القصة وصلت ٨٠ الف
ما يصير ما انزل هديتكم
قرأة ممتعة لا تنسون التعليقات و التصويتات
#معتقل _الصحراء٨
#بقلم_ام_مختار
#دنيا_غانم
مناسك _التفتت الها مستغربه ليش
دزلي هاي الرساله بأيدهم شنو يقصد وشنو يريد
وشنو معنى يا طيف مُر و مَر
هزيت براسي ودخلت للزنزانة
جانو وياي خليط رحبو بيه يصفكون ويهلهلون
ويصيحون زاد عددنه وحده
اكو بنيه هيج تطلع بالتلاثين سنه شوي اكثر
صاحتني تعاي هنا يمي
ردفت وحده لخ لااا ولج يمي
جاوبت حجيه كبيره بالعمر لااااا خلوها يمي
لا تفسدون اخلاقها تعاي ماماتي
_انزول عليج ام شمس بعني احنه نفسد اخلاقها
ام شمس _ايي تفسدها شو لا صلاة لا صوم فالحات بالدك وركص مووو تعاي هنا يوم تعاي مالج شغل بتوم وجيري
مناسك _رحت يمها گعدت مسدت على راسي
اهلاََ وسهلاََ بيج ماماتي الله يفك شدتج وتخلصين بخير وسلامة وتولدين من جديد يوم خروجج منا
مناسك جريت نفس يمكن مله ريتي
شايفين من واحد من نولد الحد ما صار ميت انا اصلاََ ميته حتى بأعداد الدوله ميته
ما سامع كلام
يطيب الخاطر واليوم سمعته
من كثر الهموم احس متوني هدلت
وبهاي الكلمتين من ام شمس احس شالت همومي عني اني فاقده الامل اطلع بس كلامها ريحني
امين يارب
_شنو تهمتج عيني
ام شمس _ ولج صبا لاحكة عوفي البنيه ترتاح
صبا _خلينه نعرف مو الفضول جتال صاحبة
_قصدج الحشريه
مناسك _اني كتلت زوجي
صبا _ رمياََ بالرصاص مو
ام شمس _لج عوفي البنيه ترتاح
_عليج الله كليلي شلون موتي خنك لبك طرك
_ دفع دفعته ومات
ام شمس _كااافي صبااا ارتاحي امي انتِ ارتاحي
مناسك _ جانت الجربايه طابقين صعدت اني فوگ
و المره ام شمس جوه هوسه بس السجينات سوالف وضحك و سوء فهم
و اغاني كلشي الحد ما ام شمس سكتتهن وخلتلنه قرأن الكل سكت الصوت القرأن
جانت سوره ياسين الحد هسا اذكر
من سمعت الاية بجيت يمكن لأن بعد سنتين ونص سمعت هاي الترنيمه الي تهدأ الروح اخير مره سمعتها ابيت حاتم وهو يرتل القرأن جان صوته حلو وقوي خاصه الجمعة من يقرأ سورة الكهف
اظل انتظر الجمعة انتظار بشوق
الله يرحمك ويسامحني ياريت ترجع حتى لو تموتني كتل راضيه يكفي اعيش وياك يا احن من امي وابوي عليه الايام العشتها وياك بس هيه الخلتني اعرف معنى الحياة
و البعدها ما هيه الا كابوس أبت روحي تصحى منه
اول ما حطيت راسي ع المخده
كلشي بيه ينتظر اللحضات الراح يجروني بيها مثل قبل بس انتظرت انتظرت الحد ما بعد ما حسيت على شي
ما فزيت غير على صوت وشوشة باوعت ام شمس تگعد البنات
صبا عزيزه سهيله تماره يلا صلاة الصبح
اسمع صبا تگلها گعدي البنيه الجديده
ام شمس _ما گلتلي اكعدها والنايم مرفوع القلم منه گومي ماماتي يلا ذكرو ربكم الا بذكر الله تطمئن القلوب
وخرت الغطا مني واني متردده اصلي لو الله ما راح يتقبل صلاتي
اصلي لو بعد الصار اصلاََ ما تفيد صلاتي
اصلي لو بشر القاتل بالقتل
بس اني مو متعمده هواي اسأله حاربتني بلحضتها
بس اكو شي بيه يدفعني بقوه حتى اگول جايه وياكم وفعلاََ صحت الام شمس يصير اجي اصلي وياكم
ام شمس _يا ريت ويعمر بيت الله بذكره ونكبر يوميا وحده ياريت
نزلت واني بداخلي خجل شلون اقابل ربي واوگف بين ايدي
بس توضيت واني اسمع ام شمس
تتوضأ
اللهم بيض وجهي مثل ما تبيض الوجوه
اللهم لا تسود وجهي مثل ما تسود الوجوه
اللهم ضع الكتاب في يميني ولا تضع الكتاب في شمالي
اللهم بيض شيبتي وشيبة والدي
الجملة الوحيدة الي ترددت بيها لأن اكثر ثنين ضلموني امي وابوي بالرغم اني طلعت من روحهم وهيج ذبوني هاي الذبه وما هتمولي اكيد ما هتمولي وخاصه وهسا انا عند الدوله بأعداد الميتين يعني لعد مستحيل واحد يفكر اني عايشة
نفتحت بوابة الزنزانه
مشينه للمصلى اكو حراس وضابط و البنيه المساع دخلتني للزنزانه هم تباوعلي جانت
دخلنه للمصلى ما جانت اكو ترب
يلا التربه استحباب المهم صلاة
بلشنه نصلي ختمنه الصلاة رفعت ام شمس ايديها
اللهم يا واسع المغفره اغفر لي ولي والدي
ركعت وبقت تدعي انا طلبت المغرفة عسا ولعل ربي يتقبلها مني نداريت ناحية الباب البنيه واكفه باوعتلي وابتسمت
خلصنه الصلاة ورجعنه للزنزانه
خليت راسي ع المخده سمعت صوت تسبيحات ام شمس
الصلاه على النبي و الاستغفار
و الشكر
وانا كل ما اسمع وحده اسوي مثلها
نمت بيومها نوومه مريحة الا ابعد حد ما حسيت بالدنيا بعدها
فزيت على هوسة البنات و ريحة الجاي
ام شمس _صباح الخير ماماتي يلا تعاي ريوگ
_عدلت فراشي ونزلت غسلت وجهي ورجعت يمهن تريگنه جان جبن وبيض سلك وخبز و جاي
يمكن اكلت لكمتين وشبعت
ام شمس _ ما عجبج الاكل يسولج البنات غير شي
_لا لا اصلا شبعت
صبا _ دكلي يا عيني راح تنقسمين بالنص
_خجلت منهن كطعتلي ثرمه خبز و اكلتها وي الجاي
صبا _تجين ويانه
_وين
_هسا راح يجون الضباط و البنات كلها تجمهر نتونس تشوفين خلق الله راضي عنها
_لا شكرََا خليني هنا اني شابعة من الضباط
سهيله _عوفيها هيه الخسرانه
ام شمس _روحي باوعي وياهن تونسي
_لا لا ما اريد خلوني هنا فدوه
ام شمس _عوفوها روحن ماماتي انتو روحو
_متجين ويانه خاله
ام شمس _لا روحو
مناسك _باوعتلي ام شمس
_ليش خايفه
_لا مخايفه بس ما اريد اروح ما احب
_الضباط خوش ولد وحبابين يجون هسا يفترون علينه شنو محتاجين شنو ناقصين بالعكس ورده
و البنات يحبون يرحون يشوفوهن لأن اسلوبهم وياهم زين
_فدوه خاله خليني يمج ما اريد اشوف احد والله اني هيج راضيه لا اريد شي ولا اشوف شي ولا ناس وخاصه الي لابسين الزي العسكري
ام شمس _تحجي بخوف وتوسل
لا خليج هنا على راحتج احجيلي شگد عمرج
_٢٠ وكم شهر
_ تحبين تحجين عن زوجج لو يغثج الموضوع
_لا عادي احجي اصلا هذا الموضوع صار كل حياتي
حجيتلها كل الي صار وجان مطلبها مثل مطلب القائد او يمكن اسمه سائد احجيلي عن حياتكم
ام شمس _بس اذا ما تكدرين عادي بكيفج
_لا اگدر ليش لا
ام شمس _بس مو هسا بعدين من نطلع للساحة سولفي حتى ترتاحين واحد من يحجي بالهواء الطلق و الفضاء يحس كل الي بي تبده بهل مساحة
_ان شاء الله گمت شلت المواعين هيه غسلت الستكاين وخلت قوري الجاي واني غسلتهن هذا السجن يذكرني ببيت ابوي هيه غرفه وبيها مطبخ و حمامات و بنات هواي نطلع بال ١٥ وحده هيج شي
نفتح الباب دخلت البنيه الامس جابتني
ام شمس _يا هلا ب ساران تعاي ماماتي تعاي يمي
ساران _اجيت اشوفكم شلونكم مرتاحين هنا
_اني عني كلش مرتاح وانتِ ماماتي مناسك
مناسك _بحياتي ممرتاحه هيج الف الحمد لله
ساران _ البنات بره وسوالف وضحك متحبين تجين
مناسك _لا خليني يم خالتي
ساران _بره اكو ضباط واذا تنسقيلج وي ضابط اصير امورج توب
_لا دخيلج ودخيل اسمج خليني هنا كافي عليه نعمة انا راضيه بالراده الله الي
ساران _ اشرتلها بأيدي فلوس ينطوج
مناسك _اشرتلها براسي بعد ما تعبت من الحجي ما اريدد
ساران _ الموضوع بكل سريه يصير
. مناسك _فدوه خاله كليلها ما اريد
ام شمس _ما تريد ما وصلج الجواب ساران
مناسك _تقربت الام شمس ما اعرف شنو وشوشت وباها وطلعت باوعتلي جان تگلي
_متأكدة مناسك ما تردين تجنين فلوس هنا
مناسك _بقلة حيله تحسرت لاا ما اريد شي انتظر يوم موتي وخلاص
ام شمس _انتِ وين جنتي مناسك
_ليش
_هيج سؤال
_ما ادري و الله جانوا شادين عيوني طول الوقت
اذكرت حجاية ساران من وصلتلي الرساله
غيرت الموضوع وسألتها شسوين انتِ هنا خاله
_اني والله شلت التهمة عن ابني
_يعني هو هم مظلوم
_لا كتل زوجته صح واني شلتها ابداله
_ليش كتلها ليش شلتيها
هواي اسئلة ابالي و كلهن اريد اعرف جوابهن
وللحضه اشك اني ما عندي مصيبه فوگ راسي بحيث عقلي وگلبي عدهم متسع يسمعون مشاكل غيري
او يمكن روحي تطلب الرحمة وتستنجد بالناس تحجي حتى تهون مصيبتها
_لأن هيه مو خوش ادمية كتلها
_كلبي وجعني جان طلكها
_ويگولون ما گدر يغسل عاره لاا العين بالعين والسن بالسن والبادي اظلم
_زين ليش شلتيها عنه
_و اخلي يضيع شبابه الخاطر وحده نكسه
_وانتِ عادي هنا يعني؟
_كلش عادي بالعكس انا يجوز هنا مرتاحة لأن ابني سافر خارج العراق ومحد بقه الي وبنيتي شموسه صارت تستحي من امها لا تجيني ولا تسأل عني
_.....
_انتو صرتو بنياتي الله يفك اسركم
مناسك _كل هذا واشوفج اضحكين وسولفين گلت باجر عگبه تطلع
_اني محكومة اعدام انتظر التنفيذ
_ اني هم محكومة اعدام
ام شمس _ ادري
_شلون تدرين؟
_مو مهم شلون ادري تردين اشربين جاي لا يبرد
_اي صبيلي
گعدت يمها اسولف وياها حجتلي عن ابنها وشغله وشلون تعرف على زوجته هيه موظفة ويا بأحد قطاعات الدولة
هو ازوجها علمود جمالها تگول تخبل تخبل
وهو وگع بشباكها
_عذريني خاله بس همه ما يهمهم جمال بگد ما مخيلتهم تغدرهم يبقون يفكرون بشغلات والعياذ بالله
گمتلها باعي الحالي ضايعه بهاي الدشداشه النايلون
ولو ارفعلج ثووبي تشوف عينج العجب
وينامون وياي ويونون وكأنوا نايمين وي ملكة جمال العالم
فد مره الضابط شجاع گال ما يهمهم الگدامهم مرأة والا جلبه المهم نگره يذبون بيها شيطانهم
وكلامه صحيح
_تعرفين الضابط شجاع
_اكيدد شلون ما اعرفه
الوحيد الي اكدر اكول عليه ضابط وافتخر بي ابن بلدي
بس ليش سألتي تعرفني انتِ؟
_اي يجي هنا كل فتره يطمن على السجينات
_هههههه الله يقسملي اشوفه الضابط شجاع الوحيد الجان يصيحلي باباتي وصدگ هو الوحيد من يگولها معناها باباتي يقصدها
اكثر من ابوووي
_اني يصيحلي يووم ومن يگولوها معناها صدگ بوعده
_هههههه بعده الضابط شجاع هنيال زوجة بي
_تعرفين زوجة وقصته
_هههههههه اكو وحده ما تعرف القصة العظيمة هاي
جنه من ندخل عليه يگول انا احب زوجتييي ومستحيل اغيرها بمليار وحده لوو يجيبولي السجينات كلهن معرينات مرتي وما تحلى بعيني مراه
ام شمس _ هههههههه من گد ما يحجي بيها ومن يحجي عيونه تلمع كلنه عدنه فضول نشوفها.
مناسك _ هو يخبل خلقة واخلاق هيه لعد شلون
_مو شرط
_هنا هنا البشر يحب بالروح
ولأن قلة قليلة روحها نظيفة تلگين هشكل متعلق بيها
_ خطيه الله يحفظهم
جان يگول انا مجبور ابقه بهذا الشغل
الخاطر ابقه مرتاحة ومتونسه
ومضطر ادخلجن يمي واضحك عليهم حتى لا يشلعوني من وضيفتي
وبالاخير من يضربني يگول عذريني باباتي
مجبور الخاطرج والخاطرها
الله شكد جان طيب
ام شمس _ بتسمتلها
گليلي مناسك هم حبيتي زوجج
_هوااي حبيته جان طيب ويحبني رغم عمره ٦٥ سنه بس حبيته هواي
ام شمس _ ليش كتلتي
_لا و الله ما كتلته هو اجه يضربني....
وكملت مناسك الحجي وعادت للمره المليار بس هاي المره من نفس راضيه خلصت الحجي ابتسمت ام شمس
مناسك _تردين تعرفين بعد شي
_لا الحد الهنا تمام
مناسك _اذكرت حجي ساران وتندمت لأن حجيت معقوله هو يقصد ما نحجي هذا كله لاا اكيد لا يقصد ما نحجي عن المكان مالتهم اكيد
واكيد ما اجيب طاري المكان شبيه مخبله
يذبحوني هنا بدم بارد غير
ام شمس _وين صفنتي
_لا وياج خاله
هسا تعاي نطلع نتونس شوي نگعد يم البنات
_ رحت وياها جنت استمع الها بكل اذن صاغيه يمكن لأن هيه اسلوبها حلو وما جبرتني على شي
عدلت حجابي وطلعت يمهم بالساحة الاعداد هواي و الحرس هواي الي بالصف الامامي نساء بس الي بعدهم رجال
گاعدة اباوع للبنات شي يلعب شي مسويله حفله شي يسولف انا گاعده يم ام شمس نباوع للبنات بعدني جديده ما اعرف شي
وادور بعيوني يمين يسار
باوعت الجهت الحرس يباوعون عليه رجعت باوعت للبنات اخاف من شكولهم افعالهم وياي كلها شينه بس الضابط شجاع جان صدگ شجاع
شوي ودخلو الضباط شي يسلم وشي البنات ركضولهم تحاضنو وياهم
ام شمس _هلا ماماتي هلا حبيبي
هلا وليدي
_السلام عليكم
ام شمس _وعليكم السلام هذا الوليد المن اول مره اشوفه هنا
عصام _هههههههه وليد!! اني ورتبتي فوگ متوني و تگليلي وليدد لويش خاله
_يمه يا بعد حسي هذا الحس كلكم وليداتي
شنو اسمك
_اسمي عصام
مناسك _تحجي وعينها على ساران
وترجع تباوعله وترجع تباوعلي
قلقتني بنظراتها يجوز ما ارتاحتله بس هو جان طوله متوسط شوي متروس شكله بشوش
شوي سولف وياها وضحك اجتي وحده من السجن ويانه بس بالبوابه الثانيه اطك بعلجها وتمشي وتتلوى
هلووو
ام شمس _وعليكم السلام ورحمة الله وبركاته
_ اوي نزول عليج يا داعية
ام شمس _شتردين شلغم
_الف مره كوتلج اسمي شذر
مو شلغم
وبعدين شدعواج عيني اوي لويش ضايجة مني
ام شمس _لا عيني لويش ضايجة تفضلي
شذر _هلوو
مناسك _اهلاََ
_شنو اسمج يا بنيه
_مناسك
_هههههههههه مناسك خاف حج
_بعد انتِ بكيفج فصلي واحنه نلبس
_اكولج مناسك ما تجين وياي اطلعج من بوابة الاسلام
مناسك _خلي ندخللها اول وتالي تدللين شورانه عمر ويخلص بسجون
شذر _اووي شبيج نفسيه دضحكي يا عيني
_ لا والله سلامتج ما بيه شي بس محكومة اعدام شلون ترديني اضحك بلا امر عليج
شذر _تعاي وياي واني انسيج الدنيا واهلها
مناسك _خاله فدوه تعاي وياي ندخل
_ههههههه شدعواج عيني لويش خفتي
مناسك _ما خفت احجي وانا أأشرلها بسبابتي واني كل جسمي يرجف وسبابتي وي جسمي ترعد
_هههههههههه واضح
ام شمس _عوفي البنيه شذررر
_عفتها قابل شسويت
ام شمس _روحي دخلي ماماتي لا تخافين اصرفي بحريه هنا
_دخلت لللممر واني جاي اتعدا اجه الضابط عصام اني وگفت بمكاني وكامشه بأيديه ثوبي خايفه ارجف مو بأيدي هذوله دمروني
عصام _ انتِ مناسك مو
_اشرت براسي اي
_ اهلاََ وسهلاََ بيج باباتي
_باباتي وهو بعده شاب مستحيل واحد يحس شنو صار بيه بوقتها
باوعتله راح من يمي انتظرته يطلع من الممر كله ياله ركضت للزنزانه مالتي
بقيت بمكاني ما تحركت انتظرت البنات اجوي
سهيله _ هاي شدسوين وحدج هنا
_گاعده وساكته
بقليت اسولف وياهن شوي
طفو الاضوية دخلت ساران شافت العدد كامل
سدت البيبان وراحت بعد الامان الشفته امس نمت بدون خوف وخاصه والبيبان نسدت
ما اعرف اذا بوقتها نمت او بعدني
بس فتره من الزمن هو تسكر حلگي وهيه جره من رجليه
بعد ما حسيت على اي شي
فزيت على دفرات خفيفه گعدددددي
مناسك _اني ما كتلته والله ما كتلته دافعت عن روحي
يمكن هاي الكليشه عايدتها مليارات المرات
بس هو من يصير هيج وياي شنو قابل اذكر وشلون ادافع عن روحي واني خوووافه من بيت ابوي
ابوي نفسه علمنه الخوف
_گليلي منين اجيتي
مناسك _ الصوت مو غريب عليه بس مجاي اسمع زين
رجع دفرني بخفه مو دا اسألج
_ما اعرف
_تعرفين صياح جنتي يمهم مووو
_مداعرف شنو تقصد ما اعرف واحد اسمه صياح
تقرب مني ولزمني من فكي عيوني ساديها الي
_سائد صليل جاهد زهير
تعرفيهم هذوله لو لا
_.......
_جاووووووبي
_لا ما اعرفهم اني جنت بالموقف
_جاي تجذبين مناسك اني لو ما متأكد ما تكليني هسا يمج احجيييي
_ما اعرف ناس بهاي الاسماء همه ما يگلولون اسمائهم
عصام _جذابه واذا ما حجيتي هنا اخلص عليج
مناسك _ خفت احجي هذولاك يخلصون عليه خفت اسكت هذا يخلص عليه اريد الموت واخاف منه
هو خلاصي بس يخوف اله رهبته وهذوله ايدهم و الذبح والكتل و النتل و كسر الرگبه
اني گلت ما اعرفهم جنت بسجن بي بنات اني بنيه شلون يخلوني بسجن رجال
سمعت اصوات
_هو رأساََ فك قيدي وتركني روحي نعاود غير وقت
رجعت اعرج فتحت عيوني ومشيت ما لحگت اتهنه بهذا السجن اجاني هذا منين لگيت الزنزانه مفتوحة و الحارس ماكو
دخلت بهدوء بالگوه صعدت للجربايه
مديت روحي فخذي يوجعني لأن الحقير بالبسطال ضربني بنفس المكان عدت مرات
صافنه بفضاء الغرفه اسأل روحي هذا طلع صدگ اسمه سائد هو گال قابل منو سائد ماكو واحد غيره عدد اسمائهم كلهم
هسا سائد رائد اني شدخلني المهم خلصت منهم
زين ليش هذا يريدهم شمسوين
كولي همه شنو ما مسوين
ياررب لطفك
اسئلة هواي حتى عقلي ما بقه يستوعب الكم الهائل من هاي الاسئلة
ما سكتني غير صوت ام شمس
ام شمس _وين اخذوج
_تحقيق
_منو هو
_ما شفته بس صوته سامعته
. ام شمس _تذكرين الضابط المساع بالساحة اجه وضحك ويانه
مناسك _گمت على حيلي اي و الله هذا صوت الضابط عصام صحيح صحيح
ام شمس _ دزو مخصوص الج
مناسك _ شيردون مني
_يردونج تحجين ع الجنتي يمهم
مناسك _احجي واخلص خاله؟
_ عصام ما يگدر يسوي شي
بس هذولاك يگدرون يسوون كلشي
عصام تحت امرت الدوله
وهذولاك الدوله نفسها
يعني همه دازينه حتى تعترفين على همه
هههههههههه
مناسك _ ما جنت اتوقع بيوم ادخل بهيج دوامه ابدددد
_سدي حلكج وانتِ ما راح تحسين غير بهواء هاي الدوامه
مناسك _......
ام شمس _ نمشي بصف الحايط ونگول ربي سترك
مناسك _هم يجي باجر وياخذني ويعذبني
_اي صمدي جم يوم ويفك عنج
_انتِ شلون عرفتي
_صارلي ١٥ سنه هنا صارت عندي خبره
_عندي سؤال اذا ما تحبين اجاوبيني بكيفج
_سألي
_هم اغتصبوج بالسجون هم عذبوج
_وليش شكيتي ما اغتصبوني وعذبوني لأن جبيره بالعمر
_اي
_داخله سجون الاحداث؟
_لا لا
انا دخلت سجون الاحداث يوم علمود يجيبوني هنا
اكو حوامل جانت هههههههه
_هذولي ما يعرفون لا طفل ولا مسن
يعرفون انتِ متهمة شنو الشروط المتوفره بيج على اساسها ترحين للسجن المعين
داخله السجن الوكر؟
_لا داخلتله انتِ
ام شمس _ ليلة وحده وطلعت اجنازه
_شنو اكو هناك
_ كلشي شكو اداة للتعذيب موجوده
يغطوج ببلاليع مالت خرا نتل كل ما تنامين ينتلوج
كل ما يغطوج ببلوعه معناها لعدها اعتداء
جلاوزه اضربح من تگعدين الحد ما تنامين
يقلعون اضافرج
يكصون جلده من جسمج باليعجبهم وبعد وبعد وبعددددد
يوم واحد يعادل السنين الصارلي بيها بالسجن
_.......
_ نادرين اليطلعون عايشين من هاي السجون
......
_شرايج هسا اسألج اني
_جواب
_ كمليلي منين توقفتي بقصتج كمليلي
_يا قصة؟
_ انتِ وزوجج
_ شنو تحبين تعرفين
_احجيلي ما قبل الحادثة
_ احجيلج عنه شگد حنين و بعدين الحد ما نوصل لليوم المشؤوم
_اي
_قبل لا يتوفى بشهر اخذني الاحد المنتجعات السياحية القريبه من بغداد بقينه ايام هناك تونسنه هوااي
بهاي الايام ابد ما حاول يتقربلي بالعكس تركني وتصرف وياي مثل الاب وبنته
من رجعنه لگينه اولاده كلهم بالباب
خاف عليهم نزللهم بسرعة صاير بيكم شي احجوو
_لا بس ظل بالنه يمك عبالنه صار بيك شي
حاتم _الحمد لله يعني مابيكم شي
_لا يابه ما بينه انت زين محد اذاك
مناسك _من نزلت گله محد اذاك ويباوعلي
_لا يابه منو يأذيني بالعكس تونست ورجعتلكم
رضوان _الحمد لله شلونج مناسك الحمد لله على سلامتج
_الله يسلمك حجيتها ووگفت وره حاتم
دخلنه للبيت اني دخلت غرفتي وهمه بقو ويا شوي وطلعو وكامو يترددون عليه هواي بهاي الفتره
ما تغير عليه حاتم بس صار يسألني هم قبل لا نزوج عندج علاقه
كام يخلي بالبيت ع طاوله او بالغرفه مبلغ وقدره وما يسألني الحد ما اني اگله لگيت فلوس وانطيهن الى
(الي ستغربته واني احجي وكأنوا ام شمس فاهمه القصة من البدايه حتى من تسألني متمكنه من قصتي بس ما هتميت اريد افضفض اريد اسولف من غير ما اتعذب او يتحقق وياي
خاصه وهبه حجتلي قصتها وكأنوا انطتني الامان )
ام شمس _وين صفنتي
_وياج وياج
_كمليلي شنو صار
_ اني من جان يصير هذا كله ما فكرت هو شاك بيه لا بالعكس فكرت هو تعبان ونسه او هو خالهن حتى مرات انسه اذكره الحد ما يگول اني ضاع مني بالبيت مبلغ
واركض اجيبه الى
كام يطلع بالليل هواي اگله وين يگلي يم ولدي
_فدوه العينك لا تطلع بالليل
_تردين تحرميني من ولدي
_لا و الله بس اني اخاف
_خوش خوش شوي واجي
_يفرش المصلايه لا يخلي الواجب ولا المستحب واسمع بنهاية كل صلاة يذكرني يدعيلي بكل خير وفقها واحفظها الي وربي ارزقني منها طفل
يمكن تستغربين كلامي بس جنت اتمنى طفل ينور حياتنه رغم فارق العمر بس ما جنت احس بهذا الفارق
اريد طفل اريد افرحة اريد نعيش اني ويا بحب وسعادة
حاولنه بس كل المحاولات فشلت
رضوان صار يتردد علينه من اجي واقدمله العصير يباوعلي بطرف عينه
ومن ابو من هنا يجي يتأمر ويشرط ابويه وين صبيلي جاي جيبلي ماي عايشه بالخير وحدج
هو جان شاب هستوه صاير قاضي
بس معارفه هواي لان جان يطلع واجبات بدل ابو
بكل مكان حاتم مشغول بعمله هو جان يأدي كل الواجبات
وهو بعد قاضي
ام شمس _ما تحارش بيج او حاول
_لا لا ابدا ولا مره صار هذا الشي هو جان ما يطيقني الرجال جان يشوف العمى ولا يشوفني
_هم فكرتي همه وره هاي ذبتج السودا
_يعني شلون
_يعني همه قتلو حاتم او ساعدو بهذا الشي
_لا لا _اصلا حاتم من تعارك وياي همه مو يمنه ومات گدامي حاتم بسبب اني دفعته
عاشور جايب عصا ويريد يعلگ الرايات بالبيت
بالطرمة
سألني اليوم وين رحتي
گتله ما طلعت
_زوجة رضوان تگول شايفتج بالامام الكاظم شسوين
_لا و الله يمه تدري بيه اخاف شيطلعني
_متأكده مناسك
_اي و الله يا حاتم اصلا اخاف شيطلعني
_مناسك _مرتاحة وياي
_فوگ ما تصور
بوقتها صدمني بسؤاله
_تحبيني اني اكثر لو فلوسي
_ شنو هذا السؤال حاتم والله زعلت
_لا ليش ازعلين جاوبي شنو جابرج تعيشين وي رجال اكبر من ابوج
_لأن يحبني
_مناسك ادورين غيري عندج غيري
_يااا حاتم صدگ جذب شبيك اليوم
_جاوووووبيني
_والله ما عندي غيرك اصلاََ اني طول اليوم باللبيت
ليش ما ترديني اتقربلج
ليش تخلين بأكلي كافور
_نصدمت وليش اخلي
كافور بأكلك
حاتم _ يعني اذا ادور بالمطبخ ما الگه كافور
_دور ادخل وسوي الي يعجبك ليش متغير عليه حاتم بدر مني شي ضوجتك بشي شاك بشي
_ انتِ ما ترديني وباقيه وياي بس الخاطر الفلوس
_ما گدرت اتحمل هنا اسكت صرخت بوجهة اي فلوووس
اذا انت هيج تشك بيه لويش ازوجتني
غيروك عليه ولدك الما يخافون من الله
الله ينتقم منهم من اندعيت على ولده
ضربني كف على خدي وعيني
سكتت ما حجيت ويا بعد كام يصيحلي جيبيلي الرايه انطيني الخشبه هي
بت حميد الفگر ما رديت عليه
سويلي جاي ما اعرف ايش
كمت اسويله الي يريده بدون ما احجي
العصا طلعن اكبر من الرايه تجاهن بزاوية الصاله
خليت يمه كوب الماي بس من خليته مبين وحده ضايجة ومعصبه
شبيج قزالقرط
_ما بيه شي واذا ما تريدني رجعني الاهلي
_ضاج من عندي كام يحجي واني احجي واشتد الكلام و اني ما سكتت شال العصى اجه يضربني اني بس دفعته والله العلي العظيم بس دفعته
وحتى مو من صدره من ايده الي تقدمت دفعته رد فعل من اي انسان واحد يريد يضربه
وكع ما يتحرك ضربته بخفه على خده
حاتم فدوه العينك داشاقه وياك
خليته بحضني ورجعت اضرب على خده حااااتم ابوس ايديك گوووم والله گوم اضربني بالخشبه گوم سوي الي تريده
حااااااتم
خليته على الارض و لبست حجابي وطلعت للشارع محد ماكو تهسترت اخاف ارجع الابويه خاف يطلكني
واخاف ابقه يمه خاف مات
كمت اروح وارجع رجعت گعدت يمه خليت ايدي قريب خشمه ماكو نفس
خليت ذاني قريب گلبه ماكو صوت بقيت خالته بحضني وانود جسمي الهزيل يترنح للامام والخلف وبس دموعي ينزلن مني
اظاهر بوحده من روحاتي للباب بقه مفتوح واجه رضوان وشافني
رضوان _يااااابه ابو رضوان
مناسك _حاول راد ابددد ما حاس حاتم واصلاََ سلمها بسرعة
ام شمس _تحجي وتبجي وتشهك
_ما اعرف اذا اني ما عندي حظ او
هذا اختبار من رب العالمين بس الاعرفه
اني نشنت عليه حرب منهم كلهم
ام _شمس اهلج وينهم
_ما شفت احد من اهلي لا اجوني للموقف لا اجوني للمحاكمة ما اعرف اذا اولاد حاتم منعوهم او همه ما اجوي او اصلاََ ما وصللهم خبر
بس اكيد وصللهم خبر لأن حاتم جان دائماََ يروح الابويه اكيد افتقده وسأل واكيد ابويه عرف
_ما گتيلهم اريد اهلي اخابر اهلي يخلولي محامي
_ اني عزلوني عن العالم ما شفت احد
هسا اسولفلج
من صار هذا كله اتصل رضوان بالشرطه
كتلهم والله هو راد يضربني بالعصى و اني دفعته بس ادافع عن روحي
وصلت للموقف وحجيت للضابط نفس الحجي وجانوا ولد حاتم رضوان و القاضي
و سليم المحامي فوگ راسي
نكرو هذا كله
بس اول يوم دخلت للسجن دخلت المغرب بالليل ما اعرف اي ساعه بس لليل بعد ما سمعت صريخ البنات
و التعذب والضرب كله كله سمعته بحيث تكورت على نفسي ووي كل صوت افز والتفت شايفه شنو راودني
بس الراودني طلع اسهل بهواي من السوو بيه
_شلون بدو بالتعذيب
جروني من رجليه من رجليه اول يوم هذا
صرخت الحد ما مليت ولا احد گال لا او خطيه او على كيفكم بالعكس تعديت بممرهم وسمعو صريخي بس ولا واحد فزعلي
من اجه يدخلني الغرفة التعذيب واحد صاحله ما شفته بس سمعت صوته
_ عرفت شنو گالو
_قصدك نخليها تعترف
مناسك _حجاها وضحك
جاوبه هذاك
_لا الي بين ايديك بنيه يردوها اتبقه بنيه
_لا بشرفك
_اي و الله خاف كلشي يصير ما اريد تبين مغتصبه
توكع بروسنه كلنه
مناسك _ اول ما دخلني جردني من ملابسي
بوقتها سمينه مو هيج يم حاتم صرت لعابه
جسم و خدود وكلشي خلصني من ملابسي
جاب عصا بيها مسامير متفرقه
ما جان يضرب بيها لا جان يخليه على جلدي ويجررر ينبتها بجلدي ويجررررر
رفعتلها ثوبي وراويتها اول طريقه للتعذيب شنو تركت على جسدي
ولا يوم عذبوني بي وكملت كل ما يبدون ينغمي عليه
بس ينغمي عليه اثر التعذيب
ويگعدوني من شدة التعذيب
ام شمس _ زين من عذبوج هم غيرتي اقوالج
_ابددد ولا غيرتها خاصه بعد ما اجه الضابط شجاع
ابد ابد ولا گتلهم اني قاتله حتى اخلص من التعذيب لا
وهنا بدت مرحلة التجويع
وما يسبحونه
جانو ياخذونه للحمام نخلص حاجتنه وهمه فوگ راسنه
مو حباََ بينه لا بس يعني اذا ما خذوني اكيد اسويها بالغرفه الانا بيها وهمه ما بيهم يشمون خيسه هذا سمعته منهم حراس ورتب
وحتى النساء العاملت هناك
بعد ما بيه اقاوم النعاس خاله ام شموسه اني راح انام
ام شمس _ هههههه نوم العافيه
انتظرت مناسك تنام اقل النص ساعه البنيه شخرت من تعب گامت صبا باوعتلي
سمعتي كلشي
صبا _اي
_اتصلي و احجيله كل الي سمعتي
يتبع......
القادم شنوو!!