مساء الخير أحبتي
قراءة ممتعه
روايه مأمني من داعش
بقلمي انا زينة سمير
حسابي انستا z49.g
صوت + علق بين الفقرات + احبكم هواي
الدنيا ستدور والمشاهد ستعاد والأدوار ستتبدل وكل ساق سيسقى بما سقى .
______________________________________
عهد: أسم الملف چان أسمه ذكرياتي دخلت وكعدت أتصفح وأشوف صوره من جان صغير وصور أهله
واصدقائه كلبت لكن أستوفقت نضري صوره بنيه
وامه وأم جبل دخلت علي الصوره البنيه يطلع عمره
بدايه العشرين نسخه من والدها وأم جبل تشبه المره كلش الي بالصوره خرجت من الاستوديو
طبيت للمذكره مالته جان عباره عن ملفات عديده أي ملف ادخل الكاه رموز وارقام وكله بأسم ولد
شفت أكو شبكه أنترنيت دخلت لليوتيوب بحثت عن الموصل واحداثها طلعت دخلت للفيديو بلكي أشوف
أهلي طلعو ناس يبجون ونسوان تصيح راحو زلمنه اني هنا بطني وجعتني من الخوف وكمت أتخيل
أشياء ميتحمله العقل هدئت من روحي وغلقت الحسابه بسرعه واني كوه أجر النفس كمت غسلت
وجهي وتوضيت طلعت من الغرفه متجهة لغرفه سديم دكيت الباب
سديم: ياهلا والله
عهد: حبيبي اريد مأزر واريد اتجاه لقبله
سديم: أسم الله شبيج حبيبي أخابر حمزه يجب جبل صاير شي الج
عهد: لا لا ماكو شي بس اريد اصلي وانام
سديم: ماشي حبيبي هسه انطيج
عهد: خوش كلبي.. ثواني ورجعت انطتني اياهن ودلتني على اتجاه القبله اخذتهن متشكره منها
طلعت لغرفتي بسرعه وقفلت الباب فرشت السجاده وكعدت أصلي ماعرف ياصلى حتى مانويت من
الخوف الي بداخلي صليت اكثر من 10 ركع بالي يروح وارجع أستغفر كملت صلاه كعدت ادعي وكلبي
محترك على اخوتي الي مالحكو يشوفون شباباهم ادعي وكلبي يرجف يريد يطلع من صدري حلكي
يبس دموعي تجري واني اذكر الي شفته بالابتوب والي شافته عيني كمت شربت مي وضليت افتر
باوعت الغرفه يحتاج اله تنضيف طبيت لحمام لكيت
معطرات ومعقمات وقطع قماش صغار وكبار وسطل
حجم وسط سحبته وسحبت قطعه قماش جبيره حتى اسمح لارضيه ومعقمات خليتهن بالسطل
وفتحت المي انترس السطل طلعته عصرت الوصله وبدت بالفوحان رائحه المعقمات بلشت من باب
الغرفه مسحت لارضيه وصولاً للحمام انتضرت شويع ينشف ذبيت المي ترسته من جديد وخليت معطر
أرضيات رجعت مسحت مره ثانيه انتضرته ينشف نوب سحبت قطعه قماش زغيره لمسح لاثاث خليت
عليه معقم وطلت مسحت أثاث الغرفه كله شفت اكو معطر جو سحبته ورشيت طبيت للمحام غسلته
ورتبته واخذت هدومنه اني وجبل وخليتهن بعلاكه حتى نذبهن بس طلعت منهن شماغ حسين وغتره
جبل كملت كلشي طلعت من الحمام راح نظري على الفرشه الي صايره الوانه شاحبه من التراب رحت
للكنتور مالته لكيت عده فرشات سحبت وحده أسود مخط بأشكال هندسيه بأبيض باوعت للفرشات كلهن
هيج اعتقد يحب الأشياء الهندسيه هواي شلت الفرشه القديمه وخليت الجديده وسفطت القديمه
كلت من يصيرلي مجال باجر اغسله التفت على المعطر وعطرت الجو من جديد شفت الميز مالته
مخربط كله سحبت الطابوريه وكعدت أسفط الساعات والعطورات والمحابس عنده طلق موكفهن على
صفحه مختلفات لاشكال كملت كلشي كعدت على الجربايه بعد بيش الهي روحي رجع كلبي يرجف
ياربي شون سالفه هاي يعني اني ماصدك خلصت من داعش لافكار تتلاطم بمخي خلتني ارجف وحلكي كام
يطك دم كمت للاكلينس خليته على حلكي محست الدم وشربت مي بساع وضليت ابلل شفتي باوعت ساعه 12 ضبط و جبل ماكو اني ماعبالي هيج يتاخر
طلعت من الغرفه رجت لسديم دكيت لباب عليه
سديم: هلا والله.. بخووف.. خير كلبي شبيج
عهد بدموع: فدوه اريد جبل خابريلي عليه بسرعه
سديم: فوتي حبيبي شجاج أسم الله الرحمن
عهد: لا بس خابريلي عليه او انطيني احجي وياه فدوه
سديم: هسه كلبي ثواني بس اجيب التلفون
عهد: راحت شويه وجتي اتصلت حجت ويه زوجه واننطتي لجهاز سمعته يصيح لجبل شويه واجاني صوته
جبل بخوف: ها بابا شبيج
عهد بكاء : بابا تعال ليش تاخرت
جبل: احد وياج احد ضوجج احجي شبيج
عهد بشهكه: لا محد مسويلي شي بس تعال هسه
جبل: جاي ثواني يمج
عهد: حباب لتتاخر
جبل: لا حبيبي حسبه عشر دقايق
عهد: باي...انطيت لجهاز لسديم.. هاي كلبي شكرا
سديم: كلبي منو وياج ليش هيج خايفه
عهد: لا ماكو شي.. عفته ورجعت للغرفه قفلت الباب وضليت أحسب الدقايق مرت 9 دقايق نفتح قفل
الباب وطب طب جبل وسده بسرعه اجه عليه رحت عليه كمت أبجي هوه رافع أيد وحده وحاضني بقوه
جيل: بابا بنيتي حبيبي بس كليلي شبيج شو باعيلي
عهد بكاء: أخاف
جبل: من شنو ياكلبي هسه مو طلعنه
عهد: خايفه على اخوتي
جبل: ماعليهم شي والله همه سباع يولي لاسبوع الجاي من اداوم ابدي ادور عليهم وانا نطيت معلومات وهواي امور تخصهم للأكبر والكيهم الج
واوديج يمهم ليش هلدموع ياعمري بعدين فوك ماتدعين الهم تفاولين عليهم اني ذاك ليوم شحجيت وياج
عهد: كله من وراك لان رحت وعفتني
جبل: ولله خوش ذبه براسي هوه انتي خريعه
عهد: هااا انة خريعه
جبل: اي نعم
عهد: نعم الله ضلوعك ادبسزز ماحبك
جبل: عادي اني احبج
عهد: مااا حتى انتَ ماخليك تحبني هسه تجي هاي الجنية بس تجي اروح وياها
جبل: نجبي بعدين شطلعج لغرفه سديم شبساع ضربتي وياه ميانه
عهد: ماطلعت بس مرتين
جبل: ماكايله شي واني عبالي بس مره
عهد: صدك انت كايل اله عهد زوجتي
جبل: اي سديم حبابه ومطلع سالفه
عهد: هزيت راسي كعد على الجربايه.. شسمه اكو أكل عزلت ألك
جبل: ليش حبيبي جان ألكتي أني تعشيت ويه جمزه بره
عهد: بالعافيه
جبل: الله يعافيج تعاي ولج هاي شنو لترتيب ابوس هلادينات الحلوات
عهد: شعبالك عيني اني نادره
جبل: صدك نادره انتِ كل أشباهج ألاربعين
عهد.: هههههه دبسزز ليش تخجلني
جبل: امصمص ليخجل
عهد: لاااا جبلللل بربك أسكت... غطيت وجهي وهوه كومني وكعدني على رجله وخر ايدي خله راسه على صدري كلبي كام يدك
جبل: ولججج كلبج راح يطلع ادري خوما خال السيجنه على نحرج
عهد.: يول مو أرتبك منك هيج كلبي يدك سريععع وكبل انعس
جبل: ههههههههههه ولج ديري بالج تحجين هاي السالفه لاحد عيب
عهد: ليش واذا
جبل: عكبه **** عود طلعي كولي للعالم
عهد: ضربته على حلكه.. شونننن بيككك
جبل: نجبي انتَ جفصين بالبطن
عهد: جبل طلكني
جبل: خر*براسج تنازلي عن المقدم والمؤخر ووعود اطلكج
عهد: والله ربع ماتنازل فلوسي اريدهن
جبل: فلوسج مو بكملاتج جبتيهن
عهد: يااااا جبل وينننن بيه كملللل
جبل: لج هذا مثل ياعوبه لامثال تضرب ولا تقاس
عهد: لا انتَ سبيتني هدني جبل خلي اكوم بعد لتحاجيني ويله اطلع بره... جيت تكوم جان يسحبني
خله راسه بصدري يبوس بقوه همست بهدوء... جبل لا هيج أكعُد... ماجان يسمع لاي شي أحجي
رفع راسه لاحتضان شفتي بين شفته بادلته ابتعد انقطاع الهواء عني خليت راسي على كتفه وهمست.. ظلام
جبل: يارعب أسمه
عهد: لتعوفني
جبل: محد يعوف روحه
عهد: غمضت عيني واني مبتسمه رفعت راسي اله.. خلي نام
جبل: يله كومي
عهد: كمت من حضنه كام وياي التفت للفراش
جبل: هاي مجانت موجوده قبل لاطلع
عهد: اي اني فرشته وراك
جبل: ليش تعبتي نفسج ونضفتي
عهد: ردت التهي بأي شي لان الشفته خله شعر راسي يوكف
جبل بأستغراب: شنو شفتي شوكت
عهد: من رحت فتحت لابتوب وكعدت أكلب بي دخلت لليوتيوب وبحثت عن أخبار الموصل
جبل: عهد اني مو كتلج ماريد تفكرين بالمستقبل ليش تعبين روحج
عهد: جبل ماكدر بيه سوله
جبل: امشي نام وباجر أخذج للدكتور حتى لو بليل
عهد.: بس انتَ مو كفيل بيه كافي الظيم الي شفته بسبب..عاط بوجهي
جبل بعصبية: انجبيي لجج انجبييي
عهد: ليش تره هاي الحقيقه
جبل: ويننن الحقيقه بالموضوع شنو مو كفيل بيه غصبا ماعليه وعلى كل واحد أدير بالي عليج أنتي
بنتي الاولى أشيلج مثثل المي الي بالصينيه
عهد: بس هيج راح اتعبك
جبل: كلشي يهون لعيونج باباتي لتفكرين بيوم أنتِ ثكيله على كلبي لا بلعكس أنتِ روح كلبي
عهد: ليش تاخذني للدكتور
جبل: شفتج ماعرف ليش جاي تيبس وهلشي شاعل بالي واريد أسويلج تحايل عامه حتى أتاكد من الفيتامينات وهاي السوالف
عهد بأبسامة: هيج خايف عليه
جبل: فوك متصورين
عهد بخجل: يله أمشي نام
جبل: اغسل واجيج
عهد: طب للحمام غسل وطلع... يله نام خلي اغطيك.. نام ومدلي ايده... أكف أرفع شعري واجي
جبل: لا فلي وتعاي
عهد.: يضوج
جبل: تؤ نجبي
عهد: كعدت كباله فليت شعري باوعت علي.. شوفه طولان هوايه
جبل: هسه أجيبلج أشياء اخلي يسحل وراج
عهد: هههههه اوكي.. متربعه كباله وشعري منثور على كتوفي.. باع خدودك فدوة
جبل: نجبي لج
عهد: خلي جعصهن.. مديت أيدي على خدوده وكعدت أجعصهن حيل وهوه يريد يحجي ميكدر اخر شي لزم كفوف أيدي ثنينهن
جبل: شون بيهن أعضهن هسه خليج تكمزين
عهد: هههههههههههههه لا هههههههه لا حباب
جبل: بوسني وأحلك
عهد: لاصير هههههههه ادبسززز
جبل: ماحلك لعد
عهد: تقربت أبوسه واخرب ضحك خليت شفتي تلامس خده.. بس بس هههههه بستك
جبل: تضحكين عليه هاي بوسه هاي
عهد: مشكلتك حبي يله حلني ههههههه
جبل: ماحلك
عهد: هسه أضحك شبيك ساكت
جبل: انتَ فطيره اني شكو
عهد: مو عجينه كدامك حتى فطيره بعدين شدعوك ثقيل الدم
جبل: ثقيل ولجج كولي ثكيللللل
عهد: اوعع اني نازوكيه
جبل: نهجم بيت النزاكه اذا هيج وبعدين مو أكلج لتكولين اوع وع ويع بيع ميع
عهد: ها سالمين نكلبت خروف
جبل: ولججج ادبسزز
عهد: ماعيده هههههههههه ماعيده والله بس اسكت وحل أيدي
جبل: واذا ماحله شسوين
عهد: او... اقصد هاي مادري
جبل: لا دكوليه
عهد: شنيه
جبل: هيه ناقصه بس حرف كملي حتى اطشر سنونج
عهد: ههاااي متكدر تمد ايدك عليه حوبي
جبل: راح تكضين ليل بلسانج لاعوج انزل انام جوه أشرفلي
عهد: هههههههههههههههههههههههههههه
جبل: عهدد صوتج ولج
عهد: ليش ههههههه
جبل: احسن شعندج ضحكين يله نامي
عهد: مدتت وخليت راسي على بطنه
جبل: كومي نامي مثل لاوادم كومي
عهد: ضليت على كعدتي خليت أيدي على راسي.. جبل
جبل: همم
عهد: ليش مكلت لاهلك اني مرتك
جبل: كلشي بوقته حلو من اكول الهم هسه راح ينصدمون اني لهسه محاجي التفاصيل الهم فقط جنه يم داعش وجينه منو هاي الي وياك مالكم دخل
عهد بشرود : تتوقع يتقبلوني بينكم
جبل: انتِ زوجتي مو زوجتهم يقبلون أو لا الباب يوسع جمل البيت بيتي وهمه لكاعدين بي
عهد: ظلام
جبل: يارعب أسمه
عهد: أذا خيروك بيني وبينهم شتختار
جبل: عهد بعدج ماتعرفين حياتي والي مريت بي ومتعرفين كلمتي بالبيت شنو كلهم تدري بيه ماحب
أحد يدخل بشي يخصني واسوي لي براسي ومن اكول لا يعني هاهيه الموضوع صار من المنسيات
عهد: خايفه التفكير ينهش عقلي جاي تصور الي أشياء ماكو بالحسبان تعبت ظلام... نزلت دمعه تائه مني توصف شعوري الغريب الي أجتاحني
جبل: عهد لا تفكرين كلشي راح يكون بخير وترجع للحياه نفسه
عهد: أحس نفسي مختنكه
جبل: كومي وياي
عهد: وين
جبل: كوفي ماعليج
عهد: ماعندي شال
جبل: كله نامت امشي مو بعيد
عهد: طلعنه وانا شعري عينن مخبله منفوش قفل غرفته ستتغربت من حركته بس موقت أساله نزلنه من الدرج سريع فتح باب الممر
لزم أيدي وطلعنه للحديقه لامست قدمي لارض البارده احس روحي خضرت مثل الخضار الي لامسته
عيني ضلينه نمشي طلعنه من الباب الي فتنه من ستغربت... ظلام وين رايحين
ظلام:اشش مكان حلو
عهد: سكتت واني أشوف الهدوء ولاضويه الخافته الهواء الي يلعب بشعري جبل الي يمشي بعد خطوتين مني وعيوني تلاحقه شابك أيدي بأيده
وصلنه باب جبير طلع مفتاح وفتحه وطبينه بمكان خضار كلش حلووو وجبير وبنهايته أكو بنايات صغيره أتجهنة بأتجاهن وكف وفتح باب اخر
أرتفعت رأوس الخيول الي خلاني اكمز من الفرح
جبل: ولج لا تتهريفين
عهد: ولككك احبهننننن خلي نفوت
جبل: تعاي دشوفج شي
عهد: سحبني وطب لاخر لاسطبل الخيول المجوده كله تسوي حركات حسيته فرحانه بجيه جبل وكفنه كدام فرس أسود فحمي جان شكله هيبه كلش... هذا مالتك صح
جبل: اي
عهد: نصدمت من شفت الفرس خله راسه على كتف جبل وصدر منه صوت خفيف وجبل يتجاوب وياه
جبل: حبيبي رجعتلك ورجع كلشي لا تزعل اني أحبك
عهد: حسيته كأنو يقنع بطفل أقترب مني الفرس خفت ورجعت لوره
جبل: شوف هاي حبيبتي وزوجتي لتاذيه يله خليه تلزمك
عهد: سحب أيدي جبل وخلاه على وجهة والفرس غمض عينه حسيت كيمياء صارت بيناتنه حل ايدي
جبل لزمت الفرس باديه ثنين شفت شعره النازل لزمت حجيه موجه كلامي للفرس كأنو بشر ويفهم..
شوف اني وجبل جنه مانطيق بعض أكره بس هوه ميكرهني ف باوع خلي نتفق اني وياك نحب بعض
لان اني احب الخيول ف انته هم حبني خوش تحبني احبك تكرهني احبك
جبل:هههههههههههه مو جن هذا كلامي
عهد: أششش يول اني وياك واحد بعدين شكد صارله عندك أحسه يفهمك
جبل: جان صغير من جبته
عهد: عمرييي وكبرته على أيدك
جبل: أحب أتعب بالشي حتى ماضيعه من أيدي
عهد: أريد أركبه
جبل: من يصير كتفي زين حتى اعلمج عليه
عهد: احس كلبي راح يطير فرح
جبل: يدومها بابا
عهد: نزلت أيدي والتفت عليه... احسك صرت ابوي بكثر ماتكوله الي تدري من تحجيه مو فقط أربع حروف وتنطقه لا بيه كميه ماشاعر كميه حنين
جبل: أحبج ياشراره كلبي
عهد: حضنته واني أكول أحبك ياعوض تعبي... سكتت شويه وهمست.. أحب حضنك
جبل: ليش
عهد: يشبه حضن أبوي أحب حضنك لان حماني من حرب داعش وحرب الخوف والرعب
جبل: لو بيدي أضمج من الدنيه كله بداخل كلبي وأقفل عليه أني أغار عليج من نفسج أحبج هواي عهدي لابدي
عهد: أبتعدنه وهمهمنه بالرحيل من المكان طلعت وكف جبل لازم كفي حسيت بهاي اللحظه أن أبوي
ماخلاني يمه عن عبث أو لانه تعب من مسؤليتي
خلاني يمه لانهُ رجال وفعلا كد الامانه أيقنت أنو أنه
حبيت شخص مستعد يضحي بكلشي عنده علمود يرضيني وهذا الشي أعتبره عوض عن الي صارلي
طلعنه من المكان وكمنه نمششي الشارع.. جبل
جبل: ياأمه وأبو ياشراره كلبه
عهد: ليش المكان هادئ وليش تصميم البيوت هيج أحس هلشي غريب
جبل: هذول الي هنا كلهم عمامي ولد عمامي وهذا المكان هوه دونم مساحته بلالف جدي بعد وفاته
قسمو الورث ف أتفقو عمامي وابوي وياهم يشترون دونم جبيرر ويسكنون كلهم بي الله بارك
بالفلوس وحتى لاحفاد الي همه أحنا حصلنه بيوت
المكان الي طبينه اله قبل شويه هذا لحمزه واني البيت مالتي كاعدين بي حصلته منهم
عهد: بس مو كأن بيتك أكبر گل البيوت
جبل: اي صح لان أبن عمي راد يبيع بيته فأني شتريته ورتبته وصار هيج هسه الحديقه هيه بيت
ابن عمي والبيت الي
عهد:حلووو زين ليش مخلين حارس على البواوبه
جبل: شي أكيد ثنين هم مو واحد واحد بره واحد جوه اني جنت مخلي حمايه كامله لان نص ولد
عمامنه ضباط وتهديدات علينه متواصله اكيد لازم نامن عوائلنه ونفصلهم عن مهنتنه بس هسه شايليهم
عهد: ليش تهديدات يعني موت
جبل: ميسون شي كلهم بزمخه يسكتون
عهد: وكفت يمكاني.. جبل بس اني أخاف عليك
جبل: ماكو شي الحمايه راح أرجعه يله أمشي تاخر الوكت
عهد: سحبني ومشينه الشارع نضيف كلش يجنن طبينه للبيت من جهة الحديقه وكف جبل يم ورد
أحمر قطع وحده وخلاه وره أذني وباسني بخشمي أبتسمت وكملنه مشي طبينه لبيت من باب المطبخ
شفنه هدى وملاك خواته كاعدات ياكلن
جبل: واني عبالي بطلن أكل ليل
ملاك: لا يابه شنبطل غير هوه الروح والريه
جبل: بلعافيه
عهد: راح جبل ديشرب مي من البراد وبقت عيون هدى تراقبني رفعت اله حاجبي وهزيت راسي اله بمعنى شكو التفت على جبل
هدى: وين جنتو
عهد: شرب مي وجاوبه
جبل بنرفزه: من شوكت سألوني وين رحت وين جيت
هدى بأرتباك: هاا لا هيج بس حبيت اعرف فضول ههه تعرف
جبل: خوش يله بابا عهد
عهد: طلع كدامي وهدى أكلتني بعيونه كله فضول حتى تعرف صعدت وراه طبيت طبك الباب وقفله
جبل: بابا ماكدر أنزع البدي ساعديني
عهد: تدلل رحت عليه ساعدته أتجهة للسرير حتى ينام... كلت بصدمه... تنام بدون هدوم
جبل: أختنك بيهن يله أنتي هم تعاي نامي كافي هواي حجينه ليوم
عهد: رتبكت بس سحبني ونام تغطيت وغطيته وياي
عصرني بحضنه دفنت راسي بركبته ونمت ماحسيت الا على......
______________________________________
هلو حبايب گلبي
شلوونكم
تعبت بالبارت كلش لان بي تفاصيل هواي أحبكم هواي تفاعلو يله طلعون
لنا لقاء أخر بأذن السميع العليم
الى ذلك الوقت استودكم الله الذي لاتضيع ودائعه
♥♥♥♥♥♥🍓🍇🦚.