أنتقام الضابط نمر
للكاتبة الاء محمد
لاتنسون التصويت+متابعة الحساب
ـــــــــــــــــــــــــــــــــــــــــــــــــــــــــ
ميرهان:- بقيت ادور بـ الأرقام
دخلت ع رقم فيصل ردت اتصل
_ بعدين فكرت شكو ليش عمتي
صايره عليه حنينه اليوم مومن
عوايدها سديت التلفون
وهستوني اريد اطلع ارجع التلفون
وكلت بلا هل مشاكل
وي فتحت الباب صار بوجهي نمر
خليت ايدي الي بيها التلفون وره ظهري
نمر:- نسيت السويج شكد صحت
عليج ودزيت عمتج سماح كالت
مسدوده الباب خفت صار بيج شي
ميرهان:- اء ها لا مابيه شي
_كوة احجي من الخوف
باوعلي بتساول وضيق
عيونه وسئلني
نمر:- شنو شبيج متلبكه!!
هسه شنو تبقين كامشه الباب
_ دخل للغرفه واني على وكفتي
ايدي الي كامشه بيها الموبايل
عركت كلت راح يوكع
كلبي انخمط خرب حضي الزفت
الله لايوفقج عمه شسويتي بيه
شافني واكفه وظامه ايدي كال
نمر:- شبيـج؟
ميرهان:- لامابيه شي
نمر:- شكـو مخليه ايدج وراه الباب؟
شبيها شو اشوف
_ رجلي ماعاد يشيلني حجيت
واني اتلعثم وبلكوة تطلع الكلمه
ميرهان:- ما.. م... ماعندي شي
_ اجه يمشي باااتجاهي
خله ايديه بجيوبه وحجه
نمر:- ليش خايفه وضعج
مجايي يوضح غير شي
طلعي الي ظامته
_ عصرت ايدي بقوة علتلفون
وطلعت ايدي وبيها التلفون
_ ملامحه تغيرت
وكلبي استسلم للخوف
نمر:- اني على كد ماتعبت
وياج وصلتيني لمرحله احير
شسوي بيج
زمخ بيه
نمر:- هذا شنوو انووب
_ مااكدرت احجي من الخوف
_عصر زندي وقربني يم وجها
وكال وهوة صاك علـى سنونه
نمر:- ميرهان منيلج هذا
ميرهان:- عمتي سماح هذا تلفونها
وهيَ كالت خابري اهلج
نمر:- شبيهم صخاامج
ماااتووبين انتي حيرتيني ادبسزز
ميرهان:- اووي والله ايدي توجعني
دفعني علحايط ووضرب الحايط
بوكس اجتي ايده بصف وجهي
لوجايه على وجهي الضربه
ينخسف وجهي
نمر:- ميرهان وحق محمد
اذا مابطلتي تصرفاتج الطفوليه
وتفكيرج التعبان اسوي بيج شي
عمرج كله ماتنسي وتعرفين
شسوي خوووش
- غمضت عيوني وشهگـت
خايفه كلش
صرخ بووجهي
نمر:- احجيييي
ميرهان:- شحجي نمر والله عمتي
كالت خابري اهلج
نمر:- اهلـج اهلـج اهلـج شنوو
لزكتي بيهم انتي تدرين ابوج اتبره
منج لولا تدرين موو
ميرهان:- بسببك انتَ مجرم
حرمتني منهم وهسه خليتني
بلبوكه احاول احاجيهم
نمر:- اهلج المجرمين ابوج مجرم
اخوج مرتشي وسارق شنو بعد
اهلج شنو لاتكولين اهلي بعد
_كمش شعري وقرب وجهُ يمي
نمر:-سويتيها هلمره وراح امشيها الج
ياوليج تعيديها فااهمه
_ وخرت ايده من شعري
ميرهان:- يله كافي لاتسويها
قصه هاك التلفون وأطلع
نمر:- سمااااااح
رجع صاح اكثر من مره
اجتي تركض
نمر- تعاي انتَ هيو شنو انتَ
ومنو سمحلج تتصرفين بكيفج ها؟
سماح:- شكوو
نمر:- شكو هااا !!
سماح:- والله ماادري شكو
كولولي شكووو
نمر:- اها لاتتمسكنين ذني السوالف
مال الحيايه اعرفهن شكوو
تنطين تلفونج لميرهان
ضربت على صدره وشهكت
سماح:- انيييييي
نمر:- لاجدي الله يرحمه
طلع من الگبر ونطاها
سماح:- يا نمر وداعت عيونك
نمر:- اش اش سكتي عيوني
الله ينعلج على هلدكه تحلفين
بعيوني جذب مسموطة الشه..
سماح-: وحك االله
نمر:- اي شنو سولفي
سماح:-شوف نمر اني دخلت
اصيح ميرهان اكللها تعاي نمر
يريدج دخلت مالكيتها صيحت
ماكو خليت تلفوني علميز
ورحت ااشيل سلة الزباله
الي بلغرفه طلعت ونسيته هنا
هذا كل الي صار وتريد
احلفلك بيمن بعد
نمر:- ميرهان صدك هلحجي
ميرهان:- نمر والله هيَ اجتي
وكالت هاج خابري
نمر:- خلص سموحه شكو
جذبين وتحلفين جذب يعني
لبالج اصدك وحده جذابه مثلج
شوفي وسمعي زين اخصم الكلام
وياج واعتبري كلامي تهديد
_اذا رجعتي لعبتي بذيلج وسويتي
نفس السويتي اليوم يابا اجرم بيج
جربي وعيدي السويتي ابتعدي
عن ميرهان كلش لاوالله اذبحج
على قبلة الكفار
زمخ بصوت
نمر:- سمعتيييي
سماح:- ان شاءاالله ح
سبي االله عليج ميرهان
تتهميني عساها بحضج وبختج
الله شيسوي بيج بعد
نمر:- اعتبري روحج مطروده
يله بررررره
_صدك نهضمت من الي كالته
يعني عمتي هيج تحجي شخلت
للغريب سبحان ربي الراد
يكشف شخص ويطلع حقيقته
المره وعمتي جانت متنكره بوجه
_ بـس سمعت هيج عمتي
كال نمر دنكت يم رجله
سماح:- ابوس رجلك لا بروح
ابوك وين اروح
نمر:- ولي من يمي
سماح:- احلفك بعزيز كلبك
لاتسووي بيه هيج وين اروح
واالله ماعندي غيرك
نمر:- اخر مره الج ديربالج
تعيدين السويتي يله
روحي على شغلج
_بقت تشكرره وتدعيله
سد الباب وكف كبالي
وكال
نمر:- وانتِ لاتصيرين ثوله
وتصدكين ياهو الچان
رجع كال
نمر:- من احجي وياج
جاوبي مو تنطيني ظهرج
حجيت بصوت عالي
ميرهان:- كووول شترررريد بععد
يعني اني هسه اضوج وانقهر
من عمتي واني شايفه الاحقر منها
شايفتك بكل وجوهك
_شال ايدي وضربني راشدي
طحت من قوة الراشدي
واحس اذاني طكت
طلع وسد الباب بكل قوته
ميرهان:- ياااااربي والله تعبت
والله راح امووت ليش هيج يصير
بييه شنوو سوووووويت حتى
ادفع ثمن غيري
والله يانمر ماابقه يمك واالله
_نزلت يم عمتي
شافتني ابجي وأمسح بدموعي
ام نمر:- يمه شبيج
_اجتني تركض كمشتني
وكعدتني بصفها ونمر كاعد
يدخن كبالي
خليت راسي بحضنها
ميرهان:- عمه والله تعبت مااكدر بعد
ام نمر:- شسويتلها ولك هاااا احجي
نمر:-ماكو شي هيه لسانها طويل
_حضنت عمتي بقوة من سمعت صوته
ام نمر:- ساااره جيبيلي عباتي
ساره:- هاجياها
_غطتني بلعبايه
وخليت راسي على رجلها
نمر:- تعاي وياي
ام نمر:- وروح ثامر يانمر
اذا اخذت ميرهانه من يمي
اله اعوف البيت واهج تعبتني
انتَ دمرك حقدك مشوف هلبنيه
الطفله الضيم شافت وياك مو بس القهر
نمر:- يمه انتِ لاتدخلين
ماله حق اي احد يدخل بينه
_ اشهك بلبجي وعمتي
تمسح على ظهري
ام نمر:- اشوف شلون تاخذها
من يمي فنك
نمر:- اهوووو يله رايح
_بقيت بحضن عمتي اريد
امان اريد شخص يحن عليه
ويكولي اني وياج ويحسسني براحه
غفيت على رجل عمتي
وما حسيت الا على ايد تتلمس
وجهي
ام نمر:- يمه كومي تعشي
كافي محد يستاهل وداعتج
ميرهان:- تمام عمه
كعدت وصارت كباالي شهرزاد
شهرزاد:- صار شكد انتضرج
تكعدين وانتِ غافيه
ميرهان:- ههه ليش
شهرزاد:- اشتاقيتلج والله
عباس:- احم احم اجيت
ام نمر:- هلا بفرحة البيت
ميرهان:- شهرزاد وين الغثه
شهرزاد:- منو ولج
ميرهان:- تعاي ادني حتى اكولج
شهرزاد:- اي اجيت لحضه قصدج نمر
_كرصتها من ايدها
شهرزاد:- اووي ولج مدري وين راح
ميرهان:- احسن لايرجع ماريد اشوفه
شهرزاد:- اكلج عنود الصبح
كالتلي اريد رقم نمر
ميرهان:- شسوي بي
شهرزاد:- والله معرف
ميرهان:- امممممم
_كمت توضيت ودخلت لغرفة
عمتي ولبست ازار وفرشت مصلايتي
وصليت حسيت براحه امام
ربي شكيتله همومي
بقيت كاعده علمصلايه
ام نمر:- يله بنيتي تعاي تعشي
كمت لكيتهم فارشين بلكاع
لان بيت حسن ويانا
جان نمر كاعد من شافني
بقى يباوعلي
نمر:- تعاي يمي
ميرهان:- شلونج سوزان
سوزان:- هلا شلونج شخبارج
اجتي تبارك وفوفه سلمن عليه
تبارك:- ميرهان والله صار هواي
مكاعدين وحاجين
ميرهان:- اي والله شسوي
ظروف الحياة حكمتني
نمر:- ميرهان قبل شوي ويامن حجيت
_تئفئفئت بضجر ورحت
كعدت بصفه
نمر:- اي هيج صيري حبابه
سكتت وماجاوبته
جابو الاكل و وزعو علسفره
عمتي مااقبلت اسوي شي
لان هنه اساسا محضراته كوله
بلشو اكل ونمر كل شو
ي ويكولي يله اكلي واكلي
واني مالي نفس
سوزان:- ميرهان شنو ماناويه
تشوفينه بيبي
غصيت ونمر دك على ظهري
ام نمر:- اسم الله شجاج
عباس:- تره سوزان يعني
سوالف النسوان خلنها بيناتجن
تحطين رجلج باام الخصوصيه
شهرزاد:- ميرهان شربي مي
ميرهان:- لاخلص مابيه شي
حسن:- يابا سوزان سوالفج مالها جاره
سوزان:- اهووو عاد شكلت هسه
نمر:- سوزان خشمج مو
وين ماجان تحشري
ضحكو كلهم
حسن:- نمر صار شكد ممداوم بشركه
نمر:- خويه وين الحك اني
عباس:- بس نص الشركه
بجيبك وانت مداوم بيها
بلشهر تجي مره
نمر:- ومنو الي يتعب بيها اكثر
ويسافر حتى يجيب بضاعه
انت لوحسن
حسن:- لاانعم الله عليك
خويه احنه واحد عباس
بطل هذا حجيك
ام نمر:- نمر هوة قايم بلبيت
عباس مايجيب حباية
عباس:- رحم الله والديج يمه
_بقو يحجون علشغل
وكملو لمينه السفره
ورحنه اني وتبارك وشهرزاد
للمطبخ نغسل امواعين
وسوزان سوت جاي
سوزان:- ميرهان شو ضعفانه
ضاله طرك العيون بس اكلج
سوال عليج الله جاوبي صدك
ميرهان:- اي تفضلي
سوزان:- فرحتي من تطلكت هناء
ميرهان:- ماتهمني تطلك
او لا كلش عادي
سوزان:- ونمر متغارين عليه
ميرهان:- ولا على بالي اصلا
تبارك:- ماما تجذب والله
تحب عمو بس متريد تبين
هيَ شنو ميرادلها روحه للقاضي
شهرزاد:- طبعا تحبه رجلها
وحبيبها واذا صارت بينهم
مشاكل كل بيت تصير بي مشاكل عادي
ساره:- احم احم شدسون
سوزان:- اجتي العروس
ساره:- سوزان انتي صايره تجفصين
سوزان:- انجبي ساره شنو
اني بكدج وهيج تحاجيني
شهرزاد:- كاافي يولو سكتن
ميرهان:- شهرزاد وخري
حبيبه اني اكمل المواعين
روحي ارتاحي
شهرزاد:- بعد كلبي ميرهانه
طلعن كلهن وبقت يمي
تبارك وسوزان اخذت الجاي
تبارك:- ميرهان
ميرهان:- ها
تبارك:- تذكرين حبيبي الحجيتلج بي
ميرهان:- اي شكو شبيج
ليش راح تبجين
تبارك:- راح يجي يخطبني
هاي من الفرحه دموعي تريد توكع
ميرهان:- اي خوش ان شاءالله
الله يتم على خير
تبارك:- اي ان شاءالله
يارب ان شاءالله
_كملت مواعين وكعدت يمهم بلـصاله
راح عباس جاب موطاات
وكعدنه ناكل ونضحك
اشوف السعاده على وجوهم
وماكو على كلبهم لاهم ولاغم
والله مو احسدهم بلعكس
بس اتمنيت اشعر بسعاده
وابتعد عن جوي الكئيب كل
تفكيري وبالي يم اهلي وخايفه عليهم
راحو بيت حسن وشهرزاد تعبت
وراحت لغرفتها وساره راحت هيَ
ورفيف لغرفتهن بقيت اني ونمر وعمتي
ام نمر:- يله يمه تعاي نامي يمي
_ نمر وخر الجكاره وخلاه بنفاضه
ونتفض باوعلي وكال
نمر:- يله بويه لغرفتنا
ميرهان:- اريد ابقى يم عمتي
نمر:- ميرهان امشي صعدي
بهدوء كافي خبال
ميرهان:- عمه حبابه
ام نمر:- تعاي يمه
_كمشت ايدي ودخلتني لغرفتها
نمر صعد لغرفته واني بقيت يم عمتي
ﭑم نمر:- يمه نامي بصفي واشوف
شلون يكرب صوبج
ميرهان:- اي عمه حنام بلكاع
خاف جربايه متكفي مالتج
_جبت دوشك وبطانيه ومخده وتمددت
كل الليل اتكلب ولاكدرت انام يمكن
صارت الساعه بـ 2 واني لسه مانايمه
هفففففف متعوده على مكاني
انفتح الباب علكيف. شفت ضل
نمر شجابك يااربي وين ماروح وراي
بقيت على خنستي
سد الباب علكيف واجه يمي
وخر غطاي وتمدد بصفي
شالني وخلاني بحضنه
حجيت بهمس
ميرهان: نمر روح لا اكعد
عمتي والله
نمر:- ليش شسويت
ميرهان:- اطلع روح نام
بغرفتك شكو لاحكني
نمر:- متعود عليج شسوي
_دفعت جسمه مايوخر
بقيت اماطل بي وهوة مثبتني
اخير شي كلبني صرت جواه
وهوة فوكي
نمر:- صايره شرسه
كرصته من خصره اريد يوخر
نمر:- نعلله اهلج احتركو
اخخ خرب بيج شسويتي
ولج سم سم موكرصه نعلله
شيب الخلفج
ميرهان:- وخر يله
نمر:- كرصيني بعد
_خليت ايدي على صدره
ودفعته مايندفع
ميرهان:- نمر عمتي راح تكعد
وتشوفته شتكول
نمر:- زلمه ومرته
ميرهان:- نمر يازلمه ومرته
غير بغرفتها وخر يله
نمر:- اهووو كومي لغرفتنه يله
ميرهان: مااا
دنك لشفتي ولتهمها اختنكت
ومايوخر وخر عني ونومني
على صدره
نمر:- اخخخخ نفسي بيج مادري
شصاير بحالي مدوهن من وراج
_بقيت ساكته ماحجيت شي
نعست وهووة يلعب بشعري
وخرت راسي من صدره كمشني
رجعني خلاني بحضنه
نمر:- شيصير لورحمتي بحالي هسه
ميرهان:-نمر عمتي نايمه شبيك
شتكول من تشوفنه موعيب
وخر عاد فلتت جسمي وبتعد عنه
نمر:- خلاص رايح
_عود يسوي روحه زعل
وولاراح اهتم اصلا شحصلت
منه غير الائذيه
راح وعطره بقى بلغرفه
خليت راسي علمخده يااربي
عطره كاانو هوة يمي اخذتني النومه
وما حسيت الا على
عمتي سماح تكعد بيه
سماح:- يله كوني غسلي
حتى تتريكين وتاخذين علاجج
ميرهان:- مشكور مارريد
هتمامج المزيف
شهرزاد:- صباحو
ميرهان:- صباح الخير
شهرزاد:- الاسبوع الجاي
عرس ساره
ميرهان:- والله
شهزراد:- اي وعمتي وساره
راحن ينيشن ويتفقن وي الصالون
واجتي ياسمين راحت وياهن
ميرهان:- اها خوش
_رحت حضرت ريوك وكعدت اتريك
باوعت من شباك للكراج ماكو سيارة نمر
صعدت للغرفه وسبحت وعزلت الغرفه
ونضفتها سمعت هوسه جووة نزلت
ولكيت عمتي وياسمين وساره
جايبين كل علاكه شكدها
رحت سلمت على ياسمين
ياسمين:- ميرهان شخبارج
ميرهان:- الحمدالله
ياسمين: دوم ان شاءالله
استلمتنه ياسمين تنضيف شيلي
هاي وجيبي هاي وسوي غده وطبخي
هيج يرادلي عشر رجلين
سماح:- ميرهان هاي حبوبج ليش
ماخذتيي مونمر موصيني بيج
ميرهان:- اخذت
سماح:- ليش جذبين وين ماماخذه
ميرهان:- شلون عرفتي يله
روحي معليج بيه
صعدت اغير ملابسي لان صار
بيها ريحت طبخ
دخلت للحمام سبحت وطلعت
لبست دشداشه طويله ونزلت تلكاني نمر
ماحجه وياي ولاباوع عليه اصلاً
الحمدالله لباله راح اهتم
واموت نفسي حتى يقبل
مر يومين واني بغرفة عمتي
نمر ماله دخل بيه ولايحجي
وياي ولايكولي تعاي واني
هم مرتاحه بس اريد ارجع لغرفتي
يله اهم شي نمر بتعد عني
مر اسبوع واحنه هيج مالنه
دخل بعض ولاهو يحتك بيه ابد
ابتعد عني كلش هلشي خلاني ارتاح
_باجر عرس ساره وخبصه
شهرزاد:- ميرهان روحي لصالون
ميرهان:- اكيد هلمره ناويه اغير
شهرزاد:- اي عفيه هيج اريدج
ام نمر:- ميرهان وشهرزاد العصر
اخذجن لصالون اتفقنه انروح العص
ر ومناك نطلع لسوك اني عندي فلوس
لان نمر دائما يوخر فلوس يخليهم بخانتي
ومن اكوله يكول ذني الج
_فعلا رحنه العصر للصالون وسوت
وجهي ساعه تشتغل بي وسوتله مقشرات
ونضفته فد مره رجعت على شعر
ي عدلته من جوة اطرافه
باوعت على نفسي بلمرايه
وين جنت اني هسـه طلع وجهي
شهرزاد:- هنا العسل تعال
شوف نمر تعال
ام نمر:- يمه اللهم صلي على محمد
شني هلحلاوة طلعتي تخبلين
طلعنه من الحفافه كبل للمول
اشترينه ملابس وعطور واحذيه
اشتريت فستان طويل وبي فتحه
من يم الخصر وتبين الصره وفتحته
فوك من الفخذ كلش جريئ
لونه جويتي. واخذت مكياج
رجعنه الساعه ب 8 بليل
وبعده نمر ماكو
صعدت لغرفتي عزلت الغراض
ونفتح الباب نمر
نمر:- شلون اطلعين بدون اذني
ميرهان:- عمتي كالت
بقى صافن بوجهي ابتسم وكال
نمر:- حتلو جنت اريد اسوي
مشكله وجهج نساني ام السالفه
اندكت الباب
نمر:- تفضل
دخلت ساره وهيَ تعصر
بيدها ومتلبكه
ساره:- خويه نمر اريد اكلك
شي بس بداعة خوتنه تسامحني...
للحكاية بقية...
بارت بوقت متاخر
بـس هسـه صار بيدي
مجال انزله
حساب الانستا♥