#معتقل_الصحراء ٢٤
#بقلم_ام_مختار
#دنيا_غانم
سائد _ اذا تردين تمرمريني وتعبيني اجاهلج وداعتج ولا كأنوا شي شايفه
وارجع واكول ما كتلج حبيني ولا بادليني اي حساس
بس اسلوبج غيري
مناسك _انا مو قصدي اصير وقحة بس صليل استفزني
سائد _هذا صليل من عرفته الحد هذا اليوم هذا طبعه لا تتنرفزين هو يحب يضحك ويشاقه حتى لو جنه بمرمه النار هم يگلك النار ليش ناصيه ليش ما يعلوها هذا بشر هيج الله كونه
مناسك_صحيح
سائد _رجعي يلا حرام توكفين يمي وبحدنه وثالثنه شيطان
مناسك _ عفته ورجعت لگيتهم گاعدين بالباب يسولفون والبنات يمهم
دخلت جوه مدري شجاي اسوي ووين اريد اوصل هسا مو كلنه جاي ناكل خرا خلي نجاوز هاي الايام وبعدها الله كريم
ثاني يوم قررو جاهد ورحمة يطلعون
ام سائد اعترضت
_رحمة وجاهد اذا طلعو ينسون الاول والتالي ويخلصوها سوالف
صليل _اني و مياسين
ام سائد _نلكه مسرحية بره
زغلول وشعشوعته غيرر
مناسك _لعد اني وسائد
ام سائد _ عفيه لو انتِ ويا لو اني ويا بكيفكم
مناسك _ بكيفكم
سائد _ثنينجن تجن وياي هاا
مناسك _ بكيفكم
ام سائد _يلا بدلي وانت هم واني هم رايحة ابدل
مناسك _بس بدلنه واجينه نطلع صاحت ام سائد
_رجليناتي يوجعني ما بيه اطلع روحو ابحدكم
سائد _ يلاا مناسك
مناسك _جايه جايه
بس طلعنه من الباب ضحكت
_شبيج
_امك تسوي هيج عمداََ
سائد _ امي فاهمه السالفة صح
_ لوتيه وابنها طالع عليها
_الله يخليها الي تعاي بصفي مو تمشين بعيد عني
مناسك _لا يمك يمك
سائد _طلعنه الدنيا ليل الناس تمشي بالشوارع الدشداشه والغتره يزيد اهل هاي المدينة جمال
يمكن ما تصدگوني من اكلكم هسا حسيت روحي ادمي من امشي بهاي الشوارع ومن اشوف ناس ومن اسمع ضحكة الاولاد و من اسمع صوت الرجال تسولف احس هاي الحياة وغيرها
جانت كوابيس حياة
مكانه جان بنص بساتين بس اكو محلات بسيطه و
الشارع بنص هاي البساتين
وانا صافن بتراث من تراث العراق
تعدو ناس صارت وراي
هنا احس روحي اسد احس بشهامة نفسي من هيه تحتمي بيه من اداري خجلها و حشمتها بيه
احس بمسؤوليه واحبها الهاي المسؤولية
مناسك _ تقربت منه و همستله
طلعتنه هاي شنو تفيد
_نتعرف على المكان اي شي يصير ع الاقل نعرف وين نولي وين نروح
_ عندي اقتراح يجوز يعجبك
_كلشي منج يعجبني گولي
_شنو رئيك اني وامك نروح للبصره
_شسوون؟
_ندور على الابره الي بكوم قش ندور على هذاا اليطلع السوريا
_لا اني ادبرها
_بعدك ضايج من كلامي اني و الله ما اقصد
_لا ما ضايج بس شلون أأمن تروحن لغير محافظه وحدجن و ابقه اني بالبستان امووت
_انت كلت احنه ما مطلوبين ع الاقل نگدر نتجول
_بس اذا عدنان او جماعة يلكفوكم اني شسوي
مناسك _لازم نجازف اذا نبقه بمكانه على گولتك مجرد وقت ويلزمونه
_قربت ايدي الايدها الناعمة ولزمتها بقوه
تكدررين
_اجذب عليك اذا اكلك اكدر بس اسعى يا عبدي واني اعينك
_احنه ما غربلنه غير حاتم وسوالفه
_شدخل حاتم بالموضوع
_هسا تكدرين لو لا
_نحاول
_ خلي نرجع ونسمع رأي البقيه
ايدها بأيدي بقت تصب ماااي
مناسك _تره هنا ناس ما تلزم ايد نسوانهم
عدهم عيب
_اني واحد ما شايف واريد الزم ايد مرتي مو هيج يگولون
_وين ادري
_ليش هيج ايدج عركت
مناسك _باوعتله وابتسمت حتى ايدي تخجل
سائد _ تدرين شنو الخلاني احبج
_شنو
_خجلج و حبج النفسج واحترامج الها
اني مرت عليه بنااات هواااي فوگ ما تصورين
بس محد امتنعت عني بالعكس جانت دائماََ العروض مقابل ليله وياي
الا انتِ وهذا اكثر شي جذبني بيج
اني احب الصعبه
مناسك _اني مو صعبه اني امشي بالفطره
هاي اللزمه هساا حرام بس بقيت اخاف احجي
احنه اذا نريد التوفيق لازم نمشي بطريق رب العالمين
احنه اذا اريد نترك الظلمات لازم نوصل النور دربه
ومحد يوصله الا بقلب سليم
_شسوي الگلبي الي من يشوفج الحد ما تغيبين يفكر تفكير سز
مناسك _اني ما مقهوره بس على امك الما دزت رحمة وجاهد بحجة يلزمونها بس حجي لحد احنه شنووو سوينه
سائد _حتى الحجي وياي يضوجج
مناسك _لا بس لازم ندير بالنه فدوه
ما اريد ارجع للسجن
سائد _رجعي كليلي فدوه
_وتترك ايدي
_اي اترك ايدج
_فدوه
_اني الاروحلج فدوه مناسسك
_ترك ايدي مشينه مسافه مو قليله
انتبهنه للشوارع حجة وي بعض الناس
ما سأل عن اي شي يدل احنه جدد هنا خوفاََ من الجواسيس
رجعنه للبستان وحجينالها الي صار
صليل _هاي السالفه تعبانه
سائد _شنو الحل
جاهد _لازم نطلع للبصره لو للعماره و هناك ندور
صليل _وين ندور
مناسك _ ندور على سايق ياخذنه السوريا
صليل _ماكوووو اوراق راح تخلوني اسبكمممم
رحمة _اي سايق يطلع بسيارته السوريا اكيدد عنده تواصل وي ناس مثل حالته ولابد من واحد الواحد نوصل الهذا المهربجي
مناسك _وهذا الاجيت احجي
سائد _ نفرض وكعنه بي هذا الياخذنه السوريا
هاي الاسأله لازم بحذر وخووف تنسأل والا نرووح بيها اقصد مسألة تروح تگول الهذا السايق احنه اريد نطلع تهريب
مياسين_ هسا خلي نلگه هذا الي اليطلع السوريا وبعدها نشوف شنو نسوي
صليل _ اي شنو يوميا روحه رده اول شي منو يروح
رحمة _اني وام سائد
جاهد _ليش؟
رحمة _لأن البنات ما يدبرنها اني تركولي التعامل
مناسك _وهذا الافضل رحمة تحجي و قويه
سائد _ خوش لنفرض طلعو ولگو واحد ياخذ السوريا وبعدها شلون؟ شنو تكلوله
رحمة _اتركونها عليه لو ما تثقون
سائد _ مو شغله ثقة ومو ثقة بس غير نعرف
باوعت الرجلها المتناسيتها وشلون اطلعين وانتِ رجلج هيج
رحمة _تركوهااا عليه ومالكم دخل
مناسك _ اكلج انتِ ما رايحة تاخذين جائزة وتركوها عليه انتِ وحده هاربه من سجون سريه ومطلوبه وبركيتج ٦ غيرررج
نفهم ترحين ما نفهم محد يرووووح هيج زين
جاهد _كل شوي يثور علينه بركان سائد
سائد _ زين انتو بس يثور انا بنصه وكل شوي احترگ بي
مناسك _لا الله عليكم حجي بي غلط
سائد _اليكول حجيها بي غلط اليوم ينام بالشارع
حجيهااا بي غلط
صليل _ من حجيج الناس تعلمت تحجي هيج زين تدلل اغاتي
مناسك _ههههههههههه مو هيج بس اقصد يعني مو لازم نفهم
سائد _اي و الله لازم نفهم احنه كلنه بشارب رحمة
رحمة _ تركتهم و كمت جبتلي سجينه و گعدت بالباب بقيت اكص الچبس مالت رجلي وهمه يصيحون بيه
رحمة _ طابت مشيت عليها وركضت و اجيت من بغداد للناصريه بي ما بيه شي وما احتاجة
كصيتها وكمت امشي اكو وجع بس مو بحجم الرغبة الي بداخلي الرغبة الي تريد تطلع من هذااا البلد
مياسين _ الفجر بدلت رحمة دشداشتها ولبست جواريب مالت الولد و حجابها و عبايتها اليشوفها يگول من النسوان المعدلات
ام سائد كيكية لو نلبسها الناصريه كلها تبين بغداديه
بس خطيه المرأه تلحفت بالعبايه و حجابها على راسها وفرتها على خصرها
مياسين _من شيب ابوي نجحت الخطه
خاله احنه بالناصريه مو بالاسكندريه الله يخليج
ام سائد _نزووول عليج هسا شلون الزمها
مياسين _باوعي الرحمة وتعلمي الشيطان يتعلم منها وانتِ يا خاله محتاره
وبعدين اهل الجنوب ما يكولون نزووول هاي هناك يم صياح و شلغم تكوليها هنا يكولون يععععععع
سمعتي خو حنين
وما يكولون لعد يكولون جااا
واذا دبرتيها انا بأيدي ارجع السجن الينابيع
سائد _عووفو امي
امي مرأه نازكة مالها بهاي الدروب
مياسين _الله يرحم
امك جانت مخبر سري واكعتلنه دك اخبار يم صياح هسا امك نازكة
ام سائد _ سوده عليه بعدج تذكرين
مياسين _ليش صارلنه سبع سنين طالعين تره كلهن سبوع خاله
مناسك _يبوووو نفتح الراديو طلعو الله يخليكم
خله سائد بيدهم فلوس و كلهن باجر هيج وكت اذا ما ترجعن اجي للبصره واليصير خلي يصير
رحمة متفقين
ام سائد _طلعنه للشارع صعدنه رجال عنده سياره حمل شايل بيها مخضر كلناله اريد نروح للكراج
اخذنه الكراج الشطره مدري شسمه ومناك ركبنه سياره وطلعنه للبصره
بيومها ماكو سيطره ما وگفتنه وينزلون الزلم واحد واحد بس احنه النسوان لا محد اصلا وصلنه ما طولنه بالطريق ودخلنه للبصره
ام سائد _هسا وين نروح
رحمة _ من وكفت رجلي وجعتني بس ولا هتميت هسا المهم نطلللع من هذا البلد
وكفت يم واحد عنده جنبر
يبيع بيها لبلبي سلمت عليه
اكلك خويه انا من الناصريه جايتكم واريدك تعاوني
_تم گولي يا بعد اخوج
رحمة _يكولون اكو وليدات هنا يطلعون السوريا
_هنا لا و الله بس اكو ولد بأبو الخصيب ناحية ابو الجوزي يطلع بسيارته السوريا
رحمة _شلون اكدر اوصله تكدر اساعدني
_اي خويه صدگ جذب هسا اترك العربانه بيد صاحبي ونطلع
رحمة _ تخوف كلبي من كال نطلع
كتله لا يا خويه انا ما اريد نطلع هسا ولا مستعجله بس اذا نكدر نوصله ياريت اخوتي بسوريا واريد اروح انا والحجيه
_تردون تنتظرون هنا للفجر هو الفجر يجي يطلع منا للمحافظات الجنوبيه ويكمل دربه للرطبه ويدخل تالي سوريا
_اي والله بظل
رحمة _بقينه بيومها بالكراج البعض تعده وسألنه اذا نحتاج شي والبعض لا يمر مرور الكرام
الحد الفجر اني كمت اغفي و ام سائد نامت على رجلي الي الالم بده يزيد بيها بس مو مهم المهم نطلع هاي جانت الكلمة الي ترافقني طول الطريق رغم الوجع بس اكو شي اهم
اجه الرجال الگالو عنه يطلع السوريا حجيت
جان متوسط العمر لابس الزي العربي لهجة شوي صعبه اكو كلمات ما عرفتها من حجاها بس احنه حاولنه نحجي جنوبي حتى لحد يشك وما كتله ما فهمت كلامك
عمي انا اخوتي بسوريا ولازم نروحلهم اخوي فجأة تعب ويشكي من كليته
_اي بويه اوراقكم جاهزه نطلع
_عمي امي اوراقها جاهزه بس انا لا و انا مالي احد هنا امي ما تكدر تتركني و تشوفها مره جبيره وتعبانه هم ما اكدر اعوفها ما تكدر تعبرني
_عمي هاي حدود داخلين دوله ثانيه مو بيت جيران يوكفونه ويحققون ويانه وبالاخص انا لأن جبتكم واي شك يجروني انا هم
_ذبيتها بوجهه ذب زهگت من هذا الخوف عمي ما يصير تهريب
خطيه الزلمه من سمع كلمة تهريب ما جاوبني عدل عكالة وطلع حقه يخاف
تهريب والنظام السابق ثنينهن ما يرهمن
هو يجوز انا بسبب هاي جطتي ياخذوني يسحلوني سحل
وام سائد خافت رأساََ اجرنالنه سياره و
رجعنه للناصريه خالي الوفاض
كلشي مااستفادينه ولا واحد ساعدنه
والجانوا ينتظرون من عدنه خبر يفرحهم ضاجو اكثر
سائد _مو شكال بقت عدنه العماره
ام سائد _نرتاحلنه يومين وونروح للعماره ها يمه رحمة
مناسك _مددت رحمة رجلها وهيه تمرخ بيها جاوبت اي شعدنه نروح حتى لو هسا تردين نروح المهم نطلع من هذا البلد
جاهد _نطلع نطلع متوجعه رجلج تأذيج؟
_لا بس تعبنه لأن بقينه بالكراج
مناسك _حجت رحمه كل الي صار بالبصره وهم حجت على وجع رجلها بس اصرت ما نحجي الجاهد حتى لا يوقفها
مياسين _لا تعيب رجلج
_خلي تعيب كلشي بيه خلي يولي المهمممم اطلع
مناسك _يجي يوم ونطلع اليطلع من سجونهم ما يطلع من حدود لابد اكو طريقة
رحمة _ربي يسمع منج
مياسين _ بعد تعب نامت ام سائد و رحمة تسحبت وطلعت
مياسين _ما تحملت اريد اشوف هاي المصخمة وين تولي هيه تدري بينه كاعدين بس هيه تنتظر ام سائد تنام وتطلع
طلعت وكفني صليل
_ويننن
_بره شكوو
_ لا تبتعدين
_ليش
_اكو جنانوه بالبستان
مياسين _غيرك؟ خوش و الله نتعرف عليهم شعدنه مو جاي نسولف وياك
عفته ومشيت هه جنانوه ههههههه
ابوي جان يحبسني بالسطح و يقفل الباب وانا كل عمري ٩و ١٠ سنوات هسا جني يخوفني انام انام جنت بالسطح وسوده عليه بيبي من ينام لو يطلع تجيني لأن بس يسمع صوتها تحجي وياي يكتلها
طلعت بالباب واني اهز بأيدي جنانوه
باوعت ما لگيت رحمة
اليووم الا اشوف شنوو تسوين درت وره البيت لكيتها كاعده بحضن جاهد وهو يلعب بشعرها و يبوس بأيدها
رحمة _هااا ارتاح كلبج
مياسين _ثلج تزحلك على كلبي اودعناكم على گولت الحجي ابو حنين
اجيت ارجع صار كدامي صليل
صليل _بما انو تردين تتعرفين على الجنانوه تعاي اخذج للبستان
مياسين _يلا نروح نرجعك الهم
صليل _ههههههه ولج منين جايبه هذا السان
_اليعيش وي صليل شيتعلم مثلا اقوال وحكم
صليل _تعاي بالبستان نتعلم اقوال وحكم
مياسين _رحنه اني ويا دخلنه شوي بالبستان ظلمه كلش بس ضوا الگمر دليلنه
سألته اكلك صليل هسا من نشوف الجنانوه تتحاضن وياهم لا
صليل _انا هسا حتى وي النخله راح اتحاضن بعد الجفاف الجتاحني
مياسين _هههههههههه نزول عليك
صليل _ تدرين انتِ هواي حلوه
_طلعو حتى الجنانوه يطبقون بهاي الطريقه
اي ادري
صليل _ جانت زوجة عدنان تگلي من تتخرج الي تريدها اخطبلكياها تالي سلمتني بأيدها للموت
و للتعب وما خطبتلي الاريدها
مياسين _من گال ماخطبتلي الاريدها فز گلبي منووو هاي الي تريدها
_ بنيه جانت جيرانه تخبل
مياسين _ما اشوف خبلك الله من كد ما تخبل
وينكم يا جنانوه تعالو اخذو اخوكم لا هسا هنا اذبحة ولا على المعدوم حرج
صليل _ههههههههه شبيج معصبه
مياسين _لا عليمن معصبه
صليل _ ضاجت واجت ترجع لزمت ايدها وكفتها تعااي تره جذب ما جان عندي وحده
بس تمنيت لو اني يم اهلي واشوفج بظروف مو مثل هاي الظروف وادز امي الاهلج ويخطبوج ونزوج واخذج للفندق وهناك نسوي كلشي نريده
مياسين _ الحمد لله حتى اهل ما عندي تخطبني من الحياطين
صليل _هههههه يعني هسا انتِ كلشي شفتي سهل بس اهلج ماكو؟
مياسين _اي و الله
بدون اهل توجع
صليل _عندك اهل وما يردوك وسلموك للسجون توجع اكثرررر
مياسين _يجوز انت جنت مو زين ورادو يخلصون منك
صليل _يجوز كلشي وارد كلش صحيح يجوز انا جنت مو زين ودخلوني الوكر يجوز انا جنت مو زين وهو يشوفني اتوسلل بي حتى يطلعني من التعذيب يجوز انا جنت مو زين وهو يكلهم اذا ما نصاع الاوامركم اغتص بو الحددد ما تهينون رجولته
كلشي يجوز
مياسين _يحجي ويباوع للشجر لمت روحي شلون هيج حجيت رجعت لزمت ايده
انا حجيت للمزاح مو قصدي شي
صليل _ عادي مياسه
مياسين _اني يمك ان شاء الله نهايه هذا المشوار لو ذابحني لو ذابحتك
صليل _لزمتها من راسها وقربتها الي
ذبحتيني من طلعتي من المعتقل الاشتياق الج ذبحنييييي
مياسين _ احس گلبي كام يدگ طبوول
خلييي نرجع
صليل _يلا نرجع اظاهر جماعتي هم ما يردوني
مياسين _يخافون ياخذوك لا يخبرون عليهم
عدهم جني مطلوب للدوله ههههههههههه
صليل _ دخيل الله شگد تنطبعين بالروح حجيتها همس
مياسين _ من جمالي يابه من جمالي
صليل _شلون سمعتي
مياسين _ خلونه نسمع كل ما يدب على هذه الارض
صليل _من حجت هاي الكلمات تغيرت معالم وجهه وغابت الضحكه الي دائماََ مزينه شفايفها
عرفت هاي مياسين الحقيقية و
هاي التضحك وتسولف هيه ابتكرتها
سائد _ كلها طلعت بقيت بس اني بالصاله وهيه بالغرفه عيني على الباب اتخيلها تفتحه وتجي يمي ما نسوي شي ع الاقل نسولف واني منطلق بأفكاري نفتح الباب وطلعت ابتسمت
وين رايحة؟
_للحمام ليش؟
_لا ماكو شي
شوي وطلعت من الحمام ودخلت للغرفه
ايي يا سائد لا تتوقع شي اكثر من هذا
مناسك هاي ذبتها واني حابها
......
مناسك _طلعت رحمة للعماره وي ام سائد وهناك باقينً بالكراج هماتين
ام سائد _هم هنا تسألين
رحمة _افضل حل لأن اذا اطلع من الكراج وين اسأل واسال منو
ومنو كلج همه ما تابعين للدوله
ع الاقل بالكراج اسهل وواحد يعرف الخ
سألت محد يكدر يساعدني
جان الاتفاق ثاني يوم بنفس الوقت الطلعنه بي نرجع والا يجون ورانه
بقيت بالكراج افتر اجه شايب يغني ويفر بسبحته
من شافني كاعده وايدي على خدي
كلي بويه ليش هذا الگمر صافن
رحمة _ عمي هذا الكمر محتار بزمانه
ام سائد _ولججج
رحمة _دصبريلي يا خاله
_ليش بويه شنو بيج شيوجعج
_عمي اريد سايق يطلع السوريا وكلولي بالعماره واجيت للعماره محد ساعدني وانا ادري بيكم اهل كرم وجوده وما تعوفون الغريب محتار
_عوينت ابو اصله اليتحرك منا وما حاطج بيد سايق يوديج للشام وكونج تدعيلي يم زينب سلام الله على مولاتي زينب
رحمة _بقه الزلمة يسأل و يسأل والجاي والرايح وحتى الناس سألهم
شوي واجه هو وشاب
_ انا كتلج ما تركج يا ليله گمره وضاويه
وجبتلج واحد يحطج بنص سوريا
رحمة _رحم الله والديك عمي
باوعت للولد خويه انا مصيبتي مصيبه
_شصايرر
رحمة _انا عندي خوان ثنين بسوريا و اخوي لازم نطلعله السوريا يشكي من كليته
وانا وامي بس بالعراق انا عندي اوراق بس امي لاا
وما نكدر نسويلها ما نكدر نعبرها ويانه
حجيتله كليشة مقاربة للحجيته بالبصره
الولد صفن شوي وگال
_خوية تدرين الحدود شنو لو اسولفلج عنها
_لا و الله خويه هاي اول مره راح نسافر
_الحدود تعج بالحكومة ابره ما تعبر
شلون اعبر امج سوو الاوراق و انا اساهل وياكم ونعبر
_رحم الله والديك ان شاء الله
ام سائد _رحمة وجهه صار ما يتفسر حتى دمعتها نزلت
ركبنه السياره للناصريه
وهيه طول الطريق ما تحجي ولا كلمة عينها على الطريق واذب حسرات خفت عليها
نزلنه بالكراج وهيه ضايعه حتى بالگوه تمشي
واحنه بالبوابه اريد ناخذ تكسي للبيت
اكو سايق يريد يطلع دگ هورن فزت رحمة وبعدت
وكفت شوي صافنه ضايجة تهز بأيدها وتحجي اجوي ثنين ولد شباب واحد يگل للثاني انا مليت من هاي العيشه
الخ يگله شنسوي
يرد عليه نروح السوريا حالنه حال الطلعو
رحمة _ سمعت حديثهم وصحتله خووووويه
_ها خويه
_رحمة جاوبته واني روحي طاكه كتله تعرف واحد يسفر السوريا
استغرب مني بالبدايه بس بعدين گلي اي خويه
رجعت سألته بس اني اوراق ما عندي بقيت اصرف بدون شعور وما يهمني احد
ضحك عليه وگلي انتِ بطرانه جا شلون اطلعين
رحمة _تركته و كملت طريقي محددد يساعد هذا سائد غبي وين اكوو واحد يطلع الدوله تهريب
ام سائد _هيه وتحجي بصوت عالي و بحرگه گلب
الولد واحد منهم اجه علينه يركض انا گلت نلزمنه رحنه بيها بسبب هاي الغبيه
_اووكفي خويه تردين اطلعين السوريا
ام سائد _اني بسرعة كتله اي يمه اني ماعندي اوراق وابني مريض بالكلى وراح يموت ما الحگ
بس هيا راح نروح ونسوي اوراقنه احسن احسن
خفت يطلع من الدوله
_اعرف ولد بسوگ الشيوخ يسمو علوش تانكي
يطلع السوريا بانزين تهريب
رحمة _لزمت ايده هسااا اخذني خوويه اروح فدوه الك
خطيه هو نصدم مني
.......
مياسين _ بعد ما طلعو واجه الفلاح و بناته
ساعدوهم الولد ومن طلعو نزعو الولد ملابسهم وسبحو وره البيت بالماي البارد
واني و مياسين نظفنه البيت و گعدنه نسولف
دخلو يلعبون بس جاهد مبين باله يم رحمة كل شوي عينه على الباب
سائد _يجووون لا ينشغل بالك
_اخاف عليها ادري بيها السااان اخاف تروح بيها
_لا تخاف هيه مو غبيه ما اذب روحها بالنار مره لخ
مناسك _وهمه يحجون ندگ الباب
گام صليل فتح الباب من شفت الزي خرطت روحي بحيث اجيت اركض الباب البيت اسده وكعت على وجهي.
سائد _اسسسسس لا تفضحينهههه
مناسك _تقربت منه وبهمس كتله اجووووي ياخذونه
سائد _ هدئي
صليل _ فتحت الباب و الزيتوني گدامي بلعت العافيه ولازم ما ابينن هلاااا هلا بالدوله
_هلا بيك گلولي انتو هنا جدد اجيت اشوفكم اذا محتاجين شي شيات
_رحم الله والديك ما تقصرون كلكم خير وبركة
_شني منين جايين
صليل _من كربلاء
_يا هلا بأهل كربلاء على راسي
_سالم راسك
_اذا تحتاج شي ما يردك الا السانك بيتي يبعد عن بيتكم سبع بيوت
صليل _رحم الله والديك ما تقصر
_ بس شو لهجتك بغداديه
صليل _اي والله هم عشت فتره ببغداد وماخذين من كل واحد شوي
_هاااااا
صليل _ ترخص و اني احس روحي ترخصت ويا سديت الباب
سائد اشرلي بالسكوت
سائد _حزززبي بالباب يعني احنه نعرفنه
ع سرررريع لبسن عبيجن
يتبع......