سليل : احمم عمري 17 صف خامس علمي الشي الي يميزني شعري لونه برتقالي مايل ع احمر بابا يكول الي امج هيج چان شعرها انا انطوائيه ما عندي صديقه ما احب اكون صداقات عندي اختي تعوضني عن صداقات العالم كله وماما متوفيه وانا ما محجبه
نبأ: هلو انا اخت سليل عمري 16 انا وسليل علاقتنا كلش قويه وهي عوضتني عن امي صحيح اكو فراغ بداخلي كلش جبير لانو امي من چانت تولد بيه وماتت بس كبرنا انا وسليل سويه وتعلمنا ع كل شي سويه وبابا ما منقصنه اي شي كلش يحبنه وانا ما محجبه
محمد : انا اخو سليل ونبأ عمري 24 اشتغل وي مجموعه ناس معينه بس شغل مو قانوني مو هواي اطب للبيت بس علاقتي وي الوالد مو زينه
ابو سليل : اسمي علي عمري 55 سنه من ورة وفاة ام سليل صرت لأولادي ام وابو شنو يحتاجون اجيب الهم وما مخليهم بنقص شي بس ابني محمد ما يعجبني يدخل للبيت بوقت متأخر ويعلي صوته علي وكلت راح يجيبلي مصيبه وراة وصدك جابها
________________
سليل : دگ المنبه ساعه 7:00 رحت للتواليت فرشت اسناني وغسلت وجهي ورحت لنبأ كعدتها ورحت بدلت ملابسي مال مدرسه نزلنا انا ونبأ جان بابا كاعد ع ميز الطعام ينتضرنه
ابو سليل: هلا ببنياتي الجميلات تعالو تعالو ابوسكم
سليل: رحنا يمه باسنه وضل يسولف ويانه واحنا نتريك خلصنه واجت ميري الي تشتغل عدنا تشيل الصحون ساعدناها شلنه وياها كم صحن ولبسنه حذائاتنه وبابا صاحلنه انطانه مصرف وطلعنا للسايق
نبأ: اكلج سليل
سليل: هممم
نبأ: اليوم راح يوزعون أوراق العربي وخايفه
سليل : اهو بدت تتعاير ترا ندري بيج درجه كاملهه
نبأ: لا والله اخاف شون
سليل : لا تخافين حبيبي نبنب ناجحه توكلي ع الله
نبأ: ان شاء الله
سليل: وصلنه للمدرسه وخلص الدوام ورجعنا للبيت ونبأ جايبه درجه كامله رحنه بدلنه ونزلنه نتغدة انا وبابا ونبأ كالعادة محمد ما يجي اصلا وجوده وعدمه نفس الشي صعدنه نمنه وكعدت ساعه 6:00 رحت كعدت نبأ علمود ندرس
نبأ: درست وكملت مليت رحت لسليل كتلها خلي نسوي حلويات
سليل: انا اسوي كيكه أوريو؟
نبأ: انا اسوي حلاوة بسكت
سليل: بيرفكتت بسس نحتاج بسكت لوتس ؟
نبأ: عندي عندي نزلنه وبديت احضر الشغلات
بسكت سادة حطيت باكيتين و حليب كيديدي او العادي وشكر وقشطه ونخلطهم بالخلاط وضيف فوكاه ع الوجه بسكت لوتس مطحون تجنن
سليل: خلصتت
نبأ: انهمم
سليل: نروح نصيح بابا وناكل
نبأ: تمام حت اشغل فلم
سليل: تمام رحت لبابا جان بالمكتب دكيت الباب
ابو سليل: ادخل
سليل: دخلت كتله هلو بابا
ابو سليل : هلا حبيبتي محتاجه شي ؟
سليل: بابا سوينه حلويات انا ونبأ وراح نباوع فلم تعال ويانا
ابو سليل: يلا روحي وانا جايج بس الم الكتب
سليل: تمام بابا رحت لكيت محضره الفلم كتلها
يا فلم ؟
نبأ: جريمه اسمه The call
سليل: جيد اجه بابا وكعدنه نباوع وناكل وهو يمدح بالاكل ويشاقينه كلساع شوي ودخل محمد يركض وبيدة جنطه
محمد : جنت بالشغل طبعاً انا اشتغل وي مجموعه تهريب سلاح وهاي الشغلات يعني ممنوعات استلمنه فلوس ورحنا نوديهم لرئيس الشغل والفلوس كلش هواي بگت الي جنطه وطلعت من الشغل بسرعه رجعت للبيت صعدت لغرفتي اخذتلي ملابس وشغلاتي وجنطه الفلوس ونزلت كتلهم
انا راح اسافر
ابو سليل: احترم نفسك انا ساكتلك هواي شنو تجيلي فجأ والله راح اسافر مو بكيفك
محمد : دوخر بويه رايح سفرة وي اصدقائي ما أطول سبوع هيج وارجع
ابو سليل: ماكو روحه
محمد: لا اكوو خوش انا جبيرر مو انتت تتحكم بيه دفعته وطلعت صعدت سيارتي وحركت
سليل: كل هذه النقاش واحنه صافنين ما نعرف شنو نتصرف هذا هو محمد هيج اسلوبه لا يحترم ولا شي شفت ابوي دنگ راسه رحناله انا ونبأ
نبأ: حبيبي بابا لا تضوج يولي ما تعرف محمد شون هيج من يوم يومه ما يحترم
سليل: اخذنه بابا وكعدناه ع القنفه
ابو سليل: اتنهد وبديت احجي
من يوم توفت امكم وانا تحملت 3 مسؤوليات ما يوم فرقت بينكم وكلت عندي بس أبن واحد محمد هم يعاوني وانا والله ولا فد يوم فكرت أميز واحد عن الباقين بس محمد كسر ضهري ما يحترم ولا يهما شي وانا متأكد هاي السفرة وراها سالفه جبيره وراح تكسرني
سليل: بابا احنه نسندك
نبأ: يولي محمد ما نحتاجه هو اصلا وجوده وعدمه نفس الشي
ابو سليل: حضنتهم الله يحفضكم الي يا رب لا تفجعني بوحده منهم يلا بابا تأخر الوقت باجر وراكم دوام روحو نامو
سليل: رحت صعدت لغرفتي ونبأ راحت لغرفتها نمنه وكعدت ع صوت المنبه كعدت نبأ وبدلنه ونزلنه تريگنه وي بابا ورحنا للدوام وخلص الدوام وصارت الحله نريد نطلع صاحتلي ست غفران المعاونه كلت لنبأ صعدي بالسياره وانا هسه اجيج حاجتني ع كم شغله وطلعت جانت الساحه فارغه وبرة ماكو سيارتنه وكفت ع صفه ادور عليهم بس ما حسيت غير كلينكس مدري وصله بيضه تخلت ع خشمي ضليت ارافس اريد يعوفني وبعد ما حسيت ع شي
____________
نبأ: صعدت بالسيارة ضليت انتضر سليل شوي تأخر انوب اجت سيارة عارضت طريقنه ف غيرنا مكان سيارتنا كلش تأخر ماكو نزلنه انا والسائق رحنه سألنه الحارس يكول كل الطالبات طلعو اتخبلت شنو طلعو رحت للمديره جانت توها تريد تطلع سألتها ع سليل تگلي
المديره: حبيبتي ماما كل الطالبات طلعو
نبأ: اتخبل مدري شصار بيه ضليت ابجي واصرخ اريدد سليل المديره خابرت بابا شوي واجه وحالته مو احسن من حالتي
ابو سليل: نبأ خلي السايق يرجعج للبيت وانا رايح لمركز الشرطه اشتكي
نبأ : ماا مااا ما اروحححح الا ترجعع سليللل
ابو سليل: بابا ترجع والله ترجع لا تخوفيني عليج منا اختج ماكو خلي اشوف شغلي
نبأ: من بعد ما شفت الرد ماله كلش مخبوص وما اكدر احاجي بعد استسلمت ورجعت للبيت كبل غسلت وكعدت اصلي وادعي كون ترجع سليل ما اكدر اعيش بدونها
________
سليل: بديت اصحى شوي شوي فتحت عيوني لكيت روحي بغرفه بس اوكفو هاي الغرفه مو غرفتي !
بديت اذكر وتذكرت واستوعبت انو انا هسه مخطوفه ! ضليت اصرخ
لاااااا طلعونييي اريدد بابااا اريددد نبأ كمت وضليت ادگ بالباب حاولت افتحه بس ماكو ما ينفتح ضليت ادك واصرخ ما حسيت غير انفتح الباب وانشمرت بعيد عدلت روحي ورفعت راسي شفت واحد طويل وضعيف گلي
مجهول : شتردين !
سليل: طلعونييي اريدد بابا برطمت وضليت ابجي
مجهول : ههههه ضحكتيني صراحه يعني احنا خطفناج انوب تردينه نطلعج ؟
سليل: ياا حقيررر يااا كلببب شتردوننن منييييي شسويتلكمممممم طلعونييييييي
مجهول: اكلي خراا لج لا تصيحين بعدينن يجي
" الذيب " وهو يكلج ليش خطفناج
سليل: عافني وطلع بقيت وحدي والضوه خفيف ضليت ابجي منو هذا الذيب من أسمى مبين يخوف وما عنده رحمه هسه اناا اريد بابا اريد نباا ليش يا ربيي ليش شمسويه حت هيج يصير بيهه هسه بابا ونبأ شنو وضعهم ضليت ع هذا وضعي بقيت صافنه بالفراغ شوي وانفتح الباب نفس هذاك الي اجالي مساع جايبلي صينيه بيها اكل عافها بالكاع وطلع طبعا ولا مديت ايدي عليها الحقراء خاطفيني ويردوني اكل من اكلهم انوب محتاجه تواليت لازم اروح كمت بالكوه كمت احس جسمي يرجف بس متريگه وما ادري هسه بيش الساعه ماكو لا ساعه ولا شباك المهم وصلت يم الباب دگيته شوي وانفتح نفس هذا الحقيرر كتله
اريد اروح للتواليت
مجهول: اوكفي اخابر الذيب
ألوو.. استاذ تريد تروح للتواليت ... تمام
يلا امشي
سليل: طلعت من الغرفه جان اكو كدامنه صاله وع اليسره المطبخ واكو بابين المهم وداني للتواليت دخلت رحت للتواليت وطلعت ردت اشوف اذا اكو شي يساعدني انو اشرد بس ماكو دگ الباب كلي يلاا فتحت الباب ورجعني لنفس الغرفه كلالي
مجهول : اكلي اكلي ما الا داعي هاي الشغلات
سليل: انجبب يا حقير محدد طالب رأيك
مجهول: تقدمت عليها وضربتها راشد طاحت بالكاع كتله
كلجج خلگ قندرة لا تغلطين وطلعت
سليل: الحقير القندرة انتتت يااا كلببب لكك لو رجاللل ماا تضرب مرة سندت روحي ورحت كعدت ع الجربايه حلگي نزف دم من الراشدي مالته رحت حطيت راسي ع المخدة وما حسيت بشي بعد نمت