مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت +متابعه
مشاهده ممتعه.
يعيش الإنسان طيب القلب حياته في الدنيا طيبًا مع كل الناس ويظل يعطي ويأخذ دون أن ينظر أن يأخذ من أحد شيء أكثر من المتوقع، فهو فقط يتمنى ابتسامة تسعد قلبه، يتمنى أن يتعامل بالمعاملة الحسنة والطيبة، ولكنه قد يقابل هذا كله بالعكس، فيجد المعاملة بجفاء وكأن ما يفعله هو واجب عليه وليس تكرمًا منه، وبذلك يكسر خاطر الإنسان ويحرم من الابتسامة، فالإنسان في لحظة حزنه وألمه يتمنى اليد التي لطالما مسحت دمع وجنته، لتخلصه من حزنه وآلامه فمابالك ينكسر من اقرب الناس اليه
دعوني أنقب عن بعض مظاهر القسوة التي أفصح بها بعض الفتيات بمرارة وحرقة من أفراد أسرهم وعلى قائمتهم الآباء. والامهات والإخوان ...
نبدي علئ بركة الله
بسم الله الرحمن الرحيم
................
جنت راجعه من المدرسه فرحانه جايبه النتيجه
وناجحه وجان كلي أمل ابوي يخليني اكمل دراستي
من بعد ما نحجت من السادس ابتدائي
ماعدنه البنيه تكمل دراسه حته عمامي حدهه
ابتدائيه تخلص وتكعد. بس انا اكول ابوي يحبنه بلكت
راح يخلينه نكمل مثل بنات عمي حامد دخلت لبيتنا محد جان موجود
أخواني جانو بلمدرسه مدرستهم متوسطه جانت بلولايه
موبالقريه الي احنا بيه القريه جانت بيهه بس مدارس
ابتدائية ركضت لأمي الي تخبز بتنور الطين
ورده :يمه انا ناجحه عاينت عليه
ام ورده : خوش صلوات على محمد وآل محمد. روحي
ذبي هدومج وتعاي عاونيني على شغل عدنا خطار
ورده: ياهو الخطار هاي يوميه خطار أنتم
ام ورده :ورده لسانج طولان اجيج اكصه الج عيب هاذا الحجي وبعدين الخطار الجاي علينا صاحب ابوج الروح بالروح
انا ورده احنه من الريف ابويه جاسم. يشتغل فلاح. وامي ربت
بيت احنه 2ولد و3 بنات
اخواني اثنين اكبر مني. حازم ومصطفئ وانا
الثالثه وخواتي ثنين ازغر مني فاطمه ومياسه احنه عايشين ابيت جدي
عندي 2 عمام عمي الجبير. حامد بعدني ماجايه لدنيا عايف اهله وعايش ابغداد
عنده ٢ولد و٣بنات يجينا كل فتره ويحبنه
بس زوجته متجي ولا احد من أولاده اذكر بس من ماتو جدو وبيبي اجو
عمي الثاني الي هوه جابر كاعدين بصف بيتنه
.......
نرجع نكمل
سكتت شويه
ورده: زين شنو الغدا عود
ام ورده: دجاج شوي بألتنور ابوج كال وهسه ابوج على جيه راح للولايه يجيب مسواك لان كلشي ماعدنه بلبيت.
ورده: فدوه يمه تخلوني اكمل دارسه لولا ابوي مويحبنه
ام ورده: ابوج وتعرفينه نعمة الله من خلاجن
تعرفن تقرن وتكتبن اسكتي وسترى علينا
وبعدين تعاي اكلج هاي الديره شكبرهه وبيهه
شگد بنات ياهي الدرست ياهي الكملت لوبس انتي
سكتت
واعرف كل حجيه صدك
بس اجذب علئ نفسي عود بلكي يحن گلب ابوي
عليه لان شاطره جنت ودوم المعلمين يمدحون بيه
ويجيبولي هدايه لان شاطره واحفظ بسرعه
مشيت من يمه ودخلت للغرف
ه
ورحت فتحت خانه من خانات البوفيه الي
نتشارك بيهه انا وخواتي الي ازغر مني
طلعت كارتونه زغيره اخلي بيهه اشيائي الخاصه
وخليت النتيجه بيهه وسديتهه
بدلت ملابسي ولبست دشداشتي وحجابي لفيته بهمال وطلعت
من الغرفه
واسمع أبوي يصيح من باب الحوش وينهم وين راحو
صحت ها بويه هنا
كال شلونج بويه كتله زينه
كال نزلي لمسواك من سياره.
سيارة ابوي بيكم
نزلت المسواك جان متسوك كلشي وحته جايب مواعين مال اكل تخبل
ودولكات زجاج تخبل وخواشيك
تعجبت لان ابوي مومن عادته يجيب هيج أشياء
نزلت المسواك ودخلته للحوش وأمي اجت سلمت
على ابوي
ابو ورده: هلابيج هاا كمل غداج لا
ام ورده: شويه ويخلص.
اعاين لأمي واشر اله انو تكول لابوي ورده ناجحه.
وتريد تكمل
أم ورده :ابو حازم وريده ناجحه
فرح ابوي : خوش صلوات على نبي
ام ورده: بس ورده تريد تكمل تكول
ابو ورده: لا صرتي جبيره حدج لسادس وبس ماعدنه بنات تفتر بلولايه
بجيت
ورده: فدوه بويه خل اكمل اروح فدوه الك
أبو ورده : ورده صرتي جبيره عيب بويه تدخلين بعد مدرسه
نهضمت من كلامه يعني شنو صرت جبيره اني ماحب هاي الكلمه
رحت للمطبخ وكمت ابجي واشهك حيل
أمي دخلت عليه
ام ورده: كومي عاونيني وعوفي البجي على صفحه
ورده: يمه سمعتي يمه ابوي شكال
ام ورده: ابوج اعرف بمصلحتج
وانتي صرتي حديثه بعد عيب تطلعين للمدرسه
أني من دخلت للمدرسه عمري سبع سنين فاتتني سنه
بوكتهه عمري ١٣ سنه كمت مسحت دموعي واعرف
اهنا احلامنه تندفن ماكو مستقبل النه ضالمينه الولد
كلشي اله يصير بس البنيه لا كلشي مايصير وممنوع
أحلامي مدفونه وماراح تتحقق
مسحت دموعي وكمت عاونت أمي على الغده
اجت بت عمي
رقيه وصاحت عليه ترحين للحشيش
احنا نحش الطليان الزغار الي ميطلعن وي امهاتهن للمرعى لان زغار
وأذا عدنا وحده مريضه هم نحش ونطيهه
منا لمن اطيب وتكوم تطل وي الحلال
ورده: لا ماروح عدنا خطار
رقيه: ياهو الخطار
ورده: ابو ناصر هاذا الي من بغداد يجي هنا يشتري حلال
من العلوه ويجيبه يخليه يم حلالنا يبات وصبح ياخذه
ويطلع لهله لبغداد هوه صديق ابوي يعرفه من زمان
ورده :ضلي تغدي عدنا والعصر نروح سوه
رقيه: بس اكول لاأمي وجي
طلعت رقيه
واحنا جهزنا كلشي دجاج شوي وتمن ومرك
وفواكه ولبن وتمر وخضره
وصبينا بل مواعين الي جابهه ابوي
.ورده :يمه عود ليش ابوي جايب مواعين جديده وتخبل
ام ورده: لان ابو ناصر رجال من ذول الاغنياء. التجار
والله منعم عليهم من سابع سماه
ولازم نكوم بحسن الضيافه عيب من رجال.
ورده :هوه كل مايجينه ابوي ينخبص بيه ليكول رئيس وزراه
أمي :هل زلمه ادمي وابن أجاويد ودليل الكرم ماله لمن يجينا يجيب السياره محمله مسواك
وصبح لمن يروح ينطي الابوج فلوس يكله جيب ملابس
للجهال لان يرعون حلالي لمن اجيبه يمكم تعبهم هاذا
فرحهم. رغم ابوج ميقبل ياخذ منه بس هوه يصر
وينطهن لحازم بسكته ومره انطاهن لختج ماسه وكلهه طيهن الامج
ورده :صحيح أذكر
شويه واجت اختي فاطمه كالت اجه ابو ناصر وجايب ثنين حوالي يعني ثوار كبار
وحازم ومصطفئ هم جاين وياه مناك من لولايه لاكيهم على شارع وجايبهم وياه
وابنه زغير جاي وياه. بس سمين كلش
احنا سمعنا ورحنا ركض نباوع من الحوش مال الحلال
اجت بت عمي رقيه وانا وفاطمه وماسه رحنا نباوع
نزلو الحلال بل مراح أخواني وابو ناصر واكف
يمهم هم ساعدهم بس قليل لان رجال جبير هوه
صاح حازم جيبي علف وماي للحوالي بساع
رحت جبت علف وماي للحوالي ونطيتهن
رجعت لكيتهم ماخذين الغده رحت حضرت الجاي وجهزته
ورحت صليت والبنات واكفات بل مطبخ وسمعهن
يصنفن على الولد الي وي ابوه ويضحكن لان سمين
ورده: ولجن عيب لاحد يسمعجن وخصوصاً أمي وعلي تموتجن عيب كافي
بس هنه مدارلي بال وهاي بت عمي رقيه مصيبه بل تصنيف وضحك
عمي
عده بنات ثنين
وولد ثنين الولد زغار
البنات رقيه 13 بعمري
وحنان 16بعمر حازم اخوي
والولد زغار
علاقتنا بيهم كلش زينه بس رقيه تجينا اكثر شي
ونلعب سوه ونسرح سوه ونلم الحلال سوه. حنان
هم نحبهه وتحبنا بس مومثل رقيه
تغدو الخطار واخواني جابو المواعين من الديوانيه
تغدينا وكملنا ورقيه عاونتنه على شغل والمواعين
صارت الدنيا العصر ورحنا انا ورقيه للكاع نحش
الجو جان شمس تصگع بلراس حاره
بالدرب سولفت الرقيه عن النجاح والمدرسة كالت
خايبه شو انتي مدري شلونج على ساس متعرفين
قوانين أهلنا شو اسكتي سكتت مارديت عليهه رقيه
بطلت من الرابع جانت ماتحب المدرسه وتكول عليمن
اتعب روحي وادري بمصيرنه شنو
رحنا للكاع ولكينا بت عمي حنان سارحه سلمنا
وكعدت شويه يمه ورقيه راحت تحش
جانت حنان لابسه ثوب لونه قهوائي فاتح وشاده
حزام اسود على ضهره
وتتلوى
ورده: شبيج حنان مريضه شنو
حنان: لا مابيه شيء يله شويه ورجعن راح صير دنيا غروب انا رايحه
ورده: خوش
هيه اخذت عصتهه الي تهش بيه على الحلال ودارت
وجهه ومشت من كامت شفت ثوبه بيه دم من وره
جحضت عيني من شده الصدمه ورحت وراهه بسرعه
ورده : حنان شبيه ثوبج يا وين تعورتي
حنان: مابيه شي روحي رجعي وعافتني وراحت
هل منضر مراح من بالي وأنه افكر شبيهه حنان
معقوله كاعده على غصن شجره او شوكه او سعفه نخله
وجارحته كلبي معصور عليهاواجيت بدون حشيش
اجت رقيه تارسه شليف حشيش مال كواني ومخيطته
رقيه :شو محاشه ليش
ورده :راسي يوجعني خايبه خلي نمشي يله
رقيه : خاف امج تكوم تحجي عليج لان ماجبتي حشيش
ورده: اخذ منج واكله حشينا سوه
رقيه: يله امشي أمري الله من وراج
ردينا لهلنا وانا ارجف من الي شفته بس بقيت ساكته ومحجيت حته لرقيه
صار وكت الغروب واجا الحلال
ولازم نتلكاه نعلف الي توه جايبه
ونحلبهن لان نخاف على طليانهن زغار يكتلهن الحليب
رحنا على مراح الحلال ولكل يعرف شغله
إنااحلب الغنم وفاطمه تلزم نعجه اليه لان متوكف لوحدهه
واخواني يعلفون
امي خبزت وسوت عشه
لان ابو ناصر بعده عدنا
احنا بل مراح واجا يمنا ابن ابو ناصر واكف
يمنا عمره ١٠ سنين بس سمين كلش
أسمه مؤيد وجان يسئل عن الحلال واحنا نجاوبه
وسئلنه عن اسامينه واحنا نجاوبه كلش حباب
خلصنه ورجعنه
طول الوقت واني افكر شبيهه حنان
ليش هيج شنو صار وياه
تعشينا بس انا مااكلت كمت كملت شغلي
احنا عادتنا نلتم احنا البنات لويمنا لويم بيت عمي ونسهر ونلعب سوا
بليل اجت حنان يمنا واني اريد اسئلهه مره ثانيه وخجلانه ومتردده
بقينا نسولف شوي ورحت للمطبخ وهيه لحكتني
حنان: ورده شنو شفتي اليوم ابثوبي
ورده: شفت دم
حنان: هاي يسموه دوره تجي لكل بنيه
وأنتي هم باجر عكبه تجيج
نصدمت وبقيت ساكته كعدت تشرحلي شلون وكذا
نصدمت بس ضل مكسور خاطري عليها
جان بنسبه الي شيء مقزز ومخيف
واني بقيت افكر وخايفه يعني هيج راح يصير بيه
ثاني يوم الصبح
امي كعدتي حته نجهز ريوك لان عدنه ابو ناصر
و يريد يمشي لهله من وكت
كعدت ودنيا جانت صبح
امي شعلت التنور وخبزت وانا خدرت جاي وحضرت
لستكاين وسلكت بيض
وخليت روبه بكاسات وخليتهم بصينيه
واجت امي مكمله خبز
راح ابو ناصر لهله
واخواني راحو للمدرسه ابوي وصلهم
اخواتي الزغار طلعن الحلال
وراحن للكاع
رحت انا انضف مراح الحلال
كنست ونضفت المراح والمعالف مال الغنم. وخليت
تبن وماي بل معالف وهديت الطليان لان محجوزات بشرك
كملت وريحه كتلتني
ورحت اخذت ملابس حته اسبح
دخلت للحمام
ونزعت ملابسي وعيني اجت على جرح الي بفخذي
إلى من اشوفه كل جسمي يكش من القشعريره
اخذتني ذاكرتي من جان عمري ٦ سنين
حازم وهوه يركض ورده ترحين البيت خالي ابو حسين
كتله اي لزم ايدي ورحنا
بيت خالي بنفس القريه لاكن شويه عنا مسافه ١٠ دقايق مشي
وصلنا للبيت بس مدخلنا لبيتهم الكاعدين بيه
رحنا للبيت لهيكل الي يبنون بيه
جانت دنيه صبح حته العمال بعدهم مجاين. دخلنا نشوف شكو ماكو
راح حازم يباوع للغرف واني وراه وجان اكو جام
راكينا على الحايط. بهل أثناء سمعنا جلب ينبح وانا
كمزت من الخوف وأريد أركض للدرج حته اصعد
ماحس اله فخذي طخ طرف الجامه والدم نبع
وانا صرخت حازم لحگلي. راح اموت
اجاني يركض ويصيح ورده كومي فدوه نروح لهلنا
اخوالي ليسمعون وخالي يضربني
كمت وياه بس الدم اخذني
طلعنا من البيت
وإني اصرخ من الوجع وجانت مره من قريتنه توه طالعه
بل هوايش رايحه تسرح شافتنه من بعيد واجت علينه
هاا عمه شعدكم هنا من الصبح ولك حويزم شبيه وريده
حازم بدموع مادري عمه ويرجف من الخوف
خطيه المره عافت هوايشها وشالتني وجابتني لهلي
دخلت لبيتنا وصاحت ام حازم خيه لحگي بتج
امي اجت تركض وجدتي وجدي الله يرحمه. لكل كام يلوم امي لان غافله عني
وجدي تعارك وي حازم وطرده
وإنا اصرخ من الوجع بدلتلي امي وجدتي
وعدنا تعقيم خلولها ولفاها جدي بگطن وشاش ابيض
واني الوج من الوجع
اجه ابوي وسمع وسوه فلك بأامي
ضليت ماكدر منها ولوجع يموت ابوي جابلي
حب مسكن ويوم عن يوم اطيب بس بقى الجرح
مراح ضل أثر يشبه الحرق ومن اشوفه كل جسمي
يكش منه وتلعب نفسي منه صحاني من فكري البعيد
صوت امي وهيه تكول
: يله ورده كملي وروحي جيبي
حطب ماعدنه نشعل نارر اشوي
حاجيتهه من وره الباب
ورده: اي يمه هسه
طلعت من الحمام
بعد مغسلت ملابسي وطلعت شريتهن. ورجعت للغرفه
كعدت حليت شعري الناعم بي خصلات مايله للعسلي
مشطت شعري وسويته گصيبه ولفيته. كبايه وعدلت
حجابي اخذت الفأس وراحت للكاع الي بقرب النهر حته
اجيب حطب
وصلت للمكان الي الم منه حطب
المكان شوي ممتلا بزور
هناك شويه عنه بت عمي حنان تسرح بل هوش
عاينت الهوش موجود بس حنان ماكو
كلت جوز وي روحه يجوز كاعده بسد شجره من الشمس
لميت حطب وشديته بل حبل وباوعت لصوب نهر الي يوصل الماي لبقية لكيعان
شفت واحده طلع بسرعه وركض وره زور واختفه
رجف گلبي من الخوف والف سؤال ابالي منو هذا
وشعده هنا
ردت اشيل الحطب وارجع وشفت بت حنان طالعه
من النهر وراحت بصوب الحلال بس ضميت روحي ومخليتهه تشوفني تعجبت من فعل بت عمي
وياترى شعدهه وي هذا الرجال الف سؤال ابالي
وخفت لا أحد يشوفهم وتصير فضيحه
بعد اسبوع
بهذا الاسبوع لاحضت على حنان انو مهتمه بنفسهه حيل
كامت تلبس لبس حلو مرتب وتخلي عطر وتخلي اساور
وحته مرات تاخذ وياهه قلم حمره بجيبه تخليه وتحط
منه هناك لمن نوصل للگاع
بيوم بليل كاعدين بفراشاتنه نسولف ورقيه يمنه تحشش
اجت يمنه حنان سلمت وكعدت
شاورتني وكلتلي اريد ثوبج الي امج جابته الج وجبير عليج
ورده تعجبت من طلبهه
احنا نطلب أشياء خفيفه بس لبس مناخذ وحده من الثانيه
سئلتهه ليش شسوين بيه
حنان: تعاي للمطبخ واكلج
رحنا للمطبخ وكعدت تسولفلي
حنان: تعرفين مهدي ابن رحيم
ورده :اي شبيه
حنان: هوه يحبني واحبه و كل يوم يجي يمي هناك يم الگاع
ويريد يزوجني
ورده حطيت ايدي على گلبي وشهكت
ورده: ولج وين لكيتيه وين عرفتيه
بعدين هوه مزوج وزوجته تاركته. وماناشد عليهه
ولج لايروح يسولف عنج لاحد ويطلع الحجي بساعتهه
محد يرحمج ومحمد
حنان عفيه عوفي هاذا الولد وعيب هيج تسوين.
حنان :هوه صوجي اجيت وحجيتلج هسه اريد ثوبج حته اروح تنطينياه لولا
ورده :اي هسه اجيبه الج
رحت جبت الثوب أخذته وهيه فرحانه وتقيس بيه على جسمه
. ورده مضايقه من فعل حنان وتنصحها متلتقي بلولد بس حنان عنيده ومتسمع لكلمه
وره شهر
بليل نايمين ونسمع صوت طلق هز السلف هز الكل فزع
وابوي وأخواني طلعو بالجول يشوفون شكو أحنا كمنه نتصارخ من الخوف
اجت يمنه امي وهيه تصيح دخيلك ياعلي يابو الحسنين
شوي واجه اخوي حازم كال ابو مهدي ابن رحيم متوفي
ام ورده: أنا لله وأنا اليه راجعون الله يرحمه.
فزعت الوادم كلهه البيتهم بيتهم صاير بطراف سلف
الوقت هيج قبل صلاه الفجر بساعه
ضلينا ليل كله نتراجف من الخوف
أبوي راح بس اخواني رجعو
اخواني وخواتي رجعو نامو بس انا احس گلبي وكف من الخوف
منمت بقيت لازكه روحي يم فاطمه من الخوف صار الصبح
ام ورده: ورده ورده وريده كعدي يمه بسج نوم
فزيت
ام ورده : ندهي فطيم تروح تكول الأم حنان تروح
للفاتحه عيب من الوادم فشل طر الفجر وصار الصبح واحنه ماراييحين
ندهت فاطمه وكتلهه كومي ولج روحي البيت عمي
كليهم تروح امكم للفاتحه لولا
شويه واجت اي تروح بس تحلب الهوايش وتجي
بعد احنا كمنه كل وحده على شغلها وراسي يوجعني وعيوني تحرگني لان مانايمه
رحت كل عاده لازم أصبح بوسط الحلال نحلب ونعلف
ونرضع الطليان والجو يسمط سمط
وبعدهه ارجع لشغل البيت لمايخلص افور الحليب على نار وخض الروبه
وأغسل المواعين
واكنس البيت ونضفه
ورجع لمراح الحلال هم يشتعل جدي منا لمن اخلصه
امي راحت للفاتحه هيه ومرت عمي وي نسوان السلف
طول اليوم وانا خايفه واحس جسمي تعبان ومالي خلك
صحت من وره الحوش على حنان أريد اشوفه شعدهه ماعدهه
اجت شايله گلاص جاي بيدهه وكعك وتاكل
ورده :حبيبج اليوم ابوه ميت وانتي ولا جنج تاكلين ولا كأنو
حنان: شسويله طبه مرض اصلآ
طلع يجذب عليه وكل بنات السلف يكولن مهدي حبيبي وعفته الجذاب الحقير
ورده :ياااا احسن خلي يولي حنان ترحين وياي اروح اعلف الدجاجات لان بيتنا محد كلهه طاشه
لضهر اجت امي من الفاتحه
وإني الخوف متملك گلبي اذا ادخل للغرفه احس الرجال لمات يتخايلي لو وره ضهري واضل اتلفت مثل الخبله
بليل منمت احسه وره ضهري يريد يلزمني
الصبح سولفت لأمي
ام ورده: اسم الله عليج كولي يالله واقري المعوذات
يمه رجال يمج حذاج خلص عمره ومات عوفي هل وهواس واقريلج ايه دعاء
صدك كمت اقرأ بل معوذات
وكام ميتخايلي
لعصر اجن يمنا نسوان من گرايبنا
وعمه ام حنان هم اجت
رحت سويتلهن جاي
وكعدت اتصنت على سوالفهن
وفتحتن سيره رجال المات وشلون مات وانا الخوف رجع تملك جسمي مره ثانيه
حجت ام سعد. خطيه الصبح بالسوك ومتريك بالمطعم كباب
وجايب سمج لهله ومسوين عشا وهم ماكل خطيه ومتخربط بليل
كايل لمرته جيبيلي ماي رايحه عود
تجيب ماي راجعه لكيته يابس بمكانه
رتعد جسمي من الخوف من كلامه
هسه كلكم تكولون شي عادي
وحته انا هم اكول والله مثلكم لاكن ليش هيج الخوف الي حسيته لهسه مااعرف شنو تفسيره
وإنا رجال عمري مشايفته اسمع عنه صح
حسيت بشي حار بين رجلي
كمت طلعت وگلبي يرجف خوف
من الرجال لمات
رحت دخلت للحمام
وشفت لمنضر لصعقني وخله عضامي كل عضم أفلت الثاني من الخوف
شهريه جايتني
جسمي كله يرجف شلون بيه ياربي
يعني صرت مثل حنان
يعني كبرت
شنو راح تكول عني امي
أخواتي أخواني ابوي
ياربي دخيلك اصيح ورجف
يتبع........
نلتقيكم في بارت جديد
تصبحون علئ الف خير فراشاتي 🦋