مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه.
إنا سلام عمري ٢٨ سنه عشت وتربيت ابغداد بس ولادتي واصلي موبغداد صرت بالريف عائلتي متكونه من ابوي وامي واخ واحد سامر وخوات 3 اختي الجبيره متزوجه
بالنجف وخواتي الباقيات يدرسن.
عندي عمام ثنين بس مانلتقي وياهم هواي بس بالمناسبات
أبوي گصاب جبير. معروف بلسوك ومعروف ابغداد الناس تجيه تتعناله من المحافظات
المحل ماله جبير و بيه عمال وسامر مرات يروح وياهم ابوي بس يشرف عليهم انا من زغري ماحب الدراسه
ولااطيقهه بس ابوي يجبرني عليهه صف خامس علمي ورسبت وطلعت انا ورحيم صديقي ثنينه رسبنه وعفنه الدراسه شكد
شكد ابوي حاول وياي اكمل بس انا قافل ماحب المدرسه
أبوي كلي مدام رسبت تعال اشتغل وياي
احسن ماجيب عمال وخيرنا النا
شتغلت كم شهر
وماحبيت شغله وكمت اتحجج بلمرض حته ما اطلع
وياهم أبوي مل من عدي
وكلي بعد ماشغلك وياي لو ادريك حسره عليك دينار
ماهتميت لكلام ابوي وره شهر قدمت على العسكريه
لان انا اعشق السلك العسكري اهلي ماقبلو وامي ضلت ضلت تبجي.
قنعت ابوي وامي بعدهه
سلام: يمه فدوه لگلبج هسه انا وين رايح شسالفه موهاي الناس كلهه بالعسكريه
ام سلام: ولك شلون تريدني اخليك تروح العسكريه الي كلهه موت
سلام: منو كلج كلها موت منين جبتي هاذا الحجي يمه انا رجال شلون ترديني كاعد بلبيت مثل نسوان يمه انتي لازم تفتخرين انو ابنج عسكري بطل ويحامي عن ارضه وعرضه. لاتحرميني يمه انا احبهه
تعبت وانا اقنع امي تعوف هذا الوسواس الي شلعت گلبي بي
بست راسه
سلام: اذا تحبيني ادعيلي الله يوفقني
أبوي هم حجه وياهه وطمنهه وخالتي هم اجت يمنه وحجت وياهه شويه هدئت وسكتت بس بعدهه ماقابله
كل شويه وتكلي عوف هاي سالفه
طلع قبولنه انا ورحيم وره ٤اشهر والتحقنه للتدريب
وصلنه للمكان الي نداوم بيه بقينه شهرين تدريب
شاقه جداً لان احنا قوات خاصه وتعب وجهد
واهلي جانو يخابروني وامي تنحب علي. ليل ونهار
نزلونه وجنه فرحانين ومشتاقين لااهلنه
وصلنه وستقبلني سامر من الشارع
تلكاني وتحاضنه وسلمنه على بعض
سامر: اوف مشتاقلك يخوي. هيج طلع فراگك صعب ماادري
سلام. : ها شفت انا شلون عزيز انا هم مشتاقلكم ضلعي شلونكم امي شلونه ابوي لبنات
سامر: كلنه بخير زينين هاي شصاير بيك
سلام: بعد لازم هيج
سامر: أمك من الصبح ولهسه لازمه لباب
سلام: بعد گلبي يمه مشتاقلها والله
ركبنا السياره وصلنه لااهلي تلكوني بالباب
وامي وأبوي وخواتي. ويحضنون بيه وامي وخواتي يبجن
سلمت علئ ابوي وبست راسه وامي
تبوس بيه من كل مكان وتبجي
ام سلام: ولك يمه مامصدكه وعيونك انته كبالي يبعد عمري خذت روحي وياك ورحت ولك سلام شلعت گلبي
سلام: يابعد روحي يمه هاي انا كلشي مابيه شوفيني كدامج ابنج سبع يمه
ام سلام: ولك يايمه شمسوين بيك شعرك الحلو رايح
سامر: جيبو كتاب الله خلي يحلف سلام لاامي انو مابي شي
بس محلق شعره صفر وصاير اكرع
ضحكنه
ام سلام: نجب انته سد حلگك بس
دخلنه للبيت لان همه تلكوني بالطرمه ضلينه واگفين
رواء : سلام الحمام جاهز تسبح لوتعبان
سلام: اي والله تعبان حنوشه بس خل اسبح حته اتنشط
ام سلام. :يله يمه اسبح وتعال اتغده سودعليه اكيد جوعان
سلام: فدوه رحتلج يمه مشتاق لطبخج
سامر : وهوه يخلي جنطه سلام بجتفه ويريد يطلع عود زعلان اي عيني امك مسويتلك دولمه كلهه ضلوع وكل الاكل الحلو الك واحنه ربنا وحد ليش حجيه ليش هاي التفرقه انا رايح عايفلكم البيت
أم سلام: جيره ابفرگك اي ولله منو يطبخ ويدحس بحلگك واخوك عمت عيني صارله شگد ماماكل من اكلي وهذا الاكل بس هوه راح ياكله يلغبر غير كلنه نتغده
سلام: اي وين رايح بجنطتي تريد تشرد المطي خوش تلگه جواريب ريحتهن طيبه بالجنطه
طيهه لمريومه خل تصعدهه فوك بغرفتي وهاك انته هذا تلفوني خليه على شحن وياك
سامر: جيبه واذا دكت صاحبتك شكلله
سلام :ومرض امشي يلااا ودي
وحجه بصوت ناصي انا الك الحمار مو ابوي كاعد
كمت سبحت وصليت
وكعدنه نتغده وامي تجيب وتخلي كدامي
ابو سلام: معدتي تئذيني مااشتهي هذا الاكل ثگيل اكو لبن
ام سلام: اي عدنه كومي حنوشه جيبي لبن لاابوج
جابت رواء لبن لبوي لان مااكل ويانه معدته توجعه
أبوي يسئل بيه شلونه دوام والمكان الي اداوم بيه واسئله تخص دوامي وانا اجاوب
خلصنه وكمنه
أبو سلام: بابا. حنوشه سويلي جاي وجيبه وراي للاستقبال
رواء: صار بابا بس خل يكمل عالنار
سلام: انا هم حنوش صعديلي ياه فوك لان ميت تعب اريد أنام
شربت جاي ونمت للمغرب يله كعدتني امي
ام سلام: يمه دنيا غروب مايصلح. صلي وتعشه وارجع نام
سلام: اي يمه كايم
كاعدين نسولف وره العشا وندگ الباب كام سامر يفتحه
دخلت خالتي كلثوم هيه وابنها حسين وبتهه عذراء
بوستني خالتي: يمه شتاقينالك طكت اگلوبنه عليك
سلام: حبيبتي خاله انا هم ولله شتاقيتلكم هواي
حسين: الحمد لله على السلامة اخوي
سلام: الله يسلمك رحم الله والديك
عذراء: شلونك سلام الحمدلله علئ سلامتك
سلام: الله يسلمج الحمدلله انتي شلونج
عذراء: الحمدلله بخير
خالتي: الحمدلله على سلامت سلام گرت عينج خيه بشوفته
ام سلام: الله يسلمج بعد روحي خيه
عفتهن ودخلنا للستقبال وكعدنا انا وحسين وسامر وابوي
بقيت ساعه وكلتلهم مرخصتكم تعبان وأريد ارتاح
حسين: غالي خويه اخذ راحتك
انته تعبان من الطريق روح ارتاح
ترخصت من خالتي
وصعدت فوك بغرفتي
فتحت تلفوني كلبت بيه شويه
وذبيت ملابسي ونمت
رواء
انا رواء اخت سلام الملقبه بحنوشه ههههه عمري 17سنه ادرس رابع ادبي انا قبل الاخيره سلام وبعدهه اختي المتزوجه مروه وسامر وانا وراه واخر العنقود مريم عمرهه 14
صعد سلام فوك
وامي وخالتي كاعدات بل صاله واحنه رحنه بغرفة امي وابوي كعدنه وعذراء ويانه
عذراء: شلونجن بنات
رواء: تمام عمري شلونج انتي
عذراء: زينه الحمد لله مشتاقه الكم
مريم: شوكت شتاقيتي وانتي مگابلتنه ٢٤ ساعه
عذراء: نجبي صار ٣ايام مجايتكم
ولا وحده سئلت ولا وحده كالت شلونج اخبارج
رواء: ولله. حبي ملتهين خاصه هاي اليومين امي موكفتنه علئ تك رجل علئ جية سلام
تعالن نصعد بغرفتنه
عندي شلون كرزات تخبل
عذراء: يله بس خاف سلام بعده كاعد
مريم: لعد احنه شعلينه بيه رايحين نكعد يمه ههههه
صعدنه
وطلعت الكرزات وبقينه نسولف مواضيع عاديه وعن الدراسه
عذراء :حنوشه شوكت تجبين تلفون كل البنات وصديقاتي جابن وانتي لا
رواء : اني صح اتمنى يكون عندي جهاز خاص بيه بس اهلي ميقبلون يكولون لمن تخلصين دراسه يله
وبعدين تلفون امي موجود إذا ردنه شي تستخدمه مواخابرج منه
عذراء: اهوو ذول اهلج مدري وين عايشين متكليلي كل البنات عدهن تلفون خاص بيهن اله انتي و مريم معدجن
رواء : عذراء شعلينه بيهن احنه ندرس شنسوي بلتلفون
ضلت عذراء. كل عاده تحجي وتتفيك كدامنه بتلفونهه وطلعاتهه ويا صديقاتهه
ولبسهه الي اهلهه منطيهه مطلق الحريه بكلشي
هيه حلوه وبيضه وشعرهه طويل وأصفر هيه تصبغه على طول تكول يلوكلي
بقت يمنه ساعه وصاحت عليه امها حته يرحون
من طلعنه من غرفتنه صرنا مقابيل غرفة سلام
حجت بدلع
عذراء: عليج الله حنوووشه اشتري تلفون حته نتواصل بيه بليززززز
رواء : اي اي شبيج صوتج شويه نصيه سلام تعبان ونايم
عذراء: ياااا عزه صوتي عالي اني ولي عني مزاعلتج
رواء: موقصدي لصيرين جاهله عذيره وضحكت وضربته علئ راسهه
هيه هم ضحكت
عذراء :يله باي
نزلت وصوت الكعب طاك وطيك شلون تمشي بيه هاي اني صح البس كعب بس مو هذا العلو
سلمنه علئ خالتي وراحو
..............
سلام
ثاني يوم ساعه ١١
كعدت من النوم مكسر تكسير
اخذت لخاولي ورحت للحمام اسبح
سبحت وطلعت
فتحت تلفوني مكالمات فائته من رحيم اتصلت عليه
رحيم: الو
سلام: هلا ضلع
رحيم: هلا بالعزيز شلونك شخبارك
سلام: الحمدالله بخير انت شلونك
رحيم: تعال عازمك اللولد اجو علئ سمج شوي
سلام: حبيبي مسافة الطريق وجايك
رحيم: يله لتتأخر ضلعي
سلام: ماشي ماشي ٥دقايق يمك
لبست ونزلت
تلكتني امي
سلام: بست راسهه صباح الخير يمه
ام سلام: صباح الخير والعافيه يمه وين رايح
سلام: معزوم يمه يم رحيم
ام سلام: الله وياك يمه دير بالك على نفسك بس لتتأخر أريد اشوفك ماشبعت منك البارحه
سلام: الله يخليج النا ولا يحرمنه منج عافيتي
أبوي وين ماكو مشفته
ام سلام: ابوك راح للمحل وسامر هم راح وياه
سلام: هاا خير ان شاء الله يله اودعناج الغاليه
ام سلام: الله وياك ابني محروس
طلعت ورحت لبيت رحيم
همه بيتهم قريب علينه بعد شارعين
وصلت ولكيت الشباب كلهم أصدقائنه
سلمت عليهم وجانو مشتاقيلي
معمرين نركيله دخنه سولفنه وضحكنه افتقدت هلجمعات
صار وكت الغدا وتغدينه رحيم معزب السفره بيها مالذ وطاب
بقينه لليل يله رجعت اللولد جلبو بيه
مرت اجازتي اكضيهه نوم لو اروح يم رحيم واللولد لوهوه رحيم يجي يمي
لو نطلع نفتر لو روح للكهوه
قبل لاالتحق بيومين خالتي ام حسين مسويه غده وعزمتنه
جانت عذراء تباوعلي بنضرات مبينه هيه شنو
إنا اعرف كلش زين بهاي السوالف مو غشيم
هيه صح حلوه. ومن زمان تلمحلي بس مغلس لان ماتعجبني البنيه الخفيفه.
رديتلهه النضرات وابتسمتلهه شكت حلكهه من رديتلهه
وماشالت عينهه وحركاتهه تتلزك بيه لحد مارجعنه
التحقت ونسيت ابو عذراء
هاي الوجبه الي صعدنا بيهه
جانت صعبه التدريبات
حته حيوانات نيه أكلنا. رحيم خطيه تخربط
ورجع عاد التدريب مره ثانيه
بقينا هناك شهر تدريبات ونتقلنه لعدة أماكن مختلفه
اهلي يخابروني واخبارهم.
بيوم كاعد بل برج اجاني طلب صداقة على الفيس
أسمه فراشه ورديه
رأسا وافقت عليه
دخلتلي خاص
💬هلوو
💬هلوات
💬شلونك
💬الحمد لله
💬أمم عرفتني
💬لا والله منو انتي
💬إنا عذراء
نصدمت هاي وين عرفت صفحتي. وبعدهه هلگدتها وتفيس
رديت
سلام💬 هلو عذراء شلونج اهلج شلونهم
عذراء 💬الحمد الله انته شلونك
مكطوعه اخبارك اسئل خالتي تكول عدهم دوره مال تدريب ههههههه
سلام💬اي والله عدنه دوره مال تدريب هل فتره بس ان شاء الله تخلص هل كم يوم. نبدي دوام طبيعي
عذراء 💬هههههه هههههه
هاي شبيهه تضحك كلت شي غلط انا
سلام 💬 شلون عرفتي صفحتي
عذراء 💬 شعليك انته ههههه
إنا صح مخلي صورتي بس فقط وجهي
وملثم. بلثام عسكري
بقينا نسولف سوالف عاديه
وبقينا يوميه نسولف بليل للصبح
وهيه تلمح اليه
كمت ارتاح وياهه من نحجي
وأذا يوم ماحاجيه احس شي فاقدني تعودت عليهه تعلقت بيهه هواي
واجه يوم واعترفت الهه بحبي
وهيه طارت من الفرح وكالت اني هم احبك واموت
عليك من زمان هذا اسعد يوم بحياتي
يتبع ......
تصبحون علئ ماتتمنون فراشاتي 🦋💙