<في وسط بغداد >
بارت 33
#للكاتبه_سجى_المالكي
"غير مبري من ينسبها لاسمه "
------
تصويت + متابعه للحساب
---
من أجيلك
گلبي يسبگني بمسافه
ومن أرد منّك يظل گلّبي وراي .
-----
دانيه،
مرت الايام واني استقريت بيت حازم
وعائلته حبوني وصرت صديقه اخوات حازم
وصرت مقربه الهم وماحسسوني انو غريبه بينهم الحمدلله الله لطف بحالي
وجبر خاطري ولكيت عائله تحتويني
بس بعده گلبي عايش بحيره بعدم وجود قصي ودُنيا،
ياترى قصي شلونه؟
رجع من الموصل لو بعده؟
عرف بموت امي؟
شنو رده فعله من عرف احنا تهنا بدونه؟
ياروحي ياقصي صار عمرك 27 وراح تدخل 28 شلونه شكلك؟
تنهدت بحسره واحاول اصبر روحي واقنع نفسي راح يجي يوم والتقي باخوي وسندي بالكون،
---
دنيا وضعها مثل ماهو ماكو تغيير
قصي رجع لبغداد واول مانزل توجهه للمستشفى،
طبيت للغرفه شفت دُنيا مدده والاجهزه حواليها وبس صوت النبض ينسمع من الهدوء
نكسر خاطري واحس گلبي من الوجع راح يوكف
مو سهله تشوف اختك بهل حاله!!
ومو سهله بعدما فقدتها سنين وماشبعان منها تلكاها بغيبوبه! !
واني الكون كله بكفه واخواتي بكفه
وبالاخص دُنيا بحنيتها اعتبرها امي
تنهدت ومشيت بهدوء الها
كعدت يمها وذبيت حسره مقهور
دنكت راسي خال وجهي يم ايدها ،
همست -ليش هيج خيتي؟ ليش تكسرين ظهري وانا بحاجتج ؟ ليش تنامين هل نومه وتعوفيني؟
قبل ايام من التحاقي كتلج انتِ تشبهين امي بحنيتها واريدج يمي ليش هيج تسوين بيه؟
دُنيا خويه فتحي عيونج وجاوبيني اني اخوج قصي ياروح قصي
خنكتني العبره واحس القهر ملا گلبي،
مسحت وجهي استغفر ربي لعل اهدأ
كمت من مكاني افتر بالغرفه
ساعه ادعي الله
وساعه اباوع لدُنيا ويدمعن عيوني وامسح عيوني قبل لاتوكع دمعتي
رن موبايلي
فيصل يتصل
جاوبت -هلا
فيصل-قصي تأخرت وين صرت مو عل اساس نزلت من الواجب
اردفت -بالمستشفى اني
-ها تمام اجيك هسى
-هلا بيك
سد الخط فيصل وبدل وتوجهه للمستشفى،
وصل للمستشفى
وطب للغرفه
شاف قصي كاعد ومدنگ ولازم راسه
كعد يمه وطبطب عل كتفه
-الحمدلله عل سلامتك
بهدوء-الله يسلمك
باوع لدُنيا -الله موجود لتشيل هَم
همست بتعب -فيصل تعبت اني،
لمتى ابقى حزين؟
لمتى ابقى بهل حزن والنكد والقهر وهل ضيم الماله نهايه
اريد افرح
اريد الفرحه دوملي
اريد احس بشعور هل جمله "اني اسعد انسان بالكون"
لو الفرح مو بأسمي
ضحكت بقهر
اردفت بخيبه - حتى الحزن مل مني،
فيصل-كافي يبعد اخوك تهون وكلها عل الله وربك اكيد راح يعوضك
جزاء صبرك وايمانك
بس قوي گلبگ هذا اختبار ترى
ولازم تكون كد الاختبار
ماسامع الله اذا حب عبد ابتلاه
لازم تفرح لان الله يحبك لذلك ابتلاك بابوك وابتلاك لمن صرت اعمى
وابتلاك بفقرك
وابتلاك بغياب اخواتك و وفاه امك
صير قوي وذبها عل الله هو اليحلها
وهسى كوم وياي اكلك لگمه جاي من طريق بعيد حتى صرت ضيعف من الشغل
استمعت لكل كلام فيصل واحس كلامه منطقي وصحيح ولازم اصبر بعد
هزيت راسي مأيد كلامه - ان شاءالله اخذ بكلامك واصبر، شنو حالتها؟
-ماكو تطور نفس الشي
سكتت،
اردف -دكوم ياقصي كوم وياي، امي مسويه دولمه حامضه وانت تحب اكل امي وبعد الدولمه يبووووي تجنن من ايدها وانت ضايكها مايحتاج اوصفلك الطعم
ضحكت - دسكت فيصل خليتني اجوع
ضحك وخله ايده عل كتفي
- اهم شي بطنك لعد الانسان بلا اكل شلون يقوي نفسه ويواجهه مصاعبه؟ وخوب دولمه امي تنسيك كل همومك
كمت امطك عليها اردفت
- خرب شرفك فيصل لاتشهيني جعت بعلي
ضحك،
ضربته بطنه - ولي مزاعلك خليتني اجوع واتذكر الدولمه وراح تجبرني اجي وياك واعوف المستشفى
لوه حلگه - فوكما عازمك عل دولمه امي دروح ماخليك تجي وتاكل
خزرته - تطردني فيصل مو؟
ضحك - اشاقه تعال وياي يلا وخل ناكل
هزيت ايدي وعيوني عل عضلاته البارزه
- وهاي العضلات المن؟
شو تاكل وتثرد وعندك عضلات شلون رهمتها؟
رفع ايده برز عضلته
اردفت بغرور مصطنع - يابه هي العضلات من الله هو جسمي من اني طفل قالب جسمي بي عضله فـ تمرين شويا وبروتين شويا هل صار جسمي معضل
لويت حلگي عود ماعاجبني
- اصلا يخوف جسمك شكو هل عضلات
صغر عيونه - دنجب اللي يسمعك يكول اني جسمي مرعب ويخوف هو جسم معضل رياضي ومرتب مو اوفر
ويلا اللصم
ضحكت - اشاقه شبيك ضجت
- لاتعيب عل جسمي ترا حلو وتعرفني كلشي ولا واحد يعيب عل عضلاتي
ضحكت،
خزرني - شكو فاتح حلكك وتضحك
اردفت - جنك بنيه
عفس وجهه،
بجديه - لا فيصل اشاقه لاتزعل
برود - اي اعرف تشاقه
حسيته ضاج
- فيصل والله اشاقه مو قصدي اضوجك
ابتسم - المهم انت ضحكت وغيرت جو من جوك وعادي انسى
ابتسمت - شمسوي لله ورزقني بهيج صديق؟
طبطب عل ايدي مبتسم،
قصي -صدُگ الجهال شلونهم ؟
فيصل -بخير
نهضت من مكاني ورحت بتجاهه دُنيا
بست راسها وطلعت
طلع فيصل ورا،
قصي-عندك جكاره؟
-يول ميصير تدخن بالممر ممنوع
-اووه نسيت
مشيت وخال ايدي ورا ظهري شابكهن ومدنك وعاض شفته بقهر ،
مشى ورا فيصل،
صعدوا بسياره قصي لان فيصل اجا بدون سياره،
الطريق هدوء،
وصلوا للبيت واستقبلتهم ام فيصل وميس
تغدا قصي وارتاح وكعد بالحديقه يدخن،
ميس اجت وبيدها قصي ابن دُنيا
اردفت -قصي؟
بدون ميباوع-نعم !
-ماتريد تشوف ابن اختك
برود -هو السبب بحالتها ، لوما مولود مجان اختي بغيبوبه
-لا ميصلح هيج تكول
سكتت ماعندي جواب وماعرف ليش هيج كلت اصلا
بس احس هل طفل سبب حاله اختي
ذبيت جكارتي وطلعت غيرها ورثتها،
كعدت ميس كبالي
اردفت وهي تباوع للطفل-دشوفه شكد حلو
باوعلته بطرف عيني وبعدت نظري عنه
ماريد اشوفه
احس بشوفته اذكر اختي وهي نايمه وعليها الاجهزه،
ماحس الا خلت الطفل بحضني
خزرتها ونترت -اخذي ميس بسرعه ماريده كتلج
ميس-شبيك قصي ليش كل هل قسوه بگلبگ
بعصبيه-اني اختي بين الحياه والموت
وانتِ تكليلي شيل هذا الطفل
شسوي بي اني؟
وهو ابن خالد النكس الماعرف وينه
-وانت شعليك بابوه ،
نترت بحرگه گلب
-لان ابوه عاف اختي بغابه كلها وحوش مافكر هاي مره حامل وعدها طفل
وين تروح؟ ويعرف الانبار كلها داعش
مافكر للحظه خاف تنخطف او تنسبى
او يتعرضلها واحد
لا كلشي مافكر اصلا هو ماعنده غيره لو عنده غيره ماجان عاف مرته وابنه وطفر مدري وين وله،
-عليش هل عصبيه قصي اهدأ هسى شكلت اني
-شـ اهدأ ميس ؟
اني گلبي موجر نار شـ اهدأ لخاطر ربج
اختي بغيبوبه
وثانيه مادري وينها
-ياعيني لاتحرك بدمك
جريت نفس ومسحت وجهي
صفنت عل طفل وتذكرت حيدر يصير خال خالد
اردفت-اخذي الطفل من كبالي هذا بي دم حيدر
عكدت حاجبها -حيدر منو؟
بحده-معليج يلا روحي من كبالي
-انت شكد خبيث
اني شكتلك حتى هيج تصيح
وتجيب سوالف قديمه
ولطشت خالد بالطفل
نوب حيدر ومنو هذا حيدر نوب ؟
غير تفهمني
خزرتها وذبيت الجكاره
بعصبيه-انتِ شكد صلفه وتلاسنين كتلج ولي يلاااا
نزت-كافي صوتك لايسمعك فيصل وعمتي شيكولون علينا نوب
غمضت عيوني احاول اهدأ نفسي
-ميس امشي من كبالي ماطايق احد عوفيني وحدي
كامت بعصبيه وراحت للصاله،
كمت وطلعت من البيت
ركبت سيارتي افتر بالشوارع واسب هذا وذاك بسبب الازدحامات الماتنطاق،
ومنا گلبي خلصان ومنا لكيت ازدحامات ذبيت حرگتي بيهن
صار الليل واني افتر ماعندي وجهه محدده اروحلها احس ضايع
رحت لبيتي
بقيت افتر مادري شنو اريد؟
دخلت لغرفه دُنيا السويتها الها هي وزيوني
كعدت عل سرير ودمعن عيوني
- دُنيا فدوه لاتعوفيني
نزلت من سرير وكعدت بالكاع مرجع ظهري عل سرير،
غمضت عيوني ولميت رجليه وكمت ابجي
بجيت بصوت عالي لعل ارتاح
فتحت ازار قميصي وابجي واشهگ
كل شهگه احسها تكطع گلبي،
صرخت - لللييييشش ليييش كلشي حلو بحياتي يرووووح لللييييششش ماحسيت بفرح لييييشش
خليت وجهي بين اديه - ربي اذا اني سويت ذنب بحياتي عاقبني بعافيتي بس لاتعاقبني بـ احبابي
ربي كلشي اتحمل بس ماتحمل افقد احد
يكولون الانسان اهم شي عنده عافيته!
بس شحال الانسان الفاقد عزيز لو عزيزه بخطر ياترى تبقى صحه وعافيه؟
بقيت اشكي لربي واحس نزاح حمل من گلبي ذاك الهم الجان عل گلبي حسيته خف،
---
فيصل
اتصلت عل قصي اكثر من مره لكن مارد
ظل بالي خاف صايرله شي ليش مايرد
ميس اخذت جهال وراحت للبيت ،
بيت قصي قريب بنفس المنطقه توجهتله
دكيت الباب مافتحه اكثر من مره مافتح
اخر شي مليت وطفرت من سياج
دخلت للبيت هدوء ماكو صوت،
رحت للصاله شفته نايم بزيه العسكري والجكاير حواليه
تنهدت ضايج عل حالته
رحت اكعده
فز مخروع
شافني ونتر -شبيككك كعدتني هيج جنك حرامي شجاك
-ليش اتصل ماتجاوب؟
وينك من الظهر ماكو
ظل بالي يمك
جاوب برود -تعبان اريد ارتاح وقفلت جهازي ردت ابقى وحدي
-ماتعرف تكول هيج لو الا تخليني قلق عل جهرتك المصخمه
صاح وهو نعسان -اهووو فيصل شكو شتريد
كعدت يمه
-شنو هذا حالك ها؟ !!
يعني لمن تكعد دُنيا من الغيبوبه شراح تشوف بيك؟
باوع عل حالك
شوف هذا تصرفك صح لو خطأ؟
هي بحاجتك وانت هيج مسوي بروحك
صفن بالفراغ وهمس -اريد اموت
نترت -كافي سوالف مراهقين ، انت مو صغير وتلغي هيج لو كلنا من يصيرلنا شي محزن ونصيح خل نموت ونريد نموت منو يبقى بالحياه؟
انجب وبلا سوالف ماصخه لا اشك حلگگ
سكت،
اردفت بهدوء -اكلك
-همممم
عطت-متعرف تجاوب شكو تهمهم
شنو اللسانك المتر وين راح ؟
ابتسم-خرب بشرفك
-اي هيج وابتسم شكو گالب خلقتك
عبالك عجوز فاقده ابنها وتحسبه طفل ومات وهو عمره خمسين
صغر عيونه -تشبهني بعجوز؟
-نيالك لو عجوز عاد عدها قوه وصبر وماتهتز باول عثره مو مثلك
- اليسمعك يكول جانت حياتي حلوه وسهله وهاي اول عثره الي
شو دسكت فيصل ترى نعسان اريد انام
فيصل -كوم اني جوعان
-روح لمرتك تسويلك عشا شكو تكلي
باوع للساعه وكمل -ساعه 11 مو وكت عشا
رديت-هو اللي خلگ اكل گلبت الدنيا
واني ادور عليك عبالك فص ملح وذاب
رحت لبيتك خمسين مره وانت ماكو مختفي
قصي -قبل تقريبا ساعه مادري اكثر اجيت للبيت جنت افتر
-خل نمشي لمطعم ناكل شي ترى متت من الجوع
برود -مالي خلك
سحبته من ايده
-كووم شنو مالك خلگ يلا كدامي بدل وتعال
-فيصل ترى تعبان و واهسي صفر لاتلح
-قصي بشرفك كوم يلا بمعزتي كوم خل نغير جو وناكل شي
تنهد
وراح لغرفته
سبح
ولبس بنطلون بيجي وتشيرت نيلي
ورش عطر وطلع
فيصل صوفر-يايابه هاي شلابس شو اني اللعب نفس طالع
باوعله-شبيك مو انت اكشخ مني طالع
-وين شو بنطلون اسود وقميص زيتوني وين الكشخه
-اصلا لبسك احلى
ابتسمت -رفعت معنوياتي ولك
ابتسم ومشى وبيدا سويج
لحكه فيصل يدندن،
قصي -كافي دندن دوختني
سحبت سويج منه-وين؟ راح نروح بسيارتي
ذب سويجه عل ميز وطلع وقفل البيبان
صعدوا بسياره
و شغلت اغنيه ساجده عبيده واهز رگبه
قصي-يابه عيب استحي ملازم بكد الدنيا وراح تصير نقيب مشغل ساجده وتهز وياها
شكد زحمه
ضحكت -يابه هي الحياه مره غير نعشيها بحلوها ومُرها
وذا ملازم قابل اموت نفسي
ابتسم-يابويه لو يشوفك العميد
صغرت عيوني
-بشرفك قصي لاتجيب طاري لان اضوج
ضحك-دنصي الصوت فضحتنا
-خلينا نعيش حياتنا
-ولك المنطقه تعرفنا ضباط عيب وزحمه شيكولون علينا نوب
-لتخليني اسبهم وذا ضباط قابل نموت نفسنا
شلون منطق هذا
منو كال ضابط لازم يصير معقد؟
الضابط بعمله اي لازم ملتزم
بس خارج العمل عادي نعيش ونتونس
ضحك-ليش هي وين حياتنا شو كله حروب وعايشين بنص الموت وينا وين الونسه
هزيت ايدي ضاحك
-واللهي انت جامد ودمك ثكيل
فـ ماتعيش حياتك
اني حتلو بنص الحرب اظل اغني واهز رگبه واكتل الاعداء واغيظهم بضحكتي
ضحك بصوت عالي-خرب شرفي شلون قابليه عندك اني بهيج لحظه يوكف عقلي اصلا
ابتسمت فرحان بضحكته ولان كدرت اسعده
اردفت -ظل هيج اضحك ميلوكلك الحزن قصي اريد دائما اشوفك سعيد
قصي-تدري احبك؟
غيرت صوتي لانثوي
-دنجب لك مو عيب اني اخاف عل سمعتي ترا اكول لاخواني عليك لاتكول احبك
اووويي اونت شرايود
ختمت كلامي وطكيناها ضحكه اني وقصي بصوت عالي
ورفعت صوت الاغنيه
وكلما تخلص اشغل غيرها
واني حرگت الجو اغني ويا الاغنيه
وقصي مره يطك اصبع ومره يصفك حسب لحن الاغنيه
وصلنا للمطعم
نزلنا كص ومقبلات
اكلنا وراها راحنا اكلنا مرطبات
وظلينا نفتر بشوارع
والضحكه مرسومه عل شفاهنا
نزلنا بشارع فارغ
وبيدنا عصاير
صعدنا عل سياره وكعدنا نشرب
قصي-تدري صار هواي مافرحان هلكد ؟
ابتسمت -الفضل اليه
وطبعا اللي يعيش ويمشي وياي الفرح يترس گلبه
-اول مره تحجي شي صحيح
بغرور مصطنع -دومه كلامي صح
قصي نام عل سياره وايده جوا راسه
نمت يمه-عليمن صافن
اردف -الجو حلو اليوم
-اصلا مُنعش ويجنن
افيش اشتهيت سمج
-ابو بطن مو توك اكلت المطعم كله شنو ماتشبع
-شنو ماكل حلال ابوك
بفلوسي يابه لاخلفله عليك
ضحك بصوت عالي-يابه يرخصلك كل حلال ابوي صدُك جذب غير ضلعي انت
حضنته-احبك
-دوخر شنو منقص حنان
ضحك-اي والله
-مو عدك مره شحال گلبي راح ادخن تلاثين ماعندي مره دوخر لاتهيج المشاعر خليني ناسي
ضحك - يامره حاسدني عليها كاضيتها بس مشاكل ولسان شطوله ابد ماشايف راحه وياها وبس الله يعلم
قصي -الله يساعدك يابه
سكتت ثواني واردفت
-اكلك شوكت تزوج اريد افرح بيك
لوه حلگه -فرحتك واكفه عل عرسي ؟
-لعد مليت كله حرب وداعش
وارجع للبيت نكد ميس ومشاكل
وعياط الجهال
ومشاكلك الماتخلص واشوف وجهك المعبس ومن اشوفك انقهر عاد ازوجك واخلص منك خل المره تبتلي بيك
ضحكت -بعدين ازوج مو هسى
-شنو رأيك بـ اخت رضا ؟
عكد حاجبه-منو قصدك هاي الساعدتها وشتريت بيت الها ولابوها؟
هز راسه
قصي،
لزمت شاربي افكر واذكر ملامحها ،
ضحك فيصل -هاا طلعت عاشگها وخالها بالك مدام سرحت
ابتسمت -لا يابه شسالفه اصلا ماعرفها
-اعترف قصي تحبها مو
دفعته-ولكك شنو شماكل لسانك متر
هو دافكر واذكرها اصلا ناسيها
منهد ماشفتهم اول مره من اجو للمنطقه
بعد ماشفتها
-اذا عل شوفتها سهله باجر اروحلهم اتفقد احوالهم وانت تعال وياي وشوفها
-فيصل عيب وزحمه شنو اجي وياك
-لا يابه عادي شكو بيها
طفرت من سياره للكاع
-دكوم رجعني للبيت وعوف سوالف النسوان اني وين ، الزواج وين ؟
ابتسم ونزل من سياره وصفك
-اخونا معرس الليله
ذبوا القوط ياهل القوط اخونا معرس ليله
ضحكت-والله انت تخبلت وماظل عقل براسك
-لعد هذا الزواج شسوي ، اذا شفت واحد عنده طباكات كول هذا مزوج لو مرتبط لو خاطب وحده منهن
-وتريد تزوجني وتورطني
-يجوز حظك احلى من حظي شمدريك بعد
ابتسمت وصعدت بسياره
صعد فيصل وشغل سياره وعلك الاغاني
----
في الصباح،
دانيه،
كعدت الصبح عل صوت حركه بالغرفه
التفت جان اشوف وسن متوتره وعصبيه وتدور عل شي
كلت -صباح الخير
التفت-هلا صباح النور دنو
كمت-خيرج شنو مضيعه شي؟
-يولي ماشفتي سجلي مال البحث هذا كُلش مهم ماكدر اروح للجامعه بدونه
غمضت تك عين اتذكر
ثواني وكلت-اعتقد بالكنتور جوا الملف الاحمر
ركضت وسن للكنتور فتحته
ولكت السجل
ابتسمت وطفرت بصفي باستني
وسن -شكررا مره اخوي الغاليه
ابتسمت وخجلت من كلامها،
اردفت -اني حروح الخط منتظرني
-الله وياج حبي
طلعت وسن من الغرفه،
كمت من فراشي
لميت شعري
ورحت للحمام الداخلي بالغرفه
غسلت وبدلت
لبست تراك لون رصاصي مخطط باسود وسويت شعري ظفيره
خليت شال عل راسي
وطلعت صبحت عل ام حازم
جان البيت هدوء الكل بالدوام
كعدنا نتريك وثنينا ساكتين
شويه وطلع حازم من غرفته لابس بس شورت
التفت شفته بهيج منظر كبل دنگت،
صاحت امه -يا حازم اللبس ولك شلون هيج تلبس
اجا مبتسم وكعد يمهم-وذا يمه قابل شكو
خزرته-ولك البنيه هنا عيب يمه تستر شجاك
ضحك-شسالفه يمه غير راح تصير مرتي هي بعد عليمن استر روحي
حجاها واني متت من الخجل وخدودي احسهن صارن حمر
عضيت شفتي احاول ابعد الخجل
كمت للطرمه كعدت عل كرسي مستحيه ومتوتره بعد شلون اباوع بوجهه امه؟
عزاا شلون وهذا حازم يمشي ويصيح مرتي
اباوعلهم من بعيد جان صوتهم عالي
حازم ضحك-استحت خطيه
ضربته امه بفخذه
-ولك شنو بعت المستحه شتكول عليك البنيه
-غير اعلمها عليه حتى لاتنصدم بعدين
ضحكت-دكوم اللبس وغسل وتعال تريك
كام راح غسل وجهه وراح لغرفته بد
لبس برموده لون اخضر بيه نقش بسيط لون اسود
ولبس تشيرت لون اسود
طلع من غرفته شاف دانيه واكفه تغسل مواعين
التفت امه مموجوده
ابتسم واقترب من دانيه
همس يم اذنها-احبج
نزيت-عزاا خوفتني
-مجان قصدي
خزرته -خبل انت
ضحك وحك شعره -اي من زمان
ابتسمت وغسلت اديه ونشفتهن
اردفت -كمل الجاي، اصبلك ريوك؟
هز راسه وكعد عل طاوله،
جابتله الجاي والريوك رتبته عل سفره،
حازم -تعاي كعدي اكلي
-لا اكلت ويا خاله
-دكعدي ياعيني غير لمن اكل اشوف وجهه حلو واحبه حتى تنفتح نفسي للاكل
ابتسمت وكعدت كباله
اردف-يلا ابدي اكلي
-ما اشتهي
سوالي لفات صغار وكعد يوكلني
واني اكول ماشتهي انت اكل
وهو منطش ويكول اكلي
حتى تصير بيج لحمه شلون ازوجج ممصوصه
واني اضحك عل كلامه،
-----
فيصل،
تسوگت مسواك كامل وتجهت لبيت ابو رضا
وقصي وياي يزفر معاجبه يجي بس اني جبرته وخليته يكشخ احلى كشخه
فتحت الباب اخت رضا
دخلوا للصاله وسلموا عل ابو رضا،
ضيفتهم نرجس (اخت رضا)عصير وكيك
وكعدوا يسولفون ويا ابو رضا
ونرجس طلعت من صاله،
ورا شويا دخلت نرجس
اردفت-من رخصتكم لازم ابويه ينام وياخذ دوا
فيصل-اي اكيد براحتكم
كام قصي وفيصل وطلعوا من البيت
قصي نتر-شفت دكيت سوالف وماسكتت الا البنيه طردتنا كون ارتاحيت
حسيت بفشله بس طنشت
-يابه عادي نكبر وننساها
خزرني وسكت،
كلت ضاحك-بشرفك شفتها شحلاها؟
صغر عيونه -اكلك ليش ماتاخذها انت مو احسن شو انت منعجب بيها هواي
مسحت عل شواربي -اي والله هم صح خوش فكره
باستغراب -ومرتك؟!
-دسكت لاتعكر مزاجي بيها
برود -اني ماعجبتني البنيه وماحبيتها وماريدها هم
خزرته ونترت -ليش بله ؟
لوه حلگه -لان بيضه زياده وماحب البيض
هزيت ايدي-انت تحب الملح مثل خواتك
خزرته - دنجب انت الاملح
-اسفين يابه بس ترى البنيه حلوه
وطلع اسمها نرجس وعمرها 20 مقاربه لعمرك و مناسبين لبعض ،شتكول اخطبها الك ؟
-دسكت هسى اني بحال زواج؟
متشوفني محتار بدُنيا و ادور عل دانيه
-اهووو وكم دوب تبقى هيج شوكت تفكر بروحك
-خل اجمع اخواتي واطمن عليهن وعود ازوج
-هاي سالفه ميته شبيك دزوج لتظل هيج
-فيصل سد حلكك ترا طالعه روحي
رن موبايله،
قصي-هاا عبد...تمام...اي خوش ...
اكلك اريد تروح للمستشفى( )وتطمن عل المريضه دُنيا حيدر،
اي عفيه،،اني بطريق جاي،،تمام،،هلا،،
سد الخط
فيصل-ليش وديت عبد لدُنيا
-لان اني عندي شغل بالمركز اكمله واروح للمستشفى بس اريد عبد يوصلي اخبارها
-جان اتصلت بالدكتوره
-من شوكت اني اثق بكلام احد، بس عبد لان اعرفه ودارسه زين فـ اثق بي
-تمام لعد توكل لشغلك واني هم الامر طالبني والله يستر منه حسيته عنده مصيبه
توجهه قصي للمركز وفيصل ويا لان هم يداومون نفس المركز
قصي كمل شغله وتوجهه للمستشفى،
عبد وصل للمستشفى وسأل الدكتوره عن حاله دُنيا وكالت انو جسمها بدا يستجيب للعلاج
طب للغرفه شافها وظل فاتح حلكه
جسم مخصر ومرتب
وشفايف مملؤه
الوجهه دائري
وخدود ذبلانه لكن حلوه
وعيون مسحوبه عبالك بزون
حواجب طبيعيه لكن رسمتهن جذابه
وكف يمها يتأمل وجهه
فجأه فز عل صوت الباب
التفت شاف قصي جمد بدمه
عكد حاجبه-شنو شفت شبح شبيك مرعوب
القا التحيه-احترامي سيدي
قصي -شلون صحتها
-بدت تستجيب للعلاج وحالتها افضل
ابتسم -الله يبشرك بالخير مثلما بشرتني
ظل عبد يباوع لدُنيا،
قصي كعد يمها ولزم ايدها
وغطا شعرها
عبد-احم سيدي عفوا عل تدخل
رد -تفضل
-المريضه اختك؟
هز راسه بهدوء ،
ابتسم عبد-اترخص سيدي اخذ راحتك انتظرك بالممر
هز راسه -تمام
طلع عبد وباله يم دُنيا
وملامحها ماراحت عن باله،
قصي
بقيت اسولف ويا دُنيا شصار وياي وشنو داحس
ماخليت شي ماكلته احسها تسمعني
اخر شي تعبت من الحجي
كمت طلعت من الغرفه شفت عبد يتصفح بموبايله
انتبهلي وكام خلا الموبايل بجيبه،
قصي-خلينا نروح
مشى قصي وعبد ويا وتوجهوه للمركز،
طب قصي للمركز
وشاف فيصل صافن راح يمه
-خيرك؟
-ماكو شي بس راح اللتحق الليله
بهت وجهه-شنو وين رايح ؟
-للموصل
انصدمت -تشاقه!!!
شنو الامر بكيفه يدزك هناك
انت شغلك بالانبار
-وشنو الفرق بكل المحافظات داعش
-بس هناك اخطر
طبطب عل كتفي وابتسم-العار مايموت
ابتسمت عل كلمته رغم خوفي عليه،
اردفت -هنا كلامك صح
ضحك-رايح عندي شغل
-تمام حبيبي
راح فيصل لمكتبه وقصي كذلك،
صار العصر،
وسن تكلب بالتلفزيون وتزفر بضيق
دانيه بيدها جبس وتاكل
وسن-دانيه والله ضوجه
-اي طكت روحي اني من البيت
-شنو رأيج ترحين تكولين لحازم يطلعنا ونغير جو
-لا عيب انتِ كوليله اني استحي اطلب
-شنو عيب غير انتِ مرته
وبعدين هو يموت عليج مايرفضلج طلب حبابه دانيه كومي كليله
ستحيت -لج عيب شكُله زحمه ترى
-دكومي ياعيني بس لاتكولين للبنات حتى نطلع اني وياج وحازم فقط
هزيت راسي
وكمت متوتره ومستحيه
شلون افاتح حازم واطلب منه هشكل ؟
جريت نفس ودكيت باب غرفته
صاح تفضل،
طبيت للغرفه
شفتته نايم عل وجهه
شافني وكام مبتسم-هلا بالغاليه ،هلا بالحوريه مال اني
هلا بنبض حازم
ابتسمت ودنكت راسي -شلونك
-بخير من شفتج
احتاريت شحجي
همست -يجوز تريد تنام خل اروح
سحبني من ايدي -دسكتي ماريد انام اليشوف الحوريه هم ينام؟
عضيت شفتي مدنكه راسي ماعرف شتصرف وشسوي من يتغزل بيه
بتردد نطقت -احم عندي طلب
-عيوني الج
-اني و وسن ضايجين طلعنا نغير حو
-ها وسن وزتج مو
ضحكت-اي بس ترى انيهم ضايجه فـ خلينا نتونس
وهم اريد ملابس لان محتاجه بلا زحمه عليك طبعا
خزرني -غير زوجج المستقبلي اني شنو زحمه
لا ارديا نطقت-فديتك اني
ابتسم - اني فديتج، وين تردون تطلعون
-اي مكان بكيفك
-لعد روحوا جهزوا روحكم وهسى اجيكم
ابتسمت
ورحت خبرت وسن وبدينا نجهز نفسنا
وسن لبست تنوره لون كريمي وقميص مشمشي بي ورد لون اسود
وشال اسود
واني لبست فستان لون وردي بي نقش لون اسود
وشال لون وردي فاتح
طلعنا بالطرمه منتظرين حازم
اجا حازم مبتسم
باوعلنا -شهل جمال يابه طبن للبيت ماكو طلعه اخاف عليجن لا يشوفجن واحد نوب ينعجب بيجن
ضحكت وسن-دمشي عيني امشي ماكو رجعه الطلعه ماتنلغي لو اموت
ضحك حازم -لسانج طولان يابه
-تعال كصه .. وطلعت لسانها
كرصها بخدها-لوتيه مو بييدج
باوعتلهم وتذكرت شقاي ويا قصي وسوالفي جنت اشبهه وسن ويا حازم
تنهدت بحسره
ومشيت بهدوء
صعدت بسياره
باوعلها حازم واشر لـ وسن تصعد بسياره
حازم -عيني ست دانيه تعاي كعدي بسدر
دانيه -لا حازم ما
قاطعني -بلا صوت يلاا تعاي هنا
وسن-يااا حازم اني اريد بسدر
خزرها ،
وسن زفرت بضيق-اففف تعرفني احب اكعد بسدر
حازم -وسن سكتي ،
نزلت من مكاني جنت كاعده ليوره
وصعدت بسدر
وسن مابطلت كلام طول الطريق
تضحك وتشاقه
وحازم ميت ضحك عليها
سوالفهم حلوه
بس بسوالفهم رجعوني لذكريات جنت احاول اتناساها
تذكرت قصي
وتذكرت من يصيحلي ام شبر ونص
تذكرت من يرجع من شغل محمل اشكال النا
تمنيت يرجع الزمن واشبع من اخوي
بقيت الطريق كُله ساكته ومتجيه عل شباك واباوع للشارع والافكار محتله عقلي ،
يتبع "
الحكايه لم تنتهي .....
تصويت + متابعه للحساب