شفنه رجاجيل هواي ومن ضمنهم ذيب لابس قميص اسود وبنطرون رصاصي دخلو للاستقبال طلع بابا كال
ابو سليل: بنياتي اجو ناس ما نعرفهم حضرو صواني تقديم
نبأ: تمام بابا
سليل: سويت چاي ونبأ حطت ضيافة راحت نبأ دكت الباب واجه بابا اخذ الغراض
___________ نروح للأشتر
الأشتر: رحنا لبيتهم انا وعلي صديقي وعندي ناس اعرفهم حق المعرفه ع نياتهم وكلش زينين وأخذت شيوخ ورحنا توجهنا لبيت نار استقبلنه ابوها جابو ضيافه وبديت احجي
عمي انا جايلك من الباب وكبل ندخل بالمفيد والله رايدك بنيتك سليل ع سنة الله ورسوله
ابو سليل: والله يا عمي نتشرف بيكم وانتو مبينين ناس من اهل الله بس بنيتي بعدهي صغيرة وحت لو اسألها ما اتوقع توافق
الأشتر: لا عمي توافق توافق ان شاء الله
ابو سليل: والله يا عمي ما اعرف شنو اكلك بس اسألها ويصير خير
* ضلو يحجون الشيوخ الكبار وشوي وطلعو
سليل: جنه كاعدين انا ونبأ شوي واجه بابا كال تعالو اريد احجي وياكم رحنه وياه وحجه
ابو سليل : بنياتي ذول الجماعه الي جانو هنا خطابه يردون سليل والولد صحيح زين ويمدحون بيه وكامل والكامل الله بس سليل بعدهي صغيرة وانا بابا ما أتدخل هو هذا مستقبلج انتِ ف شنو رأيج ؟
سليل: بابا شنو غير اعرفه شنو يشتغل شكد عمرة وهاي السوالف
ابو سليل: اسمة سجاد عمرة 32 امه متوفيه وابو كذالك ما عندة خوات بس عماته يجون يخطبون عندة شركه وبيت ملك وسيارة والمهر 30 بـ 50
سليل: بابا افكر واردلك خبر !
ابو سليل: ع راحتج بنيتي انتي
سليل: عفتهم وصعدت والدمعه بطرف عيني تلفوني يدك باوعت رقم نهايتة 33 رديت واجاني صوته
الأشتر: ها نار
سليل: ها ذيب
الأشتر: شصار وافقتي حاجيتي ابوج ؟
سليل: بابا حاجاني وكتله افكر واردلك خبر بدين احاجي
الأشتر: استعجلي
سليل: ليش جذبت
الأشتر: ع شنو
سليل: ما كلت اسمك الحقيقي
الأشتر: احسن
سليل: سداه بوجهي الحقير المغرور شوي واجتلي نبأ ومدمعه
مريم: عفية سليل لا تزوجين چا انا وين اروح
سليل: شبكتها وكوه مسيطره ما ابجي طبطبت ع ضهرها وحجيت
حبيبتي نبأ هاي سنه الحياة لازم تتعودين ع بعدي مو اليوم باجر هو الزواج وراي وراي وانتي لازم تعتمدين ع نفسج بعد كبرتي اخذي حقج بيدج وتتعودين شوي شوي
نبأ: راح توافقين ؟
سليل: هزيت راسي
نبأ: ليش بعدج صغيرة ؟
سليل: كامل ومواصفات انا اريدها
نبأ: براحتج
سليل: عفيه نبأ انتي كولي لبابا انا موافقه استحي
نبأ: تمام
سليل: راحت نبأ حاجت بابا وثاني يوم ردت الموافقه واجولي نسوان ثنين هم عمات الأشتر خطبوني بس الي اتفأجئت انو كالو عكبه عقد سيد ومحكمه واروح وياه ماكو عرس ولا شي وفوك كل هذا غير محافظه
نبأ: شبيج سليل تخبلتيي شونن غيرر محافضة ؟ وفوكاهااا عكبهه الخطوبه وعرس رأسن شبيجج انتييي
سليل: وحق الله ع يا ساعه اطك واحجيلهم كلشي بالكوه مصبرة روحي قويت نفسي وكتلها
انا اريده
نبأ: سليلل عندج علاقه وياه ؟
سليل: لااااااا
نبأ: مدري والله هسه يجي بابا وما يوافقق
سليل: صعدت لغرفتي تلفوني يدك شفته هو جاوبت وكبل بجيت وحجيتت
شكدد حقيررر انتتت ليشش تجبرنيي ع شييي انا ما اريدةة خليتني اجذبب ع اهلييي والففق كذب من عندي ليششش سمسويتلك
الأشتر: خلصتي ؟
سليل: حقيرر
الأشتر: تمونين نار تمونين وهسه جهزي روحج عكبه نعقد
سليل: عفيةة لا ما اريد حت ابوي هسه ما يقبلل
الأشتر: قنعي
سليل: الأشتر
الأشتر: ناار !
سليل: عوفني بحالي عفيه خلي ننهي كلشي سكتت وهو سكت كبل قطع الاتصال ركعت روحي ع الجربايه ودموعي ينزلن شوي وفتحت الباب نبأ وكالت من وره خشمها
نبأ: تعاي بابا يريدج
سليل: كالت وطلعت اخذت نفس عميق ورحت للحمام غسلت وجهي وعيوني حمر ووجهي كله احمر من البچي نزلت جوا جان كاعد بمكتبه
ابو سليل: تعاي سليل كعدي هنا
سليل: رحت كعدت كباله ومنزله راسي احس روحي كاع يحقق وياي
ابو سليل: صحيح الحجي الي سمعته ؟
سليل: شنو هوا
ابو سليل: عكبه عقد محكمه وعقد سيد وكبل ياخذج وياه وفوگ كل هذا مو هناا بمحافظه
سليل: اي صحيح
ابو سليل: شبيج شنو تخبلتي هو احنا ما صدكنه توج رجعتي انوب تردين تزوجين محافظات ؟
سليل: اي عادي مو اول وحدة انا ازوج محافظات
* وحق الله بعد ما اكدر اتحملل يربي انقذني
ابو سليل: بنيتي سليل رفعي راسج وحاجيني ليش تبچين مجبورة ؟ كوليلي انا ابوج
سليل: بجيت بقله حيله وهو كام وحضني شددت ع حضنته وضليت ابجي مدري شكد استمر الوضع تقريباً نص ساعه
ابو سليل: يلا بنيتي باباتي احجيلي مجبورة
سليل: لاا بابا انا اريدة وخلاص
ابو سليل: تعرفي ؟
سليل: سكتت
ابو سليل: احجي لا تسكتين سليلل انا ابوج وانا مو ضد فكرة الحب بس اول شي انتي بعدج صغيرة حت ع الزواج انا ما مقتنع بس ما اريد اوكف
بقسمتج
سليل: مدري شون اجت أبالي هاي الفكرة بس كبل كلت
وحدة ويانا بالمدرسه يصير ابن عمها ومرة شافني وانا شفته وبعد ما صار بينه شي هو كبل اجه خطبني !
ابو سليل: تتحملين تفاركينه ؟
سليل: نزلت راسي وكلت
اتعود
ابو سليل: تمام بس اذكري كلامي بأي وقت تحتاجيني تكولين الي مستحيل اعوفج لو انساج انتي قطعه من گلبي
سليل: حضنته وكتله الله يخليك النا ويطول عمرك رحت صعدت الغرفتي وطكيت بالبجي مدري ليش اجه أبالي هوا كبل خابرته شوي واجالي صوته
الأشتر: نار
سليل: ذيييب جنت احجي وابجي
الأشتر: شبيج ناري ليش تبجين
سليل: بسببك
الأشتر: تتعودين
سليل: حقير
الأشتر: تمونين
سليل: انت ليش هيج
الأشتر: الله اليعلم
سليل: هففف حاجيت بابا بس هو شاك انا مجبورة
الأشتر: ميخالف بعد من اخذج ما يشك
سليل: من تزوجني هم تجيبني لأهلي موو
الأشتر: يصير خير
سليل: كاله وسداه امداك اي والله الحقير صدك مغرور كمت رحت لغرفه نبأ وهيه مثكله علي كتله
بعد بس يوم واحد انا وياج وانتي تزعلين علي !
نبأ: سليل مو بيدي ما اكدرر افهمينيي شون تعوفيني
سليل: أجي ازوركم وانتِ هم تجين النا
نبأ: چا كومي نحضر جنطج ونروح للصالون
سليل: ما بيه
نبأ: دنجبي ترا راح تتزوجين شبيج
سليل: اي حت لو هسه بس نلم هدومي
نبأ: وربي احاجي بابا
سليل: هففف خوش خوش رحت لغرفتي طلعنا الجنط وكعدنا نلم بأغراضي اتصنع الابتسامه وانا مكسورة كسر احس روحي جاي احضر لموتي مو عرسي لميت كل غراضي صار تقريبا جنطتين بس للشغلات وثلاث جنط للملابس عافتني وراحت انا دخلت للحمام سبحت ونشفت شعري ورحت لجربايتي صفنت بالسكف انوب نزلت يم بابا ونبأ تعشينا وكل واحد راح لغرفته نمت خلص اليوم عادي واجه ثاني يوم ونبأ محاجيه بابا علمود نطلع دزلنا السايق ورحنا اول شي للسوق والمول جنه داخلين بمحل مال كوزمتك وتلفوني دگ رفعته شفته رقمه رحت ع جهه وجاوبت
الأشتر: نارر
سليل: ها ؟
الأشتر: شلون طلعين وما تكوليلي !
سليل: ياا شدخلك
الأشتر: لج ادبسز لا تخلين اجي واسحلج من نص المحل
سليل: شكدد تنرفزز شسوي يعني نبأ وبابا عبالهم مجبورة ونبأ تكلي اذا ما مجبورة ما ترحين للصالون ونشتري هدوم ولازم اخليهم يصدكون ف رحت
الأشتر: ايي بس غير تكليلي
سليل: خوش ما ادري
سكتنه كتله باي وسديته قبل لا يسده رجعت يم نبأ كملنه الشغلات وخابرنه السايق رجعلنه رحنا للصالون حفتلي وجهي وسوتلي تنضيف بشرة واكريلك وكملنه ورجعنه للبيت صعدت لغرفتي سبحت وبدلت ورحت لجربايتي تلفوني يخابر شفته رقمه فتحته وكال
الأشتر: باجر ساعه 4 عقد السيد من نخلص نعقد محكمه وكبل نطلع لبيتي
سليل: خوش
الأشتر: شلونج !
سليل: چنت زينه
الأشتر: مم حلو
سليل: اريد اروح
الأشتر: وين
سليل: يم بابا ونبأ
الأشتر: همم معسلامه وسداه
سليل: امداه عودك ردت اسده قبله بس ما لحكت يلا يولي نزلت ؤم بابا ونبأ شغلنه فلم وسوينا موفي نايت وسهرنا بعدين كعدنانسولف وكتلهم باجر ب 4 العقد
ابو سليل: بنيتي ما اعرف شلون راح افاركج بس زورينا مو تنسينا وأي شي تحتاجي بمكالمة وحدة تلكيني يمج وصيري سباعيه
نبأ: سليل عفيهه مو تنسيني
سليل: خاب برتقالة انسى روحي وما انساج
نبأ: انجبييي
سليل: ضلينه نضحك عليها شون تعصبت نبأ تكره اسم برتقاله واحنه دوم نصيحلها برتقاله 😂🌚
صعد كل واحد لغرفته وانا صعدت ونمت