صوتو + علقو بين الفقرات ❤️🔥❗️
راعوث :- طلعت ايمان اجت نسرين لزمت وجهي باثنين ادين وتباوعلي بخوف
نسرين :- شسوتلج؟
راعوث :- خلتني اكل وياها وصيحت عليه وضربتني على حلكي ، حضنتني ورافعه راسها وتنهدت باست راسي ووخرت
نسرين :- كومي نتعلم الركص
راعوث :- هزيت راسي بـ لا وصافنه بالكاع احس تعبت اريد اموت
نسرين :- دكومييي شكد فاهيه شلعتي كلبي
راعوث :- سحبتني من ايدي حيل حسيت ايدي انكسرت جابت وصله ام الدراهم مال ركص وشدتها على خصري ولبستني حجل (خلخال)
نسرين :- سوي مثل حركاتي
راعوث :- اباوعلها هزت تك خصر وعينها على خصري واني واكفه بمكاني وصافنه عليها
نسرين :- راعوث وحق الله العمه ايمان تكتلني وتكتلج جري عدل هسه اني زينه وياج بس اذا شفتج تعاندين والله العظيم اشوفج شي مني مامتوقعته خوش
راعوث :- اريد بابا
نسرين :- لزمت كتفها ردت احجي حسيت الغصه بحلكي اخذت نفس همست ، لا اله الا الله ، لازم تتعلمين الركص والله تكتلني علمودي ركصي عفيه
راعوث :- ابوس ايدج ما اريد هسه احنه مو بره بالخيمه شرديني ابوس ايدج
نسرين :- راااعوث
راعوث :- صافنه شسوي شلون اخلص حايره ماهيس اله كدامي ايمان
ايمان :- ها ماتقبل تركص كليلي هاي الكح** تركص لو لا حتى ادوس حلكها بالنعال اذا ماتقبل
نسرين :- لا جاي اعلمها
راعوث :- غمزتلي وعضتلي اشفه
نسرين :- يله باعي رفعي كتفج الايمن ورفعي خصرج الايسر والثاني كذالك يله سوي مثلي
راعوث :- كعدت يمنه ايمان واني ارجف عضامي يطكطكن قلدت نسرين بديت اركص شويه شويه بقت ساعات تعلمني وايمان تصيح لا بعد علميها وبطني توجعني وخاصرتي موتتني وجع ايدي المكسوره تتحرك من اركص واحسها انكطعت من كد الوجع اخر شي كمت ابجي واركص مثلها ونسرين تباوعلي وخايفه عليه وايمان ولا مهتمه ولا كانو جاي ابجي عافتني وكالت يله شو ركصي وحدج ركصت مثلها ودموعي تنزل واشهك امسح بدموعي واركص
ايمان :- رفعت اصبعها الابهام بمعنى تم او اوكي وكالت عفيه عفيه خوش ركص اريدج تخبليهم واكيد على هاذا ركصج وجمالج راح يتخبلون راح يطك شغلي فد طكه تقربت مني لزمت وجهي عصرته بيدها فدوه لهاذا الوجه فدوه لناجح الجابج اليه هدت وجهي وطلعت
راعوث :- ذبلت بعد ماعندي أي طاقه اكوم على رجليه او انطق حتى النفس ماكدر اجره احس تعبانه اريد ارتاح كعدت على الدوشگ واحس جسمي يهتز وحده من كد الركص الركصته عيوني ذبلن روحي ذبلانه نسرين جابت مي وشربتني واخذت مي شويه بيدها غسلتلي وجهي حطتلي مخده وكالت
نسرين :- ارتاحي
راعوث :- نمت وعاصره بطني حيللل احس شي ينزل بين رجليه اغمض وافتح وعاصره بطني باثنين ادين حيل حتى من البجي تعبت احس سجاجين تدخل لبطني وتطلع على البطيء صرخت اخخخخ نسررررين نسررررين بطني راححح امووووت بطنيييي
نسرين :- ها راعوث ، لزمتها افرك بوجها ونفخت بوجها شفايفها صارن بـ لون الدم مادري ليش وعيونها كلها شراين حمر وتصرخ اخخخ ولازمه بطنها بقوه ودور وجها يمنى ويسرى وتضرخ
راعوث :- عوفونيييي اخخخخ
راعوث :- شفت الموت بعيني ألم مزق امعائي اتمنى واحد يفتح بطني حتى ارتاح اعرف شبيها طبت مره وكالت
- ها تطلك لو تولد طفله راح تموت ماتعيش هاي
راعوث :- افرفر براسي وادفر برجليه واصرخخخ عاصره بطني حيل بيدي على صوت صريخي الكل وكف بمدخل الخيمه ويمي كاعدات ادفر برجليه بلكت ارتاح اخلص من الوجع شفت بجامتي كلها دم واني تخبلت اصرخ اقوى ونسرين تهدي بيه وتحضني وتسمي عليه اخر شي شفت الكل يتمايل وغواش وجهي خدران غمضت عيوني ورخيت ايدي وغبت عن الوعي
- فتحت عيوني على البطيء باوعت لنسرين تضرب على وجهي بيدها وتغسل وجهي وتبرد ايدي وركبتي كومتني تاخذني للحمام حاضنتني حيل وتمشيني وبجامتي صايره عباره عن دم والكل يباوع الي عباله سقطت والي عباله اغتصاب والي يكول حاولت تنتحر وشيخلصها من ايمان كعدت على الطبله بالحمام واحس الحمام يفتر بيه وعيوني ذبلانات نسرين فتحت الحنفيه على الطشت واجت يمي تريد تنزعني البدي دفعت ايدها حيل
نسرين :- اعتبريني امج خليني اغسلج نازفه هواي ماتسيطرين على نفسج دايخه
راعوث :- عوفيني
نسرين :- راااعوث
راعوث :- صحت بوجها ، عوفينيييي عااااد
نسرين :- والله مو صوجج
راعوث :- عافتني وطلعت ضربت الطشت برجليه حيل صحت اخخ كامت توجعني رجليه لان متروس ماي صاير ثكيل ونزيف مستمر اباوع على الباب مامقفول شلون أمن وانزع واسبح شلون حرت حيرره وادعي الله لا يخلي واحد بموقفي كمت ابجي دموعي تنزل بغزاره من الوجع والخوف والتفكير لزمت شعري بيدي وسحبته حيل ومدنكه بالكاع ومغمضه عيوني بقوه ثواني واحس واحد مقيدني من وره ماكدر اتحرك حسيت جسمي واحد لازمه انفاسي صارت مسموعه صوت وشوشه باذاني وصوت الماي عالي راسي راح ينفجر انفاس حاره بركبتي ألم براسي فضيع درت وجهي وصرخت
- وخررررر
- بس ما جان اكو واحد كمت اتلفت يمنى ويسرى وكلبي يخفق بشده هدات روحي ونزعت حطيت ملابسي يمي خاف يجي واحد سبحت واشوف الدم يجري بالكاع ويا الماي منضره مرعب اسبح وبعدني انزف شويه واندكت الباب ومدت ايدها تنطيني ملابس كمت بسرعه اخذتهن وسديتها لبست وطلعت شفت ايمان جايه عليه للحمام بسرعه اخذتني بحضنها واني مصدومه عليها
ايمان :- ها يمه حبيبتي تخربطتي سوده عليه غير تكليلي ماكدر اركص
راعوث :- صافنه معقوله خاف حلمانه هاي شبيها شفت وراها حجي لابس دشداشه وعليها عبايه زلم وحدريه واكف يباوعلنه
- اخذتني ايمان لغرفتها كعدت على الجربايه عافتني وطلعت ثواني وطب الرجال نفسه الجبير تقرب نزع الحدريه وذب عبايه الزلم ليوره وفتح دكم الدشداشه ويتقربلي
- دنكت بالكاع واكسر باصابعي اجه يمي رفع شعري وره اذاني شعري ينكط مي على ضهري تلمس خدي ايده خشنه حسيتها جرحت وجهي انفاسي مسموعه رجليه بعد مايحملني هدوء تام حسيت صرنه وحدنه بهاذا المكان يتلمس بايدي ويتجرئ بلمساته بقيت ارتعش من شدة الخوف وجمدت اطرافي بعد ماكدر اشرد او اصرخ يفرك بخدي اباوعله بقرف قرب اصبعه الابهام لشفتي ودخله بطرف شفتي عيوني يطلع منهن نار وباوعله بصدمه وقرف
- بحركه سريعه لزمت ايده وعضيتها عضه خليته يصرخ صرخة نسوان ودفرته برجليه على *** وكع بالكاع وصاح
غزوان :- اخخخخ ياكلبه يا كح*** يا شر*** بت ليل تعااااي ولججج وين رااااايحه تعاي الزمج وشوفج شلون تضربين غزواااان
راعوث :- كلبي يدك بقوه انفاسي عاليه كوه اركض واتصرف ايدي ترجف رجليه يرجفن واكفه يم الباب افتح بي واشوف رجليه يرجفن منضرهن مرررعب ايدي ترجف لازمه مقبض الباب وايدي ترجففف بقووة ماتنفتح الباب كمت ادك بيها واصرخ
- ساااعدونييييي
- ودك بكل قوتي باوعتله يريد يكوم رحت ركض قبل لا يكوم ركلت وجها برجليه وكع لوره بقيت اضرب بوجها حيل حيل لزم رجليه ويريد يسحلني يوكعني يما موقف يحبس لها الانفاس تخبلت وحش لازمني كائن مخيف وجها مخيف ملامحه شيطانيه صوته مرعب وهوه يصيح
غزوان :- لزمتججج يا من*** اليوم املخج اشكه *** اوففف اريد اشووف الجمال الجوه ملابسج ولجج تعاااي خلي ارتاح اشبع عيوني بشوفة جسمج ولج كح**
راعوث :- صوته مقررف يسحل برجليه واني احاول اشرد واصرخ بس محد يجي يخلصني منه دنكت عليه ضربته على صلعته حيل وسحبت رجليه من بين ايده لزم راسه باديناته وخشمه ينزف دم
- رحت ادور بالغراض اريد شي اكتله بي ادور وكلبت الغرفه كلاب فتحت القفل مال الكنتور ونرعبت بمنضر ادوات مخيييفه سحبت خنجر ورحت عليه واني احجي بكلبي لا لا انتي ماتكتلين لا عوفي لا تصيرين مجرمه لا دمرين طفولتج لاا لا راعوث ارجع لوره ومغمضه وهوه نايم بالكاع ويون وينزف من خشمه غمضت عيوني ورفعت الخنجر اريد ادجه بطنه ...
- مغمضه واريد انزل ايدي بسرعه قويه واكتله حتى ما اخاف بس ايدي ترجف ثواني وسمعت صريخ نسوان وزلم ونكلب العالم كلاب دايره وجهي على الباب المقبض يتحرك اكو واحد جاي يفتح بي حيل مانفتحت مقفوله ماهيس اله الباب واكعه والتراب اندثر بالمكان دخلو زلم لابسين زي عسكري وبيدهم اسلحه موجهيها على كل ركن بالغرفه
- ونصهم لزمونه واحد لزمني حيلل ايدي خدرت من قوة اللزمه دموعي تنزل واحس هاي نهاية العالم راح اموت راح يكتلونه وبس اسمع فشار منهم وكلام وصخ ويهددونه نزلني جوه واشوف الكل لازمي والبيت مين ما باوعله زلم نفس الزي العسكري اسود ودرع وخوذه ولثام والاسلحه بيدهم صوت النسوان باذاني اله اني ساكته ومصدومه منو هذوله راح اخلص راح يساعدوني راح يكتلوني شراح يصير شنو مصيرج راعوث من فقر لانفجار لبيت دعاره
- شمرني الرجال الي لازمني بالسياره وبقيت كاعده خايفه اتلفت يمنى ويسرى افتح بالباب ماتنفتح اكو حد بين الكراسي الوره والكراسي الكدام وصله قماش ثواني وتحركت السياره حضنت روحي اسمع صوت زلم بالكشن الكدامي يفشرون ويسبون
رائد :- المن*** ابو ال*** غزوان مجرم مطلوب لكيته بهاذا المكان القذر سيدي الرائد عُقاب راح يسوي وصل حتى يغت*** هههههههه يحبله ويسويله فريخات على كولته هوه منا ضايج اليوم يفترسه وحك علي يهرسه يراوي غضب الله
راعوث :- بس سمعت اسم عُقاب حسيت كلبي رجف اسمه مخيف هوه شلون حضنت روحي وسديت اذاني حيل ماريد اسمع شبيها العالم ليش كلها تفشر شصار من بعد الانفجار ليش تغير الكل دموعي تنزل عشره عشره ثواني اكول راح اخلص يمكن احجيلهم يساعدوني وثواني اكول يمكن مثلهم وازود ارجف وخانسه مانطقت كلمه واتذكر الرجال الردت اكتله ايدي ترجف من لزمة الخنجر انرفعت الوصله
- وشفت رجال مد راسه باوعلي شواربه سود ولابس نضاره شمسيه شعره طويل لحد ركبته رافعه ليوره جسمه معضل باوعلي من فوك لجوه أردف
رائد :- بداعت غزيوان ماتركصيلنه تسويلنه واهس بالعباس جفاف قاحل
راعوث :- ماكدر اباوعله مدنكه وابجي اناشغ انعقد لساني من الخوف
رائد :- خطيه امي تفتر بالبيوت دورلها على مريه حليوه ماكو طلعن نص الحلوات هنا
راعوث :- دار وجها ورجع يحجي ويا الرجال الي يما بقه يسوق ساعه او اكثر صداع خوف ألم الدوره ألم ايدي المكسوره صوت السياره البرد هذني كلهن مستحيل يجي يوم انساهن ..