عزاي إنك رجاي العذب لو كل الدروب عثور

18

وفجأه انسحبوا من الغرفه وسكروا الباب والتفت ضاري بضيق وقال: عاجبك اللي سويتيه
زلت مضاوي بفشله وحرج وقالت: انت اللي خليتها تفهمنا غلط
ضاري : انا!؟؟ بعد انا من الخبل اللي ركض يعلمها بكل شي
مضاوي: عشانك ازعجتنا زعلان ونافخ خشمك ما تخلي احد يحاكيك تقول اني خربت صورتك بنظر امك هذا جزاتي بعدل كل شي
ضاري : انتي دمرتي صورتي وانتهت خلاص
صدت مضاوي بفشله وسكت ضاري وجلس وهو محرج من امه
وجلسوا فترة ساكتين لكن قالت مضاوي من جديد: انا جد اسفه ماعرف اصلح اللي اخربه ابد لكن من جد اسفه
قالت كلامها وقامت بتروح لكن وقفها ضاري : تعالي تعالي
ماردت مضاوي ووقف ضاري قدامها يمنعها تطلع: بعد بتزعلين
مضاوي : وش اسوي يعني !؟ اعتذار واعتذرت وش اسوي بعد
نزل ضاري راسه وضحك :اعجبتني بوسة الراس هاذي عيديها
ابعدته مضاوي بضيق : بتذلني يعني
تكتفت ضاري : من جاب طاري المذله!؟ توك بايسه راسي بوسيه ثاني مره وارضى
مضاوي:والله!!! خلاص هونت مابيك ترضى
ضاري : متأكده!؟ ترا فرصه لأن بيزيد زعلي وممكن اغير موقع البوسه وانتي بكيفك
شهقت مضاوي برعب وعجله وقالت: وشوو! تغيرها وين ان شاء الله
فهم ضاري تفكيرها وابتسم وهو يرفع يدها بهدوء ولعانه: اقصد يدي!! مدري عاد عن تفكيرك
صدت مضاوي بحرج وابعدت وهي متفشله : اقول وخر
مسكها ضاري للمره الثانيه : انتي وبعدين مع طول لسانك
سكتت مضاوي بحرج وخوف لكن قال ضاري : يلا سامحناك هالمره لكن ياويلك تعيدينها
لفت مضاوي ببتسامه: والله !؟ احلف انك صادق
ابتسم ضاري :يعني مبدئياً راضي تحت التجريب
ضحكت مضاوي : حشى سواق
ضاري بتعجب : مافيه فايده ما تفهمين !
ضحكت مضاوي: امزح امزح لكن ياشينك وانت مسوي يعنني ثقيل وزعلان
كشر ضاري بضحك ونسى اللي صار وهو ماتعود على الضيق والزعل بالعكس يميل للقلب لابيض الحنون : اي والله ياشيني مب لايق صح!؟
مضاوي : الصدق يعني هه لو اني ماعرفك بقول لايق
ضحك ضاري : ايه زين اجل انك تعرفيني ويلا عيدي الشاهي بذوقه من جديد
مضاوي تخصرت: ماشاء الله من شوي معدتك توجعك !
ضاري بضحك: مثقل عليها الزعل والحين خلاص
شمرت مضاوي كمها بضحك: ابد اسوي الحين احسن شاهي تذوقه على مر السنين
ضاري : ياكثر الثقه لكن خلصي
راحت مضاوي برضا تجهز الشاهي وهي راضيه وضاري بعد راضي وكلهم مرتاحين لان اثنينهم مايحبون الزعل ولا تعودوا عليه
_______________________.
وفي بيت النوخذه
كان النوخذه يطلع ويروح لإذاعة السعوديه

ويقولهم الاخبار اللي توصله من الكويت عشان يعرفون العالم الاحداث
وفي هاللحظه بعد ما نومت ليلى ولد شيخه اخذتها طلعت وهي تمنى انها معها عودها وتغني وترفهه عن نفسها شوي شافت مريم وامها نايمين بتعب
وطلعت وهي تجلس على الشباك اللي اول مره تجرأ وتفتحته
كانت تناظر حياة الدمام وهي ساهيه صارت تردد وتغني (الليل يا ليلى يُعاتبني ... ويقول لي سلم على ... انقطع صوتها فجأه من الصوت اللي خالط صوتها وهو يقول بدهشه ونبرة اشتاقت لها: ليلى
فزت وابعدت عن الشباك لكن شافت خلف واقف وكان متغير لكن مازالت ملامحه الهاديه الحبيبه تعتلي وجهه
كان جاي يبي ضاري بيطلع للحدود لكن كتب له للله يشوف ليلى
تصلبت ليلى على الشباك تناظره وقالت بحزن:خلف
التفت خلف حوله ماشاف احد وقال ولهفته تقطع انفاسه قالها مايدري كيف قالها لكن قال: حنيييت يا ليلى حنيت حييل
بكت ليلى بسرعه وقالت :خفت اني مارح اشوفك مره ثانيه
خلف : كتب ربي لنا لقى يابنت النوخذه
ناظرته بحزن وقبل ترد شهقت اول ما شافت ابوها جاي من بعيد سكرت الشباك واختفت والتفت خلف بسرعه ودخل ورا اقرب سياره ولكن من حظهم ماشافهم النوخذه ابد لانه يمشي والهم منزل راسه
ركضت ليلى بخوف ودخلت فراشها خايفه انه شافها ووقتها بتحل ذبحتها لكن سمعت صوته يدخل وييسكر الباب وجلس
وهذا شي مستحيل ابوها يسويه لو شافهم
اما خلف طاح قلبه خايف على ليلى لكن تطمن لان النوخذه ماشافهم
اخذ انفاسه وطلع لضاري وهو يحاول يهدي رعبه
_______________________.
وفي الكويت
كان المقاوله يجهزون لتنفيذ عمليه ينقذون فيها الاسرى اللي من بينهم جابر
كان جابر مرمي فالسجن بحاله يرثى لها في كل شبر بجسمه جروح كل شي بجسمه يصرخ بألم كان في حاله شبه فاقد للوعي من العذاب لكن فتح عيونه على صوت صراخ ورصاص ولا هي الا نص ساعه وانفتح السجن عليه وسمع صوت حن له كثير صوت نهيان اللي صرخ ويركض وهو ينادي: جابر ياخوووي جااابر ياخوي
ماكان جابر يقدر يقول شي غير انه يون سمع صوت يعقوب يقول : بسرعه طلعه
وقف نهيان بقلة حيله يصرخ بصوت مليان عبره: شلون اشيله مجروع من كل مكان
جاء احد الشباب يركض معه لحاف : بنحطه هنيه عشان ما نأذيه
حطوه ونهيان يبكي وهو يصرخ ألم وفرح كانوا مايقدرون يلمسونه ابد من الجروح والنزيف والحرق والعذاب
نهيان كان في حالة بكى مايدري وين يوديه المستشفيات محاصرت ولا فيه اطباء حالياً وجابر على مشارف الموت
يعقوب : مالنا الا نوديه السعوديه
نهيان: شلوون !؟
يعقوب :بنتصل بالنوخذه
نهيان: لا ابوي مايتحمل
يعقوب: مجبورين حياته اولى
كان جابر يفقد الوعي كثير والكل خايف عليه كان على مشارف الموت
وفعلاً اتصلوا بالنوخذه بما انهم قريب من الحدود يمكن يقدرون يطلعونه
رد ابو نهيان واستبشر بصوت نيهان لكن خاف من بكاه واللي خايف منه صار نقل له الخبر وهو يبكي : يبه لو ما نقلنا جابر بسرعه بيموت يبه
كان ابو نهيان ماهو مستوعب وهو يرتجف : شلون ماعلمتني انه اسيييير شلون سكت لين الحيييين
نهيان: ماقدرت يبه ماقدرت
انهار ابو نهيان يعاتب نهيان بغضب وزعل وحسره
اخذ يعقوب السماعه وقال: عمي اذكر الله والحين لازك نوقف مع جابر ونحاول ننقذه
ابو نهيان : وشلوون وهو بين الحياه والموت
يعقوب :لازم نشوفك على الحدود ولازم يكون وياك احد ماكو وقت احنا طالعين الحين بنكون قريب الحدود شد حيلك واذكر الله
سكر وانهبل ابو نهيان اللي طلع يركض مايدري وين يروح لكن ركض لشقة ضاري اللي طلع برعب هو وخلف
خلف: شفيك ياعمي وش فيك !؟ تعلق في يديهم ابو نهيان اللي على صراخه طلعوا الكل يركضون بخوف والتفت خلف وشاف ليلى اللي واقفه بخوف وام نهيان تركض بجلالها وتبكي : شصاير حق عيالي شصاير
صد ضاري بسرعه وخلف صد لكن يحاول يفهم: اذكرالله وقلنا وش فيك
بالقوه اخذ انفاسه ابو نهيان وقالهم السالفه وهنا تعبى المبنى كامل صراخ كان موت جابر محقق
وهنا خاف خلف لكنه في لحظه قال: لا تخاف بننقذه ان شاء الله
ضاري : الحين نطلع للحدود كلنا
خلف : ضاري كلم تركي يجي مع معاذ ( ممرض) للحدود بسرعه
ضاري : زين
رجع يركض وطلعت مضاوي : وش صاير
ام ضاري: وش فيه
ضاري : روحوا لحريم النوخذه كونوا معهم ولدهم جابر اسير وطلعوه المقاومه وحالته صعبه ولازم يدخل السعوديه ولا يموت
شهقت مضاوي: جابر
ام ضاري: انتبهوا يمه تكفون
ضاري : زين زين
نزل خلف يركض متجهه لبيت ماجد اللي ماهو بعيد وصل وطلع يدور محمد وهو يلهث
مسكه عزوز بخوف: شفيك عقاب فيه شي
خلف: لا لا بس بنطلع نساعد واحد
ابو ناصر: منهو
خلف : جابر ولد النوخذه اسير وطلعوا لكن اذا ما دخل السعوديه وتعالج بيموت
ابو خلف بغضب : خله يموت وش عليك فيه
فيصل بغضب: ناسي سواته في اماني
خلف مارد وهو ينادي: عمي محمد نبي سلاح لازم تكون معنا
ابو ناصر: انهبلتوا انتم الدنيا ياقايمه قاعده على الحدود
محمد: بيساعدنا الله .
الكل اعترض لكن صرخ خلف بغضب: مستحيييل اخليه لو اموت انا بداله
فيصل بصراخ: وامااااااني
خلف فقد نفسه وصرخ: جابر ماله ذنب الذنب ذنبي انا
انتبه لنفسه وسكت وركض لكن وقفته وعد اللي تعلقت فيه وهي تبكي وخايفه انه يروح يموت: تكفى لا تروح تكفى
جلس خلف معها وهو خايف عليها لكن مايقدر يقعد : بجي ان شاء الله بجي
ترك الكل وراح يصارخ وامه تبكي وطلع هو ومحمد وكان النوخذه وضاري تحت وطلعوا مستعجلين وراحوا من طريق بعيد عن مواجهات الجيش على الحدود وكان ينتظرهم تركي ومعاذ وابو نهيان في حاله يرثى لهم بدوا يدورون حول الحدود ينتظرون احد يجي
وبعد ساعه وهم يحاولون يهدون النوخذه شافوا سياره من بعيييد تطوي مسافات البر طوي وقفت ونزلوا شباب مسلحين يناظرونهم لكن فجأه نزل نهيان اللي كشف شماغه عن وجهه وهو يبكي وينادي:يبه ألحق جابر ركضوا لسياره وكان جابر يشهق وهو يردد ( الكوي الكويت )
طاح ابو نهيان خوف ان جابر يموت لكن نزلت على خلف قوه مايدري كيف تحلى بها وركض يشيل جابر هو ومعاذ وضاري وجابر مازال يشهق وكان معاذ يحاول يتصوف والكل يصد من حالة جابر الصعبه ومنظره الشنيع
وابو نهيان يصرخ بصوته كله( حسبي للله على الظالم حسبي لله على الغدار)
ركضوا يركبون وابو نهيان اللي اجبر نهيان يجي معه لازم يجي لكن نهيان رفض وقرر يرجع ومايخلي الكويت ابد
وفعلاً رجع مع المقاومه بعد ماودع جابر خايف انه يموت وهو بعيد وكان يبكي بقهر وهو يحلف ياخذ ثار كل شي صار في جابر
كانت الاسلاك الشائكه اللي على الحدود مدمره من اسباب الحرب والدبابات
عشان كذا قدروا يمرون تحركوا بجابر اللي كان معاذ يحاول يسيطر قدر المستطاع على ألم جابر ويحاول ان جابر يكون بوعيه
ابو نهيان اللي ارتفع ضغطه ما هو قادر يشوف حال جابر ابد
ضاري كان مشغول فيه ومحمد بعد صاد وتركي يسوق
كانوا جمس كبير مرفوعهه المراتب وهم جالسين محلها وجابر بالنص كان خلف متقطع قلبه عليه وبعيد عن كل شي عاشوه وبعيد عن حبه لليلى كان يحب جابر من كل قلبه ومنظره هذا يقطع القلب كان يناديه ويحاول يكلمه عشان مايغيب عن الوعي
_______________________.
وفي بيت ماجد
كانت ام خلف تبكي بخوف على خلف و وعد بعد لللي صارت تنهار من ادنى سبب والكل خايف وساكت لكن في طرف بعيد من البيت كانت اماني جالسه لوحدها بخوف كانت طول هالفتره تعدي موضوع جابر وتبين القوه لكن ارعبها اللي صار وارعبها انه مأسور .. صح ما كانت تعرفه ولا شافته الا مرتين

لكن الفتره اللي انخطبوا فيها كانت تسمع عنه مدح دخله حدود قلبها ولمس فيه شي بسيط تحرك توه اول ما صار جابر بخطر
ماقدرت تسوي شي هالفتره وتخمد حرقة قلبها وخوفها الا انها تفرش سجادتها وتدعي بقلب خاشع لجابر ولخلف وللكل
كان ابو خلف معصب ويصارخ : ليييه ليييه يرمي نفسه للخطر عشان واحد ما يستاهل
ابو ناصر: ياناصر اجلس وش نسوي راحوا خلاص
فيصل : قلنا النوخذه ماله ذنب بسوايا ولده وسكتنا لكن هاللي يسويه غلط
عزوز: استهدوا بالله ومارح يصير له شي بس اذكروا الله وان شاء الله كل شي طيب
ماجد : خلف رجال عاقل ويعرف كيف يتصرف ومحمد معه و ضاري وبأذن الله مافيه شي
ام وعد : الله يحفظه يارب الله يحفظه
_______________________.
وفي شقة ضاري
اخذت ام ضاري ومضاوي اهل النوخذه ودخلوهم يحاولون يهدون الوضع لكن ام نهيان كانت تبكي بحرقة وتركتها مضاوي لام ضاري وراحت لشيخه اللي تبكي بصمت : شيخه ياحبيبتي اذكري الله ولا تجزعين من رحمة الله وان شاء الله بيجيبونه وهو بخير انتي الكبيره العاقله المفروض تهدين امك ما تنهارين
ناظرته شيخه بحزن: اخواني مدري شصاير فيهم كيف تبيني اهدى
مضاوي : بأذن الله مافيهم شي لكن اذكري للله وشوفي ولدك مسكين مفجوع من هالوضع
وقفت شيخه تاخذ ولدها وهي تردد : لا اله الا الله الله ينصرنا الله ينصرنا
راحت مضاوي لمريم اللي كانت جالسه بصمت ودموعها تنزل بهدوء ما كانت تبكي بصراخ وجزع كانت صامته
وقبل تجي لها مضاوي رفعت يدها تبعدها لانها ماتبي تتكلم عشان ماتنهار
اما ليلى كانت في انهيار قوي ما تدري تبكي على من على اخوانها ولا ابوها اللي رايح للخطر ولا خلف اللي رمى نفسه بدون تفكير في الخطر كلهم ممكن يروحون في لمح البصر ممكن يموتون وتجلس فعلاً وحيده
جلست جنبها مضاوي وهي تحضنها بهدوء: اذكري الله يا ليلى ان شاء الله يرجعون بخير
ناظرتها ليلى بحزن وقالت: لكن يمكن كلهم يموتون راحوا للموت بأنفسهم
مضاوي : يابنت الحلال اذكري الله واستودعيهم الله ولا تجزعين هذا انا بعد اخوي وزوجي وولد اخوي معهم لكن ماصحت وبكيت بالعكس ادعي وظني فالله مايخيب
تطمنوا كلهم بعد كلامها وسكتوا يتنظرون متى بيجون
_______________________.
وفي المستشفى
اخيراً وصلوا ونزلوا يركضون وينادون الاسعاف والناس استنفرت محد يدري وش السالفه لكن وقفوا الممرضين برعب اول ماشافوا حالة جابر
وقال واحد منهم: معاذ من ذا!؟
معاذ : أسير كويتي كان عند العراقين و جبناه من الحدود
بعد هالكلمه اخذوا جابر وفي ثواني والشرطه في كل مكان ووقفوا ينادون اللي كان مع جابر
وطلع خلف : سم
الضابط: شلون دخلتوا هالاسير هنا!؟ خلف : اخذناه من المقاومه الكويتيه على الحدود
الضابط: وش علاقتكم بالمقاومه!؟ خلف : هالشايب اللي وراي ابو هالرجال وكان جارنا من زمن وهو من اللي جو لسعوديه بعد الحرب وكانوا عياله فالمقاومه واخذوا ولده هذا اسير وقدروا يطلعونه بس مايقدرون يعالجونه
اتصلوا فينا ولا انتظرنا اخذناه وجينا
الضابط: شلون اخذتوه من الحدود والعسكر وينهم!؟ خلف : في سلسلة من الحدود متدمره من الدبابات العسكريه وكنا بعيد عن ارض الحرب وكنا نسمع الصوت لكن حمدلله مرت بسلام
الضابط : زين الحمدلله عطني معلوماتهم وان شاء الله خير
خلف : طيب
بدا خلف يقوله المعلومات ويسردها عليه وهو عيونه على غرفة جابر يخاف انه يموت او يصير له شي
انتهى وراح لابو نهيان الللي منهار وجلس وهو يحاول يواسيه يحاول يخفف مصابه لكن صعب صعب مره
وقفوا بالساعات ينتظرون خبر لكن جروح جابر ماكانت واحد ولا اثنين كان غرقان بجراحه لدرجة انه يغيب عن الوعي مايحس فيهم وبدون بنج مايحس بشي وبعد ساعات طلع الدكتور وهو تعبان : مين اهل الكويتي اللي موجود هنا
فز ابو نهيان وهو يستند على خلف : انا انا
لكن اختلط صوته بصوت خلف اللي قال: حنا اهله
الدكتور : تفضلوا معي للمكتب
راحوا ووقف ضاري ومحمد وتركي بهدوء ينتظرون وش يصير
جلس خلف بعد ما ساعد ابو نهيان يجلس
الدكتور: بنستعدي الضابط
خلف : ما يخالف
جاء الضابط وجلس الدكتور : يا عم ولدك متضرر كثييير من جميع الجهات
الضابط : وطبيعي ان الشخص اللي اخذه أسير ما رحمه
ضاق خلف من طريقتهم اللي تزيد خوف ابو نهيان : كل هالكلام ندري به ولكن قلنا وش فيه جابر بالضبط
الدكتور: الواضح انه تعرض لصعق كهربائي وهذا اقوى شي تعرض له من اساليب التعذيب غير اظافره المتظرره وجروحه العميقه ومدة الشفاء ممكن تطول كثير ولكن كل شي تحت رحمة الله وكل شي معتمد على ال٢٤ ساعه القادمه
ابو نهيان: شلون يعني ولدي بيموت!؟ الدكتور: لا ياعمي الاعمار في يد الله لكن هالوقت بيحدد اصاباته بشكل ادق
خلف : طيب فيه خطر عليه!؟ الدكتور: بأذن الله ماعليه شر الحين لكن بندعي له
خلف : يارب
الضابط: واذا صحى ان شاء الله رح نجلس معه ونسمع كل شي
ابو نهيان: ياربي تكون وياه يارب
الدكتور: حالياً مارح يصحى في هالساعات الاولى
خلف: زين .
طلع خلف وابو نهيان اللي يبكي من قائمه الجروح اللي ذكروها في جابر وكان يتحسب بحرقه
خلف : لو تروح ياعمي للبيت وتطمن اهلك ان جابر ان شاء الله بخير اكيد خايفين
ضاري : اي نعم وترتاح شوي لا يصير لك شي
ابو نهيان: لا حشى مارح اروح واهد جابر
خلف : ياعمي انا بجلس عنده لين تجي تروح تبدل وتطمنهم وتجي وانا مارح اتحرك لين تجي واذا صار شي بدق
اصروا عليه وقرر يروح يطمن اهله ولف خلف : عمي محمد انت بعد روح وطمن امي والكل
محمد : ابشر بروح بس ابدل واجي
طلعوا وجلس خلف قريب غرفة جابر اللي كان ممنوع انه يدخلها عشان لا تتلوث الجروح المكشوفه
_______________________.
وفي بيت ماجد
وصل محمد وهو تعبان ووقفوا كلهم يناظرون وراه
ابو خلف:وين خلف!؟؟؟ ابو ناصر: وراك جيت من غيره!؟ محمد: بخير بخير خلف لكن جلس مع جابر باالمستشفى
ابو خلف : هذااااا الللي ناقص
ماجد: وليش جلس!؟ فيصل بغضب: خلف انهبل خلاص
محمد : ياناس لا تكبرون السالفه ترا مهما صار كان صديقه والعشره ماتهون الا على ابن الحرام
ابو ناصر: المهم انه بخير
ام خلف: محمد عسى ما تأثر صدره
محمد: لا لا بخير مافيه شي
الكل كان مترقب واماني للي كانت تحاول تسمع خبر بدون ما تلفت الانتباه وهي تحس قلبها يدق برعب رغم ان مافيه اي شي يجمعها بجابر ومستحيل يجمعها فيه شي
عزوز: طيب وجابر
جلس محمد بضيق: جابر!! مسكين جابر الله يعوضه بالجنه بس
صرخت وعد برعب:مات!؟؟
محمد: لا اعوذ بالله لكن طاح بيد ناس ما تخاف لله عذوبه تعذيب لو تشوفونه ماتقولون هذاك الشاب ابد ملامحه ماتنعرف من الدم والجروح كان في حاله الله يرأف فيه بس
ابو ناصر: حسبي الله ونعم الوكيل حسبٍ يكفينا فيهم
محمد : الله يعين اهله ويعينه ويصبرهم مسكين النوخذه خمس مرات يطيح علينا وينهار
ماجد: كان الله في عونه
عزوز: طيب جابر بيصحى!؟ محمد: والله مدري بس يقول خلف انه متعرض لصعق كهربائي غير اللي مسوينه فيه اظافره مقلعينها وجسمه متقطع من اثر السلسال ومحترق من الماء الحار اللي ينكب عليه وغير اثار زقايرهم اللي يطفونها فيها الله لا يوفقهم والظاهر حتى لو صحى بيصحى وهو متضرر من اللي جاه
الكل بحمله وحده قالوا : الله لا يوفقهم ولا يسامحهم
وصل الخبر لأماني اللي كانت تحس ان محد شايفها لكن الكل يراقب ردت فعلها وفجأه دموعها تجمعت بعيونها اختنقت وهي تسمع اللي يقولونه وينشرح كان صعب صعب انها تستوعبه وهي كل ماتتذكر شكل جابر قبل تعجز انها تقبل اللي صار فيه

اما البنات الكل ساكت مايدرون كيف بيواسونها اوكيف بيتصرفون مع الوضع
_______________________.
وفي شقة ضاري
وصل ودخل النوخذه شقته وهو ينادي بهدوء: مضاوي مضاوي
فزوا كلهم وركضت له مضاوي وهي تحمد ربها انه رجع: ضاري حمدلله انك بخير وينه خلف ومحمد
ضاري : كلهم بخير لا تخافين
طلعت ام نهيان من وراها وهي متغطيه وتبكي: ولدي تكفى ياضاري
ضاري : ياخاله جابر بخير وطيب وعمي ابو نهيان هذا هو بشقتكم روحوا له بيطمنكم
صد ضاري وطلعت ام نهيان تركض وراها بناتها وهم في حاله هستريه وهمست مضاوي :صدق جابر بخير !؟ مد ضاري يده بحركه عفويه قصده يطمنها وهو يحاوط كتفها ويمشيها معه : نقول يارب انه يكون بخير
مضاوي : تكفى لا تقول حالته خطره
ام ضاري: ضاري كيف ولدهم
نزل ضاري يده وتقدم يبوس راسها: ادعي له يمه الله يالمنظر اللي شفته مايطمن
مضاوي: لا حول ولا قوة الا بالله العلي العظيم
ام ضاري: يالله لا تفجع امه في ضناها مسكينه ما جفت دمعتها من اليوم
ضاري : وابوه بعد واخوه رجع للكويت وعسى الله يفرج عنهم ويعينهم
مضاوي : عذبوه مره!؟؟ ضاري بحنيه:ماودي اوصف لكم وتوجعكم قلوبكم لكن اذكروه بالدعاء
سكتوا بفجعه كلهم خايفين ويدعون
_______________________.
في بيت النوخذه
اول ماوصلوا وشافوا حال النوخذه ركضت ام نهيان ببكى وهي تترجاه: شنو صاير في ولدي قولي قولي
مريم: عمي ليه نهيان ماجاء وياك
ابو نهيان: نهيان رد الكويت مارضى يجي وجابر عسى الله يكون بعونه هالكلاب ما خلو شبر فيه ما أذوه
شيخه: اذووه واجد يبه
هز راسه ابو نهيان بألم: واجد!! جابر ماينعرف يابنتي جابر ماينعرف
صرخت ام نهيان ببكى وهي تدعي عليهم وتبكي والكل يبكي وقفت ليلى وتحضن ابوها وتبكي ويسمعون ابو نهيان يشرح وضعه ويبكون ومالهم الا الدعاء
_______________________.
مر الليل مايندرى كيف مر
كئيب ومرعب ومفجع قضاه خلف في ممرات المستشفى عجز ينام قلبه مع ليلى اللي كان يظن ان قلبه بيرتاح اذا شافها لكن زاد الطين بله اول ماشاف حاله اللي مايسر وكيف الحرب وسمت فيها رغم ان وجودها ماكان طويل فيها لكن القهر يسم الحال ماكان يدري كيف حالها الحين لكن اكيد ماهي بخير
بعد ما اذن الفجر وقف وتوضى وصلى والتفت اول ماسمع خطوات ضاري ومعه النوخذه وام نهيان ومعه ثلاث حريم عجز خلف يميز ليلى بينهم لكن اكيد انها معهم واحترم ابو نهيان وصد خلف
ابو نهيان: خلف وشلون ولدي ياخلف
خلف : للحين على حاله لكن بأذن الله انه بخير انا شغلت عنده سورة البقره وبأذن الله يكون بخير
ابو نهيان: وينه الدكتور بندش ونشوفه
خلف : توني سألت يجي بعد نص ساعه اجلسوا ارتاحوا وبجيب لكم شي تشربونه
جلسوا وراح خلف يدور اي محل ورجع ومعه ٥ اكواب شاهي وحطها على طرف وابعد وا انتظر يدري ان ابو نهيان ممكن يتضايق من وجوده
اما ليلى فوق هم اخوها كانت تناظر خلف بحب وبكى وهي تردد بنفسها ( ياربي شكثر طيب وحنون يارب لا تفجعني فيه يارب )
ماكان موقف خلف غايب عن الكل وكلهم مقدرين وقفته وشلون باين عليه التعب
وبعد شوي رجع خلف معاه الدكتور واول ماسمح لهم ودخلوا سمعوا صوت الاجهزه وركض الدككتور لجابر وهو يضغط الجرس على ينادي الممرضين والكل انفجع وخلف اللي جاء يركض بخوف ووقفوا كلهم عند الباب مايدرون وش صاير
لكن طلع الدكتور مبتسم ويقول : حمدلله جابر صحى ولكن يحتاج دم ويحتاج يرتاح لكنه صاحي ويقدر يسمعكم لكن مايقدر يكلمكم هالفتره بسبب الاثار اللي نتجت من الصعق الكهربائي
الكل : حمدلله الحمدلله
ابو نهيان: يعني ندش له عادي
الدكتور: ايه لكن قبل لازم تعقيم وتدخلون اثنين اثنين
دخلوا ابو نهيان وام نهيان اول ناس ووقف خلف وهو بالطرف المقابل قدامه شيخه ومريم وليلى
وماكان قادر يطالعهم لكن يحس ان ليلى متشفقه عليه زي ماهو متشفق
وشوي شوي بدوا يدخلون لكن ماكان جابر يتكلم لكن يطالعهم بعيون مليانه دموع كسرت فيهم حيل ولكن انهلت دموعه اول ماشاف خلف اللي دخل وهو حزين وجلس يحاول يتكلم لكن جابر كان حاس بالذنب والخجل من خلف وخلف بعد
وبعد انهيار جابر طلعهم الدكتور وهو يطلبهم يوفرون دم ولا قصر خلف ركض يتصل وينادي ويوفر الدم اللي يحتاجه جابر
_______________________.
من بداية هالمعاناة
كانت الشهور تمر وجابر اغلب وقته يحاول انه يتكلم ويعدي فترة الخطر لكن ماهو قادر كان تعبان حيل رغم تحسن جروحه لكن حزييين جداً بسبب حال الكويت وحالهم كان يعتبر كل شي خسره فدا للكويت لكن يضيق صدره من دموع امه وخواته وابوه اللي طول هالفتره كان يشوف خلف معهم ماتركهم كان فعلاً يحب خلف وبان معدنه بهالموقف
ومو بس خلف كلهم كانوا واقفين مع النوخذه ضاري واهله ومحمد وحتى نادر يوم رجع وقف معهم وعقاب اللي اول ماعرف باللي صار وهو في ارض الحرب كان كل ما اتصل يسأل عن جابر
ونهيان اللي ماترك مقر للعراقين ماهاجمه وماكان يقصر ابد وكان يكلم جابر ويعلمه بكل شي يسوونه وهذا اللي برد قلب جابر .
ليلى اللي لو كان فيه امل لو ١٪؜ انها تنسى خلف من بعد هالمواقف صار مستحيل تنساه ومستحيل تفرط فيه ابد ابد لكن ماتواصلت معه ابد وتحاول تكسب ثقة ابوها من جديد
اماني اللي متعلقه على اطراف الاخبار كل ما وصل خبر تفز تبي تعرف اخبار جابر كانت تفرح اذا قالوا بخير ويضيق صدرها اذا قالوا للحين ماهو قادر يتكلم
_______________________.
مرت هالشهور العصيييبه مرت وهي صعبه على الروح وعلى الجسد والعقل
مرت منهكم ومتعبه للكل محد قادر يوقف فيها لازم ينهد ويطيح
ووصلوا لنهاية الصبر ووصلوا لاخر التعب خلاص فاض بهم الصبر
وكلهم تحت رجاء ربي ودعواتهم
_______________________.
وفي يوم من الايام
كان خلف هو اللي يبات عند جابر وابو نهيان يجي الفجر
وكان جابر نايم بتعب بعد محاولات انه ينطق وخلف يحاول يساعده يقرا عليه ويقرا له الاخبار بس ابد مافيه فايده
والفجر تاريخ(26 -فبراير -1991) في عز هدوء خلف اللي كان بين الصحوه والنوم ينتظر جية ابو نهيان
كان التلفزيون مفتوح والاخبار تنعاد ويحفظها خلف عشان يقولها لجابر اذا صحى ولكن افزعه الباب اللي انفتح وصوت ركض وصراخ ودخل ابو نهيان وهو يكبر ودموعه بعيونه وينادي بصوته كله ويقول ( الكويت تحرررت الكويت تحررت ، ردت كويتنا حرررره ردت الدييييره ردت ديرتنا )
كل اللي فالقسم كانوا يعرفون النوخذه ومتعاطفين معهم واجتمعوا كلهم وفز خلف ماهو مصدق ورفعوا صوت التلفزيون وجاهم الاعلان اللي صرخوا كلهم بعده يرددون ( الله اكبر الله اكبر)
لكن زلزلهم الصوت الخفيف اللي قال بصعوبه: صچ الكويت تحررت !؟ لفوا كلهم بصدمه وركض خلف وابو نهيان لجابر ينادوونه بفرح: جابر انت تكلمت يبه
من هول الخبر اللي سمعه جابر مايدري كيف طلع صوته وحاول يقول من جديد : الكويت حره يبه!؟ حضنه ابوه ببكى وفرح وهو يردد: ايييه حره حره يا جابر حره
كل الكوتيتين اللي بالسمتشفى اجتمعوا والكل يبارك ويهني والاصوات فرحانه والاخبار تعلن
ومن بين هالخبر انقطع نفس خلف فجأه اول ماحضنه ابو نهيان حضن صدمه ماكان متوقعه ابد كان يشد عليه مايدري وش يقول لكن في هالازمه لو ما وقف معهم خلف مايدري وش بيسوي
وقف خلف لحظات مايدري وش يرد وش يقول لكن اول شي طرا له انه باس راس ابو نهيان وهو يهمس بأذنه ( سامحني يالنوخذه تكفى)
كلمة خلف رنت بأذن خلف اللي كان فعلاً ندمان انه ما تقدم لليلى من البدايه من اول ما حس انها سكنت قلبه

لكن ابعد النوخذه وترك خلف وهو يردد مع الناس ( انتصرنا والناصر الله ونحمدلله)
_______________________.
في الكويت
كان نهيان مع المقاومه للحين وطلع على صوت التكبيييير وصوت الناس والعالم والاغاني الوطنيه والناس تهتف وتغني ( انتصرنا والناصر الله وانتصرنا ونحمد لله
كان عيد عييييد كان ينتظر لحظة انه يروح لاهله او يجون للكويت
لكن كل اللي همه هاللحظه انه ياخذ يعقوب ويركضون بشوارع الكويت معاهم الاعلام وصور الشيخ جابر
وهم يكبرون ويغنون ويركضون بحريييه بفرح بشعور النصر ولله الحمد
_______________________.
في بيت ضاري
اول مابدت تعلن التحرير القنوات بدت الزغاريط والتكبير يطلع من بيت النوخذه
وفز ضاري اللي كان نايم هالحزه والتفت وهي يشوف مضاوي تركض وهي تصارخ بفرح: حرروا الكويت حرروا الكويت
فز ضاري وركض يشوف الاخبار وحصل نادر قدامه بالمجلس وهو واقف بفرح : حمدلله ازمه وعدت اللحمدلله وابتسم بفرح ضاري : ياربي لك الحمد وكان اول شي طرا عليهم يركضون يبشرون خلف وهم متأكدين انه اكيد وصل له لكن بيشاركونهم الفرحه
وطلعت مضاوي وام ضاري وشوق يركضون لبيت النوخذه وفتحت لهم ليلى وهي تيبب( تزغرط) وعيونها فيها دموع الفرح
حضنتهم ليلى بفرح وسلمت عليهم ودخلت وشافت الكل مبسوط ويغنون بفرح
_______________________.
وفي بيت ماجد
الدنيا كلها صحت على هالخبر والكل فرحان وقرروا الرجال يروحون المستشفى يهنون النوخذه وولده
والحريم قرروا يروحون لام نهيان رغم توتر العلاقات لكن مهما كان عاشوا المره والحلوه سوى
وكانت وعد تهنيهم وهي تبكي ومحتضنه ولدها خليفه ابو شهور وهي اخذت منها هالحرب العزيز الغالي اخذت مبارك
اماني كانت ماهي قادره تناظرهم ولاهم قادرين يناظرونها كانوا خجلانين مايدرون وش سبب الطلاق
لكن ملزومين يحتفلون مع بعض وكانت ام ضاري تحاول تلطف العلاقات شوي
_______________________.
ومن بعد هالاخبار المفرحه
كانوا كلهم في رضا وفي سرور وكان كلها مسألة وقت وكل شي يرجع زي ماكان
بعد ما نطق جابر وتخطى اصعب مراحل العلاج رفض انه يجلس اكثر بالمستشفى  ويطلع للبيت وطلعوه وهو رجع ينطق ويتكلم وجروحه كلها تشافت لكن اثر البطوله موجود عليه
رجعوا للبيت بفرح وفي هاللحظات طلعوا بيت الجد قايد وتصلبت اماني تناظره برعب ماقدرت تعرفه الا من جروحه الكثيره كان صدمه صدمه
كان جابر قبل الحرب وسيم لكن الحرب دمرت ملامحه

اللي طغت الحروب عليها لكن ماشوهت بطولاته ابد كانت وسام على وجهه
ماكان جابر يدري عن اماني انها بينهم لكن اذا شاف خلف قلبه يوجعه وكلهم محتفظين بسكوتهم طول هالازمه لكن كيف بيبرر الحين وش بيقول
طلع للبيت وخلف للحين معهم ودخله خلف وعطاه ادويته وكل شي ووقف بيروح وهنا انتهت مهمة خلف وكان اصعب انتهى قبل يروح ناداه جابر بضيق: خليف
التفت له خلف بسرعه ؛ لبيه
جابر بضيق : انا اسف على اللي صار والله ماكان بيدي كنت مجبور
جلس خلف قدامه بهدوء وهو يشد عليه ببتسامه : ادري ادري لكن اللي راح راح
جابر:شلون تدري!؟ خلف : لاني ادري انك ماتخذلني ابد وادري انك رجال لو هاذي نيتك بتجي وبتقولي
جابر : قصه طويله ياخليف مدري شلون بقولها لك
خلف : بعدين بعدين الحين ارتاح وخلك مع اهلك وكل شي ملحوق
كان خلف مايبي يسمع الاسف من جابر لانه هو اساس هاللي صار مايبي يحس بالذنب اكثر
طلع وهو وده يمر ليلى ويشوفها لكن ماهو قادر مايبي يحوس الامور اكثر طلع يمشي رايح لبيتهم مبتسم يسمع الاخبار والناس فرحانه والدنيا حيييه
واول ماوصل وقف بفرح يناظر اللي جاء شاف عقاب ببدلته العسكريه اللي في حاله يرثى لها واقف وهو ملفوفه يده وراسه ومبتسم رغم اثار التعب في وجهه ركض له خلف ينادي بصوته كله: عقاااااب
على صوت خلف ركض سالم وغيث بذهول وهم كانوا على الشباك يصرخون : عقاب جاء عقاب جاء
نزلوا كلهم يركضون بفرح يركضون بلهفه ركض عزوز اولهم وابعد خلف وارتمى على على عقاب يحضنه ويصيييح كان خايف خايف يفقد عقاب خايف من كل شي من كل خبر لكن الحين اطلق العنان لدموعه
حضن عقاب وجلس من هدة الحيل والتعب الكل اجتمعوا عليه يحضنونه وهو للحين جالس وجلس عزوز قدامه يصيح: وش فيها يدك وش فيه راسك وش صار لك !؟ حاول ماجد يلطف الجو وضحك وهو يقول : هاذي وسام الشجاعه لابد منها
ضحكوا كلهم وألتفت له عقاب وابتسم وهو يقول : والله انك سميتها
ابو ناصر: قم وانا جدك قم ادخل خواتك يحترونك
فز عقاب على طاري وخواته وركض لهم وكان يسمع بكاهم قبل يوصل واول مادخل حضنوه كلهم وهم يبكون وركضت شهد تتصل بوجد تبشرها برجعة عقاب
كلٍ فرحان ويعبر عن فرحه لكن وعد صح فرحت انه رجع لاهله بخير لكن مكسور قلبها للحين ومحمله عقاب ذنب وفاة مبارك
اجتمعوا كل الرجال بالمجلس والكل يسأل عقاب ( عسى مافيه خساير كبيره بالجيش)
ورد عقاب : خسرنا ارواح ورجال وخسرنا كثير اشياء لكن أهدينا الكويت حريتنا
ابو خلف : بيض الله وجيهكم والله يقويكم على طاعته
ماجد : الحمدلله ازمه وعدت بأقل الاضرار
ابو ناصر: حمدلله
عقاب قلبه مع ولد مبارك لكن مايدري وش سموه والتفت لخلف يقول : وينه ولد مبارك
خلف : عند امه
عقاب : فيصل جيبه بسلم عليه
فيصل : ابشر
وقف وراح لوعد وشافها جالسه معها غيث يلعب مع خليفه
فيصل: عطيني خليفه ياوعد
وعد :ليه!؟ فيصل: يبيه عقاب
وعد بغضب:لااا
فيصل: ليش!؟ وعد :بس مابي ولدي يروح لمكان
ام وعد :وعد بسم لله عليك وش فيك عطيه الولد
تبدلت اخلاق وعد بثواني ووقفت بغضب: لا يعني لا ولدي مايروح له
ام ناصر: وليه ان شاء الله يهودي ولا وشهو !؟ طنشت وعد واخذت ولدها ودخلت الغرفه والكل مستغرب من سوات وعد وخلافها مع عقاب
ام خلف : فيصل ياحبيبي ناد خلف هو يحل السالفه
فيصل: غيث ناد خلف
راح غيث يركض ورجع معه خلف: وش فيكم
فيصل: وعد رفضت اني اجيب خليفه لعقاب
خلف: ولييييه!
ام ناصر: مدري عن هالجنيه حطت دوبها ودوبه
ام وعد : لا تلومينها ترا للحين بصدمة وفاة مبارك
ام ناصر: ايييه لكن عقاب ماذبحه جابه لها المفروض تشكره انه ما خلاه بين الجنود محد يدري من اهله
خلف : ياجده ماهو وقته خلوني اشوفها غيث شف لي الطريق
راح غيث : خلف بيجي
عهد : وين يجي!؟ غيث: هنا
عهد : وحنا وين نروح ان شاء الله مافيه الا هالغرفه يقعد برا الله لا يهينه
هيا:عهد اسكتي احسن لك هو بيمر للغرفه الثانيه يعني تغطي
سحر:تغطي فكينا من المشاكل
صدوا ومر خلف اللي سمع الكلام وسمع عهد اللي من فتره صاروا كلهم يشتكون من طولة لسانها وصل غرفة وعد ودخل وهو ينادي: وعد
وعد : وش فيك!؟
خلف : وين خليفه عطيني اياه
وعد : تبيه انت اجلس معه عندي
خلف : وعد اذكري الله وش هالافكار اللي براسك ترا عقاب ماله شغل بوفاة مبارك الله يرحمه
وعد : حتى ولو مابيه يجي ولدي ولا يقرب منه
خلف: انتي من زارع هالعدوانيه فيك!؟ يابنت الحلال هذا مايصير
هنا انهبلت وعد وعصبت وانقهرت محد يدري وش بينها وبين عقاب ولا ماكانوا لاموها ولكن مضطره تسكت وتفهم عقاب هي هالشي انه لو يموت ماتخليه ياخذ ولدها : هذا ولدي وانا اعطيه اللي ابي ولا مابي
صد خلف بغضب وهو ماله خلق مشاكل وعوار راس وطلع وهو يتنحنح واتجهه للمجلس وقال بتحفظ: نايم ياعقاب
فهم عقاب من ملامح خلف وسكت لكن جاء سالم يقول : جت وجد واهلها
كل الرجال طلعوا يستقبلون جد وجد اللي بدا يسلم عليهم ومن بينهم عقاب اللي عقله بخليفه للحين لكن انتبهه لخلف يأشر له وقرب : وش فيك!؟ خلف : مالك نيه تروح لزوجتك وتسلم عليها .

انتبه عقاب وضحك: اي والله نسيت
خلف بهمس : خلك رقيق القلب ياعقاب هاذي عشيرتك لا تطغى
عقاب : ابشر
تركهم عقاب وراح وهو ينادي شهد : نادي لي وجد
لكن طلعت وجد قبل تدخل شهد المحرجه ووقفت وجد ماتدري وش تسوي ماتدري كيف بتستقبله بشي غير دموعها وعقاب بعد مايدري كيف بيتقدم عنده دايم تردد ولكن قالت وجد : حمدلله على سلامتك
اخيرا تقدم عقاب وبادر بحضن خجول وبعيد شوي ومثله تماماً وجد
عقاب : الله يسلمك ، كيفك وش اخبارك
وجد : توني صرت بخير يوم شفتك بخير ورجعت لنا سالم لكن وش فيها يدك وراسك
عقاب : حمدلله مافي شي قوي مجرد إصابات خفيفه
وجد : حمدلله اجل مابي أخرك على الرجال
عقاب :هاه! اي والله يلا انتي ادخلي بعد
وجد: طييب
وبس كذا انتهى لقائهم !! كانت وجد خجوووله جداً وبهالخجل اعدت عقاب اللي صار يكتم كل تصرفاته ومشاعره ومايقدر يفصح عنها كان متوقع انها تاخذه بالاحضان وماتتركه ابد يروح لمكان لكن ماصار شي من هذا كله ورجع للرجال بهدوء وجلس
_______________________.
وفي بيت النوخذه
كان الفرح يعم عليهم كلهم ناقصهم بس وجود نهيان
كانوا مجتمعين حول نهيان اللي فرحان بصوته وفرحان بكل شي
ابو نهيان: حمدلله يارب ازمه وعدت
ام نهيان: اي والله حمدلله والله يجازي خلف وضاري كل خير ماقصروا ويانا ابد
شيخه: حتى مضاوي ماقصرت
مريم: اهل الخير واجد كلهم ماقصروا
جابر:كل الدنيا بكفه وخلف بكفه
استقرت هالكلمه بقلب ليلى اللي نزلت عيونها وهي تشهد على كلام جابر بكل شي فيها
جابر : ما كنت اظن انه بيوقف ويانا هالوقفه ! انا ما ادري شلون ارد له جميله شلون اجازيه !؟ ومدري شلون احط عيني بعينه بعد اللي سويته
ام نهيان: يا يمه لا يضيق صدرك مهما كان انتم اصحاب وخلف بيسامحك
جابر التفت لابوه وقال: تقدر تقولي بعد كل شي صار!؟ شلون هالناس ما يشرفونا!؟ صد ابو نهيان بضيق وهو للحين كلام خلف واسفه بأذنه وصح خلف ماقصر معهم لكن كان غلطان ولا يدري كيف بيغفر له غلطه وهو الحين يعيش بتذبذب مايدري كيف يفهمهم وكيف بتخطى خلف هالمره
وقرر يسكت وياخذ التليفون ويدق على نهيان اللي رد وهو فرحان ويبشرهم انه بيجيهم
_______________________.

بعد كل هالفرحه اليوم من بعد ٧ شهور لاول مره بتنام عيونهم قريره وهم مرتاحين
لكن مرتاحين من هم الحرب لكن ما ارتاحوا من العثرات اللي توقف بطريقهم ... مثل خلف اللي رغم الحرب والعذاب اللي فيها الا انه كان مرتاح انه قريب النوخذه وعياله قريب خلف ويشوف ليلى كل يوم من بعيد يقدر يسمعها وهي تسولف مع جابر ويسمع ضحكتها ويطمن قلبه
لكن الليله بينام وهو مايدري يقدر يروح لهم بكره او لا ومايدري كيف بيتصرف مع النوخذه بعد كل اللي صار ... بجنب فراش خلف كان عقااب منسدح جنبه وهو هلكان من زمان ما نام الليل وماصدق انتهت هالازمه لكن مشغول باله شلون بيكمل حياته الحين شلون بيكون مرتاح ويكسر حاجز الخجل بينه وبين وجد والاهم هل بيفرح بطفل!؟ ولا بيجلس يترقب بس ، ونص تفكيره في خليفه ولد مبارك مايدرري ليه متعلق بهالطفل لكن مستحيل تخليه وعد يقرب منه ووعد بعد قصتها معه قصه
... جنبهم بعد فراش ماجد اللي ماله اي خطط ولا اي قرارات بعد الحرب الا انه مايخلي سحر تطلع من البيت وبيخطب بكره وبيتزوج بأسرع وقت وبيحقق وعوده اللي طول الحرب وهو يوعد سحر بها بينه وبين نفسه وماهمه عقاب ولا غيره
...
في القسم الثاني ما نامت اماني وهي تبكي بحسره وحزن من ملامح جابر تبكي قهررمن اللي صار فيه لكن تواسي نفسها بقولة( المهم انه بطل ما ترك ديرته وهج)لكن تنهار من طرف ثاني وتقول ( لكن عذبوه الكلاب حسبي الله عليهم)
كانت متعاطفه معه اكثر من حبها له ولا هو مجرد احساس بسيط ماتدري وش تسميه لكن لازم تنهيه قبل يدمرها
... وعلى طرف وعد اللي تهز بولدها وهي تفكر لازم تدمر عقاب زي ما دمر حياتها وانهاها قبل تشوف النور لازم تاخذ حق ولدها ومبارك ماهي قادره تبري عقاب من ذنب مبارك ابد
... _______________________.
وفي بيت النوخذه
كلٍ نايم براحه الا جابر
اللي مفطور قلبه وذابحه الهم مايدري وين يروح ووش يسوي وهل ممكن بعد اللي صار فيه انه يرجع طبيعي ومايكون تأثر بشي من اللي سووه له !! هذا هم وأماني هم ثاني وخلف بعد هم اكبر
موجوع قلبه على اماني ماهو قادر ينساها ابد حتى في الحرب ما فارقت باله ابد ولكن مايدري كيف بيجتمع فيها
وكيف بترجع صداقته مع خلف بعد ما اهتزت ....
وفي الغرفه الثانيه
كانت ليلى تبكي خوفاً من ان بعد هالحرب ينقطع كل شي بينهم بين خلف ويضيع للأبد منها كان عندها امل ان ابوها يسامح خلف وينهي هالعذاب
وكانت شايله هم جابر بعد تحس فيه وتشوف كسرة قلبه ولا تقدر تسوي شي
_______________________.
وفي شقة ضاري ونادر
تحديداً في غرفة ضاري كان منسدح بهدوووء غريب عليه كان يفكر بخلف وشايل همه! وش بيسوي خلف لو ما تصلح كل شي وبعد كل هالتضحيه يروح تعبه هباء منثورا كان ضايق صدره عليه ولكن التفت لمضاوي اللي هي بعد في سكون غريب
كانت مضاوي ماهي مستوعبه ان كل هالحرب والخوف انتهت كانت طول هالفتره تسمع همس بين ضاري وخلف واغلب مواضيعهم النوخذه وتأكدت ان فيه شي لكن ماتدري وشو ولا تدري كيف تسأل ضاري لكن تدري حتى لو سألته مارح يقولها شي وهي هالفتره عرفت ان ضاري يحفظ السر بأمانه ومستحيل يتكلم
ولا حب ضاري يتناقش معها ابد وفضل انه يسكت لانه مايدري وش مصيرهم للحين ومازالوا معلقين ومازال ضاري ماهو قادر يقبل ان مضاوي تصير زوجته بعد رفضها له ..... ولكن في الغرفه اللي بجنبهم
نادر كان الوحيد اللي تخطى عثراته نسبياً وبدت الراحه تكسي حياته والحب يفيض منها
وماكان يحط خطط لبكره ابد بالعكس كان يعيش على الظن لللي يسكن بقلبه وظنه الوحيد ان ماله حياه بعيد عن شوق
ولكن شوق كانت مثل نادر تشوف ان كل عثره في حياتها انتهت ولكن اختلف كل شي بعد مارجعت من عند ابو نادر وام نادر ...؟ كانت بخير لين صارت ام نادر تحن وتزن فوق راسها وتقول ( اسمعيني زين؟؟ لايكون ناويه تخلين وليدي من دون ضنى!؟ لا يكون بتقطعين نسله ولا تفرحيينه!؟ علمٍ يوصلك ويتعداك والله لو جبتي له ولد يشيل اسمه ولا بنيه يراعيها إني لزوجه وحده احسن منك سمعتي!؟ )
شالت شوق هم عظيم كانت خايفه من كل شي!؟ خايفه فعلاً انهم يزوجون نادر ! وخايفه من الحمل والولاده !؟ ونادر بعد مايبي عيال الحين ومتفقين انه مايخلفون لين اقل شي يصير عمرها١٩! لكن كيف تصرف مع ام نادر كيف !؟ ولا كانت تقدر تقول لنادر اللي كانت تشوف حزنه وهو بعيد عن امه وابوه وتوه صار بخير اول ما رجعت علاقتهم هاديه كل شي كان صعب ولا تدري كيف تخطى هالعثره!
_______________________.
ومن بكره
صحى خلف ولقى هو وعقاب بس بالمجلس والكل كانوا قد صحوا وطلعوا وتركوهم ينامون
اعتدل يناظر عقاب وشافه نايم بتعب وهو مانام زين وهو كل شوي يتفزز يحسب انه بالحرب للحين ولا نام لين ثقل عليه جده للبس كإنه طفل عشان ينام براحه
ما حب خلف يصحيه رغم انه مشتااق لعقاب حيل لكنه طلع وشاف الكل بالصاله يتقهوون ماعدا اللي ماهو محرم
ابو ناصر: صح النووم
خلف :صح بدنك ياجدي
بعد ما غسل اقبل وهم يسلم على روسهم وجلس
عزوز: ماصحى عقاب
خلف : شفته نايم ماحبيت اصحيه
محمد: خلوه خلوه يرتاح شوي ويقر عينه بنومه
ابو ناصر: اي والله امس ما نام ابد .

ماجد : الله يعينه ما مر بشي سهل والحمدلله انه رجع بخير وسالم
الكل: حمدللله
كانوا يتناقشون ومن ضمن كلامهم قالوا ان الكويتين بدوا يرجعون للكويت
ولفت خلف اللي كان جالس وبحضنه غيث وجنبه سالم وهم بعد اشتاقوا لخلف كثييييير
لكن بعد هالكلام فز خلف! وهو يردد بنفسه ( معقوله!؟ النوخذه بيرجع للكويت!؟ اكيد بيرجع وش يجلسه هنا! )
اخذ شماغه ووقف ابووخلف : وينك رايح!؟ خلف: قريب قريب
طلع يخف خطوته وبدون مايحس لقى نفسه قدام باب النوخذه ورفع يده ودق الباب بجمود وقوه وبعد شوي انفتح الباب وكان مردود وجاه صوت ام نهيان اللي صار يعرفه : منو !؟ خلف اخذ نفس وقال: انا ياخاله خلف
كان خلف محافظ على احترامه لنوخذه وام نهيان وكانت ام نهيان تحترم خلف من قبل لكن بعد هالموقف صارت تحبه وتقدره حيل فتحت الباب : حياك يا خلف حياك
خلف: الله يسلمك ، لكن وين النوخذه وجابر!؟ ام نهيان : النوخذه راح مشوار وجاي دش دش جابر بالمجلس
خلف : زين
فتحت الباب ودخلت وتركته وبعد فتره دخل خلف وهو يتنحنح
وففزت ليلى على صوته تعرفه زيين وقفت بالمطبخ وهي تايهه فرحانه انه جاء وما قطع
ودخلت ام نهيان : ليلى يلا يلا زهبي الچاي عشان اخذه حق جابر وخلف
شيخه: خلف جاء!؟ ام نهيان: ايه من شوي جاء ، يلا يا ليلى
ليلى: طيب
بدت تجهزها وقلبها يدق ماتدري كيف تهديه
_______________________.
وفي المجلس
فز جابر اول ماشاف خلف لكن اسرع خلف له : اجلس لا تعب نفسك
جابر: انا زيين حمدلله اقدر اوقف
خلف : ماعليه ماعليه انا اجيك واسلم عليك خلك مرتاح
جابر: والله مادري شلون ارد جميلك ياخلف
خلف : افا يا جابر افا وش هالحكي مابينا جميله ولا شي انت اخو وجار وتستاهل كل خير
جابر: والله انا مستحي منك واجد
سكتوا على صوت الباب وكان ابو نهيان اللي دخل ووقف اول ماشاف خلف فتره وبعدين دخل وهالفتره وتر خلف اللي وقف يسلم عليه وبقى واقف
جابر: خليف اقعد وين بتروح
خلف : انا جيت بشوف جابر وبطلع
ابو نهيان: اقعد ياخلف اشرب قهوتك وبعدين براحتك
ضاق صدر خلف مبدئياً وجلس وهو مايدري وش الخطوه اللي بعدها
_______________________.
في شقة ضاري ونادر
كانوا الرجال بالمجلس والحريم بالغرفه يفطرون بهدوء
ولفت ام ضاري وقالت : مضاوي!
مضاوي : سمي
ام ضاري : شلون كتف ضاري ! من امس يشتكي منه
سكتت مضاوي وهي ماتدري عن كتف ضاري ولا تدري وش تقول لكن قالت: بخير بخير ماعليك ياخالتي
ام ضاري : انتبهي عليه يايمه تراه يبرد بالليل غطيه وانتبهي له

صدت مضاوي وهي ماتدر ي عن هوى داره هو في جهه وهي في جهه
لفت ام ضاري: شوق يمه وش فيك ضايق صدرك
شوق ناظرتها بضيق وقالت: مافيني شي
مضاوي : الا فيك شوفي عيونك كيف حمراء ومغورقه احد مزعلك علمينا
شوق ماكانت تدري تقولهم او تسكت لكن فضلت تسكت لان هالشي بينها وبين نادر :لا بس مانمت زين
مضاوي : خلاص اسمعي روحي نامي وانا بخلص الشغل
شوق: لا والله تشتغلين لحالك!؟
مضاوي: عادي مافيه شي يسوى روحي بس نامي
شوق : زين
وقفت وراحت لغرفتها بصمت وهي تفكر كيف بتصرف وسمعت صوت باب الغرفه وغمضت بسرعه ماتبي اي نقاش مع نادر
دخل نادر واستغرب انها رجعت تنام ما ارتاح لهالحركه وراح مسرع لها : شوق شوق
اصرت شوق تسوي نفسها نايمه ولا ترد عشان ما تنهار
قرب نادر يناظرها وشافها نايمه مد يده يشوف اذا مسخنه فيها شي بس كانت عادي
قرر يتركها تنام ويروح واذا رجع يشوف وش فيها لان اكيد لو فيها شي ما تخبي عليه
_______________________.
وفي طرف الثاني من الشقه
تحديداً بالمطبخ دخلت مضاوي بالمطبخ وهي تشوف ضاري يحووس بالثلاجه وهو ماسك كتفه
مضاوي : وش تسوي!؟
التفت ضاري وجهه منكمش من الالم : مسكن ولا مرهم
مضاوي: يوجعك كتفك!
ضاري: ايه
مضاوي: وشوله ماقلت لي طلعتني خبله عند خالتي وخليتني اكذب عليها
ضاري: بسم لله عليك وعلى الصدق والعطاء اللي تعرفينها ! ولكن ممكن اعرف كيف تأكدتي انك خبله
مضاوي : ترا مالي خلق اتهاوش معك من الصبح
ضحك ضاري وصد: اخيرا صار مالك خلق! المهم ليه وش قايله لك امي
مضاوي : ابد هي سألتني وشلون كتفك ! وحضرتك ماعلمتني عن كتفك وعشاني مادريت جلست ساعه مفهيه وبعدين رقعتها وقلت ان طيب وطبعاً عندي شعور انها كشفتني ومتأكده انها بداخلها تقول شهالخبله اللي ماتدري عن زوجها
التتفت ضاري يناظرها بهدوء وضحك: ايه زوجك ما يخالف
مضاوي حست بإستهزاءه وسكتت لكن قالت :اسم اني انا وانت بغرفه وحده هذا بحد ذاته يحملني مسؤوليتك قدام خالتي اقل شي حطني بالصوره قدامها
ضاري : ابشري ابشري ما طلبتي شي اجل طال عمرك انا بروح الغرفه وانتي جيبي المرهم والمسكن عشان تكونين بالصوره
راح وتركها ولفت بقهر: ماصدق المجرم
قشت كل شي بالثلاجه ينفع ولا ما ينفع ولحقته وشافته منسدح بهدوء وقربت وهي ترمي الاغراض قدامه : خذ .

ضاري : حشى وش ذا كله لو اني بعير ما تحملتها كله
مضاوي لفت بتطلع : عاد بتحمله بعير ولا ما انت بعير
ضاري : تعالي تعالي شايفتني اخطبوط كيف اوصل لكتفي
مضاوي: استغفر لله
جلست قريب وهي تتحسس كتفه بتشوف وين يوجعه لين قال ضاري بألم: هنا هنا
مضاوي : اييييه بسيطه مايحتاج كل ذا
ضاري بإستهزاء :وش يحتاج يا دكتوره
مضاوي: هذا أبهر يبي له بس تدليك خفيف وطقه خفيفه وخلاص تصير حصان
ضاري لف بخوف: مضاوي! هذا وجع ماهو لعب ياويلك تستهبلين علي وتوجعيني زياده
مضاوي: افا ما تثق فيني
ضاري : ولا ١٪؜
مضاوي : يلا الله يسامحك بسوي اللي علي والباقي على الله
ضاري : وش بتسوين!؟ مضاوي :لف لف وبتشوف
كان ضاري متخوف منها مايثق فيها لكن ارتاح اول ما بدا تدلك ظهرها ووقفت وهي تقول : خذ نفس واستعد
ضاري : ليه!
مضاوي: بطقه لك!
ضاري: لا لا
مضاوي : اخذ نفس بس
مايدري ضاري ليه يطاوعها رغم انه خايف واخذ نفس وحطت رجلها على كتفه وهي تضغطه بقوه ( طريقتنا🌚 مدري عنكم انتم)
وصرخ ضاري بكل صوته اول ماسمع طقطقه ظهره وشهقت مضاوي ونزلت بسرعه وهي تكتم صوته
وثواني جات تركض ام ضاري وهي تدق الباب: ضاري ضاري يمه وش فيك
فزت مضاوي وهي تخبط راسها وتهمس : حسبي لله عليك فضحتنا فضحتنا
اخذ ضاري نفسه بالقوه وهو يقول بصوت مكتوم وضاحك : مافيني شي يمه مافيني شي
ام ضاري : وش بلاك تصارخ!؟ ضاري :مافيه شي يايمه
ام ضاري : زين يمه زين لكن اقصر صوتك معنا ناس
ضاري: زين
مضاوي اتجهت له بغضب: فضحتنا فضحتنا
ضاري: وش اسوي كسرتي كتفي
مضاوي : المهم وش تحس الحين!؟ رفع ضاري يده ونزلها وجلس بذهول : والله انك كفو
مضاوي: قايله لك ما تطيع
وقف ضاري : اجل بطلع دامني طبت
مضاوي : خير خير يا الطيب طلعنا معك طيب
ضاري : وين اوديك!؟ مضاوي : اي مكان
ضاري : مافيه شي مفتوح هالحزه
مضاوي: طيب ودني لاهلي اكيد بتروح لخلف والعيال
ضاري : يلا اجل يلا
ركضت مضاوي تجهز وطلع ضاري لامه اللي تهاوشه للحين على صراخه لكن هدت اول ماعرفت ان مضاوي عالجت وجع كتفه
_______________________.
وفي بيت النوخذه
عجز خلف يجلس اكثر ووقف وهو يودع جابر وطلع وطلع مع النوخذه ولف خلف واخيراً تجرأ وقال: عمي النوخذه انا ابيك بموضوع
ناظره النوخذه وهو خفت حدت نظراته لخلف : قول اسمعك
خلف اخذ نفس وقال : انا ادري مهما قلت مايبرر غلطي ادري ان اللي صار ماهو هين عليك وعلي

لكن يعلم الله ما نويت الردى والضرر ويعلم الله ماكان بيني وبين بنتك اي شي الا اوراق بسيطه ما تنذكر ولكن انا اتمنى انك تعطيني فرصه اصلح اللي صار وانا جايك حاط روحي بين يدينك واطلب يد بنتك على سنة الله ورسوله عطني اياها ولا اذبحني ويبرد قلبك وقلبي لأني مقدر ابعد عن جابر ولا اقدر انسى اللي صار ويعلم الله اني ما نويت الا اني اطلب بنتك زوجه لي من زمان لكن ظروفي ما ساعدتني ولا ابي هالشغله تطول ادري لازم اجي مع امي وابوي واهلي لكن ابي منك القرار اول لان وضعنا مختلف
ما توقع ابو نهيان هالخطوه من خلف ابد ولا يدري كيف يرد عليه وخصوصاً ان جابر مطلق اخته وكيف ترك كل شي وجاي يتقدم لكن قال بغضب: قبل تسوي اللي سويته مافكرت بجابر!؟ خلف : لا تحسب اني كنت مرتاح لا والله وكنت ناوي اكلم جابر لكن مع الاسف صار اللي صار وما لحقت
ابو نهيان طال سكوته يناظر خلف وقال: هالوقت ما اقدر ارد عليك ولكن روح ولا تجي ولا اشوفك لين اتصل فيك وحزتها تعرف وش قراري
تحطمت آمال خلف كان متوقع ان النوخذه بعد هالحرب عرف قدره وعرف انه يستاهل بنته بس الظاهر كسره اكبر ولا رد خلف وراح وترك النوخذه وراه
كان باني حلمه على هاللحظه يا يكبر ويبشر ليلى انهم بيجتمعون يا انه بينهدم وهذا اللي حسه خلف من نبرة النوخذه
_______________________.
في بيت ماجد
صحى عقاب والكل اجتمعوا وجاء خلف وجاء بعد ضاري وكانوا جالسين يسولفون لاول مره بهدوء وروح مرتاحه
وفيصل وعزوز يدورون بالقهوه والحلا والابتسامه ما فارقت وجيهم
ابو ناصر: يالله لك الحمد الله يديم علينا الامن والراحه
الكل : امين
ماجد : الحمدلله حمداً كثير، ودام هذا الوضع انتهى وكلنا بخير انا عندي موضوع وابي افاتحكم فيه
ابو خلف: خير ياماجد
محمد : خير اللهم اجعله خير
ماجد: انا من فتره وانا مقرر ولكن جت هالحرب وشتتنا ودام عقاب حمدلله رجع بخير انا اتشرف اطلب يد اخته سحر على سنة الله ورسوله
عم الصمت ولفت كل الانظار لخلف .

اللي ضاق صدره من نظراتهم ووقف وقال : لا احدٍ يناظرني كذا!؟ سحر مثل اختي وانا اتمنى لها كل خير
رجعت الانظار لعقاب اللي ما توقع ابد ومايدري وش يقول وقال الجد: هاه يا عقاب امر اختك بيدك
عقاب تشنج مايدري يرفض او يوافق هو يكرهه ماجد لكن هذا مايعطيه حق يرفضه ويشوفه رجال رجع يفكر بسحر اللي يشوفها كبرت وخايف يروح عليها الوقت وتجلس عانس والكل يحسبونها لخلف ومافيه الا ماجد كفو لخلف
التفت لعزوز اللي كانت الابتسامه شاقه وجهه وعزوز اصلا يحب ماجد وقال عقاب: ماجد يستاهل كل خير لكن القرار الاول والاخير لسحر
ماجد : اكيد اكيد
عقاب : عن اذنكم
وقف ومعه عزوز وكان عقاب محتار وقال عزوز: وش فيك كأنك ماتبي
عقاب : تدري اني ما احبه!؟
عزوز: ما ادري وش سبب كرهك له لكن! انت تدري انه رجال كفو وشايل نفسه ومايقصر انت ما شفت شلون فالحرب شالنا كلنا ولا قصر
عقاب : ادري لكن انا بفوض الامر لسحر وهي تختار
عزوز: الله يكتبه من نصيبها
التفت له عقاب بهدوء وصد : رح نادها
دخل عزوز مبسوط وهو ينادي سحر اللي جت وهي مستغربه : عزوز وشفيك ليه تنادي
عزوز ببتسامه : يبيك عقاب
راحوا لعقاب بالغرفه الثانيه وكان عقاب متوتر اكثر من اي يوم واي لحظه
سحر: عقاب وش فيك
عقاب : ا اسمعيني فيه موضوع بكلمك فيه وانتي لك حريه القرار
سحر: خير اللهم اجعله خير
عقاب : من شوي بالمجلس خطبك ماجد وانا مارديت تركت لك القرار انتي
دارت الدنيا بسحر كانت متعشمه ان خلف بيرجع وانه بهالازمه ممكن يفكر من جديد لكن ويييين وهذا ماجد دخل بالطريق كان ودها تعرف وش ردة فعل خلف
لكن قال عزوز: وترا ماجد سأل خلف قبل وقاله خلف انكم تعدون بعض اخوان يعني لا تخافين من جدي او اي احد
تحطم قلبها من رد خلف اوجعها حيل وبلحظة انكسار وقفت وقالت : انا موافقه
وطلعت بس هالكلمه طيرت عزوز لسابع سماء لكن عقاب ماحبها ولايبيها توافق وكان ناوي يرفض بس سبق عزوز وقال لجده لللي جالس بهمس: ابشرك سحر وافقت سمعه عقاب وتمنى لو يمسكه ويتوطى ببطنه طلع القرار من يد عقاب اللي تكتف ووقف وهو يناظر جده اللي قاال : وصلنا خبرٍ زين يا عقاب
بالقوه قدر عقاب يبتسم وقال: الله يوفقكم ويجمع بينكم بخير
تشقق ماجد من الفرح ووقفوا الكل يسلمون عليه ويباركون وخلف يسلم عليه انتبهه لرجفة يديه وعيونه الفرحانه ابتسم بخفه وصدمه ما توقع ابد ان ماجد بيفرح بهالرد هالكثر لكن تنهد بداخله وهو يقول ( الله يوفقه ويفرحني مثل ما فرحه ) .

تركهم ماجد بعد ماسلم وراح يبشر اخته ام وعد اللي فزت بفرح وهي ترغرط بصوتها كله
ومحد يدري وش فيها!؟وتجمعوا عليها
ندى: خالي وش فيكم!؟ ابتسم ماجد والفرح يعم وجهه: باركوا لخالكم بيصير عريس
شهقوا بفرح وجدان: ايييه هاذي الاخبار الزينه
وعد: سحر!؟
ماجد : ومن غيرها
ابتسمت وعد لاول مره بعد هالحرب : الله يوفقكم يارب والف مبروك
ماجد : الله يبارك فيك
اماني اللي من صبح فيها غصه ابتسمت: الف مبروك
ندى: مبروك خالي
حنان: الله يجمع بينكم في خير
الكل: امين
ندى: انا بروح لسحر
ركضوا وراها البنات وقربت ام وعد : الله يهنيك يا ماجد
ماجد : امين ابيك تدعين لي كثري الدعاء وتروحين تفزعين لسحر من البنات
ام وعد:هههههههه ابشر
راحت ورجع ماجد عشان يكملون اتفاقهم على العرس والملكه
_______________________.
وفي قسم الحريم
جات ندى تركض وتزغرط وتضحك: ياجده باركي ياجده
ام ناصر : بسم لله وش فيك
ام خلف: فرحونا معكم
مضاوي : خير
ندى: وينها سحروه اختفت
ام وعد : خليها بحالها
عهد : اي والله وينها!؟ ام وعد : ابشركم ماجد خطب سحر من عقاب ووافقوا
فزت عهد بصدمه : وشو!
مضاوي : ماشاء الله الف الف مبرووك
هيا: الله يديم الافراح ياربي
ام ناصر: وخلف
ام خلف صدت بضيق : ياخالتي قالكم خلف من قبل هو وسحر انهم مايشوفون بعض الا اخوان
ام وعد : وياخالتي ترا ماجد ماعليه قصور ومثله مثل خلف
ام ناصر: ماقلت شي ماجد كفو ويستاهل والف مبروك
ام وعد : الله يبارك فيك
وجد: الف مبروك
ندى: تعالوا نروح لها
دخلوا كلهم لسحر اللي من كثر ما شدت على اسنانها عشان ما تبكي ماعادت تحس فيها
كانت تسمع اصوات البنات بس ماهي قادره تشوفهم من الدموع
ندى: وانا افكر واقول من هي المحظوظه اللي بتزوج خالي وطلعتي انتي الله يالسعاده
مضاوي: قصدك خالك محظوظ انه خذاها
اماني : ياربي مو مهم من المحظوظ لانهم مررره لايقين على بعض الطيبون لطيبات
عهد : هذاك قلتيها يا اماني وزين ان خلف عرف نفسه
وعد : انتي خيييير خييييير وبعدين معك تبين انتفك هنا
سحر وقفت : خلاص وش فيكم! خلف ولا ماجد مافيه فرق
شهد : عهد وش صار لك !
عهد : انتي بذات يا وعد لا ينسمع صوتك كل شي صار وبيصير من تحت يدك وتخطيطك لكن هذا ربي عاقبك وبلاك
بس هالكلمه اللي كسرت صبر وعد اللي عطت ولدها وجدان بغضب وانقضت على عهد بقهر الدنيا ماتدري كيف سوتها بس سوتها لان عهد ماتستحي

اعتلى صراخم وكلهم يحاولون يفرقون بس مافيه فايده
_______________________.
وفي مجلس الرجال
بعد ما اتفق ماجد مع عقاب على المهر واتفقوا ان الزواج يكون قريب وبنص كلامهم فزوا على صوت الصراخ
وركضوا لكن وقفوا اول ما تذكروا انهم ماهم محارم
الا ابو ناصر اللي رمى عصاته
وقفوا الرجال مروعبين كلهم ودخل ابو ناصر ينادي وشاف الكل واقف وبصرخه وحده منه وقفهم كلهم
وتفرقوا بسرعه ودخلت وجد جوا ودخل ابو خلف
وهو يصرخ: وش فيه وش فيه
ابو ناصر: وش ذا وش اللي صاير
عهد : بنتك ياعمي تجرأت وتضربني هالمريضه المعقده
ام ناصر: وش بلاكم انبهلتوا
ابو خلف : وشو!!! وعد وشوله ضربتييها!
بقهر وكسرة قلب صرخة وعد بألم غطلت وقالت : هي اللي تطاولت وماتربت
في لحظة غير متوقعه سكتت وعد اول ما اعتلى صوت الكف اللي انطبع على وجهها من ابوها ؟ عمره ما مد يده عليها ومدها في وقت ضعفها وقهرها
اخذت عهد نفس بعد ما بردت قلبها في وعد وكسرتها قدام الكل
شهقوا كلهم وصرخ ابو ناصر: لا لا يا ناصر لا
اخذت وعد ولدها بهدو وطلعت وهي ما نطقت شي بعد حضنت ولدها اللي تعتبره الملاذ الوحيد لها
_______________________.
وعند الرجال
طلع غيث يركض وهو يقول : وعد وعهد تهاوشوا
كلهم لفواا يناظرون بعض وقال عقاب بصراخ: ادخل شف الطريق بسرعه بسرعه
ركض غيث يبلغ البنات اللي دخلوا ورا وعد الا خوات عقاب
ودخل عقاب بغضب : خييير وش ذا صاير
شهد : عهد ووعد تهاوشوا
عقاب : وش صار اشرحي
عهد : هي اللي مدت يدها علي
عقاب : سؤال مابي اكرره
شهد قالت كل شي لعقاب وتحسف ابو ناصر انه ضرب وعد
ابو ناصر: هذا كلامك لبنات عمك وولد عمك؟؟ طلعت ندى بقهر وهي لابسه عبايتها : مب بس كذا!؟ ترا من زمان وهي تغلط واحنا ساكتين حشمه لكن ماهي كفو تضرب وعد عشانها يبه
سحبتها امها بالقوه ودخلتها قبل لا تنضرب هي بعد
احمّر وجهه عقاب بغضب وهو ياما هددها وحلف لو تغلط عليهم ليدفنها بس ما تطيع
وفي لحظة غضب ضرب عهد كف مليان قهر منها وهو يصرخ: دقيقه وتنزرعون قدامي عند الباب والا واللله اسود عيشتكم
في ثواني اخذوا اغراضهم بما فيهم وجد بخوف وطلعوا مع عقاب اللي سحبهم هم وعزوز وطلع رافض اي اعتراض من اي احد .. ودخل خلف معصب بعد اول ما عرف ان وعد انضربت عشان عهد اللي ياما اشتكوا منها
خلف : ليه يبه ليه تضرب وعد عشان هاللي ..سكت بغضب :ليه تضربها في الوقت اللي المفروض نكون معها ليه

ابو ناصر: استهدي بالله ياخلف
تركهم خلف بغضب ودخل لوعد شافها مثل ماعهدها جالسه شامخه ما اهتزت ولا نزلت لها دمعه ناظرها بهدوء وهو يأشر للبنات يطلعون وطلعوا وكلهم مقهورين
وتقدم خلف وهو جلس جنب وعد ونادها بهدوء: وعد وش صار
ناظرتها وعد وهنا اهتزت وتعزعزت وانهارت بكت بحرقه وحضنها خلف بسرعه : بسم لله عليك بسم لله عليك اهدي تعوذي من ابليس ما تستاهل دموعك هاللي ما تستحي
ابعدت وعد بقهر وقالت: ابكي على حظي اللي خلاني لعبه في يدينهم
فز خلف : في يدين من!؟ افا وانا اخو وعد افا علميني من مضيق صدرك والله لضيق الدنيا عليه
للحظه نوت وعد تقوله عن افعال عقاب نوت تقوله انه اكيد ورا كلام عهد واكيد هو معزز لها لكن سكتت ماتبي تكسر قلب خلف بعقاب صديقه وروحه كفايه عليه ليلى مسحت دموعها بهدوء :مافيه شي لكن قهرتني هالكلبه
خلف : لا تقهرك ولا تفكرين فيها عقاب عطاها اللي تستحقه وانا متأكد انه بيعيد تربيتها
سكتت وعد واصرت على سكوتها وثقة خلف في عقاب كبيره ورجع خلف يواسي وعد لين حسها هدت وطلع
_______________________.
وفي مجلس الرجال
توتر ماجد وخاف يصير شي يخرب عليه وكان ينتظر خلف يطلع ويفهم السالفه
وجاء خلف بضيق وجلس ماجد: خير ياخلف وش صار
خلف : ابد تصرف جاهل من جاهله وانتهى
ابو ناصر: وين راح عقاب
فيصل: ماندري
ابو ناصر: محمد اتصل فيه قله لا يبعد نبي لين تضبط الامور ونرجع سواء لبيتنا
محمد : ابشر
ضاري حس بتوتر وهو موجود بهالمشكله وقرر يهج لكن وقفه خلف : انتظر يا ضاري جاي معك
طلع خلف مع ضاري اللي كان ساكت ماقرر يدخل في شي
خلف رغم ضيقه من هالسالفه كان همه اكبر وخايف من ابو نهيان ورده
ضاري: فيك شي!؟
خلف : كلمت النوخذه اليوم
لف ضاري بسرعه: كلمته بوشو!؟ خلف : خطبت ليلى
ضاري: وشوووو صادق انت!؟ خلف:ايه صادق لاني ماعاد اقدر اتحمل ذابت روحي يا ضاري انتهيت هاذي هي سنه مرت وانا لا حي ولا ميت سويت كل شي بيدي عشان انسى ماقدرت حاولت ماقدرت لكن هذا اخر الحلول يا اتزوج ليلى يا اموت واريحها واريح نفسي
ضاري: ادري والله ادري لكن هو وش قال !؟
خلف : قال رح ولا تجي لين اكلمك
ضاري حب يغير جو خلف وضحك: حشى وظيفه!
خلف ضحك بضيق: اشد واقوى
ضاري : وكيف شفت قبوله!؟ خلف : والله ما هقيت يا ضاري ما يطمن ما شفت في عيونه رضا ابد .

ضاري: وكلها على ربك وتزين
سكتوا اول ماجاء نادر: سلااام
الكل : وعليكم السلام
نادر: وش فيكم ضايقين !؟ مرني عقاب بأهله معصب ولا رد وراح
خلف : مشكله بسيطه
نادر: وش صاير
استحى خلف يقول ان بنت عمه تلفظت عليه وعلى اخته واشر ضاري لنادر يسكت وقال نادر: ا ماعليه بسيطه
خلف : شفته وينه!؟ نادر: فيه شقق بعماره جنبنا دليته عليها فضت اليوم اتوقع انه هناك
خلف : يلا بنروح له
الكل: يلا
_______________________.
في بيت النوخذه
اجتمعوا كلهم بالمجلس ساكتين وام نهيان تدلك رجول جابر وليلى جالسه جنبه تقطع له فواكه وكانت عيون ابو نهيان عليهم يراقبهم وهو يفكر بخلف وبجابر للحين
خايف على جابر ان الحرب اثرت فيه وخايف انه يوافق على خلف ويرفض ابو خلف يرجع اماني لجابر فالنهايه طلاقهم صار بطريقه سيئه
وفي عز انشغالهم دق الباب ووقفت مريم : انا افتح
راحت مريم وفتحت وهي صاده توقعته ضاري اول ماشافت ثوب ابيض لكن اندف الباب ودخل وشهقت وهي تناظر الرجال وصرخت صرخه خالطت صوت نهيان اللي ضحك وهو يقول : مريوووم
انهارت تبكي وهي تحضنه بكل قوتها وتبكي وتردد اسمه برجفه
طلعوا كلهم يركضون ما عدا جابر وركضوا لنهيان اللي ابتعد عن مريم وركض لامه وابوه واخوانه وانهار ابو نهيان يبكي وام نهيان ونهيان تأثر
والتفتوا على جابر جاء يمشي بخطوات ثقيله وتعبانه
وركض له نهيان وهو يحضنه: بسم لله عليك يا اخوي بسم لله عليك من كل شر
حضنه جابر : حمدلله على سلامتك يابطل حمدلله على سلامتك
نهيان: الله يسلمك
ام نهيان: تعال يمه اقعد شوف وجهك شلون تعبان تعال
اتجهوا للمجلس الا مريم متصلبه بمكانها ورجع لها نهيان وهو يناديها وقرب يحضنها: مريوم ياحبيبتي شفيچ
لفت عليه مريم وهي تمسح على وجهه بحب: انتظرت هاللحظه واجد يا نهيان خفت عليك ما ترد خفت يصير لك شي ماني مصدقه ان انته قدامي
ابتسم نهيان وهو يبوس يدها: رجعت الحمدلله لك ورجعنا بكويتنا وان شاء الله انها اخر مره ابعد عنچ
مريم : حمدلله حمدلله
نهيان: تعالي ندخل
دخلت مريم وهي ماودها تتركه عيونها تراقبه بحب ودها تحضنه ماتدري من الوله وش تسوي
الكل كان فرحان ومبتسم وكان جابر يفكر لو هو متزوج اماني !؟ بتستقبله بمثل هالحب!؟؟وقال بنفسه بضيق ( اكيد بتستقبلني كذا لو ماسويت اللي سويته فيها)
سكت بإنكسار ولا عاد رد على احد وسرح بنفسه وخيالاته
_______________________.
في شقة عقاب
اللي استئجرها ودخل ومن ساعة مادخل قلب الدنيا عليهم كلهم وبالاخص عهد محد سلم من صراخه ابد

كان ناوي يكفخ عهد زياده بس وقف عزوز بينهم وهو يقول : خلاص ياعقاب خلاص اللي جاها يكفيها
عقاب : كم مرررره علمتك ماتفهين كم مررره
وجد : خلاص يا عقاب وعد بعد غلطانه
التفت عقاب بصراخ : اص انتي اص بتعززين لها على سواتها ولعنت وعد تغلط ولا لا اذا هي عوبا بتصيرون مثلها
سحر : خلاص الله يخليك خلاص
عقاب: اسمعوني زين ورب البيت لو ينعاد هاللي صار ولا وحده تغلط على اهل عمي ادفنها بمكان ورب البيت
عزوز: كل وحده تحترم نفسها وما تطول لسانها على الناس
عقاب:سامعين
الكل : سامعين
وقفت عهد واخذتها سحر وهي تبكي اما شهد ما اهتمت لان عهد غلطان ودخلت وجد تهدي عهد اللي صارت من اقرب الناس لها
وجلست شهد جنب عقاب وهي تهديه: خلاص ياعقاب تكفى اهدا لا يصير لك شي
عقاب : استغفر الله العظيم
شهد : جاها جزاها ووعد بعد جاها جزاها وخلصنا
عزوز: حرام والله ان وعد تنطق وهي ما سوت شي لو اني مكانها دفنتها بأرضها
شهد: مسكينه وعد تحزن من بعد ما مات زوجها قمت احس انها انهبلت
صد عقاب بضيق وهو مازال ماينسى يوم موت عقاب ولا يغيب عن باله صوت ولده
وقف وطلع وعلى طلعته شاف الشباب يسألون عنه : من تدورون
خلف :ندورك وين رحت يا رجال
عقاب : ابد رؤس اينعت وقد حان قطافها
ضاري : اخس وش صاير بالدنيا عقاب يقول حكم كيف ضبطت معك
عقاب التفت له بغضب: ابد والله من يوم عرفتك وصبرت عليك جازاني الله بالصبر والحكمه تسليه لروحي عن غثاك
نادر:هههههههههه اهلا وسهلا الحين نقول رجعنا لساحات الهواش
خلف : وهالمره ماني مفرقكم سوو اللي تبون
ضاري : والله دامك ياعقاب تقول انك حكيم المفروض من باب الحكمه تحترم عمك زوج عمتك
عقاب: عساها تعمى عيونك يا بو عراده( شوشه) ماعاد الا هي تصير عمي
ضاري ضحك: ماعليه بتكابر شوي وترضى
نادر: اقول ضاري كأنك ابطيت نبي نشوف عيالك
عقاب: مب فاضي الا للمحارش وطولة اللسان
ضاري : لا ياحبيبي لااا احنا ناس راكدييييين وهادين حبه حبه نمشي ماحنا مسعر
حقد عقاب عليه ولف : على الاقل شفنا نتايج لكن انت اقول الله يعير عمتي عليك بس اكيد طايح بكبدها
ضاري من بدايته كانت مزح لكن ما توقع عقاب بيضربه بهالكلمه ويأكد له انه يدري ان مضاوي ماتبيه وطايح بكبدها زي مايقول احمر وجهه وانتبهوا لكن ابتسم بهدوء وقال وهو يقرب لعقاب : ابد طال عمرك عمتك على قولك حره ما تنجبر على شي وان كان هي ببيتي لهالوقت هذا يعني ان قلبها حي ويعرف يحب الناس وزين ما اعديتها بقلبك
احتدت الجلسه بينهن وانتبهوا خلف ونادر وكلهم زعلوا من بعض

ودخل خلف يبعدهم: بس انت وياه ما تنعطون وجهه
صدوا بغضب كلهم وتحسف عقاب انه قال كذا بس كان معصب وانقهر ضاري ماكان يبي يعدي كلامه المزح بس عقاب اجبره يتكلم كذا
نادر ندم انه سأل وتحسف وقرر يسكت وعم الصمت وهم جالسين عند باب البقاله ومحد فيهم قرر يتكلم
_______________________.
بدوا اهل الخفجي
يرتبون امورهم ويرجعون بيوتهم زي ماكانت واللي تضرر بيته يعدله واهل الكويت بعد استعدوا انهم يرجعون للكويت ويرتبون امورهم بعد الحرب
ومن اللي صار ما احد إلتقى بأحد
الا في حارتهم القديمه في الخفجي لللي تأثرت من الحرب واجتمعوا الرجال كلهم يعيدون هيكلتها وترتيبها لكن ابو نهيان كان مضطر انه يرجع لبيته فالخفجي فتره ويرجع للكويت يبي وضع الكويت يستقر اول
كانوا كل واحد يداري خراب بيته ويعدله باللي يقدر عليه
وكل الحاره من جديد مجتمعه وكل واحد يساعد الثاني
بدوا الشباب ببيت الجد
وهم كلهم رافعين ثيابهم رابيطنها على بطونهم ومشمرين ويعدلون اللي يقدرون عليه
وفي عز اندماج خلف وقف متصلب اول ما قال فيصل: تهقون دكان جدي انعدم بعد!؟ تكهرب خلف اول ما تذكر السي دي ولف بسرعه ونزل كل شي بيده
عقاب : وين بتروح!؟ خلف : بجي
اسرع بخطواته وهو نسى السي دي مايدري اذا هو بمكانه او لا وصل السوق شاف الدمار في كل مكان من اثر المعركه لكن المحلات اغلبها صادمهرمن بينها محل جده ركض للباب المكسور شاف الدنيا محتاسه بس مو مهم اتجهه للمخبى اللي حط في السي دي وهو ينبش ويدور ماهو مهتم للغبار ابد ولا لصدره ولا لشي
تنهد براحه اول ما حصله اخذه وهو ينفض عنه الغبار : الحمدلله ما راح
وقف وهو يحطه بجيبه وطلع وترك المحل لان مافيه شي يتخرب اكثر
رجع للحي ومر بيت النوخذه وشاف النوخذه ونهيان يرممون اللي يقدرون عليه وجابر جالس
قرر ينسحب قبل يشوفونه بس وقفه صوت جابر اللي شافه وفز بلهفه: خلف
التفت خلف بهدوء: هلا جابر
تقدم بخطوات ثقيله ووصل لنهيان: حمدلله على السلامه يا نهيان قرت عينكم بديرتكم
نهيان: هلا خلف تقر عينك بشوف نبيك ان شاء الله ، والحمدلله ازمه وعدت ومشكور على كل شي سويته وما قصرت خلف : افا عليك ماسويت شي هذا واجبي
كان خلف يتحاشى النوخذه والنوخذه يتحاشاه
جابر: دش ويانا نشرب چاي قهوه
خلف : لا لا بالعافيه وراي شغل
انسحب بسرعه وخايف يجيه رفض يكسر ظهره
_______________________.
وفي بيت ضاري
ماكان متضرر خارجياً كثير وقدر ينجزه في يوم

ودخل بتعب وجلس وهو يشوف مضاوي تنظف وامه تساعدها شوي
وبعد دقايق جات مضاوي وبيدها كاس شاهي وفطيره : ضاري خذ
اخذه ضاري :وشو!؟ مضاوي: وصلنا من بيت جدي وخبيت لك منه لانه ماطبخنا وقلت اكيد بتجي جيعان مهدود حيلك
ضاري : زين مشكوره
من ايام رجع ضاري لرسميه مع مضاوي بعد هوشته مع عقاب ولاحظت مضاوي وبدا يضيق صدرها من هالوضع
وراحت تجهز اي شي عشاء لان خلاص المغرب اذن وصلواا والكل تعبان واكيد بينامون
جهزت السفره وطلعت وهي تشوف ام ضاري منسدحه شوي وضاري جالس يقرا الجرايد :يلا جهز العشاء
راحوا كلهم ومضاوي على جمره مالها نفس اي شي
ام ضاري: مضاوي وش فيك ما تاكلين
مضاوي: مالي نفس
ام ضاري : ليه يمه ما اكلتي
مضاوي قالت بسرعه ما تبي تناقش: فيني غثيان يا خالتي مو مشتهيه
فزت ام ضاري بفرح: والله!؟ من متى هالغثيان !
فهمت مضاوي قصدها وصدت بضيق: من شوي وعادي هو ملازمني من زمان
ام ضاري سكتت وهي تدعي ان للي ببالها صح لكن ضاري ماكان مشارك ابد
خلصوا وشالت مضاوي كل شي ونظفت ودخلت غرفتها وكان ضاري على وشك النوم واتجهت له وجلست قدامه بغضب: ممكن تقول وش مسويه لك هالمره!؟ وشوله قالب خلقتك علي
التفت ضاري .: شوفي عاد ترا تعبان ومالي خلق الهواش ابعدي احسن لك
مضاوي: ماني مبعده لان هالعيشه اللي عايشينها ماهي عيشه بتقولي وش فيك ولا شلون
ضاري : لا والله ان كان فيه عيشه شينه عايشينها فهو بسببك انتي
مضاوي: انا وش سويت انا!؟ ضاري بقهر طلع اللي بقلبه كله: انتتتي اللي رضيتي بهالزواج انتي اللي حطيتي في موقف الشفقه قدام عقاب وغيره انتي للي رضيتي هالتعب كله انتي اللي تسببتي بالخيبه لي وخليتيني اعجز حتى انطق بحرف كسرتي عيني ماقدرت احطها بعين عقاب وهو كل مره والثانيه يقول الله يعين عمتي عليك واكيد مبتلشه فيك ..! ليه لييييه دامك ماتبيني ليه رضيتي من البدايه !؟ ليه خليتي امي تعشم وتفرح وتكبر فرحتها فيك لين عجزت اقولها مابي هالزواج خوفاً تموت بقهرها!؟ كل هاللي حنا في بسبب قرارك الجاهل الاناني !وجايه تسأليني لييييه!؟
غمضت مضاوي بقهر وقالت بصوت متذبذب : انا ما قلت لعقاب شي عنك ومستحيل اقوله شي يكسر عينك انا صح كنت رافضه لاني خايفه مو لانك سيء والله مانويت لك الخيبه ولا نويت الحياه الشينه ولا ابي لك ولي التعاسه صح قررت لحظة خوف لكن ما نويت لك نيه سيئه يا ضاري
وقف ضاري بضيق وهي يضرب كفوفه ببعض: وش ارد عليك الحين!؟ وش اقولك! اقول خطانا الشر وتعالي نكمل ولا كأن شي صار ، تبيني اقول عوافي ما حصل شي

واطلع وبكره يقابلني عقاب وهو يتمخطر ويضحك ويقول :الله يصبرها عليك!؟؟
حاولت مضاوي ترد لكن ماقدرت وش تشوف القهر بعيون ضاري هي كانت غلطانه وبعد ما تزوجت عرفت ان ضاري ماهو سيء زي ماكانت تفكر بالعكس كان جدا جداً انسان لطيف وطيب وندمت انها عيشته هالشي وهي ما تدري كيف عرف برفضها لكن رغم سعادتها معهم الحين وفي بيته الان انها فضلت انها تريحه من هذا كله وتبعد عنه وقالت: ابشر ابشر بريحك من هذا كله وانا اوعدك اني اروح لخالتي واشرح لها ان الغلط مني واخذ اغراضي وارجع بيت اهلي ووجهك ابيض يا ضاري والله يعلم اني غلطت بحقك ومابي منك الا تسامحني ويعلم الله اني ما عشت معكم الا الحياه الهنيه ولا ابي اعيشها على حساب ضيقك وانا اسفه
انصدم ضاري ما توقع هالخضوع توقعها ترد عليه الصاع صاعين وتقلب الدنيا فوق راسه وتطلعه الغلطان كالعاده بس انصدم انها استسلمت لكن تبادر لعقله انها (اكيد تبي الفكه ولا صدقت جت فرصه تفكها منه ) وسكت وطلع مارد عليها ابد
اما مضاوي طول فتره الحرب وهي يدها على قلبها تخاف يطلع ضاري ولا يروح للحدود ويصيبه شي كانت تموت من الخوف اذا تأخر دقايق تعودت عليه طول هالسنه معها ويعاندها ويعطيها على جوها ماتعودت ضيقه وزعله ابد وجلست وهي زعلانه وضايق صدرها ماتدري وش تسوي
_______________________.
وفي بيت عقاب
كان ناوي ياخذ خواته معه يعيشون لكن حلف جدته وجده ماياخذهم ولا يطلعون من بيت ربو فيه عمرهم كله
كان ببيته وجالس بهدوء ساكت ما تكلم ابد رغم ان جود تحوم حوله لكن ماهو يمها ابداً
اخذ فتره يفكر بخليفه ولد مبارك وعد طول هالفتره مانعته من ان عقاب يشوفه كان يحس بالندم وندمان على اي شي سيء عيشه مبارك لكن الغريب انه طول هالايام كان مقهور على سالفة ضرب عمه لوعد !؟ صح وعد تقهره لكن يرحمها بعد هالللي صار فيها مايدري كيف بيتصرف عشان يشوف خليفه بعيد عن رفض وعد مايدري كيف بيخطط
وجد: عقااااب اكلمك ماترد
عقاب : خييير خييير وش بلاك تزنين فوق راسك يابنت الناس
وجد : اقولك ان جدتي اخذتني لحرمه شاطره وعطتني دواء عشان اقدر احمل ويثبت حملي ان شاء لله
عقاب : سكري سالفة هالحمل والعيال ماهو وقتهم
وجد: شلون يعني!؟ بنجلس كذا بدون عيال
صرخ عقاب بقهر: ايييه ايييه انا هونت مابي عيال خلاص ارتحتي
وجد سكتت قبل يتمادى الموضوع وطلع عقاب هو بعد طفشان من هالموضوع

_______________________.
في بيت نادر
اللي مازال فالشقه ماجاء لان بيته تدمر بشكل كبير ولازم يشتغل عليه كان مستغرب صمت شوق وقرب وهو يحاول يفهم وش فيها: شوق وش فيك صاير شي
شوق :هاه لا لا بس شكلي بسخن
رفع يده نادر لجبينها ونزلها: حرارتك ماهي مرتفه
شوق: مدري يمكن خمول عادي
نادر: زين وش رايك نروح بيت امي وابوي هالفتره لين ينتهي بيتنا
فزت شوق بسرعه: لا لا تكفى نجلس هنا
نادر شك على طول وقال بغضب: ليييه وش صاير!؟ الحين تقولين لي وش مخبيه ووش صاير والا الله ياشوق والله ماترضين عاقبة الامر
انهارت شوق تبكي وانفجع نادر اللي جاء مسرع وجلس جنبها: افا يا شوق تبكييين!؟ لييه وش صاير وش مضيق صدرك قولي لي
شوق ماقدرت تحمل اكثر وبدت تقول لنادر تهديد امه لها وابعد نادر بغضب: ومن قالك اصلا اني برضا لو زوجوني ومن قالك اصلا اني ابيك تحملين الحين!؟ مب احنا اتفقنا ما تحملين الحين!! وشعليك بكلام غيري
شوق :بس هذولا امك وابوي واكيد بترضى بكل حلولهم مثل ما رضيت فيني
زعل نادر من ردها وقرب وهو يجلسس: انتي ما انتي مثل غيرك عشان تقولين هالكلام !؟ يمكن بداية زواجنا غلط لكن ابد والله انا راضي فيك وابيك واحبك ومستحيل اتزوج غيرك لو اموت ولا يضيق صدرك من هالكلام ابد زي ما اتفقنا بنصبر سنه ولا سنتين وبعدين اذا ربي اراد نجيب عيال هاذي حياتنا احنا واحنا نقرر كل شي فيها ولا عاد تزعلين من شي عمره ما يتحقق
ناظرته شوق بحب واقبلت عليه تحضنه وتعلق فيه وهي كل يوم يزيد تعلقها بنادر اللي ابد ماكان مجرد زوج بس
_______________________.
وفي بيت النوخذه
بيت حوسة البيت استقروا اخيراً بالحوش وهم مبسوطين مستانسين وجوهم حلو
ولف نهيان : يبه متى بنرد الكويت
ابو نهيان: ان شاء الله كم يوم ونرد
ام نهيان: ان شاء الله انها اخر اوجاع الكويت وبنرد وبنفرح ونستانس
والتفت نهيان وهو مبتسم: اذا ردينا لازم نزوج جبار نبي نستانس
التفت جابر بهدوء وقال: لا لا انا لا ابي اتزوج ولا شي بجلس هنيه بالسعوديه والله يحفظ الكويت واهلها
ام نهيان: ليه يايمه لييه ما تجي ويانا انت للحين تعبان
ابو نهيان: شنو هالكلام!؟ شلون يعني ما رح ترد ويانا
جابر اللي من يوم انسحب خلف وهو متضايق متوقع ان خلف زعلان عليه واكيد ما رح ترجع علاقتهم
جابر: شنو تبون فيني !؟ تردوني معكم بدون روح!؟ كان جابر صريح في حبه لأماني ولفت ليلى تناظر بحزن ودها تقوله انها تشاركه نفس الشعور هي بعد من دون روح ومالها حيله
الكل سكت يناظرون ابو نهياان اللي ضاق صدره ولا عرف يتكلم ولا يرد كان يشوف حال جابر متدمر

وليلى ماهي بعيد عنه مايدري كيف بيتصرف معهم وقرر ينسحب وطلع من عندهم وتركهم وبدو ينسحبون كلهم شوي شوي لين بقت ليلى وجابر لحالهم
وقربت ليلى وهي تستند على كتف جابر وهي تشد على ذراعه: لا تزعل رووحك بأذن الله ربي بيجمعك مع اماني باذن الله
جابر تنهد بصمت مايدري كيف بيجتمع معها غير باحلامه
_______________________.
اما في بيت ابو خلف
نام الكبار وبقى خلف وفيصل وخواته مجتمعين بالسطح على اساس انهم يتابعون فيلم!؟ لكن محد فيهم مع الفيلم
كان وعد كالعاده ولدها بحضنها وهي سرحانه بعالم ثاني عالمها اللي تدمر وانتهى ماتدري كيف بتكون حياتها وهي معها هالولد وكيف بتربيه!؟ ايه خلف موجود بس خلف بعد عالم ثاني في هم ثاني في حنين وشوق وتعب
كان منسدح على رجول اماني اللي تسوي له مساج لراسه اللي انقطع صداع ابد وهو كل يفكر يغفى يفز برعب من هاجس رفض ابو نهيان
وسلسلة تفكير خلف تتصل بأماني اللي في كل مره تصدف فيها جابر يتقطع قلبها عليه وهو مب قادر يقول بإستقامه كانت تشوف عيونه اذا مروا تطير فيهم لين يختفون ماتدري ليه كانت مؤمنه في ان نظرته هاذي ماله شغل بقرار طلاقه لها لكن كانت تخمد تفكيرها خوف من انها تعلق بوهم
اما ندى وحنان ووجدان وفيصل كانوا مستقرين بالفكر والمشاعر
_______________________.
في الطرف الثاني في بيت الجد قايد
كانت عهد في عزله مع نفسها ماتكلم احد والكل زعلان عليها
كانت شهد وعزوز هم الوحيدين اللي عايشين بسكينه
لان هيا كانت تعيد هيكلة اغراض زواجها لان حمدلله رجع تحدد هالاسبوع وماكانت مع العالم كانت فرحانه ومبسوطه وتعدي انه يتم على خير
وسحر اللي من بعد خطبة ماجد وهي في دوامة ماتدري ليه ماجد خطبها !؟ ماتدري كيف بتكون الحياه معه وخصوصاً ان كل شي باقي معلق من يوم مشكلة عهد ووعد وماتدري يكمل ولا ينسحب
_______________________.
ومن بكره
صحت ديرتهم على اصوات الرجال فالسوق ياااه ياكثر ما اشتاقوا لسوق وللجمعه بعد هالحرب
طلعوا الرجال لسوق وبدوا يرتبون دكاكينهم وهم كل فتره يستريحون بنص السوق ويتقهوون ويرجعون يكملون ومعهم النوخذه اللي كانت علاقه مع الجد قايد وعائلته حساسه
والكل ملاحظ نفورهم من بعض
وفي كان الجد قايد قال ابو ناصر: اقول ياخلف وينه ضاري ما شفناه اليوم
التفت عقاب بهدوء ينتظر رد خلف اللي قال: والله مدري امس قابلني يقول مشغول .

فيصل : اروح اناديه
ابو خلف: اقول انثبر ساعد خلف بس
عزوز:ههههههههههههههه اللقافه
ابو ناصر: وانت معه يلا
نزل خلف اللي بيده وهو يقول : انا بروح دورة المياه لا احد يجي اغراضي
الكل : زين
طلع وهو ينفض كفوفه عن الغبار واول ما وصل البراحه اللي عند المسجد سمع صوت النوخذه يناديه والتفت وهو قلبه يدق ومن عيونه الغاضبه و عرف قراره اللي بيكسر ظهره يعرف كلامه زين ويعرف انه ما ناداه بهالمكان اللي ضربه فيه الا ناوي يقطع هالموضوع ويرفض لو بيوافق كان كلمه فالسوق والكل يشوف وصد ماقرر يرجع له ولا يرد عليه وهو يقلبه يوجعه بمراره وحزن ويدري ان من هاللحظه بيسيطر الحزن والفقد على قلبه
_______________________.
وفي بيت ام ضاري
صحى ضاري على صوت هادي ماهو الازعاج المعتاد فتح عيونه بكل قوته وهو يشوف مضاوي مجمعه كل اغراضها فعلياً كلها ولبست عباتها واتجهت للباب لكن فز واقف وهو يسمع صوت ماهو متأكد منه لكن تأكد منه اول ماسحبها ولفها وتأكد انه صوت بكي وانها تبكي وهاذي اول مره يشوفها تبكي انصدم انصدم وتجمد لكن قال : وين رايحه ؟!
ما مسحت مضاوي دموعها وهي تناظر له بنظرات وداع : بروح بيت اودع خالتي واطلع بيت اهلي
فجأه انقبض قلب ضاري مايدري ليش اوجعه مايدري كيف قال: لا لا وين تروحين انهبلتي!؟ ناظرته مضاوي باستغراب وكمل بارتباك : اقصد لا تروحين لامي
مضاوي :ليش!؟!
بسرعه قال ضاري : امي امس نامت تعبانه مابي هالشي يتعبها اكثر
شهقت مضاوي : شلون تعبت!؟ انا بنفسي تطمنت عليها قبل تنام كانت بخير وش صار لها !؟ قلت لها شي انت
ضاري : لا بس مصدعه مافيها شي
مضاوي هدت وقالت: ماعليه اهون اقولها بنفسي
مسكها ضاري من جديد : انتظري لا تروحين
مضاوي : ليش!؟ انهبل ضاري ماكان يبيها تروح مايدري من وش خايف لكن كان يناظرها بعيون متشتته مايدري كيف بيتلكم
اما مضاوي كان قلبها يدق تحس بيطلع من صدرها خايفه بعد انها تروح كانت مستعده تقوله ( قول لا تروحين ووالله ما اروح بس قلها ياضاري ) كل هالكلام بصدرها وهي تناظر يده على ذراعها
رغم لخبطت قرارات ضاري الا انه هاللحظه ما هو متأكد الا انه مايبيها تروح وقال: لأنه حصل خير وماصار شي يستاهل انك تطلعين من بيتك وتروحين وتتركين زوجك وخالتك
بعد كلامه غمضت مضاوي بقوه عشان ماتبكي كانت تنتظره يقول لا تروحين لكن كلامه كان اعمق ماكانت تدري كيف بتفسره بس الاكيد انه يقول لا تروحين بس بطريقه اعمق ( لاول مره يطلق على نفسه هذا اللقب ويقول انه زوجها !؟ معقول انه تغير قراره!؟ او يستهزء فيها ويبي يكسرها مثل ماكسرته

اما ضاري من بعد ماشاف دموعها ونام امس وهو يفكر في كلامها كيف متحسفه انها قررت انها ترفضه وكيف انها تقول انها مبسوطه معهم عجز يسمح لها تروح ماكان يحس بأحساس كبير اتجاهها لكن الاكيد ان في طرف قلبه شعور يرتاح مع مضاوي ولا يتخيل البيت بدونها
اخذ نفس وهو يقول : اذا ودك اجلسي ونطوي هالصفحات الشينه كلها ونتخطى كل هالعثرات ونبدا من جديد ، واخطبك من جديد وانا راضي وتوافقين من جديد وانتي راضيه
سكتت مضاوي فتره تحاول تصدق تستوعب لكن الصدق اللي بعيون ضاري خلاها تقول : ابد والله موافقه وانا راضيه وفي كامل قواي العقليه بعد وانت مثلك ينرد يا ضاري
انهبل ضاري من الوناسه صار يضحك بهستيريا وضحكت معه مضاوي وهم ماهم متوقعين انهم بيرضون ببعض فالنهايه
بعد نوبة ضحك رفع راسه ضاري وهو ياخذ نفس : خلاص اجل دام طاح الحطب وكل شي زين اليوم بسوي الفطور انا وانتي رجعي هالاغراض قبل تشوفهم امي
مضاوي : زين
طلع ضاري مبسوط مستانس وطااير فوق الغيم
_______________________.
وعند خلف
كان صاد مايبي يسمع النوخذه ابد قلبه موجعه مايبي يأكد اللي في باله
النوخذه : خلللف انا اكلمك اسمعني
التفت خلف بصعوبه يناظره بهدوء :سم
ابو نهيان: من ساع اصوت ما ترد علي
خلف : ما اسمعك
ابو نهيان: انا جيتك هنيه مابي هالكلام يطلع من بينا وجاي اعرض عليك عرض اذا وافقت عليه بزوجك ليلى
فز خلف واعتدل : وشو !؟
ابر نهيان: ما تتزوج ليلى ألا اذا رديت اماني حق جابر
ناظره خلف فتره وهو ساكت وبعدين قال: وانت تهقى ان ابوي بيرضى يردها !؟ هذا مستحيل لا ابوي ولا أماني ترجع لشخص مرسل ورقة طلاقه مع شخص غريب
النوخذه: انا اللي اجبرته على الطلاق وانا بعد اللي منعته وانا اللي ارسلت الورقه ولولا اني اشوف حاله هالايام تعبان كان مارديت اطلب هالطلب منك
وتذكر ان انت السبب في هذا كله وانت الللي غلطت مابي اكثر حكي لكن بيني وبينك اماني وجابر
قال كلامه وراح وترك خلف واقف بين قلبه وعزة النفس صح هو غلط لكن هذا ما يعطي حق انه يرغم اماني من جديد
ولكن اتخذ قراره على طول وعلق مصيره برأي اماني وابوه ان رضوا رضينا وان رفضوا الله يعينه يتحمل
كان محتاج طرف قوي بالموضوع يساعده قبل يكلم ابوي لازم احد يدله على خيار صح
رجع لدكان يخف رجله شافهم جالسين بس ماشاف محمد انسحب بسرعه وراح بيت جده يدور على محمد
دق الباب وفتحت هيا : خلف وش فيك تدق كذا!؟ خلف : عمي محمد موجود!؟
هيا : لا طلع يقول مشوار قريب وراجع .

خلف : زين اذا جاء ناديني انا بالبيت
هيا : طيب بس وش فيك صاير شي!؟
خلف :لا لا
راح لبيتهم ودخل يدور وعد : عمه وينها وعد!؟ ام وعد : بالغرفه
ام خلف : وش فيك يمه منخطف لونك!
خلف: لا بس عشان مشيت مسافه طويله
طلع ودخل وهو يشوف سالم وفيصل يلعبون مع خليفه والبنات يسولفون مع بعض
خلف :بنات غيث وسالم اطلعوا ابي وعد
ندى : الله الله من متى اسرار
حنان: وشعليك انتي
خلف :يلا يلا مامعي وقت
طلعوا كلهم وخافت وعد : خلف وش فيك
فتح الباب خلف يبي يتأكد اذا فيه احد وشاف كلهم عند الباب وصرخ:خيييير
هجوا ونزلوا وسكر الباب خلف ورجع: وعد فيه شي صار واحتاج رايك
وعد: بسم الله خير وش صاير
خلف اخذ فتره ساكت وبعدين قال: انا خطبت ليلى من النوخذه
شهقت وعد: وشووو ؟! وش سويت وش سويت؟؟ خلف انهبلت شلون ترجع له بعد اللي سواه فيك واللي صار بأماني
خلف : يا وعد انا الغلطان ولا ناسيه!؟ لو انا في مكانه بسوي اللي سواه واكثر
وعد : حتى ولو انت مب لعبه في يده
خلف : ياوعد الله يصلحك انا ابيك عون وصرتي فرعون
وعد : شوف يا خلف تحب ليلى ومستعد تضحي عشانها مايخالف لكن وش ذنب اماني تكسر عينها معهم
خلف : ابد والله ما اكسرها اماني لها القرار ان رضت زين وان مارضت لو يموتون واموت انا مستحيل تتزوجه
وعد : زين وابوي!؟ خلف : ابوي بتفاهم معه انا وعمي محمد
وعد : والله مدري
سكت خلف مايدري وش الحل ووعد بعد احتارت ماتدري وش تسوي لكن القرار اللي اتفقوا عليه انه يشاور محمد ماله الا محمد
_______________________.
في الدمام
عند ماجد عجز يصبر وهو مايدري عن عقاب وقراراته وتفكيره نوى يلحقهم للخفجي يبي ينتهي من هالموضوع ويضمن سحر من نصيبه واخذ طريقه وهو يفكر لو هون عقاب ورفض!؟ وش بيسوي ! بس هو عطاه كلمه
توتر ماجد توتر وانحبست انفاسه عقاب مايطمن وعقاب يقلب وهو خايف منه
_______________________.
وعند نادر
بدا يحس بالملل وهو لحاله واتجهه لشوق اللي تنظف
نادر: شوق
شوق : سم نادر
نادر : ماودك نرجع الخفجي
شوق : الا والله بس وين نسكن!؟ بيتنا راح فيها
نادر: بيتنا مطول عشان يزين لكن فيه بيت امي وابوي نجي فيه لين يرجعون من المزرعه
سكتت شوق وهي خايفه تجي امه وتبدا المشاكل لكن قال نادر: اوعدك ما تصير مشاكل ابد
شووق : اجل نروح وش يجلسنا
نادر: اي والله عجزت اجلس بدون العيال
شوق: خلاص بجمع اغراضنا ونطلع
نادر: يلا بروح اخلص الايجار .

نزل نادر مستعجل وهو وده يطير للخفجي ماجاز له جو الدمام واصحابه ماهم فيه
_______________________.
وفي بيت عقاب
رجع من الدكان وهو سارح فكره وفي راسه موال وبيغينه اخذ شماغه والتفت على صوت وجد: وين بتروح!؟ عقاب: بيت جدي
وجد: اجي معك!؟
عقاب : لا اجلسي وبرسلك خواتي
وجد: طيب
طلع واتجهه بيت جده وشاف جده جالس مع جدته بلحالهم
عقاب : اقول ياجدي وينه عمي محمد وعمي ناصر
ابو ناصر: محمد توه جاء ويبدل وناصر بيجي
عقاب : ايه اجل نادهم كلهم بنتقهوى
ابو ناصر:بيجون ! انت وش فيك !
عقاب : ابد مافيني الا كل خير
سكت وجاء محمد مستعجل : انا بروح لخلف
عقاب : ليه!؟ محمد : مدري يناديني هو وعد اكيد شي في اوراق مبارك
ابو ناصر: زين اذا خلصتوا تعالوا القهوه
محمد: ابشر
طلع يدق الباب الفاصل وفتح غيث : عمي خلف في غرفتنا
محمد : زين
طلع محمد وهو يدق الباب وفز خلف يخبي الاوراق وسي دي: من
محمد: انا
فتح خلف الباب : ايه حياك الله
محمد: وش فيك!؟
خلف : تعال اجلس تبي قهوه شي
جلس محمد :لا لا تكلم وترتني
خلف بحرج: وللله ياعمي مدري وش اقولك ومنحرج منك بس مالي الا انت
محمد : وشو ياخلف لا توجع قلبي تكلم
خلف : تعرف النوخذه عنده بنت
محمد: ايه
خلف بتردد قال: المهم اني احبها من فتره وابيها
اتسعت عيون محمد بذهول : وشو !! ضاقت عليك ما لقيت الا بنت النوخذه تحبها!؟ تحب اللي طلقوا اختك حتى ما وقفوا على الباب
خلف : المشكله اني انا سبب هالطلاق
فز محمد ووقف : وشوو!؟ وش مسوي ياخلف وش مهبب
خلف : استريح وبقولك كل شي ماله داعي كلهم يسمعون
جلس محمد على اعصابه وبدا خلف يقوله القصه بدون مايذكر انه شافها بالسي دي ترقص قال انه شافها بالسوق مره بدون غطى وان كل اللي بينهم رسايل ماطلع لشي ثاني وكمل ليين وقف عند الحدث اليوم
وسكت محمد ووجهه مليان غضب خلف: انا ابيك لي عون ياعمي
ضربه محمد بخفه على كتفه: خبل انت خبل!!؟ وش هاللي سويته !؟وانا ناقد على النوخذه طلع بيض الله وجهه انه ماذبحك !؟ كيف ترضى ياخلف كيف ترضى
خلف : ياعمي صار اللي صار والله يلعن الشيطان لكن والله انه كان حب نقي وعفيف ولولا سالفة حوريه كان الحين متزوجيين
محمد: مافي شي يبرر لك غلطك مهما كان انت غلطان وتخيل بس إنا فتحنا الموضوع مع ابوك!؟ توقع انه بيوافق مستحييييل ولا حتى ابوي وفيصل وكلهم!؟ تقدر تقولي وش عذرك لهم!؟ خلف : انا مالي الا انت تساعدني وانا كل شي عندي تحت قرار اماني اذا رضت كان بها ما رضت بلاه هالزواج
محمد : وش اقولك بالله عليك وش اقولك