مساء الخير أحبتي
قراءة ممتعه
روايه: مأمني من داعش
بقلمي انا: زينة سمير
حسابي انستا: z49.g
حساب البطلة عهد: 25.ahed
صوت + علق بين الفقرات + احبكم هواي
صلو على حبيب ألامه
______________________________________
-وين جنتو
عهد: التفت لمصدر الصوت الصادر من خلفي جاوبت برود واني أرتاج على الكاونتر.. وانتِ شعليج
-شنو شعليه غير أخته
عهد: ههه واني شكايله قابل بس شعليج وين طلعنه
- شوفي وعد مدري شسمج دير..
عهد: عهد، عهود، شرارة، الي يعجبج
- عسى ما أسمج جهنم لا تلعبين وياي تره اني قط وانتِ فار
عهد ببشاشه: هههههه لا بنيتي أنت حيه صفره سماويه تسسس
- عيععع
عهد بغمزه : الحقيقه مره مو
-أياج تندكين بيه تره اني هدى بعدج متعرفين شأكدر أسوي فأبتعدي عن جبل
عهد: تهديدج عجبني حاولي تنفذي أحب أشوف قدراتج
- انتِ شبيج مخبلهه
عهد: اه اي والله مخبله بحب أخوج
- تره أول وتالي يزوج حوراء بنت خالتي
عهد: ذبيت الكلاص واني متجهة نحو الباب ببرود كلت.. عادي خلي يزوج اول لناس أخر لناس.. عفتهة
وطلعت طبكت لباب وتجهت للمكان الكاعدين بي لكيتهم كاعدين سحبت كرسي وكعدت بصف جبل
وسديم وحمزه صار كبالي كدامنه ميز مليان حلويات ومكسرات تتوسط الطاوله أكواب الماء وعلى الاطراف جان أكو نفاضات لجبل ولحمزه
التفت عليه سديم
سديم: أن شاءلله غيرتي جو وارتاحت نفسيتج
عهد بأبتسامه: لحمد لله أحسن
سديم: بشري شكال الدكتور
عهد بأستغراب: شمدريج
سديم: جبل كايل لحمزه وحمزه كالي وكالي ادير بالي عليج لان انتي أختنه الزغيره
عهد بأبتسامه حزن: طلع عندي سكر ونقص فيتامينات وفقر دم حاد... شهكت سديم ودكت على كلبه وهذا الشي شد أنتبه جبل وحمزه الي خايضين بموضوع مانسمع الا تتطرفات منه
حمزه: خير ياطير
جبل: ياستـاࢪ
سديم: ولكم طلع بيه سكـࢪ البنيه
جبل پخزره: اي عادي يروح
حمزه بتوتر: أي يروح طبعا على العلاج المستمر
سديم: شيروحه يمعودين تحجون صدك ليش تخلوها تعيش بوهم
حمزه: يمعوده ضمي لسان الدلاله يروح تره الطب أطور
عهد: أشوفهم يسدون الموضوع بأبتسامة منكسره كلت.. السكر ميروح بس عادي تعودت خسرت هواي اشياء بقت على صحتي
جبل: باباتي لا تحجين هيج كافي سدو الموضوع كلشي ينحل
عهد: هزيت راسي وتبادلنه الاحاديث الشيقه والنكات وصوت ضحكنه العالي التفت عليه سديم
سديم: كومي نتمشى أشوفج مكان حلو
عهد: يله كومي.. كمنه وبدت تحجي
سديم: أسمج مميز
عهد: هه شكرا أسمج أحلى وحبيته هواي
سديم: منو سماج هيج اني امي سمتني
عهد بأنكسار وبخفوت: أخوي حسين
سديم: فدوه الله يحفظه ويطول بعمره ويرجعهم سالمين غانمين
عهد: أمين
سديم: تعاي وره البيت
عهد.: مشينه لحد مطبينه مكان مليان ورد وباردد جداً زلك شالي
سديم: ذبي عادي محد يوصل لهنا قليل جدا وحتى أذا ياصلون بالنهار فقط
عهد: السبب
سديم: عمتي تنام من وكت وملاك لو تموت متطلع بليل وهدى متحب الورد وتنقرف منه أما حمزه ف
مايلحك وشيسوي يجي هنا فقط أني وظلام جنه نعتني بهذا المكان لان هوه يقره بي هواي ويلعب بي
رمي السهم بس بأخر فتره أختفى وبقيت اني أهتم بيه وحدي واقلمه وارتب اشجاره
عهد: أشوف علاقتج قويه بجبل؟
سديم بحزن: ظلام اكثر شخص وكفلي وساعندي تعرفين عندي 3 اخوان ملتهين بس بنفسهم ولا مره كالو الي شتحتاجين من حبيت حمزه صارت مشاكل
أدت بيه الي الانتحار وهواي أمور أخرى لكن بفضل الله وظلام حلها ألي وخلاني ويه حمزه
عهد بذات النبره: تقربين الهم أنتِ
سديم: لا أني بغداديه
عهد بتنهيده: حلوة بغداد
سديم: رايح اله
عهد: نصف عمري بيه... تنهدت وسكتت وره شويه كالت
سديم: عندج أخوات
عهد: أني وحيده أهلي وانتِ
سديم: عندي وحده رودينه ويحبها ابو الأكبر
عهد: ياااااا صدكك
سديم: والله
عهد: خطيه كالي بس ليش متنطوها الها
سديم: اخواني ميقبلون
عهد: ياعمرييي صروري اسمع قصص حبكم انتو الاثنين
سديم بضحكه: خوش متفقين
عهد: شنو معنى اسم رودينة
سديم: السحابه الي كانت فوق الرسول
عهد: حلوة اسمائكم بس غريبه ربي يحفظكم
سديم: شكراً
عهد: مر وقت وكفت يم ورد أصفر.. أحب الالوان لقلبي بعد الازرق
سديم: اللون الاصفر كلش مميز وأصحابه مميزين ولاهم ميزات حلوه كلش
عهد: مثل؟
سديم: النشاط
يكون أحساسهم مرهف
مرحين كلش هوايه وبشوشين
أذكياء كلشش
قياديين
وااضحين
صفة الأمانة
اجتماعي: بس رغم أن محبي اللون الأصفر اجتماعيون،لكنهم أن يفضلون البقاء ضمن دائرة الأشخاص المحدودين.
عهد: ممم حلو منين هاي المعلومات
سديم: دراسات وأطلع على كتب عديده بس تعرفين أني كلش أتفق بأخر نقطه
عهد: شون
سديم: أنتَ ويه ظلام أشوفج تضحكين وتسوالفين بس ويه البقيه جافه
عهد بخيبه: أني مجنت هيج
سديم: لعد ليش تغيرتي
عهد : جاوبته ودمعه نزلت على خدي.. يمكن بسبب الي مريت بي خله ثقتي بلاخرين مهزوه وماحب أتقرب من أحد اله أثق أن هوه أمان الي
سديم: حبيبي ليش تبجين أسفه أذا سؤالي حساس والله مو قصدي
عهد: اقتربت وحضنتني وضلت تربت على كتفي أبتعدنه وكالت
سديم: خلي نكعد هنا يم لونج الجميل
عهد: بأبتسامه متصنعه الفرح.. يله
سديم: شوفي كلبي أنتِ قويه مايصير بأول فاس تتحرك جذوعج كلشي يعدي ويمر وكلشي يبقى بالنه
كل اثر راح يجي يوم ونكعد كبال أطفالنه واحنا بعز الخير وبعز قوانه ونحجي الهم الي مرينه بي
كل شخص عنده ذكريات سيئه بس خطأ نخليه ويانه أحنا أبناء اليوم ماكو شي يجبرنه على ذكر الماضي
ميصير نذكر الماضي ونأذي نفسنه لان أذيه النفس حرام كوني شجاعه واجهي كلش تمررين بي ولا
تقديمن تنازل لشي تحبي لاجل شي أنتي مامجبره عليه او حتى اذا كُنتي مجبره محد اله الحق بتدخلل خصوصياتج
عهد: أبتسمت على كلامه رجعت أردافت
سديم: أنتِ تدرسين
عهد: لا اني تاركه
سديم: ليش مترجعين للدراسه ماعتقد جبل يعارض لان هوه يحب البنيه الي تكون عدها شهاده
عهد: انطاني هاي الفكره بس رفضت أريد أعرف أهلي وين يله
سديم: هوه العام الدراسي بده ان شاءلله السنه التجي تكملين دراستج
عهد: ان شاءلله
سديم: يله كومي خلي نكطع جم ورده نخليهن بغرفنه
عهد: أبتسمت وكمت وياه
سديم: أخذي لونج ولون ظلام وخلي بالمزهريه واكو عطر الورد ظلام وحمزه يجيبو حتى يضل يفوح بالغرفه
عهد: أعتقد علبه مالته تكون وردي فاتح زغيره وقبغه ابيض صح
سديم: أي هيه خلي الورد وخلي مي وخلي نقطه او نقطتين
عهد: كطعت وردات جنبده الورد متفتحات شويه أخذت الوان لاصفر ولابيض على الرغم أكو كل
الالوان وسديم أخذت الوان الاحمر ولازرق
سحبت ورده وحده زرقه كعنصر مشترك بيناتنه
سديم: شعجب أخذتي زرقاء
عهد: عنصر مشترك
سديم: عجبتني الفكره أوكفي أخذ وحده بيضه
عهد: ههههه أخذنه الورد وطلعنه ألهم كعدنه
جبل: وين جنتو
سديم: من جهة المكتبه
جبل: على طاري الكتب ناوي أجيب جدد شنو رائيج
سديم: بكيفك أني أريد أبدل الديكور لان صاير قديم
حمزه: كاعدلج على بنك اني
سديم: منو طالب منك عزههه همزين موضفه
جبل: شلونه دوامج
سديم: زين بس تعب فد مره وخاصه من يصير زخم يبوو أكوم أبجي
حمزه: ههههههه مره دكت عليه تطلم تعاللل بسرعهه الحك وسده التلفوه رحت عليه لكيته كاعده باب المستشفى وتبجي عايزه بس كلمه«بالله يامحسنين»
عهد: ضحكنه كلنه أثناء ضحكنتي رفعت عيني لشباج غرفتنه وهيئه بشر خلف البرده باد حيلي عصرت
عيوني ورجعت فتحته راح بس أني متاكده شفت هلشي التفت لجبل برود.. قفلت الغرفه
جبل: أي بابا شبيج
عهد بخوف : ها لا ماكو شي بس عبالي نسيت
حمزه: شبيج وجهج أصفر
سديم: أشربي مي كلبي
عهد: سيطر الخوف علي كلبي من أكدلي أنو هوه قفل الباب.. لا ماريد بس ذكرت شي قديم
جبل: ماكو شي بابا
عهد: هزيت راسي وضليت صافنه بالفراغ
سديم: ولج يولي صار ساعه أحجي بالج وين
عهد: ها لا وياج
سديم: يله شحجيت
عهد: تعبت كلش أسفه مامركزه
جبل: كومي باباتي
حمزه: وانتِ هم كومي
سديم: شويه صير بشر بأحساس ليمتى أضل أعلم بيك
حمزه: ديله ليش تخليني أحجي احساسي مال الغرفه
جبل: فد مسربت صاير
حمزه: هاي شني ولك منين متعلمه
جبل: ههههههه شوفي بايك كلمتج ومادري
عهد: حجيت حتى انسيهم موضوعي ضحكت وكلت.. طلكنييي
جبل: وعلي اطلكج بس غير الكروه مادفع
عهد: ضحكت وكمت.. يله خلي نكوم... كمنه وشلنه المواعين اني وسديم وهمه طلعو كدامنه وكفنه على
السنك غسلناهن وغزلنه المكان لان كالت أم جبل تكعد صيح كملنه وصعدنه كلمن الغرفته فتحت لباب
بلقفل العندي وطبكته بهدوء لكيت أضواء النوم مشغله وجبل مخلي أيد على راسه رحت للمزهريه
الفارغه خليت بيه الورد وخليت الورده الزرقه بالوسط جبت المعطر خليت نقطه لان الريحه قويه كلش
طبيت غسلت أيدي وجهي وذكرت الي شفته نفظت راسي وغسلت مره ثانيه وقنعت روحي جاي اتخيل
نشفت وجهي وايدي وطلعت لجبل صعدت على الفراش جنت أعرفه منايم بس ماحجيت أي شي
ضليت اتكلب بفراشي ماكدر انام كمت كعدت لحيلي وراسي بين اديه وكمت احجي... تعرف تعبت لعبت
نفسي من حياتي كرهت عيشيتي وين أريد أوصل
شنو فائدتي بالحياه شنو ليش رب العالمين خلاني
لهسه عايشه ليش ماتت بذيج الايام جزعت من نفسي ومن الي جاي امر بي التخيلات خبلتني
مليت من نفسي علكد ماأشتكي الك أنت مالك ذنب ولا مجبر تسمع كل يوم نفس الشريط ونفس الكلمات
الممله الي ماتوصلك لشي مفيد أنت ليش ماتركتني أموت أكثر من مره أفقد الوعي جنت تكدر تعوففني وتطلع
اكثر من الالف المرات طلعت من السرداب ليش ما تركتني ليش حافظت على بنيه ممله كسوله تكشي
تبجي وكل همه أخوته الي ماكله كلبك بيهم وبطاريهم اني كلش كرهت نفسي كره بس الله يعلم
بي.. رفع أيديه وفتحه الي نزلت دموعي رحت لحضنه حضني بقوه حجنه صار على راسي كام يحجي بهدوء
جبل: ليش هيج تفكرين اني جم مره كايلج أنت مو بس حبيبتي أنتي روحي وشراره كلبي ليش متقتنعين
بعيد عن انج حبيبتي شون اعوفج هناك انتِ قبل كلشي شرفي وعرضي ومثل ماواجبي بالدوام أخلص العوائل
واجبي اتخذ مهنتي وياج بعد شكو هاي المهرجان السويتي واذا على المرض تره الله كاتبه ولا اعتراض على حكمه اله
واذا على اخوتج كتلج بس اصبريلي اداوم وبعدين ليش هارجتني بيهم بكلعس اني افرح من جيبين طاريهم
همه أصدقائي واخوتي واهلي مثل ماهمه أهلج
ليش هيج تعاندين وتقهرين بروحج واذا على
التخيلات هاي كله من التفكير أيام وتروح بألتزامج بالصلاه والقران والتسابيح كلشيي يروح منج
لاضلين تقهرين بروحج ترحين تنجلطين يصعد سكرج يصير بيج شي تخسرين عافيتج اضعاف صيري قويه مهرتي
عهد: يحجي واسمع لبحه صوته لهادئه رفعت رسي اله.. ماعرف شجان صار بيه لو لا وجودك بحياتي..
باس أنفي وحضني بقوه وهوه يربت على كتفي مثل الطفل نمت وكعدت على صوت طرقات باب قويه
كمزت جبل ماكو سحبت شالي وباوعت للساعه ب 7:07 دقايق... اي عيني.. سحبت القفل فتحت لباب
شفت هدى كبالي.. تثاوبت وكلت بنعاس... ها
هدى: عيني نايمه للضهاري متكعدين
عهد: جاوبته واني أمط بجسمي.. اخخ معلومه اضيفه لقائمه معلوماتي القيمه 7:07 دقايق دنيه الظهر أحسنتِ بنيتي
هدى: كومي كومي نزلي جوه راح يجينه خطار
عهد: هلا باليجي اني مكاطعه لباب واني مصارلي يومين من جيت حتى الحك اوصخ وصخج انتِ
شيلي وباي ارجع أكمل نومتي.. مانتضرت جواب سديت لباب وقفلت وضلت هيه دك لباب اني طلعت
هدوم وسبحت وكعدت انضف بالغرفة شويه وأندك لباب أقوى عفتهم يدكون جبل عنده مفتاح وهوه
يفتحه مابيه حيل وجع راس صارت بلاه ملح كلت.... منووو
هدى: افتحي لباب ل أكسره على راسج
عهد: نكلبتي سبايدر مان داده.. ضلت تصيح فتحت البردات وكمت أرش معطر بالغرفه وهدى تسكت وتصبح سحبت جهاز مال جبل الي مخلي يمي اتصلت عليه بسرعه رد
جبل: صباح الخير ياخيري
عهد بضحكه: صباح النور ياعوضي
جبل: حبيبي باباتي
عهد: أنتَ وين ليش عايفني.. اثناء كلامي عاطت هدى وهيه تسبني
جبل: هاي شنو لعياط ولغلط
عهد: لا شسمه ماكو شي جهال
جبل: جهال يغلطون هيج عهد شكووو
عهد: ماكو شي.. قفل لخط بوجهي عصبت وطلعت اله... انتِ شبيج أمي مخبله لاكفه اوديج لمصح عقلي
هدى: هيييييي حسني منطقج
عهد: والله شوكت مامقابل يحسن أخلاقه ولفظه وياي أحسن اخلاقي اني
هدى: شوفي لج وعلي أكوم اطيح حظج احترمي أسيادج
عهد: والله ياكلبي اني سيدة نفسي وعلى مابخيلج اركبي يا همجيه
هدى: انيييي همجيه بابا اني كليه
عهد: ههههههه شوفي شكد عقلج صغير مابيه أشرح بس هسه عرفت ميحقلي أناقشج
هدى: هه همزين هسه يله نزلي نظفي
عهد: ههههه حبيبي تره جاي انتقدج مجاي امدحج ركزي حبيبي... ماحس بيه الا لازمه شعري من
كصيبتي وتهمش بيه صرخت بقوه.... ولجج اخخخه وخريي عني ادبسززز حيوانه... خرمشتني بوجهي
وضربتني بخاصرتي... ولججج عيععع وخريييي جلب خوما جلب... جان فوكايه وماكدر اله دموعي
بدت تنزل التمن البنات على الصراخ ويحاولن يفكنه ميكدرن صعدت ام جبل جان تكول
أم جبل: حيل بعد أيدي
عهد: نقهرت من كلمته واني ممسويه اله دخلت سديم حتى تبعده بس دفعته بقوه على الحايط وكعت
سديم وبالي يم طفله أخاف صار بي شي واكون اني لسبب ماحسيت ألا أيد هدى جارحه طرف عيني
وجرح عيني كام يحركني بسبب الدموع صرخت عطت بكل قوتي مرت ثواني جان الكه جبل فوك
راسي بالبدايه عبالي اتخيل بس بعدين من رفع هدى مني شفته جتي ملاك كومتني وسديم وياه ماكدر
افتح عيني لازمته بقوه لان تحركني التفت للمعركه الي صارت كبالي جبل حاصر هدى على الزاويه وهيه
تكول
هدى: والله ماعليه هيه البدت
أم جبل: يمه هاي عياره ماعليك بيه هدى ماسوت اله شي
جبل: ماسوتتتتتت الههههه شيييي وعينننن شراره تجري دم وخدوه هم وصدره أحمر وثوبه مشكوم ماسوت اله شي واني كوه رفعتهههه من شرارهه
شبيجججججججج وياههههه هدىىىى شبيجججججج
هدى بخوف: و و الله هيه هيه بدت
عهد: جذابه والله ماسويت اله شي
جبل: تعالن اكفن كدامي
عهد: مشتني سديم ليم جبل
جبل: احجي عهد شصار
عهد: حجيتله السالفه بتفاصيله
جبل: وانتي احجيلي
هدى: جذابه كتله عهد كعدي راح يجون بيت تخالتي تكول طبهم مرض واذا جوي وشعليه كتله زين بس
تعاي ساعدينه بالتنضيف تكلي اوي اني بنت شيوخ ماوصخ ايدي بزبالتكم ترضاه نوب كتله عدلي
اسلوبج تكلي والله ميشرفني احجي وياج كمت وكتلته
جبل: شوفي هدى اني اعرف بيج من تجذبين واعرف عهد مجذب
هدى: ليش يابه نبي ومندري
جبل: اكلييي خررررر* هددددددىى
عهد: التفت عليه أم جبل وجتي تريد تضربني منعه جبل وعاط عليه
جبل: شبيججججج يمهههه انتتتتت زعطوطط اعلمج حتى رمش عينج شيب
أم جبل: ياااا هاي تعيط عليه على مود مرتك
جبل: اعيط واكسر راس أكبر واحد يلهههه الكل منا وهدى كدامي للمكتب انت وعهد
عهد: بديت أدوخ وحلكي نشفف وحيلي يرجف ماحسيت بروحي الازم جبل والحايط حتى أركز ثباتي وكعت
جبل: عهددد بابا سديم بساع عباتج وعباته وياي المستشفى صار عدها انهيار.. جابت العبايه سديم
التفت عليه... الغرفتين قفليهن وتعاي وراي بساع.. شلتها ونزلت جوه... والقراننن اذا صار بيه شي خيرك
انعل والديه اني اعلمكم.. خليتها بالسياره صعدت يمه سديم دقايق وصلنه للمستشفى اخذتها الطوارئ
- تفضل خويه
جبل: صارت مشكله وفقدت الوعي
- منار يمج بساع
جبل: فحصته وشافت الجروح الي بوجه كالت
- متعرضه لضرب وصاير عدها أنهيار عصبي وسكره صاعد
جبل: وضعه هسه شونه
- تبقى تحت المراقبه من 5 ساعات لـ6 ساعات أفضل حتى نطمن على سكره
جبل: ماشي.. حولته غرفه خاصه جتي الممرضه ضربت اله الاونسولين ونوب علكت اله مغذي وراحت
وكفت سديم يم راسه تقره معوذات.. سديم يابه راح اطلع أجيب أكل اله ممتريكه هيه ديري بالج عليه
سديم: صدك جذب بطن عيني.. طلع وطبك الباب وعهد عينن جثه هامده بس النفس يصعد وينزل
اندك الباب.. تفضل
- يا أهلا بست سديم شلونج
سديم: بخير كلبي وانتِ ... كمت تسالمت لانه زميلتي بالعمل التفت لعهد وكالت
- جيت أضمد جروحه أستاذ جبل دزني على هاي الغرفه
سديم: أي تفضلي.. بدت تسوي
-ولج هاي منو ضاربه البنيه رايده تنفكس عينه
سديم: اوففف مشاكل داده... سكتتت وكملت راحت شويه واجه جبل
جبل: بشريني
سديم: على حطه أيدك بس جتي ممرضه سون الجروح... أعصابه تلفت كال بعصبيه
جبل: هاي هدددى الا ينكسر راسه يله
سديم: شدراك هدى مو عهد
جبل: عهدد ماتكذب لو تموت اني اعرفه وهدى سمانيه وعده حقاره تمشي بدمهة والغيره تموته
سديم: هيه ويه لكل شاده حتى أخته ملاك
جبل: اني أربيه من جديد
سديم: على كيفك وياه تبقى أخوه
جبل: نعل على هيج خوه
سديم: سكتت شكله عصبي مو مال هيج نقاش
جبل: هاج أكلي شيخلصني من لسان حمزه اذا كلتي جوعانه
سديم: عيني احسن منك تريكت بيض عين
جبل: دروحي متريك كيمر وكاهي
سديم: هههههههههه عود كلت اغورك
جبل: أبتسمت اله وكمت يم عهد.. بابا عهدي شرارتي كومي خلي نطلع منا
سديم: بده يحجي وياه بهدوء غضيت نضري عنهم وسحبت لفه كص وكعدت أكل مر وقت طويل حدود الساعات جان يكول
جبل: سديم كعدتت.. اجت تركض وكفت يمه
عهد بألم : هاي شكو وين انه ليش المكان ابيض
جبل: بالمستشفى بابا
عهد: أحس نفسي ثكيل بابا
جبل: ياعيوني انت هسه نطلع منا جوه المستشفى يخنك
عهد: سديم شون صرتي
سديم: ياروحي المفروض اني لاسألج سوده بوجهي
جبل: ليش شبيه
عهد: حصلت ركعه على الحايط
جبل: من منو سديم
سديم: من هدى
جبل بعصبيه: يصير خير
سديم: ضلعي شكلك ميوحي للخير
عهد: بابا مختنكه طلعني
جبل: بعد ساعتين حبيبت أبوها
عهد: ماريد طلعني على مسؤليتي أحس المكان مثل القبر هنا
جبل: أسم الله شراره هسه أحجي وياهم
عهد: طلع جبل وتقربت سديم
سديم: ها ياحلو شون صرت
عهد: بتعب جاوبته.. شويه أحسن بس عيني ليش ماكدر افتحه
سديم: زين مافاكسه عينج هاي لادبسزز الحيه
عهد: تنهدت وسكتت ماعندي طاقه أحجي طب جبل
جبل: يله كومي وهاي علاجات تاخذيهن بالبيت
سديم: هاي مغذي شسوي بي هيه من ترجع تاكل
جبل: أكو أبره تنضرب بالغذي تاخذه وعنده أبر مال علاجات البارحه وادويه
عهد: باوعت للعلاكه الي نطاه لسديم غمضت هيني ونزلت دمعه تايهة مسحته وكمت وبأيدي كانونه غير كانونه البارحه سندني جبل
جبل: بيج تمشين
عهد: امم. ماحس بي غير شايلني نزلنه وخلاني بالسياره بقيت أباوع على الشارع شويه واتصل تلفون جبل
جبل: يعني جم مره اكلككك عندي ضرف عائلي شبيككك
عهد: طبك التلفون وشمره ماحجينه شي نزلنه وطبيت للاستقبال كعدني جان تطلع هدى اله
وجهى أصفر كركم رحت عليه ولزمه من شعره
جبل: شوفييي هدى انتِ وأمج ثقي بالله وحق محمد
أذا وحده حجت وياه عهد مره ثانيه وضربته والله العظيم كلكم أطردكم وابيقه بس هيه ويابه وحق علي الاكبر أجرم بيجن واخليه ترفع عليكم قضيه تخيسكم بالسجون خوش لو لا جرن عدل تره متشوفن خير
عهد: هدى تبجي دفعهة على الحايط ونلطخت بي خنست وكامت ركض جوه وام جبل ماله حس
أجه كعد يمي وسديم راحت تسويلي عصير برتقال
وريوك
جبل: عهد أي واحد يصوجج كولي لضلين ساكته تره يتمادون شوفي محد عليه بسديم لان حمزه سجينه خاصره واكف الهم
عهد: هزيت راسي وعصرت بطني.. بابا بطني توجعني
جبل: ياروح أبوج طفلتي ألاحبه
عهد: كعد بصفى وباس راسي خليت راسي بحضنه جيت أحجي جان يطبون بيت خاله جبل
-سلام عليكم يمة
جبل: هلا خاله تفضل زارتنه البركه
-البركه وجودك يمه
عهد: شافتنه شون كاعدين جبل كام استقبله وسلم عليه طبن بنات تلاثه من ضمنهن أم حبيبي عيععع شكد إكره طبت سديم ماتدري بوجودهم
سديم: يابه أحلا ريوك لاجمل عهد بالدنية.. ءءؤ هاي شجابكم
-ياا خايبه فوك ماتكولين هلا بيكم
سديم: هلا عيني
عهد: كعدت تسلم من كفه خشمه ماتحبهن الضاهر وهنه كذالك كعدت بصفي وخلت الاكل قريب عليه
جبل: لا جيبي أوكله هسه تاكل لكمه وصيح شبعت
عهد: فرحت من جبل كال اريد أوكلج باوعت لسديم وکأنه فتهمت نضرتي
سديم: نضرات عهد جانت أشاره حتى أغث بيت أبو حوراء وبمساعده جبل طبعا.. هاك ظلام وكله زين خطيه تستاهل عهدنا
عهد: ههه عمري.. تقدم جبل بحجه ياخذ مخده جان يكول يم اذني.. اخخ ماجوزن النسوان
عهد: ءءء سديم حبيبي صيحي عمه بيت أخته جاين
أم حوراء: جيبيلي مي يمه
عهد: التفت الجبل الي يفتح بالقصبه ويخليه بالعصير ويقطع البيض والجبن وخبز "شعير" حجيت بغصه ولدمعه بطرف عيني.. بابا أنه أريدن خبز عادي
جبل: شراره بنيتي أكلي بس هلفتره بين مصيرين زينه ونرجع ناكل من ذاك الخبز يله حبيبي
أم حوراء: ياااا ليش بيه سكر
عهد: جاوب جبل برود
جبل: نعم
حوراء: لعد ليش توكله وشعندك ملفيه عايزنه سكاطه أحنا
جبل برود : أحترمي نفسج حوراء هاي مرتي واذا اكو شخص مالازم يلفي البيت فهوة انتِ
أم جبل: ياا تطرد بنت خالتك علمود هاي الشكول
عهد: اخذ نفس وماجاوبه
جبل: شراره بنيتي أكلي كافي عناد
عهد: ماطيب طعبه ماطيب جبيالي من ذاك الخبز
جبل: بابا أكلي هذا زين ألج
عهد: ماريدن بطلت ماكل
جبل: اوفففف من عنادج... سديم يابه جيبي خبز عادي
عهد: صدر صوت سديم بالوافقه شويه وجابته وكعدت يمنه تحجي بسكوت
سديم: ظلام رجعنه للمربع لاول وأضن الامور ماتبشر بخير
عهد: رفع راسه وأشر عليهن
سديم: أي بضبط
عهد: شصار
جبل: بعدين افهمج كلشي أكلي وسكتي هسه وراقبي
عهد: خرب شرفكم إحس كاعده بفلم أكشن على غموض
سديم: راقبي الي راح يصير أروح على هايدي جاي تبجي
عهد: هزيت راسي وجبل وكلني بيض... وين الصفار
جبل: مو زين
عهد: وخر خلي انتحر خرب هيج عيشه
جبل: اي روحي بس لتكليلي طلك
عهد: حلني شكو لازمني مو تكلي انتحري
جبل: نجبي كافي أكلي
عهد: ماريد لا ملح لا صفار لا عصير حلو وخبز أسود يمهههه طلكوني
جبل: ولج يايابه هيه كله جم يوم وصيرين زينه
حوراء: بس السكر مايروح
جبل: أي عادي بنتي قويه وتواجه كلشي بعدين شكو مخليه اذانج يمنه اعتقد هذا الشي قلت ادب وتعدى على خصوصيه الاخرين
حوراء: وين للخصوصيه بالموضوع وانت تحجي بصوت عالي
جبل: مادام ماموجه الكم حديث فهذا وحديثي ويه عهد هذا الشي خاص بيه
-يمه جبل ماحجيتلنه سالفتك وين رحت وين جيت
جبل: هههه ليش احجيه وامي كالته الج زيجوز ضافت احداث من يمه
عهد: سكتت خالته وحوراء واخته الثانيه اعوقد أكبر منه يرد ياكلنه... عوضي
جبل: ها بابا
عهد: أريد أكل براسه حظ حباب شنو هاي مطيب هيج
جبل: بابا هسه بس أكلي هاي الوجبه وبعدين اني اكوم أسويلج الاكل بايدي
عهد: ركز على اخر خمس كلمات مع أرتفاع طبقه الصوت... وعد أخر وجبه
جبل:وداعه معنى أسمج أخر وجبه يله عهدي كافي أكلي وراج هواي علاج
عهد: أكلت جان أساله.. ليش غيرتو الكانونه
جبل: ذيج فالته وصاير نزف الج
عهد: شوكت أشيل لزكه من عيني
جبل: من طيب بنيتي
عهد: جنت أسال بروح طفوليه كانو طفله تسال أبوه وهوه جار الي خلك ويجاوب بكل روح أبويه.. وين رحت لصبح وعفتني
جبل: ويه ابو لاكبر
عهد: شسون
جبل: دز عليه علمود معلومات طريق وهاي السوالف
عهد: بعد من تروح كعدني
جبل: صار
عهد: شبعت انه
جبل: وين أكو شكلتي
أم حوراء: دعوفه يايمه خلي نشبع بشوفتك
عهد: حجت أم حوراء بس جبل ماجاوبه.. وداعتك شبعت راح يطلع من خشمي من أجوع اكلك
جبل: مو خوش حجي تبقن شويه اكليهن يله
عهد: غصبني أكلهن شويه وصلته رساله باوع لجهاز جان يكلي
جبل: اديه وصخه أخذي لجهاز وكتبيله خوش
عهد: اخذته وقريت المسج من ابو الاكبر محتوى " راح أطلع لبغداد ليضل بالك المعلومات كملتهن بقن
بس ادقق جم شغله حتى أتاكد " كتبتله خوش وكعدت أكلب بالجهاز فارغ طبيت على جهات
الاتصال شفت عدد الجهات 584 شهكت
جبل: شكو
عهد: عليك الله كلهم تحجي وياهم.. حجيه وشوفته العدد
جبل: اذا ماحجي وياهم المن حافضهن
عهد: خرجت ورحت للكامره وجهت الجهاز على وجهي وبعدته وهوه ميدري ويوكلني بس أيده مبينه.. ظلام
جبل: رعب أسمه
عهد: أبتسمت وقطعت التصوير
جبل: شتردين بابا
عهد بأبتسامه: لا هيج بس شبعت كافي والله راح يطلع من عيني وخشمي واذني
جبل: يله كافي كافي.. سديم
سديم: أصبر ظلام ثواني واجيك
جبل: براحتج يابه.. صار وكت الابر
عهد: بربك اخاف
جبل: بالكانونه شكو خايفه
عهد: اكو غير وسيله لضربهن
جبل: اي شربيه وشربي وراه حليب حتى كبل زط بط بالطب العدلي السبب تسمم
سديم: ههههههههههههههههه خرب اتخيل تشربه صدك
أم حوراء: ضحكونه وياكم
سديم: خاله احنه عدنه روح الفطره عاليه انا انتو لا ف خارج قوس
أم حوارء: يمههه صدك او كالو البغداديات لسان العرافه
عهد: انه سامعه الدلاله... حزرني جبل الي منطيهن ضهره
جبل: كافي اقطع بلا مشاكل.. سديم يابه جيبيلي جيبيلي الدوه من الغرفه
سديم: هسه أجيبه
عهد: راحت وطبت ملاك جتي باستني وكالت
ملاك: لحمد لله على سلامتج حبي مشوفين شر
عهد: عمر انة الله يسلمج
ملاك: خوما متوجعه
عهد: لا احسن
جبل بهمس: حوراء كامت ملاك روحي وراه أبد لتعوفيهن يروحن يسون لعبه مالي خلك
ملاك: حاضر
عهد: كامت وراه جتي سديم وكعدت بصفنه تفتح بلأبره وتحجي
سديم: حوراء تحجي بالتلفون وتبجي وتكول والله لو يدرون يذبحوني الله اليعلم شمسويه
جبل: بس ركزيلي على تصرفاتهن واي شي شوفينه كوليلي وضلي وراهن
سديم: ماشي بس لعبتهن هلمره تخوف والله
جبل: هنه مازال اني وابو لاكبر وحمزه هنا يضلن هواي بس من نطلع دوام يرحن
سديم: أبو لاكبر راح هوه وحمزه من تلتحق انت يجون
جبل: هههه راح يحمضن هنا
عهد: هههههههههههههههه أخ بطني
جبل: اشش ولج لتحجين
سديم: جنه اني وجبل وملاك نخطط ونفذ على الصامت هسه انتِ أنضميتي ويانه بس ديري بالج جفصين
جبل: رب الجفصات هاي ويامن تحجين انتِ
سديم: هلا هلا وعلي أحوس بفادج على كوله كريمه ههههههه
عهد: ههههههه لا ماجفص والله
جبل: اكص أيدي
سديم: لا ظلام النسوان بهاي السوالف خبره
جبل: محد جنه على عهد غير لسانه هاي لاخبره ولا بطيخ
عهد: او..
جبل: كملي كملي
عهد: اوع ويع ميع يععع يله شسسوي
جبل: شوفي
سديم: هههههههههههههه اذكر اول ماشفت جبل وكلت ايعع كلي ولطم مع العلم مجانت أكو ميانه أول لقاء ولج ضليت فاتحه عيوني عليه
عهد: هههههههههههههههههه ايع فد مكروه
جبل: دولي تغارين مني
عهد: باعو للوراكم بس لتلفتون
جبل: بله متاكلين خر*
سديم: هههههههههههه حموتتتت يعني شون نباوع الهم
جبل: دجيبي أيدج خلي أضرب الابره
عهد: جاك الموت ياتارك الصلاه
جبل : صدك صليتي الفجر؟
عهد بتوتر: ءءء اي اي صليت شون
جبل: عفيه... وانتِ كومي بنتج تبجي وانتِ دكين سوالف
سديم: كايمة والله راح أشك هدومي يبووو اني صوجي خلفت
جبل: عود أنتِ الجبيره
سديم: قصدك اني عجوز
جبل: جبيرههههههههههههههههه مو عجوزززز كومي
عهد: صاح عليه واني خربت ضحك
سديم: اوي اكوم لبنتي أشرف
جبل: أحد كاظج
عهد: كامت واني أضحك جان يكلي
جبل: نطيني أيدج
عهد: بدون ماتلبسني خاتم موافقه حبيبي
جبل: لا حبيبي راح البسج أبره مو خاتم
عهد: مليق ايع
جبل: نجبي
عهد: اوك.. ضربنس الابره وسحب مي وبين كل حبايتن خمس دقايق شربت علاجي
جبل: اعتقد هذذا العلاج نفس الاونسولين بعد ماشربه الج و وهذا هم متحتاجي لان نفس المفعول وياذي معدتج
عهد: يسس خلصت من تلاثه
جبل: ان شاءلله تخلصين منهن كلهن
عهد: أثناء الحديث طبت ملاك
ملاك بهمس: لكك الحك
جبل: خير
ملاك: ولكك حوراء مدري شمسويه وتحجي بالتلفون وتبجي
جبل: ادري كالتلي سديم تتوقعين ليش
ملاك: مادري واخته زهراء شكد سألت على أبو الاكبر ورادت رقمه بس منطيته
جبل: روحي انطي اله
ملاك: يا ليشش
جبل: دكومي.. عهد جيبي تلفوني
ملاك: ياخوفي من تخططاتك شناوي
عهد: والله لو تحجين منا لباجر مايبرد كلبنه ويكول النه شراح يسوي
جبل: أو أكلج انطيه رقمي الكورك وكولي اله رقم أبو الاكبر ذاك يزر* بيه
عهد: شنووو ممنوع والله
جبل: كومي ملاك
عهد: كعدي ملاك
جبل: كومميي ملاكك
عهد: كعددديييي ملاككككك
ملاك: ولطمممم شبيكمم
جبل: كومي ملاك وعهد تعاي افهمج
عهد: طنكرت والدمعه وكفت بعيني.. ماحجي وياك حجيته وسحبت رجلي كمت على حيلي... ملاك كلبي وصليني للغرفه دايخه
جبل: طفلتي كعدي
عهد: ما.. كام لحيله وشالني طلعنه من الاستقبال وملاك شايله غراضنه ولادويه وتضحك... ولججج لضحيكنننن.. وانتٕ نزلتي تره والله أخلعك
ملاك: اخخخخخ كلبي راح اموت
عهد: كمت أضرب بصدره ولككك أدبسزز نزلني خرب بيك نزلنيييييي... أحجي وملاك حاجظه عينه علينه وتمشي
جبل: دبسززز كافي قابل راح أغتصب*
عهد: ولجج ويممهه كلبي جبل طلكني ماريدك اكرهك
دخيلك يابو فاضل راح يصعد الدرج.. صعده... يمهههه خرببب ولكك على كيفك
ملاك: ولج سسديم تعاي شوفي ذوله السنما هههههه اخ كلبي
عهد: ولطم ولجن خلصني.. وكف على المحجر بقى شايلني بس بعدني عن صدره يعني اذا يهدني أوكع
من الطابق الثاني للكاع... جبللل خرب شرفك فوبيه من المرتفاعااتتتتتتتت خرببب جبللللل الله ياخذك
حيوان حموتتت يمههه كلبيييييي
سديم: ظلام البنيه راح تموت ههههههه
جبل: حتى تعرف تكظ لسانه
عهد: وعلي بس انزل ألا اخلعك اكفلي... جسمي كله مشنج... وعلي راح يطكلي عرججج يبوو فاضللل
ملاك: عزههه ختنكت هههههه
عهد: باوعت جوه شون ملتمات جوه بال صاله جان سديم تكول
سديم: اذا توكع متوكف بالكاع توكع على حيايه وعكارب
عهد: وكان جبل أفتهم السالفه رجعني لحضنه وحضني حيل ويبوس بركبتي... ولججج احبجججج
شعندي غيرجججج... بادلته لحضن لتفت وراح أشلرتلي سديم وملاك اوكي شافن كلشي ضحكت
طبينه للغرفه نزلني طبت ملاك
ملاك: خرب ولكممم الوجوه شتغلت نار كل وحده منمخن تحلوت عكارب وحيايه بزازين شوارع اخخخخ احسكم بردتو كلبي
سديم: أحلا شي صار كلشي صدفه اخخخخ يابه بس سؤال
جبل: ممك كولي
سديم: ليش تريد تنطي رقمك لكورك لزهراء
جبل: بعدين تعرفن
سديم: تدري رقيه تحب غياث
جبل: هوه غياث مو رجيله بالكبر حتى طي** مشيب
عهد: من حجه هيج دفرته بصفحته
جبل: يابه ندري زعلانه بس مو هيج وكفتي كليتي هاهيه سقطن 100
عهد: خو انتِ دكك ومدكوك يم الميه اشو لا ماسقطن
سديم: أروح على هايدي عفته يم أم حيدر وانتو كملو عركه
ملاك: روحي.. اكلك شوكت تلتحق
جبل: بعد اربعه أيام
ملاك: اريد اقترح الك شي
جبل: اطربيني
ملاك: اكيد مىاح يفكن من عهد لان هنه سديم مافكن منه نوب صارن بثنين ليش ما تسوي كامره داخل الغرفه؟ ويم الباب بس جيبه صغيره كلش متبين
جبل: ناوي على هيج شي بس من تجي الغرفة الجديده لان مأمن على عهد واني بالدوام صح انتو وياه بس هنه برابي*
ملاك: احح شكد أحب حياتنه كله مغامرات
جبل: كله طيحان حظ
عهد: عود انه زعلانه
جبل: ملاك جيبي سجينه خلي ادج روحي
عهد: اي ولج جيبي ولا يروح لهاي زهراء الحقنه
ملاك: ههههههههههه اكعدي وياي وتخيلي يزوجه اخخخخخخ
عهد: ضربته بالمخده
ملاك: وتلبس بدله وردي وحمره وردي عينن صارخ هيه وذوقه السزز وعيونه الدكم اخخخ وجبل يكله شراره يمههه راح افطس وكرشه يبين من البدله
عهد: ضجت ودفرت جبل
جبل: ونبي ليوم لو بالنجف لو يشيولي كليتي
عهد: اخخخخ فرفحت روحي ولججج كومي
ملاك: ههههههه والله اني ماعليه هوه يغمزلي ويكلي زيدي اني مالي دخل واني ابد ماحب أخبث
عهد: دفرته نوب
جبل: كومي لا بارك الله بيج فضيحه واني خومن لكتيه من اله كنوب دافره عينن نعجه تريد جيب
عهد: انه نعجبه وانت تيس
جبل: خلفله عليج ملاك ناوشيني لحزام
عهد: شني عود خايفه
ملاك: علكت وعلي علكت
عهد: كامت طك أصبع.. البزون تفرح بعزه اهلهله
ملاك: لج هذا نو عزه هذا عرس هلا هلا
عهد: اخخخ لو بحيلي اله اكوملج
جبل: ديله عيني لي يسمعج مشيبه
عهد: الثلاثيني الجاد جبولتي جوجو
ملاك: عزههه خنتكت ههههه راح انشر رقمك على قناه القيثاره واكتب ثلاثيني جاد للتعارف والعلاقات
عهد: بدون مايقم كلامي.. والعلاقات الحميمه الجاده بسريه تامه
ملاك: ولج يمه لحيكلي ختنكت
عهد: اشوف ملاك صارت حمره على رزكه من الضحك وجبل شويه ويطلع دخان من أذانه وكعت ملاك بالكاعد وعيونه كامت دمع حتى نفسه نكطع
جبل: شونننن ويههههه لسانججج
عهد: يخبل شبي ينكط عسل
جبل: ينكط خر*
عهد: بحلكك يول لا عبالك يم اهلك وماحجي
جبل: لا عمي سكتي اذا حجيتي هسه العراق يكوم مايكعد
عهد: جيت ارد بس دخلت سديم فاحطه
سديم: جبللللل الحكككك
يتبع......
_____________________________________
هلو شلونكم حبايبي
رائيكم؟
بتصرف جبل؟
وروحه أبو لاكبر لبغداد هوه وحمزه؟
وتصرف جبل ورقمه الكورك تتوقعون شراح يسوي؟
وجفصات عهد الي ماننساهن 😂😂؟
وسالفه حوارء؟
وتصرف جبل من يضوج خالتخ وجماعته؟
وبلاخير القفله؟
علقو + صوتو واحبكم
______________________________________
ولنا في الغد لقاء
الي ذلك الوقت أستودعكم الله الذي لا تضيع دائعة 🫀🦋♥♥...
30 /مره أستغفر الله
20/ مره ياحسين يامظلوم
10/الصلاه على النبي
.. ♥♥♥♥♥🦋🫀🦚..