شفاه مخملية

10

# شفاه مخملية

البارت العاشر

"رهف"
وصلت لباب المطبخ واذا اسمعلكم الهلاهل والهوسات ليوين واصله، گلبي وگع ببطني من الخوف بَـس لا لبالي صح!!

-سلمى(ام فيصل): الللفففف الصلااااة والسلاااام عليك يا رسوووول الله محمدددددد كللووووووووششششش.. هااي الرادهه وهاي التمناهه بنت الشيخ لابن الشيخ جبناهه كللووووووووششششش

ظليت صافنه وانه اشوفن عمة سلمى تردح وتهلهل، گابلتهه بيبي انتصار وحبوبه عطيه وعمة دلال

-دلال: كللللوووش فصولي يا چكليته حامض حلوو بباكيتته، بكوري لا تحچي حچي خلي المخده وانتچي

-حجية عطيه(رفعت عوچيتهه وتهوس): وها وها وهاا وهااا مساء الخير يهل البيت جينه نريد چنتنه

-سلمى: كلووووووششش فصووولي طفيي اللالة ترا عيوون چتااالة

تسوي حميصه بإيدهه وتغور عمة فتوح ونرجس، هذني شبيهن اجتني شهد (توأم جواهر) مكيفه وفرحانه

-شهد: رهووفة تعااي فاتتچ الهوسات والهلاهل

-رهف: لييييش شكوو ابوي خططب؟؟؟

-شهد: هههههه لچ لاا بَـس حددوا موعد عرس فيصل وبكر حَ يصير نهاية الشهر يوم 29

-رهف(زفرت بأرتياح يمممة شگد خفت عبالي ابوي حچة لحبوبه عطيه وحَ تخطبله اليحبهه

من فرحتي رحت اصفگ واضحك وياهن، اخيييراً غزل عتقت غرفتهه وطلعت منهه هم شوي گامت تضحك وتهوس وياهن.. وفيصل بيناتهن يردح يمووت من الضحك، اما بكرر وجهه ما يگصه الطبر والطنگورة واصله للستار

-دلال: الله يهنيكم يبعد عمتكمم

-فيصل: ولچ عمممه فرحاااان انه فرحااااان اله ارگص رگص واكسر الكاشييية الله وياچ اياام العزوبية

-دلال: هههههه خطاية (خطية) شوف شلون فرحان بعد رويحتي

-فيصل: عمه مصدگ انه جورية تنام بحظني احووووي يا ريحة هليي

-دلال: ههههههه ولك بسك جهال اكو هنااا هههه

-شهد: يله بنات گابلني

-غزل: ههههههه ولچ شجاي تسوين

-شهد: ولچن شبيچن دعلمني شلون تردحون اريد اتعلمممم

-حلا: هههههههه خية استچني لا تفضحينه

-شهد: انننن مو شكول واحد يضحك وياچن

-رهف: ههههه لا شهودة تعاي انه اعلمچ، وشلونه ردح العماررة هيچ وهيچ

وبقينه نردح شگددد والبنات فاطسات ضحك علينه، علمت شهد شلون نردح بالعبى وبدت تهوس وهيه تموت من الضحك تگمز وشعرهه مفلول يگمز وياهه، جواهر گاعده ماشاركت ويانه بَـس مبتسمه ومن گامت تصفگ انتبهت لـ بكر خزرهه خزره يبوووي گمت اتراجف، ماعرف شبيهم ذوله وشنو سالفتهم

انقهرت ؏ عمه سلمى كل شويه لازمة فيصل وتمطگ بي وتدعيله، انوب اندارت ؏ غزل تدعيلهه، رفعت ايدهه فوگ وگالت بحرگة گلب

-سلمى: ويييين الله واشوف جهالچ امي واشوفچ فرحانه ومرتاحة ويه زوجج حبيبتي

-غزاله بأستهزاء: اي بالمشمش

-سلمى(ضربتهه بخفة): اتفائلي ولچ تفاائلي

-غزل: خووش

بطلنه هوسات من سمعنه اذان المغرب، والولد راحوا للديوانية، اجتنه عمه فتوح گالبه وجهها كالعادة

-فتوح: بسچن يمغموگاات شنييي ما مصدگاات اول وليد يعرس عدنه

-غزل: عمه مو فرحانين لان ثنينهم حَ يعرسون نفس اليوم

-فتوح: چا شني ماخذين اميررات خوب موش اميرات!! هوه كله بچر (بكر) ماخذ وحده چلحة ملحة وععع تلعب الروح شلون يتحملهه مادري

-غزل: عمممه شماااالچ ترا هجران تخبلل هوه بَـس گلبهه كافي ابيض ونظيف

-جواهر تأيدهه: ايي واني اشهد!! بنيه مؤدبه وفقيرة واذا چان شكلهه ؏ گدهه المهم گلبهه طيب واكيد رح تسعد وتريح بكر

-نرجس(بت فتوح): يمممممة مننننچن وحده تصدد ووحدة ترددد وييين الله وعساهه بيوم العرس و....

-غزل(عطت بيهه): بسسسسچ ولج شمااالچ تدعين ؏ البت فوگما تفرحيلهه

-فتوح: مااا نفرحلهن بنات السوووسه صباح خطافة الزلممم وبناتهه عليهه طالعاات!! لو هااا شتگولين جواااهر

-غزل( عمه فتوح تباوع لـ جواهر ورافعه تك حاجب بمكر، اما جواهر گلبت وجهها وگامت راحت للغرفه، رحت توضيت وصليت ودعيت من كل گلبي السعادة لهجران وجوري لان يستاهلن خوش بنيات ومؤدبات

طلعت من الغرفه گلت اسير ؏ رهف اشوف شمالهه هاي انهدت ؏ ابوهه اليوم مثل المصروعة، دخلت لغرفة عميد ادورهه بَـس ماكو مالهه وجود، انوبينه رحت للحديقه همات ماكو، اكيد هاي گاعده بالهول..

وفعلاً رحت لگيتهه حاطه مخده بحظنهه وگالبه وجهها

-غزل: رهف وينچ ادور عليچ؟؟

-رهف: شتردين؟

-شمالچ گوة تحاچيني؟

-رهف: غزززل روحي عني

-ولللچ شني هالاسلوب شو صايره تتجاسرين انتي!!

-اييي لان متستحوون كلكممم متستحووون وماعدكم خجل!!!

-غزل: هلووو شني هاي انتي من كل عگلچ تحچين؟

-رهف: غزززل بسچ لا تسوين روحچ فقيره وغشيمه ترا سمعت حچيچ ويه ابوي وادري بيچ عاشگته!!!

-غزل(زفرت بتعب، اووف انه بيا حال وهاي تتنعوص ؏ راسي): رهف خليني افهمچ

-ماااريد تفهمونييي كلشي واااضح وضوح الشمسسس انتي تخونين عمو مرتضى ويه ابوي!!

-يااااء ولچ لااااء شني هالحچي چا انتي شون تگولين سمعتينه وهذا حچيچ

-اييي سمعتكم!! وانتي تخونين عمو مرتضى لان تفكرين بأبوي حرااام غزززل حراااام

-غزل(تجمعت الدموع بعيوني): رهف مو بيدي

-اففففف ياربيييي

-رهف اسمعيني انه احب عميد وماعرف شلون انسى ساعديني فدووه شأسوي؟؟

-اوووه شحبيتي منننه ماتگوليييلي!!!

-كلشي حبيته اسلوبه، كلامه، منطقه، تفكيره، اخلاقه، شكله، جمـ...

-رهف(قاطعتهه): عووووع عوووع ترا هذا ابوووي شلووون تحچين عليه هيج وگدااامي

-اهوووو انسي هسة هوه ابوچ تخيلي رجال غريب

-ماگدر

-خرب بعشيرتچ شمااالچ جاريني شوي

-اييي تلعنين بعشيرتنه خلي بكر يسمعچ لوما يفرك حلگچ

-دروحي اصلاً انه سامعته هوه وعميد يلعنون بيهه

-ايي همه كباار بَـس حنه عييب

-اييي ما گلتي عيب من مديتي لسااانچ مترتين ؏ ابيچ وخليتي يطلع زعلان ولسه مارد

-ما عليچ انه وابوي بكيفنه

-غزل: هسة عوفچ تعااي گابليني وگوليلي منهي هاي العاشگهه؟؟

-رهف: لچ اااخخخ اخخخ لو اللگفهه وعلي اگطعهه بأسناني وحده زباله حطت عينهه ؏ ابوي

-ومنهو يگول هيه تحبه؟

-وليش ماتحبه خية اذا ابووي مرتب وحباب وحلوو هوه بَـس عطره يعططط عططط يوصل لسابع جاار!! انه اگلچ هسة يطلع عاشگهه وعاشگته وهاي اذا مو بيناتهم علاقة ويسولفون ويه بعض هماات

-غزل: لا لا ماتوقع لان هوه گال ماگدر اتزوجهه

-رهف: اي ادري ليش مايتزوجهه

-ليش؟

-لخاطري حتى مازعل

-غزل: شو انچبييي مصدگة روحهه

-والله شمالچ ابوي هواي يهدونله بنات ومايقبل يتزوج لخاطري

-انتي صگد تحچيين؟؟ وشمعرفچ؟؟

-ولچ والله زيد گالي

-وشوكت گالچ؟

-هااااا

-وجعااااا رهففف ابوووچ مو ناهيچ تحچين ويه زيددد

-ايي مادري شماله ترا زيد حباب وفقير ومن اهل الله

-ايييي بَـس ابوچ ما يرضى فَـہ استچني بمكانچ لا تحصليلچ كتله مرتبه منه

-هه ابوي مايكتلتي

-غزل: هوه اله تخلي يكتلچ

ظليت اسولف ويه رهف وصافنات نفكر يا تُرى منهي هاي الفارة عگل عميد الدين وهيچ مسودنته؟؟ وبين ما حنه نفكر اجتنه جواهر گالبه وجهها

-جواهر: هاا بنوتات شدتسون؟

-رهف: هيچ گاعدات نسولف

-غزل: جواهر شمالچ ضايجة؟

-جواهر: هاااا لا ولشي، اءء رهوفة ابوچ وين؟

-رهف: لسه مارد

-جواهر: ليش؟

-غزل بقهر: اكيد زعل من عدنه لان تجاسرنه عليه

-جواهر(تخوصرت): اييي عييينييي شنو هالصياح والعياط شصاير؟؟؟

-رهف: هاااا اءء ولا شي

-جواهر: كذااابة ادري صاير شي وسمعت عميد گلچ اذا حچيتي لأحد يعاقبچ

-رهف: ايي چا تردينه يعاقبني

-جواهر: رهووفه فدووه گوليلي حبااابه حمووت اريد اعرف

-رهف: مااا مااا ماحجي حتى ابوي يعاركني

-جواهر: رهف احنه مو صديقااات

-غزل: جواهر عميد مايرضى نحچي خاف يزاعلنه فوگ زعله هسة

-جواهر: افففف افففففف

-رهف: شماالچ تأفأفين

-جواهر: من وراچن اهمات رااس مخليات الرجال طالع زعلان ولسه مارجع شووفن ساعه بييش

-غزل: اوووف جواهر سكتي لا تزيديهه علينه حبابه

-جواهر: وانتي الثانيه رهيفان شنو هاي لساانچ شطوله ؏ ابوووچ

-رهف: جواهر طگنييي ابوي طگني تخيلي

-جواهر: حللل بيچ تستاهلين لا والله تردين تمدين لسانچ عشر مترات عليه ويجي ياخذچ بالاحظان

-رهف: اهووو انوب انتي عليّ

-جواهر(گعدت بصفهه ؏ القنفه): رهوفة ابوچ يحبچ وميريد يزعلچ

-رهف: ادرري والله ادررري يحبني ادرري

-جواهر: لعد ليش حاچيتي بهالقسوة وتأذي؟ فوگما يحبچ ويحترمچ وكله اغاتي وعيني وتاج راسي وباباتي

-رهف: لان گال شي كدرني (ضوجني)

-جواهر: شگال؟

-رهف: ماگدر احچي

-جواهر(ضيقت عيوني): امممم يعني تردين تقنعيني ماحچيتي لـ زيد

-رهف: عاااا شمدريچ

-جواهر: اعرف كلللشي اني

-غزل: جواهر انتي ليش تردين تعرفين؟

-جواهر: لان انقهر من اشوف عميد متأذي خطيه ميستاهل خوش رجال

-غزل(دمعت عيوني): اي بعلي ما يستاهل

-جواهر: افف خليني اگوم اله تبچني هسسة (گمت عنهن ورحت اگعد بالمطبخ، چانن فتوح ونرجس وعمه دلال واگفات يسون عشه

-فتوح: تعااي يمسعده عاونينه بالعشه

-جواهر: مابيه عندي دراسه

-دلال: فتوح عوفي البت حنه نسوي خطايه خليهه تدرس

(زازا: شگد احب من عمة دلال تگول خطاية🥺💕)

-نرجس: خاالة چذااابة انه ادري بيهه بَـس تريد تتملص من العشه ويينه وينه كتابچ ماشوفنه بأيدچ لازمه النقال وتطگطگين بي

-جواهر: هففففف نرجسسس شعليييچ دا انتظر عميد يرجع حتى يدرسني

-فتوح: يمممما منننچ تنتظري يرد حتى يدرسچ

-جواهر: ايي طبعاً لعد شنو قابل

-نرجس: اويليي منچ انتي واخيتچ سوساات بلا

-دلال: بسچن شمالچن كليتن البت بگشورهه روحي عمه جوهرة روحي درسي جوة بعد روحي

-جواهر: فدوه لگلبچ عمه اي رايحة

*م الكاتبه: (*ملاحظه: دلال وفتوح مو عمات جواهر بَـس هيه تصيحلهن عمه لان يصيرن عمات غزل وفيصل)

-جواهر(رحت للغرفه چانت شهد تدرس، شويه وصاحولنه ؏ العشه بَـس ماگدر آكُل نفسي مسدوده احس بضوجة وضيق مو طبيعي بصدري اووف مادري شبيه، اتصلت بأختي فردوس وسولفت ويه جهالهه شويه حسيت روحي احسن

مشه الوقت واني اراجع علمود امتحان باچر، تمددت ؏ سريري بلكي اگدر انام بَـس ماكو ميجيني نوم

أيست وطلعت بره بالحديقه ؏ الاقل اشتم شويه هوا نظيف گعدت ؏ المرجوحة الي عميد مسويهه لرهف وغزل، ابتسمت من تذكرته اووف هالرجال شگد مدللهن وهنه چنهن شواذي ينططن ؏ راسه هههههه

باوعت ؏ ساعة موبايلي چانت بالـ 12:40 افف الوقت تأخر، گمت گعدت ؏ الثيله واللعب بالبزازين.. عيوني كل شويه تصير ؏ باب الحوش ويينه وليش لسه مارجع تأخر الوقت، ظل بالي اخاف صارله شي؟؟ اوووف منه عنودي ومياخذ حچاية!!

رحت ؏ باب الحوش فتحتهه شويه ومديت راسي اباوع، بَـس اجه صوت من وره نززني

-ليش ماده بوزچ من الباب؟

درت وجهي واذا اشوفه بوجهي، ابتسمت من باوعت بعيونه المطفيه، برمت شعري بأصبعي مثل عادتي من استحي، گلت بدلال

-چنت انتظرك

-بأستغراب: شنهوو؟؟

-جواهر(عدلت الحچاية فوراً): اءء اقصد عندي امتحان باچر وعندي كم موضوع مافهمته ودا انتظرك ترجع وتفهمني

-اي وانه شكو

-يعني ياريت لو تدرسني

-وشفهمني انه بالصيدله

-لا لا باچر عندي امتحان بايو انته مو خريج علوم بايو (علوم احياء) لو اني غلطانه؟

-لا ماغلطانه

-ايي لعد درسني حباااب

-اعتذر ماگدر

تعداني وراح ؏ الباب فتحهه وراد يطلع، ماتحملت سحبته من دشداشته من وره، دار وجهه متعجب من تصرفي واني انگلبت طماطة من الفشله

-جواهر: اسفه بَـس حباب والله الامتحان صعب وحايره بي

زفر بقوه وفرك وجهه، ذب الجگارة الچانت بيده وورث الثانيه، سحب منهه نفس وگال بصوته الخشن

-جيبي الملزمه

من الفرحه ماعرف شنو اسوي لو بيدي اگمز بمكاني، گلت بفرحة غمرت گلبي

-هسسسة هسسسة اجيبهه

ابتسم من شافتي هيچ فرحانه واني يبووو شصار بحالي يا الله شگد استحي منه وساعات لساني شطوله وياه، رحت ركضضض اجيب ملزمتي واقلامي وسوالفي وطلعت بالحديقه شفته گاعد ؏ المرجوحة، سحبت نفس ورحت قريب عليه

-جواهر: هياتهن غراضي

-خوش

ظليت واگفة بمكاني وهوه سرحان ويحشش بالجگارة، انزعجت من بروده

-جواهر: احمم احمم شيخ عميد مناوي تدرسني

-عميد: هااا العفو سرحت شوي

گام وتوجه ؏ باب الاستقبال فتحهه ودخل، رحت وراه واني گلبي يدگ يدگ احسه دنبگ

فتح الاضوية وگعد بالگاع ؏ الگعده العربيه، اشرلي

-عميد: انطيني الملزمة

گعدت قريب عليه وانطيته الملزمة، فتحهه وظل يگلب بيهه، كل شويه يهز راسه كأنما حاير

-جواهر: شنو شبيك؟

-عميد: ماجاي اتظكر (اتذكر) صارلي سنين من تخرجت

-ميخالف اني اساعدك

رفع عيونه يباوعلي وابتسم خفيف

-عميد: جاي تخليني اتخيل انه الي راح امتحن باچر

-ههههه لا والله بَـس كُلش دايخة وخايفه ماجاوب

-لا تخافين تجاوبين انتي شاطره

ابتسمت وهزيتله براسي، دومه ينطيني دفعات طاقة ايجابيه حتى وهوه بعز ضوجته.. طولت صفنته وهوه يگلب بالملزمة اخير شي زفر قوي وفرك شعره

-عميد: بويه اسف بَـس ماجاي اربط بالي مو صافي

-جواهر: عميد شبيك زعلان؟

ظل مدنج راسه يقره بالملزمة وماجاوب، ادري بي ضايج ؏ رهف لان أذاهه اليوم

-جواهر: ترا رهوفة زينه

باوع بعيوني وگال بلهفة

-عميد: صگد والله؟؟ يعني ما بچت من طلعت؟

-هاااا

-گولي شسوت؟

-ماسوت شي بَـس اكيد تبچي لان هاي اول مرة تبسطهه

-اوووف شون بيه

-جواهر: عميد شجاك ترا انته مسويت شي كافي تفكر

-عميد: انتي ماتعرفين رهف شنهو بالنسبه ليه

-لا اعرف واعرف كُلش زين وكُلنه نعرف بَـس يا عيني مو زين تأذي روحك كلما رهف زعلت لو صارلهه شي

-مو بيدي والعباس مو بيدي

-شوف عميد اني لو چنت ماعرفك چان گلت دتبالغ بَـس اني اعرف انته شگد تحب رهف وتخاف عليهه!! بَـس صدگني هيه زينه ومابيهه شي، وترا سمعتهه تحاچي غزل قبل شويه وتگولهه تخاف انته زعلان عليهه

-اانننه ازعل عليهه؟؟!!!

-ادري بيك متزعل وهذا احلى طبع بيك (ابتسمت بحياء من شفته يباوعلي، نزلت راسي وهوه دار وجهه، رجع سحب الملزمة وظل حاير بيهه.. اخيييراً بدينه وفعلاً شرحة ممتاز وشلون ينسجم ويشرحلي بورقة وقلم وينطيني امثله يخليني ادرخ المادة مو بَـس افهمهه

عميد درسني ودرس شهد احياء من چنه بالسادس من چان يجي لبيتنه هوه وبكر وفيصل، مع العلم اني وشهودة ثنينه داخلات مدرسين خصوصي بَـس مع ذلك نحب من يشرحلنه ونحفظ وياه

-جواهر: عميد عيد هاي مافهمتهه

-اعيدهه بَـس لفي شعرچ سودني خليني اركز

-هاااا اي حاظر

جبت شعري لصفحتي اليمنه (صفحة عميد) وبرمته بَـس عفته مفلول، زفر بضيق وگال بنتر

-عميد: انووب جابته لصفحتي من اشتعلو مروان وحلفته

-هاا هاا اسفه والله

وديته للجهة الثانيه واني غايصة بالخجل، شوية واندگت باب الديوانيه

-عميد: تفضل

دخلت رهف عيونهه مغورگة دموع، بَـس شافت ابوهه انفجرت

-رهف: باااباااا اني اسسسفه

ركضت ؏ ابوهه تحظن وتبوس بي وهوه بادلهه اووف موقف يمووت، حاوطت رگبته وگعدت بحظنه وتشهگ بصوت عالي

-عميد: بسچ بنيتي رهف بابا عاينيلي.. شو عايني بعيوني ابوي انتي

-رهف بشهگة: باباتي انـ.. انـ.. اني اسفه والله.. اسفه بعد مازعلك

-عميد: ياروح ونفس وابوچ، بسچ رهف لا تبچين بنياتي

گامت عنه وگعدت بيناتنه، مسحت دموعهه وشو هاي طگت ضحك

-رهف: هههههههههههه هههههههه

-عميد: رهفف شمالچ تضحكين؟

-رهف: هههههههههههههههه

-جواهر: ياا رهف شبيچ شنو تخبلتي؟؟

-رهف: ههههههه بابا انه هههههه دومي هههههه ازعلك ههههههه واجي ههههه ابچي واتبچبچ وترضى هههه بساع ترضى

-عميد(رفع تك حاجب): هااا يعني تضحكين عليّ عبن اراضيچ بساع! يله روحي بعدني زعلان

-رهف: لا لا يبووو لا حباب بابا ماضحك عليك حبوبي ماضحك

-عميد: ديلا روحي لحجرتچ نامي خليني ادرس البت

-رهف(انداريت ؏ جواهر): هااا ام عيون چتاله جاي تدرسين

-جواهر: ايي ديدرسني باباتچ

-رهف: اييي خوش مستغله ابوي بَـس عوزچ تخلي يمتحن بدالچ

-عميد: چؤؤ رهففف

-رهف: بابا هاي ام عيون چتاله فد وحدددة

-حواهر: ولللچ ام راس

-رهف: ولچ شني ام راس فوگما ادلعچ واگولن عنچ ام عيون چتاله

-جواهر: هه شكراً شكراً

-رهف: وععع فوگاهه تستهزأ حظرة جناب الصيدلانيه، لوما اخذ الشهادة واصيرن دكتوورة واكسر خشمچ ماطلع رهف بت شيخ عميد الدين

-عميد: رهف بويه شهالحچي شمالچ انتي عيييب

-جواهر: هههههه عوفهه عميد ترا احنه نتشاقه

-رهف: اي بابا شمالك معقد ونفسيه صاير نحب نتشاقه بيناتنه

-عميد: ولچ رهففف لساانچ انتي ما تجوزين

-رهف: ماجووز مااجوزززز

وگامت تگمز گدامنه وتحرك براسهه وشعرهه يهتز وياهه، متت من الضحك عليهه، وعميد ساعه يخزرهه وساعه گوة يكتم الضحكة

-رهف: ام عيوون انام يمچ اليووم عيني عينييي

-جواهر: امشيي ايييع ماريدچ

-رهف: اشو اله اناام واله ؏ فراشچ واللزگ بيچ لزگ

-جواهر: اوووف منچ ماريدچ ولچ

-عميد: رهف روحي نامي بحجرتي وعيب تحچين ويه خالتج بهالطريقه

-رهف: شنييييي خالللتي؟؟؟ هاااي السلبوحة خاااالتي

-جواهر بشهگة: ولچ اني سلبوحة اني اعلمچ ابو بريييص

وبدأت الحرب رهف تركض وتگمز ؏ الجلسة والكراسي واني اركض وراهه، وعميد يعيط عليهه وساعه يضحك علينه، يمممه ماگدرلهه لساانهه شطوله وتگمز چنهه قرد

رهف صح لسان بَـس عقلهه وتصرفاتهه مال جهال ولا تگولون بنيه عمرهه 14 سنه، بَـس كُلش توونس وهواي احبهه وهيه هم تحبني، اخيراً فلتت مني وراحت بره واني هم گلت لـ عميد يروح ينام خطيه اكيد نعسان وواضح عليه التعب

رحت للغرفه وشفت رهف ؏ فراشي فاتحة رجليهه وايديهه حتى ما انام بصفهه

-ولللچ رهففف سويلي مجااال

-رهف: لو تموووتين يالسلبوحة

-جواهر: ولچ ابوو بريييص وخري اريد انطمر باچر ورايه دواام

-مااا مااا ماااا

-اني اعلمچ هسة اصيح لـ عميد الدين ويبسطچ مرة ثانيه

طفرت من مكانهه وسوتلي مجال، نمت بصفهه واجت حظنتني حييل، استغربت هاي شبيهه، من شافتني صافنه عليهه گالت بخجل

-رهف: انه من چنت صغيره احظن امي من انام ومن ماتت ابوي اخذ مكانهه

-جواهر: هااا يعني تحظنين ابوچ هيچ؟ زين ميتضايق؟

-اكيد يتضايگ بَـس مايريد يكسر بخاطري وانه ماگدر انام اله هيچ

-لعد شلون تنامين بغرفه غزل وحدچ ؏ السرير؟

-لا منهو يگلچ انتظر غزل تغفى واروحن اندحس يمهه لو يم حلاوي (حلا)

-جواهر: امممم زين ليش تردين تنامين يمي اليوم؟

-رهف: ليش هاي اول مرة قابل؟

-جواهر: لا مو اول مرة بَـس صارلچ هواي منايمة يمي وابد مسويتي هالحركة مال تحظنيني وتنامين اله اليوم؟

-اذا ؏ النومة مادري عجبني انام وع سالفه الحظن چنت استحي منچ من جيتينه اول سنه بَـس هسة صارت بيناتنه ميانه زفرة هههههه

-ههههههه يي والله

-رهف: ولچ ريحتچ طيبه كللش ههههه

-جواهر: ههههه يروحي

وبين ما احنه نضحك ونسولف اجانه نعال طاير من شهد

-شهد: ولچن صخلااات اريد انااام

-رهف: ما تنامين يالهايشة

-شهد: اني اعلمچ رهيفاان لومااا اروح لبيبي عطيه تجيب مرجانه واخليهه ترفس ببطنچ ماطلع شهد

-جواهر: ههههههه اسكتن كافي خلونه ننام

صح نمت بهالليله بَـس اني عين مفتوحة وعين مغمضة، اخاف رهف تفز تبچي بَـس الحمد لله جرتهه نومة للصبح..

گمت من فراشي وبدلت ملابسي وطلعت للدوام ويه شهد، واني بالسايق اجاني اتصال وچانت "هجران"

-هلوو هجرانه

-هجران: هـلا جواهر شلونچ

-تمام حبيبي انتي شلونچ؟ تصدگين اليوم من الصبح انتي ببالي

-هجران(گوة احچي): هااا ليش

-مادري والله بَـس ؏ بالي

-هجران: اممم يجوز اكو شي ثاني ببالج بَـس هالشي مربوط بيه

-شلون يعني؟ مفهمت؟

-هجران(اففف اريد احچي وافجرهه بوجهها بَـس لازم اخذ بنصيحة جورية): لا هيچ انسي، انتي وين هسة؟

-جواهر: هستووني دا انزل من السيارة وصلت للجامعه

-هاااا اءء افتهمتي بعرسي نهاية الشهر؟

-جواهر: اييييي يا الله لو تدرين شگد فرحتتت ؏ الخير حياتي ان شالله السعادة متفارق وجهچ الحلو

-هجران(صفنت هاي شبيهه شو مكيفه وفرحانه وتدعيلي، خاف ناويتلي ؏ نية): تسلمين، يوم الالچ

-جواهر: حبيبي انتي يله هجورة اني عندي محاضرة اكمل وارجع اتصل بيچ

-هجران: تمام (سديت الخط وياهه واني مصدومة من تصرفهه الغريب، گمت من فراشي ورحت غسلت وبديت اسوي بالريوگ وگعدت البيت كله كالعادة يعني روتيني المعتاد

دگ موبايلي چان "بكر" فز گلبي وتوترت خاف جواهر گالتله اتصلت بيهه وجاي اجر لسانهه؟ جاوبته

-هلوو بكر

-بكر: هـلا بيج، هجران خوب افتهمتي العرس يمته

-ابتسمت: ايي

-خوش روحي للسوگ ويه امچ واشتري الغريضات الناگصتچ

-تمام

-بكر: مع السلامة

-هجران: الله وياك

سديت الخط واني بداخلي فرحانه بَـس من اتذكر علاقته ويه جواهر يرجع يتخربط وضعي واخاف اتزوجه واجازف بروحي

ظليت منتظرة مكالمه من جواهر وهيه ماكو، صار العصر واجتني امي

-صباح: يله هجران امشي نطلع

-هجران: اي خوش بَـس ابدل

رحت ابدل ملابسي وگلت لـ ندى تجي ويايه خطيه صارلهه شگد محبوسه، اما جوري مدت البوز شبرين لان امي گالت متاخذهه

-جوري: ترا ميصير هيييچ

-صباح: جوري بلا لغوة نظفي البيت علما نرجع

-جوري: هفففف ماما ماريد انظف اريد اطلع وياكممم ترا اني هم عرسي نهاية الشهر

-ندى: افتهمنننه والله افتهمنه من البارحة صرعتي روسنه

-جوري: اششش انتي معليج

-هجران: جورية انتي مو كملتي جهازچ كله؟ مو كلما يجي فيصل تطلعين وياه وكملتي كلشي بعد شتردين؟

-جوري: ايي حتى لو بَـس ضايجة

-صباح: اششش بلا حچي زايد گولي موبايلچ عطلان وتردين تصلحي ايي اصدگچ

-جوري: مادام تعرفون سبب طلعتي بعد شكووو

-هجران: ولچ شنو من شي انتي هيچ متگدرين تستغنين عن الموبايل

-جوري: ابدددد

-صباح: امشن بنات تأخرنه وانتي جوري اسكتي ونظفي البيت

-جوري: ايييي جايبتني حتى اشتغللكم واصير خداامه

-هجران: يااااء ولچ صارلچ اسبوعين ما ماده ايدچ ومسويه شي

-صباح: استغفررر الله هجرااان عوفيهه هاي بعد شيسد حلگهه

-هجران: ههههه يله

طلعنه من البيت وجوري تدردم يبوو رجعت شلون قبل من ماعدنه موبايلات وتنگ وتگول احنه بالعصر الجاهلي اليسمعهه يگول ماعدهه خطيه ولا يگولون عطل صارله تلث تيام

وصلنه للسوگ واشتريت كومه غراض بكر دز بيد فيصل فلوس وگال اشتري كلشي اليعجبچ، هوه كُلش كريم ونفسه طيبه بَـس اوووف لوما سالفته ويه جواهر الموتتني!!

امشي بالسوگ جسد بلا روح خايفه كُلش ومامرتاحة احس اكو شي غلط وراح تصير سالفه تخرب عليه فرحتي، وصلنه لمحل يبيع ملابس داخليه امي ثبرتني ثبيييرة اله اشتري سيتات نوم، كُلش خجلت من ام المحل وشلون بدت ترغبني وتسوي حركات غمز ولمز بعيونهه

-هجران: ماما يله فدوه تأخرنه ؏ جوري

-صباح: اي اي مابقالنه شي

-ندى: هاي هياتهه جورية تتصل، الووو؟؟ اي اي جايين.. ولچ اييي يبوو شگد تنگين افتهمتتت نجيبلچ موطة خووش (سديت الخط) ماما جورية تريد موطه

-صباح: يله امشن نشتري

-هجران(رحنه لأبو الموطه واخذناهه سفري لان الوقت تأخر وشيخلصنه من لسان جوري، اجاني اشعار ؏ موبايلي فتحته چانت رساله، رساله حسيتهه وگفت گلبي ويبس الدم بجسمي، الدم صعد لراسي ودموع تجمعت بعيوني، چانت من جواهر مكتوب بيهه

"هجران اني اسفه بَـس اني وبكر بعلاقة واحبه ويحبني فدوه ابتعدي عن طريقنه لان صايره عائق بدربنه، حبابه انتي خوش بنيه بَـس متستاهلي واني اولى بي اني احلى منچ وراح اصير صيدلانيه وهوه روحه معلگة بيه فَـہ حبابه ابتعدي من هسة ماطول دا احچي وياچ بالحُسنى لا اسوي شي اخليچ تندمين طول عُمرچ لانچ احتكيتي بحبيبي"

قريت رسالتهه واني ميته امي انتبهت ؏ وجهي الي انخطف لونه ودموعي الگامت تنزل، حسيت غواش بعيوني ووجع براسي، امي صاحت بخوف

-صباح: هجرااان شبيييچ وشبي خشمچ طگ دم؟؟؟!

يتبععع