كعدت ثاني يوم ما صار شي مجرد يجي ينطيني اكل وينتضرني لحد ما اكمل الاكل يلا يطلع وينطيني علاج بقت تمر الأيام وتعودت ع هذا روتيني الممل وكل يوم ادعي بس كون ارجع الاهلي واليوم صار ع خطفي شهر كامل وبعد ما شفت هذاك الي قبل لا يجي الذيب جان موجود والذيب كاع يخليني اطلع اكعد بالصاله او بالمطبخ بس مرات يقفل علي الغرفه
كعدت الصبح لفيت شعري كعكه باهمال ورحت للباب فتحته مقفول دكيته الباب شوي وانفتح
الذيب: صباح الخير نار
سليل: صباح النور كلتها ورحت للتواليت وغسلت وجهي وفرشت اسناني ورجعت كعدت ع ميز الطعام جاب الاكل وبدينه ناكل شوي وكال
الذيب: راح تجي الدكتورة علمود تشيل الجبس مال ايدج
سليل: تمام خلصت كمت غسلت ورجعت الغرفتي مر الوقت لحد ما صار وقت الغداء هم صاحلي تغديت ورجعت تقريبا الساعه ب 5 :00 العصر اجت الدكتورة فتحت الجبس وهو واكف فوك راسنا كالت انو متحسنه وراجع العضم وتكدر تحركها وكذا عفتهم ورحت للحمام غسلت ايدي وحركتها اللله فد شعور حلو جنت كلش اتضايق من عدها رجعت لغرفتي شوي واجالي الذيب
الذيب: نار شعجب ما جربتي تحاجين الدكتورة !
سليل: اعرف نهايتي شنو لو انت تلكفني لو مو بعيده عليك تطلع متفق وي الدكتورة !
الذيب: عفيه عليج هو بس لو اخوج الكو..اد يرجع الشغله الي نريدها جان رجعتج لاهلج
سليل: لا تغلط ع اخوي وهاي الغلطه عيب
الذيب: كل هذا واخوج ؟
سليل: ايي اخويي شتريد مني هسه
الذيب: سلامتج كلتها وطلعت قفلت الباب وطلعت من البيت عندي شغله اخلصها وارجع تقريبا نص ساعه
سليل: عافني وراح دخلت لفراشي وكالعادة استسلمت للنوم
______________
نبأ : مرت الايام وسليل ماكو بديت اتعود ع فراغها بس كلش اشتاق الها بابا حالته مو كلش زينه بس نكدر نكول اتحسن نوعا ما رجعت لمدرستي ودائما المدرسات يسؤلون ع سليل الشرطه كلبو المحافظه كلب وهي ماكو وما اعرف وينها عبالك انشكت الأرض وبلعتها حرفياً جاي امر بأسوأ ايام بحياتي
____________
سليل : كعدت ع اذئ بضهري وبطني كلش جاي يأذوني يربييي بس لا اجتلي الدورة خرببب هسه شون بقيت بفراشي بس احسني صخنت وضهري موتني هاي كل ما تجيلي اول يومين ضهري كلش يأذيني واصخن شوي وانفتح الباب
الذيب: خلصت من شغلتي ورجعت للبيت رحت كبل لغرفتها فتحتها لكيتها متمدد ع الفراش بس صايرة حمرة كلش وجنها تتلوى كتلها
نار شبيج ؟
سليل: ما بيه اريد اروح للحمام
الذيب: اشرتلها بمعنى تكوم كامت وحانيه ضهرها
سليل: رحت للحمام وطلعت صدكك جايتلي يمة يربي هسه شلون احتاج شغلات نسائيه ما اكدر اكله استحي اموتت والله ما اكدر يربي طلعت لكيته كاعد ع القنفه اشرلي اروح اله
الذيب: شبيج نار احجي
سليل: ما اكدر
الذيب: كضيت خدودها نزت كتله اوكفي اشوف حرارتج حرارتج مرتفعه شوي
سليل: حجيت بهمس ذيب
الذيب: ها نارر كولي
سليل: ما اكدر احاجيك هيج جيبلي ورقه وقلم خلي اكتبلك
الذيب: استغربت منها بس رحت لغرفتي وجبتلها
سليل: انطاني ورقه وقلم كتبتله
" اجتلي هاي شسمها "
الذيب : قريتها عكدت حواجبي كتبتلها
" شسمها "
سليل: كتبتله
" ذيب هاي يعني هاي مال البنات "
ذيب: قريتها كتبت
" ما افتهم دكولي اسمها وفضيني "
سليل: دمعت عيوني كتبتله
" الدورة "
الذيب: اشو انطتني الورقه وراحت للغرفه مالتها بسرعه وبس اسمع صوت بجي نزلت عيني للورقه قريتها وافتهمت خربب شون ما فهمت ابتسمت عليها شون مستحيه قفلت غرفتها وطلعت للصيدليه جبتلها المستلزمات و علاج ورجعت للبيت
سليل: رحت لغرفتي متت بجيي ع حالي حرفيا يرثى له شوي وانفتح الباب نزلت راسي وسكتت بس صوت الشهكه مال بجي فضحني
الذيب: دخلت للغرفه شفتها صاير خشمها وحلكها وخدودها حمرر ابتسمت وتقدمت الها حطيت يمها العلاكه وطلعت عفت الباب مفتوح
سليل: فتحت العلاكه اخذت اللازم واخذتلي بيجامه كامله جديده ورحت للحمام سبحت وبدلت وطلعت شعري ينكط ماي رحت ردت ادخل للغرفه استوقفني صوته وهو يكول
الذيب: طلعت من الحمام شعرها ينكط وتصير قطرات ماي ع ركبته ع مكان الوحمه وتختفي بين ثنايه صدرها رادت تدخل لغرفتها كتلها
اذا تردين تعاي اكعدي هنا
سليل: جنت ضايجه من الغرفه دائما بس بالغرفه بس اطلع للحمام لو اكل وارجع للغرفه ف رحت كعدت يمه بس شوي بعيد انطاني الرموت مال تلفزون ضليت ادور ع القنوات طلعتلي قناة بادي بيها ماشا والدب بقيته عليها وضليت اباوع اندمجت كلش
الذيب: اباوع ع تصرفاتها وشون تباوع ع افلام كارتون ومندمجه شفتها ضلت تغفي شوي ونامت نصيت التلفزون وكمت شلتها طخ شعرها ع خشمي وفاحت ريحت الشامبو مالي ع جسمها وشعرها وديتها بسرعه ع جربايتها وطلعت لمكتبي
سليل: كعدت وره فترة رحت للباب جان مفتوح طلعت ماكو ذيب رحت لباب الصاله الي يطلعنا للساحه فتحته بس مقفول جاي احاول افتحها واجاني صوته
الذيب: نار !
سليل: درت وجهي علي ابتعدت عن الباب ودنكت
الذيب: اتقدمت الها كتله وبعدين لج بابا ما تكدرين تشردين من عندي ومحد راح يلكاج
سليل: برطمت ودموعي نزلن كتله
شذنبي اناا واخوي الي عود هو اخوي بس بالاسم يمتىى تلكاه وتاخذذذ منن عندةة الشغله الي اخذهاا منكمممم
الذيب: نار اخوجج عار حت ع عرضه ما يخافف وما اكدر ارجعج اله نلكه موقعه !
سليل: حقيرر اللله ياخذكك شدخلنيي انااا بشغلكممم دفعته ورحت لغرفتي طبكت الباب حيل وتلفلفت بجربايتي وانا ابجي مدري شكد مر وقت بس حسيت الغطى انرفع عني شفته هو الذيب
الذيب: تعاي أكلي
سليل: ما اريد
الذيب: كومي انتِ مريضة وراج دواء
سليل: مااا اريددددد وخررر عنييي
الذيب: تقدمت الها جسمي طخ بجسمها كتلها
عليمن هذا الصوت ؟
سليل: عليك وخر عني
الذيب: متأكدة
سليل: ايي وخررر
الذيب: عصرت خصرها حيل
عليمن
سليل: عليك وخرر اخخ جاي تأذيني وخرر ضل يضغط علي اكثر واكثر وانا منا تعبانه كلش تأذيت
الذيب: عليمن
سليل: تجيت روحي علي وحجيت بهمس مو عليك بس عوفني
الذيب: وخرت منها بهدوء وكتلها
يلا كومي وراي علمود تاكلين
سليل: كمت بتعب وهو مشى كدامي رحت ورا كعدنا بالمطبخ جان مسوي شوربه فطر هو مسويها وكباب جايبه سفري اكلت شوي وكمت كال
الذيب: رجعي
سليل: شبعت
الذيب: نار !
سليل: اتأفأفت ورجعت كعدت سوالي لفه وانطانياها اكلتها وكتله شبعت والله
الذيب: روحي
سليل: رحت غسلت ورحت لغرفتي شوي ودخل للغرفه انطاني دوا وماي شربته وبقيت كاعدة وحدي شوي وحسيت بالنعاس نمت كعدت ثاني يوم ع صوت ذيب مدري جان يخابر مدري شنو بس كلش صوته عالي وجنه عصبي يصرخ شوي وراح الصوت انفتح بابا غرفتي ودخل علي مثل الإعصار كال
الذيب: حضري روحج بسرعه لمي ملابسج راح نطلع منا
سليل: هزيت راسي وكمت بدلت لبست نفس السوت كامل واخذتلي ملابسي وطلعت باوعلي وكال
الذيب: والعباية والحجاب ؟
سليل: بس انا مو محجبه
الذيب: نارر بسرعهه لبسيهم وتعاي
سليل: رحت لبسته والحجاب بالكو سويته بس طالع شعري من كدام شوي طلعت تقدم الي وضم شعري ومدري شنو طلع من جيبه مثل القنينه صغيرة وعلبه كلينكس حط من العلبه ع الكلينكس ورأسن حطه ع خشمي سديت خشمي وضليت ارافس اريد يوخر ماكو انوب انا اختنكت ما اكدر اتنفس لا من حلكي ولا من خشمي قدم راسه يم أذني وهمس
الذيب: اخذي نفس نار يلاا راح تختنكين
سليل: اخذت نفس كلش قوي ردت اطيح بس كضني وبعد كلشي ما ادري شنو صار