اهلا احبائي في الله ❤❤
عاملين اي يارب تكونوا بخير ❤❤
هيا بنا نبدأ بسم الله ❤😍❤😍❤😍
###############
جاءت ليو حتي تذهب فأمسكها أدهم من يديها جامد و كان لسة هيتكلم دخل لؤي لان كان الباب مفتوح و كان لسه هيخبط بس شاف ليو و أدهم
لؤي بجدية : اسف يا فندم الباب كان مفتوح و مفيش حد برا
أدهم ساب ايد ليو و قال بجدية : تمام اتفضل مين انت و جاي ليه
لؤي بجدية : انا لؤي موظف جديد في الشركة قسم المحاسبات و جيت اقدم الملفات المتأخرة بعد ما رجعتها
أدهم بجدية : تمام سيب الملفات علي المكتب و اتفضل علي شغلك و اقفل الباب وراك
لؤي بجدية و إحترام مزيف : حاضر يا فندم
و خرج لؤي و نظر الي ليو نظرة كانت تحمل اكبر درجة من العصبية و الغيرة و هذا ما شاهدته ليو بسهولة ولكن كان ادهم يجلس علي مكتبة و لم يري النظرات بين لؤي و ليو
و بعد خروج لؤي
ادهم بجدية : ليو انتي هنا تحت اشرافي مش هقولك تحت امري لان الامر لله وحده و مش مطلوب منك غير اللي انا اطلبة غير كدا هتشوفي مني معامله تانيه خالص
ليو بطريقة مستفزة : خلصت تمام يلا هطلع انا عشان تكمل شغلك
وطلعت ليو من غير ما ادهم ياخد فرصة يرد عليها و قفلت الباب وراها و ادهم اتعصب اوي من ليو و حس ان هو اللي شغال عندها مش العكس و بعدين ضحك و قال هبلة
( ياااه لو ليو كانت سمعته كانت خليته يشوف الهبل علي اصوله😂 )
و بعد فترة في موعد الغدا
كانت ليو تجلس علي مكتبها و لما تخرج منه حتي تتغدا
فشاهدها ادهم فخرج اليها و قال : تقدري تروحي تتغدي دا معاد الغدا و في معاد الغدا مش تستني الاذن عشان تاكلي تبقي تمشي او تجيبي حاجه للغدا تاكليها
و لما خلص كلام كان الدليفري وصل فنظرت له ليو و اخدت الغدا و نظرت ل ادهم نظرة معناها ( هو انت مفكر اني باخد اذن من حد😂 ) و قعدت تاكل
و قالت بهدوء : تاكل معايا يا مستر ادهم
فإبتسم ادهم علي ليو و كأنه اتعود عليها و علي كلامها خلاص 😂
و سابها و دخل و هو بيضحك
و جاء لؤي الي ليو
لؤي بجدية : ممكن افهم اي الخطة بالظبط لأني اظن ان الوضع اللي انتي كنتي فيه مع ادهم مش من ضمن الخطة متفقناش انك تستعملي اساليب قذرة من دي
قامت ليو بمسك كوب الماء بجوارها و رشته علي لؤي و قامت وقفت من علي المكتب وراحت تقف في وش لؤي
ليو بجدية و هي تتحدث بصوت منخفض جدا لا يسمعها غير لؤي و عيون الجحيم ارحم منها و تضغط علي اسنانها : لينا كلام تاني في الادارة يا لؤي عشان كلامك لان دا مش المكان اللي تقول فيه الخطة و كمان الكلمة اللي اتقالت حالا علي اسلوبي مش هتعدي علي خير و دلوقتي لو مفيش حاجه تخص الشغل بتاع الشركة اتفضل امشي من وشي عشان ادهم واقف و شايفنا احنا الاتنين و يا سواد ليلك لو شك في حاجه وقتها هدفعك التمن غالي علي القضية دي انت فاهم يا لؤي ( و بصوت يرعب من يسمعه و عيون الجحيم بحد ذاته ) امشي يلا من قدامي
لؤي حس بالخوف ل لحظة من ليو و من كلامها بس رجع للجمود تاني و سابها و مشي و دا كله تحت نظرات ادهم
بعد ما مشي ادهم طلب ليو عشان تدخله
ادهم بجدية : في اي يا لوليتا لؤي عايز منك اي
ليو بجدية : مفيش يا فندم بس عشان الوضع اللي هو شافه و هو داخل حس اني بنت مش تمام و كان جاي ينصحني بس حسيت بإهانة في كلامه عشان كدا رشيت المايه عليه
ادهم بجدية و إعتذار : انا اسف فعلا دا غلطي مكنش ينفع امسك ايدك كدا مش هتتكرر تاني
ليو ببسمه : تمام يا فندم
و خرجت ليو من غير اذن ادهم
فضحك ادهم و قال ببسمه : مفيش فايدة فيها بردوا مش بتستاذن
( هو غبي ولا اي عايز الصقر الكبير ياخد اذن منه 😂😂 )
و بعد مرور الوقت جاء موعد عشاء العمل مع ادم
بس كان ادم جوا عند ادهم من نص ساعه و ليو كانت عند مازن عشان تشوف اي الوضع و بعدين راحت ل لؤي عشان تشوف ملفات المحاسبات و بعدين رجعت مكتبها عشان ميعاد الاجتماع مع ادم
و كان ادم يجلس مع ادهم و يتحدثون عن الصفقه الجديدة
ادم بجدية : طبعا هيجوا عن طريق المينا مش الجو صح
ادهم بجدية : دا اللي متوفر حاليا معاهم و انا شايف ان الجو احسن بس مش مشكله بحر جو مش هتفرق المهم الصفقه توصل زي ما اتفقنا و اهم حاجه يا ادم اتاكد ان كل حاجه سليمة
و ادم بجدية : متقلقش ( كان لسه هيكمل كلام ليو دخلت من غير ما تخبط علي الباب و طبعا ادهم اتعود علي كدا )
ليو لما شافت ادم مظهرش اي حاجه علي ملامح وشها مع ان من جواها بتقول هو هنا من امته و ازاي تفوت حاجه زي دا و متعصبة جدا
ليو بتكلم ادهم بجدية : مستر ادهم معاد اجتماع العشاء مع مستر ادم حالا تحب نأجله لو عندك شغل
كان لسه ادهم هيرد بس ادم رد بعصبية : انتي ازاي يا بت انتي تدخلي كدا من غير اذن افرضي بنتفق علي شغل و مينفعش حد يسمع الاتفاق و غير دا كله انتي ازاي اصلا تدخلي كدا علي المدير من غير اذن
نظرت له ليو نظرت لامبالاه و كأنه لا يتحدث معها ولا هي شيفاه اصلا بس من جواها بتقول ( كلها ايام يا ادم و تشوف البت دي هتعمل اي فيك يا زبالة المجتمع )
و نظرت الي ادهم مرة اخري و قالت ببسمه : ها يا مستر ادهم الغي الاجتماع ولا احضر الورق
فضحك ادهم علي ادم بشدة من شدة صدمة ادم من تجاهل ليو ل كلامه و ادهم مش قادر يتكلم من الضحك و ادم اتعصب جدا و راح ماسك ايد ليو جامد اوي قام ادهم بسرعه عشان يفك ايد ليو من ادم و كان ادم بيتكلم في الوقت دا مع ليو
ادم بعصبية : انتي يا حيوانه مش بكلمك تردي عليا
فقامت ليو بنزع يدها من ادم بقوة و قامت بضربة قلم قوي جدا لدرجة ان يديها علمت علي وش ادم
ليو بعيون نارية : اياك تغلط تاني او تتجرأ تمسك ايدي انت فاهم ( و بعد ما خلصت كلامها رجعت ل البرود بتاعها تاني ).
و ادهم وقف مصدوم و هو رايح ليهم و ادم وشه لسه عكس الاتجاه الطبيعي من شدة الصفعه و الصدمة و حط ايده علي وشه علامة علي عدم تصديقه لما حدث
و هنا الزمن وقف و ادم و ادهم مصدومين بشدة
و كان لسه ادم هيرد القلم ل ليو قام ادهم بمسك أيده و قال : اي يا صاحبي هتضرب بنت بردوا
( دي لو كانت قربت من ليو اصلا مكنتش هتوصل ل وشها قبل ما كانت تنكسر 😂 )
فنظر اليه ادم بغضب شديد و انزل يديه و ليو واقفه ولا كأن حاجه حصلت و هادية و برود ليو هو المسيطر علي الوضع
ليو ببرود : ها يا مستر ادهم مقولتش اعمل اي في الاجتماع
ادهم مصدوم انها مش متأثرة اصلا بالموقف و لسه بتسأل علي الاجتماع
ادهم بصدمة : اخرجي يا ليو عشان انا هيجيلي شلل منك حالا و حضري نفسك و الورق ل الاجتماع
فذهبت ليو الي مكتب ادهم و اخذت الورق اللي ادهم و ادم حطوه عشان الصفقه الجديدة كان لسه ادم هيتعصب عليها عشان الورق
فقال ادهم : دي السكرتيرة بتاعتي سيبها تاخد الورق عشان تراجعه قبل الاجتماع عشان امضي عليه
فخرجت ليو ولا كأنه يوجد احد في المكتب او انها ضربت حد زي ما دخلت زي ما خرجت و مفيش اي تأثير باين علي ملامحها كل دا تحت النظارات النارية من ادم ل ليو
و قعدت ليو علي المكتب بتاعها و راجعت الاوراق و اللي اكتشفت فيهم شوية حاجات محدش يقدر ياخد باله منهم حتي لو متخصص و صورت الملف و صورت الملاحظات و بعتتهم ل الفريق عشان يسجلوهم في الملفات اللي في الادارة
اما في المكتب عند ادهم و ادم
ادهم بجدية : معلش يا ادم هي كدا بلاش تتكلم معاها و اعتبرها اختك الصغيرة و غلطت و بعدين انت اللي غلط فيها الاول يعني كنت اتكلم معاها براحه و اي بت و يا حيوانة دي هي بردوا انسانه زينا يا ادم و مينفعش تقولها كدا
ادم بعصبية : في اي يا ادهم انت هتجيب عليا الغلط و هي اللي رفعت ايدها عليا و الله ل اعلمها الادب علي اللي هي عملته دا ولازم اعرف هي مين
ادهم بجدية : ادم لوليتا موظفه عندي و انا مش هسمحلك تعملها حاجه هي تحت حمايتي و بعدين اي يا ادم دي بنت ضعيفة
( الحقوا ادهم بيقول ضعيفه ايوا ما هو ميعرفش الصقر الكبير 😂)
المهم ادهم فضل يهدي في ادم بكلام هو ادهم نفسه مش مقتنع بيه زي ( دي ضعيفه دي محتاجه شغل دي بتعمل شغلها و بس و ملهاش علاقه بحد و كدا )
تفكير ادم ( مش هسيبك يا حيوانة يا زبالة لازم اجيبك راكعه علي رجلك ليا )
تفكير ادهم ( انتي مين يا لوليتا مستحيل تكوني حد عادي انتي مميزة اوي )
و لما ادم خرج حط ملفات علي مكتب ليو و قال بلهجة امر و غرور : انتي هاتي الملفات دي معاكي سامعه
نظرت ليو الي ادهم و هو واقف و قالت بجدية : مستر ادهم انا حضرت ورق شركة حضرتك و اظن ان كل سكرتيرة مخصصه ل المدير بس مش حد تاني ( و رمت نظرة إحتقار ل ادم )
ذهب ادم و هو يقسم ان يدفعها التمن غالي
و ادهم قال بجدية : لوليتا انا هاخد الملفات دي بس عشان انتي متزعليش اني خليتك تعملي حاجة مش من ضمن المهام بتاعتك بس خفي علي ادم شويا هو طيب بس عصبي و بلاش تتكلمي معاه كدا تاني هو صاحبي و كمان شريكي يعني مديرك بردوا علي فكرا ياله تعالي عشان نروح الاجتماع
( و مشي خطوة كدا و قبل ما ليو تمشي وقف و قال )
ادهم كأنه اتذكر حاجه : اه صح لوليتا بتعرفي تسوقي ولا اجيب السواق و لو بتعرفي و مش عايزة براحتك بس انا مش بحب يكون معايا ناس كتير
ليو ببسمة خبيثة محدش يعرفها غيرها : بعرف بس مستر ادم معاك هركب معاكم ازاي و هو مش بيطقني
ابتسم ادهم و قال ببسمة : ملكيش دعوة تعالي يلا عشان نمشي بس لحظة انتي عرفتي منين انه اسمه ادم و دا اللي رايح نعمل معاه الصفقه
ليو ببسمة : سهلة ورق الصفقه كان معاه و اسمه موجود علي الورق اللي انا اخدته من المكتب
ابتسم ادهم علي شدة انتباة ليو ل الاشياء و قال ببسمه ماشي يلا و في عقلة ( مستحيل تكوني بنت عادية يا لوليتا لازم اعرف اي موضوعك )
( ربنا يستر عليكي يا ليو بقا دا ادهم و ادم هيدوروا وراكي 😂 )
نزلت و ركبت علي مقعد السائق
نظر لها ادم نظرة إستهزاء و قال : ايوا لازم كل واحد يعرف مكانته كويس
ادهم بجدية : خلاص بقا يا ادم هي مقلتش حاجه عشان تقول كدا
نظرت ليو في المرٱه الي ادم نظرة هو مقدرش يفسرها و قعد يفكر اي هي النظرة دي
و وصلوا المكان اللي هما حجزينوا و كانت سكرتيرة ادم موجودة
ميرنا بدلع : اهلا مستر ادم اهلا مستر ادهم
ادهم بجدية : اهلا فين الناس يا ادم اللي هنتفق معاهم علي الصفقه
ادم بجدية : مش عارف اتاخروا ليه
ادهم بجدية : ليو افتحي الورق عشان اشوفه
و بالفعل فتح الملف بس استغرب من ملحظات ليو علي الملف
ادهم بجدية : ليو ممكن تيجي معايا خمس دقايق في العربية عن اذنك يا ادم
دخل ادهم و ليو العربية بتاعته
ادهم بإستغراب شديد اي دا يا ليو اي الكلام دا انتي بتشكي في ادم
###############
متنسوش النجمة و الكومنت الجميل شجعوني احبائي في الله
اي اللي هيحصل بين ادهم و ليو و لؤي البارت الجاي ؟؟؟!!!! 🤔🤔😶
اي اللي هيحصل بين ليو و ادم ؟؟؟!!!! 🤔🤔🤔🤔😶
ادم هيعرف مين ليو ولا لا ؟؟؟!!
ليو هتتصرف مع لؤي ازاي بعد اللي قاله و انه يجيب اسم الخطة في الشركة ؟؟؟!!!!
توقعتوا احبائي في الله ❤❤❤😘
باي يا اجمل متابعين و مشاهدين في العالم 😍❤
في حفظ الله احبائي في الله ❤❤❤😘😘