#أميره_اسامه
#اللقاء_المنتظر
#دار_الأيتام
#سيلا_و_النمر
#بكامل_قواي_العقليه
..............
البارت السابع..7
لحظات الضعف هي أكثر اللحظات
إحتياجاً..فا عندما نصل إلي هذه المرحله لا نريد سوى شخص يَحتضنا ويقف بجانبنا لا نريد سوى شخص يدعمنا و يقوينا
شخص يتشبث بأيدينا ويساعدنا علي النهوض مره اخري شخص لا يعاتب حتي إذا أخطئنا فا العتاب وقت الخطأ يزيد من الضَعف أضعافاً..
فا رفقاً بمن أخطأ فلا عتاب ولا ندم يفيد وقت الضعف.👌
كونوا سند وقوه ودعم فقط
..............
فتحت سيلا الباب ودخلت بسرعه هي وروكا وسما ووراها الشباب كلهم ودخل يوسف اخر واحد وكان باين عليه الحزن والغضب.
بمجرد ما شافتهم ريم انهارت من العياط.
جريت عليها سيلا وروكا وسما
سيلا....انتي كويسه
روكا...حبيبتي اهدي انتي بخير يا حبيبتي.
سما...كده تخضينا عليكي🥺
عامر...براحه عليها الف سلامه عليكي ريمو.
ريم...بدموع وصوت واضح عليه التعب الشديد. كريم فين كريم عايزه ابني.
سيلا...متخافيش كريم كويس يا حبيبتي.
ريم....بدموع انا كنت مرعوبه لما صحيت يا سيلا وملاقتش حد فيكم معرفش انا فين ولا مين اللي حواليا دول مش عارفه فين كريم فكرت اني موت وانا شايفه مكان غريب وناس غريبه.
روكا...بدموع بعد الشر عنك يا جزمه متقوليش كده بس مكانش ينفع ندخل معاكي.
بدر...الف سلامه عليكي يا ريم بطلي عياط واهدي.
ريم...بدموع يوسف هاتولي يوسف.
بصوله صحابه بتأنيب عشان يقرب ويطمن عليها كان واضح انها خايفه بجد.
مهاب....يوسف اهو واقف بس مش باين من صحابك.
قرب يوسف منها وهو باصصلها بتأنيب قرب من راسها باسها بهدوء ورجع من غير ولا كلمه.
بصتله ريم بخوف وهي مش فاهمه ماله.
ريم....يوسف مالك كريم كويس كريم حصله حاجه.
عامر...يابنتي كريم متقلقيش.
بدر...ياستي كريم زي الفل والله كل الحكايه ان الدكتور بيطمن عليه خاف بس يكون تعب من التكييف لما اغم عليكي.
ريم...بتذكر ايوه...ايوه صح انا كنت بحميه وخرجت من الحمام
عشان ألبسه ونروح لروكا معرفش ايه اللي حصل مش فاكره حاجه انا كنت كويسه و بلاعبه بس فجأه حسيت ان عيني مزغلله شويه ومره واحده حسيت اني مش شايفه اي حاجه غير لون اسود كأن النور قطع ومعرفش حصل ايه بعد كده صحيت لقيت نفسي هنا. هو انا جيت أزاي هنا.
روكا...يوسف اتصل بيا وسألني عليكي عشان مكنتيش بتردي وكان قلقان جداً فا قولتله هروح اشوفها بسرعه وانا جايه كلمت سيلا اسألها عليكي هي كمان قالتلي هتيجي ولما وصلت لقيتك واقعه وهو واقع جمبك بس كان نايم لفيته بسرعه بالفوطه وعامر كان معايا عالموبايل ولما عرف جه بسرعه ووصلت سيلا قبله واول نا عامر وصل جبناكي علي هنا ومقولناش طبعا ليوسف عشان ميقلقش و يسيب شغله الحمد لله انها جات علي قد كده الدكتور بيقول يا ريم انك تعبانه و مُجهده جداً الأنيميا والسكر وكل حاجه فيكي مش مظبوطه ولازم تخلي بالك من نفسك شويه.
ريم....الحمد لله المهم ان كريم بخير.
مهاب...اطمني بخير وزي الفل.
يوسف...بنظره غاضبه فعلاً زي الفل شويه حجات بسيطه بس
إلتهاب رئوي.. إلتهاب حاد في الأحبال الصوتيه من كتر العياط.
بدر....بغضب بس يا يوسف😡
يوسف مكمل كلام بغضب.
بياخد أكسچين من اول ما جه عشان العياط عمله ضيق تنفس.
3 ساعات مرمي من غير هدوم في التكييف لحد ما جسمه أزرق و تلج
ريم...بصاله بصدمه ودموعها نازله😳🥺🥺
يوسف...قرب من السرير بغضب لولا روكا يا هانم ابنك كان زمانه مات من البرد وجسمه نشف😡
بدر...انت هتسكت ولا تخرج بره
عامر...تعالي بره يا يوسف معايا.
ريم....ابني.. كريم فين عايزه اشوفه.
يوسف...ادعيله ربنا يعديها علي خير بسبب عندك ابنك مرمي بين الحياه والموت.
حاولت ريم تقوم وهي منهاره
روكا...اقعدي راحه فين
ريم...كررررريم انا عايزه اشوفه
مهاب...مينفعش كده يا يوسف ده اللي اتفقنا عليه.
روكا....بعصبيه يوسف من فضلك اسكت بقي او اخرج من هنا.
بدر ...ايه زعلانين عشان بقول الحق كل ده بسبب عندها هي وكريم كانوا هيموتوا بسبب رفضها اني اريحها واريحه
بدر....والله يا يوسف لو ماسكت هتزعل مني بجد اللي بتعمله ده لا وقته ولا مكانه انت مش شايف حالتها 😡
يوسف....وحالتها دي مين السبب فيها يا بدر مش هي أسألها كده كام مره قولتلها أجبلها شغاله تشيل عنها شغل البيت وهي تتفرغ لكريم بس عشان الحمل يخف من عليها وهي كانت بترفض وتقولي لأ مش عايزه شغاله... أسألها كام مره قولتلها أجيبلها بيبي سيتر ترحمها من عياطه شويه عشان هي ترتاح ويبقي في حد بيساعدها تقولي
لأ بخاف منهم ومضمنهمش
حاطه في دماغها الغبيه دي😡 شويه ڤديوهات منتشره علي النت
لمربيات بيعذبوا الاطفال تقولي هيعملوا كده في كريم أقولها مفيش الكلام ده انا عارف هعمل ايه وهجيبها عن طريق مكتب محترم و هنحط كاميرات للحرص اكتر تقولي لأ.
اهو أشربى بقي يا ست ريم عرفتي تحافظي علي نفسك وتبقي كويسه اديكي اهو أترميتى في البيت اكتر من 3 ساعات وانا في شغلي معرفش حاجه عنك علي الاقل لو كان معاكي شغاله ولا مربيه كان زمانهم أتصرفوا
من اول ما وقعتي و كلموني كان زمان كريم كويس وحد لحقه ولبسه لا قدرتي تحافظي علي نفسك ولا حتي تحافظي علي كريم.
بدر.بعصبيه وهو بيزق فيه بره اطلع يلا اطلع يلا من هنا😡
ريم...بدموع وحزن سيبه يا بدر سيبه يقول كل اللي عنده سيبه يفضي الشحنه الكبيره اوي اللي جواه....غمضت عينها بوجع ونزلت دموعها تجري علي خدها وبصتله
ريم...ايوه يا يوسف لا قدرت احافظ علي نفسي ولا حتي علي كريم.
بس قبل ما تتهمني اني قصرت في حق ابني احب اقولك ان مفيش ام بتقصر في حق ولادها وهي قاصده. كريم تعب اه تعب بس تعب في اكتر وقت كنت بعمل كل حاجه عشان اقدر احافظ عليه وانت عارف اني عمري ما أستحملت عليه اي حاجه 🥺ياشيخ ده انا اول ما عرفت اني حامل زعلت عكس اي واحده في الدنيا بتفرح وتطير من السعاده لما تعرف انها حامل.
عارف زعلت ليه يا يوسف عشان وقتها انا كنت حاسه اني مش هقدر اتحمل مسؤوليته مش هقدر اكون ام انا طول حياتي مقضياها خروج وسفر وسهر معرفش حاجه عن الامومه طول عمري مليش خلق لنفسي ازاي في لحظه هيبقالى طفل وابقي مسؤوله عنه وأستحمله كنت خايفه مبقاش قد المسؤوليه دي.
بس بمجرد ما شوفته في حضني كنت عايزه اخبيه من الدنيا بحالها يا يوسف كنت طايره من السعاده اني واخده في حضني حته مني ومنك...لما كان يتعب او يجيله برد او يكح كنت ببقي هتجنن و أكلمك في شغلك وافضل أعيط زي العيال الصغيره لحد ما تيجي ونروح نوديه للدكتور يا شيخ ده لما كان بيجيله رشح عادي بس و ببقي هتجنن عليه انت بنفسك كنت بتقولي ارحمي نفسك و بطلي تكوني موسوسه شويه
بطلي خوفك الزايد عليه ده.
فعلا يا يوسف طلبت مني تجيبلى شغاله وبيبي سيتر وطول الوقت بتحاول تقنعني بده وانا اللي كنت برفض انت كنت عايز تريحني عشان انت كنت شايف قد ايه انا كنت تعبانه. وكنت شايف ان رفضي ده مش مقنع أزاي واحده ترفض الراحه ازاي واحده زيي انا بالذات ترفض انها ترتاح.
هقولك يا يوسف انا رفضت ليه
رفضت عشان مش عايزه ابني في يوم من الأيام يزعل مني او يشيل جواه اي حاجه من ناحيتي
رفضت عشان ميبقاش زيي يا يوسف طول عمري متربيه علي ايد الشغاله والمربيه طول عمري لوحدي يا يوسف من غير حضن امي رفضت عشان لما كنت بتعب وانا طفله اللي كان بيقعد جمبي الشغاله او المربيه اللي كان بيهتم بيا و بتعبي هما مش امي يا يوسف لان وقتها امي و ابويا كانوا في عز نجاحهم وشغلهم مكانوش فاضيين ليا.. امي مكانتش فضيالي يا يوسف مكانتش فاضيه تقعد جمبي و تاخد بالها مني وتهتم بتعبي لما كنت بسخن اللي كانت بتسهر تعملي كمادات المربيه يا يوسف
لان امي كانت بترجع مهدوده من شغلها و بتنام. كانت شايفه ان في بديل وهي بتعمل الاصعب بتشتغل و بتجيب فلوس و بتبني مستقبلي انا واخويا
اخويا اللي كان بيأكلني يا يوسف و بيهتم بيا مع الشغاله ولما كبرت شويه بقيت راميه حملي علي صحابي عشان اخويا سافر و سابني حتي الشغاله سابتنا و مفكروش يجيبوا غيرها لاني كبرت ولانهم مبقوش يقعدوا
منكرش انهم علموني اعتمد علي نفسي و محتاجش اي حد في حياتي وبقدر اتصرف في اي موقف. منكرش انهم كانوا أحن أم وأب و عمرهم ما رفضولى طلب
منكرش انهم علموني احسن تعليم
ووفرولي كل حاجه حلوه في حياتي.
بس عمري ما نسيت يا يوسف اني اتحرمت من اهم حاجه في حياتي
أتحرمت من حضن امي🥺 أتحرمت من أهتمامها و تربيتها ليا
و خوفها عليا أتحرمت من قعدتها جمبي وانا تعبانه.
وكملت بوجع ودموع عرفت ليه يا يوسف انا رفضت اجيب لابني شغاله او مربيه. عشان ميبقاش نسخه مني عشان لما يكبر يعرف اني كنت مسخراله كل وقتي عشان اهتم بيه واخاف عليه واحميه.. مش مشكلتي ان الحمل كان كبير عليا ومستحملتش علي الاقل حاولت🥺🥺
الكل كان واقف حاسس بالشفقه علي ريم ودموع البنات كانت نازله
بوجع اما الشباب كانوا باصين ليوسف بتأنيب حتي يوسف كان واقف زعلان من نفسه انه أتعصب عليها.
ريم....بدموع سيبوني لوحدي من فضلكم.
يوسف...ريم انا مقصدش ريم..
ريم....امشي يا يوسف سبني وامشي
يوسف....ريم...
ريم...قولتلك اطلع بره مش طايقه أشوفك ولا عايزه اسمع صوتك.
عامر....بحزن اهدي يا ريم تعالي معايا يا يوسف.
يوسف....استني يا عامر انا لسه مخلصتش كلامي ومش عايز أتفهم غلط
ريم....بدموع وانهيار قولتلك اطلع اطلع.
روكا...بعصبيه اطلع بره بقي😡
بصلهم يوسف وخرج بسرعه من الاوضه وخرج وراه عامر ومهاب.
قربت سيلا من ريم خدتها في حضنها وانهارت ريم
سما...بدموع والنبي اهدي بقي عشان خاطري
بدر....ريم يوسف خرج خلاص اهدي من فضلك
ريم...بدموع عايزه أشوف كريم يا بدر والنبي 🥺
بدر...هتشوفيه يا ريم هو مش بعيد عنك هو في نفس المكان يطمنوا بس عليه ويرجع نفسه يتظبط يا ستي وهجيبهولك بس اهدي
ريم....طيب والنبي خدني ليه والله هشوفه وهرجع بس اشوفه بعيني واطمن عليه بنفسي.
بدر....ريم اسمعي الكلام علي الاقل بس المحاليل اللي متعلقه دي تخلص و هوديكي وبعدين بطلي عياط وانفعال شويه الضغط عندك مش مظبوط
روكا...ريم كريم كويس والله العظيم اسمعي الكلام تخلص المحاليل وهنروح كلنا نشوفه عشان احنا مشوفناهوش ليه برده.
ريم....بدموع طيب لو بتحبوني بجد مشوا يوسف من هنا متخليهوش يدخلي🥺
بدر...ريم حبيبتي انا عارف انه غلطان عشان اللي عمله وعصبيته مكانتش وقتها بس لازم نعذره برده يوسف كان هيتجنن وقلب علينا عشان جه لقانا كلنا هنا و خبينا عليه ومش سهل برده يعرف انك وقعتي لوحدك وتعبتي بالشكل ده وكريم كمان تعب لما الدكتور شرحله كان هيتجنن ومش مستوعب اللي حصل
ريم....يوسف بيتهمني بالتقصير يا بدر وهو اكتر حد عارف انا بعاني أزاي مع كريم وعمري ما قصرت معاه.
بدر...بحزن ابتسم ياحبيبتي هو مش بيتهمك بالتقصير معاه هو بيعاتبك عشان قصرتي مع نفسك مش اكتر وعايز اقولك ان يمكن كل ده حصل عشان نعرف السبب الحقيقي اللي مخلي كريم ديما بيعيط بالشكل ده كريم عنده مرض معين كان صعب اي دكتور يكتشفه بس الدكتور الاستشاري ده شاطر جدا وفدر يعرف عنده ايه
بصتله ريم بخوف وصدمه.
بدر...متقلقيش هي مش حاجه وحشه بس الدكتور قال انه نوع نادر من الصداع وهو اللي كان عامل فيه كده وللأسف كان بيتشخص غلط يعني نقدر نقول ان اللي حصل ده كله في مصلحه كريم هو بس الدكتور يظبط كل اللي حصله من نومته في التكييف من غير لبس وبعدين هتتابعوا معاه عشان حاله كريم صدقيني هيبقي زي الفل وهيهدي وهيبقي طفل طبيعي المهم الوقت تهدي عشان تخفي بسرعه وترجعي احسن من الاول وتقدري تهتمي بكريم اتفقنا ولو علي يوسف يا ستي انا مش هخليه يدخل هنا وهعلمهولك الادب حتي لو أضطريت اجبلك عساكر تقف بره الاوضه هنا وتمنعه من الدخول 🤨
ابتسمت ريم من وسط دموعها
سما...ايوه كده اضحكي بقي
ريم....ربنا يخليكوا ليا وميحرمنيش منكم ابدا وحقكم عليا خليتكم تسيبوا شغلكم وتيجوا وانتي ياروكا عارفه انك ملخومه في شغلك بسبب العرض اللي جاي.
روكا....بلاش هبل يا عبيطه عرض ايه وزفت ايه بس انا اصلا هكلم الفندق اللي هنعمل فيه العرض وشركات الاعلان وهأجله اسبوع لحد ما تبقي كويسه.
ريم...لا طبعا تأجلي ايه انتي عبيطه ياروكا.
روكا....انا مش هعمل عرض غير لما تكوني معايا وانتي تعبانه نطمن عليكي وبعدين العرض يتعمل لاني مش هقدر اشتغل وانا قلقانه عليكي.
ريم...انا كويسه والعرض هيتعمل في معاده عشان دي خساره ليكي واكيد هاجي ان شاء الله لسه فاضل اربع ايام
روكا...سيبك بس من موضوع العرض ده الوقت المهم تفوقي كده وتبقي أحسن.
سيلا....قلقتينا عليكي يا ريم.
ريم....حقكم عليا🥺
سيلا...بحب المهم تبقي كويسه
بدر....انا هخرج اشوفهم و هسيبكم مع بعض شويه.
..........
في الخارج.
عامر...هتعيش وتموت حمار بذمتك اللي عملته ده كان وقته احنا مش اتفقنا قبل ما تدخلها انك تهدأ شويه.
يوسف....مقدرتش يا عامر انا مكنتش قاصد صدقني كلام الدكتور قلقني و منظرها وهي نايمه ضايقني اكتر انت مش شايف هي عامله أزاي.
مهاب...تقوم تتعبها اكتر يا يوسف
يا اخي طب كنت أستني لما تقف علي رجلها شويه
خرج بدر في الوقت ده بصوا كلهم علي الباب وبعد يوسف عينه بسرعه عن بدر.
عامر...ايه عامله ايه الوقت.
بدر.... بص ليوسف اللي حصل جوه ده يا يوسف لو اتكرر تاني صدقني هتزعل مني اوي
مهاب...خلاص يا بدر مش وقته
بدر...لا وقته يا مهاب لما الباشا يجي علي مراته وهي تعبانه و محتجاه يبقي وقته واقف بعيد و باصصلها بتكشيره وفاضل ثانيه ويمسك في رقبتها يا اخي طب استني لما تقوم من تعبها واعمل الانت عايزه ده انا منبه عليك قبل ما تدخل
يوسف.....هو انتوا ليه محدش فيكم عايز يحس باللي حصلي لما عرفت انتوا فاكرين ان كل اللي حصل ده سهل عليا هي تعبانه وابني كان هيموت انت عارف يا بدر لو كنت دخلت علي الاجتماع قبل ما اكلم روكا كان زمان ايه اللي حصل.
بدر....والحمد لله محصلش حاجه وقدرنا نلحقهم فا تيجي انت بقي تزود البله طين ما خلصنا خلاص
عامر....خلاص يابدر اللي حصل حصل اهدأ بقي وانت كمان بدر بيتكلم صح ريم كانت خايفه يا يوسف صحيت لقت نفسها مش في بيتها وابنها مش معاها ولا احنا في مكان غريب ومش قادره تركز المفروض اول ما تفوق تلاقيك جمبها وواخدها في حضنك تطمنها مش ترعبها اكتر مش كفايه امها و أبوها مش معاها و مسافرين كالعاده.
يوسف...بحزن طيب انا عايز ادخلها.
بدر...مش وقته يا يوسف خليها تهدأ شويه تعالي نروح نطمن علي كريم الاول وبعدين يحلها ربنا.
هز يوسف راسه وراحوا مع بعض يشوفوا كريم.
قابلهم الدكتور تاني .
عامر....اهلا يادكتور معلش حابين نطمن علي كريم.
الدكتور ..اهلا بيك كريم احسن الوقت الحمد لله حراره جسمه رجعه زي الاول والنفس الي حد كبير اتظبط متقلقوش عليه هيبقي كويس جدا
يوسف....طيب نقدر نشوفه يادكتور.
الدكتور....تعالوا انا هخليكم تشوفوه بس طبعا مش هينفع تدخلوا الاوضه عشان متعقمه وفيها اطفال غيره.
بدر....بتفهم تمام يا دكتور.
راحوا وراه مشيوا طرقع طويله وقربوا من الاوضه اللي محتجز فيها كريم كان ليها زجاج كاشف الاوضه وقفوا كلهم يشوفوه
كان جوه صندوق زجاج يشبه الحضنانه متركبله سلوك في جسمه و متسلط عليه ضوء اصفر عشان تساعد ان حراره جسمه ترجع وجمبه ممرضه مثبته علي وشه جهاز الأكسچين ونايم خالص
من تأثير المهدأ اللي خده
اول ما لمحه يوسف بسرعه جريت دمعه علي خده.
بدر...حط ايده علي كتف يوسف هيبقي كويس اطمن.
يوسف...بحزن يارب يابدر .
مهاب....هو اهدا الوقت الحمد لله متقلقش خير ان شاء الله.
عامر...الحمد لله لون جسمه رجع زي الاول
بدر...الحمد لله تعالوا يلا سيبوهم يشوفوا شغلهم و هنرجعله تاني.
يوسف....يلا.
راحوا تاني وقفوا قدام الاوضه.
رن موبايل بدر كان دياب بعد شويه عنهم.
بدر...الووو.
دياب...ايوه يابدر عامل ايه.
بدر....تمام يا صاحبي ايه فينكم الوقت.
دياب...انا وصلت القاهره خلاص اقابلك ازاي ولا اروح عالعنوان ولا اعمل ايه.
دياب...هبعتلك العنوان في رساله وهاجي وراك علي طول.
دياب...معلش يا صاحبي انا تاعبك معايا.
بدر...عيب يا دياب متقولش كده حمدالله علي سلامتكم.
دياب...الله يسلمك يا صاحبي
بدر....يلا هاجي وراك علي طول.
دياب....بدر.
بدر...ايوه.
دياب...انت كويس مال صوتك.
بدر...بخير يا دياب ماتقلقش لما اجي هقولك.
دياب...طيب يا صاحبي ماشي هستناك.
بدر...سلام.
دياب.. سلام.
قفل بدر وبعتله بسرعه العنوان في رساله وقرب منهم
مهاب....اجيبلكم قهوه.
بدر... انا مش عايز انا لازم اتحرك الوقت عشان دياب وصل هروح اديله المفتاح و اطلعه الشقه وهرجعلكم تاني انتوا قاعدين ولا ماشيين
مهاب...انا شويه كده وهنزل عشان العربيه هناك وهرجع تاني.
عامر...انا مش راجع الشركه خلاص كلمتهم والدنيا تمام.
بدر...وانت مش رايح شغلك.
يوسف....لا يا بدر انا قاعد
عامر....طب والاجتماع اللي انت سبته في نصه ده مش تروح تطمن ان كل حاجه تمام وترجع.
يوسف...المهندس كلمني وكله تمام واتفقوا فاضل بس امضتي وبكره ان شاء الله هروح امضي ونوثق علي طول.
عامر...طيب تمام.
يوسف...طيب بقول ايه روحوا انتوا بقي وانا قاعد هنا
مهاب...نروح ايه احنا معاك.
يوسف...مش هينفع يا مهاب واحد بس اللي هيقعد معاها خد مراتك وابنك وامشوا عشان ابوك كمان وانت يا عامر انت وروكا هنا من بدري وسيلا كمان روحوا عشان شغلكم بكره.
عامر...يا ابني هنروح اكيد بس ليه بدري الساعه سبعه ونص لسه ادينا قاعدين معاكم شويه.
بدر...بسخريه وبعدين هو مفيش غيرك هيقعد معاها هي طايقه تبص في وشك اصلا.
عامر...بضحك صراحه عنده حق دي لو شافتك هتقتلك.
يوسف...بأبتسامه خليك في حالك انت وهو انا هصالحها بنفسي.
بدر...نتلم ونحترم نفسنا هااا ومننساش اننا في مستشفي مش ناقصين جرس و فضايح الله يباركلك كفايه علينا نوني معلمه علينا كلنا 😂
يوسف...بضحك هي عرفت صحيح.
بدر...لا مقولتلهاش
يوسف...احسن متقولهاش احسن مش هتعرف تيجي لوحدها وهتبقي قلقانه.
بدر....لما اروح هقولها بقول ايه انا همشي بقي وانا جاي هجبلكم اكل
مهاب....انا جعان اوي🙂
عامر...😒طفس.
بدر...هقول لسيلا و همشي
عامر...روح يا اخويا قولها.
بدر...وهو ماسك الاوكره 😏 لم لسانك هاا.
عامر...بضحك تمام يا صاحبي.
دخل بدر اطمن علي ريم كانوا صحابها بيتكلموا معاها وبيحاولوا يضحكوها.
بدر....ايوه كده نضحك وبلاش كآبه علي فكره روحنا شوفنا كريم وزي الفل
ريم...بجد يا بدر ولا بتضحك عليا
بدر...عيب من امته وانا بضحك علي حد يابت🤨 والله نايم ولا كآنه عامل اي حاجه باشا من يومه
ريم...بأبتسامه الحمد لله.
بدر....سيلا بقولك ايه انا هروح لدياب عشان خلاص وصل القاهره هوديله مفتاح الشقه وهرجعلكم
وانا جاي هكلمكم عشان اعرف هتاكلوا ايه كلنا جعانين.
روكا.....اه والله انا ميته من الجوع.
سيلا...اول مره تقولي جعانه من نفسك.
روكا...الخضه جوعتني😂😂🙈
بدر...خلاص انا ساعه زمن وجيلكم علي طول تمام
سيلا...تمام يا حبيبي متتأخرش.
بدر....مش هتأخر يا قلبي
روكا...😏😏😏ما تقومي يا اختي تروحي معاه بدل ما انتوا بتتنحنحوا كده.
بدر...بضحك اعوذ بالله نسخه من جوزها رخم زيها.
سيلا...اتلمي يا رخمه 😏
بدر...يلا باي.
سيلا...باي.
..................
في الشركه عند ليل مر وقت طويل اوي والكل بيشتغل بتركيز عالي عشق كانت شغاله من غير توقف بتحاول متحتكش بليل اللي كان متعصب من الصبح وقاتل نفسه في الشغل ومركز في كذا حاجه الشغل اللي اتلغبط والشغل اللي متعطل واللي حصل في الشركه شاغله بيحاول يركز ويعرف مين صاحب الميداليه
اللي حط قنبله في مكتبه متأكد انه شاف اللوجو اللي علي الميداليه دي قبل كده لكن مش قادر يفتكر فين.
اما عامر وتمارا مكانوش يختلفوا عنهم مركزين في الشغل و بيحاولوا ينجزوا علي قد ما يقدروا
والحال نفسه كان عند ادم وزهره ونور ونوح.
الوقت مر بيهم جميعاً من غير حتي ما ياخدوا بريك لحد ما قدروا يخلصوا الشغل كله و يراجعوه كتير واطمنوا ان كل حاجه تمام
خلص ليل شغله وفرد ضهره بتعب
و أفتكر انه ملمحش عشق خالص من ساعت ما وصلوا الصبح ولا حتي سامع صوتها
قام براحه ومشي لحد المكتب بتاعها لقاها واقفه بتصلي العشاء.
أبتسم ليل بحب وقرب قعد علي الكرسي بهدوء لحد ما خلصت وسلمت.
بصتله عشق بترقب ابتسم ليل بهدوء.
ليل...حرماً
عشق...بأبتسامه جمعاً ان شاء الله
ليل...انا فكرتك نمتي لا شايفك من بدري ولا حتي سامع صوتك
عشق...بهدوء لا نمت ايه انا كنت بشتغل وخلصت كل حاجه بس قومت اصلي
ليل...منادتيش عليا ليه اصلي معاكي زي كل يوم.
عشق...بلوم لا ما انا مرضتش اتكلم معاك شيفاك متعصب من الصبح سيبتك براحتك.
ليل...رفع حاجبه بأبتسامه لا والله ومن امته عشق هانم بيهمها اي حاجه.
عشق....بأبتسامه ما انا قولت بلاش احسن تطلع فيا زي ما عملت الصبح فيهم.
ليل...بأبتسامه امممم اقدر اقول ان ده عتاب من نوع خاص🤨
عشق...بتنهيده ابتسمت وبصتله يعني حاجه زي كده.
ليل....طيب ممكن اعرف سبب العتاب بقي؟ انتي مش شايفه ان كان معايا حق
عشق....عارفه انك مش غلطان بس كمان مكانش ينفع يا ليل تكلمهم بالطريقه دي انت عارف انهم مش بيقصروا في شغلهم ابدا مش من اول غلطه تعلقلهم المشنقه كده
ليل...انتي عارفه يا عشق اني عمري ما بظلم اي حد بس كنت متعصب.
عشق....لا ظلمت يا ليل واولهم جاسر انت عارف ان الغلطه مش غلطته ولا هتقولي ان ليل باشا بجلاله قدره ميعرفش ان جاسر مظلوم.
ضحك ليل وقرب من عشق لف ايده علي وسطها بحب وبصلها
ليل...لا ياستي ليل باشا بجلاله قدره عارف ان دي مش غلطه جاسر وانها غلطه تمارا بس هو بقي حب يصيع عليا وبص لتمارا عشان تسكت وشال الليله عنها يستحمل بقي وبعدين بصراحه كويس انه جابها فيه عشان انا محبش اني اتعصب علي تمارا
او اي ست عموما وانا فعلا كنت مضايق جدا ولو كنت اتعصبت عليها كانت هتزعل لكن عامر وادم ونوح عارفين نظامي ومش هيزعلوا مني
عشق..اممممم وطلع ليل باشا كمان لماح طيب وبالنسبه لنوح اللي طلعت فيه من غير ذنب
ليل...🤨🤨يستاهل مش عامل فيها محامي هو اكتر واحد عارف اني لما بتعصب لازم يخفي عن وشي جاي يضايقني اكتر ويدافع عنهم.
عشق...بس انت احرجته قدامي يا ليل صعب عليا بجد.
ليل...نعممم🤨🤨 هو ايه اللي صعب عليكي ان شاء الله.
عشق...بضحك براحه شويه اقصد انك بجد احرجته
ليل....يعني هو عنده دم متقلقيش نوح كمان عارف نظامي واكيد خرج يبطرم ويشتم في سرع ده واطي وعارفه مش هيسيب حقه يعني
عشق...بضحك يعني انت عارف انه شتمك في سره😂🙈
ليل...مين ده اللي شتمني والله كنت رفعته علي باب الشركه🤨🤨
عشق....بضحك خلاص بقي قلبك ابيض قولي خلصت شغل
ليل...اه كله تمام
عشق...طيب مش هنروح بقي
ليل...يلا نشوفهم ونروح ناكل بره هما اكيد مكالوش ولا حد فيهم خد بريك.
عشق...بحب عارف ياليل رغم عصبيتك إلا انك عمرك ما شككتني لحظه في حنيتك.
ليل...بحب طب بذمتك مش حنيتي دي أستاهل عليها حاجه حلوه😉
عشق...ليل سبني وابعد وخليك مؤدب احنا في المكتب
ليل...لا والله اهو المكتب ده يشهد علب حجات حلوه حصلت فيه كتير😉
بصتله عشق بأحراج وابتسمت غصب عنها علي فكره بقي انت قليل الادب وعلي فكره بقي كل مره انت اللي بتمسكني بالعافيه
ليل...بضحك طب خلاص انا قليل الادب ياستي ولو مدتنيش بوسه والله ياعشق ما هسيبك🤨
عشق...ياليل اعقل
ليل...ابدا عوضي اللي العيال دول عملوه فيا.
عشق...طب وانا مالي هو انا اللي عصبتك
ليل...يعني اروح ابوس عامر ولا ادم🤨🤨
عشق...بضحك اه روح بوسهم
ليل...والموظفين يشوفوا جوزك ويقولوا عليه مش مظبوط وبيبوس صحابه🤨
عشق...بضحك وانا مالي مش هما اللي غلطوا😒
ليل...بس يعني ابوس اللي غلط طيب انا رايح لتمارا.
مسكته..عشق بغضب ما تحترم نفسك😡😡😡
ليل...شدها ليه بتغيري عليا😉
عشق...بأبتسامه لا🙄
ليل...قرب منها وانقض علي شفايقها بتملك.
وبعد وقت بسيط بعد عنها
ليل...بحبك يا عشق
عشق...بإحراج وانا كمان بحبك ويلا بقي عشان نروح نشوفهم
ليل...ماشي ياقلبي يلا بينا.
خرجوا مع بعض وراحوا علي مكتب ادم ونوح.
ليل...🤨🤨ايه خلصتوا
ادم...بعمليه ايوه ياليل كله تمام متقلقش
زهره....انا خلصت وراجعت ونور
ليل...وانت🤨🤨
نوح...😒😒😒
ليل...😳بكلمك علي فكره
نوح...بزعل طفولي عايز مني ايه😒
ضحك ليل غصب عنه ايه اللي عايز مني ايه دي احنا بنلعب يالا ولا ايه.
نوح....اه خلصت في حاجه
ليل...بأبتسامه طب يلا عشان هنتعشي مع بعض
نوح...أبتسم ورجع تاني كشر شكرا مش عايزين منك حاجه🙄
ادم....لا انت هتفضل مقموص خليك انا واقع الجوع
زهره...بضحك صراحه وانا.
نوح...روح يا اخويا انت وهو انا ماشي انا ونور
نور...🙄🙄لا ما انا هروح اكل انا جعانه
ليل...بضحك شكلك وحش اوي
نوح...انتي بتبعيني يا نور🤨
نور...افهم بس نروح ناكل وبعدين نخاصمه تاني.
نوح...بابتسامه ايوه صح 😂
والله لا ادفعك دم قلبك يا ليل
ليل....وانا موافق ياسيدي اللي هتطلبه هجيبه
نوح....اخويا يا ناس😍
دخل عليهم جاسر وتمارا في الوقت ده
جاسر...بعت مبدأك بأكله يا واطي😒
ليل...بضحك ده يبيع نفسه انت مش عارفه.
جاسر...لا عارفه يا اخويا ما هي العيله دي كلها كده😏
حط ليل ايده علي كتفه بضحك طب يلا يا ابن عمي😉
جاسر...بصله تقصد اني منكم صح
ليل....ماتخلص بدل والله ارجع في كلامي وهاخد عشق ونروح نتعشي لوحدنا.
جاسر...مين اللي هيدفع🙄
ليل....هو في غيري يا اخويا😏
جاسر...طيب قشطه يلا بينا
ضحكوا كلهم وخرجوا مع بعض
وهما ناسيين تماماً عصبيه ليل
................
وصل بدر قبل دياب فضل قاعد في عربيته لحد ما لمح دياب وصل هو كنان بالعربيه
اول ما شافه أبتسم ونزل من العربيه.
واول ما شافوا بعض حضنوا بعض بقوه❣️❣️❣️❣️❣️
وللحديث بقيه❣️❣️