بعد أسبوع
في الأسوع هاذا شي مصرا بما إنو داو العطلة نتاع الصيف أسبوع كامل و هي غير في دار حتى نورس متروحلهاش ديسيدات تقطع علاقتها بالكامل مع ولاد عمتها بعد ما إتهمها إلياس بلي هي سباب المشاكل كامل حتى لابيس نتاحها كسرتها و شرات أبيس جديدة
نروحو للغرفة نتاع نيرة
نيرة تحكي مع روحها: إلياس لهدرة الي هدرتهالي تخلصها غالية لوكان نتا عندك كبرياء و كرامتك فوق كلش أنا أكثر منك ... نروح نهبط لتحت حذا ماما و بابا عندي شحال مقعدتش حذاهم
........
مريم : يعني نروح ولا لا يا حسين
حسين: إيه روحي خير من بعد لوكان تجرالو حاجة و مرحتيش تشوفيه قبل ما يموت ضميرك يأنبك
نيرة: شكون الي راح يموت؟؟
حسين: اه هاذا نتي يا بنتي أرواحي درك تحكيلك يماك
مريم: عيطلي منير خالك قالي بابا في أيامو لخرى قالي بلي قالوله الطبة لوكان يزيد يعيش شهر أوخر راو فحل
نيرة: آآآآ
مريم: على هاذي قالي راو حايبك تجي و يطلب منك السماح
نيرة: ونتي راح تروحي
مريم: لازم
نيرة: ماما بلا تمسخير نتي عندك 22 سنة مرحتيلهمش و ذرك جاية تقوليلي لازم نروح
حسين: يا بنتي هاذي مسألة حياة و موت زيد هو راح يطلب منها السماح هكذا هو تاني يرضى عليها نهار اوخر
نيرة: بابا نتا وقيلا نسيت واش عمل فيك هذاك الراجل
نسيت كيفاه مقبلش بزواجكم .. نسيت كيفاه كان يعاير فيك .. نسيت كيفاش هربتو منهم
حسين: يا بنتي هاذي هي الدنيا سعات لازم ننساو بزاف ديال الصوالح
نيرة: باهي أنا تاني نروح معاك يما
تفاجأو في زوج هي من بكري كانت تقول نموت منروحلهاش و لا نشوف واحد فيهم بخلاف خالها منير
مريم: كيفاش .. ماكيش راح تبقي هنا مع باباك ؟؟
نيرة: نن نروح معاك .. قلقت من الدار
مريم: مالا وجدي روحك غدوة نروحو
حسين: انا نروح نطل على عيشة اختي عندي شحال مرحتلهاش
.........
نروحو لجيهة أخرى .. لدار عيشة كانو قاعدين كامل في الصالون (عيشة ، إلياس . حسين ) بخلاف نورس كانت في غرفتها
حسين: هيه ويني نورس علاه ماشي معاكم
عيشة: راهي نهار و طول قاعدة وحدها.. و نيرة وعلاه مبقاتش تطل علينا
حسين: ههه راهي تضل غير تتفرج في المسلسلات و تضحك و تتمسخر بنتي و تعرفيها (هه سيد يمعني على إلياس شغل ماشي سامعة بيك ههه وعلاه تكذب يا حسين وعلاه)
عيشة: هه إيه
حسين: نسيت مقتلكش ... منير خو مريم .عيطلنا قلنا بلي بوه في نهارات اللخرة و يحب مريم تجيه يطلب منها السماح و تفوت معاه العطلة هاذي
عيشة: حاجة مليحة هاذي و مريم راح تروح
حسين: إيه و الحاجة الي حاير فيها نيرة رايحة معاها
عيشة: امبوسيبل تحكي صح
حسين: ولله كيما نقلك
إلياس: عند بالي نيرة تموت و متروحش تما
حسين: لالا راح تروح و تفوت العطلة تما
إلياس: مليح .. هيا انا نخليكم طالع لشمبرتي
.......
إلياس: هههه مالا لالة دير فيها زكارة أه😡 كيفاش تروح لدار متعرف فيها حتى واحد ... و زيد هاذاك خالها كل ميجي لهنا يضل يقلها نخطب لوليدي نخطبك لوليدي👿 واش كون تروح و تلقاه تما و يعجبو بعضاهم 😡 أوووف يا ربي راح نجهل ... كالمي روحك إلياس ديجا أنا واش دخلني فيها حياتها و هي حرة ادير الي بغات 😠
.........
تمهيد للبارت المقبل
غيلاس: صافي 3سنين متلاقيناش على هاذي توحشتنا جيت اطل علينا
إلياس: ولله يا غيلاس مانيش ميت عليك باه نقطع المسافة هاذي كامل غير باه نشوفك
غيلاس: ههه مزلت سامط
.......
غيلاس: علاه راكي تشنفي
نيرة: صاحبك هذا مدخلش لقلبي
الجد: عيب يا نيرة تحكي مع واحد متعرفيهش هكا
نيرة: الي في قلبي على لساني
...........
مريم: الياس واش ادير لهنا ؟؟؟
يتبع .....💙💙💙
نحبكم تفجروها بليجام باه نكمل 🥰❤️