لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
ثاني يوم ، متجمعين كُلنا بصالة الساعة 10:15 مساءً
جنت كاعده يم بابا كلت خلي اسئلة ليمته نرجع
ـ بابا ليمته نرجع لبيتنا
رد عليـه
... ليمته دوامجن يبدي
ـ اني السبوع الجاي
هز راسـه ودار وجهه لجدو وهوَ يكول
... يابه انا بعد يومين راجع لبغداد بناتي راح يبدي دوامهن ورحم الله والديكم ماقصرتوا ويانه وتونسنه وياكم .
رد عليـه جدو
... بويه خصجم الحجي رجعه لبغداد ما الك
انصدمنا كلنا
بابا ... بويه اكلك بناتي راح يبدي دوامهن وانا هناك صارلي سنين تعودت خليني مرتاح بيتي ودوامي ومستقر ببغداد
رد عليـه جدو ببرود
... محمد من ناحية الاستقرار مثل ماعفتنه ڪُل هلسنين هـسهہ هم تعرف بغداد وترجع النا وتستقر يم اهلك اما ناحية بناتك ودوامهن ينقلن لهنا
بابا ... وتين كليه مرحله اولئ ماتنقل واذا نقلت لازم تعيد السنه من جديد ورنين السنه ثالث وزاري اذا نقلت تتخربط عليها المواد ، طززز بيه بس بناتي مامستعد اخربط دراستهن وتعبن ويعيدن السنه
جدو ... بناتك قحطان وصكر ينقلوهن ورنين انا ادخلها دورات واخليها تسيطر ؏ مواد بعد شنهي من حجه عدك
اباوع محد دخل بين جدو وبابا خلال حديثهم
كام بابا يروح ويجي كعد يم جدو وهوَ يكول
... يابه تريدني اكعد يم التهموني تريدني اكابلهم
رد عليـه جدو بصياح
... محمدددد مو كلنالك مالك شغل بيهم مووو الرجال ؏ فراش الموت ومن رحنه حتى ايدك راد يبوسهه حتى تسامحه
راد يحجي بابا قاطعـة جدو وهوَ يكول
... انتهئ النقاش باجر تروح انتَ وقحطان ووتين تجيبون ڪُل اغراضكم
بابا ... زين ميخالف و وتين شلون بجامعتها
جدو ... مو كتلك قحطان ينقلها
حجه قحطان
... جدي اكدر انقلها بس تعيد سنه
بابا ... سمعت يابه اذا انا جذاببب اسمع حفيدك شيكول
جدو ... سمعته وماكلت انتَ جذاب
بابا ... يلله چَا طيني الحل
باوع جدو لقحطان وهوَ يكوله
... قحطان انتَ مو شغلك هناك يلا؟
قحطان ... اي شغلي هناك
جدو ... چَا هاهيـه تستقر ببيت انتَ وتروح وياك بت عمك لمن تكملن جامعتها وترجع
وكف بابا بكل عصبيه
... شلون بويه تريدنييييي اعوفن بتي تكعد ويه ابن عمها لوحدهم خوماكو شي
رد عليه قحطان
... افا عمي تشك بيه؟
فرك وجهه بابا بعصبيه وتقرب من قحطان وهوَ يكول
... ماعاش اليشك بيك بعد عمك انتَ تربية ابوي واخيي
بس يابعد عمك انتَ تشوفها ترهم ؟
جدو ... موش بلازم يشوفها ترهم يلاله المهم انا اشوفها ترهم
راد يحجي بابا طفرت عمتي شيماء وحجت قبله
... بويه بتي صفاء هم السنه مرحلة اولئ بجامعة بغداد بس مو ڪُل سنه تروح عد عمتها البغداد خلها هلسنه تكعد ويه قحطان ووتين
جدو ... خوش العصر انا اخابر ابوها واذا رضا هاهيه هـسهہ رتاحيت يمحمد
بابا ... هيه لو اكو كلمة بعد كلمتك چَا حجيت
ابتسم جدو اطشرنه ڪُل واحد لغرفته
بس قبل مانصعد لفوك كال بابا
... وتونه باجر بـ 5ونص اريدج جاهزة حتى نروح
ـ تمـام بابا بس ليشۂ اني آروحـح مو امي
بابا ... امج ماتعرف اغراضجن ولا شنو تريدن فَـ انتِ احسن حتى تجيبين غراضج وغراض اختج
اتفقت ويه بابا وصعدت فوك
اول ماخليت راسي ؏ مخده اجه ؏ بالي
قحطانووو الشاغل تفكيري
ياربي اني ليشۂ دافكࢪ بيه هواي، ليشۂ داهتمله
ليشۂ اضوج اذا مانتبهلي ، ليشۂ اغار واضوج اذا حجة وياه صفاء ، شنو يسمونه هلشعور
نمت بعد تفكير ....
كعدت الصبح ، بدلت ؏ سريع ونزلت بسرعه
لكيت بابا كاعد يشرب چاي
ـ صباح الخير
رفع راسه ابتسملي
... صباح نور حبيبة ڪلبـي
كعدت يمه شوي ونزل
الماخذ العقل والتفكير ، يتمختر بمشيته
قحطان ... صباح الخير
ردينه ... صباح نور
كال
... خوما تأخرت عليكم
بابا ... انتظارك سعاده وغمزله
ضحك و رد
... الحُب والحرب عمي
ضحكت ؏ سوالفهم ، وطلعنا
قحطان السايق وبابا صعد يمه
صعدت اني وراه ، دفو السياره ، وصوت القرأن الهادء خلاني انعس خليت راسي ؏ جامة سياره ونمت
حسيت ؏ بابا يكعدني
علمود ننزل نتريك بمطعم
نزلت وجان قحطان نازل قبلنه
دخلنا للمطعم طلبوا الاكل اني كلت بس لكمتين
لان مامتعوده اكل من صبح
خلصوا اكل وطلعنا نحاسب كاموا يتعاركون بابا وقحطان منو يدفع الحساب كتلهم
ـ حبابين لو يدفعه واحد منكم لو اني ادفعه حتى نخلص
خزروني ثنينهم ودفعه بابا
قحطان سكت وهز راسه
كملنا طريقنه وصلنا للبيت
قريب وكت الغدا كعدوا بابا وقحطان بلصالة
واني صعدت فوك اول شي دخلت لغرفة رنين
جبت جنطه جبيره ولميت ڪُل اغراضها وملابسها وكتبها
واني كذالك ،بعدين نزلت لغرفة اهلي
وهم هيج بس اهلي جنطتين وحدة ماكفت
كملت وسبحت بغرفتي ولبست تراك مريح وشالي ونزلت لكيت قحطان رايح جاي اكل رتبته وصحتلهم علمود ناكل ، تغدينا وسويتلهم جاي شربوا
كال بابا
... انا رايح انام شوي ، قحطان بعد عمك اخذ راحتك البيت بيتك
قحطان ... ماتقصر عمي
توترت من بقينه وحدنا كسرت الهدوء وكتله
ـ افرشلك بلاستقبال تنام؟
قحطان ... ليشۂ مضايقه من وجودي
ـ لا بس كلت خاف تعبان
رد عليـه وهوَ يعدل كعدته
... لا لو ﭑريد انام چا كتلج
هزيت راسي وسكتت انوب حيره
خاف اصعد لغرفتي ويكول عافتني
واذا بقيت استحيي واتوتر من نبقى مكان واحد وحدنا
بقيت كاعده وساكته العب بموبايلي
بس ملانه ومتوتره لان بالي مو يم الموبايل ڪـلش
كسر الهدوء وهوَ يكول
... شعرج
رفعت راسي واني اكوله
ـ شبي
رد عليه وهوَ يدنك
... غطيه طالع
جريت شالي وغطيت شعري
الي ماجنت منتبهتله طالع من جوه الحجاب
قحطان ... شلون جانت اجوبتج بلامتحان
ـ زينه كلها سهله الاسئله بس اسئلتك صعبه
ضحك وكال
... احسن ، صرت مكروه القسم بسبب اسئلتي ههه
ـ الصراحه اي ، زين استاذ اقصد قحطان بعد نصف السنه بلكورس الثاني شسمه هم راح تدخلنه
رد وهوَ صافن بوجهي
... اي چَـا شلون
حجيت بكلبي اوو حتى بلكورس ثاني وراي
بس الظاهر بينت التعابير ؏ وجهي
قحطان ... شدعوه هيج مضوجج وجودي
ـ لا بلعكس عادي ، بعدين لاتنسى انتَ طلعت ابن عمي يعني راح تساعدني
ضحك ورد
... غلطانه راح اضغط عليج آڪــثر
ـ ياااا ولله حلوه حتى اكول لبابا وجدو عليه اخليهم يرزلونك
قحطان ... رزالتهم عسل ؏ ڪلبـي
ضليت اباوعله بضوجه وهوَ يضحك
كمت وكفت وكلت
ـ يلله اني صاعده انام
قحطان ... يصير قبل لا تنامين تسويلي كهوه
ـ اي عادي
رحت للمطبخ سويتله كهوه
ووديتها الها وصعدت نمت..
للعصر كعدني بابا علمود نرجع
كعدت بدلت ونزلت الجنط وقحطان
خلاهن بسياره ، وانطلقنا الى البصره
ضلو الطريق بابا وقحطان يسولفون
لحد ما وصلنا بليل تقريباً متأخر الوقت
بس الكل منتظرنه اني ميته من تعب
بس سلمت وصعدت لغرفتي نمت
كعدت ثاني يوم الصبح نزلت الكل بدوام
بس نسوان بلبيت نزلت للمطبخ كعدت ويه البنات كلعاده اجتني رنين وكفت يميي تحجي بحماس
رنين ... ولجج دريتييي اليوم شڪِۅ
ـ شڪِۅ
رنين ... البارحۃ جدو بعد ماصعدتي كال من زمان ما زايرين لهيج اليوم باجر الفجر نطلع لكربلاء والنجف العائله كلها تروح
ـ صـَدڪہٰ اي ولله حيل مشتاقة ازور
تحمست لزياره حيل خلص اليوم عادي
مابي احادث جديدة
واجه ثاني يوم الي نروح بيه لزياره
كعدنا ساعة ب2 ونص لبست بطرون
وبدي مريحات بطريق وفوكهن صايه
بدلت ونزلت لكيت ناس بصالة وناس بلمطبخ ومخبوصين ، صبحت عليهم وكعدت يمهم شوي
ونزلو ذياب وقحطان احسهم تؤم كد مايشابهون
بلهدوء ورزانه وبضخامه الجسم والطول بس الملامح
يختلفون ، صبحوا وكعدو مقابيلي اجتي رُسل يمي وهيه لابسه عباية راس و وجهه يضوي من صبح
اباوع لذياب صافن ؏ جمالها هيه مامنتبها اله
لمن راحت وهوَ عيۅنهہ مشكله بيها ..
رفعت راسي لكيت قحطان
عاگد حواجبه ويباوعلي
استغربت شڪِۅ شبي
اشرلي براسه ؏ جسمي باوعت لكيت صايه مفتوحه ما منتبهه الها وبطروني ضيك ومبين جسمي سديتها وباوعتله
هز راسه بس احسه ضايج
؏ ما كلمنا وطلعنا اجه يمشي بصفي وهوَ يكول
... ؏ مااعتقد احنا رايحين لمكان مقدس وزياره ليشۂ ملابسه عباية مو استر واحلى
باوعتله بضوجه
ـ مامتعودة البسها ولبسي مابي شي
هز راسه ومشى كدامي
انتظرت رُسل طلعت وهيه تكول
... يحلوه نسيتي جنطتج
باوعت جنطتي بيدها البسها بضهري صغيره
بيها ملابس كم تبديله وجنطتي الصغيره لابستها
بيها عطر ومرطب وهتفوني وشاحنتي وموبايلي
وساعتي ومشط صغير ..
ـ ولج نسيتها بالي نشغل
رُسل ... امم يتهنئ الشاغل بالج
ضحكت ورديت عليها
ـ دمشي يلله
صعدنا بسياره باوعت لساعة بـ 3:30
جانت منشئه لان احنا عائله ڪـلش جبيرة
متكفينه لا كيه ولا كوستر
صعدنا اني ورُسل يم الباب سويه
وليكدام يم السايق صعدوا الزلم والوره لنسوان
مشت السياره صاح السايق
... صلو ؏ محمد والِ محمد
ـ اللهم صل ؏ محمد والِ محمد
طلعنا متوجهين لكربلاء المُقدسه
وصلنا بعد طريققققققق طويل رحنه للفندق كبل
لان جنه تعبانين مو مال زياره بهذا حالنا
اني ورُسل وغرير ورنين
وامي وام قحطان بغرفه والباقي هم تقسموا بلغرف
نمنه ساعة ونص تقريباً وانوب كعدونا
كمت سبحت وبدلت ولبست صايتي
والبنات كذالك بس اني ورنين
نلبس صايات الباقي عبايات راس
نزلنا جوه لكينا الكل مجمع كالو يلله نتغده
حتى نروح نزور براحتنا جان العصر ڪـلش
مو مال غده بس الظاهر هما جوعانين ڪـلش
دخلنا لمطعم وكعدنا وطبكو الطبلات علمود تكفينا كلنا
كعدنا وكل واحد طلب اليعجبه اني ورُسل طلبنا كص
كملنا وطلعنا كتلهم تعال نروح لسوك نشتري ازار صلاة علمود ازور بيه لان ميقبلون ادخل بصاية ولعبي البلباب
تكش نفسي البسهم
رحنه اني ولبنات لسوك شتريت ولبسته
رُسل ... ﺂوʊ̤ يحرسج الرحمان وجهج صار يضوي ويه الازار
ـ פَـبيبتـʊ̤
رحنه نزور بطريق كالت غرير
... شوفن ولجن هذا زوج صفاء المستقبلي
باوعت وين تقصد واشوف رجال يجي جبير بلعمر
وشداشته كصيره طكيتها بضحكه طويل وعاليه
ماضحكت ؏ رجال بس ضحكت ؏ سوالف غرير
وشون تكره صفاء
اجتني عطيه من وراي
قحطان ... وسممم حتى سممم شنيي هاي الضحكه الطايح حظها وين انتِ بلبيت
باوعتله وغرغرن ؏ـيـُونـʊ̤ بدموع
من فشله من كسران خاطر
دنكت ومشيت اجن البنات وراي
رادن يحجن اشرتلهن اسكتن
دخلنا لتفتيش هوسه وخنكه
واني بالي عيطته شلون فشلني
وصل اليه السره عاطت بيه المفتشه
... ليشۂ مخليه مكياج وين جايه حضرتج
ـ ممخليه ولله
جرتني من ايدي ولزمت الكلنس مبلل
وضلت تفرك بعيني وهذا الكحل
ـ ولحسين ممخليه
ضلت تمسح بعيني لحد مكامت توجعني
وصارت حمره ﭑصلاً نطستها هيه وكامت تهل بدموع
ومنا عيطت قحطان بيه كمت ابجي
دفعت ايدها رنين وهيه تكلها
... جاي تكلج ممخليه مكياج شبيج بعد
سحبتني ودخلنه للامام اجوي ورانا البنات
اول ماحجن وياي كمت ابجي
ـ بلقرأن ممخليه اسم الكحله
ردن عليـه
... ندري بيج פَـبيبتـʊ̤ بس هيه عميه عبالها مكحله
دخلنه زرنه من طلعت اباوع
شصاير بحالي شعري طالع مو زياره معارك
اجوي البنات وعدلت شالي
وطلعنا لكينا بس شباب برا ومن ضمنهم قحطانو
من شافني اجه يمي سئل شبيهن عيونج
مجاوبته ودرت وجهي
جاوبته رُسل ... المفتشه مسحت عينها قوي عبالها مخليه كحله
رد وهوَ يباوع بيه
... كسر بيدها ان شاء الله عميه متشوف ممخليه نقطة مكياج بوجها
غرير ... حقها ياخويه وين شايفه هيج بنيه مكحله من ربها
ابتسم ؏ سوالف غرير وهوَ يكول
... هم صـَدڪہٰ
درت وجهي واني حيل ضايجه منه
رجع وكف يم الشباب راحت رُسل كالتله
... قحطان خلي نروح لسوك ؏ ما يطلعن النسوان حباب
سمعته رد عليها
... لا رُسل كعدن وسكتن يجن امهاتجن وروحن وياهن
رُسل ... حباب قحطان حباب خيتك انا
رد عليه بحده
... رُسل لتلحين كتلج ماترحن
حجت وياه وصوتها يرجع بيه بجيه لان عاط بيها
... هاهيه براحتك خويه مانروح عادي قبل شويه كسرت خاطر وتين وفشلتها وهسه انا هم
عافته واجت وكفت يمي
لزمت ايدها وعصرته ؏ كيف
بقئ يباوع لجهتنه شوي وكال
... روحن يلله بس لا تتأخرن
فرحن البنات سحبتني رُسل من ايدي
ومشينا بسوك اني جان حيل مكسور واهسي
اشترن البنات واني ماعندي خلك ڪـلش
ضلينا نفتر وشوي وحسينا شباب ورانا وهما يحجون
... يحلوات مُمڪن تباوعلنا خرب يومجن طول لو غصن ريحان لك ، لك عيني ابو الصايه خرب يومك جسم لو طركاعه ، اخخ لو الزمك .... وباقي الكلمات التلعب النفس
كمنا نتراجف منندل طريقنه منين
رفعت راسي وجان اشوف .......
يَتبع 🍂...
~~~~~~~~~~~~~~~~~~
ها شلونهن الفصعونات 🌚♥️
اعتذر ؏ تاخير
رائيكم بلبارت؟
والقفله🌝؟
وسمعت تحبوني صـَدڪہٰ🙊♥️؟
الى اللقاء في البارت المُقبل ...احبكم
#حب محكوم بلأعدام
# بنين الزيادي