رواية ريان
الحلقه التاسعه
صالحه : نبيك في موضوع ي بنتي
ريان : قولي اعميمه
صالحه : انا عارفه انك مازلتي حامل
ريان انصدمت : كيف
جود انصدمت : ماما شن تقولي انتي؟
صالحه ابتسمت : تعالي
جتها ريان و رقدت على كراعها
صالحه : ليش ما قلتيليناش من الاول
ريان دموعها نزلن : حكتلها كل شي على نهله
جود ابتسمت : يعني حبيب اعميمه مازال عايش؟
ريان ابتسمت : اعميمه زعلتي مني؟
صالحه تمسح على راسها : ليش نزعل منك انتي بنيتي كيف جود راه و بعدين البنت نهله نديرولها حد انشالله
جود : و شن بالنسبه للكيس
ريان ابتسمت: كيس عادي ليفي قالتلي الدكتوره يوم العمليه بعد نجيب يحولوه ليا و خذت مني عينه و قالتلي كيس نضيف
صالحه ابتسمت : تبارك الرحمنن اهم شي صحتك بخير هيا ارقدي سلم بنتي
ريان بخوف : اعميمه مش حتقولي لحد صح؟
صالحه ابتسمت : مستحيل انا حنحافظ على حفيدي معاك مش حنزعل خيتي بكم كلمه عشان خاطر هالمغضوبه اللي لوطه
جود ضحكت : هيا ننزلو ماما و نخلو ريونه تتريح
صالحه باست راس ريان و حطاته عالمخده : هيا يا ماما
نزلن لوطه ريان ابتسمت و رقدت وهي متريحه❤️
___________________________
عصام : هياا نمشو
داليا : مش مازال بدري؟
عهد : بدري وينن يمي توا الساعه 4 طولنا
عصام : هيا نمشي نولع السياره الحقني
عصام وهو ماشي للسياره لقى شاب يبحت في طاولة البنات
عصام رد : نقوللكن هياا نمشو مع بعضنا
صبن البنات و طلعن معاه و الشاب عينه اتبع فيهم
عصام وقف : تعال معانا و خلاص
الشاب ضحك ورفع يده : سامحنا و عدا
عصام عصب : انعنننن #####
داليا فنصت فيه : خلاص عصام عيب كنك انت
عهد تنهدت : نا طالعه للسياره و طلعت
عصام مسح على شعره : قصدك عصبت؟
داليا : وكنها ما تعصب شفت اسلوبك انت؟
عصام تنهد : ساهل ساهل هيا نمشو توا
داليا مشت : هيا
عصام لحقها و ركب
عصام : سامحينا عهد بس نا ديما بعد نعصب هك
بحركه سريعه ضرباته على راسه ب خفه : معاش تعاودها نحنا في مكان عام
عصام ضحك على حركتها و تفاجاء : حاضر
داليا ضحكت: بس خطيره الضربه والله
عصام ضحك : تخطر عليك من؟
داليا ضحكت : ماما
عهد ضحكت : حتى نا ماما ادير فيها ليا
ضحكو كلهم
____________________
عماد جا راقي فوق وهو عالدروج
نهله : عماد نبي نحكي معاك شوي
عماد : تقضلي؟
نهله : عالدروج ؟
عماد : اها عالدروج كنك؟
نهله بربكه : عماد انا نحبك
عماد ضحك : باهي؟؟؟
ريان طلعت كلمتها جود للقهوه سمعتهم وقفت عند الباب
نهله : عماد كنك
عماد ضحك : انتي قلتي تحبيني هذا هو الموضوع؟
نهله باستغراب : اها
عماد : خليني انا نحكيلك موضوعي
نهله : شن هو؟
عماد : تعرفي ريان اللي فوق هذي ؟؟
نهله ضحكت : كنها
عماد ابتسم : هذي روحيي تعرفي شن يعني روحي يعني قعدت ثلاث سنين و انا نرجى فيها تقرا و تكمل عشان ناخذها و تنور حياتي و تخش قلبي و نخليها تقعد حاجه خاصه بيا نحلم يقعد عندي انا وياها بيبي عشان تفرح هي انا حتى لو كانت عقيمه راضي بيها هي بنيتي و حبيبتي و مراتي و انشالله ام عيالي اما بالنسبه لك انتي بنت خالتي لا اكثر والا اقل ولو يا نهله تلمسي ريان حتى لمس والله يا نهله الحوش هذا ماعاد تخشيه .
نهله دموعها ينزلن : ربي يهنيكم و عدتت تبكي
ريان ضحكت و دموعها ينزلن
عماد رقى فوق لقاها قدام الباب : حبيبي انتي كويسه؟
ريان اضبطاته بقوه : عماد انا نحبك
عماد ضحك : نموت فيك وعليك يا جربه
ريان ضرباته ع كتفه : خزيي
عماد مسك يدها : هياا ننزلو حبي
ريان ضحكت : هياا و نزلو لوطه
صالحه : نجيهم ي ربي يفرحني بيكم
سليمه : ربي يحفظكم يا ربب
جود : هيا هيا قهوه و غمزت لريان و عماد
عماد ضحك و قعد : هاتي امتاعتي و امتاعت بنتي
ريان ضحكت : عطيني هيي
عماد عطاها جاته رساله : ———————————
عماد صبى : انا طالع
صالحه : تعال ؟ كنكك ؟؟
عماد وجهه حمر : لا شي طالع مع الشباب
ريان خافت : عماد شنن فيي؟؟
عماد : _____
سليمه تبكي : ينعلييييي نااا ينعليي
صالحه تعيط : هيييييي ينعليي
ريان رعشت و جود تبكي
——————————————
عصام : شن في الحوش مفتوح ؟
عهد : بسم الله بالك اعميمه طالعه ؟
داليا : وين تبي تطلع ماما ينعلي
خشو يجارو لقو ——
يتبع...