معتقل الصحراء

الزنزانة السابعة عشر

هذا بارت و ان شاء الله بالليل هم ينزل بارت
لا تنسون التصويت والتعليقات الحلوة
قراءة ممتعة

#معتقل _الصحراء ١٧
#بقلم_ام_مختار
#دنيا_غانم

_لا ما اعرفهم منو هذولي شنو اهلكم
خطيه

مياسين _ باوعتلهن شفتن هيه جاي تجذب منين تعرفوها من عيونها
بس هيه ما تريد تحجي تردون اكوم ادوس ابطنها
حتى تحجي تدللون

مناسك _ احنه ما راح نرتاح بسببجن هاي تفكر وانتِ تنفذين هسا لو هيه امه لو مدري شصيرله احنه شنووو دخلنه شنو نكسب شنوو يصير
تره انا ما بيه حيل انكتل يوميا فدوه وانتِ رحمة بااعي رجلج تردين يكسرولج الثانيه
و انتِ مياسين هذا السانج اذا ما يجي يوم ويكصو الج ويعلگو بركبتج ما اطلع مناسك

مياسين _وانت  اذا ما يجي يوم واكسرلج هذا الحوض  الواكف بقدرة قادر ما اطلع مياسين

رحمة _ولج اذا عرفنه نگول السائد و نخلي يتبالش وي صياح وينسونه

مناسك _ سوو الي تردون تسوو اني مالي دخل
تالي لا صياح يصيرله شي ولا سائد يخسر مكانه ولا ام شمس يتغير وضعها
بس احنه ندخل الهل ظلمات وينزلون بينه اسوأ العقوبات
......

سائد واحد وجهه ما يكصه السيف و الثاني
وجهه يريح المحكوم اعدام
ها صليل شبيك مو امس مخلص ليلة وي الحب

صليل _يا حب يا بطيخ تحجي صدگ انت اني ما احب اني وين وهاي الكلمة وين هاي الكلمة تتگدر عليك انت

_ههههههههه وانت جاهد

جاهد _ ولكم اني جنت وگعت على وجهي هاي المره

سائد _ههههههه تعال تعال بصف اخوك ناكل حب رگي بالخريان على گولت الضلع  الثالث الما اعرف شبي

صليل _بس وصلنه فتحت البوابه ونزلت للحمام گبل

_وين رايح لك

_ الجهنم ذبيت ملابسي و اني امشي
اذا عبالها صليل يضعف كدامهااا غلطانه الضلع اليخوني اكسره حتى لو وجعه يلوح لب الروح  وگلبي لو دگ الناقصة بيه اني بيدي اسلمه الصياح
فتحت الماي بارررد بعز هذا البرد حتى يطفي من ناري ولو شوي
شايفه روحها على شنوووو لو ماا انا هسا هيه بالوكرر ليله وحده ما تحملت ولوو ما اني ما تطللللع منه هماتين ولو ما اني ما مرتاحة هسا هيه بالينابيع هم يجي يوووم واشوفها الا اشكهاااا بالنص
بقيت بيومها احجي بأنفعال وبعصبيه بس مو مثل صليل القديم اليسأل ويجاوب روحة لااا
سمحت الروحي بس تحجي بطولاتها وتركت السبب ليش اني هيج منفعل اذا اني اصلاََ ما مهتم ليشش منفعل
ذبيت الطاسه من ايدي و لفيت الخاولي وطلعت

سائد _شبيك

صليل _تعبان اريد انام

_نام ارتاح

جاهد _هذا  مو خالي

_هونك عليه لوح گلبه ناقصة بسمار حتى يبحر

_ديلا شنو سحر هو وتحجيلي طلاسم دفهمني شتقصد

_اقصد شواطئ الحب عوفنه هسا من هذا الناقص و گلي شنو نسوي وهذا باجر يريدنه نروح نسوي المهمة واني ما ارووووح لو شما يصير
..........
مناسك _ عم الهدوء بعد يوم مليئ بالضجيج
من ارجاء هذا المكان و من جدران عقولنه
تاره نحجي بضنونه و تاره نتشاكل وي خصومنه
خليت  الغطا على جثتي النحيله حتى اتخيل روحي  غاطة  بـنوم عميق كما يقولون 
نفتح الباب لا اردياََ من الجميع يباوع نفتحت الاضويه اول لحضه نحط ايدينه على عيونه بسبب قوة الضوا  وبعدها نشوف النور الحقيقي
بتسمت جان الضابط شجاع

_مناسك حميد

_نعم

_ام شمس

_نعم

_على التحقيق

مياسين _ گمنه المناسك خفنه عليها ما سوت شي شبيكم وياها

شجاع _طلعوووهم على السريع

مناسك _ بقن صديقاتي وراي يباوعن اني هم خفت اني وام شمس شيردون من عدنه عبرنه للبوابه الثانيه وهنا اني الخوف تملكني اكثر يعني شلغم اكيد هاي المره شلغم ما ترحمنة
دخلونه غرفه فارغه ما بيها غير اسره

شجاع _تركوهم وحضرولي وجبتي دقايق واجي

الحرس _حاضر

مناسك _ شصاير خاله

ام شمس _التفتت باوعت للضابط شجاع بتسمت بوجهه شكرََا

مناسك _جاوبها بثقل والتعب مبين عليه
تركنه وراح
ع سريع المراه تقربت يمي فدوه مناسك اني ارتاحلج و ادري بيج طيبه فدوه مناسك احجيلي شتعرفين عن سائد الولد الذكرته مياسين صح ابني ابني فدووه احجيلي وين ابني
اني ابني مسافر ومزوج بالخارج صحيح مو يعني انتو وين سمعتو عنه وهو مسافر بالخارج

مناسك _ كذبة مبين هيه تريد تقنع نفسها بي
بتسمتلها ولزمتها وگعدتها منو گلج ابنج بالخارج
يا امي بيومها شهگت شهگه اني من يمي نهاريت دموعي من وحدهن اخذن الاذن بالنزول

ام شمس _فدوه لا تگليلي بي شي اني خسرت هاي السنين لجل عيونه حبيبي
اني ابني شاطررر جان الاول على الكليه وجانوا بالتدريب كلها تشيد بي و جان حنين وبار بيه وبأبو و اخلاقه كل التعرفه وتشوفه تمدح بي
ابني ما يدخل سجون ابني جان النمله لو شافها يگول خطيه عدها وليدات ويضحك بسره
رحميني وگليلي ابني وين شفتي لا لا اكيد شفتي ضابط يعني نقلوكم من سجن السجن وشفتي مناسك موووووو

_ ثقل الساني واحس خيوط تربطت على حنجرتي
دنگت الايدي تبوسها وهيه تترجاني ما اگول ابنها بي شي ولا صياح مسويله شي

_صياح دمرني اني الخاطر اطلع ابني گليلي ابني عايش مرتاح

مناسك _ شنو اگلها حتى ما اعرف اگول اختارت الشخص الغلط يحجيلها

ام شمس _ليش ساكته ابني بي شي

_لا لا هو زين بس گليلي انتِ ليش قبل شويه نكرتي وگلتي ما اعرفهم

_صبا تره صبا تابعه الصياح اذا نحجي شي گدامها تروح تحجيله هسا  احجيلي الله يخليج

_ سائد ما مسافر ولا مزوج مثل ما كلولج

_ميخالف بس كون ما مسوي بي مثل ما سوا بيه مووو

_ ليش شنو مسوي بيج صياح
بدت تحجيلي من يوم الي اختفه بي سائد الى هذا يومنه الگاعدين نحجي بي
لزمت ايديها و بديت احجيلها من دخلت للمعتقل الى ان وصلت الها والباقي انتِ تعرفي

مناسك_ المرأه صارت زرگه هيه حلوه و ترفه عبالك صمونه صارت زرگه واطرافها بارررده
رأساََ دگيت بوابه القضبان بس محد اجالي
اباوعلها تشهگ ما تكدر اجر النفس واني ستمريت بالصريخ اريد اي واحد يجي يساعدني
اجوي الحرس جانت هيه غايبه عن الوعي نقلوها على السريع و اني حبسوني بيومها بالانفراديه يم شلغم وكل لحضه يجي ابالي هسا تفتح الباب وتدخل عليه هسا اني شجاني حجيت اني شدخلني هيه وابنها تاكل وحل اجي اني واصير الحنينه عليمن علييييمن هيج زين يطبج مرض تستاهلين هسا تجي شلغم وتلعب بيج لعب
كل ما عيني تنام اتخيل ينفتح الباب و الغول يدخل عليه هيه والبنات الوياها ويجردوني من ملابسي افز واكرفص روحي و اباوع للباب
وانخي ربي بأسمائة الحسنى وارجع انام والحد  الصبح اني هذا حالي خرطت روحي وعافيتي 
نفتح الباب جانت صبا  وحذام

مناسك _فدوه طلعووني حبسووني وين ما تردون بس مو يم شلغم طلعوووووووني

صبا _گووومي گووومي

مياسين _ دخلت بالگوه تمشي  والعيون مورمات
انطيناها ماي شربت كل الصراحية
وتقيأتها بالارض
وترجف وتحجي
اني گتلكم لاا تحجون لا تگولون اني طحت بيها اني اني مياسين _بقت تهوع والعيون صارت حمررر جريناها خفنه تحجي شي گدام البنات
دخلناها للحمام ذبينه عليها ماي و تباوعلنه وتحجي طلعتتتت امه امههههه
الله لا يووووفقجن انييي شدخلنييييي
تجي تحجي وياي انييي شدخلني

رحمة. _اسسس فضحتينه اسس
جانت منهاره مدري مهلوسه
سبحناها و طلعناها خليناها على الفراش يمكن اقل الدقيقة وسمعناها تشخر وبقوووه

صبا _ هاي مرعوبه من شلغم

رحمة _ مدري شمسويه بيهن هناك

_ام شمس ضاربتها جلطه

_صخاام وهساااا

_ وهسا اخذوها للمستشفى ومحد يعرف عنها اي شي

مياسين _اذا وصلج خبر گليلنه خطيه متستاهل
باوعت المناسك ولج شحجيتي وشمسويه بالمرأه
اني ورحمة بقينه وحده صافنه بوجهة اللخ وهاي مو عبالك نايمه عبالك ميته حتى لو نگعدها ما تگعد غايبه عن الوعي
ثاني يوم الفجر ياله گعدت مناسك يووم كامل تقريباََ نامت و من گعدت ما گامت من فراشها

مناسك _ ما ادري اذا ماتت او عايشه ما اعرف بعد الحجيته شراح يصير بينه گلييي سكتي ولا تحجين گلي ما نثق ابني بشر
وهاي المره هو بأيدي يكتلني

مياسين _ وقت صلاة تگومين

مناسك _هزيت براسي و گمت صلاة ما مفتهمين منها شي يوم نصلي و عشره تحت التعذيب لو بأحضان اشخاص محرمة علينه ما تفتهم انت صح لو جاي تضحك على رب العباد

مياسين سارحة وي روحها هناك ولزمت بالحايط
هااا

مناسك _ ماكو شي دخلت صليت و هاي المره ما طلب الفرج
بس گتله ربي انت اعلم بالحال وانت بكيفك
هذا الطلع من القهر الي بيه و على  الراح  يصير بيه

من رجعنه گامن  يسألني البنات شنو حجيتي وشنو صار
حجيتلها كلشي مو عيني انتِ كتيتيلها كل الاسماء واني هم ما قصرت كلشي حجيت و جايتج ام شمس وصياح و فوگهم الي ذكرتي اسمائهم
هاي المره مو للوكر هاي المره الاقرب خيسة يذبونه بيها لأن ببساطه وخاصه انا مسجله مدفووونه بعد وين يدفنوني حتى شهادة وفاة ما تصلحلي

رحمة _ يومين مناسك قطعت الاكل و الشرب

وبس نايمه ما نشوفها بس بأوقات الصلاة
وترجع لو تنام لو تسوي روحها نايمه
جابو ام شمس المرأه مثل مناسك لا تحجي ولا هم يحزنون و حتى مشيتها بصعوبه
اما ادويتها جانت موجوده كامله حسب الدكتوره الي اجت وعددت اسماء الادويه جانت كلها متوفره
بالرغم جان البلد بي شحت ادوية والاطفال بره دتموت بسبب قلة الادوية و انعدام المستشفيات من جميع المستلزمات الطبيك  وهذا جنه نسمعه من الاطباء الموجودين  بالسجن نفسهم
بقينه ننطيها العلاج بوقته ومن شفنه حالتها حيل نقهرنه عليها ولو گعدناها تصير عينها على مناسك
مناسك تباوعلها وتغمض عيونها
اسبوع زمان صحت وهنا مياسين تدخلت جنه خايفين تخابر صياح وتحجيله واحنه نروح بيها

مياسين _اذا تحجين الصياح يذبحنه

ام شمس _ لو اريد احجي الصياح بالمستشفى جان حجيت بس اني اريددد اطلع روحه الصيااااح
اريدد اخذهاا انيييييي

مياسين _ شنو تردين هسا تسوين

_بس خلوني اشوف ابني

رحمة _ما تگدرين مرتين اجه وبعدوج وجنتي تگولين شلغم وسوالف شلغم

_جنت اغطي عن وصخة خوفي على ابني لا يتلوثن ايديه بوصاخة ابو ويضيع ما جنت ادرررري ابني منتهي وحاله اسوأ من حالييي
بس فدوه سوو اي شي انتن سباعيات والله الي تردنه اسوي بس خلوني اشوف ابني

مناسك _اني اگدر اجيب سائد للسجن

رحمة _باوعنالها

مياسين _واني  اگدر اكتل الحراس اليجون عليها

رحمة _ انتِ بس الكتل تعرفي

مياسين _ مو  ابوي علمني على كد ما جان يكتل ببيبي

مناسك _موووو وقته

رحمة _واني شسوي

مياسين _لازم تلهين صبا و لازم تساعديني خو مو وحدي اني اكتلهم شنو بروسلي ومنو كلج انجح يجوز يجروني وي ام شمس
و لازم ام شمس نخفيها الحد ما يوصل

ام شمس _سوو الي تردون تسوو بس ساعدوني ابوس ايديجن بس راوني وليدي

مناسك _اول شي لازم نحجي ويا

ام شمس _يا بعد حسه گليله امك تفديك بروحها يا بعد كل روحها

مياسين _الغزل خصله عرفتي منين متعلم يغازل

مناسك _ خزرتها

ام شمس _ هو يجي يشوفج هو يريدج الهذا  السبب  صياح الحقير يحاربه بيج  وليدي گلبه متعلق بيج يا بعد گلبي بس خليني اشوفه مره واشم ريحته  واني  وعد اخلصكم  من صياااح

مياسين _ حتى الطفل جان حفيدج وانتِ ما قصرتي انطيتي المعلومات الكامله

مناسك _ما تحملتها جريتها من حجابها سكتيييي تعلمي تسكتين

مياسين _اهوووو دعوفيني لا اطبكج هسا

ام شمس _لا تتعاركن عليجن الله هسا بس خلوني اشوفه

مياسين _ بس كونه يغزر حجيه اذا ما غزر
اخلي صبا تطبخ ماصخ منا وجاي

مناسك _عفتهم ورجعت لفراشي تسربت هواي هاي واني مالي خلگها
خطية بقت تتوسل بيه ام شمس بس اتواصل ويا واخلي يجي و اني احس تورطت
اتصل والله بس خلي نتفق كلنه ونتأكد احنه نگدر نسويها لو لا

ام شمس _انتِ تگدرين بس جيبي و الباقي خلي علينه فدوه من كون رحت الهذا الصوت اليحجي وي وليدي

مناسك _هم يضحك وهم يبجي اني اكرهه احجي وي ابنها وهيه تروح فدوه الصوتي لأن حاجيه ويا اخخ يا الام
اخ يا يمه والله اروح فدوه للسامع صوتج
ادفع عمري كله بس اسمع كلمة الماماتي منج
شگول عليك يا حميد حرمتني منها ليشش
وخواتي ويا محنتهن لو هسا ابيت ابونه مجتمعات

و بعدنه الحد هسا ابونه يگول صغيرونات ومدللات مو سن زواج وما ازوجهن
واريدهن يتعلمن و شهادتهن تصير الهن سلاح من بعدي اخ يا بويه ما ادري ابجي عليك لو ابجي من السويته بينه
اباوع الام سائد شربت الحبوب ونامت مثل كل يوميا بس تشربهن تنام تگول يدوخني ويتعبني و تنام

مياسين _يلااا گووومي خابري خطيه

مناسك _وخرررن عني اخابررر شگووول اني هم غبيه جرفتني وگتلها اخابرر شخابر  صبا توگف على راسي شنو اگله وهيه ما تريد صبا تعرف 

رحمة _گليله اشتاقيتلك وتعال

_من كون تشتاقلج العكارب السود
نجبي اشتاقيتله شنووووو شو ما تعرفين تحجين انتِ اني  حاتم جنت استحي اگله اشتاقيتلك

مياسين _گليله عدنه جنازه ما تجي تلقنها
بت النعال لعددد شنسوووووي خطيه المرأه

رحمة _ انتِ بس گبال صبا گليله مشتاقتلك تعال وهسا هو مثل الصخله يجي

مياسين _صفنت مناسك نغيتها  بأيدي الله عليج ما اشتاقيتيله

_هههههههههه والله تحيرن عقلي وهو ما باقي بي شي ويتخبل اي مثلاََ هو زوجي و اشتاقله ولجن هذولي ينامووووون ويانه هووو شي غلط لووو انا غلططططططط

مياسين _اسسس فضحتينه موهاي رحمة تموت على جاهد من تشوفه تبقه ترجف والحلگ ينشگ من الفرح

رحمة _هههههههههههههههههههههههه ضحكتيني
ارجف رجيف من اشوووفه يرتعد جسدي شوقاََ لك. هاا يا رجدي اباضه يا فاتن حمامة
اذا ما تعرفين رحمة لا تسولفين بيها لأن رحمة ادخلج بحررر واطلعج ناشفه

مياسين _شتقصدين

رحمة_ اخيرررر واحد افكر احبه بهاااي الدنيا كلها هذا الكائن الصعلوووك التافهه الي يشوفني بس جسم و مفاتن يتلذذ بيهااااا
بس اني ببساطه اريد اطلع منا ومالي غيره يطلعني فـ مجبوره امثل عليه دور الحب
والا اني  اشمئز من يلمسني و اكره جسمي الي تلطخ بأيديهم النگسه
اكررررره الرجال كلهمممم انييي صارت مره وما تصيررر بعددد

مناسك _ اني ومياسين اتخذنه وضعيه الصامت
من حجيها سكتنه عنها ما عرفنه اصلاََ شنو نحجي
يوميا تصدمنه هاي الانسانه بشي
.........

سائد _ اني ما اگدر اروح اسوي هاي المهمه

صياح _انت گلت بس اخلص من. الينابيع اروووح

_بس اني تعبان ما اگدر ما بيه حيل امشي من دامشي داتعب هواي

_العمليه هواااي تأخرت ولازم اليوووم واحد يتحركلها

صليل _اخذ زهير وكامل و سلام

سلام _اني امس مخلص مهمة

كامل _ واني عندي استراحة سبوع ع الاقل

زهير _اني جاهز ما عندي شي

صياح _ زهير جاهد و صليل انتو خلصوووها 

جاهد _ اني ما اترك سائد تعبان لا يموت واحنه مو يمه اخذ هاي المره الجماعة والجايه علينه

صياح _ زهير كامل سلام حضرو روحكم اليوم وانتو الباقين اذا عبالكم انيي ناسيكم لاا غلطانين بس اني اريد ارسي على بركم

جاهد _ حجة هل كلمات وطلع

صليل _اذا عبالكم هو غبي  غلطانين راح يوكعنه  و ينعل والدي والدينه يخلينه نشوف الموت
صوره ملونه وگَول صليل ما گال

سائد _ شيريد يسوي خلي يسوي يطبه مرض المهم اسوي الاريده بالفتره الي بقتلي
اخذت الاسلكي مالتي ودخلت زنزانتي وياي البنيه الي جابوها الي حلوه صاحبة شعر يجذبني بالمراه شعرها هواي جانت گاعده على الجربايه من شافتني نزلت
رجعي نامي على الجربايه ارتاحي

_لا اني هنا مرتاحة

_لا روحي روحي قبل ما اغير رائيي واخليج تنامين بهذا البرد هنا على الارض
هيه هم امتثلت للاوامر وراحت تنام
اني بقيت انام بالمكان الجانت تنام هيه بي اتجي راسي على الحايط و امدد جسمي واتخيلها تجي تنام على صدري احس بدفو روحها على صدري
مجرد حلم يقضة بس يسعد روحي و يوصل لحساس الگلبي و الگه روحي نايم و غاط بنووومه عميقة متناسي اكو وحده بالغرفة و متناسي صوت صليل السطرني  دگ نذار باوعت اخضر طلعت وياي روحو سبحو وتعالو تريگو
باوعت الصليل تره امس سطرتني

صليل _مو بيدي يا اخي دباوعلها تخبل الجايبيها

سائد _طيح الله حظك كافي بابا اعقل

صليل _هههههههههه النثاية حلوه شيعقلني

الاء _سيدي اجاك  اتصال

سائد _اني؟

_اي انت

_منو؟

_من الينابيع

_ركضت وياها يا ساتررر نزلت ع سريع الوو

صبا _ صباح الخير سيدي اعتذر هسا متصله بس انت گلت اي وقت تحتاجني مناسك اتصلي

سائد _شبيهاا

_تريد تحجي وياك

_انطينياها على السريع

مناسك _الوو

سائد _ يا هلا بكل هلي بيج شي مأذيج شي

_لا لا بس.... درت باوعت صبا واكفه ومستحيل هاي تروح تحسرت وحجيت
مشتاقتلك

سائد _ انتزعت روحي كلها وخذتها مني من گالتها
شنوو گلتي مناسك

مناسك _تگدر تجي اليوم وياريت لو تجي وقت العصر يعني اقصد توصل

سائد _حبه حبه عليه يا بعد سائد
بالاول عيديلي شنو گلتي

مناسك _ هو يحجي بهدوء واني  حتركت روحي
سبيت البنات الحد ما گلت بس لابوجن لابو هاي الخطة الجايفه
اشتاقيتلك

سائد _ فدوه للشتاقلي والله اجي حتى لو ما يجيبولي سياره اجيلج مشي المهم اجيلج

مناسك _بس فدوه كون اليوم يعني العصر كون توصل اذا تگدر من هسا اطلع

_يابه هسا هسااا اگلهم يجووون عليه حاضرر
بيومها ما تجرأت اسد التليفون ويغيب صوتها عني مشتاقتلي والله انا المشتاق يا احلى طيف مر عليه خابرت صياح من عرف گلب الدنيا
وما قبل يدز سياره

سائد بدلت و كتلهم اني طالع مشي و شيريد يسوي خلي يسوي

صليل _ صارت ضجة بالباب نزلت خابرتهم

صياح _ اصعدله گله جايتك السياره وبس يرجع اني جااااي

صليل _تمام
ياابه جايتك سياره اصبرر

سائد _اي هيج عفيه عليك
.......

مناسك _ رجعت للزنزانه و اني احرك بروحي حرك
الدرجة اريد اطلع الساني الي نطقت بهاي التفاهه واكصها اني انسانه ما اگدر ادافع عن نفسي  بس هواي انقهر على نفسي هواااي
احس روحي ضعيفه محد يفهمها غيري اني وانا ضايعه بهاي الزوبعه كلها اشرت مياسين الرحمة
اني گتلها گعدي وصحت الصبا تعاي اريدج
طلعت للساحة وياها قرابه الساعتين احجي وياها كلشي يخطرببالي سألتها عنها وعن علاقتها بسائد ووو حجي هواي كلشي ممكن يخليها اطول وياي
من رجعت باوعت المياسين و جنت كلش خايفه بعدهم ما جايين بعد ما اگدر الهي صبا

مياسين _تم كلشي لا تخافين

عوده بالوقت

حذام _ام شمس تحقيق

رحمة _جانن تلاثه حذام وثنين وياها
احنه عدنه كراسي وكعنالهن دك بالكراسي الويانه بالغرفه صفنن مستغربات بس يباوعن من بعيد وخاصه سهيله من وكعن اخذنه ام شمس
الزنزانه شلغم وكلنالها خليها يمج بس جم ساعة هناك هوسه والمراه عدها جلطه
هيه هم رحبت بشروطها بس
رجعت مياسين للزنزانه  كلتلهن التحجي اذبحها واخذ بيها اعدام ثاني وانتن بكيفجن محد حجت خاصه وشافن شلون كتلنه الحرس
جان الخوف الاكبر من الحرس من راح يگعدن شراح يصير وهنه بقن بالباب مجطلات قابل وين نوديهن احنه زين من نعرف شلغم نودي يمها ام شمس

مناسك _ ومن گعدو الحرس شنو صارر

_ حذام ربطناها ووديناها يم شلغم بس مو مجانا شلغم تريد لو فلوس لو ليلة وي رحمة

مناسك _باوعت الرحمة

رحمة _زلم ونسوان طامعه بيه اني

مناسك _وشگتيلها

كگتلها اذا خفيتي حذام اليوم كله ودرتي بالج على ام شمس  اني باجر اجيج
انظف روحي واجي

مناسك _صخااام بوجهج وباجر شراح تسوين

_اوديلها ام شمس  تتونس بيها هسااا خلي بس نشوف شراح يصير اليوم والله كريم منا الباجر شنسوي

مناسك _ بعد شسون اخذو ام شمس و طلعو هو راح يجي

رحمة _احنه نطلع  لا بابا احنه لازم نمنع صبا ما تطلع اذا شافت ام شمس راح تصير مصيبه و  راح يحسون انتِ تطلعين تجيبين ام شمس وروحيله

مناسك _وين اروح 

_روحي للغرفة الي دائماََ ترحولها وحجيله وخلي يجي الامه

_لا بابا اني ما اوصل للغرفه بالساحة خلي يشوفها وعود اذا هو سباعي خلي يجي يدخل اني بعد ما اسوووي اي شي قابل شمستفاده حتى حسنات ما بيهم هذولي

مياسين _ يعني هذا  السوينا كله مو بعينج؟؟
تعبنه و الله خطيه المره تريد تشوف ابنها

_هذا العندي تردون خير على خير ما تردون روحو رجعو حذام ومن يجي ويسأل عني اخليهم يگلوله ماتت هيج تمام

صبا _شصايرر

مناسك _ما صاير شي لا تهتمين
سدو حلكم هاي بس تحس بشي تركض الصياح الجلب ويخرب كل الي سوينا  خلونه نمشي الامور على خير

العصر طلعنه للساحة وجانت المهمة اني اروح الشلغم اجيب ام شمس و هاي جانت اصعب حتى من المكالمة بس من لا جاره دخلت البوابات مفتوحة اي وقت نگدر نعبر بس اليدخل يم شلغم اكو احتمال جبير ما يطلع
بس اني دخلت ونخيت كل الائمة

شلغم _هاااي منو مسوكه تعاي عيني تعاااي

ام شمس _ايي الله جابج تعاي اخذيني دا اريد اخذ علاجي

مناسك _هو اني جايه عليج يلا خاله

شلغم _ابقي يمنه نتونس

مناسك _شكرََا العالم ما ناقصه زلم حتى تتونسين بيه اخذت ام شمس و طلعت مدري هيه اخذتني ما ادري منو حمة الخ بوقتها
گعدناها على المصطبه و اني و گفت كدامها خفنه واحد من جلاب صياح يشوفها و يحجون ويخفوها قبل لا يجي وهيه هم خطيه ذبت الحجاب على  وجهه

مناسك _وين صبا

مياسين _طكيتها على راسها ما ندري اذا ماتت لو عايشه ولفيناها بالفراش

مناسك _ الله ياخذجن بليتونه بشي ما مستفادين منه بس همخ اليستفادون  نفتحت البوابه و نزلو منها هو يمشي  باوعلي وبتسم

مناسك _خاله رفعي عن وجهج واني وخرت عنها جم خطوه وهو عيونه عليه من تحركت
لحضات وهيه وگفت وهو شافها
هو وگف رجع باوعلي ورجع باوعلها
عثر بخطواته وهو جاي علينه
. يتبع.....