مساء الخير والسعادة عليكم حبايبي
قراءة ممتعه
رواية: مأمني من داعش
بقلمي انا: زينة سمير
حسابي انستا: z49.g
تعليق وتصويت بين الفقرات واحبكم
سلامًا على من مَرَّ على مُرَّنا فحَلاه .
______________________________________
عهد: القصف صار من كل الجهات نركض اني وجبل ومنزلين راسنه
جبل: اركضي عهد بسرعهههه
عهد: لازم ايدي ونركض سوه حيلي يرجف بس مقويه روحي لحد مشفنه تل تراب جبير كعدنه جوه... هاي شصاير
جبل: هجوم خوات الكحب* يستغلون هيج اجواء حتى يسون هجموم على الجيش
عهد: اللهم اجعلها بردا وسلام
جبل: سباع ولد حيدر الكرار
عهد: جبلل شوكت يخلص الهجوم
جبل: يستمر 3 ساعات الى 4 ساعات مو سوه مرات اكثر ومرات اقل
عهد: دخيلك ياسبع الكنطره... كعدت ادعي لكل شخص بلسلك العسكرري ربي يحفظه ويكتبله النصر
على الظالم مر وقت طويل جداً طويل واحنا
كاعدين والرمي مستمر واصوات الصواريخ
مستمره والهاونات منحس غير صفير مالتهن
من فوك راسنه فايت مجلبه بجبل ماخليتت
ايه قرانيه ماقريته ختمت القران من الخوف
ساعه خلف ساعه لحد مصارت 4 ساعات يله بده
يخف صوت السلاح بس ياترى من انتصر منعرف
استغل جبل فرصه الهدوء ورجعنه نمشي بدت
الشمس ترتفع تعلن قدوم الضهر وبده الضباب يزول
والخوف بده يدب بكلبي خوفاً اخسر جبل الي شكله جاي يتألم بس مايحجي وخوفاً من المصير المجهول
جبل: شدي حيلج ذيبه مضل شي كله جم كيلو بأذن الله ونخلص من هاي المنطقه
عهد:ماشي بس ظلام لضل تحرك ايدك تره تتاذه
جبل: ماتاذه امشي
عهد: شني انتَ مو بشر هاي لو اني جان هسه تلكاني بسابع موته
جبل: الضربه على الجتف متموت
عهد: چا شون
جبل: ولج باعي من تردين تعيقين حركه احد ضربي على ركبت رجله ثنينهن واذا تردين شخص ميموت او تخوفين احد ضربي بكتفه بعيد عن جهة الحبل لشوكي فهمتي؟
عهد: ياااااا زين جبل علمني على السلاح حباب
جبل: خلي نصير بمكان أمن وأعلمج
عهد: يسس... الطريق طويل تعبت لدرجه كمت ابجي
من التعب والدوخه... ظلام
جبل: ها بوية
عهد: اريد ابوي اريد ارجع اريد اخوتي امي بيبيتي حديقتي الدجاج مالتي
جبل: اني اصيرلج كل اهلج شرار گلـبي
عهد: بس اني اريد اهلي تعبت حتى ما اعرف امشي بعد... التفت عليه وكال
جبل: ما انعد ع الزلم اذا اول ما نرجع ادور اهلج وارجعج الهم
عهد: مسحت دموعي بس اريد ابقى يمك هم
جبل: اي ماخليج ترحين يمهم للابد
عهد: ليش متجي تعيش يمنه مثل قبل
جبل: مو عندي اهل اني شون اكعد يمكم انتي تجين تكعدين يمنه
عهد: عندي حل نكعد بالنص بين اهلي واهلك شتكول
جبل: ههههههه امشي التعب مأثر عليج
عهد:هسه شوف عبالك ماسويه
جبل: لا يابه انتي خطيره كلشي سوين عهد عضله بعد
عهد: ضحكت ورتاحيت عنده قدره عجيبه تخليني ارتاح من احجي وياه واسمع صوته
جبل: خلي نرتاح
عهد: بكيفك
جبل: تعاي هنا نكعد
عهد: كعدنه على بلوكات وراهن تراب بس مو هواي يعني نبين اذا احد ركز بس خلينه رب العالمين ويانه
وكعدنه من شده التعب ولارهاق الي صاب أجسادنه
تبادلنه لاحدايث بكعدتنه جبل ألالم مزق كلبه بس
مُصر مابي شي ومجاي يتوجع ابد خلصت مده الاستراحه وكملنه مشي طبينه بمكان بلبدايه بيوت
قليله ونوب بدت تكثر البيوت مهدومه نمشي بدون اصدار اي صوت خاف احد يسمع ونروح بيه اباوع
على البنايات المهدومه الشقق والعمارات البيوت والمحلات الارض الي صايره سوده من شده تعبه
مجرد النضر الهن كلبي انعصر الله يساعد اصحابهن الي ذبو دم كلبهن عليهن نمشي ونتفرج على الكم
الهائل من الدمار صدمه جبل لا تقل عن صدمتي بالي جاي نشوفه بعيونه الي حتى لو حجينه وصفنه محد
راح يصدك الي شفناه ويسحبوه من عالم افلام كارتون بس للاسف هذا الدمار حقيقي وموجود
بأرض أم الربيعين أرض الطيبه والحب والخير والعطاء والتواضع ماجان بيدنه شي سوى
الدعاء لارض الموصل حتى يعم بداخله وبداخل اهله السلام والراحه والامان والطمئنينه الي فقدوه صار هواي، قاطع سلسله احزاني جبل وهوه محذرني
جبل: اشششششششش عهد لسوين اي صوت
عهد: سحبني لاحد ألبيوت المهدومه صام حلكي بايده
جبل: اشش شراره اشش جوي
عهد: شكووو جبل
جبل: اش سكتي
عهد: اثناء كلامه فاتتّ سيارات سريع تمشي جبل يباوع من زرف بالحايط واني ماتحركلي ساكن من الخوف صار هدوء سألته... جبل منين جوي ذولي
جبل: هذول منسحبين من الحرب الي صارت قبل شويه
عهد: يعني شنو
جبل: يعني احنا انتصرنه عليهم
عهد:دموعي نزلت فرح وتجدد الامل بداخل كلبي
جبل: شردو الفئران
عهد: الله ياخذهم الحقراء
جبل: امين خلي اخابر الاكبر
عهد: تمام.. خابرة وكاله
جبل:- اهلاً بلأبطال
الاكبر:- اهلا بالكلف
جبل:- بشر اخي شصار
الاكبر:- لك فرقه ****** تطلع تحارب ومايرجعون منتصرين مو عيب
جبل:- زلم ولد زلم ربي يحفظهم اكو شهداء؟
الاكبر:- لا خوية ماكو
جبل:- جيد منو يمك
الاكبر:-محد وبن وصلتو انتو
جبل:- اقتربنه حيل عليكم
الاكبر:- هلا بيكم ركزلي على الاماكن الي جاي تمشون بيها خويي دزلي كل التفاصيل
جبل:-لك كوا* غير هذا شغلي شون توصي
الاكبر:-ههههه ولكك بالله مشتاقلك
جبل:- يله ولي كافي
الاكبر: ههه الله وياك
جبل: عيني انت..... يله امشي نطلع وفتحي زين عهد لضلين تصفنين يجوز اني مامنتبه على شي انتِ تنتبهين
عهد: ماشي يله خلي نتحرك... طلعنه من البيت لازمه جف ايده ومركزه وياه بكل خطوه نمشيه سألته.. جبل بعد شكد ونوصل
جبل: هواي بابا اذا تعبتي كولي حتى نكعد
عهد: لا لا بس تدري عبالك النهار صار شطوله
جبل: امم اني هم لاحظت هذا الشي
عهد: مرت ساعات أشبه بساعات أحتضار الموتىٰ
بده وقت الغروب وجبل رفض نضل نمشي لان هذا يشكل علينه خطر
جبل: نكعد بهذا البيت
عهد: ماشي بكيفك
جبل: ادخل اشوفه واطلع تعاي اوكفي هنا
عهد: وكفت بزاويه وهوه طب رفعت راسي جان اشوف بزون سوده كبالي عيونه يضون وبيهن نضره
تخوف مستمر بالنضر بأتجاهي وماتتحرك طلعت صوت اشبهَ بفحيح رجل او ربما شيطان دب الخوف
بكلبي نسيت ألايات القرانيه وڪان لساني نعقد تفتح فمهة كبالي وتسده وذيله يتحرك يمين ويسار
اجاني جبل مُتسال
جبل: عهدي شبيج صفره
عهد: جبل شوف لبزونه
جبل: وينه
عهد: سرعان ما ندار اختفت
جبل: شبيج حبيبي وين اكو بزون بهذا صخام الوجه
عهد: جحضت عيوني على مكانه حتى اركز لكن بالحقيقه هيه اختفت اصلًا
جبل: بابا ماكو شي كولي "سلاماً من قولِ ربَ رحيم"
عهد: قنعت مخي جاي اتخيل وبديت ارد الدعاء ارتاح قلبي.. ارداف جبل
جبل: يله راح نضل هنا واكفين امشي نطب
عهد: خلي الزم ايدك... لزم ايدي وطبينه المكان يخنك
جبل: هاي شبيج جاي تموتين
عهد: خلي نطلع منا جبل ختنكت والله
جبل: غير افهم شكو شبيج ليش
عهد: مادري جبل ختنكت شبيككك
جبل: امشي امشي نطلع
عهد: طلعني كوه حتى عركت من الخنكه الموجوده
جبل: اقري ايه الكرسي
عهد: احاول انطق الحروف حتى اقره ماكدر احسهن ثكيلات
جبل: شون وياج اقريههه يلههههه
عهد: مداكدر جبل
جبل: كولي اعوذ بالله السميع العليم من الشيطان الرجيم من نفخه ونفذه وهمزه يلههه
عهد: ردتتت التعويذه اكثر من مره ارتاح نفسي سميت بأسم الله وبديت اقره أيات قرانية دنمشي
وقت الغروب طبينه بأحد البيت وكفت بمكان بين ماجبل تفحص البيت يله أطب اجه عليه وسمحلي
بالدخول من دخلت عادي مو مثل هناك اختنكت كتله.... شوف هنا ارتاحيت
جبل: يله الحمد لله اني شريد
عهد: تعال اكعد خلي اشوف ضهرك خاف جاي ينزف او شي
جبل: مابي شي
عهد: خزرته وكتله... بلا عناد
جبل بغمزه : تأمرين
عهد: لصير ادبسزز يول
جبل: هههههه
عهد كعد وخرت الغتره من كتفه بهدوء خوفنا لا أذي بدون قصد اباوع على مكان الطلقه كلش مورم
وضهره كله دم وجاي ينزل دم بس مو هواي قليل
كتله... جبل ضهرك مورم شون ياربي ليصير بيك شي
جبل: ماكو شي عهد اوكفي خلي اشوفج شي
عهد: عدل كعدته ورفع البدي مال ايده وشوفني زنده
جبل: شوفي هذا الاثر
عهد: جان اثر دائر حجمه لا صغير ولا جبير... اي شنو هذا
جبل: هاي طلقه تايه جتني واني على الساتر بنص الحرب وضلينه ٤ اسابيع انذار وماقبل يطلعوه من
رجعت يله طلعوه الي المختصر لتخافين ماكو شي ومجاي يوجعني جتفي
عهد: حتى لو ميوجعك اني كلبي يوجعني عليك
جبل: اش سلام الله على كلبج بنيتي
عهد: ابتسمت وصار المكان هادئ وضلمة ضوه خفيف يجي يدفق من القمر نزولا النه جبل مايكدر يرتاج معدل ضهره مستقيم حتى لا يتاذه واني مكابلته وكاعده ودموعي بعيني وابجي
جبل: ولجج بابا هسه غير اعرف على شنو تبجين
عهد: عليك
جبل: هسه شبيه مو هياتني كدامج
عهد: باوع شون كاعد مو مثل قبل مرتاح
جبل: اني عاجبني هيج اكعد
عهد: لا انته جاي تتوجع بس متكلي
جبل: يله كتلج عهد اني جاي اموت وجع
عهد: زدت بجي اخاف يموت وبعد ماشوفه
جبل: عهد وحق الله مابيه شي شبيج
عهد: هوه مو صوجك صوج ليبجي عليك
جبل: هسه اني كايلج ابجي فاك حلكي بس اسكتي بروح اهلج
عهد: مسحت دموعي وباوعت عليه... اطلع جلبه اذا ابجي
جبل: عهد
عهد: ها
جبل: جتفيي راح اموتتت
عهد: شهكت وكمت ابجي.... ككو كول و ووالله
جبل: ههههههههههههه
عهد: ليش تضحك
جبل: ابويه توه كال اذا ابجي اطلع جلبه
عهد: ستوعبت سالفته... هو هو
جبل: ههههههههه يابه خرب شرفج تعرف بروحه جلبه
عهد: ديله عيني وانته جلب
جبل: اكلي خر*
عهد: بس باوع جلب وجبل والله بس تقدم حرف الام على حرف الباء سوبهان الله
جبل: شون راح اطيح حضهة
عهد: يسس
جبل: شكو
عهد: غثيتك
جبل: يعني هسه اني من زوجت جاهله شكلت لنفسي
عهد: اوي وين تلكه مثلي والله لو تفر الدنية كله
جبل: الخلقج ماخلق غيرج
عهد: جبل هسه طلكني
جبل: ههههه وهسه اني غثيتج
عهد: خلي نرجع واني اعلمك والله لو ما مصوب جان شوفتك نجوم لضهر
جبل: انتي مثل حمزه ردت اجيب الكم عرموط بس خاف سنون ماعدكم
عهد: ههههه هذا منوو عزهه
جبل: اخوي
عهد: بربك احجيلي لسالفه
جبل: هههه هاي حمزه من زوج حبيبته بفتره الخطوبه مالته حبيبته كالت اله مشتهيه فواكه
جيبلي وياك من تجي كله تدللين المهم رايح وجايب اله كومه فواكه بس عرموط مجايب رايح للبيت
منطي اله خواته وامه وعماته كاعدات جان هوه يكول ردت اجيب الكم عرموط هم بس خاف سنون ماعدكم الضحك صاير عليه بفلس
عهد: متت ضحك على اخو... ولككك عزههه شكدد عيب يربي
جبل: هوه هم يدعبلهن مثلج بلاخير يله يدري شجفص
عهد: ههههههه فدوه
جبل: لسانج بنت المسو*
عهد: اكل خر* لتغلط على اهلي
جبل: نجبي يله شوكت تنامين
عهد: كاعده على الكاع مكاعده على كلبك على فكره
جبل: عهد اني راح انام لان تعبان وانتِ ضلي كاعد بس الفجر اذا اكلج كومي وماكمتي اطيح حضج
عهد: ياااا ليششش تنام
جبل: لعد نامي انتِ يله
عهد: وين انام
جبل: على كبري كاع الله شكبره وين تنام
عهد: اوعع شبيك متتحاجه
جبل: بربج عدلي حلكج نفسي تشمئز من هيج نماذج تعوج بحلكه
عهد: خاف حامل
جبل: ياعهددد عندج حظ ليوم بالقران نامي يله كدامي
عهد: ضحكتت وهوه يحجي صدك ماعنده شقه رحت كعدت كباله احجي كلمه واضحك... باوعع جبل عندي
لعبه...
جبل: كومي عهد كومي انعل ابو الي يخليج ترتاحين امشي نطلع
عهد: لا لا وعلي سكتت وحنام يله مدد
جبل بغمره : شراح سوين
عهد: فد ادبسزز انتَ
جبل: وسرسري
عهد: اريد انام ماما ماكو مكان انام على رجلك
جبل: اخخ يابويه حرامات
عهد: نجب سربوت
جبل: تعاي بابا تعاي
عهد: ابتسم ومدد رجله... عادي اذب لشال ماعرف انام بي
جبل: ذبي بس خلي قريب عليج
عهد: ذبيته ونمت على رجله شفته مامرتاح بكعدته... باوع جبل تربع صفح يعني خلي الحايط يكون على جهت ايدك اليمين حتى ترتاج ويكون بعدين عن الجرح
جبل: صح هسه احسن
عهد: خليت راسي بحضنه وهوه خله راسه على الحايط ماعجبني نومته مامرتاح اصلاً بسبب كتفه
كمت جان يكول وهوه مغمض وعلى كعدته
جبل: شو كمتي باباتي
عهد: باوعلي جبل
جبل: عيونه
عهد: باوع اني ابد مطالبه منك شي مو؟
جبل بأستغراب: لا شهل سؤال
عهد: زين اذا اطلب هسه تنفذلي
جبل: غير اعرف شنوه اذا اكدر عليه هسه عيوني الج ليش ماسوي
عهد: بلي تكدر سوي بس اول اوعدني تسوي
جبل: وعد اسوي
عهد: تربعت وكتله.. ليوم انتَ نام بحضني
جبل: لا ب..
عهد: وعدنتي تره؟؟!
جبل: بابا حبيبي نامي مرتاح بنومتي اني
عهد: الزلم ماتتراجع عن وعده وبكيفك بعد... ابتسم الي وتقرب باسني جوه شفتي وخله راسه بحضني ونام على جهة اليمين سحب ايدي وخلاه كبال شفته
وكام يبوس بيه اصبع اصبع بعدين باس راحه ايدي وكال
جبل: احبج يلحنينة
عهد: ابتسمت وسحبت ايدي وكمت العب بشعره همست بصوت هادئ مفعم بالحب.. نام ظلام
نام واني ضليت كاعده العب بشعره ومغمضه واقره أيات قرانية النوم هجر عيني بعد ماشفت جبل
غركان بدمه ضنيت بعد مراح اشوفه طول حياتي
باوعت عليه وشفته شون نايم ذاب روحه من التعب
اتمنى اضمه بكلبي من كل تعب يلامس روحه وياه اكون طفله ماعرف شنو احجي شنو اكول
خلاني اكون قويه وخلاني اثق بكلشي نمر بي هو فتره ويعدي وكله امتحانات من الله سبحانه وتعالى
خلاني قويه حبيته من كل كلبي ماتخيل حياتي ثانيه
وحده بدونه هوه كلشي الي هوه حيلي وكل اهلي
ضليت افكر بي وبحبي اله بتعبه عليه وحمايته الي
قربت شفتي يم راسه وبسته بهدوء خوفنا لا يكعد
رجعت غمضت عيني لان كلش اخاف من الظلمه اني وخاصه جبل نايم راجيه راسي وماخليت ايه قرانيه
ماحوطتت روحنه بيه شفايفي يبسن بللتهن وره شويه هم يبسن رجعت بللتهن يبسن ضجت عفتهن
جان يطكن دم نوب خليت شالي بحلكي شويه وخرته لزمت شفتي مابيه شي ضليت ابلل بيه
طول ليل جزعت واني انتضر الصبح حاولت انام بس ماكو فائده ليل الشتاء طويل ويبزع الله يساعد
المريض شون يخلصه توكلت على الله وحاولت قدر الامكان افرغ دماغي من الهوسه الي بي ضليت
مركزه بنفس مالتي ماحسيت غير نايمه حسيت على جبل وهوه يكعد بيه بهمس دافي من صوته الحنون
جبل: عهودي كعدي
عهد: كعدت بساع فتحت عيني كان هستوني نمت... ها
جبل: يله الشمس عاليه خلي نطلع
عهد: يله بس اكلك ميته عطش اكو مي؟
جبل: اي هاج
عهد: اخذته وشربت كام جبل بس البدي مالته لازك على ضهره من الدم.. ظلام
جبل: ها عيني
عهد: اكعد وانطيني ضهرك
جبل: ليش
عهد: بس اعدل مكان جرحك واشده الك
جبل: مايحتاج خلي
عهد: يله جبل تاليتك توافق بدون مايحتاج وهسوالف
جبل: مو ماكدر اكسر بخاطرج فلازم اوافق وهاي كعدت يله
عهد: احمم ءء باوع حكول شي بس صفي نيتك
جبل بأستغراب: شنو
عهد: انزع البدي خلي امسح ضهرك كله
جبل: ماكدر اتاذه من ارفع ايدي
عهد: باوع راح ارفع البدي وطلع البدي من ايدك ليمنه وليسره اني انزعه الك
جبل: هذا هوه
عهد: نزعت الجهة اليمنه وبقت اليسره بصعوبه عدلته نزعته من ايده ضهره عباره عن دم يابس والجرح
جبت بطل مي وطرف شالي ونكعته شويه وكعدت امسح بظهره وكنوب اغسل شال وارجع امسح لحد
ما نضف وهوه ماحجه اي شي وصلاً لمكان لجرح
نضفت داير مدايره باوعت لعُمق الرصاصه عصرت
عيوني وكأني تألمت الله يساعدده جبت بطل المي وغسلت البدي مالته وعصرته بكل ماعندي قوه
ونفضته وفرشت شاليي بالكاع حتى ينشف نزعت غتره اخوي وطويته عده طويات
وشديت مكان لجرح نوب جبت الغتره مالته ذبيه على كتافه خاف يبرد.. جبل... رفع راسه الي وخله
ايديه على حلكه كأن يفكر بشي مقلص عيونه
أردافت... ليش هيج تباوع كول ها
جبل: شجاوب ماعرف شكلج شرارتي لو اهلي لو فرحتي لو صبري لو قوتي لو عوضي لو ألهامي لو ثباتي لو رعب اسمي لو شنو بالضبط
عهد: كلي شراره كلش احبه منك
جبل: شراره روحي وكلبي
عهد: ههههه نتعرف نسيت شنو ردت احجي
جبل: ابوس هاي الضحكه
عهد: اششش خلي اذكر.. ابتسم الي... باوع عدلت جرحك ومسحته وقريت عليه ايات قرانية وغسلت لبدي مالتك من يبس البسه اني عصرته بكل قوتي
جبل: خلص المي يولي مريد نزقنب
عهد: بطلين امهات الالف ربك يحله عود
جبل: الله كريم حبيبي بس شعجب مالعبت نفسج من شفتي عُمق الجرح او الدم؟
عهد: صفنت ويه روحي وستغربت مثله... صراحه مادري وهسه عندي ستعداد اشوف اي شي ونفسي متلعب شنو السبب معقوله كلبي مات
جبل: لا يمكن لان تعودتي تشوفين دم وقتل وذبح
عهد: احسن حتى بعد ما اخاف... باوع عليه وتنهد ضلينه كاعدين عده ساعات رحت شفت البدي مالته
يابس... جبل تعال خلي البسك البدي اندار عليه عدل كعدته ولبسته اله بصعوبه لان ميكدر يرفع ايده
اليسره غسلت وجهة بالمي الباقي باخره البطل مسحت وجه بشالي وكتله... متشوف شر كام لحيله
وكومني وسحبني لحضنه حضني بأيد وحده بعدني عنه شويه وضل يبوس بوجهي نوب شال كف ايدي
ليمنه وباسه قوي همس الي بحب
جبل: عوض لايام ڪُربِ
عهد: قليل وكفتلي انتَ كلشي اسوي واقدمه الك قليل مقارنه بخوفك وحبك وتعبك وتفكيرك وتضحيتك لاجلي
جبل: شوفه عيونج كافيه حبيبي يله امشي تره تأخرنه ليوم
عهد: الف الخمار ونطلع
جبل: يله شراره
عهد: لفيته وشلت الجنطه جانت خفيفه مابيه شي ثكيل طلعنه لازمين ايدين بعض منعرف شنو مصيرنه
يتبع....
_____________________________________
هلو حبايبي اتمنى تونستو بقراءة البارت واتيمنى نال رضاكم
لقأنا غذاً بأذن الله
الى ذالك الوقت أستودكم الله الذي لاتضيع عندهُ الودئع ♥♥♥♥🫀.