قريري العيون

البارت الرابع

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه.

وعندما ابصّر الاعمى فارق عصاهِ بأول لحظه " 🖤

ورده

من بعد مطبت وصرت زينه

صار عندي نشاط بكلشي

بيت عمي كطعت ماروح الهم وحنان حته من اشوفها
ابتعد عنهه مرت شهرين ومره امي راحت الخوالي
الصبح والضهر اجت
دخلت وصاحت ورده وينج الله مايخلصني منج
ومن طلايبج
امي من هناك حاجيتلهه مرت خالي الثانيه
انو صدك بيت ابو غيث  بطلو مايردون بتج لان محمود  كايل الهم بت عمتي انا احبنهه  واريدهه الي مره

شاطت امي من الحركه

كايلتلهه منو كالج هذا الحجي من الله لاينطيه كون وعساها بحضه وبخته

امي مخليه وجايه

اجت صبت كل غضبهه عليه
حازم جان بلغرفه بس هيه متدري بيه من جاي وكاعد بل غرفه واحنا بل هول

ام ورده: تعاي شعدج وي محمود

ورده :يامحمود  هذا

امي... كتت الحجي كله الي حاجيته مرت خالي الها
لطمت خدي وكتلهه والله يمه مادري هيه حنان هيج جذبت وحجت عليه

ام ورده : حنان  شعليهه

ورده سولفت لأمي الحجي كله

وامي كامت تتحسب وتدعي على حنان وامها
وتلوم عليه لان ماحجيت الها

ورده جسمي كله يرجف وامي ذابه شيلتها وتدعي على حنان  وامها

طلع حازم من الغرفه وعيونه بگصته

حازم: حلووو والله عاشگه اخت الولد

جرني من شعري موتني كتل وامي بس تباوع بعيونها ماقربت ولا حمتني منه

امي جانت دوم تمنعنه انو ما نكعد يم  بنات عمنه ولا نروح الهم تكول البنيه سترهه بيتهه وسرهه عد امها
تكول يما حذرتجن منهن بس انتن ماتسمعن الحجي
وشوفي شنو طلعت عليج من كلام

شوفي ولج يذبحونج والله هسه يذبحونج
موتني حازم  كتل ورفس
وطلعت للحوش أركض اريد بس أشرد منه ركض وراي ولحك بيه لزمني من ثوبي وجرني من وره
و موتني كتل وانا اصرخ

وامي تصيح وتكله حيل حيل بيهه
لوجان رضت بغيث  هسه مزوجه وخلصانه من سم حنان  إلي  ماتخاف الله من كد الألم كمت ادعي واغلط على حازم  الي يكتل بيه بدون رحمه

هوه انا غلطت عليه وزاد بلزايد
أكو خشبه مكسره يم حايط الغرفه بل حوش لكفها حازم  وطكني بيهه على راسي
وإنا شاغت روحي من الوجع لان بيهه بسمار ونبت براسي وراسي كام يجري دم. موتني تموت من الكتل

مصطفى. وابوي  اجو من السوك بس صوت الهورن ينسمع جاي من يم الديوانيه
بين بيتنا وبين الديوانيه حايط الحوش
تركني حازم  وطلع على وجه الحوش رايح ملاكي ابوي ومصطفى

وإنا ركضت عدنا مخزن نخلي بيه الغراض الي من مانحتاجهه  دوم
دخلت وذبيت روحي بل گاع  وكل جسمي مكسر
وراسي يريد ينفجر من الوجع

وجسمي كله تراب وحجابي على رگبتي وشعري منكوش
وحالتي حاله
قررت اطلع واخلي ابوي يشوفني

بس خفت من امي وحازم
وترددت بقيت كاعده وابجي بالغرفه
كرهت امي وكرهت حازم  وگلبي يفيض حقد على حنان
وعلى مرت خالي الي حجت الأمي يعني امي ماعدهه ثقه
بيه ليش هيج تسوي كمت احسهه مو أمي
من تعاملهه القاسي وياي.

كرهت نفسي وكرهت الدنيا وكلشي بيهه كرهته

بقيت للعصر بالغرفه وحته خواتي مانشدن عليه
بعدين عرفت حازم مانعهن
للغروب اجت ماسه  ودخلت عليه وجايبتلي اكل وماي
وإنا شفته وكمت اناشغ بجي
ورده: شوفي شنو سوو بيه حازم  وامي من وره حنان  العار
ماسه: الله ينتقم منهه امي هابط ضغتطهه ومتخربطه
ونايمه بلغرفه

وابوي سئل عنج وكلناله  نايمه جذبنه عليه لان هاي اوامر
حازم. يلا اكلي اشصاير بيج

ورده: ماريد اكل بس جيبلي ملابس اريد اسبح
جابتلي ملابس ودخلت الحمام وكل جسمي ازرك من الضرب
خليت السطل جوه الحنفيه
وكمت اسبح وحته الماي احسه يلجمني من ينزل  على جسمي
أمي ماشفتهه بل غرفه وحازم  هم طالع بره البيت
الدنيا صارت غروب
خليت فراشي ونمت وانا كل جسمي يون من الالم

بعد يومين امي مقاطعتني متحاجيني واذا تريد شي تامر علئ فاطمه لوماسه
حازم  انا بتعدت عنه واذا شفته اضم روحي
امي بهذن اليومين رايحه لبيت عمي

ومتعاركه ويا حنان وامها وناكرات موهنه الي حاجيات
وحنان  كايلتهه انو هيه صدك شافتني كاعده يمه وهيه تجذب بتج

متعاركات وحته عمتي طارده امي من بيتها فاطمه
حجتلي ثاني يوم

أمي ماتحاجيني وحته شغل هيه أسويه

وجنها ماتريدني الزم شي بهاذا لبيت
احس نفسي غريبه موبتهم ضيم شفته ولله

وحته اكل مايخلوني اكعد وياهم صرت منبوذه عدهم

امي صارت تكرهني كره شلون عدوتهه وكلما تشوفني تتفل بوجهي
وحته انا  كمت اكرهه من تعاملهه وياي هيه هاي ام

حته ملابس ماعندي كمت البس ثوبين وابدل بيهن شفت مصايب
كامت تشتري لخواتي وانا ماتشتريلي خو اللولد لايصعدون ولاينزلون عدهه ويا النفس

أيام مره صعبه مرت علي  شكد حاولت احاجيها بس هيه تضل زعلانه
مرت على هاي السالفه ٣اشهر
تقريبآ بس المر جرعته بيهه
امي منعتني اطلع لباب الحوش وحته للحلال مااطلع

بس بالبيت خلت شغل البيت كله عليه وفاطمه وماسه عليهن  الحلال وهوسته

حته رقيه كامت ماتجينه من وره طلايب امها واختهه
بس فاطمه وماسه  يلتقن بيهه هناك بلسروح وهيه مستحيه من سوالف اختها وامها
امي كامت حته وجهي ماتباوع بيه 

جانت مفضله حازم ومصطفى حيل  علينا احنا البنات
مرات افكر بيني وبين نفسي ليش ماقبلت بغيث وهسه خلصانه. عاد حته لوتعذبت من الغريب مااستهضم مو من اقرب الناس الي

يوم من الايام جنا نتغده ودخل حازم اخوي
وكال ابوي دك عليه ويكول راح يجيب عشا لان عدنه خطار جاي

ام ورده:  ياهو الخطار

حازم: ابو ناصر هوه وعائلته جاين
كومن نضفن وحضرن عشاجن

راح حازم  للديوانية لان دك تلفونه
واحنا كلمن كامت على شغلهه
إلى تكنس والي تمسح وتنضف
إنا غسلت مواعين الغده ونضفت المطبخ

صار وقت العصر وصلو بيت ابو ناصر
ابو ناصر وزوجته ومرت اخوه وجهاله
كل احنا طلعنا سلمنا عليهم

دخلن النسوان للغرفه الي نكعد بيهه
وفاطمه  منضفتهه وفارشه سجادات الجديدات
ومخليه المخداد  الجديدات

ندهشنه من زوجة ابو ناصر
صح هيه جبيره بس لبسها وشكلهه
مثل ذني الي نشوفهن بل تلفزيون

وتحجي كله مثقف وحجيهه يخبل مثل ذول الي بتلفزيون كله ثقافه
عود احنا يععع حجينا كله  كالبينه

زوجة حماهه هم كذالك تخبل ولبسهن غير شكل لابسات جبب بس الألوان مواسود
وبشرتهن تخبل وخصوصاً ام ناصر لابسه الذهب بديهه بيه كيلو

دهشني شكلهه ولبسها وكلامها
رحت سويت جاي وماي وجبت وقدمت الهن
أم ناصر تسولف وي امي سوالف شلونكم شخباركم ومن هاي

هيه هم جايه وي زوجها كذا مره بس انا مااذكرهه وبل مناسبات هم تجي وي زوجها

أم ناصر :لعد ام حنان  ماكو وينها
ام ورده: هااا خيه هسه نودي عليهه يجوز ماتدري
امي بقت حايره لان ام حنان  طردت امي من بيتها
امي ستحت من ام ناصر

وكالت عيب من المره على شنو أكلهه مانتحاجه وياهه فشل وعيب

أم ناصر.: عيني فدوه خل تجي هيه وبناتها اريد اشوفهن كبرن لا صايرات حلوات مثل امهم لا

ام ورده: خيه هسه اودي عليهن
صاحت امي على ماسه  وكلتلهه  تروح تصيح ام حنان

اجت يمي ماسه:  اكلج هاي امج شتحجي تكلي صيحي عمتج

ورده:  عيب من المره ولج شتكول علينه
احنا شعدنه وياهه تسلم وتاخذلهه ساعه وترجع لبيتهه
عيب من المره

ماسه: شفتي شكلهه شلونه
ولج تخبل احنا بنات وموبحلاتها
وخصوصاً انتي جنج عجوز

ورده: نجبي ولج اني كايلتلج حلوه شنو بعدين من وره اهلج كل جمالي راح
يله ولي صيحي الجهه الغربيه علئ كولتج

هاي ماسه  تسمي بيت عمي الجهه الغربيه
مدري شتقصد ههههه
راحت  وانا  رحت شعلت التنور حته اخبز

بيت عمي... ماسه  رحت طبيت للحوش مال بيت وصحت رقيه رررقيه 
ماصحت حنان  لن هيه ماطيقني وانا هم گبر كون
أجت مرت عمي: هلا ماسه  هاا كولي
ماسه :عدنه ام ناصر وتسئل  عليج انتي والبنات تريد تسلم عليج لان باجر يرحون لهلهم

أم حنان :منو وداج امج لو وحدج
ماسه: امي ودتني

أم حنان: ها خوش هسه نجي روحي انتي
ماسه: خوش

أم حنان  صاحت على بناته واجن على صوتهه
أم حنان:  ام ناصر عد بيت ابو حازم  وناشده عليه وتريد تشوفجن بدلن وتعالن

حنان اي يمه هسه

رقيه  انا ماروح استحي

أم حنان  يطبج حرش يله حنان  فوتي بدلي وتعاي
طارت حنان  من الفرحه
لان بهاي الفتره طاكه روحهه على بيت عمهه تريد تروح تشوف شكو ماكو

موقصه إشتياق. تريد تشوف حال ورده شكو ماكو هيج فضول

لان تغار من ورده وخصوصاً لمن ورده نخطبت وهيه لا كبرت وماكو قسمتهه بلنسبه الهم

ورده ذلت ناار التنور وكمت اخبز
واجت يمي زوجة اخو ابو ناصر وشايله بيدهه بنيه عمرهه ٣سنين
ورده انا طبعي أخجل وماعرف احجي اذا واحد غريب

اجت وكفت يمي
:هلوو
:ورده اهلآ
:شنو اسمج يحلوه
ورده : ورده
:الله شكد حلو
ورده: وانتي
:انا اسمي علا ام لقاء
ورده: مية هلا بيج ام لقاء

أم لقاء  عمرهه  ٣٥ سنه
بس مهتمه بنفسهه هواي
أم لقاء:  ياعيني شلون تخبزون هيج متخافين
ورده بابتسامه : لا ماخاف
أم لقاء: حبيبتي بعدج زغيره شلون تخبزين بتنور لا يحركج

ورده: لا مايحركني انا  متعوده عليه وكلش سهل عدي
أم لقاء:  ياعيني حبيبتي انا مااخبز ابو لقاء  يجيب خبز من الفرن

أبتسمت على كلامهه وكتلهه الله يحفظه الج

خلت بتهه  بلگاع وراحت لبنيه تهش وره الدجاجات
بقت يمي تسئل  هذا  شنو وذاك شنو وشلون عايشين
ورده انا ميته خجل من ام لقاء

أم حنان:  اجت ونقذتني سلمت على ام لقاء  ذاك السلام الحار

وراحن دخلن للبيت

شويه واجت امي عاونتني على الخبز. لان هواي ماكدر
وحدي

أم حنان  وحنان كعدن يم ام ناصر وأم لقاء

واحنه كمنه بل واجب تحضيرات العشا انا وامي والبنات

دخلت للغرفه الي بيهه كاعدات النسوان اخذت الستكاين باقيات بصينيتهن

أم ناصر تباوعلي ومنزلت عينهه مني
يمه شكد خجلت منها
اخذت الصينه وطلعت بعجل
من الغرفه وحته ماباوعت علئ حنان  وامها
إلي كاعدات
وكت العشاء خلص
وام حنان بقت يمنه تعشت لان ام ناصر طلبت تشوفهه لان مشتاقه لأمي وآلهه

أم لقاء  بتهه الزغيره تبجي وأخذتهه
وطلعت بل هول يم البنات

فاطمه وماسه شافنهه وشردن للمطبخ بس ورده كاعده تنشف بل مواعين الزجاج حته ترجهن لمكانهن

أم لقاء: هاي شنو تسوين انتي وابتسمت

ورده: بابتسامه انشف لمواعين حته اردهن لمكانهن

أم لقاء : شاطره من اجين ولهسه اشوفج كلشي سويتي
ورده.:جا هذا غير واجبي

أم لقاء: لعد اخواتج وين اشو ماكو

ورده: غاد بالمطبخ ماعرف شيسون

أم لقاء:  شكد عمرج انتي
ورده : بعدني مامكمله 16
أم لقاء:  العمر كله يارب
بس انتي حلوه حيل ومبين عليج مؤدبه حيل وحبابه وشاطره

ورده.... خجلت من كلامهه ودنكت ماعرف شحجي
:تسلمين الله يخليج ويخليلج هل شمعه الضاويه وكرصت خد لبنوته خفيف وبست اصبعي

ضحكت ام لقاء  كالت موتتني بل سياره ممتعوده على سفر
مدت ايده جوه ثوبها
وطلعت تلفون وفتحته وشغلت فديو ونطته لبتهه
أخذته لبنوته بفرح وتباوع وطايره من الفرح
ورده.. نصدمت وتعجبت يمه هاي
وين ضامه لتلفون

أم ناصر طلعت من الغرفه
:ام لقاء وينج  هاج دكيلي على ناصر
مجاي اشوف الرقم اني بليل ماشوف بس هنا شبكه ماكو
أم لقاء :جيبي بله

طلعن ام لقاء
وأم  ناصر بره حته يخابرن ابن ام ناصر

في الحديقه
أم لقاء:  اي هنا شبكه. موجوده شبكه خل ادك على ناصر

أم ناصر لا لدكين انا ردتج بشغله بس ماحصلت فرصه
لذالك تحججت بالاتصال على ناصر

أم لقاء:  فهمت عليج هههه اي وحده عجبتج منهن

أم ناصر :اني ماشفتهن زين بس على وصف ابو ناصر خوش بنات ووحبابات ونادرات

هوه كلي الي تشوفينهه وتعجبج اخطبيهه انا ماعرف حته

اسمائهن بس عجبتني هاي الي كاعده بل هول

تخبل ولج شوفيهه شلون تخبل وزغيره وجهه يخبل وملامحها طفوليه
ابني ناصر حلو ومرتب واريدله وحده تلوك بيه
هوه عنده بنات عم وبنات اخواله بس

إنا ماريد منهن شكد يتفيكن وشايفات نفسهن ويضربن بل عالي
أريده حبابه وماتحجي. فقيره وابو ناصر
كلي عليهم انو هوه دوم يشوفهن من يجي لهنا
متت على هاي البنيه الي لابسه دشداشه سمائي
حته من تمشي بهدوء ورزانه

أم لقاء:  هاي اسمهه ورده بت ابو حازم. وعدهه بعد خوات ثنين بالمطبخ لمحتهن وذيج الي دخلت عليج بت ابو حنان
وعده بعد  وحده بعد بكد ورده بس هناك ابيتهم ضاله
أم ناصر :شعرفج

أم لقائ: انا كاعده يم ورده واسئل بيهه وهيه تجاوبني

أم ناصر :ياعيني فدوه شلون عجبتني احب المره الثگيله
ماسمعت صوتهه زين هيه.ماكعدت يمنه  حته اشوفها زين

أم لقاء: هسه انتي رجعي للغرفه وانا اكلهه تعاي نكعد
واجيبهه ونجي وشبعي شوف منهه
وبت ابو حنان  الثانيه هم شوفيه يجوز تطلع أحلى

أم ناصر : اي اريد اشوفهن كلهن حته اختار منهن

رجعت ام ناصر للغرفه يم امي وأم حنان

وأم لقاء  كعدت يمي وتسولف

ام لقاء:  عندج مؤبايل

ورده : لا وحته ماعرفله شنو وشبيه

أم لقاء:  بيه كلشي شنو تردين بيه

ورده : احنه أهلنه مايقبلون وحده عدهه  تلفون بس الولد عدهم

أم لقاء:  ياا هاي انتم وين عايشين هاج هذا مؤبايلي اخذيلج فره بيه تونسي

ورده ستحيت  شنو اكلهه بس يلمحونه اهلي بيدي شيسون

ورده:  ماعرفله  شلون يشتغل

شغلته لها ام لقاء ونطته لورده
طلعتلهه  صور زواجها وصور أخواتها وصور سفراتهم
و فيديوهات  وألعاب

ورده نبهرت من شكل الموبايل والونسه الي بيه تمنيت لوعدي اتونس بيه

أم لقاء : اكلج ورده

رفعت راسي ورده:  هاا

أم لقاء: بت عمج اشو ماشفته اريد اشوفهه روحي صيحلهه خل تجي

ورده : راح أودي عليهه اختي.

كمت كلت الماسه   تروح تصيح الرقيه ام لقاء تريدهه

رقيه  بحجه تجي تسلم على ام لقاء الي سئلت عليهه
وهم تشوف ورده مشتاقتلهه

اجت رقيه  وسلمت على ام لقاء وهيه خجلانه رقيه
طبعهه مثل ورده تخجل بكلشي

ماخذت طبايع بعضهن وبزغرهن يلعبن اكثر شي سوه
و بدراسه يرحن سوه ويجن سوه
وحته مرات اذا عدهن سر او شي هم وحده تجي للثانيه
بس من بعد لمشكله الي صارت ورده بتعدت

من رقيه ورقيه  هم كذالك

كعدنه بلهول انا واخواتي وام لقاء  ورقيه وحته حنان هم اجت وكعدت
حنان  الوحيده الي تسولف وتأخذ وتنطي بالكلام وي ام
لقاء وشگد تسئل بالبنيه إنا ورقيه  اذا سئلت  سؤال موجه النا نجاوب

وحنان  منطلقه  بلسوالف وجنهه تعرف المره  من سنين تسولف وتضحك وتشاقي وشلون تزوجتي وشلون نخطبتي

وشنو جابولج بعرسج من ناحيه الملابس والذهب  والفراش. وانا ورقيه كاعدين صفه وحده تگرص بلثانيه

كأنو تنبيه اشاره لحنان وكلامهه ويا المره فشلتنه

وخصوصاً المره اول مره نشوفهه عيب شتكول علينه

وحته كلام خصوصي بينهه  وبين زوجها هم سئلت
وإنا  متت من الفشله والعباس وگرص برقيه الي وجهه صار اصفر من الاحراج من وره اختهه

همستلي

رقيه:  ولج ادري وأسمع شليتي رجلي عوفي رجلي

أم لقاء  هم تسولف وتضحك وتشاقي وحنان حته تلفون المره خذته وتگلب بيه

سئلتنه ام لقاء
:هم اكو بيجن وحده مخطوبه

كمزت حنان
: لا بس  ورده  نخطبت وخربت الخطبه مالتهه ماتريده
وشلون قسمه بس هيه تتعاير هههه

إنا هنا متت من الفشله والأكثر غضبي على حنان بكل عين صلفه وتحاجيني جنهه كلشي مامسويه وتحجيهه بلشقه عود
ام لقاء: ليش شنو السبب

ورده: ماكو سبب بس انا جنت زغيره واخاف ابتعد عن اهلي والسالفه قديمه صارلهه 8اشهر

ام لقاء: ام بيت وشحلاتج نادره

رقيه: قسمه ونصيب بعد ماصارت

ريحتني رقيه من سدت السالفه

أم لقاء ضلت   تسولف وتضحك ويانه كبل ذبت ميانه ويانه

ام لقاء:  بنات  بيت ابو ناصر جاين خطابه
وأم ناصر تريد تشوفجن ولي تعجبهه تخطبهه لاابنهه ناصر

انا ورقيه وفاطمه اختي ستحينه

ورده:  ياا حازم كلي سوي جاي للزلم نسيت ماسويت
طلعت حجه وكمت
صارت عندي كئابه من طاري الزواج وهنه بقن يسولفن

بعدين فاطمه سولفتلي

حنان الحلك نشك شك  من الضحك

حنان :شكد عمره وشيشتغل

والمره تجاوبهه وترجع تسئل حلو عدج صورته

اجه وياكم
وانا ورقيه نخزر بيهه ماكو رقيه تگرص بيهه

و تريد تتعمق وتسئل منو اختارت ام ناصر بس تستحي
رقيه  عضتلهه  بشفتهه واشرتلهه علئ،باب الغرفه يعني راح اكول لاامي   يله سكتت

يتبع ......

تصبحون علئ ماتتمنون فرشاتي 🦋🦋