وبسم الله الرحمن الرحيم
اللهم صل على محمد وال محمد وعجل فرجه واللعن عدوه
.
.
.
.
.
لاتنسو نجمه+ تعليق حلو مثلكم+ تعليق بين الفقرات ❤️🖤
أشعر بخيبة شمعة ضحّت بنفسها لتضيء غرفة أعمى..
احمد عافه قبل لا يكمل الحارس كلامه. دخل للبيت ركض طلع المفاتيح فتح باب المطبخ وشاف .......شاف بنيته وحبيبته ومرته بلكاع غركانه بدمها ما عرف من وين يطلع الدم مشه باتجاها مصدوم شالها مثل الطفله بحضنه وصرخ فاطمه فااااطمه حبيبتي... دخل عمر من شاف شعرها مفتوح ولابسة دشداشه قصيره ورجليها طالعات وماليتهن دم غمض عيونه ودار وجهك ضرب الباب بيده
عمر بصياح احمد شكو غير نفتهم
احمد فاطمه اسمعيني سجاااد جيب عبايه اييي شي
سجاد ركض جاب عبايه الصلاه
احمد سحبها منه لفها بي وشالها وركض للسياره سجاد يسوق وعمر للصدر وانا خليتها بحضني انطلق سجاد باقصى سرعه للمستشفى
عمر اللتفت شوفها تتنفس
احمد يي... ييي ب بس ما جاي تكعد أنت سوق عل سريع
سجاد بصياح بس علكيفك لا تصيح وصلنه
احمد وصلنه للطوارئ شلتها ونزلت هي كلها دم وانا انترست دم ركضت بيها اجو اخذوها من ايدي وهي اخذت روحي حست رجلي بعد ما يحملني كعدت اباب الطورئ وخليت ايدي عل راسي النفس ضاك بيه حسيت ايد عل ضهري
عمر كول يا علي احمد صدك جذب لك هذا انت الفحل انشالله ما بيها شي
احمد لك ما شفتها اشون تختض بيدي شفت جهازي يدك مسحت الدم من ايدي وطلعت الجهاز
ابو احمد وينكم بويه اخوك متانيكم
احمد بويه روحو صارتلك شغله ماكدر اجي
ابو احمد شكو شبي صوتك
احمد ماكو شي يلا ثيمالا .... سديته منه وطلعت باكيت الجكاير ساعه ونص ياله طلعت الدكتوره رحت اللها بلهفه ..... ها دكتوره بشري
الدكتوره شتقربلك المريضه
احمد زوجتي دكتوره فدوه بيها شي
الدكتوره الحمدلله عدت سلامات بس واكعه عليها جامه
سجاد دكتوره جامه الطباخ
احمد هسه اشلونها
الدكتوره جانت بخاصرتها قطعه كزاز طلعناها والبقيه كلها جروح خفيفه بسس.....
احمد بخوف بسس شنو
الدكتوره للاسف لبنيه صاير عدها اسقاط
احمد بصدمه ليش هي حامل
الدكتوره ليش ما تعرفون اللبنيه بسبوعها الثاني المهم هسه ننقلها لغرفتها وما بيها غير العافية
::::::::::::::::::::::::::::::::::::::::::::::::::::::
فاطمه
فتحت عيوني غواش اسود شوي شوي ووضحت الرؤيه عندي شفته وكف يم الجامه لابس بنطرون اسود وقميص ابيض رافع رداناته ملطخ بلدم ويدخن حسيت وجع ببطني مو طبيعي غمضت عيني حيل وونيت بصوت هو انتبه علي واجه علي
احمد بلهفة حبيبي كعدتي شبيج بنيتي
فاطمه بقيت ساكته بس اتلوه من الوجع
احمد هسه اصيح الدكتوره واجيج
فاطمه شوي ودخلت الدكتوره
الدكتوره هاا شحاسه
فاطمه حجيت بصعوبه بطني ....بطني توجعني
الدكتوره شئ طبيعي عدج خياط ببطنج وصار عندج اسقاط حته لو بأول شهر بس لانج صغيره رحمجً تاذه هسه انطيج ابره مسكن بلمغذي ويخف الوجع
فاطمه يعني اني جنت حامل
الدكتوره يي
فاطمه شكد جان علي
الدكتوره اسبوعين
فاطمه ضربتني ابره بلمغذي وطلعت حسيت كلبي طلع من مكانه خليت ايدي عل عيوني وبجيت بحركه شكد جنت متمنيه طفل وخسرته بقيت ابجي واناشغ مثل الجهال ... يا ربي ليش ...ليش لا حضي مثل حض البنات لا اهل لا طفل كل ما افرح بشي ما يتم شوي انفتح الباب ودخل شافني حسيت نفسي اكرهااا حيل حيل اذاني ابجي واناشغ
احمد شبيج بنيتي ليش تبجين
فاطمه ببجي و..وخر ااكر ...اكرهك
احمد فطيماتي باباتي شو باوعيلي
فاطمه دفعت ايده وخر مني وخر ايدك لا تلزمني
احمد صار بس علكيفج لا تبجين
فاطمه كعد كبالي عل كرسي يدخن واني ابجي ابجي شوي هدئت بس عيوني بعدهن يصبن اللتفت علي ..... فرحان
احمد شبيج حبيبتي عل شنو فرحان
فاطمه فرحان لان سقطت الطفل والله اعرفك يعني فقدت قطعه من روحي بسببك
احمد كعد يمها عل سرير ومسح دمع عينها بصبعه تره هاي القطعه اللي من روحج طلعت من ضهري ومن صلبي ومثل ما انتي مقهوره انا ضايج تره كلبي بعده ما محجر لهل درجه
فاطمه دنك علي باي راسي وخله كصته عل كصتي
احمد الحمد لله على سلامتج لو صار بيج شي مادري وين اطي وجهي الطفل يتعوض بس انتي ما تتعوضين
فاطمه درت وجهي منه هو بقه لازم ايدي اللي مشكل بيها المغذي وكل شوي يمسح دموعي
احمد بنيتي كافي ادري ما يخلصن شنو شاده تانكي
فاطمه خليت ايدي عل بطني وباوعت علي يعني معقوله اسبوعين حامل واني مادري بنفسي
احمد ابتسم انا موجود واسويلج درزن جهال
فاطمه بس اني اريد هذا
احمد بله شلون بويه منين اجيبه
فاطمه حجيت بصوت ناصي شوف غرورك وين وصلنه
احمد غروري لو لسانج
فاطمه حته لو مو معناها تعوفني ابحدي بلبيت وتروح هسه لو محتركه لو صاير بيه شي لو مدري شمسويه ما تعوفني
احمد بعصبيه لجججج يعني اكو وحده تفشر عل رجلها ودكله انت مو زلمه وفوكاها كدام اهله لج حمدي ربج ما كسرتجً بوكتها تدرين هذيج اخلاص جانت لو حجيت حجايه وباوعت علي اله اطفئ عينها مو انتي تجاوزين ودغلطين وما احاجيج لج وعلي حجاياتج بعدني ما بالعهن
فاطمه يي ييي يعني مرتك ذيج احسن مني مو
احمد صفت عليها شوي وحجه ..... انتي ليش هلكد نكديه
فاطمه باوعت علي وسكتت
احمد لج بابه حبيبتي بس فهميني مو قصدي اقارنج بيها بس جاي احجي وياج اريد افهم شوكت تعقلين شوكت تكبرين والعباس تعبتيني ادوسين ابطني وما احجي مو قصه ما اكدرلج لا والله اذب عليج بانزين واحركج بس افهمي احبج اللف.... حاء......باء.....جيم فهمتي لو لا
فاطمه سكتت منه شوي ودخلت والحجيه وام احمد بهجوم
ام احمد يمه فطيم سوده بوجهي هاي اصاير بيج
فاطمه اجن علي يحضنن ويكلبن بوجهي هو طلع
الحجيه يمهه انا كلت كلت هذا حميد يموت البت كله من وراه
ام احمد يمه اشون هيج صار
فاطمه ..... خاله طفيت النار وسديت جامه الطباخ وحسيت شي انفجر وبعد ما حسيت بشي
ام احمد عضت اصبعها اخخخخ ذاك اليوم هم سويتي هاي الحركه شكم مره متوبتج منها شكم مره
فاطمه دخل احمد مبين مغسل ومبدل
احمد يا ترحن هم يالله
ام احمد يا غير نبقه يم فاطمه
احمد لا يمه انا يمها وانتن تعبانات من هوسه العرس
فاطمه ضلو يتناقشون بس بالاخير طبعا راي احمد لازم يمشي خله سجاد يوصلهن وهو ضل كل شوي يطلع ويطب اباوع علي صار نضيف واني وصخه ..... يي عيني تسبح وتبدل اكو ممرضات حلوات طبعا تريدهن يشوفنك حلوو
احمد ببرود طبعا
فاطمه هاا لازم لكيت وحده
احمد يييي اشون شفتلج ذيج اادكتوره طركاعه مو مره كتلها بلا زحمه ذيج الغرفه فارغه وانا زلمه تعبانه وانتي ما تتفوتين عاد هيه ما كالت لا
فاطمه اباوع علي صدك تحجي
احمد ييي
فاطمه درت وجهي منه دخلت الممرضه عدلتلي المغذي بس شنو المكياج كيلو مخليه واطك بعلجها دارت وجهك علي وحجت الكلمه اللي اثنيناتنه متعودين عليها
الممرضه بتنعوص بنتك
احمد ما باوع وحجه بهدوء...... عليها لا زوجتي
الممرضه ياااا علفكره ولا مبين جنها بنتك مو لايكيين لبعض
احمد وع فكره محد طلب رائية
فاطمه من فشلتها وجها ذا يذب اني حصرتني الضحكه هي طلعت شفته كام نكزت من يمي ويين رايح
احمد بلباب ادخن
فاطمه هنا دخن
احمد مو زين عليج
فاطمه يعني اله ادخن اخاف ابقه يمي
احمد غمض عيونه بنفاذ صبر ورجع كعد
فاطمه شوي شوي وبعد ما حسيت عل نفسي
مرت ثلاثه ايام واني للمستشفى والبنات يوميه يجني حته امجد اجه تحمدلي بلسلامه احمد هو مسؤل علي ما يخلي احد يلزمني هو يبدل ملابسي ويوكلني ويبات وياي بس كضاها كل شوي يروح يغسل لو بعقم ايده وتحسه قرفان من كلشي بل مستشفى واني باقيه مطينه عيشته بس انكد علي واتعارك ويا واذا يحجي اطنشه مرت يعصب ومرات يسكت مني واذا عصب اضل ابجي هو يضل يدخن ويستغفر
واخيرا اليوم راح نرجع احس روحي اختنكت من اجواء المستشفيات
احمد خلصتي
فاطمه يي
احمد تعالي
فاطمه نزلني من السرير وشال الجنطه وعدل عباتي وطلعنه جان دنيه اول ما طلعنه باب المستشفى كفخني هوا يماااا شكد حلو هو لازم ايدي وامشي عل كييييف وصلنه للكراج جان فارغ فتحلي الباب جانت سيارته عاليه واني ماكدر ارفع رجلي هو خله الجنطه وره شافني بعدني واكفه
احمد ما تصعدين
فاطمه ما اللوح
احمد سنفور انطيني ايدج
فاطمه اهوووو وخر اني اصعد
احمد اشوف يلا صعدي
فاطمه اجيت ارفع رجلي حيل صحت اخخخخخ
احمد علكيفج حياتي
فاطمه رفعني من خصري كعدني وربطلي حزام الامان وخطف بوسه
احمد هيج تمام
فاطمه الطريق كله صافنه وهو يسولف وياي لو يلزم ايدي ويبوسها احد ما وصلنه الحرس فتحو الباب نزل سلم عليهم ورجع دخل السياره ونزلني محد جان يعرف اني طالعه دخلنه جانو كاعدين بل صاله
احمد السلام عليكم
فاطمه البنات من شافني كامن حضنني وتحمدلي بل سلامه وكلش فرحن بس مرت امجد ما شفتها اديان كالت بغرفتها كعدت عل تخم وهم رجعو كعدو بقو يسولفون شوي ودخل محمد وابو احمد اجيت اكوم
ابو احمد لا بويه لا دكومين
فاطمه اجه باسني من راسي وكعد وحضني الصدره
ابو احمد اشونج
فاطمه بخجل زينه عمو الحمد لله
ابو احمد كوم متأذيه
فاطمه لا عمو
احمد بغيره يلا كومي
ابو احمد ها ولك حميد دغار من ابوك
احمد لا شنو السالفة بس هي تعبت
فاطمه كامو يضحكون علي لان مبين عصب
الحجيه خليها جوه يمي وين تكدر تصعد وخلي حوراء عينها عليها
احمد ما عليها شي انا يمها
فاطمه كمت صعدني فوك بلكوه امشي وكل ساع اكعد بس هو اصر اله اصعد ما قبل ابقه جوه دخلنه للغرفه الللله شكد مشتاقتلها كعدت عل جربايه نزعت حجابي والعبايه هو سد الباب واجه علي دنك عل حذائي ينزعه .... عوفه اني انزعه
احمد عادي شعدي .... تسبحين
فاطمه يي هسه اسبح صارلي هواي ما سابحه احس جسمي خاس
احمد كومي يلا
فاطمه وين
احمد اسبحج
فاطمه لاااا اني اسبح
احمد ماتاكلين خره علساس ما شايف
فاطمه احمدددددد شبيك
احمد عمي والله ما باوع
فاطمه ماا
احمد يي مو هو بكيفج علمود تعبرين الماي عل خياط يلا كومي
فاطمه سبحت وغسلي شعري ولبست البرنص وطلعت رجعت عل جربايه كعدت شوي وطلع من الحمام لاف المنشفه عل خصره
احمد بعدج ما مبدله
فاطمه ما بيا حيل اجه يمي ينشف شعري ... زيننن اكلك
احمد كولي
فاطمه اريد جهازي
احمد فتح الكنتور وطلع جهازي انطاه
فاطمه انطاني جهازي جاي يحجي واندك الباب
احمد منوو
فاطمه انفتح الباب ودخلت مرت امجد اني ويا اثنينه انصدمنه
حياه سلامم
فاطمه و احمد وعليكم السلام
فاطمه هي دخلت جانت لابسه تراك ضيييييك وهي مدبدبه مو ضعيفه والحجاب مطلعه كذلتها وشعرها من ورا والاضافر مصبغه وطوال
احمد اخذ ملابسه تعالي خويه اخذي راحتج
فاطمه هو راح يبدل بلحمام وعافني يمها كلش استحيت لان البرنص قصير يوصل للفخذ بقيت انزل بي وهي بقت عينها ورا لحد ما دخل ..... اشونج
حياه ههه يمه صفنت اني زينه انتي اشونج عيني الحمدلله على سلامه
فاطمه شكرا حبيبتي
حياه بس تردين الصدك هنيالج رجلج جسمه يطك بلكاع ولو هو كله عل بعضه يخبل شنو الشخصيه يمه متت متت
فاطمه ضجت من حجت هيج حسيت بغيره ما عرفت شحجي ابتسمتلها
حياه كعدت عل جربايه هذا شعرج والله حلو من شوكت ما كاصتا
فاطمه من جنت صغيره ابد ما كاصته
حياه بله اوكفي خل اشوف شطوله
فاطمه وكفت بصعوبه وهي فكت حلكها كل ساع
حياه شنو هاي يجنن هنيالج
فاطمه شكرا ....سكتت شوي وحجت
حياه جسمج والله حلو منحوت بس تدرين شنو
فاطمه شنو
حياه صدرج صغير
فاطمه من حجت هيج مدت ايدها عل صدري اني كبل شهكت رجعت اللي وره
حياه ههههه شبيج عبالك محد لازمج من قبل
فاطمه طلع احمد من الحمام لابس تراك اسود رياضي حته نسيت وجوده
حياه يلا اعوفكم وحدكم تصبحون عل خير
فاطمه اجمعين..... طلعت وسدت الباب
احمد شبيج وجهج اصفر
فاطمه هزيت جتافي ماكو شي
احمد امشطلج شعرج
فاطمه هزيت راسي هو جاب المشط وكعد وراي يمشطلي احمد
احمد روحه
فاطمه محتاجه غراض
احمد غراض شنو
فاطمه احممم يعني غراض نسائيه
احمد هسه ترديهم ضروري
فاطمه يي
احمد صار كتبيهن برساله وهسه اجيبهم
فاطمه كمل تمشيط وضفرلي وطلع اني كمت لبست دشداشه قصيره مريحه ووكفت كبال ميز التواليت اخلي عطر انتبهت عل وجهي اصفررر وجوه عيوني اسود وحلكي ابيض جني وحده طالعه من المكابر نزلت كذله ولبست طوك وخليت كحله ومسكاره وحمره لون وردي هاده ومورد خدوده ييي هسه صرت اخبل جاي احجي وي روحي وهو دخل .... شبسرعه اجيت
احمد قابل رايح لباريس هي هاي الاسواق جبتلج حلويات
فاطمه انطاني العلاكه واجه يمي
احمد شهل جمال
فاطمه تقرب مني اجه يبوسني درت وجهي منه هو حجه بس وخر ونزع تراكه راح للجربايه
احمد اخخخخ بويه يا الراحه اللي بل بيت
فاطمه فتحت العلاكه طلعت جبس وعصير وكعدت اكل واكلب بل انستا خليت ستوري ة مقطع مال فلم عجبني مال بنيه مريضه وحبيبها يهتم بيها كلش عجبني الفلم شفت الستوري ماله مخلي صورته هو نام ولا دره بروحه بس حسيته كلششش ضاج كملت اكل رحت غسلت ورجعت عل جربايه حسيت نفسي طرحتها ويا تقربت منه بست زنده عل سريع فز
احمد هااا يوجعج شيي
فاطمه يي
احمد كعد وين الوجع
فاطمه بتفاها كلبي يوجعني
احمد صدك تحجين
فاطمه هههه لا والله اشاقه
احمد صفت عليها... من اهفج براشدي احد يكلي ليش
فاطمه ينطيك كلبك .... زين احضني
احمد ضحك اشون بخبلتي انا وعلي راح تخبليني وياج
فاطمه ضحكت وبسته يلااا لا تبقه ادردم مثل العجايز
احمد شوف اللسان
فاطمه خله راسه بركبتي رجع غفه اني هم نمت وما حسيت عل روحي
مو سبوعين وهو يهتم بيه حته الدوام اخذ اجازه صحيح يعني يطلع هواي بس كل شوي يخابر هلا اكلتي هااا. شربتي علاجج فتحت خياطاتي ورجعت حياتي الطبيعيه هو جاب نتيجتي اني واسراء اثنيناتنه ناجحات وبسبب ضروف البلد اعتمدو عل نصف السنه كلشششش فرحت اني واسراء تعلقت باحمد بهاي الفتره لدرجه مو طبيعيه يعني وصلت درجه اذا كعدت وما لكيته اتعارك ويااا جانت دنيه الليل ام احمد كالت نصلي ونتعشه هم راحو يصلون وامير كاعد يمي ياكل حلويات واني اسوي زلاطه اجت حياه اطكطك بنعالها
حياه شجاي اسوين
فاطمه اثرم زلاطه بقت كعدت عل كرسي وخلت رجل عل رجل درت وجهي عليها لكيتها صافنه علي ضحكت هااا شبيج
حياه اجه عل بالي سوال
فاطمه ابتسمت ييي سئلي
حياه ليش احس رجلج .. احمد ما يحبج
فاطمه ليش يعني تحسي ما يحبني
حياه لا يعني احسه ما يحب احد يعني حيل معقد مبين اشوف اني حته ما سامعته يكلج حبيبتي لو مثلا يلزم ايدج لو يضحك وياج
فاطمه مو شرط يعني يدغزل بيه كدامكم ياله يثبت هو يحبني احمد من النوع يحب الخصوصيه
حياه زين اشون متحمله احمد
فاطمه باستغراب يعني اشون
حياه يعني اشون تتحملين من ينام وياج ما تختنكين منه واني هلكدج وهو ضخم
فاطمه ...........
:::::::::::::::::::::::::::::::::::::::::::::::::::
شفع
مهدي اللووو
شفع اللو هلا مهدي
مهدي اشونج
شفع زينه الحمد لله وانت
مهدي الحمد لله عدي خبر اللج
شفع شنو
مهدي حاجيت امي وراح نجي نخطبج
شفع بصدمه صدكك
مهدي يي والله
شفع شوكت
مهدي باجر
شفع شدعوه هلكد مستعجل
مهدي اريدج اليوم كبل باجر شفع احبج
شفع ما عرفت شحجي ..... هلا بيكم ياله اني رايحه
مهدي شفعً
شفع نعم
مهدي تحبيني
شفع ......
مهدي يلا مو شرط هسه نسمعها باي
شفع باي
سديته منه ورحت نمت واني ماخذه قرار اوافق كعدت ثاني يوم ما رحت للدوام سويت ريوك لابوي وكعدنه نتريك .... احمم بابه
ابو شفع هاا
شفع بخجل بابه شسمه .... اكو ولد وياي وياي بل دوام تقدمني واليوم يجون اهله
ابو شفع ابنمن هذا منو اهله
شفع حجيته عل اهله وكتله هو طالب جامعي
ابو شفع يصير خير
شفع كمت انضف اذن الضهر صليت وبديت اسوي الغده اندك الباب فتحته وانصدمت دخلو بيت عمي الجبير
خيري السلام عليكم
شفع سلمت علي هو مرته وبناته وحته ولده جاييين هو عده ثنين بنات وثنين ولد الصراحه مرته جانت طيبه وياي ما ماذيتني بس هو عمي حقير حته بناتها فقيرات اسمهن زهراء وزينب وجايبين وياهم كيك وكليجه دخلت كعدو بل صاله
ام سالم اشونج بنيتي
شفع الحمد لله عمه انتم اشونكم
ام سالم عل الله خطيه ابوج خابر ابو سالم كال جايين اليوم يخطبوج عاد اني كتله ما تطلع اله رجلي عل رجلك خطيه اشون يجنها نسوان وما وياها احد وسويت كيك وكليجه
شفع دمعت عيوني وكمت بستها شكرا خاله والله ما تقصرين
زينب يلا شفع كومي سبحي احنه نكمل الغده
شفع فررحت حييييل بوكتها صدك حسيت عدي اهل دخلت سبحت ولبست فستان وردي وخللي البنات مكياج خفيييف وفتحت شعري اللي صاير وي ركبتي وطلعت لكيتهن مخلصات الغده دغدينه كلنه وكمت غسلت الاماعين وي البنات ونضفنه البيت وبخرنا صارت ب 3 اندك الباب مرت عمي دخلتهن شوي وصاحتني اخذت صينيه الكيك والعصير ودخلت السلام عليكم
النسوان وعليكم السلام
شفع جانت كاعده مره جبيره وثنين بنات شابات
ام مهدي اللهم صلي على محمد وال فدوه يمه شهل جمال
شفع اني من احد يمدحني اصير ثوله بس اوزع ابتسامات قدمتلهن الضيافه وكعدت بصف مرت عمي والنسوان حييييل مبين عليهن حبابات ضلن يسولفن اني شوي وكمت عنه تقريبا بقت نص ساعه اخذن رقم مرت عمي وطلعن بقت مرت عمي تمدح بيهن ودخول مبين عليهم خوش ناس بيت عمي بقو عدنه بليل وراحو صارت ب 11 خابر مهدي
شفع الوو
مهدي هلااا بهل صوت هاي اليوم شمسويه
شفع شمسويه
مهدي امي تخبلت عليج دكول ثكيله وحلوه كلششش عجبتيها
شفع بخجل صدك
مهدي وداعه عيونج شوكت تردولنه خبر انطيت رقمي لابوج وعمج
شفع مادري بعد بكيفهم
بقينه شوي نسولف وسديته منه مرن ثلاث تيام وابوي رد اللهم الموافقه واتفقو عل خطبه واني بطلت من المحل ضليت ما اروح بيوم خطبه امجد كعدت مكروب كلبي وكل شوي عيوني يدمعن وامسحهن جنت كاعده عل مكينه الضهر اندك الباب رحت فتحته طلعت حوراء هلا هلا ام سجاد تفضلي
حوراء زاد فضلج حبيبتي والله اجيت اخذج
شفع وين
حوراء عل خطبه ولا ترفضين تره الحجيه ودت عليج
شفع ام سجاد تعذريني ماكدر
حوراء مو اجيتج للباب وتعنيتلج
شفع بقت تلح علمود اروح كتلها اكل لبابه واشوف .... بابه
ابو شفع ها بنيتي
شفع بابه اروح وي جوارينه للخطبه اجتي ام سجاد عزمتني
ابو شفع روحي بنيتي تونسي
شفع لكيت عدي فستان سمائي وورتبت شالي وخليت مكياج وكعب اخذت جنطتي وطلعت شارعهم صاير هوسه هواي زلم بي دخلت للمطبخ تلكتني اسراء طالعه اجنن جنها لعابه
اسراء جنت منتضرتج تعالي
شفع رحنه كعدنه بغرفه الحجيه
الحجيه اللهم صلي عل نبي شني هاي جماره
شفع ضحكت بقهر شكرا
اسراء يلا يبنات خالو يكول يلا تلفلفن
شفع طلعنه شفت فاطمه ملفلفه روحها باوستها هاي شمسويه بروحج
فاطمه هو اني بلكوه خليت احمد يخليني اطلع بلمكياج هههه
شفع رحنه للقاعه نزلنه جانت اقل ما ينكال علها تجنن كلش حلوه كعدنه عل طاوله اني واسراء وفاطمة بقينه نسولف وصاحو راح تدخل العرووس اتوجهت انضاري للباب دخلت بفستانها الجبير وراحت كعدت عل كوشه عيوني جانن عليها بنيه جبيره مو صغيره ملامحها مبينه عاديه بدون مكياج اباوع عل فرحتها. وكلبي يحترك من التوتر ضليت احرك رجلي بتوتر راحن البنات يسلمن عليها اباوعلها تضحك وكل شوي اريد دكوم تركص رجعن البنات ضايجات شوي وكالو راح يدخل اللولد دخل امجد بطوله جان لابس قاط زيتوني دخل وهو لازم الماسكه مالتها وصل يمها كعد عل ركبته وانطاها اللها ومبين فررحان راح كعد بصفها شوي وجابو الذهب لبسا اللها وي كل قطعه يبوسها لو بايدها لو براسها وراهة كامو قطعو الكيك ورقصو بلنص واني حته ما رمشت بقيت اباوع عليهم واردد بكلبي راح انسا خلص هو مو اللي الله يقدم اللي بس الخير كعدو ياخذون صور هو ماعرف اشون اللتفت اجت عيني بعينه جان يضحك من شافني اختفت ابتسامته ضل يباوع علي اني ابتسمت ودرت وجهي منهم ضليت كل ما اباوع عليهم اشوفه يباوعلي ما تحملت كمت رحت التواليت وكفت كبال المرايه اهفي عل وجهي ماريد ابجي سمعت صوت بجي مال بنيه طلعت فاطمه من الحمام وعيونها حمررر عرفتها تبجي من حجي النسوان لان كل اللي بل قاعه يحجن عليها ويكولون اهلها بايعينها عل اساس
شفع ليش تبجين إبدال ما تبجين اللي تحجي عليج دخلي ايدج بعينها
فاطمه بحزن شفع سمعتي الحجي شفتي شيحجن علي
شفع حضنتها اشششش خيولن لا تبجين لان شافنج ساكته يستغلنج ويحجن .... شوي وصاحو راح نرجع طلعت وي البنات جان الشارع هوسه تيهتهن ضليت اتلفت ادور عليهن باوعت من بعدي شفت امجد اجه باتجاهي درت وجهي منه جاي امشي طلع بوجهي مهدي فزيت
مهدي امشي لا تبقين واكفه كبال الزلم
شفع تيهت البنات مادري وينهن عني
مهدي تعالي اني اوصلج بطريقي
شفع لا لا اني ارجع وي البنات
مهدي تره هسه انتي خطيبتي ولازم تكون عندج ثقه بيه
شفع ابتسمتله واخذني للسياره كعدت شغل التبريد
مهدي شعدج جايه وين تعرفيهم
شفع مو هم جوارينه
مهدي اعرف بيهن جوارينكم بس عل اقل جان دزيتيلي رساله
شفع سكتت منه شوي وحجيت بفضول .... زين انت وين تعرفه
مهدي اخو صديق اخوي واجبت ويا
شفع مممممم وصلني للبيت جانت دنيه ليل تشكرات منه ونزلت دخلت للبيت ما لكيت احد خابرت ابوي كلي انو هو عد بيت عمي قفلت الباب ورحت سبحت وسويت عشه خابرني مهدي كلي حددو الخطبه بعد عشر تيام بلبدايه ترددت بس بعدين كلت هاي هيه صارت ب 9 اندك الباب جان عبالي ابوي رجع خليت حجاب عل راسي وطلعت اول ما فتحت الباب واحد خله ايده عل حلكي ودخلني عل سريع وسد الباب ......
ماضرّك لو كنت مَرهميٍ يا مُرّهمّي
فلتقُل مرحباٌ أو مُرّحبا وأحيِني ،