مساء الفل
ببارتين القصة وصلت ١١ الف مشاهده
وهذا بارت الهدية اذا وصلت بهذا البارت اكثر من ١٥ الف نسوي النشر بين يوم ويوم
لا تنسون التصويت و التفاعل على قدر حبكم للقصة 😍😍😍😍
قرأة ممتعه
ملاحطة القصة حقيقية وابطالهم وياكم يعلقون
وان شاء الله تلتمسون الحقيقة بين السطور
ولو انا عاذرتكم انا و شفت ادله ومنصدمة
#معتقل_الصحراء ٣
#بقلم ام مختار
#دنيا غانم
مناسك _ اصبري اصبري تعاي هنا مدي رجليج
هدير _ اني اني افوز
لارا _لاااا لا تغشين
هاله _ماما مناسك فدوه العينج خليها تفوز مو شلعته الگلبي ودا اريد اخبز قبل ما يجي ابوج
مناسك _اي ماما حاضر
ظليت اغني الاغنيه بداخلي واشوف منو الي يفوز انتبهت هدير اختي الصغيرونه هيه الي تفوز غنيتها بصوت عالي و اني اطبطب على رجلينه
(گعده على الشط گعده تمشط اجاها ابوها گللها گومي
گلتله ماگوم ) هههههه يلا هدوره شيلي رجلج
_مو گلت اني اني افوززز اني شاطره
لارا _امي اصلاََ گلتلها تخليج تفوزين حتى لا تبجين
مناسك _ صرخت هدير صدووووگ امي هيج گلتلج يوووم
مناسك _لا لارا تضحك عليج انتِ شاطره وانتِ الي فزتي خزرت لارا
لارا _هذااا غش اني ما اريد زعلت
مناسك _ثنينكم شاطرات شوفي مدا اغش هسا نشوف منو يفوز
هدير _ طلعت الساني على لارا اني شاطره انتِ لا يلا كملي مسك
مناسك _كملت ولارا هنوب زعلت من فازت هدير
رجعت فوزتها دخل ابوي اني بسرعة گومتهن روحن للشارع طلعن هسا اجي
_امج وين
_جاي تخبز هسا اصيحلها
_لا صيحيلها صبيلي زقنبوت
_ ركضت للمطبخ على سريع حميت الاكل و صبيتله خليتله خضره واسمعه يصيح
حميد _جيبي الاكل للطرمة من كون طرش ماسمعتي بت هاله
هاله _اجه ابوج
_اي خلي اوديله الاكل لا يعصب
هاله _يلا روحي على سريع
مناسك _ركضت خليت الاكل و بيبيتي گاعده يمه
طلعت امي
هاله _الله يساعدك
حميد _الله لا عرفج كون
فطيم _ عليمن جايه مبتسمه و الله يساعدك دردي الغرفتج يالططوه
هاله _شبيج عمه اجيت اسلم على رجلي
فطيم _من كون عمى اسود صابج
حميد _دخلي بت الفكر دخلي وانتِ گومي شوفي خواتج وين وراحن
مناسك _مديت راسي من الباب گاعدات يلعبن بقباقت الببسي يكلبن بيهن طلعت العب وياهن بعدني بعمرهن بحلهن اطرب على اللعب بس الي صار ويانه يخلينه نكبر قبل اجسادنه و اعمارنه شاخت ارواحنه اگلب بالبطاله وازعل لو خسرت وافوز واعيب عليهن لو فزت مثلي مثلهن
هدير _هااا ندخل
_اشرتلها براسي لا
لارا _زاد من اكله
_ رجعت يم الباب باوعت الابوي و باوعتلها لا ما زاد
حميد _ شجاي تسوين كتلج شوفيهن مو تعرضين روحج بالشارع
_لا يابه شفتهن هياتني اجيت بس هدير تگلي اطب گتلها لا
حميد _لحد تدخل اريد انام وارتاح
مناسك _اباوعله يكمش الخضرا ويدخلها بحلگه
صحن التمن يسوي لگمتين رغم طريقة اكله تلعب الروح بس تشهي تشهي الجوعان الي بس متريگ من الصبح الهسا ولازم ننتظر الاكل الي يزيد منه اذا زاد اني وخواتي ناكله واذا ما زاد ننتظر العشا واذا ماكو عشا امي تنومنه من وكت حتى لا ندوخها من الجوع
سند امه بأيده ودخل للغرفه
بيتنه عباره عن غرفه هيه غرفه وهيه مطبخ وبنهايتها الحمام المشترك الحمام نگدر نفوتله من باب الغرفه ومن الترك والطرمة تراب عنده فلوس مو ما عنده بس هو ما يقبل ولا يريد يسوي شي عكس عمامي
سائد _ اطربيني بعد
_و لو اجه ابوي من الشغل علمود يرتاح هو يدخل ينام بالغرفه واحنه يعوفنه بالطرمة كون ومحد من عدنه تحوس اذا نحوس لو نزعجة يسگطنه من الضرب كلشي بمتناول ايده يضربنه بي
شغل المبرده و سد الباب على النص علمود تتهوه المبرده وما اظل تذب بوخة
مدت هدير راسها من الباب تأشرلي ندخل لو لا
مناسك _نام باوعتلهن وانا مكسوره خاطري على نفسي قبلهن
هدير _يعني راح انظل بالشارع الحد ما يگعد و الله حاره
هاله _تعاي غسلي و طلعي
لارا _زاد اكل اني جوعانه يوم
مناسك _ اباوع الامي الحيره مربطتها
جاوبتهن اني اي تعاي سبحي هماتين و تعالو اكلو
هاله _ لو مسويتلهن دولكة لبن و خبز وشوي اكو تمرات ياكلن
مناسك _التمر بيبي اكلته ونسيت اسويلهن لبن هسا بس يگعدون اسويلهن
مناسك _بطني طلعت اصوات الجوع يوميا هيج وكت يشتد الجوع شوي شوي الحد العصر من الجوع اشبع وبطني تتعود
هاله _ جان طلعتي الخبز من الغرفة حتى ناكل
_ والله ما ادري التهيت وي ابوي و نسيت اطلعلنه شي
مناسك _نبقى ساعتين تلاثه اربعه خمسه بالحر الحد ما يگعد نتگله تگلي
ساعات من گد ما الحر قوي ويشتد امي ادخلنه للحمام اني وياها بملابسنه الداخليه وخواتي تصلخهن وتشغل الماطور تترس السطل و الطاسه وتسده حتى لا يفز على صوته ويظل يصيح
وتظل اذب علينه ماي شوي شوي كل وحده الها طاسه بالسره نتونس هيه ويانه هم تضحك وتناغي خواتي ولو صفنت اذكرت خواتي المزوجات
هاله _ما ادري زينات لا ماكلات شاربات لابسات
مناسك _هسا لو يمج جان شفتي هذا كله بعيونج وتموتين قهر بالزايد گولي الحمد لله مزوجات على الاقل عدهن رجال يصرف عليهن ما ميتات جووع
هاله _مشتاقتلهن
مناسك _ ما بيدي شي عليها بس انقهر عليها ووياها ونسكت لأن احنه تعلمنه السكوت بسببه من جبروته وطغيانه
_امج شلونها احجيلي عنها شكلها عمرها
امي حلوه تخبل العيون سود كبار
و الحلگه هلگدوته عبالك فراولايه
و الخدود تفاحات
بس ذبلن من الحر والشمس و التنور
أشفايفها مگشره
و الخدود أمشگه و العيون تعبانات والايدين متهالكه من الشغل
سائد _وليش هيج يسوي بيكم يعني اكو واحد ما يحب اولاده اني اذا يصير عندي طفل يمكن اضمه بين ثنايا گلبي
مناسك_ من حجة تحسر
ابوي ما يعرف يحب
سائد _ماكو انسان ما يحب اولاده
رغم اني الانسان الوحيد الي لازم اگول عكس هيج
بس بعدني اگول ماكو انسان ما يحب اولاده
مناسك _يجوز لأن احنه مو اولاد اقصد ذكور
احنه سبع بنات
حميد _ مناسسسسك
هاله _گومي ابووج ركضييي
مناسك _ها يابه
_سويلنه جاي اني وبيبيتج وخلي خواتج هسا يدخلن گعدنه
مناسك _ بدون ما اصيحلهن هنه دخلن بعد ما انسحنت روحهن من الحر گعدن گبال المبرده مو لابسات ثوب طويل المبرده تطير ثوبهن ويضحكن ومن التعب ورغم الهوسه الي من حواليهن اصوات و صريخ بيبي و طكطكة المواعين وهنه يرحن بسابع نومة
هاله _ حميد نگعت اللبلبي بس صودا ما عندي
حميد _ ليش مو جبت قبل شهر وين وديتيهااا شنو تاكلوها طركاعة انتِ وبناتج طررركاعة
هاله _لا بس هو جيس هلكدوته مو زين من كفاك هاي المده كلها
فطيم _اخخخ صدگ لو گالو
بيهن تضبه ضب العگال و بيهن تجيب الفكر لو طارر
سائد _ وليش امج ساكتة على هاي الاهانه
مناسك _لأن امي عدها ست خوات وهيه السابعة
ابوها مو مثل ابوي يحبها وحنين بس هم ما يتحمل هيه تزعل لو تروحلهم جنه نروح البيت جدي بس بالاعياد و المناسبات او كل جم شهر نروح للعصر او نبات ليلة ونرجع لأن جدو ميتحمل الهوسه بس
جنت كلش احب اروح البيت جدي هواي هواااي
سائد _ليش
مناسك _ يمه اني لبستها هاي عبايتج عندي
يلا فدوه لا تأخرينه اريد نطلع على السريع
فطيم _ هسا عليمن مستعجله شو هيه ساعتين
وجدج يكلجن يلا الله وياجن منو يتحملجن غير حميد سوده عليه صدگ لو گالو هم البنات للممات
هدير _ بس بيبي احسن منج تنطينه حلويات
هاله _اششش عيب يلا يلا خلونه نطلع
مناسك _جنت احب اروح البيت جدي لأن بيبي عدها محل وتنطيني حلويات جنه بس من نروحلها ناكل الحلويات
جدو حنين بس هو ما يتحملنه
احنه ٧ ومن غير ولد ابنه و من غير اذا اجت وحده من خالاتي هوسه تضير جنه نروح يوم بالزايد و امي ترجعنه وهو ينطيها الكروه لأن لو نظل على ابوي يخلينه طول العمر يمهم اصلا ما يسأل علينه بعد
سائد _ وبعدين
_بعدها نرجع البيتنه نلگه الجحيم فطيم وابوي
فطيم تكره المره العدها بنات لو شافت امي گالت سوده عليه حميد ما جابتلك هاي الولد وخلتك تشيم كدام الناسس
اخ يا يمه يا حميد صدگ لو گالو الولد لو رباه ابو مثل الاسد لو شيموه وانت ربيتلك سبع علل تاليهن يرحن للوجال وينكرن تعبك
التعب الي ما شايفي
سائد _ ابوج ما زوج على امج وخلص هذا النزاع وجاب الولد
_راد وراح گال البيت جدي اني اريد ازوج اذا تردوها اخذوها
جدي كله بتي الي وبناتك الك واحنه سبعة امي ما تقبل تتركنه گلتله روح تزوج واني يم بناتي ابقى كلشي ما اريد منك
حميد _ يمه روحي خطبيلي عواطف خوش بنيه وشكلها تجيب الولد الي
راحت فطيم وهيه رافعة الخشم برغم الفكر الكاتلهم خطبت بس عواطف بنية خير و بت اصل كلتله فوگ ما ظالم هاله بعد اني اجي واظلمها
ولو اجيت وين تحطني بالغرفة البيها ١٠ انفار
روح الله يسهل امرك بعيد عني
رفضت عواطف رفض قاطع ابوي من رفضته رجع ابوي كتل امي ونومها بيومها بالطرمة بعد ما صلخ جلدها عن جسمها وطبع الحذاء على جسمها وما دافعت عن روحها ولا رفعت ايد بس ححتلها كلمتين
هاله _واني شلي دخل هيه رفضت
_انتِ رحتيلها وكتيلها ترفض انا ادري بيج
هاله _والله ولا رحت وولا اروح عسا ما تزوج عشره بعد مالي دخل
فطيم _جذابه اني شفتها العصر لبست عباتها ومدري وين صختم ولت اكيد راحت العواطف
_رحت الام جعفر كلت بلكت الله تريد اخبزلها و اليطلع منها البناتي وبهيج استمر الجدال والضرب كدامنه
سائد _ زين انتِ تگولين احنه سبع بنات ذكرتي لارا وهدير بس الباقيات وين؟
_الاولى حنين
و بعدها ساره
و سهاد
و وهناء
وانا
و لارا
وهدير
سائد _ وشلون عايشات
_ابوي زوج حنين وهيه بت ال ١٣ سنه
وخطيه حنين جانت من الضرب التاكله بسبب ابوي جان عدها حاله بالليل يصير عدها تبول لا اردي وتزوجت وهيه تبجي بليلة العرس كلتله هسا يرجعوني بس يشوفني هيج
_وشصار
_ بعد ما شفناها ابد اني هذا الحجي ما اذكره امي من كبرنه حجته النه
سائد _وليش ما شفتوها يعني سافرت لو زوجت بغير محافظه
_ابوي شرطه الوحيد الياخذ بنته بعد ما توصل باب البيت اذا وصلت يطلكها
بس هو من خطبها يعني عن طريق الجوارين امي ظلت تروح الاقاربه وتسأل عنها يگولون كلش زينه و زوجها زين وياها
_ليش امج ما راحت الها تأجر تكسي وتروح صعبه
_ ما تسويها امي تخاف فد مره شفنه اختي سهاد بالسوگ امي من بعيد سلمت عليها ودارت وجهه بقيت ابجي كتلها خلي نروح الها كالت ابوج يطلكها
_ وخلي تطلك وترجع
_امي جانت هيه ادور على عرسان النه حتى تخلصنه من الجحيم على گولتها مو اطلكهن
_وخلصتج؟
_لا اني ابويه جابلي حاتم
سائد _تركي هسا حاتم رجعيلنه على حياتكم
جنت انتظر منها ولو زله ولو ضعف حوار ولو عدم رد او تأخير رد على شي
الي يفبرك الكلام مستحيل يكون مثلها متمكن من القصة الي حجتها او ع الاقل يتأخر بأجابه الحد ما يرتب الاحداث بس هيه جانت تحجي وتعرف شنوو تحجي
_شنو تريد تعرف
_حجيلي من تگعدون من النوم الحد ما تنامون
زواج خواتج شنو صار كلشي
_ بعد ما ازوجت حنين فرحنه لأن قل العدد علي البطانيه جنه كلنه ببطانيتين سبعتنه
بحيث اذا حصلت وصله من البطانيه تحمد الله وتشكره وجنه من المغرب نتعارك على عباية امي المهزله اليحصلها ملك يتغطا بيها
بس بالشتا ما تفيدعباية امي تموووت من البرد انظل نطك سن بسن
_ليش ما عدكم صوبه ع الاقل لو هم ما جايبلكم صوبه
لا عدنه صوبه نفطيه ويخليها يمه ويم بيبي بس جان والشباك ما بي جام و بي فتحة جبيره مالت المبرده هاي صيف شتا اذب سموم وثلج
بالشتا الصوبه يمه مالت علاء الدين واحنه نموووت برد الغرفه جبيره و شباجها يذب برررد
ازرررگ هو يدفه وينام بهني واني وخواتي وحده اظل تلوذ بالخ حتى ندفه
_يعني ما تعرفون تحطون برده
_لا حاطين برده وكراتين بس هو الجام و ما يعزل
لأن ما يشدون الشباك بتحكم مو هنوب بدون جام وكراتين
_يعني ابوج جان اهم شي روحة
_ ما جاوبت كملت حجيي اريده يلتمس الاجابه من كلاكي جنه من نخلي الريوگ يروح يجيب الريوگ يجيب كل الي يشتهي تذكر الطوس الصفر اليحطون بيهن روب منشف لو روب لو كوس الگيمر
_لا ما اعرفهن هذني انتو تاكلون بيهن اني ما اعرفهن انا كبرت بعائلة طاكة تحبني هههههه حبتني الحد ما كبرتني
_اي المهم جان يروح يشتري تخلي امي الصينيه احنه نبقى نباوع حتى امي ويانه
يتريگ هو وامه من يخلص يگول تعالن تريگن
اذا نلگه من الجايبه خير على خير واذا ما نلگه
ننتظر الغدا الي هيه فضلاته ولو نعمة الله ما يصير نگول عليها فضلات بس هو نلم الواگع من الصحن والبواقي من اكله واكل بيبي فطيم
_ ما جنتو تگلوله ليش ما ناكل وياك
هدير لو لارا يكلوله اريد نتريگ وياكم جان يگول
الاسد محد ياكل ويا من يخلص تاكلون الباقي منه.
سائد _هااااا هذا هيج نظامه
_اي جانت ام الحصة خوش مرأه من تروح امي تجيب الطحين لو الشكر جان بالحصه اكو جبن وبسكت جبن مثلثات و بسكت وفتره من الفترات معلبات هم امي اضمهن عنه حتى لا ياكلهن وتنطيهن الهدير و الارا والله جانت ورا البيت اكو انقاض بناء ورمل و التنور امي خالته تحطهن وره الانقاض ياكلن لأن بس هو يشوفهن ياخذهن منهن لو بيبي تشوفهن ياكلن تگله ويكتل امي يموتها كتل
سائد _ من وصلت يم خواتها وكتلهن ظلت تحجي وتبجي تشهگ ما يأثرن بيه هاي الدموع بس يثيرن فضولي اريد اسمع بعد شنو صار ليش هيج ليش ابوها هيج
اي شلون طيبه هاي ام الحصه تبين خوش مرأه
_ كلش خوش انسانه جانت تدري امي عدها هواي بنات وامي دائماََ توصيها لو سمعتي ولد يريد يزوج لا تنسين بناتي يعني من باب امي تشكيلها على وضعنه و اسلوب امي حلو وي كل الجوارين گامت ام الحصه خطبت سهاد الابن اختها
_ بيومها بكد ما فرحنه متنه بجي على ساره اختي الاكبر
سائد _مددت روحها وتجت راسها على الحايط و ابتسمت
ليش شصار
_ساره بقت تبجي ليش خطبو سهاد وما خطبوني يعني اني مو حلوه يعني راح ابقى طول العمر يم ابوي يعني اني راح اعنس
سائدد_ وبعدين شنو صار
_بعدين ازوجت سهاد وشرط ابوي على زوجها نفس شرطه على زوج حنين ما تجيلنه ولا توكف يم الباب
الدرجة منع امي تروح تجيب الحصة وبقى هو يجيبها ومن يجيب البسكت ياكله هو وامه وهدير ولارا كباله يموتن روحهن من البجي ما ينطيهن بسكتايه
سائد _ ابوج خايس معفن
هذا لو ابوي اسگطه من الكت.....
كملي تفاعلت زياده تحمليني
مناسك_ يتحسر من يحجي هواي يتحسر بحيث من طد ما قويه حسرته انسه اني وين وصلت وشنو حجيت يظل بالي يمه
سائد _ كملي وبعدين شنو صار احجيلي عن فطيم شنو دورها ما عدها اولاد يخلصوكم منها
سكتت ما وصلني ردها باوعتلها نايمه
تقربت منها اباوع الملامحها هيه بيضه
بس وجهة تعبان انطيها ٢٥ سنه اكثر ما يبين هيه ٢٠
بشرتها تعبانه اعظام جسمها ظاهره بحده
النگره الي برگبتها واضحات وضوح الشمس
عروگ ايديها باينه عروگ وجهة هماتين شعرها طويل بس مو حلو ما بي اي حيويه شفايفها حلوات يمكن مثل شفايف امها تلمستهن بطرف الابهام ما تجذب بس من تقربتلها حسيت روحي نجرفت وي روحها بس من وعيت لااا تندمت لأن ما بيها شي يجذب بس احنه حياتنه صارت نسوان ومهمات و حبيسي هذا السجن مهما تعلى درجة الرفاهيه مدام مغلق اذن سجن
ظليت افكر هيه صدگ بنيه لو هاي دوره بس لو دوره جان لبست صخام شي
اشوفها ما لابسه غير السروال
بس مستحيل بنيه ويخلوها تدخل هنا مستحيل
خويت من التفكير نمت اقل الساعتين وفزيت على صوت الصفاره باوعت رأساََ الضوه الاخضر باوعتلها نايمه وراسها على الباب گمتلها دفرتها يلااا كافي نوم
_بس شوي شوي
_گوووومي ماكو واحد ينام بعد اكثر
رفعتها من بلوزتها ونت بألم
شبيج
_جتفي يوجعني
_شبي جتفج ليش هيج لونه وشنو صار
_ خلوني معلگه ليله كامله ومن نزلوني جرني حيل وهيه مجلبة ونخلعت
_توجعج يعني من تتحركين بيها
_من الزگها بجسمي ارتاح بس من احركها توجعني
_يللاا نفتحت البوابة اوكفي عدل
مناسك _ حجيت ويا ردته يستعطف حالتي جتفي حيل يوجعني بس اظاهر هذولي الجلاوزه بعد اتعس وكفنه بمكاناتنه البيبان ينتظروها
تنفتح ولازم هو يأمرهم
الاء _صباح الخير
_صباح النور
الاء _اتصال جاي الجاهد
مناسك _من سمع اتصال ركض ع سريع
الاء _اأمرني سيدي
_شنو شصاير شيردون من جاهد
_عدهم شغله ويا
الريس خابر يگول صار الي تريده
مناسك _احنه بس نسمع ما نفهم
سائد _وصلي سلامي
_يوصل
سائد _جريتها وياي للحمام بس احنه دخلنه
يلاا نزعي مو تستشرفين براسي وتگولين ما انزع لو هم گدامي ما تنزعين
مناسك _ اسبح واني وراك
نزلني ودفعني على بوري المي ولزمني من رگبتي خنگني ذبي ملابسج احسن ما اذبج هسا بالانفرادددديه لا تجبريني اسوي الشي الي اريده لأن اذا طكت الجوزه اخلعلج كتفج الثاني
مناسك _من بعد عني سوه بشفته مثل صوت الكسر طق يقصد بيها يكسرلي ايدي
رفعت التشيرت ووي كل لحضه واني اذب تشيرتي اذكر الضابط شجاع
نزعت سروالي باوعت الجسمي يتفحصني
سائد _نزعت ملابسها جسمها بشع الى ابعد حد
رجليها عباره عن هيكل بس واگف ماكو اثاره بالموضوع بطنها لزگه وي ظهرها حتى عظام الحوض واضحة
صدر ماكو من وره الملابس ستر الله علي حمالة الصدر والا اي صدر ماكو
مناسك _من ذبيت ملابس هوع دنگت اني هو سبح و اني هم سبحت حساس انتِ عريانه گدام القاصي و الداني ومهما تكون بشاعة جسمج احسها تاكل بروحي اني صح يمكن مو قريبه الرب العالمين بس الانسان يولد على فطره وهاي من ضمن الفطره احنه مسلمين جسمنه ما يصير يشوفه احد بس احنه العكس جسمنه ما بقه الا قلة قليلة ما شافته خلصنه رحت الغرفة الملابس
الاء _اي هيج اريدج ارضي وتونسي ويا فيدي وستفادي وفيدينه
_اريد بجامة اصغر من هاي جاي يوگعن
_هاج هاي ضبيها على جسمج حيل هسا متوگع
لبست ومشطت وطلعت الغرفة الاكل گعدت بمكان البنات طلبلي اكل هواي
سائد _اذا ما كملت كل الاكل الموجود ودوها للانفراديه خلصو وتعالو الصالة الرياضه
مناسك _ الكمية هواي الدرجة اريد استفرغ احنه بعد حملة التجويع الي شنوها علينه ما ظلت معدتي تستقبل كمية اكل جبيره َبس اكل تلعب روحي ظليت اكل جبر والحارس واگف فوگ راسي البنات كلها طلعت واني ما جاي اكدر اتحمل
باوعتله _بعد ما اكدر
رأساََ رفع اللاسلكي وصاح الاء
مناسك _لحضات واجتي
الاء _شكو ما تعرفين الا تحجين كملي صحنج وتعاي الغرفة الرياضه
_ ما اكدر الاء و الله فدوه يمته يخلص هذا السبوع
_بعدلكم ٣ ايام والرابع نطلع اذا ما ختاروج
_فدوه اريد اطلع ما اريد ما اريدد اكل ما اكدر
الاء _گومي اكله ما كملتيها الانفراديه احسلج انتِ مو ادميه مو مال واحد يوكلج ولو اشك اليوم هو اصلاََ يگلبج بعد
مناسك _ غسلت وطلعنه الصالة الرياضه صاله جبيره وكلشي متوفر بيها وهمه يلعبون واحنه نباوع
مياسين _تقربت الها دباعي ال.... متونسين على الاخر و احنه المغضوب عليهم
مو جانوا ياكلون و يخلونه نشوفهم ويلحس عظم الدجاجة ويذبها الي ويگلي اذا تردين اكليها يوم يومين بدون اكل وتتكرر الحاله كدامي مضطره اخذها واكلها
مو همه يسبحون واحنه نخيس اشهررر الحد ما نسويلهم اليردو وبعدين يسبحونه
مو همه تجيهم الترقية ونيل الشرف و زياده الراتب واحنه خالينه عبيد الهم
مناسك _ ما فرقت مياسين اذا شفتي هذا كله ليش مستغربه
مياسين _شفت اكثر بس كل ما اشوف اتفاجىء وانقهر لأن بعد الصارلي بقيت افكر ماكو احد بالسجن مرتاح بس هذول بالسجون و عايشين عيشة ملوك
_وراهم ايدين طويله تجيبلهم اليردو
_احنه هم ورانه ايدين طويله بس حاطينها......
مناسك _تحجي بما يتناوله عظم لسانها شايله المستحى انتبهت حجيها مثل حجي المحققين الي حققو ويايه
واني اسولف وياها نفتح الباب
بنيه ما اعرف شنو اوصفها من الجمال
شنو اگول عن اللبس الي لابسته
شنو احجي عن الشعر والمكياج احنه البنات بقينه فاهين بجمالها صفرتله هو رأساََ دارلها
صليل _ياااابه اجت القطعة
سائد _درت وجهي شفتها ههههههه تركت الاثقال وگمتلها هاااي شنووو بعد اربع ايام على تاريخ جيتج
ميار _اتصلو بيه وگلولي اربع ايام فوگ اليوم الي تقضي ويا هديه للقائد تحبين ترحين
كتلهم اكيددددد اكو وحده ترفض سا....
مناسك _بس لفضت اسمه حط سبابته على شفته وگلها اسسسسس
ميار _القائد هههههه بعدك محافظ
_لازم
مناسك _حضنها بقوه اني من يمي تنهدت احس طبگ على عظامي مو عليها
الاء _عيني مسوكه ودعي هذا المكان اذا خلاج ليلة زياده فوگ السبوع عاتبي هذا الوجهة
مناسك _ ما عندج علم وين يودينه
الاء _بكيفه هو يختارلج مكان
_بكيف القائد يعني قصدج
الاء _اي
مياسين _ الحمد لله اني يذبني ب.... السجون
الاء _وصلتني اخبار صليل منعجب بصوتج
مياسين _ما يفيد الصوت يردون شي اعظم
مناسك _بتسمت صدگ يردون شي اعظم
الاء _انطوهم الاعظم باعي هاي ميار هسا اجت اذا شفتي خلقة القائد تفلي بهاي الخلقة
مناسك _ الاء عدها العلاقات المحرمة مثل شربة الماي على گد ما عاشرتهم و شافت بعيونها الخاطر الفلوس الكل تنازل عن ضميره همه طلعوا من الصاله
رحمة _ نبقى هنا
مناسك _نلعب شوي حديد
رحمة _حتى يعدموج اذا تدنين الغراضهم
مياسين _وين راح جهودي
رحمة _ما اعرف علمي علمجن
مناسك _ نفتح الباب رجعتلنه الاء گالت يگولون تعالو للحديقة
مياسين _الحديقة يكولون تموت خلونه نروح نشوف الحديقة
مناسك _طلعنه للحديقة ما اكدر اوصف الحديقة من جمالها وترتيبها
اني والبنات وحده تباوع للخ يمكن لأن بحياتنه ما شايفين هيج او لأن خلصنه هاي السنين كلها بين بجدران ظلمه وكئيبه ما شايفين هيج الوان مفرحة وزاهيه وترتيب يسر الناظرين
مياسين _يصير هنا نفتر
الاء _يگولون بكيف رحمة
رحمة _ طبعاََ اي امشن امشن ياريت كل الدنيا بكيفي اركضن
الاء _ركضن مثل الي فتحلهن باب الحرية وگلهن يلا افراج هيج ركضن بالحديقة وحده تتلمس اوراق الورد ووحده تنحني تشمه ووحده منصدمة من هول الالوان ووياهن البنات متعجبات
رحمة _يصير نگطع
صليل _لاااا لا طوخنها
رحمة _ بقينه مجلبين يم الورد اللونه وردي
العجيب شتا الجو باررد بس المكان مغلف بزجاج
و الورد مفتح عبالك ربيع
مناسك _ اشم بالورد صار هواي مشامه شي ريحته حلوه وهيج الوانه حلوه هم واني مدنگه
كمزتني البنيه الي وي القائد _مدت ايدها على مؤخرتي تحسستها جسمي كله كش بس مو من لمستها لا لا
كش جسمي لأن هيه بنيه وهيج سوت
اني تعودت ياهو يجي يتلمس جسمي بس ما متوقعه بيوم من الايام بنيه بهذا الشكل تتلمس جسمي
ميار _هاي الي تنام يمك هذا الاسبوع
سائد _اي
ميار _ ديري بالج عليه هذااا حبيب الگلب دللي ولو انتِ مخلصه اعرفه ما يدورج
مناسك _ عفتها ومشيت بدون كلام ما فرزنت كلامها اصلاََ الحد ما گعدت وحدي بالي يم فعلها الوصخ
مياسين _شنو تريد
مناسك _عوفيها خلينه متونسين بهاي الحديقة ناقصني بعد هاي الشكول القذره
شوي ودخلو الحرس
سائد_خلوها مقابيل غرفتي اريد اشبع شوووف منها
مياسين _خطيه جانت متونسه بالوردات وفرحانه ويانه منطلقه بالحجي اجو اخذوها من كمشوها اختفت ملامح الفرح من وجهة
مناسك _ گعدوني على الرمل الدنيا بارده بس اكو شمس بس شمس دافيه
شوي ونفتح الباب دخل جاهد بالزي العسكري جان
جاهد _اهووو شنو سويتي ما جوزين هو سبوع تونسي بي ونگلعي منا شگد مغثه
مناسك _درت وجهي كرهت هذا الاسبوع كله بس اريده يخلص صار عباره عن سبع سنوات مو سبع ايام صار الليل واني بمكاني شتد البرد و اني بس تراك لابسه فتحت شعري وحطيته داخل بلوزتي بس اريد ادفه شوي وخليته يجي على ذاناتي كورت نفسي وافرك بأيديا
اباوع للجنود لابسه ملابس زينه و القماصل مالتهم مجرد ما تباوعلها تحس بالدفئ
بسبابتي العب بالرمل كتبت اسمي بس ما يبين رجعت سويت دوائر ومربعات الوقت ما يمشي و تعبت على گعده وحدي الجو مغيم الوقت يمشي مثل مشية السلحفاة واني گاعده اريد اعرف شنو سويتله وعاقبني اصلاََ حتى من حجت وياي البنيه الاجت اني ما حاجيتها ليش عاقبني غلبني النعاس الحمد لله امس ما نمت هواي هسا انام َارتاح وانسه هستوني حطيت راسي على رجليه ونفتحت زنزانته
ميار _حلوه الگعده هنااا مووو
مناسك _نفتحت زنزانته صليل والباقين
رحمة _باوعتله خلي نجيبها يمنه اذا يصير خطيه الجو بارد وراح تمطر
جاهد _ لا تحلمين خليها تتعاقب
صليل _ اليجي يمنه يعيش ملك بس الخدم ما يعرفون يعيشون ملوك
زهير _يابه هاي البنيه مخلصه مو مال تعذيب ههههههههههه
لك سائد لو كضيت يمها هاي اليومين
ميار _ لعبت بالنار واليلعب بالنار يتحمل
وخطية ما تدري اني هنااا اميره وكلمتي ما تصيررر ثنين اني مياررررر
مناسك _بايدي اليسره كرصت روحي حيل احس روحي بحلم كل هذا ما يتصدگ وعلى شنو على ذنب اني ما سويته تهمة انيي ما اعرف شي عنهااا عيوني راحت على البنات مياسين تبتسملي ورحمة تنزل راسها
ميار _حلوه الگعده هنا موو
مناسك _ فارت روحي من برودها وهيه تتلذذ بتعذيبي وهيه بنية لازم تحس بيه ، فوگ ما تصورين بعد ما گدرت اسكت
ميار _ لعد تعودي عليها اربع ايام انت بضيافتي يوميا هنا نشوفج
مناسك _ الكريم بما لديه يجود (اذكر هاي جملة الضابط شجاع)
ميار _ عفيه واني راح اغرگج بكرمي
مناسك _ما جاوبتها بعد ولا باوعتلها نعسانه اريد بس انام
سائد _ نزعوهااا ملابسها
مناسك _باوعتله جان واكف متجي ايدي على القضبان ونازع فالينته
تقربو مني راد يجرني باوعتله اني انزع روحي
ما يحتاج ينزعوني مو حباََ بنفسي بس ادري بيهم من ينزعونه يخلعون الايدين وانا ايدي بعد ما تحمل
ذبيت التشيرت بهدوء
مياسين _شدعواتكم هسا هيه شنو حجت شنو سوت
رحمة _اي و الله
صليل _اذا عاجبج ترحين يمها تره الزنزانة فاتحة ابوابها
جاهد _وانتِ هم بالمناسبة بما انو عندج الحصانه تگدرين اطلعين
مناسك _اشرتلهن لا الجو بارد لحد تجييي بوقتها ما ينجرع واني اريد اشيل روحي واطكها بالگاع جتفي ظل يصل والالم يدگ براسي دگ
نزعت البجامة ولميت جسسمي الناحية صدري غطيت ولو جزء بسيط من عورتي حتى رجليه طبكتهن البعض ما رجيت ربي اخجل بهذا الوضع واحجي ويا
مياسين _اني اطلع افتحلي الباب
رحمة _واني هماتين مدام عندي حصانه
بس نفتحت الابواب
جاهد گلها بس اطلعين خطوه وحده تفقدين الحصانه
مناسك _ رجعت رحمة باوعتلي وهيه خجلانه اعذرها لأن احنه ما جايين نواسي بعض ولا جايين نكون صداقات لأن اني بهاي السنتين مرت على راسي بنات يجوز بعدد شعر راسي الظل براسي هههه مرو مرور الكرام وانتهت بيناتنه ليش هسا يأذون روحهم علمودي شو هيه صداقة يومين وكلها سبوع ومودعين الله واعلم كل وحده وين تروح بس مياسين هيهات
مياسين _الحمد لله انا لا حصانه ولا حماره بطرك روحي
ميار _هذا اليلعب وي اسياده هنا مكانه
مياسين _ همست المناسك هذا اليلعب وي الكح....
شنسوي بعد
مناسك _ حضنتني مياسين بوقتها يمكن هذا الحضن ينشره بملايين
ميار _على هذا جسمج همزين خاليج هذا الاسبوع الخاطر لا تموتين ههههههههه
مياسين _ تقربت منها وهمستلها ختولي لا تهتميلها ما حجيت بصوت عالي شو هيه مناسك ما مسويه شي و خلوها بالبرد مصلخة انا اذا احجي تعلكني بعامود مخفي بين السما والارض
مناسك _فدوه دفي بس جتفي راح اموت من الوجع
سائد _اباوعلها تريد بس تضم جتفها اكيد من البرد يوجعها خلاص خلي نسد البوابه بارده
مياسين _لميتها من ناحية جتفها ظلت تون بوجع
الحرس _سكوووووت
مناسك _ نزلت دموعي لا اردياََ حطيت ايدي على حلگي وظليت اون من اون ارتاح احس شوي الوجع يخف
مياسين _نسدت الابواب وظلينه بس اني وياها بره بدت تنگط وزختها هنوب
باوعتلها
مناسك_ شطلعج
مياسين _غير صرت سباعية وجريئة وصحبتي طويله مو الحد ركبتي وهسا جاي اكلها
مناسك _ خليت راسي على صدرها
احس روحي جاي تنسحب مني على الوجع
ظليت انكث بس فتحت ايدي وحضنتها
ع الاقل ارد الجميل السوته الي
مياسين _شتد المطر و الزخات تنزل علينه ما نعرف تمسح الذنوب الحامليها لو تزيد اوجاعنه
مناسك _نفتحت بوابة زنزانته باوعتله
وهو عيونه بعيوني طلعت هيه من ورا
ميار _اعتذري و تعاي نامي يمنه تصير ليلة جماعية
يتبع......
تعتذر لو لا