لكن تحرك ضاري وطلعت وهي للحين متأمله انه مقلب كالعاده ووصلوا لبيتهم وللحين ضاري معصب ومقهور وتركها عند الباب وراح ووقفت مضاوي فتره تناظر الباب وهي تفكر هو صادق ولا يبي يرجع حركتها
فتح الباب عزوز : مضاوي جيتي
لفت مضاوي بهدوء: اييه
عزوز: يلا ادخلي يحترونك
دخلت مضاوي وبسرعه نست ضاري
_______________________.
وعند عقاب
في مقر شغله كان جالس وهو ماله هم الا يسمع مبارك وكلامه عن ولده المنتظر
صد بضيق وهو يوقف مبارك: وينك رايح!؟ عقاب : انكتمت بطلع برا
مبارك: اطلع معك
عقاب : لا لا الله يرحم والدينك خلني اطلع لحالي
طلع عقاب وهو يهمز راسه لكن رجعه صوت التيلفون
اخذه بهدوء: الوووو
وصل له صوت سحر المرتبك : عقاب ألحق وجد تعبانه
طارت عيون عقاب بخوف : وش فيييها
سحر: مدري تعبانه مدري وش فيها
عقاب : زين زين
سكر وركض للبيت هو يدعي ماتكون مثل كل مره وما تسقط مايدري وشلون وصل لكن وصل دخل البيت يركض وشاف الكل مجتمع عند وجد اللي تبكي بألم وهي ماسكه بطنها وصل عندها وجلس قدامها بخوف : وجد وش فيك وجد
ناظرت ووجد ببكى وهي تقريباً صارت عارفه وش بيصير وقالت ببكى: نزييف يا عقاب والظاهر الطفل طاح
ناظرها عقاب برجفه : لا لا قومي قومي بنروح المستشىفى ماصاير شي ان شاء لله
تمسكت وجد بذراعه ببكى: مقدر اوقف مقدر
نزل عقاب بكل قوته وشالها وهو فعلاً مايبي يخسر هالطفل اللي كان الحمل الثالث لوجد وهو اطول حمل لها استمر لأربعه شهور
الكل كان يناظره بضيق وحزن ولف لسحر يصرخ: هاتي عبايتها
جابت سحر العبايه وطلعت معهم ولفوا الكل يناظرون بعض بضيق
ام ناصر: يالله انك لا تخيب لها تعب وانك تحفظ وليدها
هيا: يارب
ام خخلف: ان شاء للله بسيطه
وعد اللي كانت حزينه على وجد واول مره تحزن على عقاب بعد لكن صدت بضيق وطلعت بعد وهي تكرهه هاللحظات وهي خايفه من غير شي من الولاده
اتجهت لتليفون بيتم اللي دق ورد غيث وجاء لها: مبارك يبيك
راحت وهي ترد : هلا مبارك
مبارك: يا هلا وغلا يا عيون مبارك
ابتسمت وعد بهدوء وقال مبارك: كيفك وش اخبارك ان شاء الله ما انتي تعبانه
وعد :يعني تعب بسيط بس يهون
مبارك: حمدلله , الا بسأل صاير شي عقاب طلع مسرع مدري وين راح
وعد : ايه زوجته تعبانه واخذها للمستشفى
مبارك: الله يكون بعونه المهم انتي بخير
وعد : بخير بخير ماعليك
مبارك: ودك بكره اجي اخذك ونروح نتمشى شوي وتجلسين معي يومين وبعدين تروحين لاهلك
وعد : والله يا مبارك هالايام تعبي زايد وخايفه مابي اروح مكان
مبارك: اجل على راحتك بجي اسلم عليك وارجع
وعد : طيب
سكر مبارك ولفت وعد تناظر بطنها بهدوء عمرها ما هقت ماخافت الا من هالحمل اللي شافت فيه العجايب لكن صدمتها كانت في مبارك الله كان فعلاً سند لها
_______________________.
في الدمام
وصل نادر وشوق اللي طول طريقهم مبسوطين ويغنون واول ما وصلوا الفندق ودخلت شوق انصدمت بالاستقبال اللي بإنتظارهم وكان نادر مهتم انه يجهز استقبال لا يقل عن استقبال عرسان لفت تناظره بضحك: نادر تشوف!؟ قرب نادر يعد خطواته وهو مبتسم : ايييه اشوف لكن عساه اعجبك
ضحكت شوق بفرح وهي تناظر الغرفه : حلووو مره بعد لكن غريبه اول مره الفندق يسوي لنا كذا
همس نادر : افا انا اتعب وانا اسوي وفالاخير المدح للفندق
سكتت شوق بصدمه لكن رجعت تبتسم : بالله عليك انت
تقدم نادر وهو يمسك يدها بهدوء : ايه ولعيونك مستعد اعبي هالدنيا لك وروووود ، انتي مب حي الله انتي شوووق اللي ما حبييت احد كثرها ولا قبلها ولا بعدها
كانت شوق متعوده على كلام نادر لكن اليوم فيه نبره غيير نبرة فيها حب واضح وصريح ورجع يقول : متخيله إن مرت علينا سنه ، سنه من يوم دخل الخير لحياتي ومن يوم صار لحياتي معنى
وطول هالسنه ماكان لي امنيه او مبتغى الا إنى اكون ظل ظليل عليك وان مايصير شي ابد يضيق صدرك ويزعلك واتمنى اني نجحت بهالشي
عجزت شوق ترد ماتدري وش ترد لكن كانت تحت يقين تام ان في هاللحظه لو يبي نادر عيونها بتعطيها
نادر :وانا يا شوق عطيتك وعطيت نفسي وقت كافي وقت خلاني اكون واثق من هالخطوه اللي بقدم عليها وانا ماعاد ودي يكون بينا اي فاصل ابد ما ودي تكونين بعيده عني اكثر من كذا انا يا شوق ابيك فعلاً تكونين زوجتي بدون اي حدود
ماقدرت شوق تسوي شي ابد الا انها تطيع نادر وهذا اقل شي تسويه مقابل كل شي سواه عشانها
ماكان نادر يبي اي شي الا لما تكون موافقه وراضيه ١٠٠٪ ورجع يكرر : انا مستحيل اسوي شي انتي ما تبينه ! ما ابيك تسكتين ابد ابيك تقولين لي اذا موافقه او لا وصدقيني ما انتي مجبوره
ابتسمت شوق بخجل وارتباك وحب نادر يخفف توترها وقال :راضيه!؟
هزت شوق راسها بإيجابها وعطت نادر وعطت حياتهم الضوء الاخضر و....🌚
_______________________.
في المستشفى عند عقاب
كان متوتر وهو بنفس الوقت ما بقى دعوه ما دعاها عشان يبقى هالطفل وما يطيح
غمض اول ما سمع الدكتوره تقول :استاذ عقاب
لف بهدوء: نعم
الدكتوره : حمدلله حالت وجد استقرت وحمدلله هي بخير لكن الجنين ما قدرنا ننقذه والله يعوضك
دارت به الدنيا وقعد وهو زعلان ومتضايق فجأه سيطر عليه الغضب واتجهه لغرفة وجد بغضب لكن وقف يحاول يمنع نفسه لا يعصب ويصارخ عليها وهي مالها ذنب لكن يشوف ان لها ذنب وهو ياما قالها اجلسي لا تتحركين لا تشتغلين لكن بسبب حركتها الزياده كل مره يطيح الجنين
دخل وهو ناوي يحوس الدنيا لكن وقفته دموعها مثل كل مره وهي منهاره واول ما شافته قالت بضعف : والله اني انتبهت لنفسي كثير بس ربي ماكتب له يبقى
تقدم بهدوء وهو يجلس بجنبها بنفس السرير كان صدره مليان هواش وعتاب لكن مضطر يسكت ويتحمل كسرت خاطره بدموعها حضنها له وهو يمسح عليها بهدوء : ماعليه ماعليه بيعوضنا الله
قال هالجمله ولا قال بعدها شي ولا عاد نطق بحرف ابداً
اما وجد كانت منهاره لانها تدري انه تعلق بهالطفل اكثر شي وكان مسميه وخالص وينتظر بس جيته
_______________________.
وفي الكويت
في مزرعة جدة ليلى كانت ليلى هناك مالها ونيس الا جدتها وعودها اللي كل يوم وهي تردد أغنية خلف اللي اخر مره كتب لها ابياتها كان المفروض تفهم من اول ماقرت هالرساله ان خلف حاس وقلبهزماهو متطمن وكأنه يواسي نفسه ويواسيها بهالاغنيه (لاتحسبنِّـي دَالِـه عَنـك ناسيـك ..
لاوالَّلذي تَنصـى المَخاليـق بيتـه
لاشك حالِ الياس دون الرِّجا فيـك ..
مَالي على المكتـوب لـو مارِضيتـه
يامِن طِريقه لـي وسَهـلَ المساليـك ..
أقرب قريبٍ لي وصعـب إن بغيتـه
ماشِفت عَبرة عيني الَّلـي تراعيـك ..
هلَّت على المَكتوب سَاعـة قَريتـه
إلى مِتى رَاحت حياتي وأنا أرجيـك ..
حق النِدى ذنـبٍ لنفسـي جنيتـه
وإن كان تِنساني فلانيـب ناسِيـك ..
الله لايقطـع رِجـاً بـك رجيتـه)
تنهدت بتعب وفزت اول ماسمعت صوت تصفيق وراها : جابر
قرب جابر مبتسم وهو يسلم عليها بضيق : من زمان هالصوت وهالكلمات عيديها ياليلى عيديها
جلست ليلى وهي تعيدها وكانت تشوف جابر يشاركها الوجع والالم الفرق الوحيد ان جابر ماله ذنب يذكر عشان يعيش كل هالالم
وقفت بعد ما خلصت وهي تقول : جابر شنو جابك هنيه غريبه!؟ جابر: مخنوق حيل ماقدرت اقعد بالبيت ماقدرت اقعد قدام ابوي وانا مدري ليش يعاقبنيي هالعقاب اللي عجزت استوعبه يا ليلى
فزت ليلى بضيق وهي تمسح على كتفه: يابعد عمري يا جابر وش بيدينا نسوي لازم نصبر وابوي مرده بيعرف انك ما تقدر تعيش بدون اماني .
جابر: وحتى لو عرف وحتى لو ردينا السعوديه بأي وجهه بروح اخطبها من جديد وبأي عذر واذا سويتها بأي حق بتوافق اماني
جلست ليلى بضيق : فرج الله قريب لا تحاتي
جابر : قومي قومي اجهزي بوديچ البيت ابوي يقول تجين تجلسين هاليومين عندهم
طارت ليلى من الفرح وهذا يعتبر ان ابوها بدا يسامحها وفزت وركضت وهي تجمع اغراضها بفرح وهي طايره من الفرح كانت هالشهور صعبه عليها حيل صعبه
_______________________.
وفي بيت الجد قايد
الكل ينتظر عقاب وبما فيهم خلف اللي انصدم اول ماقالوا له وهو يدري ان عقاب يبي هالطفل
جلس بهدوء ينتظر ودق التليفون وفز عزوز يرد : عقاب
اخذ عقاب نفس وقال: وجد سقطت بلغ اللي عندك وقلهم اني ماني جاي الليله بجلس معها بالمستشفى
وسكر كلمتين ولا قال غيرها
والتفت عزوز بهدوء وهو ضايق : سقطت وجد
ام ناصر: ياعوينتي يا عقاب راحت فرحته
ابو ناصر لله يعوضه الله يعوضه
ابو خلف : ماعليه العمر قدامه وبيعوضه الله
خلف : ماقالك وينه!؟ عزوز: يقول ماهو جاي
خلف : بأي مستشفى !؟ عزوز: المستشفى المعتاد
خلف : انا بروح له
مضاوي : اروح معك
خلف : ايه عشان تجلسين مع زوجته
مضاوي : يلا يلا
ام ناصر: بتروحين ماقلتي لزوجك
سكتت مضاوي اول ماتذكرت ضاري اللي ماتدري للحين زعلان او راضي: ماهو قايل شي
ركضت تلبس ووقفتها سحر: خليني اروح معكم احس عقاب منهار الحين
مضاوي: نروح الثنتين وش نسوي ما احد يخلينا ثنتين انا بروح وانتي مايصير تروحين مع خلف لحالك لكن ماعليك لا تخافين بحطهم بعيوني
سحر: زين
راحت مضاوي وهي اكثر شخص قريب من عيال نايف واولهم عقاب
اتجههوا للمستشفى وهم ساكتين محد يعلق ابد
_______________________.
وفي بيت ام ضاري
نامت ام ضاري بعد ما شبعت ضاري بالمحاضرات اللي فيها كلها توضح انه غلطان وهي ماتدري عن شي ابد وكرهته في نفسه وفي مضاوي بعد وتركته ياكل بنفسه من القهر
لكن كان مصر على قراره وان مضاوي انتهت بحياته خلااااااص لكن الهم الاكبر كيف يشرح لأمه هالشي
وقف واتجهه لغرفته اللي كانت خاليييه وهاديه بدون مضاوي رمى اغراضه وانسدح بكل قرته لكن فز بغضب وهو يرفع اللحاف وشاف تحته الراديو رماه بغضب : هاذي ماهي مخليتني بحالي ابد
غمض ونام وهو للحين زعلان منها
_______________________.
عند عقاب
بعد ما تطمن ان وجد نامت بعد ما بكت لين قالت امين نزل تحت وجلس عند باب المستشفى وهو مخنوق لكن التفت على صوت مضاوي: هذا هو عقاب
خلف : عقاب
وقف عقاب بهدوء: هلا ! وش جابكم
خلف: جبت مضاوي تبات عند زوجتك وبجلس معك انا
مضاوي : كيفها وجد
رفع عقاب يده بحيره : كيف بتكون !؟ اكيد تعبانه
مضاوي قربت وهي تمسح على ظهره : ماعليه يا حبيبي ماعليه بيعوضك الله والعمر قدامكم
عقاب هز راسه بهدوء وسكت وقالت مضاوي: كم غرفتها !؟ عقاب: ٢١٠
مضاوي : يلا انا بروح عندها
راحت وتقدم خلف وهو يخبط على كتف عقاب : يلا يا عقاب الحمدلله على سلامة زوجتك وان شاء الله انها اخر اوجاعكم وان شاء الله ربي بيعوضك
تنهد عقاب بضيق وقال: ادري ياخلف ادري بكل شي بتقولونه وسمعت هالجمل مليون مره لكن هالمره ماهي مثل كل مره هالمره روحي تعلقت بهالولد ياخلف والله ان حتى الاسم سميته
ضاق صدر خلف وقرب يحضنه: ماني لايمك ولا اقدر اواسيك ابد بهالكلام لكن اعتبره ابتلاء من ربي وما وراه الا فرج ورزق ماتدري وش الخيره وصدقني لو خيرك ربي بقدرك بتختار اللي يختاره عزوجل ولا تضيق ولا تزعل الفرج قريب
عقاب : على الله ياخلف على الله
خلف : والنعم بالله المهم وسع صدرك وصل ركعتين وكل شي بيصير زين
اخذ نفس عقاب : بروح المسجد
خلف :بجي معك
دخلوا الاثنين مسجد المستشفى وكلهم في صدورهم دعاء كبيييير يحتاج سجده ويحتاج قلب خاشع
وفعلاً كانت ليلتهم خاليه من كل شي الا من دعاهم وتوسلهم لله
_______________________.
ومن بكره
في الكويت نزلت ليلى وهي مبسوطه واول ماشافت ابوها ركضت بخجل وهي تحضنه من زمااااان ماشافته من زمان ما حضنته انهارت تبكي بحضنه انهارت وهي تردد ببكى: اشتقت لك حييييل يبه اشتقت لك حييييل
حضنها ابو نهيان وهو بعد اشتاق لها ومسح على شعرها وهو يهمس : الله يسسامحچ يا بنيتي ليتچ ماسويتي هاللي سويتيه فينا
ناظرته ليلى بنظرات حزن وابعد وهو يقول : ام نهيان شيخه حطو الغداء اللي تحبه ليلى لها
شيخه : شعليچ دلع واوامر
ناظرته ليلى بحب : ما اطلع من جزاه والله
مريم: تعالي تعالي ساعدينا
راحت لهم ليلى وهي ماتدري اذا ابوها سامحها او باقي لكن المهم تشوفه وتكون معه
رغم ان اللي صار ما كبح حبها لخلف بالعكس صار زاد و وصل للهُيام
_______________________.
في بيت الجد قايد
الكل مجتمعين وينتظرون جيت عقاب ولا هي الا نص ساعه ووصل عقاب و وجد ومضاوي وخلف
دخلوا والكل وقف يسلم عليهم ويواسي عقاب كالعاده لكن هالمره موجودين اهل وجد
واللي اخذتهم وجد بالحضن وهي تبكي بحرقه ومسحت امها على ظهرها وقالت: ماعليه وجد ماعليه بيعوضك ربي
وجد : بس عقاب كان يبيه وزعلان انه طاح
سحر: لا ياوجد ياحبيبتي عقاب ما يزعل عليك لكن تضايق شوي
عهد : واحمدي ربك انك بصحه وعافيه وبتجيبين عشره مو واحد بس احمدي الله
ام خلف : ياوجد ياحبيبتي شوفيني قدامك تعبت حيل لين جبت خلف بسم لله وعوضني الله فيه لا تجزعين
في لحظه غضب قالت وجد : بس تزوج عليك زوجك وانا مابي عقاب يتزوج
الكل جمد والكل انفجع وصار يناظرها
وقالت ام خلف ببتسامه: واذا تزوج هذا ماكان عِقاب بالعكس جاب لي اخت تسوى الدنيا وعيال يحبوني واحبهم ووقفت وعد بغضب وقالت : وجد مقدرين انك حزينه لكن هذا مايخليك تجرحين الناس
عهد : كلنا ندري ماهو قصدها فا ارتاحي انتي
هيا : استهدوا بالله يا جماعه استهدوء بالله
وقفت وعد وطلعت بغضب وهي تغطي وجهها وتعدل جلالها لكن شافت عقاب ويغسل لكن وقف فجأه والتفت لها وهو يناظرها ويناظر بطنها بضيق واضح على ملامحه لكن مرت وتركته بمكانه
وغمض عقاب بقهر وهو تفكيره ان وعد ما جت الا عشان يشوفها حامل وينقهر للحظه فكر يلحقها ويدفها ويموت ولدها لكن تعوذ من ابليس وطلع لغرفته مايبي يستسلم لهالافكار
_______________________.
وفي الدمام
كان نادر فعلاً يحس انه فوووق الغيم والحين صارت لحياته فعلاً طعم
طلع وهو يدور شوق وشافها جالسه بهدوءها المعتاد لكن اول ما حست فيه صدت بخجل
وتقدم نادر وهو مبتسم : افا وين الحلوين ما صحوني اليوم
نزلت شوق راسها بخجل وهي تمسح يدها: مابغيت اخرب نومتك
نادر: خربيها ياخي خربيها اصلا وش اجمل من اني افتح عيوني على صوتك وشوفك
توترت شوق : ودك تفطر
ضحك نادر: بنطلع نفطر برا بنجدد شهر العسل ونعيش اللي ماعشناه ياعرروس
رسمياً انكتمت شوق ووقفت وهي تهرب من الخجل لكن نادر طبيعي يكون مبسوط ومستانس
وهو يبي يعوض كل احلامه اللي حلم فيها قبل يتزوج لكن الفرق صار ان احلامه انبنت من جديد مع شوق
_______________________.
عند مضاوي
كانت مستعده لجيت ضاري في اي وقت وانه بيقول لها تجي للبيت لعانه فيها لكن صار العصر وضاري ماجاء
طلعت على صوت عزوز وفيصل للي رجعوا من الدكان
مضاوي: اقول ياعيال!؟
فيصل: عيون العيال
عزوز: امري بس وش تبين نسوي
مضاوي: الحين مابي شي لكن شفتوا ضاري!؟ عزوز : ايه دوبه كان عند خلف ويقول انه بيروح عمره مع امه
انفجعت مضاوي : عمره!؟ ضحك فيصل : ايييه بيهجون عنك الظاهر محملتهم ذنوب الدنيا
لفت مضاوي منصدمه كانوا متفقين ان العمره يروحون سوا
طلعت وهي تاخذ التليفون واتصلت على بيت ام ضاري
وردت ام ضاري : الو
مضاوي :هلا خالتي وشلونك عساك بخير
ام ضاري : بخير ياحبيبتي انتي وشلونك عساها خفت حماك وحرارتك ضاري يقول تعبانه ما بتروحين معنا للعمره
انصدمت مضاوي للمره الثانيه واعتبرته انتقام من ضاري وقالت بحقد: والله تعبانه ياخالتي لكن قلت اتطمن عليك
ام ضاري: انا بخيير وانتي انتبهي لنفسك
سمعت صوت ضاري اللي وراها وقالت ام ضاري: تعال مضاوي على الخط
صد ضاري اللي ماكان ينتقم ابد بالعكس كان يحاول ينسحب من حياة مضاوي لانه مايبيها ابد وبيطلقها قريب
ام ضاري: تعال وش فيك !؟ تقدم ضاري واخذ السماعه بضيق : طيب يمه انتي اجهزي الكداد يحترينا
ام ضاري: زين
راحت وقال ضاري بهدوء: الو
قالت مضاوي بندفاع: حلووووه الحركه يا ضاري هذا ردك اجل كذا تمنذل فيني كذا!؟ سكت ضاري بهدوء وهو يقول: اسمعيني زين يا مضاوي لا انتقم ولا اسوي سواتك لكن انا قلت لك وكلامي واضح حياتي وحياتك انتهت ما بينا شي خلاص وكلها فتره اشرح لامي الوضع وبعدها يصير الطلاق اللي تبينه وتروحين تدروين واحد ماهو مجهول وتعرفين تعيشين معه انا لين هنا قدرت اصبر ولا اقدر اصبر زود
فمان الله وسامحيني على كل شي زين او شين استودعك الله
سكر الخط من جهته وتنفس براحه لانه قدر يقول هالكلام وقدر يحط لنفسه اعتبار
اما مضاوي اللي جلست على السماعه ساعه كامله تعيد وتزيد بكلامه وتحاول تستوعبه تحاول تفهم لكن ماقدرت
صح هي ماكانت تبيه وكانت تدري هاذي النهايه لكن ماهو بذا السرعه وبدون مقدمات
سكرت بذهول وراحت للغرفتها وهي تشوف هيا ترتب اغراضها وزواجها بعد كم يوم على واحد من جماعتهم لكن ماعقلت وجلست وهي للحين مصدومه
_______________________.
في هالوقت
سافر ضاري وامه لمكه وهو متضايق من وضعه لكن ينتظر انه يعتمر وتهدا نفسه وبعدها يعطي قراره النهائي ويبللغ امه
عقاب اللي ترك وجد تروح مع اهلها وجلس هو في بيته وهو تجمع براسه حقده على وعد .
اللي يحاول يكافحه قد مايقدر مايبي يسوي شي يندم عليه
مضاوي من وقت مكالمتها مع ضااري وهي ماطلعت من غرفتها من الصدمه وللحين ماتدري كيف بتكون حياتها وكيف بتواجهه خلف واهلها
ووعد كانت ودها تفرم وجد وعهد وكلامهم الغير محترم مع ام خلف اللي رجعت متضايقه لكن يحاولون البنات يسلونها
لكن خلف بدا يدور على رقم بيت النوخذه ماعاد فيه حيل يصبر
ونادر شوق عايشين هالليله بحببب ماتخيلته شوق ولا نادر بعد
اما ليلى كانت فرحانه بأهلها وابوها ومع ذلك مانست خلف واول مارجعت لغرفتها وشافت الاغراض اللي تذكرها بخلف خنقتها العبره لكن ماكان بكاها بصوت عالي كان بكاها على سجادتها
_______________________.
مرت الليله عليهم بسلام
ومن بكره في مكة كان ضاري وامه فالحرم وكان يعيش صراع بنفسه وكان يردد طول ماهو يعتمر ( اللهم اهدني خير السبيل ، اللهم خذ بيدي لما هو خير لي ، اللهم اختر لي ولا تخيرني ، واقدر لي الخير حيث كان ثم أرضني به " ))
كان فعلاً محتار مايدري كيف بينهي هاللي بداه مع مضاوي
وقف وهو يساعد امه بالطواف وكانت ام ضاري حاسه بضيقه لكن ما تدري وش فيه وكانت خايفه من حياته مع مضاوي اللي ما واضح لها معالم
وكانت خايفه انه يخسر مضاوي ولا يحصل احد مثلها ولا تسمح له الفرصه بزواج ثاني
وكل ما حست انت بيفتح الموضوع تقفله وتنشغل عنه وتتهرب
_______________________.
في الكويت
في بيت النوخذه اللي توه هدت نفسه وبدا يرتاح
كانوا صاحين من بدري
وفزت ليلى برعب على صوت انفجار قووي قريب طلعت من غرفتها تركض وقابلتها امها اللي تركض بعد :بسم الله الرحمن الرحيم شنو صاير
طلع ابو نهيان يركض وهو يسكر ازاريره : ماكو شي ان شاء الله دشوا داخل
ام نهيان: وين رايح !؟ ابو نهيان: بشوف شنو صاير
قبل يتحرك تزلزلت مسامعهم بصوت برا يصرخ وهو يقول ( صداااام دش الكويييييت ، غزوووو يا جماعه غزووو ، صدام دش الكوووويت )
في لحظة دب الرعب قلب ليلى وامها لكن ابو نهيان كان نوعاً ما هادي والتفت وهو يقول : قعدوا قعدوا
دق الباب والكل كان خايف ونزل ابو نهيان مستعجل : خذي ليلى و دشوا الغرفه وقفلوا الباب
فتح الباب وشاف نهيان اللي واقف والرعب معتلي وجهه ومعه مريم اللي تبكي
نهيان: يبه سمعت يبه صدام دش الكويت غزو يا يبه غزوا
سحبه ابو نهيان وهو يشوف الكل مستنفر : اذكر لله يا نهيان اذكر الله وان شاء الله بتحلها الدوله
نهيان : يبه وين جابر وييينه!؟ الدنيا مقلوبه والجيش العراقي بكل مكان ويسحبون اي واحد قدامهم
ابو نهيان: تعال تعال
دخلوا وهم مايدرون وين جابر لكن قالت ليلى بخوف : جابر بيروح المزرعه مالت جدتي
ابو نهيان : اشوى الحمدلله يقعد عند امي اخاف يصير شي
ام نهيان: واذا اذوووه
ابو نهيان: اذكروا الله وشغلوا الرادو بنسمع الاخبار
ركض نهيان يشغل الراديو وينتظرون لكن ماكان في صوت الا اغاني وطينه وبعدها اعلن المذيع خبر الغزو
كان خبر مفجع كان رعب دب في قلوبهم وزاد الرعب وصت الرصاص والرمي والطيارات
_______________________.
وفي بيت ابو خلف
صحى خلف على صوت غيث يصحيه للفطور ونزل وهو خاطره هالايام شين
شاف الكل مجتمعين على الفطور وجلس لكن دارت الدنيا به اول ما سمع صوت الاخبار تعلن عن غزو الكويت
فز ووقف وركض للراديو يرفع الصوت يبي يستوعب اللي ينقال
لكن تأكد اول ما قال ابوه : اعوذ بالله صدام غزا الكويت اعوذ بالله
طلع خلف مايدري وين بيروح بس طلع اتجهه لسوق ولمحلهم يبي يدور اي رقم اي شي يتواصل مع ليلى به
لكن كل مكان يمر فيه سمع الناس تعيد الخبز بفجعه وكلهم مصدومين والردود تختلف لكن الكل مناصر الكويت والكل زعلان ومتضايق
كل السوق كان مسكر والكل جالسين عند التلفزيون في القهوه وعند الاخبار
للحظة ما شالت خلف رجوله خاف فعلاً خاف ! غزو وليلى واهل الكويت جيرانهم وش بيصير فيهم كان خبر صادم للكل مفجع للكل وبما ان الخفجي قريبه كانوا اهلها واهل الكويت اكثر من جيران واكثر من انساب واكثر من اخوان
_______________________.
في مكه
عند ضاري اللي اول ما سمع الخبر على طول اخذ اغراضه وهو ناوي يروح الخفجي وهو متأكد ويدري خلف ما يجلس كذا ابد اكيد بيسوي شي اكيييد
اخذ امه وعلى اقرب سياره رجع وياطول الطريق وهو يفكر وخايف
_______________________.
وفي الدمام
مامدى نادر يتهنى الا ووصل له خبر الفاجعه وهو بعد قرر يرجع وهو مايدري وش اللي بيواجهم فالخفجي لكن يحس انه لازم يرجع لازم يوقفون وقفة رجل واحد ويساعدون الكويت لو بشي بسيط
_______________________.
اما عقاب
بما ان وجد عند اهلها وبما ان الوضع متوتر استدعوه مقر عمله ولا قصر جهز نفسه وركض مافكر يودع احد او يسلم على احد اللهم انه قابل عزوز وقال : صدام غزا الكويت واستدعونا بلغ الكل اني بكون بدوامي وانتبهوا لنفسكم
عزوز :عقاب وش بيصير!؟ عقاب: اللي كاتبه للله
طلع عقاب يركض لكن شاف مبارك اللي جاء يسلم على وعد ويقولها ان للوضع متوتر وانهم استدعوه ولازم يروح كان يسمع توديعه لها ويسمعها بنبرة خوف تودعه وتستودعه الله
لكن هالمره ماكان بينه وبين مبارك شي الا انهم يتكاتفون ويطلعون لدوام ويستعدون للاوامر
_______________________.
في الكويت
في ساعات بسيطه بدت الدبابات والجيش يعبون الشوارع واعلام العراق في كل مكان
وشوارع الكويت الحيه فضت ولا بقى الا الجيش العراقي يدور على كل بيت ويسحب الرجال منه
كل شي كان مرعب وكان ابو نهيان خايف على نفسه وعياله وخايف على جابر ما يدري وينه ووش صاير فيه
وخايف يخسر ديرته ويخسر وطنه ويخسر الكويت العزيزه محد كان مستوعب ولا مصدق ابد
وفي لمح البصر الكل اجتمعوا ببيت واحد والكل مترقب وخايف مايدري وش المصير بس متأكدين ان دولتهم رح تتصرف وكلها ايام وتهون
لكن ماكانت ايام ابد ولا كانت بسيطه ومرت اول ليله وهم مو مستوعبين
ألين دخل نهيان بخوف وقال:يبه الجيش هجم على قصر دسمان
فز ابو نهيان بخوف : وعسى ماصار شي
نهيان بضيق: استشهد الشيخ فهد الاحمد ذبحوه اللي مايخافون الله
ابو نهيان : الله ينتقم من كل واحد كان السبب
ام نهيان: ياويلي ياويلي يا وليدي بيروح فيها دام الشيخ ما سلم منهم ولدي وش بيسوون فيه هالظلام
مريم : ذكري الله يا خالتي ان شاء الله ما يصيبه مكروه
ابو نهيان : نهيان اتصل بجدتك شوف وينه اخوك لا يطلع لهم اعرفه مجنون ويسويها
نهيان: زين زين يبه
ركض يتصل وردت جدته الخايفه وقالت له ان جابر موجود لكن ماهي قادره تسيطر عليه اكثر
ومن هاللحظه بدا خوفهم على جابر
_______________________.
في الخفجي
بدت التصريحات عن الحرب وان صدام بيهاجم الخفجي وبدت الاستعدادات وبدا الكل يخاف ومحد كان متوقع هالغدره من الجار
في بيت الجد قايد كانوا كلهم مجتمعين ويسمعون التحذيرات والارشادات
ودخل ابو خلف فجأه ومعاه محمد اللي رجع من السفر بعد الخبر لكن كان معهم كيس كبير وفيه كمامات
ابو ناصر: وش ذا !؟ ابو خلف : اشتريت هالكمامات ضد الغاز وتحمي باذن للله من القنابل
ام خلف : وين خلف يا ناصر ما اشوفه
ابو خلف : خليته مع ضاري ونادر بالمحل يوزوعون الكامامات على الناس
ام وعد : ليه خليت العيال في الظروف لو صار لهم شي
محمد : ما صاير لهم شي ان شاء الله ، تووه دورهم بدا وجاء وقت وقفتهم خليهم خليهم
وعد : عمي ماجاك من مبارك خبر!؟ سحر: وعقاب!؟ محمد : لا والله بس يقولون الجيش يستعد وصدام نيته ماهي طيبه
ام ناصر: عسى الله يرد كيده في نحره هاللي انتهك حرمة جارهه وافزع المسلمين وزعزع امنهم
الكل:امين
_______________________.
في ظل هالظروف
كان الوقت يعدي مايدرون كيف يعدي كل واحد يبي يستوعب اللي صاير قد مايقدر عشان يعرف يتصرف
كانت المشادات السياسيه قائمه والاجتماعات في كل مكان وحالات الطوارئ معلنه والجيش على اتم الاستعداد المصير مجهول
هالظروف كانت صعبه على الكويت وشعبها وفي هالظرف بدت العوائل الكويتيه تلجأ للسعوديه وبدت تستقبلهم السعوديه وكل واحد يقدر يساعد ماكان يقصر
_______________________.
من ضمن اللي اعلن مساعدته ووقفته من اللحظه الاولى كان خلف اللي من يوم اعلنوا الغزو وهو مايرجع البيت الا في ايام قليله رغم مرضه وتعبه
كان واقف على الحدود ويساعد هالعوائل للي لجأت لهم بأكل بفلوس بكل شي يقدر يعطيه وكان ينتظر ويتمنى يكون ابو نهيان ضمن هالعوائل ...
وكان ضاري مع خلف وهو مافكر يمنعه ابد بالعكس كان يأيده انهم يكونون خيييير عون لأهل الكويت وهو من بعد رجعته من مكه ما سمع خبر من مضاوي ولا شي جمع بينهم
اخذ امه وتركها مع شوق في بيتها وهو يومياً يتطمن عليها
... نادر وتركي واغلب الشباب ماقصروا ووقفوا هالوقفه العزيزه كانوا مجهزين سيارتهم وكل واحد يروح ويساعد اي عايله تحتاج لهم ... عقاب ومبارك
كانوا من ضمن الجيش المستعدين وينتظرون اوامرهم وهم يحاولون يفتحون الحدود للكويتين
_______________________.
في الكويت
ما استسلموا اهلها ابد رغم الجور والظلم والبغي
كان بيت ابو نهيان تقريباً من أوائل البيوت الموزعه فالمنطقه .. كانت ام نهيان ومريم وليلى وعامتهم وشيخه وكل الحريم مجتمعين يطبخون المتوفر عندهم
ويوزعون على بيوت المنطقه والحي ويتقاسمون كل شي مع جارهم ويحمون بعضهم ولا يقصرون
اما ابو نهيان ونهيان : اللي كانوا من اوائل الناس اللي صفوا مع الشباب بالمخابز يخبزون ويزوعون على الاهالي والعوائل والخايف يجيرونه والمطلوب يخشونه عن الجيش العراقي
اما جابر كان من ضمن ابطال مقاومه اللي ماقدر يتكتف ويصبر على الظلم بالعكس كانوا يجاهدون بكل السُبل والطرق
وما كانوا هم بس اللي وقفوا هالوقفه كانوا اهل الكويت كلهم متناصفين الهم والخوف والشغل
كان كل واحد عنده مونه او اكل زايد يطلعه ويوزعه لجاره كانوا الشباب يجاهدون عشان يأمنون حاجات العوائل
وكانوا اغلب اهل الكويت اللي هجروا من بيتهم ضمتهم اغلب بيوت الكويت الباقيه وصاروا عايله وحده ويد وحده اللي يحتاج يقضون حاجته ، والجايع يطعمونه والخايف والمطلوب يأمنونه وكانت ارواحهم رخيصه بنظرهم مقابل الكويت وفدا للكويت شباب وبنات وشياب وكبار وصغار
وكأن اكبر أوجاعهم ان وجود علم الكويت ببيوتهم صار تهمه بعد ماكان يتعلق بكل عز بنص البيت ، صار وجود صور شيوخ الكويت تهمه بعد ماكانت تزين الشوارع والمكاتب والمدارس
صار كل شي كان يعز الكويتي .. في وقت الغزو يدينه بتهمه وجرم حتى منصبه واسمه وهويته
ومع ذلك كان كل كويتي عزيز نفس ولا يرضى الذل وتشهد لهم دماء الشهداء والمصابين والاسرى
_______________________.
ألين ما مر الشهر الاول
وصار بيت ابو نهيان من أوائل البيوت المطلوبه عند الجيش العراقي بعد ما اكتشفوا انهم يساعدوون
وجاء نهيان بخوف : يبه الجيش يدورون علينا يدورن بيت النوخذه وصلني خبر يدورونا بكل الكويت
فزت ام نهيان بخوف : وش يبون فينا
ابو نهيان: اسمعني يا نهيان : خذ امك وخواتك وزوجتك وياك واطلع لسعوديه
نيهان: وانت يبه
ابو نهيان: انا بقعد بالديره ما اهد الكويت ابد ما اهدها
نهيان: يايبه انت رجال كبير بالعمر واخاف ان صادوك يأذونك
ابو نهيان: فدا الكويت
ركضت ليلى بخوف : يبه الله يخليك لا تقعد هنيه هذولا ما يخافون الله يايبه
ام نهيان: لا تخلينا بروحنا يا ابو نهيان ولا والله مانطلع ونتم وياك هنيه يصير علينا اللي يصير عليك
نهيان: يبه انا بعقد بالديره مارح اهدها ابد المهم انتم تكونون بخير
دق الباب بقوه وركض نهيان بخوف وهو يطل وشاف جارهم ركض يفتح الباب : بو يعقوب شنو فيك!؟
بو يعقوب : بسرعه قول لابوك واهلك يفضون البيت ويطلعون الجيش جاي اطلعوا من الباب الخلفي روحوا بيت بو محمد تنطركم السياره هناك قولهم يطلعون على منفذ السعوديه بسرعه
ركض نهيان
نهيان يترجى ابوه اللي ماكان راضي لكن خاف على بناته واهله وطلع وهو ناوي يأمنهم ويرجع كانوا جيرانه ينتظرونه برا وكل واحد مزهب له شي يعطيه اياه لكن بسيط
عطاه واحد السياره وعطاه واحد نور خفيف وعطوه اكل وكل شي يحتاجه وودعوه وهم يدعون له وودعهم وهو حزين مايبي يترك الكويت في هالحال
الكل كان يبكي على فراق الكويت رغم انها في حالة حرب وبدت الاحوال تسوء
كانوا مستعدين يجلسون بالكويت ويتحملون كل شي لكن مايطلعون لكن نهيان ماراح ابد وبقى في بيت بو محمد وتخبى داخل تانكي الماء لين راحوا وطلع وهو مايبي يطيح في يدهم ديرته تحتاجه برا ومن هنا انطلق مع جابر للمقاومه وماكانوا يقصرون في اي شي تحتاجه ديرتهم
_______________________.
على حدود السعوديه
كان هناك خلف الشباب كلهم كل واحد بسيارته ويساعد العوائل اللي يواجهونه ويضمونهم لاقرب بيت سعودي ويستقبلهم بحب
كان خلف يدعي ان اهل النوخذه بخييير ويدعي ان الله يجيبهم لسعوديه
وفي عز حوسته بالبر وهو يساعد المغرسين في البر شاف سياره
والتفت ينادي : ضاري هنا سياره يا ضاري
ضاري : يلا نبي نلحقها
ركبوا السياره واتجهوا لها كانت سياره ماتتحمل البر وطريقه وغرست وصل خلف ونزل ومعه حبل وهو متلثم بشماغه عن الغبار
دق السياره وهو يقول : حياك الله ياعم في ديرتك الثانيه و... تجمد وهو يناظره بذهول
وجاء ضاري اللي ماشاف هالشخص وقال: قواك الله ياعم... سكتوا كلهم بصدمه وهم يناظرون ابو نهيان وماعرف ابو نهيان ضاري لكن مانسى صوت خلف اللي حافظه زييين وكيف ينساه وهو اللي كسر ثقته في بنته وكسر قلب جابر بفعلته
اتسعت عيونه بغضب وسحب اللثام عن وجهه خلف يبي يتأكد وقال بغضب: هذا انت!؟ ليلى اللي نامت بتعب من الخوف والرعب اللي عاشو فيه غصب عليها نامت وهم شهر مرهقين ينامون وهم خايفين ويصحون خايفين ينامون مايحسون بأنفسهم ويصحون برعب على صوت الرصاص لكن هالمره صحت على صوت اشتاقت له حيل صوت وصل قلبها وهزه فزت وهي تحسبه حلم
لكن شافته واقف بجنب الشباك بحاله المبهذل وعيونه الواضح فيها التعب والخوف
وقاال بصوت هادي: النوخذه
ابعده ابو خلف بغضب : ابعد عن سيارتي وعني
تدخل ضاري بسرعه : استهدي بالله ياعمي وحنا هنا عشان نساعدكم
ابو خلف : اخيس هنيه ولا يساعدني هذا
ام نهيان بخوف : يا ابو نهيان تعوذ من ابليس مايصير اللي تسويه
لف عليها بغضب: بس انتي بس
رغم ان خلف متللللللهف انه يلتفت ويناظر ليلى يناظر عيونها لكن عشان مايضرها قدر يمسك نفسه واخذ نفس وهو يقول : انا ادري وانت بعد تدري ان هالوقت مو وقت العداوات الزعل معذور ولك حق بكل شي تسويه لكن انت تخاطر بنفسك وباللي معك خلنا نساعدك
ضاري : ايه ياعم ولا تنسى ان كثير من العوايل ينتظرون بعد
كان ابو نهيان يكابر لاخر لحظه ولكن استسلم لانهم مقطوعين ومالهم الا خلف يساعدهم وخلف رافض انه يروح لين يساعدهم لكن وقف بصرامه ينتظر زلة خلف
اما خلف كأنها الروح توها رجعت له وتوه تنفس وانتعش وبكل حيله كان يساعد ولكن من برا السياره لان ابو نهيان رافض دخوله لسياره ولا احد يعرف السبب الا خلف وليلى
ليلى اللي تجاهد نفسها انها ما تناظر خلف لان نظرات ابوها عليهم وتخاف تصير مصيبه ثانيه
وبعد عناء رفضت السياره تطلع دخلت بعمق التراب والليل بدا يغيم عليهم
والتفت خلف : تعالوا معنا على سيارتنا يا عمي
ابو نهيان بغضب: ماني رايح وياك مكان
ضاري: ياعمي انت رجال كبير وتعبان والليل جاء والمكان ماهو امان تعالوا معنا
كان خلف يدري انه مستحيل يروح معهم وهو موجود وقال بضيق : انا بجلس روحوا انتم مع ضاري لا تروحون معي
ام نهيان: وين تجلس بهالظلمه !؟ ابو نهيان : اقول خذ رفييقك روح بنموت هنيه ولا نروح
ام نهيان : يارجال خاف الله فينا مو كفايه عيالي مدري وينهم هديناهم بيد العدو ماندري شصار فيهم
التفت خلف اللي يحب جابر حييل ومتأكد انه ماله ذنب باللي صار مع اماني لف بصدمه: جابر وييينه !؟ ابو نهيان: مو شغلك جابر رجال وبيظل مع الرجال
عرف خلف انه سب مبطن له لكن معذور وقال : ليه خليتوه للموت
ابو نهيان: يموت شهيد يدافع عن ديرته ولا يموت ردي
ضاري : استهدي بالله ياعمي
ام نهيان تعرف ان خلف يحب جابر وجابر بعد ورغم اللي صار وهي ماتعرفه لكن تبي اي احد ينقذ عيالها .
جابر بالكويت ونهيان بعد والعدو يدورهم بيذبحهم تكفى ياخلف سو شي
ابو نهيان: عيالي مالك شغل فيهم وبيظلون بالكويت لو يموتون
خلف سكت وهو يقول : المهم تصيرون بخير الحين ضاري خذ النوخذه واهله وودهم لمكان امن
ضاري : ابشر
تحرك الكل لسيارة ضاري لكن خلف ماركب معهم وغصب عليها ليلى لفت بخوف معقوله بيخلونه بالبر لحاله وفي الليل والغبار وهو مريض وصدره مايتحمل ويمكن يطيح بأي لحظه وهو من الصباح يحفر بالتراب والغبار
التفت خلف وشافها فز قلبه بألم لكن غصب عليه صد
وقالت ام نهيان : بتقعد هنيه بروحك لا والله حشى
خلف : ماعليه
ابو نهيان حس بالذنب للمره الاولى من يوم صار اللي صار مهما كان خلف مريض ووحيد امه
ضاري: خلف وين بتجلس
خلف: ادبر نفسي
ابو نيهان: لا تبلينا بموتك واركب
ابتسم خلف بهدوء وقال:ماعليه ياعمي المهم انتم
رفض ابو نيهان يركب الا لين يركب خلف لكن خلف رفض يكون داخل السياره عشان ابو نهيان وقرر يتعلق في اطراف السياره في الحدايد الموجوده وتحركوا وهو طول الوقت متعلق رغم الغبار والتعب والجوع الا انه ما اهتم المهم انه قريب ليلى وقلبه مرتاح كل ما حس انها قريبه
اما ليلى كانت تبكي بصمت وهي تشوف خلف اللي يتصدد عن الغبار ولا يقدر يلتفت لان ابوها يراقبهم
لكن انكسر قلبها على ضاري اللي طلع شماغه وهو يلثم خلف به عشان الغبار و٢٤ ساعه يلتفت له ولا يسرع عشان مايطير التراب عليه ويتعبه اكثر
وماغاب هالمنظر عن ابو نهيان اللي تقطع قلبه عليه
ووصل لمكان ونزل خلف وهو يكح
ونزل ضاري بسرعه: خلف فيك شي
الكل فز بخوف لكن قال خلف :لا بخير بروح لنادر وارجع معه لكن وصلهم لبيتكم او مكان امين تدله
ضاري: زين لكن انتبه لنفسك
خلف : طيب
راح خلف وهو يجاهد نفسه لا يلتفت ويناظر ليلى واول ما وصل عند نادر اللي كانه معه تركي ومن ضمن الشباب اللي قريب الحدود واول ما التفت نادر وشاف حالة خلفف وجهه اللي يغشاه السواد والاحمرار ثوبه مليان طين وغبار
ركض نادر اللي يعرف ملامح خلف اذا اختنق وهاجمته حالات الربو الحاده
مايمديه يوصله الا طاح خلف من طوله وصرخ نادر ينادي تركي اللي صار يعرف وضع خلف وحاولوا يعطونه علاجه لكن ماكان له تأثير قوي وبسرعه انقلوه لاقرب مستشفى
وبعد فتره طلع الدكتور معصب وقابله نادر: دكتور صحى خلف
الدكتور: صحى ولكن صدره متشبع بالغبار والتراب كيف تعرضونه لهالكميه من الغبار بدون كمام او اي شي يحميه .
تركي : ماعندنا خبر يا دكتور وبعدين هو متلثم بشماغه اول ما وصلنا
رفع الدكتور الشماغ وهو ينفضها بغضب: هذا الشماغ اللي تقوله!؟ شوف الغبار اللي يطلع منه
نادر: طيب يا دكتور هو ما تضرر كثير؟؟ الدكتور: سجل خلف الطبي موجود وقبل ٩ شهور كان في تحسن وقادر انه يحمي صدره ويخفف حالات الربو لكن الفتره الاخيره ماتبشر بخير خلف زاد اهماله وبدا صدره ورئته تضرر مو معقول انه كل اسبوع يتعرض لحاله حاده وانا خايف يجي يوم ويصير ماعاد في يدينا شي نسويه
سكتوا بخوف ولا توقعوا ان حالة خلف بهالسوء وكان نادر ملاحظ هالشهور ان خلف متغير ودايم تعبان وفيه ضيق
الدكتور: ياليت تاخذون الموضوع بجديه
نادر: ابشر
سكتوا ينتظرون خلف يصحى تمام ويكلمهم وهم مايدرون وش يسون فيه
_______________________.
على الحدود
كان هناك عقاب ومبارك والكل ينتظر الامر النهائي
وكان عقاب طول هالشهر ما راح لاهله الا مرتين ومبارك بعد
وفي عز الانتظار تنهد مبارك وقال: الله يستر عسى هالحرب تنتهي قبل تولد وعد
التفت له عقاب بهدوء: ماعليك بتروح ان شاء الله وتشوف ولدك
مبارك: يارب يا عقاب والله يرزقك بالضنى اللي يشيل اسمك
ابتسم له عقاب اول مره من شهور : امين
وعلى سكوته صرخ القائد يقول : استعدووووا القوات العراقيه قريبه
في ثواني انتشروا في ثواني صار كل شي واحد وفعلاً القوات بدت تتجه لسعوديه وبذات الخفجي
استعدوا بكل شي معهم
وبدت الانذارات في كل مكان تعلن ان الخفجي تعرضت لهجوم واحتلال
ووصل الخبر لسكان الخفجي اللي ماكانوا كثير ابداً كانت شبه قريبه وسكانها قليل وكانوا اقرب لمدينة الدمام من الحدود الكويتيه
_______________________.
من هالمنطلق
بدت القوات تقول للمواطنين انهم لازم يخلون المنطقه حفاظاً على سلامتهم
وصل الامر لبيت الجد قايد وابو خلف والحي هم فيه
وبدوا يستعدون بيطلعون لدمام
وكان الجد واقف بخوف وهو يستعجلهم ولاكان فيه الا فيصل وعزوز وسالم وابو خلف فقط والحريم
الكل صار في السيارات ووقف ابو خلف بتوتر: وين راح خلف ابطى ما جاء
ام خلف : ياربي تحفظه يارب
جاء فيصل يركض: يبه اتصل نادر يقول انهم فالدمام وخلف معهم
الجد : اجل يلا خلونا نطلع
ابو خلف : يلا
طلعوا متجهين لدمام وهذا امر ضروري
وكلهم في قلق وعد خايفه على مبارك ومضاوي ماتبي تروح لمكان وضاري مايدري وهي توها تحس بالخطر اللي فيه ضاري وخايفه عليه وعلى امه
وسحر وخواتها خايفين على عقاب ووجد مع اهلها وفعلاً كانوا متشتتين
مضاوي : يبه مانبي نترك خالتي وشوق بلحالهم
ابو خلف : بنمرهم وناخذهم
الجد: الله يكشف الضر عنا ويكفينا هالشر
ام ناصر والكل: امييين
_______________________.
وفي بيت ام ضاري كانت شوق عندها وهي خايفه والكل خايف نادر اتصل وقال انه بالدمام وهم وش بيسوون
ماهي الا دقايق وجاء ضاري
اللي بالطريق صادفته القوات وبلغته يغادر هو واللي معه
وصل خايف على امه وشوق
ودخل وهو ينادي : يمه يمه
طلعت ام ضاري : حمدلله ياضاري جيييت سمعت الاخبار يا يمه
ضاري: سمعت سمعت يمه ويلا بسرعه عشان نطلع
ام ضاري : زين زين بس مضاوي
سكت ضاري شوي وقال: بتكون مع اهلها
طلعت شوق وهي جاهزه وصد ضاري يقول : ما جاء نادر
شوق : اتصل يقول انه بالدمام
ضاري : زيين اجل يلا
طلعوا لكن انصدموا بوجود ناس بالسياره والتفت ضاري : حالوا تركبون سواء مامعنا وقت
ركبوا بالقوه لكن شوق سكتت بذهول من رجعت النوخذه واهله وهي تعرف ليلى كذا مره شافتها وام نهيان بعد
والكل تحرك لدمام
_______________________.
في الدمام
بدا ماجد يفتح بيته للكل والكل جاي عنده وحمد ربه مليون مره ان بيته كبييير وبيسعهم
لكن اتصل فيه نادر وقاله انهم نقلوا خلف لمستشفى في الدمام وانه بخير وصحى وحالته مستقره
وبعد ساعات وصلوا عائلة الجد قايد كلهم ماعاد خلف وعقاب
وكان ماجد يستقبلهم واول ما لمح سحر تبكي تقطع قلبه عليها ولا يلومها واخوها في حرب
ومو بس سحر الكل خايف وبذات عزوز اللي بدت ملامح الخوف تطغى عليه ماخاف من حرب خايف من فقد عقاب
اما مضاوي بدت تخاف وتبكي من اول ما رجعوا من بيت ام ضاري وماحصلوا فيه احد ماتدري وينهم ووش صار لهم ووين راحوا
_______________________.
في احد الشقق
وصل ضاري وهو بالقوه لقى شقه تضفهم نزل وهو محتار كيف بيخليهم ويروح
وقف يناظر بهدوء وقطع عليه صوت ابو نهيان وقال: لا تخاف على اهلك بدير بالي عليهم مثل اهلي
التفت ضاري : اكيد ياعمي مافيه شك ولكن انتم مرتاحين !؟
استعجب ابو نهيان رغم ان اهل الخفجي مصيرهم متشتت مثل الكويتين ولكن مع ذلك كان المهم ان الكويتين مرتاحين ؟! ابتسم بضيقه وقال: ونعم الجار والجوار يا اهل السعوديه هذا هو الجار الصادق ماهو الغدار اللي غزا جاره واغتصب ارضه وشتت اهله وقتلهم .
اتجهه له ضاري بعجله وهو يبوس راسه : السعوديه ديرتكم مثل ما الكويت ديرتكم وبأذن الله بترجع كويت العز لكن شده وتزول
غورقت عيون ابو نهيان وقال: ماقصرتوا ما قصرتوا
ضاري بدا عليه الخوف والقلق وقال: هذا مفتااح السياره ياعمي وهاذي الفلوس وكل شي تحتاجونه قريب واحطكم في امانه الله وانا بروح
ابو نهيان:وين بتروح!
ضاري : بروح ادور خلف ماني مرتاح والظاهر انه ماهو بخير
قال كلامه ضاري وطلع مستعجل بعد ماقال لامه وشوق انه بيروح والنوخذه موجود
جلست ام ضاري وشوق مع اهل النوخذه محد يدري وش يقول ووش يواسي كلها مصيبه وصارت عليهم
_______________________.
في المستشفى
من يوم صحى خلف والدكتور معصب عليه وزعلان ويعاتبه انه اهمل صحته ونفسه ومع ذلك ما اهتم خلف اللي من يوم عرف ان اهل الخفجي طلعوا طاح قلبه من الخوف وطلع من المستشفى بيروح لأمه اكيد انها خايفه عليه ولا تدري وينه
نادر: خللللف اسمع الكلام يا خلف هاذي صحتك
خلف : دريت يا نادر خلاص تراك اذيتني
تركي : ياخلف انت سمعت الدكتور وش قال
التفت خلف بضيق وقال: بروح لامي ماني رايح مكان
نادر: لا تطلع لين تصير بخير
خلف : زين
تركي :اجل بروح ادور اهلي انا
نادر: وانا بعد مدري وينه ضاري
التفتوا على صوت الخطوات العالي معرووف صوت ضاري ومعروفه خطواته لفوا ببتسامه يناظرونه وهو جاي يستعجل خطواته من بعيد ووصل وهو يقول: خلف انت طيب
خلف :بخير بخير وش فيك !
ضاري : مدري خفت يصير لك شي
خلف: بخير ماعليك
ضاري: النوخذه واهله بأمان تركتهم مع اهلنا في شقه وجيت
التفت نادر :النوخذه
ضاري : قصه طويله تعال نروح لهم
تركي : زين
خلف : ماتدري وين اهلي!؟ ضاري : لا اخذت ماخلونا نروح لمكان طلعونا من الخفجي على طول
خلف : بشوف عند ماجد اذا ماهم فيه مشكله
ضاري: خلنا نوصلك
نادر: ايه نوصلك ونشوف
طلعوا متجهين لبيت ماجد وهو ماهم مستوعبين كيف الدنيا انقلبت فيهم كذا
_______________________.
في ساحات الجيوش
صار الاصتدام بين جيش العراق وجيش السعودي والحلفاء له واللي من ضمنهم مبارك وعقاب
في ظل هالاصتدام قدرت قوات العراق تسيطر على الخفجي ورجعوا الجيش السعودي لحدود المناطق الشرقيه اللي كانوا موجودين عليها
وفي هالاصتدام سقط كم شهيد وكان عقاب يدور بالمعسكر يدور مبارك .
ولا توقع انه بعيد لكن وقف يناظر الشهداء ودارت الدنيا فيه وطاح بصدمه اول ماشاف مبارك وواحد منهم ما صدق ابد وراح وتركه مايدري ليه مايبي يصدق ولف المعسكر مليون مره ورجع ووقف بذهول فوق راس مبارك وقرب احد العسكر يقول :تعرف اهل هالعسكري!؟ اسمه مبارك ال... للمره الثانيه طاح على ركبه مايدري ليه هالجزع اللي هو فيه جلس عند راس مبارك بحزن ورفعه وهو يسنده ويناديه ما يتذكر عقاب انه حزن على احد بعد امه وابوه هالكثر الا مبارك انهار عقاب فعلاً انهار وهو يصرخ ويردد بكسر وحزن: لا يا مبارك تكفى يامبارك ولدك يحتريك يا مبارك تكفى لا تموت وتخليه يا مبارك
عقاب اكثر واحد كان يسمع احلام مبارك لللي يرددها واللي ينتظر شوفة ولده بفارغ الصبر كان يعد الليالي والايام عشان تولد وعد لكن ما لحقريشوفه
وهذا اكثر شي عذب عقاب اللي مر في جزع فضيع ورغم ان الكل يحاول يهديه لكن ما فيه فايده كان عقاب متحضن مبارك بالساعات ويبكي وكان يردد هالجمله ( لا تموت ماشفت ولدك يا مبارك لا تموت وتخليه يا مبارك) موقف حزييين احزن المعسكر كامل
بعد ساعات تعب عقاب من البكى ووقف وهو يطلب من القائد انه يوصل مبارك لاهله واخذه هو واحد من العساكر وراحوا
وصل لعقاب خبر انهم في الدمام واتجهووا لدمام وهو ماقدر يسكت ابد
_______________________.
وفي بيت ماجد
وصل خلف وضاري ونادر واستقبلهم ماجد وجلسوا وهم يستفسرون عن العوايل اللي جت وعن الاحداث فالخفجي
خلف : بشوف امي قبل وبعلمكم كل شي
دخل خلف ينادي امه اللي جت تركض وحضتنه: وينك يا يمه وين اختفيت اشغلتني عليك
خلف : كان عندي شغل وجيت يمه
جات وعد : خلف ما تدري عن مبارك
التفت لها خلف: والله مارحت المعسكر اليوم لكن بيتصلون وان شاء الله انه طيب
وعد : قلبي ماهو مرتاح
ام وعد : تعوذي من ابليس مافيه شي ان شاء الله
حنان: خلف تبي شي شكلك جوعان
خلف : انا لا لكن حطوا لضاري ونادر اكل هذا هم معي
ام ناصر: وينها ام ضاري وشوق
خلف: اخذوا لهم شقه وهذا هم فيها
ركضت وجدان تقول لمضاوي اللي جت بسرعه: خلف ضاري معك !؟ خلف : ايه هذا هو بالمجلس
مضاوي : وين خالتي ماجت معه
خلف : حطها بشقه هي وشوق وبيرجع لهم هو ونادر
سكتت مضاوي وراحت بهدوء تنادي غيث وهمست له: روح ناد ضاري
ركض لضاري اللي ماطرا له ينادي مضاوي ولا يكلمها لكن انصدم بغيث اللي جاء وهو يهمس يأذنه : عمتي مضاوي تبيك
وفز ضاري واعتدل والتفت له ماجد : وين!؟؟
ضاري : ا اهلي يبوني
فيصل : خلني اشوف الطريق
ضاري : ايه .
راح فيصل ورجع : الغرفه اللي يمينك
تقدم ضاري وقلبه يدق من شهر وشوي ماشافها ولا يدري عنها كان يحس انه غريب بهاللحظه
دخل ومثل ما تعود شافها واقفه بارتباك على وجهها ابتسامه خفيفه لكن مليانه خوف
مضاوي اللي ماتدري كيف بتتصرف وتكلمه وهو قال مايبيها وبيطلقها لكن همها الاكبر أم ضاري اللي كبيره بالسن وضاري يروح ولا يرجع الا متأخر والدنيا حرب ولو يصير لها شي شوق ما تعرف تصرف وقفت تناظره لفتره كان شوي متغير عن ما عهدت
وصل لها صوته اللي لاول مره يكون هادي : سلام عليكم
مضاوي: عليكم السلام
كانت للحين بعيد وأول شي قالته: وين خالتي!؟ ما اشوفها معك !؟ ما كانت بالبيت اول ما رحنا نبي ناخذها
سكت ضاري اللي رغم انه اكثر شي تخوف منه بزواجه ان مضاوي تأذي امه لكن على عكس ظنه كانت العلاقه بين امه ومضاوي شي عظيييم لدرجة ان امه تناصر مضاوي عليه وتزعل اذا زعلها وتحبها ومضاوي بعد وهذا اكثر شي يشفع لمضاوي
ضاري :امي بخير اخذتها انا مع شوق وهذا هم بشقه قريبه من هنا
مضاوي :جيبها هنا لو يصير لها شي لا سمح الله وانت مو فيه وش بتسوي
ضاري :معها شوق
مضاوي :شوق تبي من ينتبهه لها هي بعد جيبهم كلهم هنا
ضاري:بيت الرجال مزحوم خلقه مابي ازحمه
سكتت مضاوي بضيق بان على ملامحها وماعرف ضاري وش يقول تحرك بيروح لكن التفت في اخر لحظه وقال : ليه ما تجين معي لأمي وتجلسين معها هالفتره لان الاوضاع هالايام متوتره واخاف علي.. انقطع كلامه على صوت ازعاج برا وارعبهم صوت ابو خلف يقول : لا اله الا الله لا اله الا الله ، الله واكبر عليهم
ترك مضاوي وركض برا وتجمد وهو يشوف عقاب واقف بدلته مليانه دم وعيونه حمرا ومغورقه بالدموع ومعه عسكري واقف بعد وحزين
مايدري وش السالفه بس شاف خلف وفيصل وعزوز وماجد والجد ومحمد ونادر كلهم واقفين عند السياره وملامح الحزن على وجيهم ركض واول ما قرب شاف يد رجال مليانه دم ورفع عينه لوجهه وصد بضيق صح مايعرفه كثير لكن كان يشوفه هذا مبارك مايدري كيف شالته خطواته واتجهه لعقاب المنهار وقرب وهو يحضنه لاول مره يشوفه منهار بهالطريقه ولا مانع عقاب تعلق بضاري بكل حيله مايدري ليه ماهو قادر يتحمل اللي صار
كان ضاري يحاول يهديه لكن مايدري كيف
ابعدوا برعب مايدرون وش يسوون والتفت الجد بحزن: وشلون مات ياعقاب
مارد عقاب الا بعد فتره وقال: مدري مدري لقيته بين الشهداء مدري كيف مات
فيصل بخوف : وشلون نقول لوعد وشلون نقول لها
ابو خلف : الرجال ماله اهل ماله احد ماله الا وعد وولده اللي ما بعد جاء
سكتوا بحيره مايدرون كيف يبلغون وعد كارثه كارثه وكسرة ظهر
محمد : لازم نقولها بهدوء البنت حامل واخاف تضرر
ابوناصر: نادوها انا اقولها
رفضوا كلهم يروحون وارسلوا غيث يناديها
وفزت وعد متوقعه انه اكيد خبر عن مبارك او انه اتصل
فضى المجلس من الكل الا من محارمها
ضاري اللي اخذ عقاب وطلع وهو يحاول يهديه هو ونادر وعقاب يكرر ويقول انه كان يبي يشوف ولده وكان ينتظر ولده ومحد قادر يرد او يعترض
_______________________.
عند الحريم
كانوا ينتظرون كالعاده الا مضاوي اللي ما ارتاحت ابد من طلعت ضاري وصوت ابو خلف
الكل جالس بصمت وينتظرون وعد
وعد اللي دخلت المجلس وهي ثقيله وناظرتهم بهدوء ما تطمنت لملامحهم ووقفت بعيد ورفعت يدها وقلبها حاس : مبارك صار له شي!؟ الا والله صار له شي وجيهكم ماتطمن
وقف ابو ناصر ووقفوا كلهم وتقدم خلف وماجد لها يحاولون يمسكونها وقال ابو ناصر : شهيد يابنتي شهيد
ما طلع صوت وعد اللي كانت حاسه من يوم ماودعها وراح كانت حاسه من لهفته اللي تشوفها بعيونه يبي يشوف ولده وكأنه يدري انه مابيشوفه
هالشهور تعلقت في مبارك اللي تغير وصار سند لوعد في كل الظروف توه دخل قلبها وشلون يروح بهالسرعه
مسكوها بسرعه وجلسوها ولا تكلمت وعد اللي ناظرتهم بهدوء والكل يناظرها
وصدت بضيق وقالت: لا لا لا مبارك بيجي وانا بولد وبيشوف ولده لا هذا كلام فاضي واكيد انه اشاعه
ابو خلف : ياوعد اذكري الله الخبر اكيد وهذا هو عقاب جابه
رفعت راسها بقوه وهنا صرخت بغضب: تصدقووون عقاب عقااااب لا مستحييييل عقاب كذاب كذااب
تكهرب كل جسمها اول ماسمعت اسم عقاب وفوراً طرا بعقلها ان عقاب اكيد أذى مبارك
خلف : وين بتروحين ياوعد وين بتروحين
سحبت نفسها وعد وطلعت والكل يلحقها مايدرون وش بتسوي
وعد اللي تمشي بدون شعور طلعت تدور مبارك لكن وقفت بصدمه اول ماشافته بالسياره مغطى بدمه وهنا فعلاً صرخت بصوتها كله ولكن انقطع صراخها اول ماشافت عقاب اللي مجتمعين عليه الشباب واتجهت له بغضب وهو تصرخ صراخ بدون وعي ماتدري وش تقول من الصدمه وقفت عنده وهي تقول: الله لا يسامحك دنيا واخره الله لايوفقك مالقيت الا مبارك تنتقم به الله لايسامحك ذبحته وهو ينتظظر ولده حسبي الله عليك
صد عقاب بضيق وهو متأكد انها اكيد بتقوله اكيد بترمي عليه هالتهمه لكن مايدري وش يقول هو تألم بموت مبارك بعد
ركض خلف لها يبعدها والكل مستغرب هجومها عليه
خلف : وعد ياحبيبتي اذكري الله ياوعد عقاب مايدري عن مبارك كل واحد بكتيبه
بالقوه دخلوا وعد لكن رفضت الا تبي تشوف مبارك وتسلم عليه
وانتشر الخبر والكل مفجوع ويبكي ودخلوا مبارك المجلس والكل تصدد من صوت البكى وصوت وعد
وكان خلف وماجد ومحمد وفيصل عند وعد ويحاولون يهدونهز لكن فجأه صرخت صرخه مرعبه افزعتهم كلهم صح كانت تبكي لكن ماكان بكى جازع لكن صراخها افزعهم ركض خلف لها : يا وعد ياوعد اذكري الله مايجوز هالصراخ مايجوز اللي تسوينه
وعد كانت جالسه وراس مبارك على رجلها لكن صرخت وهي تمسك ذراع خلف ببكى: بوووولد ياخلف بوولد
دب الرعب في قلوبهم كلهم وصرخ خلف : فييصل ناد امي وعمتي عجل يا فيصل
في ثواني انتشروا بالمجلس يركضون والدنيا انحاست والكل يركض
وعد كانت حاسه بالالام لكن من هول صدمتها ورعبها بموت مبارك نست نفسها
طلع فيصل يصرخ وهو ينادي : يمممه عمتيي الحقوا وعد تولد
طلعوا كلهم يركضون وفزوا كلهم مرتعبين والبنات ماهم مستوعبين ولادتها وجثة مبارك عندها
في مثل هالموقف المرعب المهيب الكل ماعرف يتصرف وفز عقاب مذهول يسمع الصراخ والكل يركض والكل مفجوع
وقبل ينقلون وعد للمستشفى عم الصمت فجأه واعتلى صوت ولدها وبكاه ولدها اللي انولد بجنب جثة ابوه محد استوعب هالموقف ابد محد مستوعب
بكت وعد بكل حيلها وبكت امها والكل بكى كان خلف واقف برعب كان شاهد على كل شي وشايف الموقف كله وطلع مرعوب وهو يردد: لا اله الا الله لا اله الا الله
الجد ابو ناصر: ولدت!؟ خلف التفت برعب :ولدت ولدها جنب جثة ابوه
محمد : لا اله الا الله
لفوا الحريم وعد وطلبو الاسعاف وجاء اسعافين واحد يشيل جثة مبارك وواحد يشيل ولد مبارك ووعد
والكل واقف بذهول وصدمه جفت دموع الحزن في عيونهم من ذهول الموقف
_______________________.
في شقة ابو نهيان
اللي كان جالس قريب الاخبار ويسمع وام نهيان عنده وليلى ومريم وشيخه وولدها اللي بأول شهوره
اما ام ضاري وشوق كانوا بغرفتهم جالسي بصمت
كانت ليلى سرحانه رغم الظروف القاسيه اللي هم فيها كانت تفكر في خلف
دق التليفون وفزوا كلهم وهم ينتظرون من زمان مكالمه
رد ابو نهيان بلهفه: الوو
ابو يعقوب: هلا بو نهيان شلونك ياخوي عساك بخير
ابو نهيان: بخير بخير يا اخوي طمني عنكم طمني عن الكويت
ابو يعقوب بحزن: وش اقول ياخوي وش اقول مافي خبر زين ينقال
ابو نهيان: عيالي يا بو يعقوب وش صار فيهم .
ابو يعقوب :عيالك الابطال صاروا مع الربع بالمقاومه ما قصروا ابد يهربون اللي قدرون يهربونه ومايقصرون يدافعون عن الديره
ابو نهيان: عسى الله يثبتهم وياخذ بيدهم والجيران واهل المنطقه
ابو يعقوب: الشهداء واجد يا بو نهيان وبيت بو محمد دشوه هاللي مايخافون الله اخذوه واخذو ولده محمد وذبحوه ليش انه عسكري هالظلام وحتى بناته وحريمه
ابو نهيان: لا حول ولا قوة الا بالله عسى الله ينصره ويكسر يدين هاللي مايخافون الله
ابو يعقوب: اللهم امين ... و و وبيتك ياخوي اخذوه الجيش وسكنوه فيه حطوه مقر لهم هالكلاب
غمض ابو نهيان بقهر وهو يشد على ركبته: طلبتك يا بو يعقوب لا تخلونهم يتهنون فيه
ابو يعقوب: لا تخاف عيالك مارح يهدونهم وانا من اول ما اتصلت فيني وبلغتني انك استقريت اتصلت فيهم وقلت لهم
ابو نهيان: للله الحافظ الله يحفظهم ويحفظ ديرتنا وان شاء الله الفرج قريب
ابو يعقوب : امين... وانقطع الخط وسكر بقهر وهو يبلغهم باللي صار وام نهيان اللي صارت دموعها على خدها عاده والكل كان بهالموقف
_______________________.
في بيت ماجد
الدنيا تزلزلت عندهم اللي صار مو هين ابد ومحد قدر يستوعبه الا بعد ما اختفت الاصوات وعم الهدوء وحزتها كلٍ بكى كبير وصغير
بما فيهم عقاب اللي بيموت من اول ماسمع صوت ولد مبارك اللي ياما يحكى له مبارك عن صوت نبضات قلبه في كل مره يسمعونه
كانوا البنات يحاولون ينظفون المكان وهم يبكون ألين ما وصلت ام خلف وهدتهم وبدت تساعدهم
_______________________.
في المستشفى
انقسموا قسمين الرجال مع مبارك يكملون الاجراءات ويدفنونه
وام وعد وخلف وماجد مع وعد اللي فقدت الوعي بعد الولاده ولا تدري عن شي
جابت ولدها في هاليوم الصعب ماكانت تنتظره ابد لكن صار وكأن الله كتب لمبارك يولد ابنه قبل يدفن
ولا كان خلف يتوقع انه بيشهد مثل هالمشهد في يوم من الايام للحين يحس بقبضتها على ذراعه وصراخها في اذنه للحين يده ترتجف للحين ما استوعب اللي صار
ام وعد ماكانت تسوي شي الا تبكي وتقرا على وعد اللي اول ماصحت كانت تمنى انها تحلن لكن اول ما مدت يدها لبطنها وحسته مافيه شي انهارات من جديد تبكي
والكل يحاول يهديها بس ابد مافيه فايده
لفت لهم وهي تبكي وترجف:جيبوا لي ولدي تكفون جيبوه
ام وعد:طيب بس لا تبكين ماهو زين لك
وعد : وش بيدي غير البكى وش بيدي
قرب ماجد يمسح على راسها : يا وعد لا تجزعين وقولي إنا لله وإنا إليه راجعون مبارك مات بطل وشهيد والشهداء أحياء عند الله واحمدي الله على كل حال وهذا ولدك طيب وبخييير والله يخليه لك
بكت وعد بصوت كسير : كان خاطره يشوف هالولد ياخالي
خلف : كتب له ربي ان ولده ينولد وهو ما اندفن اذكري الله وانا اخوك وكلنا على هالطريق
جلس جنبها وهو يحضنها وتعلقت فيه وهي تبكي بحرقه ولا يدري خلف كيف بيواسيها
دخلت الممرضه معها ولد وعد واخذتها ام وعد وهي تسمي عليه واعطته ولد اللي اخذته وهي تناظره بحزن وتبكي واخذه خلف منها اول ماشافها ترجف
وقربت ام وعد لخلف بهدوء وهي تمسح دموعها : أذن بأذنه يا خلف
التفت خلف لها وهو يناظرهم وقالت وعد : انت خاله وسنده بعد ابوه والخال والد يا خلف
غورقت عيون خلف لكن صد وهو كان فرحان بحمل وعد ومتشفق على ولدها لكن ما توقع انه بيجي بهالحزن كله
بدا يأذن بأذنه وهو حتى صوته يرتجف
بعد ما انتهى تركه لأم وعد وطلع هو وماجد عشان يلحقون يدفنون مبارك
_______________________.
دفنوا مبارك
والكل حزين واخذوا وعد للبيت وفتحوا العزاء وكل اللي يعرف انه ما بالحرب يجي ويعزي ويدعي لمبارك كان الوقت اخر الليل خلاص والكل تعبان من اللي مروا فيه لكن محد قادر يغمض عينه وينام والكل خايف على وعد لا يصير لها شي
عقاب اللي بعد الصلاة كان لازم يرجع للجيش هم بحاجتهم الان لكن كان وده يشوف ولد مبارك قبل يروح
واتجهه لخلف اللي متكتف وجالس وفز اول ماشاف عقاب : عقاب انت بخير
عقاب : بخير لكن ابي منك طلب
خلف : ابشر ابشر
عقاب : بشوف ولد مبارك قبل اروح
ضاق صدر خلف عليه لكن قال: ابشر بجيبه الحين
طلع خلف وهو يدق الباب ووقفت وجدان: من!؟
خلف : انا شوفي الطريق
طلعوا سحر وعهد وشهد ودخل خلف وشاف وعد نايمه بتعب
ام خلف : خلف وش فيك يمه !؟ خلف : ابي ولد وعد
ام وعد : وش تبي فيه !؟ خلف : عقاب يبي يسلم عليه قبل يروح
ام ناصر: ياويلي وين بيروح عقاب
خلف : لازم يرجع للجيش ياجده يحتاجونه الحين
ام ناصر: ياوييييلي يروح عشان يموت
خلف : اذكري الله ياجده اذكري الله ما يصير له الا اللي كاتبه ربي
ام خلف : اذكروا الله يا جماعه
قربت ندى وهي تعطي خلف الولد واخذه وطلع لعقاب اللي وقف واول ما اخذه بحضنه خنقته العبره مره ثانيه
وسلم عليه بهدوء وهو يمسح على راسه وهمس بأذنه( يالله لو تدري وش كثر انتظرك ابوك وش كثر سولف عنك ووصفك يا كثر ما تمنى انه يشيلك بين يدينه لكن الله يجمعكم بجنته يارب ) .
ابعده هو يمسح دموعه وهو يعطيه خلف ووقف والتفت لعزوز اللي مايبيه يروح وخايف عليه لكن اتجهه له عقاب وهو يحضنه ويوصيه على نفسه وخواته
وقال عزوز :خواتي يبون يسلمون عليك
عقاب: نادهم
وقف وهو يحاول يثبت قد ما يقدر واول ماشاف عيون خواته الباكيه ضاق صدره
كانوا خايفين يروح مايرجع او يرجع لكن جثه حضنهم كلهم مع بعض مايدري وش ينتظره لكن بيروح
سحر : تكفى يا عقاب انتبه لنفسك
عهد : اقراء اذكارك لا تقطعها ابد
شهد : الله يخليك لا يصير لك شي
عقاب : مايصير الا اللي ربي كاتبه ادعوا لي بس
سحر: كلمت وجد !
عقاب :لا انتم بلغوها مامعي وقت
ودعهم وطلع وترك وراه ناس منهاره محد قادر ينام او يفكر وخلاص انتهى اليوم
أضطر ضاري ونادر انهم يروحون لاهلهم اللي مايدرون عنهم
ودقوا الباب بهدوء وهم محد قادر يتكلم او يكلم الثاني
وفتح ابو نهيان ووقف نادر يناظره بذهول : النوخذه!؟ ضاري : ايه ادخل يا نادر افهمك بعدين
دخلوا وابو نهيان واقف بصمت وقال بعد فتره: شنو فيكم صاير شي
ضاري : كنا في دفن واحد من العسكر اللي على الحدود
فز ابو نهيان بضيق: ذبحوه حسبي الله عليهم
نادر: مات وولد ولده على الدنيا بجنب جثته
انصعق ابو نهيان من الخبر : شلون !؟ ضاري : زوج اخت خلف اتوقع تعرفه توفى شهيد وزوجته حامل بشهرها الاخير جابوه عشان تودعه وولدت المسكينه من هول الخبر بجنب جثته
اقشعر جسم ابو نهيان وغمض وهو يقول : حسبي الله ونعم الوكيل الله يرحمه ويجعل ولده من الصالحين
الكل: امين
ضاري : شوف لنا الطريق ياعم بنتطمن على اهلنا
ابو نهيان: ابشروا
دخل ابو نهيان بضيق : دشوا الغرفه بيمرون الرجال
دخلوا كلهم ودخل ضاري لامه وجلس بهدوء
ام ضاري : شفيك يمه
ماكان ضاري قادر ينقل لها الخبر لكن ما معه حل ثاني وقالها وانهارت تبكي وهو يهديها
اما نادر اتجهه للغرفه الثانيه ودخل ينادي شوق اللي فزت وركضت له وهي تحضنه بوجهه مليان دموع: نادر وين رحت خليتني خايفه هنا مدري وش صار فيك
شد عليها نادر وهو يهديها: ادري والله لكن تعب خلف واخذته للمستشفى واول ماطلعنا ورحنا البيت جاء عقاب ومعه مبارك زوج اخت خلف مقتول فالحرب وولدت اخته من الفجعه وانحاست الدنيا ودفنا مبارك وهاذي جيتي من عندهم
ابعدت شوق برعب : وش تقول يا نادر وش تقول !
جلس نادر وهو يشرح لها وهي تبكي .
نادر: خلاص يا شوق ذبحتي نفسك بالبكى خلاص
شوق : ماني قادره استوعب ماني قادره
نادر: كلنا ما استوعبنا لكن لازم نوقف جنبهم
شوق : بكره ودني لهم
نادر: زين زين
شوق : بتجلس هنا اليوم
نادر:افكر نطلع لمكان ثاني عشان النوخذه واهله ياخذون راحتهم
شوق : انا مافهمت كيف خلف يساعدهم بعد اللي سووه بأماني
نادر: مدري ضاري ماقالي شي للحين بروح وأساله
شوق: لا تروح لمكان الا لين تقولي
نادر: من عيوني لا تخافين
رجعت شوق تحضنه للمره الثانيه وهي خايفه من هالحرب كلها
نادر: شوق وش رايك اوديك عند ابوي وامي بمزرعة جدي أمن واحسن
شوق : وانت
نادر: بجلس هنا عشان الشباب
شوق : لا لا انا معك ما اروح ابد توديني هناك وش اسوي
نادر: انا هناك متطمن على امي وابوي وابيك عندهم لا يصير لك شي
شوق : اذا بيصير لي شي يصير لي معك وعندك وغيره مابي
ابتسم نادر بهدوء: ياجعلني ما انحرم منك يا شيخه
ابتسمت شوق : الله يخليك لي ذخر وسند
نادر : امين المهم بروح لضاري الحين ونشوف وش بنسوي
شوق : زين بس ضاري ماجاب مضاوي !؟ نادر: لا مدري عنه بجيبها او لا بس اتوقت عند اهلها احسن
طلع نادر بعد مادق الباب كتنبيه وراح للمجلس وشاف ابو نهيان جالس وجلس بهدوء جنبه وجاء بعد فتره ضاري وجلس :عمي ما كلمت عيالك بالكويت
ابو نهيان: اليوم اتصلت على ابوي يعقوب مارد بالبدايه وبعدين اتصل من جديد وقالي اخبار ماتسر
ضاري : خير اللهم اجعله خير عسى مافي عيالك شي
اعتدل ابو نهيان ينقلهم الاخبار وصد ضاري بهدوء: تهون ياعم تهون اذا تحررت الكويت كل شي بينتهي المهم الحين الكويت
ابو نهيان: وانت الصادق
نادر : بأذن الله شده وتزول
ابو نهيان: بإذن الله
ضاري : انا جبت ألحف وفرش تكفي انتم الحين ناموا وبكره خير
نادر: ايه بكره من بدري بنطلع للعزاء
سكت ابو نهيان يفكر كيف بيروح ويعزيهم ومايدري كيف يروح لكن لازم يروح
اما عند البنات جلست معهم شوق وكانت تبلغهم باللي صار وانهارت ليلى من اول ما سمعت ان خلف تعب ألين ما انتهت بسالفة وعد وصاروا يهدونها مايدرون وش السالفه
لكن كان قلب ليلى يحترق على وعد وعلى خلف ولا تدري كيف تتواصل مع خلف لكن المهم انه بخير
_______________________.
في الكويت
في مقر المقاومه اللي كانوا يترددون عليه كان هناك جابر ونهيان ويعقوب واغلب شباب المنطقه
ووقف جابر بغضب وهو يقول : مستحيييل اخليهم يقعدون ثانيه وحده زياده ببيتنا ، بيتنا الطاهر ما يجلسون فيه هالكلاب
يعقوب : اكيد اكيد لكن لازم ماننسى دم محمد اللي ذبحوه بدون رحمه وخوات محمد اللي ماندري وينهم
نهيان : بلغني يوسف من شوي انهم اخذوه للمعتقل اللي بالاحمدي
جابر : زين بنتقسم مجموعتين يعقوب والشباب يروحون الاحمدي ويطلعون البنات وكل الاسرى اللي هناك وانا ونهيان والباقين بنروح بيتنا
نهيان: قولوا يالله
يعقوب : انتبهوا لنفسكم
جابر: وانتوا بعد
طلعوا وهم مجموعه كبييييييره اغلبها شباب وكلهم متفقييين يسوون اي شي ويدافعون عن الكويت اللي في كل مكان دمار وتخريب
ووصلوا بيت النوخذه ودخلوا من السرداب بسريه وتوزعوا في كل مكان وبسرعه البرق انتشروا وتعبى البيت صوت سلاح ورصاص وصراخ صحت عليه كل المنطقه اللي تعودوا على هالصوت لكن هالمره كانت لصالحهم عشان يطلعون الغريب من بينهم وتجمعوا كلهم يناصرون الشباب
حصل الاشتباك قوي .. لكن الجيش العراقي كان يحمل سلاح اقوى وراحوا ضحايا اغلب الشباب واهل المنطقه ولكن اغلب الشباب انسحبوا عشان ماتنتهي المقاومه بنهايتهم
وكان نهياااان يركض لكن وقف وهو يلتفت ماشاف جابر لكن سمع جابر يصرخ من بعيد ويقول : نهيييييان روووح رووووح انا بخييير روووح بجي وراك
بنا على كلامه ركض نهيان ماكان يدري وش صاير لكن جابر اللي كان متخبي ورا احد الشبايبك ويرمي وهو يدري ان الكل مات لكن قال لنهيان ينحاش لانه مايبي انهم يموتون كلهم على الاقل واحد يبقى كان جابر جالس يناظر احد الشباب الشهداء جنبه وهو حزيين وبيتقطع قلبه من جوا
كان صامد رغم نزف رجله اللي انصاب فيها لكن انتهى الرصاص ودخلوا الجيش عليه وهو مافي يده حيله لكن قاوم لين اخر نفس كان متوقع انهم بيقتلونه لكن ضربوه وطاح وغمى عليه
اخذوه وهو فاقد للوعي مايدري عن شي ..وكل من حاول من اهل المنطقه يساعده يموت وينتهي امره
وطلعوا وبيت النوخذه مليان بجثث الشهداء ولكن هدفهم تحقق وطلع الجيش من بين النوخذه اللي صار اسمه بيت الشهداء
_______________________.
وفي مقر المقاومه وصلوا
وانتظروا جابر يجي ماجاء ووصل يعقوب ومعاه بنات ابو محمد اللي قدروا ينقذونهم وكانوا في حالة تعذيب وكانوا ثنتين بس ووحده توفت شهيده من اثر التعذيب
وقف يعقوب وهو يناظر نهيان: وين جابر!؟ نهيان: ما ادري ما ادري الجيش العراقي طلع معهم ذخيره بالبيت وطلعنا كلنا لكن جاب قال روح وهو بخير وبيجي لكن ماجاء
لفوا على صووت ابو يعقوب اللي جاء يركض واستقبله يعقوب : يبه شنو فيك !؟
ابو يعقوب : جابر اخذوه الجيش جابر اخذوه
نهيان: شنوووو اخذوه وييين اخذوه!؟
ابو يعقوب : اخذه الجيش العراقي من البيت ودخلنا بعدهم وكان البيت ترس جثث الشهداء
نهيان اللي ثار وهو يصرخ: اخذوووه حي ولا ميييت
ابو يعقوب: كان ما يتحرك موليه ما ادري حي ولا ميت
نهيان : وين راحوا !
ابو يعقوب لحقتهم وشفتهم رايحين صوب القادسييه الظاهر بالمخفر هناك
نهيان: يخسون يأسرون اخوي يخسووون
يعقوب: اهدأ يا نهيان مانبي نضر جابر مانبي نأذيه اذا أسروه بنطله لكن بدون ما نأذيه
نهيان: واذا اذبحوووه شقول حق امي وابوي شلون احط عيني بعينهم
ابو يعقوب : باذن الله مايصير له شي اذكر اللت وفكروا عدل
يعقوب : زين يبه انت رد البيت الحين وانتبه لروحك
ابو يعقوب : زين زين
ما قدر نهيان يتمالك غضبه على نفسه وشلون راح وتركه وشلون
لكن اجتمعوا المقاومه كلهم يحاولون يعرفون وين جابر ووش صار عليه
_______________________. وفي احد السجون
شهق جابر اول ما حس بكمية الماء البارد عليه وفز وهو يناظر حوله وشاف الضباط العراقين حوله لكن في طرف السجن اسرى كويتين كبار وصغار شياب وشباب ويناظرونه بحزن لكن صرخ اول ما ضغط احد الضباط على جرحه وهو يصرخ فيه : هسه تصرُخ ياچلب ومن ساع مسوي روحك بطل علييينا ، والله لأدبك والله
صرخ جابر بألم: تخسي ياردي يخسي مثلك يربيني
الضابط : صم حلقك ولك ( اسكت ) بعد تريد تحچي ولك أثول ما تطاول على أسيادك
جابر : تخسي تصير من اسيادي ياكلب يا البواق تخسي
الضابط بضحك مستفز : لاااا الظاهر الليله بيه ونسه هنانه ( وناسه هنا ) باااوع شلون يحچي الوكيح ( الوقح) هوايه واثق بروحك حبيبي
تدخل الضابط الثاني وقال:اش دا تسوي حبيبي هسه مو وكت رجوله ، تريد تعيش صم حلقك ( وش تسوي هالوقت مو وقت مرجله اسكت عشان تعيش )
جابر بغضب : حامض على بوزك اسكت لكن ماعليه ايام وبتذلفون من ديرتنا يا كلاب
تكلم الضابط الاول لثاني: بابا لا تتعب روحك وياااه ،اسحبوا هالچلب وربوووه
اخذوا جابر اللي مازال يسب لكن دخلوه غرفه مليانه بأدوات التعذيب ولا اهتم جابر اللي الا انه يردد ( بتنتصر الكويت عليكم يا كلاب ،بتعيش الكويت حره ، كويت العز بنفديها بأرواحنا)
_______________________.
ومن بكره
فتحوا ابواب العزاء من جديد ووقفوا بالصفوف وخلف واقف بينهم لكن التفت على دخول ضاري ونادر والنوخذه
اتجهه لهم بسرعه خايف من ردات الفعل لكن اللي صار غريب ان محد رد ابو نهيان ابد قبلوا عزاه واستقبلوه رغم قهرهم كبتوه وسكتوا لأن اكيد اللي يمر فيه ابو نهيان ماهو هين مصابه اكبر من مصابهم وهذا اللي سكتهم كلهم وأوجع ابو نهيان
كان يشوف حفاوة خلف به ويعجز يرفضها كان خلف يسعى انه يعتذر من ابو نهيان بأي طريقه ويحسن صورته قدامهم
ولا حاول يدخل البيت ابد خايف يكون ابو نهيان جايب اهله ويشوفه دخل ويشك فيه
لكن وصل له ضاري وهو يهمس: ترا ما جاء احد
غمض خلف بهدوء:زين ! وش اخبارهم عساهم بخير
ضاري : حاطهن بعيوني وابو نهيان حاله مايسر
تنهد خلف بضيق وقال: ماتدري عن ليلى
ضاري: لا مالهم حس
خلف: يارب تربط على قلبها يارب وتصبرها
ابتسم ضاري بهدوء وقال: ادع لقلبك بعد
خلف : بدعي كثييير يا ضاري
جاء نادر اللي قال بحده: بينتهي العزاء وبتنثبر انت وياه قدامي وتعترفون بالسر اللي بينكم وألا والله مايطب لساني لسانكم
انفجعوا من هجومه وقال خلف : نادر وش فيك!؟؟
نادر: ابد طال عمرك اذا انت ناسي اني صاحبك من عمر ابي اذكرك ! من متى صرنا نخبي على بعض!؟ ضاري : ما فيه شي متخبي
نادر: سالفتكم مع هالنوخذه بتعلموني فيها طيب ولا غصب
خلف : خلاص اجلس فضحتنا
جلس نادر بضيق وهو شاك فيهم من زمان بس مايدري وش السالفه
_______________________.
في قسم الحريم
الكل جالسين في العزاء ويحاولون يقنعون وعد تاكل وهي رافضه بس حاضنه ولدها وتناظره
ام ضاري : وعد يا يمه ما يصير هاللي تسوينه حرام لازم تاكلين عشان تقدرين ترضعين ولدك وتكونين بخير عشانه
ام ناصر: اسمعي الكلام ياوعد
شوق : وعد ياحبيبتي لا تخوفينا عليك
ام خلف : عطيني ولدك وسمي بالله وكلي
بالقوه اقنعوها وبدت تاكل وهي في عالم ثاني وصدت مضاوي بخنقه من حالها وهي خايفه يصير ضاري شي وهي من بعد امس وهي ماهي قادره تنام خوف من يووصلها مثل هالخبر
لكن لفت على صوت ام ضاري تناديها: وينك يابنتي ماجيتي من شهر مخليتنا لحالنا
توترت مضاوي : انشغل ضاري ومابغيت اشغله اكثر
ام ضاري: ايه بس اليوم بتجين معنا صح!؟ مضاوي : هاه مدري!
ام ضاري: وش ماتدرين لا بتجين ان شاء الله
وتجلسين معنا وترا ضاري هالايام بحاجتك اكثر
صدت مضاوي بضيق : زين
كانت خايفه ترجع وضاري مايبيها وتكسر كرامتها لكن اصرار ام ضاري اربكها
طلعت للمطبخ بضيق وهي تشوف البنات يتساعدون ويحضرون الغداء
لكن سحر ماكانت معهم ابد كانت تمشي بدون روح خايفه على عقاب وتستودعه الله بكل وقتها وطلعت وهي تمشي بخطى متذبذبه وصلت لباب المخزن ووقفت وهي تناظر فراغ ودموعها بعيونها تتخيل لو صحت على خبر شين كيف بتتصرف
ماكانت تدري ان فيه عيون قريبه منها مستعده تشيل همها وتحتوي حزنها كان ماجد هناك وهو من يوم جو له خايف على سحر من حزنها الواضح وكتب الله انه يشوف حزنها مرسوم قدامه على ملامح حلم بها سنين طويله ماكان يدري وش يسوي وبقى ساكت لين طلعت وراحت وهو ساكت لكن يحاول يصلح الاوضاع عشان يقدر يخطب
في طرف ثاني كانت هيا جالسه بضيق وهي اللي تأجل زواجها بهالاحداث وجلست تفكر بضيق هل بتسمح لهم الحرب يتزوجون ولا بيعيشون لهالرعب دايم
_______________________.
ايام العزا مرت بكل ثقلها مرت
لكن بهالايام ماقدرت وعد تسمي ولدها ماتدري وش تسميه لكن اقترح ابو ناصر انها تسميه (خليفه ) عشان فعلاً يكون خليفه لأبوه اللي ترك له السمعه الطيبه وترك له اكبر شرف انه مات شهيد يدافع عن وطنه وجاره واسمه يعرف ب( خليفه مبارك) ويكون اسمه مشتق من اسم خاله
وفعلاً سمته وعد خليفه وكانت تقرا عليه وتسمي كل صبح ومساء ...
وهالفتره كان خلف متحمل مسؤولية خليفه كامله ومتكفل فيه بكل الاحوال والكل فرحان فيه رغم الظرف لللي انولد فيه
وكان يحاول ينسى ان ليلى قريبه منه لانه ممكن بلحظه يفقد صبره ويروح يشوفها ...
اما ضاري بعد العزاء اصرت امه انه يجيب مضاوي وكان يبي يجيبها عشان تكون مع امه في اي ظرف وكل مره يروح يجيبها يتردد مليون مره ويخاف ويرجع مايبي الكسر له ولا لها
...!
نادر اللي ساكت طول فتره ايام العزا لكن ينتظر يخلص عشان يطلع خفايا خلف وضاري
وشوق اللي كانت طول هالفتره تساند وعد في ازمتها تحاول ترد جميل وعد عليها .... اما خوات عقاب اللي يصحون وينامون ينتظرون خبر من وعد وكانت وجد يومياً تتصل فيهم تحاول توصل لخبر عن عقاب بس ماله خبر
... ماجد طول هالفتره كان مرهق من هالاحداث ولكن شايل هم سحر يحاول يتطمن عليها بدون ما احد يحس وهو ينتظر هالازمه تنتهي على خير وحزتها محد بيوقف بوجهه ...
عند عقاب اللي رجع من العزا ونفض غبار الحزن عنه ودخل الحرب بكل قوته يبي ياخذ ثار مبارك وثار كل واحد تأذى من هالحرب .
_______________________.
في الكويت
كانوا ابطال المقاومه مايقصرون ينقذون ويساعدون ويحررون اللي يقدرون عليه ومع ذلك شايلين هم الاسراء اللي بيد العراقين ومن بينهم جابر اللي كان عنصر قوي بينهم ومن ناحية ثانيه ماكان نهيان ينام او يرتاح يبي يطلع اخوه وابوه ما درا
........... وفي السجن
كان جابر يتجرع انواع العذاب اشكال والوان كان يتحمل شي محد يقدر يتحمله لكن ماعادت تفرق معه ولا عاد في يدينه شي خسر وطن وخسر حبيبه وكلها بدوون ذنب منه كلها ظلم وقهر خسر كل المقومات اللي ممكن يعيش عشانها الانسان
كان ينتظر موته ولحظة خلاصه من هالعذاب
_______________________.
من بكره
في بيت ماجد كانوا كالعاده مجتمعين ماعدا خلف وضاري ونادر اللي كانوا تحت
وكان نادر ينتظرهم يبررون السالفه
نادر : وبعدين !؟ خلف : يا نادر وش فيك نقولك مافيه شي
نادر : تستهبلون علي انا!؟ وشوله تخبون علي
خلف كان يقدر يقول لنادر بس يعرف ان نادر بيعصب ونادر عنده ولاء لعقاب مايقدر يكذذب عليه واذا عرف عقاب بيربط الموضوع بسحر وتكبر السالفه لذلك قرر انه يسكت ويحتفظ بسره بصدره بينه وبين ضاري اللي كان فعلاً حافظ سره
خلف : يا نادر والله لو فيه شي يستاهل انك تعرفه بقولك لكن كل السالفه ان هالوقت ماهو وقت زعل واهل الكويت بحاجتنا سواءً كان النوخذه او غيره
نادر: ايه بس اللي سواه النوخذه في اختك ما ينغفر
خلف : يابن الحلال ما سوى شي الا الطلاق وبس وهاذي يمكن خيره والدنيا قسمه ونصيب ويمكن ما ارتاح الولد احلف عليه يتزوج اختي غصب
نادر: لااااا لكن اقل شي يطلق بشجاعه مايرمي الورقه ويروح
ضاري : صار اللي صار وانتهى والقضيه مع جابر مايصير نحاسب الكل عليها
خلف : هذا هو
نادر: بس كذا؟؟ خلف: ايه
نادر: زين لكن اسمعوني صدقوني لو طلعتوا تكذبون مايصير خير
ضاري :وسع صدرك يارجال بس واستهدي بالله
نادر:المهم محد وصله اتصال من عقاب
خلف : لا للحين
ضاري : للله يحفظه بحفظه مافي يدينا شي
الكل: امين
نادر: يلا انا راجع البيت ترجع معي ضاري!؟ ضاري اللي كان متوتر: هاه لا لا بلحقك
نادر: وش فيك
ضاري : ا باخذ اهلي وألحقك
نادر ضحك وهو يغمز: ايييه يا شيخ قولي ماعاد تصبر
صد ضاري ببتسامه: توكل على الله انت ولا ناسي نديمتك وراك
ضحك نادر بحب : نديمتي وييين شوق تسوى عيوني الا هي حياتي كلها
ابتسموا كلهم لفرحة وقرب خلف وهو يخبط على كتفه : قلت لك اصبر وصدقني بتفرج .
ضاري : حمدلله الله يهنيك ويجعل السعاده دايم
نادر: امين وياكم
امنوا كلهم وكل واحد بداخله عثره يتمنى انه يتجاوزها ويصير سعيد
كان اقوى عثره لضاري انه يتجرأ ويرجع مضاوي معاه بعد ما انهى كل شي
مايدري كيف تجرأ وطلب من خلف يناديها ودخل خلف وهو ينادي : مضاوي مضاوي
مضاوي : نعم
خلف:ضاري بالمجلس كلميه
تقدمت مضاوي بتوتر وهي بعد ما تدري كيف بتكمل دخلت وشافته واقف وهو يتحرك بمكانه رفع راسه والتفت لها بهدوء : هلا
مضاوي : هلا فيك
تقدم ضاري بهدوء و وقف قريب : ا بغيت اقولك اذا حابه تجين معي تكونين عند امي هالفتره
مضاوي بهدوء: لو تجيبها هنا مب احسن
ضاري : ما ابي ازحم الناس كثير هنا وامي كبيرة سن ما تحمل
ناظرت مضاوي بهدوء وقالت: طيب بأخذ اغراضي واعلم امي وابوي واجي
صد ضاري ببتسامه:زين انتظر
دخلت مضاوي تخف خطواتها فيها فرح بسيط لانها حاسه بالذنب اتجاه ضاري خصوصاً انها اللي غلطت عليه
لفوا البنات يناظرون باستغراب سحر: مضاوي شفيك
مضاوي: بروح مع ضاري
ندى: بدري توك تتذكرين انك متزوجه
مضاوي : الاوضاع كانت مكركبه والحين ضاري وامه بشقه ووسع بجلس عندها
عهد : ما تلاحظين انه اخذك خدامه لامه !؟ مضاوي : ما تلاحظين ان لسانك يبي له قص
هيا : خلاص يا ناس بكيفها هي وزوجها
حنان: لك اجر يا مضاوي
مضاوي: عادي ياحبيبتي انا اخدمها بعيوني هي مثل امي تحبني واحبها
اماني : اي والله عامليها مثل جدتي مسكينه
مضاوي : لا توصين ، المهم يلا اشوفكم بخير
الكل : فمان الله
طلعت متجهه للغرفه اللي فيها امها وابوها واخوانها ووعد والحريم الكبار
محمد : مضاوي وين بتروحين!؟ مضاوي : بروح مع ضاري ماعاد ينفع اخليهم اكثر
ام ناصر: ايييه كفو بنيتي في هالظروف خليك مع رجلك وامه
ابو ناصر: الله يسهلكم ويحفظكم
ابو خلف : زين لكن انتبهوا لانفسكم
تقدمت مضاوي تسلم عليهم كلهم: ابشروا وانتم بعد
وقفت عند وعد وانثنت تحضنها وهمست: خليك قويه مثل ماعرفتك وربي معك
هزت راسها وعد بضيق ورضا وطلعت مضاوي وشافت عزوز وفيصل وخلف وضاري واقفين
فيصل: ناويه تخلينا !
مضاوي : كفيت ووفيت خلاص
ضحك عزوز بثقل: ايييه خلاص ابطت على الحبيب
ابتسم خلف وهو مايدري بطبيعة علاقتهم بس متأكد انهم بيتفاهمون مع بعض وقال: ايييه شتبي فينا الحين
من باب التسليك ضحك ضاري وقال: عاد انتم طماعين واحنا نحتاجها معنا ونصبح ونمسي على حسها وضحكها
فيصل بضحك: انا اشهد الضحكه بنفقدها .
مضاوي حبت تلطف الجو وقال : ماعليكم برسلكم من ضحكتي في كرتون
عزوز: اقول توكلي
ضاري : يلا يلا تأخرنا
خلف : طلعتوا من شقة النوخذه !؟
ضاريي: ماحبينا نضايقهم واخذنا الشقه المقابله لهم
خلف : زين موفقين
طلعوا ضاري ومضاوي وهم ساكتين وكان فعلاً ضاري للحين ضايق من سوات مضااوي وفيه ويحاول يحط بينهم حواجز
اما مضاوي ماتدري كيف تبدا وتنتهي لكن فضلت الصمت فتره
_______________________.
مر الشهر
وبدت ترهق الحرب الكل والناس تعبوا وللحين نهيان يحاول يطلع جابر وللحين جابر يعيش العذاب
وللحين خلف ماهو قادر يجي شقة النوخذه ولا يمر حتى لكن اللي مطمن قلبه ان ليلى هنا ويقدر يعرف انها بخييير وفي احسن حال من انها تكون بنص الحرب
وليلى بعد كان ودها تشوف خلف لكن اهون انها قريبه وتسمع اخباره من انها في ديره وهو في ديره .... بالنسبه لوعد كان هالشهر كئيب بكل مافي تعني الكلمه ورغم محاولاتها في انها ترجع قويه كانت تنهار مجرد مايبكي خليفه وتتذكر مبارك وللحين في قلبها غصه رغم محاولات الكل في انهم يسلونها ....!
اما عقاب كان بعيد عن الكل بعيد عن الناس مركز في شغله وحربه ناسي زوجته وناسي نفسه وناسي كل شي ماعدا الحرب ....
اما مضاوي وضاري مايدري كيف قدر ضاري يتجاهلها طول هالشهر ولا ياخذ ويعطي معها الا بالمهم والضروري
وكان يخدمه انهم وهم ونادر بنفس الشقه وينعزل عنهم بوجود شوق
وظروف الحرب تبعده كثير عن البيت
ومضاوي كانت متوقعه بيزعل شوي ويرضى ويرجعون زي قبل لكن انصدمت بتجاهله التام لها اللي ما تعودت عليه منه لكن كانت منشغله بأم ضاري وشوق وناسيته
.... نادر اللي رغم ان الحرب ماخلت راحه وطمأنينه الا ان راحته وسكونه يلقاها مجرد ما يسكر باب غرفته ويقابل شوق اللي مايدري كيف هالطفله الصغيره اللي كان يخاف عليها من النسمه تصير عالمه كله وملاذ للأمان
لكن شوق كانت تخاف كثير ما تصدق متى يجي نادر وتشوفه قدامها وتجلس معه وتسمع صوته ويكون بخير .... وعائلة الجد قايد كانوا يحاولون يعيشون بعيد عن الحزن اللي خيم عليهم بموت مبارك ويتجاوزون خوفهم على عقاب اللي صار خبر موته احتمال وممكن يسمعونه وهذا اتعبهم كثير .... اما النوخذه واهله مستقرين بالسعوديه واحداث الكويت يدرون بها ما عدا أسر جابر والكل خايف يصير لنوخذه شي ولا يقدرون يتصرفون رغم سوء الاحوال بالكويت لكن يتشاركون همهم ويحاولون يصمدون
_______________________.
وفي شقة ضاري
بعد ما ودعوا نادر اللي قرر يروح ويتطمن على امه وابوه بالمزرعه ويشوف احوالهم ويرجع
كانوا جالسين بالصاله بهدوء وضاري كعادته سرحان يفكر كيف بيساعدون في هالحرب وكيف بتنتهي
لف على صوت امه تقول : وش فيك ما تشرب شاهي ! لا يفوتك اليوم سوته مضاوي تسلم يدها سلمتها العهده شوق
لفت مضاوي تناظره تبي تعرف ردة فعله لكن كان بارد وهو يبعد البياله عنه : مالي نفس الحين يمه معدتي متعبتني مابي اتعبها
ناظرته مضاوي بقهر وهي تقول بنفسها( ايييه معدته ما اوجعته من الرز اللي من شوي اكل الصحن كله والحين توجعه)
ام ضاري : بكيفك تراك بتندم ولا يا مضاوي
مضاوي:بيندم كثير يا خالتي
مارد ضاري ابد وهو كانوا متعودين انه يرد ويتعاند مع مضاوي بس من شهر وهذا وضعه وقامت ام ضاري : اجل اانا بغفي شوي عشان العصر تودينا بيت اهل مضاوي نسلم عليهم
ضاري : زين يمه
قامت وراحت ووقف ضاري بيطلع كالعاده لكن هالمره طفح الكيل عند مضاوي ماعاد تقدر تصبر على هالحال اكثر وقفت وهي توقفه: ضاري ويين رايح!؟
ضاري: اذا فيه شي ضروري اكتبيه بورقه
مضاوي: ايه فيه ضروري لكن ماني كاتبه بورقه !؟ وبعدين يعني لين متى بتجلس زعلان وقالب علي
ضاري باستهزاء: يعني حرب!! ومشاكل!!؟ والدنيا قايمه قاعده! وانتي جايه بعد بتمشكلين ترا والله ماهو وقتك
مضاوي: متى وقتي ان شاء الله !! متى يزين خاطرك وترضى ويصير وقتي !
ضاري : وش عندك الحين!؟ مضاوي: عندي حالتك هاذي؟ اللي يشوفك يقول ذابحه لك احد ولا مورطتك بجريمه
ضاري ضحك بضيق : ايه ماعليه تسوينها كلها ؟! تقدرين تروحين لامي وتطلعين دموع التماسيح واصير انا المجرم السفاح واللي ذابح اهلك كلهم
انصدمت مضاوي : انا اسوي كذا!؟
ضاري: لا حاشاك مظلومه انتي !! تقدرين تقولين من متى قلتي ابي هالشي وقلت لا ولا اجبرتك تجلسين في مكان ماتبينه او حتى قلت ما تروحين لاهلك!؟ عمرك قلتي يا ضاري هذا شي ما ابيه واجبرتك عليه!؟ ولا ازين قولي لي كم مره كذبتي علي عند امي وطلعتيني بصورة شينه وانا ماقصرت!؟ زرعتي الزعل في صدر امي علي لاول مره تزعل علي وتهاوشني وكله بسبتك!؟ لكن مع ذا انتي المظلومه
ضاق صدر مضاوي وتحسفت وقالت بضيق : بس انا ما تعمدت بالعكس كنت امزح معك وادري بتردها لي
ضاري : كل شي امزحي فيه الا انك تضيقين صدر امي علي لو بكلمه ، انا مثل ما تقولين مجهول ولا لي بهالدنيا الا امي ومستعد اتحمل بلاوي الدنيا ولا يضيق صدرها ماعمري خطيت خطوه وصدرها ضايق علي او مكدر خاطرها بشي ! لكن من يوم دخلتي حياتي وانا ماعاد أدري كيف برضيها وكله كذب وعدم مبالاه منك
ندمت مضاوي ما توقعت الموضوع كبير كذا ماتوقعت ان كذبه بسيطه بتكلف ضاري كل هالضيق في لحظه حست بخنقة العبره ولا عرفت تقول شي الا انها فجأه قبلت عليه وهي تسحبه و تبوس راسه بحركة صدمتها وصدمته لكن تعودت ان هذا اعتذارها من اي احد تزعله وقالت والعبره تخنقها: والله مادريت ان هالمزحه بتضيق صدرك مادريت انها كبيره بنظرك كذا قلت بمزح معك شوي وكنت متأكده انك بيجي يوم ترد لي هالحركه بمزحه زي ماتعودنا ماهقيت انك بتزعل انا اسفه ياضاري انا ادري اني اذيتك كثير لكن هذا انا وعشت على هالمزح مع عيالي اخواني واخواني وتعودت عليهم كذا وجيت هنا وقابلتني بنفسك الاسلوب ماطرا لي هالشي بيزعلك .. لكن ابد والله لصلح غلطتي واروح لخالتي واقولها اني اكذب وانك ماسويت شي وكله مزح
صدمت ضاري بأعتذارها صدمته اول ما باست راسه صدمته وهي متعلقه بذراعه ومصره انه يقبل اعتذارها وانها بتروح تبرر لأمه كل شي حاول يستوعب لكن رجعت مضاوي تصدمه وهي تمد اصابعها للحيته بأسلوب ترجي وترجع تبوس اصابعها من باب انها تطلبه ويوافق : اذا هذا يرضيك بسويه كله لكن انا ماتعودت انك تجلس ضايق صدرك وزعلان وتجاهل كل شي اسويه لو هو شاهي وقهوه .. العذر والسموحه ياضاري
تركته فجأه واتجهت لغرفة ام ضاري متوقعه ان هذا بيرضيه وفتحتها تبي تبين انها كذبت على ضاري وفزت ام ضاري اول ماسمعتها تناديه
لكن فجأه استوعب ضاري ودخل يركض وهو مايبي امه تدري انهم متهاوشين وتتضايق : مضاوي تعاليي يابنت الحلال
مضاوي : لا والله بقولها
ضاري : يا بنت الحلال ما صار شي خلاص تعالي حصل خير
مضاوي :لا ابد ماني متحركه لين اقولها
سحبها ضاري بسرعه جنبه وهو يحاوطها بذراعه عشان يثبتها ماترجع :اذكري الله يابنت الحلال ماهو وقته
ام ضاري : بسم لله وش فيكم !؟ مضاوي: يا خاله بقولك...
قاطعها ضاري : ما في شي يمه ارتاحي ونامي تعرفين مضاوي يطري عليها حركات
مضاوي: فكني بقولها
ابتسم ضاري ابتسامه غبيه وهو يطلعها: ماعليه يمه نامي انتي نامي
استغربت ام ضاري لكن ضحكت وهي اللي فهمت غلط وقالت وهي تتغطى بشيلتها: يا مضاوي لا تقولين لي شي وروحي مع زوجك يبيك اجلسي معه دام البيت فاضي واخذوا راحتكم انا بنام
انقطعت اصواتهم فجأه والتفتوا عليها كلهم مصدومين من اللي فهمته
وسحبت مضاوي ذراعها من يد ضاري اللي تركها وهو متصلب بعد وابعد هو بعد عنها .