مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه.
"""""""""""""""""""
رواء
سلمت علينه وكعدت
تعجبنه علئ شكلهه
امي راسأ سئلتهه
ام سلام: شبيج خاله عذوره ليش هيج ذابله الي مثلج هسه بنص الخير ومرتاحه امج كالت
هيه سكتت بس خالتي نفجرت غلط وسب على زوجها وأهله
أشكال لغلط الي يكزبر الجلد منه
وفتهمنا من كلام خالتي أنو هوه يشرب وابو بنات وحته يجيب بنات لشقه مالتهم واحد سرسري
ويضربها اذا حجت كلمه
مطين عيشتها خلال ذني ٤اشهر
وحته حامل وصاير عدها إسقاط
من الضرب والاهانه والصدمات الي تشوفهه من زوجها
خالتي متعاركه وياه واخوهه ضاربه ومتعاركين
ومخابرين علئ اهله يكلولهم ولله هوه زوجهه وبراحته لاتدخلون بينهم
ومن رايدين يجيبونهه كايللهم اريد اطلكهه وخذوهه ماريدهه
ام سلام: يااا وعذراء ليش ساكته من الاول
خالتي: المطيه غير اسئلهه تكلي زين وتسكت علئ خياساته
عذراء: وهيه دموعهه يلالن خاله ولله اول شهر جان زين ومدللني
نقهرنه عليهه
ورجعت عذراء مكسوره ومذلوله من هذا الزواج الي هيه ختارته من ايدهه
نكسر كلبي على حالته مجنت متوقعه يجي هيج يوم ويصير بحالهه هيج
خالتي ضلت تحجي وهيه دموعها تجري علئ خدهه
نقهرت عليهه حيييل
امي تهدي بخالتي الي شابه ناار بگلبها على حالة بتهه الجانت بحجايه مايمسونهه
ام سلام: هدي روحج يختي راح يصير بيج شي عذراء لا اول وحده ولا اخر وحده تطلك وتخلص من واحد نذل
بعده بزغرها والعمر كدامها وان شاء الله يعوضها بل أحسن
لاتضلين هيج تحجين وتدعين كدامها
و تزيدينهه هم فوك همها
اجه سامر اخذني رجعت لبيتنا باجر عدي دوام
وامي بقت يم خالتي كالت خالتج تعبانه وأريد ابقى يمها
أمي ثاني يوم اجت من بيت خالتي
أم سلام: حنوشه بنيتي طلعيلي ملابس خل اسبح
رواء: هسه يمه سلام دك مرتين وسئل عليج والجهاز هنا ضال كتله يم خالتي هابط سكر عدها وبقت يمهه
ماكتله على طلاك عذراء
ام سلام: فدوه رحتله بس اطلع من الحمام اتصل عليه
سويلي جاي راسي يريد يطك من القهره
جان گلبي ناغزني من هذا الولد وأهله بس خالتج طايره بيه مادري اشافت بيهم
رواء: يمه بعد هاي قسمتهه وهوه اختيار. وهيه اختارته محد جبرهه يمه ولاتكولين لسلام من تخابرينه
ام سلام: ليش ماكله
رواء: هيج يمه تعبان مايحتاج
اجه. سامر
وامي سولفتله الصار بعذراء
سامر: خالتي فد وحده وسكت
متكلي لي وين لكت هل كو....... وزوجته للبنيه
وهيه الله يسلمها بس كون تزوج تطير وتحط هسه شحصلت
ام سلام: نجب ولك لاتحجي علئ خالتك وعليهه
سامر: يله المهم الله خلصهه منا كلولهه خل تستقر وتدرس
يما انا رايح يم جماعتي شويه واجي
ام سلام: الله وياك بس لتتأخر وليدي الدنيا مو أمان
سامر: تأمرين خاتون. اكو اوامر ثانيه
ام سلام: فدوه رحتلك روح الله وياك
سبحت امي وجبتلهه التلفون اتصلنه على سلام وحاجه امي
وسئلهه شبيها خالتي وامي جرت سالفه اله
يااا انا شكتلهه عود وصيتهه واعض بااصبعي
وهيه مكمله ولاجنهه تشوفني
وسمعه كال لاحول ولا قوة الا بالله العلي العظيم
خطيه
خصم لموضوع شلونكم شخباركم
شويه وسداه
""""""""""""""
سلام
لمن امي كلتلي على طلاك عذراء
ماعرف شصارلي نقهرت عليهه
ماعرف اتشمت بيهه ضايج منهه حيل بس ماكرهتهه لان هاي جانت بيوم من الايام حبيبتي والهه معزه بگلبي
دعيت الله يبعثلها ايام حلوه وماحن الها بيوم من الايام. لو ترجعلي تبجي دم
وره شهر جنت كاعد بغرفتي نازل من الدوام صار يومين
دخلت عليه امي ضلت كاعده تسولف حسيتتهه تريد تحجي شي وماتعرف شلون تفتحه
سلام: يمه احجي شنو تردين تحجين احس بحلگج حجي
ام سلام: يمه شوف انته وليدي الجبير واريد افرح بيك يمه صلوات ماناقصك شي
سلام: مامفكر بالزوج يمه بعد وكت خليني هسه وتفرحون بيه ان شاءالله الزواج ماطاير
ام سلام: يمه شوف انا اكول علئ بنيت خالتك حرامات تتفوت يمه اشو تخبل وماناقصهه شي حته لومطلگه مايمنع خطيه يمه حته دراستهه عافتهه خل اخذلك ياهه وبنيتنه منا وبينا
سلام: لايمه اول شي مااريد اتزوج هسه وبعدين لوقررت اتزوج ماريد عذراء
ام سلام :ليش يمه سلام شناقصهه واذا مطلگه غير حظهه ورطهه زينة البنات وبنيت خالتك
سلام: يمه فدوه اروحلج سدي الموضوع
ضلت امي كل نزله الي تفتح الي الموضوع وبت خالتك وبت خالتك وعذراء تسئل عليك وعذراء كالت هيج
اوف يايمه بت اختج هيه الختارت هيج احسللهه موتدور ماديات هسه اجتني
"""""""""""""""
رواء
امي بقت تلح علئ سلام علمود تاخذله عذراء
وتضغط عليه
رواء: يمه عوفي اللولد مايريدهه هيه گوه
ام سلام :وشبيهه مايريدهه احسن من الغريبه
رواء: يمه تره بت اختج تتمضيك حيل ماتلوگ لسلام
ام سلام: انجبي ولج ليش تحجين علئ بت خالتج
رواء: احجي الحق يمه تره خالتي وعذراء يدورن فوك فووك
ضلت امي كلما ينزل سلام تكله مللته خطيه مره كاعدين
وفتحت الموضوع يم ابوي
سلام: يمه ولله متت من هذا الموضوع كتلج ماريدهه وماريد حته اتزوج
خله وكام صعد
ابو سلام :زهره ماتعوفين الولد علئ راحته مايريد يتزوج من يريد هوه يكللنه وبعدين هوه مامتزوج غير ياخذله بنيت بيت
ام سلام: واذا مطلگه شبيهه يعني اشو شحلاتهه قسمه وماصارت
ابو سلام :ميخالف خليه براحته هوه من يريد يكللنه وهوه يختار
رواء: يمه كافي هسه تشردينه من البيت
ام سلام :نجبي انتي كلما حجيت ونبزتي روحج بلنص
زعلت كمت اخذت كتبي وصعدت
""""""""""""""""
سلام
هاي السنه جان
دخول داعش للعراق وسقوط الموصل ونسحاب القوات الامنيه
وسيطر التنضيم على بعض المناطق واحنا بقينه محاصرين ومانكدر حته نتواصل وي أهلنا
ايام مرت علينه صعبه حيل
صوت الطلق والقصف أبد مسكت
شباب بعمر الورد راحت أصدقائي ٢ ويانا استشهدوا بقصف. داعش جان يدافع عن موقعه
بكل قوه. واكو ناس وكفت وياهم وساندتهم شي جبير ساعدهم. خله الوضع يصعب ويخليهم مسيطرين القصف بكل مكان والاهالي تركت بيوتها
وشردت من القصف الجو اسود من دخان حرك البيوت والسيارات ولدمار إلى سببه داعش القذر وبس صوت الاطلاق الناري ولقصف يرن بروسنأ دنيا ضلمه بعز نهار من الدخان والقصف وريحة تموت الواحد بينه كل دقيقه يتشاهد على روحه
خاف يسشهد بأي لحضه
تغلب تكفير داعش على تفكير الناس
واقنعهم أنو الجنه فوق جثث الروافض
دارت بينا وبين أشر خلق الله شتباكات وحرب طاحنه تستمر لساعات طويله تخمد دقايق لااكثر وترجع تندلع بين الموت وبينا شعره وحده
بس الحمد الله يجينه الدعم من إخوتنا الحشد والقوات الامنيه بكل اصنافهه
فوك الشهر ونص واحنه مانازلين لااهاليتنه
تكاتفت الأيادي من أجل تحرير أراضي العراق من جرذان داعش
تتعزز صفوفنا بسواعد إخوتنا الأبطال ونزداد عزيمه وإصرار حته نسحكهم
نطينا شهداء وكل شهيد اله قصه
تبجي الصخر
الله يرحم شهداء العراق بحق محمد وال محمد ومن ضمنهم صديقي يونس الي استشهد بصفي
جنه داخلين حرب شوارع وي فساد لأارض داعش
الانذال وانا وياه نفس لمكان لازمين اسلحتنه وكاعدين بصف سياج مال بيت بينه وبين داعش اربع بيوت وصارت اشتباكات بينه وبين الانذال وستشهد نهاريت عليه ومن حركت كلبي طلعت من وره السياج وكمت أرمي عليهم
وأصدقائي كامو يصيحون سلام ارجع سلام ارجع شبيك ولك تسودنت هذا. بطل شهيد
رحيم: لاسلام لا تعوفني سلام ولله مااسامحك ارجع
سلام: عوفني اموت وراه رحيم
أصدقائي رجعوني كوه وانا ركضت ليونس الي نايم مثل الملاك
تمددت يمه واصرخ
سلام: اخ ولك خويه طريت كلبي يونس الموت موالك كوم ولك موتكول هسه ارجع والكه مرتي جابت موتكول راح تجيني بنيه وادللهه منو الهه ليش تيتمهه
نهاريت
يونس تعرفنه عليه اول مالتحقنه بلعسكريه
من اهل الناصريه زلمه صاحب غيره وشهامه واخو خيته معدل. صار حيل مقرب الي
دخت وراسي احسه راد يطك احس الدنيا كامت تفتر بيه
صحيت على نفسي وهمه يذبون عليه ماي بارد شفت سيارات اسعاف تنقل بلجثث وشفت سياره واكفه يم جثمان يونس مخلينه بلحماله يردون ياخذونه
ركضت وصحت بعلو صوتي
سلام: خلصت ونتهت عشرتنه يونس خويه
ولكم فدوه اوكفو خل اودعه ماودعته رحيم يونس بعد مايكعد يمنه ويسولف ويانه ولك رحيم منو يضحك بينه شنكول لاامك وابوك شنكلهم مرتك الكاعده تنتظرك هيه وبتك الماشفتهه
الأمر مالتنا موجود وصاح عليه
الأمر: تعال هنا ابني
شنو يصير منك الشهيد
سلام: اخوي وصديقي
الأ مر: لاحول ولا قوة الا بالله الله يرحمه ابني صير قوي افتخر بيه هذا بطل
نطاني اجازه اسبوع. وكتله رحيم هم وياي مانازل من التحقنه كال روحو وي جثمان صديقكم
تشكرت منه وصعدنه بسيارات الحمايه الي تنقل جثث الشهداء
وصلنا جثمانه للناصريه لبيت اهله شاركت بتشيع ورحت للدفن وياهم. وحال اهله يمزق الگلب
كملنه ورجعنه طلعنه لبغداد
وصلنه لبيوتنه ٢ونص بليل
تلفوني طافي شحن طفرت من فوك السياج ودكيت الباب مال لمطبخ
اجا ابوي يصيح اي اي ياهو
سلام: اني بويه سلام
فتحت الباب ابوي وهوه مامصدك حضني ويبوس بيه
ابو سلام: الف الحمد لله على سلامتك بويه هديت حيلنه نگطعت اخبارك وهاي امك راح تموت عليك
سلام: الله يسلمك يابه لاالحمدلله بخير مايمنه شي احنه بس شبكه ماكو ونقطعت الاتصالات
على صوتنه اجت أمي
وركضت وحضنتني وتبجي
ام سلام: يايمه يا بعد حيلي ولك يمه ليش تشلع گلبي نار شابه عليك گلب امك انته وعمرهه
سلام بست راسه: شلونج يالغاليه بعد روحي يمه انا بخير كلشي مابيه
ام سلام: بشوفت طولك بخير
كعدنه بالصاله وامي كل شويه وباستني وتشم بيه
ضلو يسئلون بيه علئ الوضع
كتلهم نطوني اجازه ٧ايام سولفتلهم على صديقي وامي ضلت. تنعي وتبجي
ام سلام: بعد ماخليك تروح لو على كص ركبتي وتكول احنه مايمنه شي بخير تجذب علينه سلام
سلام :لايمه يونس مويمنه بغير مقر احنه مكانه امن
ابو سلام: ام سلام ماتشوفين الولد شلون مهدود حيله من التعب والضيم وانتي تولولين فوك رأسه
كوم وليدي ارتاح ماعليك بيها
اريد اكوم ماكدر نهضت وماكدرت هيلي مهدود
ومابيه حيل حته انهض
إم سلام: جوعان يمه اسويلك عشه
سلام: لايمه ماريد اريد انام تعبان
صعدت
ذبيت ملابسي وسبحت ونمت
كعدت ثاني يوم وسبحت وبدلت
واخذت فلوس
ونزلت لاكني خواتي سلمن علي وعزني
سلام: امي وين
رواء: جوارينه مرت ابو عاصم مسويه عمليه
وراحت تأدي الواجب
سلام: ها إذا اجت كليلهه سلام طلع لناصريه
رواء: صار الله وياك
""""""""""""""
رواء
سلام مبين عليه الحزن والتعب حته صوته رايح
لابس دشداشه سوده وهاي اول مره يلبسها
طلع وانا طلعت وراه ودعيت ربي يحفظه
خطيه كلش مكسور علئ صديقه
سلام
طلعت لناصريه طريق ٥ساعات وصلت لبيت اهل يونس ونزلت بلشارع مالهم وصار كبال عيني الجادر مال الفاتحه
ماكدرت اسيطر على دموعي غصيت
دخلت للفاتحه واديت الواجب بقيت ساعتين
وسلمت على ابوه وإخوانه
وخليت مبلغ يم ابن عمه كتله امانه هاي لبت يونس دربالكم عليهه
رجعت لهلي مهدود من التعب صعدت الغرفتي ذبيت نفسي وماادري بل دنيه شبيهه مابيها
ماصحيت اله علئ صياح رواء فلشت الباب
رواء: سلااام سلام فدوه اكعد ابوي ماعرف شبيه
فزيت مرعوب ونزلت من الجربايه وركضت عثرت بلبطانيه فتحت الباب
صارت بوجهي رواء تبجي
سلام: شبيج شبيج
رواء: سلام الحك فدوه ابوي ماعرف شبيه جان يخابر. ويصيح ووگع
نزلت اركض بس بلبجامه
ولكيت ابوي كاعد على القنفه وجهه اصفر وامي تغسل بوجه
سلام: خير شكو يمه شبيه ابوي
ام سلام: همه عمامك يجي من وراهم خير
كعدت يم ابوي افرك بصدره
سلام: عمامي شبيهم شنو الي صار رواء
جيبلي تشيرتي بسرعه خلي نروح للمستشفى
""""""""""""""""""
رواء
جنه كاعدين ندرس يم امي وابوي
دك تلفون ابوي سلم وعرفنه من كلامه واحد من عمامي اسمعه يكول
شلون ليش هيج انا صرت غريب حته ماكلتولي وتريد تنطيهه لأكبر عدو اليه الي شوه سمعتي بل سوك وخلاني اكعد على الحديده ٣سنين
هيج انا رخيص عدكم تفضلون عدوي ومدخله بيتك وموكله ومشربه ونوب تنطيه بتك
ولكم ماضلت براسكم نخوه لوغيره
أبوي شكد حجه حجي مينلبس عليه ثوب وانا ماسامعته هيج يحجي من قبل حته كام يفشر وضل يرجف
إنا وامي واكفين نهدي بيه
وأمي تلوج وتصيح اكيد عمامج الزفت الي ماوراهم بس المشاكل
بعدهه امي تحجي وابوي وگع
ركضنه عليه وامي تخبلت كامت تصيح
جبت ماي وذبينه على وجه بابا بعد يرجف ركضت لسلام
شغلت السياره وصعدت ابوي سانده وصلنه للمستشفئ
واجه دكتور وكال مرخصتكم اطلعوا بره خلي اشوف لمريض
طلعنا بره الغرفه بلطوارئ
بقينا واكفين بره وأمي تبجي وتصيح
ام سلام :ابوك راح يروح من ايدي
عمامك لمن يموتونه يله يرتاحون
سلام: استغفرالله يمه شنو هل حجي عمامي شعليهم
ام سلام: ولك مدري شعدهم وي ابو ناصر آل......... وابوك صار عصبي وتخربط
الفضول كتلني اريد اعرف شنو الي خله ابوي يتخربط
شنو الصار بينه وبين عمامي
طلع دكتور وطمنه على وضع ابوي
كال الضغط صاعد عنده والسكر
سجله علاج منضم وطلعنه بس ابوي ناااار صاير عصبي ويغلط على عمامي أشكال الغلط
سلام :يابه هدي ستوك طالع من المستشفئ شنو
السالفه شبيهم عمامي شنو الي صار
ابوي ضل ساكت ماحجه شي
وصلنه للبيت وسامر. واكف اباب البيت ينتضرنه ودينه ابوي لغرفته يرتاح ونطته امي العلاج
كلت خليه من يرتاح يكللنه صعدت فوك لغرفتي
سبحت طلعت من الحمام
فتحت تلفوني جماعتي لكيتههم حاركين عليه تلفون حرك لازم التحق وياهم حته تكون الإعداد كامله مال لمقاتلين لان
الجيش العراقي كاعد يتحرك للاامام حته يحرر الموصل
حضرتلي كم شغله أخذهم وياي
وصحت على رواء تسويلي لگمه حته اكل مماكل صار يومين نزلت وجنطتي بيد
امي تفاجئت
ام سلام :وين يمه سلام
سلام: جماعتي متقدمين ولازم التحق وياهم
امي ضلت تبجي
ام سلام :فدوه يمه لاتروح لخاطري لاتشلع گلبي سلام :يمه رحمه لوالديج لاتضلين هيج تسوين كلما اريد اروح فدوه لعينج
الموت. يجي هناك هنا شنو الفرق كلمن ويومه
يمه هذا العراق وتردين نعوفه الدواعش يقتلون ويفجرون ويسبون نسوانه. وينتهكون شرفنه واحنا ساكتين
سلمي على ابوي وديري بالج عليه
يمه ادعيلي وأدعي لكل أخواني لمقاتلين
بست راسهه ومسحت دموعهه
رواء: سلام سويتلك اكل وين رايح وانت مماكل شي
خلت الصينه كعدت اكلتلي لكمتين وسلمت وطلعت
""""""""""""""
رواء
ركضت وره سلام يم الباب
رواء: سلام دير بالك على نفسك فدوه حبيبي
سلام: ان شاء الله ياست البنات
ديري بالج على أمي وابوي
و خابريني كليلي على كلشي جديد ماشفت عمامي شحاجين ويا ابوي مالحك بأس راسي وطلع
ضليت ابجي وراه سلام من دخل العسكريه تغير هواي
صار حنين علينه ويسئل شبينه مابينه ويطلعنه ويشتريلنه
قبل جان نهار كله برا البيت ميجي اله توالي الليل
وابوي دوم يعاركه ويكله انته مابيك حض ونهار كله دايح وي ربعك الادبسزيه مايصير براسك خير الناس تريد بس تشتغل عدنه بلمحل وانته تتشرد
وسلام جان يرادد ابوي وضل يصيح ويحجي مايقبل
ومرات ابوي يطرده بره البيت
وامي تضل بدون اكل وشرب
وابوي يرجعه على مود امي
هسه الحمد لله سلام تغير هواي
وعاف سوالف لمراهقه
كلها وصاير رجال فدوه لطوله الفارع
أبوي كعد وره نص ساعه وكال صيحو لسلام
ام سلام: التحق اجاه إتصال ولتحق سوده عليه حته مالحك ياكل اكله لكمتين راح يركض
أبو سلام: شنو التحق مو على ساس اجازه اسبوع
سامر: يابه هسه موامان انذارات شوكت ميردونك لازم تحضر حته لو بعدك بالطريق هستوك نازل لهلك
أبو سلام: الله وياه ويحرسه بعينه التي لا تنام
سامر بابا جيب التلفون ودكلي على عمك ابو حنان
ام سلام: خير ان شاء الله شعدك وياهم الي مايجي من وراهم بس شلعان الگلب
أبو سلام: زهره كرميني بسكوتج مالي خلكج تره
سامر: يابه شكو فهمنه
أبو سلام :عمك ال........ ابو ناصر خاطب بته ورده وعمك ال......... موافق بدون ما يشورله احد او ياخذله رائي احد
ولك يدخله لبيته وياكل ويشرب غلست منهه وسكتت
بس هسه يريد يكملهه يناسبه ويزوج بته لأبنه والعرس الجمعه الجايه
و مكلمين كلشي وانا اخر من يعلم ولكم شلون اني عمها اخر من يعلم يريد ل......... يذلني ويشمت بيه ابو ناصر ل.......... الي اكبر عدو اليه ونسيتو شلون كعدني على الحديده ٣سنين
من وره الاشاعه الي طلعهه عليه
امي ضلت تحجي على عمامي وتذم بيهم وابوي ساكت ماحجه شي
سامر: يابه يجوز عمي مايعرف هلكد بلي بينك وبين ابو ناصر
لاتكبر لموضوع وانته مريض موزين عليك
أبو سلام: يعرف شبيه مايعرف انا اربيه هل..........وعلمه شلون يناسب ابو ناصر
سامر: شسوي
أبوسلام: شنو شسوي ماعدي زلم وتنهي على بت عمهم
عم الهدوء ثواني وامي وسامر مصدومين
إنا. ومريم واكفين يم الباب وخايفين من غضب ابوي وشلون يحجي
ام سلام: شنوو شنوو نهوه
وبعدين انا مازوج ولدي من بنات جميله النسره جانت مناشبتي على كلشي ومكرهتني عيشتي
أبو سلام صاح: اسكتي اذا حجيتي كلمه لبيت اهلج كبل
سامر ضل متفاجئ من كلام ابوي
سامر: يابه شنو هل حجي صدك جذب وين احنه وبعدين ليش توكف بنصيب البنيه خل تزوج عوفهم شعليك بيهم
عصب ابوي على سامر
أبو سلام : هم تطلع على عمك الخنيث الردي
ولكم انتم موزلم لا انته ولا عمامك
سامر بينت على ملامحه العصبيه بس ماحجه
ابو سلام: انته انهي عليهه وجيبهه الك
سامر عصب وضل يحجي وكله والله مازوجها لوادريكم تتذابحون انا ويني وين الزوج اريد أكمل دراستي
تريد تورطني بمره مازوج
أبو سلام: ادري بيك واحد خنيث وشكال لغلط غلط على سامر
طلع سامر كعد على درج وهوه يفيض غضب بس سكت ابوه مريض ويحجي ويتراجف خاف عليه
امي سوت فلك وتحجي وتكول مآخذ من بنات جميله اكيد وكحه ونسره و لسانهه بطولهه مثل امها وفوكاهه من الريف ماخذلك معيديه
أبوي يحجي وامي تحجي
نوب ابوي عصب على أمي وطردها لبيت اهلهه
واحنا نتصارخ. من العركه ونبجي علئ امي مجلبين بيهه و سامر كام يحجي على ابوي
يتبع .......
تصبحون علئ ماتتمنون فراشاتي 🦋💙