مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه.
"""""""""""""""""""
أمي من بعد ابوي كلهه روحي لبيت اهلج. جلبنه بيهه سكتت ودخلت للغرفه وسدتهه عليهه
إنا ومريم بقينا بالصاله وابوي دك على عمي ابو حنان
ابو سلام: كول لااخوك لبت منهي عليهه
ابن عمهه نهى عليه
خبر اخوك بهل حجي وسد تلفون
رجع دك على سلام
ونسمعه كله بت عمك جايها عريس وانا نهيت
عليهه كلتلهم البت لاابن عمهه
أبوي حجه كلشي لسلام وضاهر سلام مقابل ضال يحجي لان ابوي ضل يصيح عليه
و عصب وكام يحجي ويغلط خرطهه كلهه
ختم ابوي المكالمه وهوه يكله غصبن عليك تزوجها هاي بت عمك شلون تخليها للغرب
انت مو رجال ولي بكدك ولدهم بطولهم
قطع ابوي الاتصال وي سلام وهوه يجدح غضب
سلام خطيه جان بالطريق حته ماوصل وابوي اتصل عليه
سلام
جنت بعدني ماواصل
وابوي اتصل علي بدون سابق انذار فاجئني
نصدمت شنو بت عمي شنو أنهى عليهه
إنا ويني وين الزواج وانا شايفهه اعرفهه
وماادري بأي ساعه الله ياخذ أمانته ابد مامفكر اتزوج وخلف طفل واتركه يتيم
رفضت كلام ابوي بس ابوي عصب مني وكام يحجي
سلام: بويه رحمه علئ والديك انا ماريد اتزوج بس فهمني بس خل احاجيك
ابو سلام: شنو تكسرون كلمتي تردون تموتوني انتو وعمامك
سلام: اسم الله عليك يابه ماعاش،اليكسرك بس ولله ماريد اتزوج
جاي احجي وابوي سد التلفون
استغفرالله يالله استغفرالله يامحمد
رجعت اتصلت علئ سامر مارد اتصلت علئ امي محد يرد وصلنه وانا اتصل وماكو خفت علئ ابوي
واخيرا ردت علي رواء
رواء :الو ها سلام
سلام: دخيل ربكم وين جنتو من يمته اتصل
رواء: سلام ابوي تخربط وجبناله المضمد رجع رتفع سكره
سلام: صدك وهسه شلونه شلون صار سكره اطيتوه الحبايه الجوه اللسان
رواء: اي اطيناه هسه شويه احسن وصلت انته
سلام: اي حبيبتي وصلت حنوشه ودي التلفون لابوي اريد احجي وياه
رواء:اي بس لحضه
ابو سلام: الو
سلام: هلا يابه شلونك شلون صرت هسه
ابو سلام:الحمدلله
سلام: بويه انا موافقك مثل ماتريد
ابو سلام: اي عفيه باابني حزام ضهري لاتخلي احد يكسرني. باجر من غبشه انا رايحلهم واخابرك كدامهم تنهي كدام عمك خاف مايصدك
سلام: هاهيه بكيفك بويه بس انته مريض هسه خليهه غير يوم
ابو سلام :لاا البنيه راح تروح مانلحك
سلام: خوش بويه براحتك دربالك علئ نفسك مع سلامه
شغل تفكيري وخربط وضعي
وشتت أفكاري وزاد همي
بس شسوي هاذا امر ابوي وماكدر اكسره وهوه مريض ضجت من الزواج والحب من وره عذراء
وشلون رخاف اتزوجهه واستشهد وشلون راح اتئقلم وياهه وهيه من بيئه وانا من بيئه ضلت افكاري تاخذني وتجيبني ثاني يوم اجانه امر اكو هجوم من داعش ونسيت كل نفكيري
"""""""""""""
رواء
ثاني يوم من الصبح ابوي الا يروح العمامي
امي ضلت تحجي وسامر كلوله موتعبان لاتتخربط
راد سامر يروح وياه ماخلاه
طلع ابويه
ام سلام : استغفرالله ياربي هذا الرجال راح يموتني
سامر: هسه عليمن حارگ گلبه هيج
ام سلام: هذولي عمامك شيجي من وراهم غير المصايب شارده هنا ومامرتاحه منهم ومن مشاكلهم فوكاهه ابوك يريد يجيبلي مصيبه يحطهه ويانه اجيب بت جميله واحطهه ابيتي
سامر: بس خطيه سلام غير هوه يختار حته احنه ماشايفينها
ام سلام :اي كلش اذا رايح يطلعلوك ياهن حته مايخلون لاولد عم ولاولد خال يشوفهن
رواء: خطيه ذن مضلومات
ورده
راح حازم وده الجاي شويه وسمعنه صوت صياح
شويه واجه باوع بوجهي
حازم: ولله فگر انتي يمه سوي نومي بصره شي لعمي تخربط
ام ورده: شنو ولك شصار
حازم: اوكفي يمه خل اشوف
سوت امي وراحت هيه تفوت وتشوف شنو
كلت عيب خل اروح اسلم عليه واشوفه شبيه
دخلت عمي وجهه احمر وتعبان وابوي كاعد يمه رحت سلمت عليه وبست راسه
ابو سلام: شلونج بويه ورده
ورده: بخير عمي انته شلونك سلامتك
ابو سلام: الله يسلمج بويه
طلعت بسرعه ابوي وجهه غادي نار
نص ساعه وعمي راح اخذه عمي ابو حنان وياه
اجتني امي
ام ورده: رتاحيتي صدك من كال حازم فگر تكنين وتطردين الرجوله روحي لزهره هسه توكلج خ....
ورده :شبيج يمه شمسويه
ام ورده: ابن عمج المعتبر ناهي عليج حته ماشايفين جهرته هسه استرجل علينه من سمعو باابو ناصر
مثل صاعقه نزلت عليه وماعرف شنو صارلي
أريد احد يكلي حته أصحى من هل كابوس
أخواني ماحجو وامي وابوي دخلو. للغرفه وسدو الباب
إنا بقيت مصدومه صدمة عمري
محد أجاني محد حن عليه بذيج الساعه وساندني وفهمني حتلو بحرف واحد واجهت صدمتي وحدي صرت مثل لمخبله
شلون بيه ياربي صرت اطلع من مشكله اطيح بل اكبر منها
إنا الزواج من ابن ابو ناصر ذبحني
وكملها عمي وقضه عليه بالكامل
ياربي دخيلك خلصني من اهلي ومن عمي ومن الزواج كله ومن حياتي
صرت ماعرف شحجي
دمعتي شاطت ابد مانزلت
امي اجت للمطبخ تسوي عصير ليمون لأبوي صاعد الضغط عنده
ركضت مثل لمخبله عليها
ورده: ذبحوني موتوني وماتزوج ابن عمي
ولا غيره كافي شنو لعبه عدكم انا كل يوم سالفه زواج جديده كرهت نفسي يمه يوميه الواحد
يوميه لوعه يوميه شوغه حسي بيه يمه انا زواج مازوج
اجت دفعتني وجرت شعري
ام ورده: ومرض المرض لاتضلين تاكلين نعل وانعلج ونعل بيت عمج وياج انتي يوميه ماركدتي علئ غيث المن البدايه تتعايرين طبعا مدللهه كله من وره ابوج وللحسين مال واحد يشبعج دك انتي
ورده: المن خلفتيني اذا ماترديني تردون بس تشمريني شمسويتللللكم انا شمسويه موهاي مرت عمي تموت علئ حنان ورقيه ليش انتي تكرهينه تحبين بس ولدج انتي
اجت صفكتني راجدي
صرت مخبله وماعرف شحجي واصرخ وارد عليهه طلعت البگلبي كله
أبوي واخواني والبنات اجو يركضون
حازم بدون مايتفاهم اجه يريد يكتلني
ابو ورده: حاازم وخر ورده تعاي ورايه للغرفه بسرعه
رحت أركض وراه
ورده: فدوه بويه ماريد اتزوج لاتطيني لأحد
ابو ورده: شوفي ورده. انا تصخم وجهي كدام ابو ناصر شكل للناس وهمه جاي يحضرون وباجر جاين ياخذونج صديجي هذا بس هذا هم اخوي وماكدر شسوي وبعد نهئ ابن عمج أوله بيج
ومادام هوه شاريج ماراح تلكين احسن منه وعمج يحبج
إني غلطت يوم لمن وافقت على زواجج من ابن ابو ناصر
وسمعت انو ناصر عنده سوالف مكسره بس ابوه مغطي عليه
ورده :وتدري وتريد تطيني اله يعني لوماعمي جاي جا ماحجيت ليش ليش انا موبتكم
ضل يصيح عليه ابوي
وابوي حدد مصيري
ابو ورده: هاي هيه ابن عمج ابن عمج وان شاء الله بس ينزل ياخذج
إنا هيج سمعت لونجنيت بس اريد اصرخ محتركه من داخلي
عانيت بهذا اليوم معانات
ااكتل روحي ومازوجه
تمنيت الموت ياخذ روحي ويخلصني من هل دنيا
كطعت الاكل حسبالي اعاقب روحي واموت ونوم جافاني وماتغمضلي عين ابد
و لمشاكل شتدت بيني وبين امي واخواني
نعزلت منهم تماماً ومااحجي وي احد وحته ابوي من اشوفه اضم روحي وماخليه يلمحني زاد حقدي على اهلي وكرهي الهم
لكل دره بموضوع النهوه
ونتشر لخبر بلسلف وعد لگرايب
وإنا كلما سمعت احد جاب طاري هاي سالفه اتكهرب مدري شيصير بيه
ثاني يوم اجت مرت خالي مسيره علينه
وسألت أمي عن موعد الزواج مالي قصده على زواجي من ابن ابو ناصر
ام ورده: وين خيه غير ابن عمها نهئ عليهه
مرت خالي خلت ايدها على حلكها متفاجه من الي سمعته
مرت خالي: والله خيه ابن عمها جان نايم هسه يله ذكر عده بت عم من اجت قسمتهه
اشو الناس برد شرها ماتريد لخير لغيرها
هسه هوه يمكم كرباكم اشو صالهم ٢٠ سنه من شالو لبغداد
وحته مايجونكم هسه يله ذكرو
عدهم بت عم وهسه شراح تسؤن
ام ورده: ابوها يكول ابن عمها ماتتعير بيه وتاخذه غصبن عليهه
ابن عمها احسن من الغريب همه كايلين بس ينزل الولد من الدوام
مرت خالي: من الدوام جاشنهو موضف هوه
ام ورده: لا خيه عسكري يكولون وبعده غاد ماجاي لهله
عود من يجي يزوج
مرت خالي : عسكري فلك طرج كون خيه هسه تلكينا بنص لموت
وين جانت مضمومتلج بتج تترمل وهيه بعدها فرخه
خيه الوضع مال العراق مو شي وهل يوميه نسمع فلان اسشهد
شهكت امي
ام ورده اسم الله خيه حجيج يخوف اسم الله علئ فال بتي
مرت خالي :خيه انا احجي الصدك غير ذاك احمد مو صارله شهرين عرس ولتحق بلحشد واسبوع وستشهد
وذيج مريته بلضيم حدر أدين نسوان خوتها
ام ورده : خيه شسوي والله نشلع گلبي من هل بت كلما تجيها قسمه تصير بيها مشاكل وتخرب
مرت خالي: اكلج ماتخلينه نروح للعلويه ام عيسى تكول ناس خيرتها مضبوطه وتطيهه بل كصه بلكي تقره عليهه وتطيهه حرز شي
ام ورده : هاا والله مادري شكلج بس خاف ابوها مايرضه لان هوه يسودن من لبت لتطلع وتمشي ماتدرين بيه حدها تسرح وترجع
مرت خالي: خلي انا وياج نروح هسه واذا كالت جيبنهه اليه منا الذاك الوكت الف باب وجواب
ام ورده: والله بعد بكيفج وأريد من بخت الساده يهديها ويصبب گلبها على الزواج
مرت خالي: ان شاء الله خيه همه ناس تتعناهم من كل صوب بس واحد يوصلهم صلوات على محمد كبل يرجع فرحان
ام ورده خوش جاا انا باجر امرلج من الصبح ونروح الهم
ها بس لاتكولين لساجده الحيه تسوينه نسوي سحوره
مرت خالي: ان شاء الله خيه لا جامادري بيهه هاي
هيه وينها ورده شو مااجت سلمت عليه
ام ورده تعاي ولج ورده سلمي على مرت خالج ام محمود
إنا بالمطبخ كاعده وتصنت عليهن طلعت سلمت
وخالتي كعدت تجيب وتسطر بذاني بهل حجي الي طب منا وطلع منا ولاكلمه كدرت تقنعني
أم محمود :خاله ورده شو ذبلانه شنو محتركه سفن مال ابوج شنو
هسه شنهي يخاله محد معرس اشو احنه ازغر منج وعرسنه
ها خيه ام حازم موش صدك عرست وانا بعدني فرخه
وبعدين أنتي موش اول وحده ولا ثاني وحده تزوج ابن عمها لو ينهى عليهه ابن عمها
يخاله اكو والله ابدلت ابعرس وينهي عليهه وياخذهه
وهاي كل بنات البكدج كلهه عرست
كامت تعدد بل بنات الي تزوجن هنه صح بعمري وهم الي اخذت ابن عمها ولي اخذت كرايب ولي ابن خالهه ولي ابن عمتهه
شوفي يخاله وكلهه عايشه ومرتاحه وانتي معدله وعيب وفشل الناس تسمع شتكول شعدهه كلما اجاها زلمه يريد يخطبها ترفضه وتكول ماريد اتزوج
ناس راح يتهمونج بتهايم بس الله يستر منها
تريدين تفشلين ابوج وناس تجيب طاريه بشينه
ويكولون بته عدهه صاحب لوشوشبيه
نسطر راسي من كد ماجابن وخلن براسي
وانا ادخل منا يطلع منا
راحت مرت خالي
وإنا بقيت كاعده ومخليه راسي بين ركبي والدنيا طالعه من عيني
شتغلت الكهرباء
وشتغل تلفزيون على قناة لمهدي أحنه ابوي مايقبل نشوف غير قنوات الاسلاميه
لو قنوات افلام كارتون
بس اخواني الولد
عدهم هناك تلفزيون بلديوانيه ويشوفون كلشي مسلسلات وافلام وبرامج.
إنا وفاطمه وماسه كله على افلام كارتون كارتوني المفضل دروب ريمي وسالي اشبع بجي على سالي وريمي
درته على سبيستون وجان طالع
عهد الأصدقاء وكعدت اباوع عليهه
نص ساعه وخلص عهد الأصدقاء
وكمت اخبز جان وكت غده
خبزت وسويت غده تمن ومركة فاصوليا
كملت الغده وأخذت ملابس ورحت اسبح
دخلت للحمام وهم اجت عيني على جرح الي مسببلي ازمه قهر وحزن بداخلي مشوه كل فخذي
ذبيت حسره واتمنى انام واكعد ولكيه مختفي من فخذي
إنا حته خواتي وامي ماخليهن يشوفنه
مره طفر عليه بريعصي وسودنني
وكمت اعيط وامي وخواتي ركضن عليه ونزعني ملابس
وامي لمن شافته ضلت مصدومه
وكالت الله يسامح ابوج وجدج بذاك لوكت محد اخذج للطبيب حته يداوي جرحج حته يطيب
سوده عليه يمه ماكل نص فخذج
ستحيت من امي وبسرعه غطيته بيدي
تصبحون علئ ماتتمنون فراشاتي 🦋💙