في طريقهم في سياره ماجد
محمد:أحنا رايحين دلوقتي فين؟
ماجد:أحنا رايحين كامب شيزار
محمد:كامب شيزار!
ماجد:أيوه مالك في شقه حلوه هناك
محمد:بص دي أكيد سعرها غالي أوي
ماجد:لأ متخافش
وصلوا العمارة و قام ماجد بركن سيارته و أتجه هو و محمد إلي داخل العماره
محمد:الله إيه العماره الروعه ديه
ماجد:و لسه أما تشوف الشقه
أتجه محمد و ماجد للمصعد و صعدوا للطابق السادس التي توجد به الشقه
دخل محمد و ماجد الشقه و قابلوا صاحب الشقه أستاذ سمير
سمير:أهلا بيكم أستاذ محمد صح
محمد:أيوه أنا محمد و حضرتك أسمك أيه ؟
سمير:أنا سمير صاحب الشقه أتفضل أتفرج علي الشقه
بعد ما شاهد محمد الشقه فأعجبته كثيرا فمساحتها مناسبه و أيضا غرفها و اسعه
محمد:أستاذ سمير الشقه ديه أنا عايز أشتريها
سمير:طبعا يا فندم الشقه تحت أمرك
محمد:تب أنا أحب أعرف الشقه سعرها كام
سمير:ب٧٠٠ألف جنيه
محمد:أيه بكام؟!
سمير:٧٠٠ألف يا فندم
محمد:لأ طبعا دي غاليه أوي
سمير:غاليه أيه يا فندم حضرتك عايز شقه كويسه و في منطقه راقيه عايز تكون بكام
محمد:ماشي يا أستاذ بس برده السعر عالي أوي
سمير:هو ده اللي عندي حضرتك مش عايز دور علي شقه ثانيه
محمد:أنا فعلا هدور علي شقه ثانيه
ماجد:تب أستاذ سمير متقدرش تقلل السعر شويه
سمير:لا مش هينفع
قال محمد بغضب :يلا يا ماجد
ماجد:عن أذنك يا أستاذ سمير
خرج محمد و ماجد و أستدعوا المصعد عادوا إلي الطابق السفلي و أتجهوا إلي السياره
قال محمد بغضب:إيه الشقه دي؟
ماجد:مالها الشقه حلوه و في منطقه حلوه
محمد:أنا معاك أنها حلوه و كل حاجه بس سعرها غالي أوي
ماجد:دي مش غاليه خالص بالنسبه للشقق الثانيه
محمد:أنا مش عايز أسكن في شقه كبيره و في منطقه هاي و الكلام ده أنا عايز شقه علي قد الحال و يكون الناس فيها كويسين
ماجد:تب أنت عايز أيه دلوقتي
محمد:عايز قبل ما نروح أي شقه تسأل عن سعرها لو سعرها كويس نروح نشوف لو لأ ندور علي شقه ثانيه
و أثناء حديثهم عن الشقه تلقي محمد مكالمه
ليلي:ألو يا محمد عامل أيه؟
محمد:أنا كويس الحمد الله و أنتي
ليلي:أنا كويسه قول لي عملت أيه في موضوع الشقه
محمد:أنا لسه رايح هبقى أشوفها و أقول لك
ليلي:ماشي يا حبيبي باي
محمد:باي
بعد ما أنهي المكالمه مع ليلي
ماجد:كذبت عليها ليه
محمد:عشان مش عايزها تحبط من أول شقه
ماجد:تب هتقول لها إيه لما تتصل ثاني
محمد:هخترع أي حاجه أقولها لها
ماجد:تب ليه كل ده؟
محمد:عشان متحسش أن أنا في مشاكل و مترضاش تيجي و أنا أقنعتها بالعافيه و حضرنا كل حاجه للسفر
بعد و صولهما للمنزل دخل محمد الغرفه لتغير ملابسه و أستلقي علي السرير و هو ينظر إلي السقف
ماجد:مالك يا محمد أنا خبط علي الباب كذه مره وانت مردتش دي لسه أول شقه
محمد:أنا خايف أصل الشقه اللي شفناها كانت بدايه مبشره
ماجد:في شقق أحلي منها و أرخص منها
محمد:فين بقي الشقق ديه
و بعد أسبوع من البحث عن شقه و لكن لا يوجد أي شقه ملائمه لمحمد
و في يوم كان جرس الباب يرن ففتح محمد
ماجد:لقيت شقه تحفه في جيناكليس كويسه و بسعر تحفه
محمد:بكام
ماجد:٥٠٠ ألف جنيه
محمد:كويسه علي قد أمكانياتي ، تب يلا أنت مستني أيه يالا نروح نشوفها
ماجد:نشوف إيه أنا مرهق نبقي نشوفها بكره
محمد:ماشي
أتجه ماجد إلي غرفته و قام بتغير ملابسه و بعد ذالك تلقي مكالمه
صاحب العماره:أستاذ ماجد أنا أسفه بس الشقه اللي حضرتك شوفتها النهارده أتباعت
ماجد:نعم مش أنا قولتلك تظبط مع صاحب الشقه
صاحب العماره:أنا قولت لصاحب الشقه بس هو فجأني بأنه بعها لشخص من قرايبه أنا أسف مره ثانيه مع السلامه
أنهي ماجد المكالمه و أخذ يفكر كيف يقول لمحمد هذا الخبر و بعد قليل ذهب ماجد لمحمد ليقول له
ماجد:محمد أنا عايز أقولك علي حاجه
محمد:أتفضل قول
ماجد:الشقه
محمد:مالها
ماجد:أتباعت
محمد:أيه!
ماجد:معلش بأذن الله تلاقي واحده أحلي
محمد:أحلي أيه أنت كمان أنا كلمت مراتي و قلتلها تيجي بكره
ماجد:و انت إزاي تعمل كده مش المفروض كنت تشوف الشقه الأول
محمد: أنا اللي يهمني يكون سعرها كويس و بعد كده بقي نتصرف في شكلها
ماجد:خلاص كلمها قولها أي حاجه
محمد:أقول لها أيه
ماجد:خلاص قول لها أن الشقه أتباعت
قال محمد و يرسم علي وجهه تعبيرات تدل علي مدي حزنه:واضح ان مفيش حل غير كده
ماجد:متزعلش يا محمد بكره هبقي أسألك علي شقه ثانيه
دخل محمد غرفته و كلم ليلي و شرح لها ما حدث، أستمر الحال علي ما هو عليه نزل ماجد من المنزل مبكرا ليبحث عن شقه لصديقه و أستطتاع ماجد و جود شقه و لكنها كانت في مكان شعبي للغايه فعندما علم محمد بالمنطقه التي توجد بها الشقه رفض رفضا تاما و يئس من وجود شقه تليق به و بزوجته و بعد مرور عده أيام تلقي محمد مكالمه و كان مستغرقا في النوم فستيقظ و رد علي الهاتف
ليلي:ألو يا محمد
محمد:ألو يا ليلي
ليلي:عملت أيه في موضوع الشقه
محمد:و الله يا حبيبتي عمال أدور علي شقه و مفيش و لا شقه عدله
ليلي:تب هتعمل أيه دلوقتي
محمد:هعمل أيه أديني بدور
ليلي:محمد متصرف نظر عن موضوع الشغل ده و ترجع شغلك القديم أحنا بقالنا شهر و أنت مش لاقي أي شقه مناسبه
محمد:متقلقيش يا ليلي أنا أن شاء الله هلاقي شقه قريب أوي
ليلي:ماشي يا محمد سلام
محمد:سلام
خرج محمد من غرفته و أتجه إلي الحمام و بعد ذلك قام بتحضير الفطار و بعد تناوله الفطار مسك هاتفه و ظل يبحث عن شقه عبر الأنترنت و في غضون بعض دقائق رأي أعلان عن شقه تتطل علي البحر و مساحتها حوالي ١٠٠م بسعر مناسب دخل محمد غرفته لتغير ملابسه و خرج مسرعا ناحيه العنوان الموجود أسفل الأعلان و عند وصوله قابله البواب
محمد:السلام عليكم
أنس:و عليكم السلام أي خدمه
محمد:أنا شوفت أعلان عن شقه في العماره ديه
أنس:اه أحنا أعلنا عنها هي الشقه كويه بس فيها عيب واحد
محمد:أيه هو؟
أنس:فيها عفاريت و أشباح بيطلعوا باليل لان العماره أتقتل فيها حد
محمد:تب أنتم أعلنتوا عنها ليه
أنس:عشان اللي عايز يسكن يسكن هو حر
محمد:تب أنا هفكر يوم و لا يومين في حكايه العفاريت ديه
أنس:برحتك يا بيه
محمد:تب ممكن رقم صاحب العماره
أنس:أه طبعا أتفضل ده الكارت بتاعه
عاد محمد إلي المنزل و هو يفكر بما قاله بواب العماره عن الشقه و عند وصوله دخل غرفه ماجد لأيقاظه
محمد:أصحي يا ماجد أصحي
ماجد:عاوز ايه محمد متسبني نايم
محمد:أيه شغل العيال ده أصحي بقولك
أعتدل محمد و جلس علي السرير:صحيت نعم
محمد:كان في أعلان عن شقه شفته النهارده علي النت أول ما صحيت هي الشقه علي البحرو مساحتها ١٠٠م و سعرها مناسب فرحت هناك بس البواب بيقول أنها مسكونه
ماجد:أوعي تكون عماره المندره!
محمد:مش عارف أنا هكلم صاحب العماره أسأله
أخرج محمد هاتفه من جيبه و أتصل بصاحب العماره
محمد:ألو أستاذ عامر معايا
عامر:أيوه مين معايا
محمد:أنا جيت النهارده عشان أشوف الشقه اللي حضرتك أعلنت عنها بس البواب قال لي حاجه غريبه قال لي أنها مسكونه هو الكلام ده صحيح
عامر:اه صحيح
محمد:أنا كنت عاوز أعرف هو في حد ساكن في العماره ديه
عامر:كان
محمد:و راحوا فين
عامر:كل اللي سكنوا في العماره مكملوش فيها أسبوع
محمد:ليه؟!
عامر:كانوا بيشتكوا أنهم بيسمعوا أصوات و هم نايمين و بيشوفوا حجات غريبه
محمد:هو اسم العماره أيه؟!
عامر:عماره المندره
محمد:ماشي مع السلامه
عامر:مع السلامه يا فندم
في العماره في مكتب عامر
عامر:الراجل ده أنا خايف منه
أنس:ليه
عامر:هو انت مش بتقول انك قولت له أن في العماره عفاريت و أشباح و هو ميبنش عليه خايف
أنس:أيوه أنا قولت له كده و هو كمان شكله مش بيصدق في موضوع العفاريت و الحجات ديه
عامر: ما هو انت السبب يا مغفل
أنس:ليه كده بس
عامر:مش انت اللي قولت تعال نعمل أعلان عشان منثرش الشبهات حوالين العماره
أنس:ما أنا بحسب أن المشتري لما يعرف أن فيها عفاريت هيمشي و مش هنشوف وشه ثاني
عامر:هنشوف الواد ده هيعمل إيه و بعد كده نقرر
في غرفه ماجد
ماجد:طبعا انت مش هتسكن هناك صح
محمد:لا مش صح أنا مراتي بدأت تزهق و تكلمني كل يوم و أنا مش عارف أقولها أيه
ماجد:يعني هتروح تسكن هناك
محمد:أيوه
ماجد:يا بني البواب بتاع العماره بيقول أن فيها عفاريت
محمد:تب ليه أعلنه عنها
ماجد:عشان اللي عايز يسكن فيها
محمد:و أنا بقي عايز أسكن فيها
....يتبع....
****************
أمل أن ثاني فصل من القصه يكون نال أعجبكم ❤
متنسوش vote و تعليق لانه داعم بالنسبالي و تقدير لمجهودي🙂
أراكم في الفصل القادم يوم الأربعاء الساعه ٩م🌹