مسساء الخير أحبتي
قراءة ممتعه
روايه: مأمني من داعش
بقلمي انا: زينة سمير
حسابي انستا: z49.g
حساب عهد 25.ahed
صوت + علق بين الفقرات + احبكم هواي
-جميلة
-من هيِ؟
-تلك الفتاة التي تُشبة وردة ألبُستان الذابلة ألتي لم يُلاحضها أحد سوى قلبي
الذي دقق النضر في فتنها
بقلمي..
______________________________________
جبل: شوفو يا أهل الخير الي راح احجي بس اكوم ينسد الموضوع الي يفتح السالفه لو يحجي هنا وهنا بس الله
يخلصه من ايدي وتعرفون اني كل* ابن كل* يم سالفه تخصي او شي يخصني
أبو لاكبر: لا حشاك ضلعي
جبل: لا مو انطيهم سابق انذار حتى لايكعدون يلفقون اني اعرفهم
حمزه: كمل عضيد
عهد: كاعده بصف جبل بده يسرد كلشي بالتفصيل أشوف سديم وملاك يبجن وأبو لاكبر خال أيده على
راسه ويستمع بأتقان وحمزه هادئ لان كان يعرف التفاصيل وهدى وام جبل صافنات بدت دموعي تجري ويه كل كلمه
ينقطه جان تنهيده تزرف كلبي يحجي واني أشوف شون تعذب وياي وتعب وضحى بنفسه في سبيل
ينقذ أمانته في سبيل يوفي بوعده الي ليوم وأني كاعده أسمع لحديث عن حربنه الي خضنها أثبتلي
هوه مأمني وأماني الوحيد بهذا الكوكب المرعب مرت سساعه وهوه يحجي وختم كلامه لمن كال
جبل: جانت جيشي الوحيد
عهد: الدموع كانت السبيل الوحيد الي كانت تعبر عن الي بجوف المستمعين
جبل: بلايه بجي شي صار ماضي وركزو بالي أكوله
عهد مرتي وما اطلكه
أم جبل: يااااااا
جبل بأستغراب : خير
أم جبل: وبنت خالتك
جبل: شبيه؟
أم جبل: يمه اني ليوم انطيتهم كلمه نروح نخطبه الك
جبل: ههههههههه أستغفر الله ياربي والله جتي بحلكي حجايه شكبره تخلي طشاركم ماله ولي
كومي بابا عهد كومي بدلي ورانه طريق
عهد: كمنه على حيلنه دنطلع جان جبل يكول
جبل: العندي كلته اني تنطين حجي تخطبين شسوين سوي عمرج ماجنتي أم حقيقيه ولميتي أولادج هسه
صرتي حنينه عليهم وكمتي تخطبين الهم لخواتج خليني ساكت مو اني من احجي اطلع مو خوش
أبو لاكبر: مو هيج الحجي جبل أستهدي بالله كلشي بالتفاهم
جبل: ولكك تفاهميش خاطبتلي بنت اخته الزكه بدون مادري شسوين سوي يمه واذا ميعجبكم أخذه
واطلع وحق كفيل زينب لو تنبشون العراق حصويه حصويه ماتلكوني خاف عبالك هلمره رجعت مره
ثانيه ما أرجع وحق من انزل الكتب الثلاث الكل يسمع أي شي يصير بعهد تنغث من حجايه من فعل
حتى لو من نظره متلومون الا روحكم وقد اعذر من انذر وانتي يمه لاصايرتلي أم حسن الخطابه بروح اهلج لانبطلج من حاجه طلعين اضرب منه
عهد: طلع للدرج معصب صعد كل 3 بايات سوه ركضت وراه فتح الغرفه وطب جيت اطب وراه طبك
الباب حيل الا البيت نرج فتحت الباب وسديته بهدوء لكيته كاعد على الجربايه ونفسه سريع وجهة
احمر رحت كعدت كباله باوعلي ورجعت غمض ساكته أخاف احجي ويعيط بيه
جبل بعصبيه: متحجيننن شكو ساكتهه
عهد: يااا واني كلت خلي أسكت خاف اترزل ولا يهمك هسه اهرج راسك
جبل: كومي بدلي كومي
عهد: ماعندي ملابس
جبل: اخذي من ملاك لو من سديم
عهد: جبل عمري هسه شكو ضايج غير افهم بعدين ذوله اهلك غير تعاملهم بهدوء وحب
جبل: عهد لا تغرج المظاهر الي شفتيه البارحه ولج امي وابوي عمرهم ما لمو أطفالهم عمره ابوي ما كال
الي تعال بابا أشتريلك هاي اللعبه عمره امي ماضفرت شعر بناته عمرهم مانطونه مصروف مدارس
ابو جاي يذبهن على العرك والنسوان وأمي يم السحارات ولج خواتي اني أضفر الهن واخوي اني ابدل اله
اني من عمر 12 سنه أشتغل عماله حتى أعيش اخوتي وانطيهم مصاريف مدرسه وصلتهم وكبرتهم
كله واهلي ماكالو بيوم النه شتحتاجون امشي نشتري الكم ملابس عيد جنه صغار نعيد بهدوم البيت
الهدوم محد يغسلهن غيري لحد ماصار عمري 12 كمت أشتغل عماله واشتغل شغل امي مال البيت كله من الطبخ للمسح لغسل الهدوم لغسل البيت لكلشي
كبرت وكمت أجيب المصروف الهم واجمعه حتى بالعيد أشتري الهم هدوم جديده حتى ميحسون
بنقص كبرو وكبرو وكلهم أجوي على كلبي بس هدى سلكت طريق أمي من زمان هيه حقيره ومتحب
الخير لاحد نفس أمي لان هدى عاشت بفقر عاشت بتنمر عاشت بنقص عمره ماسمعت كلمه حلوه من ابوي او امي وهمه يمدحوه ويكلوله انتي حلوه انتي شاطره
جنت اجيب الفلوس مرات أبويه يلكفهن بجيبي ويكتلني وياخذهن كبرتهم وصلتهم دخلت كليه وتخرجت ودخلت هدى أفضل الجامعات الاهليه
انطي الدفع مال الجامعه كل ضني تودي الهم الا من انكشفت من العميد مال الكليه اتصل عليه يكلي صالك سنه مدافع القسط شوكت تدفعون
رجعت أستفسر منه تكلي انطي لامي امج وين تودييي يابه تكلي لام مرتضى الكشافه وام فلان
السحاره وام علان العرافه يابه ليش تنطيه مو تدرين هلشي غلط تكلي والله انقهرت عليه زين هسه اني
محد ينقهر عليه تعبي يروح بخت البرابي* بله عديته اله دفع بلاء تطبين لغرفتي تبوكين اكول ميخالف امي وتمون عليه
تجي طبب نسوان حتى تبيع بيتي على أي أساس
عهد الي شفته اني مو قليل ورغم كلشي واكول
لحمدالله على كل حال ملاك هاي الكدامج من تجي شهريتها ماتجي امي دير بالها عليها تعلمها تكلي كولي لأخوج يعلمج هدى الي عاشت بتنمر بسبب
الطلاب ماعدها ثقه صارت ككمت اشوفها تحرك نفسها تأذيها التفت على اخوي حمزة الكه ابوي يريد
يجرة لدروب العرك كل هذا الخرب وارجع المهم ولميتهم كلهم وكبرتهم بس هدى وامي بقن على هذا الدرب
عهد: دموعي تجري وهوه يحجي بعصبيه كمت كعدت بصفه وسحبت راسه خليه على صدري هوه
سكت وزفر.. عوضي حبيبي لتحرك أعصابك كلشي ماضي وصار وراح انت مو هيج تكلي اعرف تعبان
ومقهور كلبك بس صدكني راح اعوضك عن كلشي شفته بحياتك مثل ما أنت صرت الي عوض راح أصير
عوض لايام تعبك بكل وقت تلكاني كتف ثابت الك أحبك هوايه أرتاح وهسه نطلع ونغير جو احنا ماصدكنه نخلص من داعش الي جان معكر مزاجنه
تجي هسه تضوج روحك حبيبي انت كلشي فدوه الك ليش ضوج روحك والله الموضوع مايستاهل
كوم خلي أختار الك هدوم واروح اخذ هدوم من سديم ونطلع... رفع راسه وكال
جبل: ولج انتِ بس صوتج كافي حتى يخليني أرتاح ونوب مواساتج الي أجت وخمدت نار كلبي أحبج ياشراراتي
عهد: وانه بعد احبنك هواي يله كوم
جبل: كومي
عهد: شتحب تلبس
جبل: بكيفج
عهد: فتحت كنتوره.. باوع اروح أجيب ملابس الي حتى نكون اني وياك مشابهين
جبل: انتضرج بين ماغسل
عهد: طلعت لسديم لكيته توه راح طب الغرفه... ءء سديم
سديم: ها يحلو
عهد: اريد ملابس طلعه حبابه
سديم: صدك جذب الكنتور كله كبالج واذا تحبين أساعدج بلاختيار
عهد: ياريت.. سحبتي من ايدي وطببتي للغرفه فتحت الكنتور.. عندج صايات وهيج شي
سديم: لا والله لان اني بالدوام مالبس صايات ضايقني بالعمل
عهد بأستغراب: شنو تشتغلين
سديم: خريجه معهد أجهزه طبيه
عهد: يعني شنو
سديم: يعني اداوم بمستشفى واصلح الغراض
عهد: اهااا حلو بالتوفيق.. لعد شنو عندج البس
سديم: لبسي مستور والله وعريض يقبل والله
عهد: هوه كلي اخذي من سديم
سديم: شوفي معناه لبسي زين تعاي خلي نختار
عهد: طلعت الي بنطرون كيلوت و بدي ساده وبي كلاده تزينه لون سمائي فاتح كلش
يجنن نطته الي ونطتني حذاء اسود كعب وربطه بيه تدرجات لارزق وانطتني قمصله خاصه بيهن اطوخ منهن بكم درجه
.. اعتقد لونج المفضل لازرق ولاخضر
سديم: ولاسود والماروني
عهد: عاشت لاذوق
سديم: تدرين اختاريت الج هاي الملابس الزرق حتى عيونج ينكلبن ودوخين جبل
عهد بخجل : ءءء شمسه
سديم: ههههههه بدون خجل يولي خوات احنه يله روحي بدلي
عهد: اخذتهم وشكرت منه جيت افتح لباب لكيته قافله طلعت المفتاح من جيبي فتحت لباب ورجعت قفلته... جبلل وينك
جبل: بلحمام بابا
عهد: شويه وطلع طبيت بدلت ولفيت الربطه لفه تركيه.. ها لبسي زين؟
جبل: امصمصك والله
عهد: نجب ادبسزز
جبل: هههههههه وسربوت هم
عهد: حافظهن تتعال خلي اختارلك.. باوعت للبديات الشتويه لكيت بدي رقبه سمائي معلك ويه بنطرون أسود سحبتهن وطلعت اله قمصله سوده
جبل: عاشت أيدك حبيبي بس شني اني سامع لازرق من العين السمائي من شني؟
عهد: امشي ولضل تحشش
جبل: تعاي نزعيني الدشداشه مابيه ولبسيني البدي والقمصله
عهد: حزموني ولزموني حتى اطير يله اكعد
جبل: تحمل ووليدي اني جاي ادور حجه عليك
عهد: عبالك ماردي... نزعته الدشاشه لبسته البدي ووالقمصله وهوه لبس وكمل وكف يخلي عطر ويمشط شعره واني صافنه عليه
جبل: يابه وعلي ادري حلو
عهد: هوه بس حلو غير تموت خرب شرفك
جبل: دمشي عيني لتموتين وين اولي بيج
عهد: فتح الجرار خله السلاح بخصره... جبل هاي ليش تاخذه
جبل: كلشي يصير ضروري اخذه
عهد: سكتت فتح لكنتور سحب فلوس طفى لاضويه نزلنه هدوء المكان طلعنه وسدينه باب المطبخ ورانه
فتح السياره مالته جانت سوده مضلله فتح الي الباب صعدت هوه هم صعد شغل السياره انتبهت
للساعه ب 8:00 دك هورن حتى يفتحون اله الباب الحراس طلعنه الشارع سنطه وصلنه للبوابه الجبيره
وكف يحجي ويه ولد خمس دقايق ونفتح الباب الجبير طلعنه سحب تلفون خابر على شخص وبده يحجي وياه
جبل: اني شداكلك سوي.. اي اي هذا هوة ماشي.. أبو لاكبر على الله وعليك.. وعلي مدالحك أحك راسي..
وتدري اهلي اذا مو واحد فوك راسهم يكمون يخطون ويخرربطون.. اي هوه أسبوع الجاي أداوم..
أني نطيتك معلومات كامله لكل شخص.. عفيه عليك.. هذا هوة تدلل...باوع اذا طر الأمر ارجع لبغداد....لا اخذها وياي قابل اعوفها هنا......هوه هم هيج اخذها هناك اكعدها احسن.... يله اني رايح في امان الله
عهد: هاي شصاير
جبل: هيج سوالف عاديه على الدوام
عهد: وين راح نروح
جبل: اول شي للدكتور يسويلج فحص كامل وتحاليل
ونوب نطلع للسوك نشتري غراض
عهد: مابيه شي جبل والله
جبل: اني اعرف شي وانتِ تعرفين شي
عهد: شتعرف يعني ليش تعاندني ماريد دكتور
جبل: ليش متردين تخافين من الابره مو
عهد: يااا شمدريك قصدي لا يعني ماخاف
جبل: واضح دسدي السالفه وكليلي يا مغني تحبين أكثر
عهد: كاظم الساهر
جبل: اني هم تعاي أسمعج هاي الاغنيه اله
عهد: شغله وسحب أيدي لزمه وكعد يسوق ويدندن وياه وشويه شويه كام يغني بصوت عالي واني الابتسامه شاكه حلكي ويشمي سريع شويه والسياره طير
♡♡♡♡♡♡♡♡♡♡♡
علمني حُبكِ أن أحزن
وأنا مُحتاج منذُ عصور
لامرإة تجعلُني أحزن
لامرإة أبكي فوق ذراعيها
مثل ألعصفور
علمني علمني علمني علمني
حُبكِ أن أحزن
وأنا مُحتاج منذُ عصور
لامرإة تجعلُني أحزن
لامرإة أبكي فوق ذراعيها
مثل ألعصفور
لأمراة تجمع أجزائي
كشضايا البلور المكسور
علمني حُبكِ سيدتي أسوء عادات
علمني افتح فنجاني في اليلة الالف المرات
وأجرب طب العطارين واطرق باب العرافات
علمني اخرجُ من بيبتي لأمشط أرصفه الطرقات
واطارد وجهي في ألامطار
وفي اضواء السيارات
وألملم من عينيكِ ملاين النجمات
يامرإة دوخت الدنيا
ياوجعي ياوجع النايات
أدخلني حُبكِ سيدتي مُدن الاحزان
وانا من قبلكِ لم ادخل مُدن لاحزان
لم اعرف أبدً أن الدمع هوه الانسان
أن الانسان بلا حزنً ذكرى أنسان
علمني حُبكِ أن أتصرف كالصبيان
أن أرسم وجهكِ بالطبشورِ على الحيطان
ياامرإة قلبت تاريخي
أني مذبوح فيكِ من الشيريان
الى الشريان
علمني حُبكِ كيف يغيرُ خارطه الازمان
علمني أني حين أحُب
تكفو الارض عن الدوران
علمني حُبكِ أشياءً مكانت أبداً في الحسبان
وقرأت أقاصيص الاطفال
دخلتُ قصور ملوك الجان
وحلمتُ بان تتزوجني بنت السطان
تلك العينها أصفي من ماء الخلجان
تلك الشفتاها أشهى من زهر الرمان
وحلمت بأني اخطفها مثل الفرسان
وحلمت بأني اهديها اطواق الؤلؤ ولمررجان
علمني حُبكِ ياسيدتي مالهذيان
علمني كيف يمر العمر
ولا تاتي بنت السلطان
-كاظم الساهر
♡♡♡♡♡♡♡♡♡♡♡♡♡♡♡
عهد: خلصت الاغنيه جان يصيح
جبل: ولججججج أحبجججججج
عهد: أرتفع صوت ضحكاتي وانه أنظر اله وهوه فرحان دعيت من كل كلبي ربي يديم فرحتنه
جبل: تدرين جنت دائماً أسمعها وأكول من ألكه الي تناسب كلبي أسمعه اله
عهد: حبيبيي أموتن عليك
جبل: واني هم احبج
عهد: ضلينه نسوالف حتى قطع تفكيري
جبل: تعرفين ناوي على شغلات هواي نسويه سوه
عهد: مثل
جبل: أعلمج روكوب الخيل ورمي والسلاح واعلمج سياقه السياره واخليج ترجعين للدوام
عهد: كلهن أي بس ارجع للدوم أبد
جبل: مو بكيفج غصبا عليج ترجعين واني أدرسج اعلمج تقرين كتب ثقافيه ونسوي نشاطات هواي
سويه حتى أخليج تلتهين وماضلين ضايجه وتبجين
عهد: اوكي كلشي مقتنعه بي بس مال دراسه ماحب مالي واهس بيه
جبل: عهد الشهاده سلاحج قوه الج
عهد: انت قوتي
جبل: باجر عكبه متت
عهد: يااا جبل ليش هيج تحجي
جبل: عهد الموت ميعرف صغير جبير اني اريد أمن ألج مستقبل
عهد: اوففف ضوجتني
جبل: اي عادي شويه وتروح الضوجه باعي اكلج فد شغله
عهد: كول
جبل: ادرسي وانحجي واخذي شهادتج حتى شوكت مايعجبج تطلكين مني
عهد: باوعتله صفح بعدين ردت اغير الموضوع.. جبل اكلك شي
جبل: وهوة
عهد: عندك غرفه مقفوله وملاك كالت محد يدخل اله أبد شنو بيه
جبل: مكتبي هذا
عهد: يعني شنو بي
جبل: كتب هواي واوراق مجرمين قضايا
عهد: أشوفه من نرجع
جبل: اي عادي بس لتخلين أحد يدخل وياج المفتاح تلكي بجرارات الكنتور
عهد: ماشي
جبل: يله خلي ننزل
عهد: يله طفى السياره واني سحبت تلفونه لان مبقي بالسياره ولكيت بطل مي سحبته لان حلكي ناشف
خليت تلفونه بجيب القمصله جيت أفتح الباب حتى انزل سبقني وفتحه الي أبتسمت على حركته
نزلت قفل السياره ولزم أيدي مشينه وطبينه للدكتور وكومه عالم وناس مرضى حجزنه وكعدنه ننتضر
السره أباوع على البشريه الي مريض والي يبجي وكومه أشخاص والي يشكي والي تتوسل دخلت
للمجمع متسولة حارس المجمع طردها وراحت
الي يشوف الاشخاص هذول يكول ماكو واحد مو مريض
عصرت جف جبل بقوه باوعلي
جبل: ها بابا
عهد: باوع العالم خطيه
جبل: كلشي الله كاتبه الهم وبدل مايكعدون يشكون المفروض يحمدون الله ويشكرونه ويصبرون الله مايخلي حمل مطروح
عهد: هزيت راسي وهو دك تلفونه شفت الاسم أبو الاكبر رفض الاتصال... خطيه جاوبه
جبل: خلي يولي
عهد: هوه شيصير منك
جبل: أبن عمي اني وياه نفس اللواء واكثر من اخوي
عهد: الله يحفظكم
جبل: ويحفظج الي
عهد: شويه وصاح أسمنه السكرتير دخلنه
جبل: السلام عليكم دكتوره
الدكتوره: أهلا وسهلا
عهد: كعدنه جان الدكتوره تكول
الدكتوره: منو المريض
جبل: زوجتي أريد تسويلي اله تحاليل كامله وتااكديلي منهن ومن شنو تعاني وأيضا أريد تتأكدين
من الفيتامينات مالته
الدكتوره: تدللون عيني راح اكتب الكم ورقه تاخذوه للمختبره الي كبال المجمع حتى يسون للبنوته تحاليل كامله وتجيبهن وان شاءلله ماكو الا الخير
جبل: أن شاء الله رحم الله ولديج
عهد: اخذنه الورقه وطلعنه للمجمع دخلنه للمختبر كعدنه شويه وصاحو أسمنه أنطينه الورقه دخلنه أجا ولد يريد يسحب مني دم
جبل: صيح محلله عيني
- تدلل
عهد: راح الولد.. ليش
جبل: اشش
عهد: اجتي بنيه ردت تسحب دم خفت من الابره.. حبابه لاتوجعيني
- ههه لا حبيبتي متتوجعين
عهد: جبل صار أحمر كوه ضام ضحكتنه سحبت الدم مني واني من الوجع والخوف دمعت كامت البنيه
- انتضرو ربع ساعه ويطلع التحليل
جبل: ماشي
عهد: نزلت ردني وطلعت واني امسح بعيوني طلع وراي يمشي كعدت
جبل: زعطوط تخافين
عهد: جبل احنا بمكان عام وعلي اكوم ابجي هسه وافضحك كوه ضامه دموعي
جبل: ههههه ضلي زعطوط تخافين هيه أبره قابل شني
عهد: قلدت بهمس عليه نننن نننن اسكت أنت بلا أحساس طلقه طبت بضهرك ماحسيت
جبل: نجبي قابل اكعد ابجي مثلج الزعطوط
عهد: من حركه كلبي حرت شكله كتله الطنلطل
جبل: كافي مو هسه نتعارك
عهد: سكتت ودرت وجهي منه ضايجه مرت ربع ساعه صاحو أسمه أخذنه التحليل وطلعنه للدكتوره
انتضرنه شويه ودخلنه شافت الاالتحاليل هزت راسه بأسف نعصر كلبي
جبل: بشري دكتوره
- البنوته هواي تاركه نفسه عدها فقر دمم حاد كلش عدها سكر ضروري تضرب اونسوالين كل يوم وعدها
نقص فيتامينات A. D. C. B. E وعدها تحسس بالدم عدها تيفوئيد عدها التهابات ورمل بالكلى
جبل: زين دكتوره قبل فتره صار عدها ضرف وتعرضت لدخان قويي الي درجه خلاها تتقيء دم
وهسه بين فتره والخ يضيق نفسه
-مشكل عدها ربو حياتي انتي عندج ربو ولادي
عهد: كلامها جان صدمه اليه كان خلاه الزمن يوكف عندي صحاني سؤاله رديت برود.. لا
- اذن هذا الربو يروح مع العلاج المستمر بس اذا تركته يجوز يكون اخطر عليه خلي تبتعد عن الخوف
وحرق الاعصاب وأيضا تشرب الماء بكثره وتاكل خضراوات راح اكتب اله أبر تضربهن بالكانونه او
بالعضله بكيفه تلتزم بالعلاج بوقته و تاخذ اونسولين يوميه حتى ينتضم السكر عدها تبتعد عن الحلويات
أو أذا تاكل بس شي قليل الاونسولين ينحفظ بمكان بارد حتى لا يتلف والعلاج أرجع واكد عليه وقت
بوقته من تخلص ترجع تراجعني اسويله فحص
اخر
عهد: صافنه ومنتبه لحجيه خسرت صحتي واهلي وكلشي بعد شخسر نزلت دموعي وكمت لحيلي ماحسيت الا راكبين بالسياره أحس الدنيه نسدت
جبل: يمعوده وين صافنه صار ساعه أحجي
عهد برود: ها
جبل: انزلي خلي نجيب دوه واشدلج كانونه
عهد: نزلت وطبكت الباب لزم أيدي مابادلته انطى ورقه العلاج للصيدلي وبده يحضر الادويه جتي بنية جان تكول
-الابر بالعضله لو كانونه
جبل: كانونه
عهد: جاوب عني لان ماجاوبته اني نطيته أيدي وبدت تسويه الي كملته وشدته أخذ العلاج جبل الي صار 3 علايك صعدت بالسياره صعد وراي جبل
جبل: شبيج يا يابه تره عادي كلهن سهلات ويروحن
عهد برود: السكر ميروح
جبل: يروح اذا ستمريتي بالعلاج
عهد بعصبيه: داكلك ميروححح اكثر من جديتي ماتت والسكر معلك بيه
جبل: لا مجانت تتبع نظام غذائي اني جنت بعيني أشوفه شون تاكل حلى هواي
عهد: جبل خسرت صحتي وخسرت اهلي وكلشي جاي تستوعب لو لا حياتي لهسه اني بحد ذاتي ممستوعبته كرهت نفسي كلششش كرهته اني رب العالمين مايحبني
جبل: اشششس نجبي عهد شنو هلحجي فوك متكولين لحمد لله
عهد: جبل رجعني للبيت
جبل: تؤ خلي اغير جوج أول شي
عهد: سكتت ماجاوبته كرهت نفسي كلش وحسيت رب العالمين كرهني لان شكو مصيبه جتي عليه
قررت بعد ما أصلي ولا أقره قران لان رب العالمين يكرهني ومراح يتقبل مني شي بعد ترعرعت هاي الفكره براسي
فتحت الجامه والهوى يكفخ بوجهي
جبل: لتتمرضين سديه
عهد: التفت عليه برود.. اكثر من هذه الامراض الي صابتني ههه والله بطران... حسييته عصب وكام
يمشي سريع رفع الجامه وحسيت من السرعه كلبي انقبض سكتت وكفنه كبال مجمع ملابس وغراض
نزلت ورجع فتح الباب وهوه يلزم أيدي بقوه منطيني أمل نزلت عبرنه الشارع دخلنه للمجمع
جبل: أشتري ملابس ألج
عهد: ماريد
جبل: ضلين تاخذين من سديم
عهد: مالي واهس
جبل: دخذي يله واني وياج نختار
عهد: أبتسمت بقهر وبدينه نختار ملابس طلعه وبيت من كل شي ياخذ ثنين شفته أخذ أكثر شي تراكات
كملنه الملابس التفت عليه
جبل: تعاي لقسم المكياج
عهد: جبل تره صار هواي
جبل: عادي
عهد: طبينه لقسم المكياج وبديت اختار ويختار ويايه اخذت أشياء والوان هادئه كلش كملنه جان يكول
جبل: نصعد لقسم العطورات والديكور
عهد: جبل شسالفه كومه باوع العلايك
جبل: عهد بربج امشي وسكتي يله واي شي تحبي كولي اريده
عهد: صعدنه فوك لقسم العطور ضل محتار شنو يشتري
جبل: تعاي اختاري عطر
عهد: تقدمت وبدينه نختار جان.. هاذا اطيب وفخم وهادئ بس ثباتيته شكد
-12 ساعه الـ 11 ساعه
عهد: يفيدك؟.
جبل: عجبج مو
عهد: كلش
جبل: هاذا هوه خلي .. بهمس.. وانتِ اختاري الج
عهد: باوعت للعطور النسائي هواي ساعدني
جبل: تعاي
عهد: بين هذا أي وهذا لا أخذنه عطري وطلعنه للقسم الديكور.. لحظه جبل شسوي بقسم الديكور
جبل: اغير غرفتنه من السوده الي غير لون
عهد: لااا حباب كلش عاجبتني
جبل: اي عادي نفس الاوان بس غير تصميم
عهد: واذا ماكو شي يجعب
جبل: عود نبقيه
عهد: طبينه وضلينه نباوع جان يكول جبل
جبل: شوفي هاي
عهد: جننن بس مالتنه احلى
جبل: نجبي وختاري ادري بلعبتج
عهد: سحبت غير دفتر اكلب بي شفت وحده نفس الالوان بس غير تصميم.. شنو رائيك بهاي
جبل: اني عجبتني وانتي
عهد: اني هم
جبل: خوس هسه اتفاهم ويه الولد
عهد: بقو يحجون واخر شي اتفقو الشد مالته باجر
جبل: يله بابا
عهد: نزلنه جوه ودفعنه الحساب خلينه الغراض بالسياره وطلعنه باوعت للساعه 12 ونص... عزههه باوع الوقت
جبل: ليش حسستيني طالعه بسكوت
عهد: ضحكت مشينه واجا بالي سؤال.. اكلك الغراض الي بالجنطه للجانن ويانه وين وديتهن
جبل: لاهلهن
عهد: هنه ملات منو
جبل: أمانات ربعي
عهد: هزيت راسي وكلت الله يرحمهم
جبل: أمين
عهد: مر الوقت وصلنه نزلنه وطببنه الغراض طبيت للغرفه طبيت سبحت وطلعت وهوه طب ورايه شوي
وطلع مبدل كعد على الجربايه وسحت الحاسبه وجاب اوراق هواي وكعد يشتغل عفته وكعدت أعدل
بالغراض الي جبناهن عزلت الملابس وقسمت الكنتور نص الي ونص اله نوب الاحذيه عدلتهن
ملاتي وملاته كمت للمكياج أعدله وارتبه
جبل: لتعبين نفسج باجر تجي لغرفه لجديده وهم تنخبصين خليهن شون ماجان
عهد: لا عادي.. شويه ودك تلفونه
جبل: ها.. مادري تونه جيتنه احنه خلي اسئلها
عهد: التفت عليه وكال
جبل: حمزه يكول تعالو نزلو جوه بالحديقه مسوين سهره
عهد: بكيفك
جبل: جاين
عهد: خليت شال على راسي ونزلنه وكفت بالمطبخ كتله.. اشرب ومي والحكك... هز راسه وراح طلعت
كلاص وكفت كبال البراد جان يجني صوت من خلفي.
يتبع
_______________________________________