့လိုလူဆီကနေ နွေးထွေးတဲ့ဂရုစိုက်မှုတွေအမြဲတမ်းရတယ်။ ပြီးတော့ အဲ့လူနဲ့ အဲ့လူနဲ့ နမ်း.....နမ်း.....။
"ဘာတွေအဲ့လောက်ကြည့်နေတာလဲ"
"ဟင်"
ညီညီ့မျက်နှာကြီးပူရှိန်းသွားသည်။ ခိုးကြည့်နေတာမဟုတ်ပေမယ့် သူခိုးလူမိသွားသလိုမျိုး။
"ဘာမှမကြည့်ဘူး"
ညီညီရှက်ရှက်နှင့် တစ်ဖက်စောင်းလှည့်လိုက်၍ ဇေ့ကို ကျောခိုင်းပြီးသားဖြစ်သွားသည်။ ဇေ ကြိတ်များရယ်နေမလား နောက်ကျောလည်းမလုံ။ ညီညီ့ရင်ထဲမှာ တုန်ခါနေပြန်ပြီ။ ဘာတွေလဲနော့်။ ဟင်း ဇေနဲ့ဆို ရင်ခုန်သံတွေကထိန်းမနိုင်သိမ်းမနိုင်ကိုဖြစ်နေတော့တာပါလား။
ညီညီတော်တော်နှင့်အိပ်မပျော်ပါ။ နောက်ဆုံးအခန်းမီးပိတ်လို့ စားပွဲတင်မီးအိမ်အလင်းရောင်သာကျန်တော့သည့်အချိန် ဇေအိပ်ရာဝင်ချိန်အထိပင် ညီညီသတိနည်းနည်းရှိနေသေးသည်။
အိပ်ရာပေါ်ဇေလှဲလိုက်တာလည်းသိသည်။ ညီညီ့နိုးသွားမှာစိုးသည့်ပုံနှင့် စောင်ခြုံတာ ကိုယ်ကြွတာကမှအစ တိတ်တိတ်ကလေးလုပ်နေတာလည်းသိသည်။ နောက်ဆုံး အိပ်ခါနီး ညီညီ့မျက်နှာကိုအပေါ်စီးကနေ အကြာကြီးကြည့်နေသေးတာကိုလည်း ညီညီ့မျက်နှာပေါ်လာရိုက်ခတ်နေသည့် လေပြေညှင်းလေးတွေအရသိလိုက်သည်။
ကိုယ်အိပ်ပျော်ပြီအထင်နဲ့ သူလုပ်နေတာမှန်းသိသည်။ မအိပ်သေးသမျှ အနားမကပ်တာလေ။ ဒါဆို လွန်ခဲ့တဲ့နှစ်တွေတုန်းကရော ကိုယ်အိပ်ပျော်နေတဲ့အချိန်ဆို သူဒီလိုပဲကြည့်ကြည့်နေတတ်တာလား။ ကြည့်နေမှာသေချာပါတယ်။
ဇေကသာအိပ်သွားတယ်။ တိတ်ဆိတ်မှုအတိပြီးသည့် ညဥ့်နက်သန်းခေါင်ယံအချိန်မှာ ညီညီတစ်ယောက်တည်းရင်ခုန်သံတွေဝုန်းဒိုင်းကြဲနေမိတာ။
နှစ်ယောက်တည်းရှိနေသည့်အခန်းထဲမှာ ကိုယ့်ရင်ခုန်သံဟာ နာရီလက်တံရွေ့လျားသံ တခြပ်ခြပ်ထက်ကို ပိုကျယ်လောင်နေသယောင်ရှိနေသည်။ ဇေနိုးသွားရင်ဒုက္ခ။
ဒီနေ့ကိုနဲ့သူ့အချစ်ဉီးနဲ့ကိုတွဲမြင်လိုက်ရတာ ညီညီရင်ထဲမှာ ဓာတ်လိုက်သွားသလိုပဲ ကျင်တက်သွားခဲ့ရသည်။ ကို့မျက်လုံးတွေ ကိုယ့်စိတ်ရင်းတွေက ညီညီ့ဆီမှာပဲ ရှိနေသေးတာကို ခံစားမိပေမယ့် ညီညီစိတ်မချဘူး။
ညီညီလည်းသဝန်တိုတတ်တယ်။ သဝန်တိုမိတာကို ထုတ်လည်းမပြချင်ဘူး။ ဒီလိုနဲ့သူတို့ချင်းပြန်ဆက်နွယ်သွားကြရင်ရော.....။ ဆက်နွယ်ပြီးပြီဖြစ်နေရင်ရော....။ ကိုကစပြီးဖောက်ပြန်ရင်ရော.....။
ဒါဆိုညီညီကရော။ ညီညီလည်းစိတ်တွေဖောက်ပြန်နေတာမလား။ ဇေ့အပေါ်ခံစားချက်တွေရှိနေတာကို အတင်းမဟုတ်ဘူးလို့.ငြင်းနေပေမယ့် အမှန်ပါဆိုပြီးပေါ်ပေါ်လာတာ ညီညီလည်းဖောက်ပြန်နေတာမဟုတ်ဘူးလား။
ဇေက တစ်စုံတစ်ယောက်ကြောင့် ဒီနေရာအထိတက်လာခဲ့တာ၊ တစ်စုံတစ်ယောက်ကို သက်သေပြချင်လို့ အားလုံးကိုပြောင်းလဲပစ်ခဲ့တာ၊ အဲ့တစ်ယောက်က ရောင်စဉ်ပါလို့ထင်ခဲ့ပေမယ့် ဟုတ်မနေခဲ့တာ ညီညီသိလာခဲ့သည်။
အချစ်ဉီးအပေါ်ကအချစ်က သေဆုံးသွားတာကြာခဲ့ပြီ။ ညီညီ့ရှေ့တင်သေဆုံးသွားတာကို ညီညီမသိခဲ့တာ။ ခုကဇေ့ရင်ထဲကအချစ်သစ် အချစ်စစ်ရှိနေလို့ ခုအခြေအနေထိရောက်လာခြင်းပင်။
ဇေက ညီညီ့ကိုခံစားချက်ရှိနေတာ ထင်တယ်။ မချစ်မနှစ်သက်ဘဲနဲ့ ဘယ်အမျိုးသားယောက်ျားလေးကမှ တခြားအမျိုးသားယောက်ျားလေးတစ်ယောက်ကို ဘဝလုံးစာပုံအပ်ပြီး ဂရုစိုက်စောင့်ရှောက်မှာမဟုတ်ဘူး။ နမ်းလည်းနမ်းခဲ့မှာမဟုတ်ဘူး။ ဒါပေမယ့် သူမြိုသိပ်ထားတယ်။ သူအမျိုးမျိုးဖုံးကွယ်ထားတယ်။ ကြည့်ရတာ အဝေးကနေပဲအလှကြည့်မလို့ထင်ပါရဲ့။
ညီညီကလည်းဇေ့ကိုချစ်တယ်။ ဒါဆို ညီညီတို့ဘာလို့ချစ်သူတြွေဖစ်မရတာလဲ။ အကြောင်းရင်းကတော့ ညီညီတို့ခြေလှမ်းတွေလွန်ပြီးခဲ့လို့ပါ။
ကိုယ့်စိတ်ကိုကိုယ်သိပြီးချိန်မှာ သူမဟုတ်တဲ့တစ်ယောက်နဲ့ အချစ်တစ်ခုကိုတည်ဆောက်ထားပြီးဖြစ်နေလို့ပါ။ ညီညီ့မှာသာ တည်ဆောက်ပြီးသား ဆက်ဆံရေးတစ်ခုမရှိခဲ့ရင် ညီညီတို့နီးစပ်ကောင်းနီးစပ်နိုင်ပါရဲ့။
ဘာလို့ ကို့ထက် ဇေနဲ့က ပိုပျော်စရာကောင်းမယ်လို့များ ကို့အပေါ်အားတုံ့အားနာမရှိဘဲ စက်ဆုပ်ဖွယ်တွေးမိရတာပါလိမ့်......။
အတွေးတွေလွန်နေရင်းက ဇေ ညီညီ့ကိုကြည့်သလို ညီညီ ဇေ့ကိုအုပ်မိုးကြည့်နေမိသည်။
နှုတ်ခမ်းထူထပ်ထပ်လေးကိုမြင်ရင် ညီညီမနေနိုင်။ သို့သော်ရှေ့ဆက်တိုးဖို့လည်းအားမရဲ။
ထိုစဉ်ပဲ ညီညီမရှောင်လိုက်နိုင်ခင်မှာပင် ဇေ့မျက်လုံးနှစ်လုံး ဖြည်းညှင်းစွာပွင့်လာသည်။
ညီညီတို့အကြည့်ချင်းဆုံမိကြလေပြီ။
ထပ်နမ်းမိကြတော့မှာလား။ အနမ်းတစ်ခုကိုထပ်မံဖန်တီးကြတော့မှာလား။
သို့သော် မနမ်းဖြစ်ခဲ့ပါ။
ဇေက ညီညီ့ကိုသူ့ရင်ခွင်ထဲဆွဲသွင်း၍ ဖက်ထားခဲ့သည်။
ညီညီ့ကိုယ်လုံးတစ်ခုလုံး ဇေ့လက်မောင်းတွေအောက်မှာ ချုပ်နှောင်ခံလိုက်ရတော့သည်။ နွေးလိုက်တာ။ ဇေ့ရင်ခွင်ကနွေးလိုက်တာ။ ညဝတ်အင်္ကျီအသားပျော့ပျော့ကနေ ဇေ့ရင်အုပ်အသားဆိုင် အိပျော့ပျော့ကနေအပူဓာတ်တွေစီးကူးနေခဲ့သည်။ မနမ်းဖြစ်ခဲ့ပေမယ့် ညီညီ့စိတ်တွေကျေနပ်မိသွားသည့် အပွေ့အဖက်ပင်။
ထို့နောက် ညီညီ့ဆံပင်များ အပေါ်တစ်စုံတစ်ခုကထိကပ်လာသည်။ ဇေရယ်တရှိုက်မက်မက်နမ်းနေခြင်းဖြစ်ပါ၏။ ညီညီနဖူးလေးကိုရော မထိတထိလေးနဲ့နမ်းပြီး သူ့စိတ်ကိုသူပြေအောင်လုပ်နေရှာပါ၏။
ညီညီလည်း ဒီအခြေအနေနဲ့ကျေနပ်မိပါတယ်။
"အိပ်တော့ ညီ..."
မပီမသအူတူတူအသံနှင့် အမိန့်ပေးသံအေးအေးလေးအောက်တွင် ထိုညက ညီညီ့နှစ်နှစ်ခြိုက်ခြိုက်အိပ်ပျော်ခဲ့ပါတော့သည်။
..........
"မနိုးသေးဘူး မနေ့ကလည်ပတ်နေတာနဲ့ပင်ပန်းသွားတယ်ထင်တယ်"
"ညီညီကမင်းနဲ့အိပ်တာလား"
"အင်း"
"သူ့ကိုနှိုးလိုက်။ သူနဲ့ပဲပြောမယ်"
သက်ထင်အသံသည်မာကြောနေသည်။ မနက်အစောကြီးဖုန်းလာ၍ ဇေ ကိုင်ကာစကားပြန်ခြင်းမှာ မကျေနပ်စရာဘာတွေပါနေသလဲ သိသလိုလိုနဲ့မသိပြန်ပါ။ သို့သော် အိပ်နေတဲ့သူကိုတော့ နှိုးရမတဲ့လား။ လုံးဝမနှိုးပေးနိုင်ဘူး။
"အိပ်နေပါတယ်ဆို။ တွေ့ချင်ရင်အိမ်လာခဲ့ပေါ့"
ဖုန်းချသွားပြီဖြစ်သော်လည်း တောက်ခေါက်သံတစ်ချက်ကို ကြားဖြစ်အောင်ကြားလိုက်သေးသည်။
သူတို့နှစ်ယောက်ဆက်ဆံရေးမှာ ကိုယ်ကခုတုံးဖြစ်နေရအောင် ကိုယ်ကဘာလုပ်နေလို့လဲ။ ကိုယ့်နေရာကနေတစ်ဖဝါးမှမရွေ့ဘဲ ရှေ့လည်းမတိုးနောက်လည်းမဆုတ်နေနေတာက ဘာမှားနေလို့လဲ။ ညီညီ့အတွက် ကိုယ်ဟာခလုပ်တစ်ခုဖြစ်နေမယ်ဆိုရင်တော့ ရှောင်ပေးကောင်းရှောင်ပေးမှာပေမယ့် ညီညီကလွဲလို့ကျန်တဲ့ဘယ်သူ့အတွက်မှ ညီညီ့ဘေးကမခွာပါ။
"ဇေ.....ဘယ်သူလဲ"
အိပ်ရာပေါ်က ကိုယ်လုံးလေးကလူးလှိမ့်လာသည်။ အိပ်ရေးဝသေးပုံလည်းမပေါ်။ ဒီနေ့ဆိုအပြီးသတ်ရိုက်ကူးရမည့်နေမို့ တစ်နေကုန်ရိုက်ရမည်ထင်သည်။ ထို့ကြောင့်အားပြည့်နေဖို့လိုသည်လေ။
"မင်းချစ်သူပေါ့....အိမ်လာလိမ့်မယ်။ ပြန်အိပ်လိုက်ဉီး။ အိပ်ရေးမဝသေးဘူးမလား"
"အင်း"
ညီညီသည် တန်းပြန်အိပ်ပျော်သွားလေသည်။
ကောင်လေးကတော့ သူချစ်တဲ့သူမှန်သမျှကို နေရာတစ်ခုစီပေးထားပြီး စိတ်ချလက်ချဖြစ်နေသည်။ သူ့ဘေးကလူတွေကသာ မရောင့်ရဲမတင်းတိမ်နိုင်ကာ လောဘတွေတက်နေကြတာ။ ညီညီ့ကိုထိခိုက်လာမှာမျိုးကို ဇေလုံးဝလက်ခံပါ။
ညီညီ့ဘေးကနေ ဖြည်းဖြည်းချင်းထွက်သွားဖို့ဆုံးဖြတ်ခဲ့ပြီးပေမယ့် ထွက်မသွားဝံ့စရာအကြောင်းကပေါ်လာခဲ့သည်။ ဇေ့အတွက် ထိတ်လန့်တုန်လှုပ်စရာ အကြောင်းတစ်ခုပေါ့လေ။ ထိုအကြောင်းကြောင့်ပဲ ညီညီ့ဘေးမှာဆက်နေပြီး ညီညီ့ကိုပျော်အောင်ထားပေးရမှာက ဇေ့တာဝန်ဖြစ်လာသည်။
"ညီညီ့ကိုသားကပဲ ဆက်စောင့်ရှောက်ပေးပါ"လို့ အန်တီကပြောသည်။
လတ်တလောအရတော့ ညီညီ့အနားကခွာဖို့မဖြစ်နိုင်တော့ပါ။
ဘာလို့ဆို ညီညီက စိတ်ကျရောဂါခံစားနေရပြီး Suicide လုပ်ပစ်ချင်လောက်တဲ့အထိ လက္ခဏာတြွေဖစ်လာနိုင်သည်တဲ့....။
.......
#Yoe
Aug 10 2022 9 : 58AM