الساعه ٧ الصباح
هُمام : سعود
سعود بانزعاج : هاا
هُمام : شوف الدكتور
سعود : هلا
الدكتور : في حاجه بتوجعك ؟
سعود: لا
الدكتور : بتقدر تتحرك ؟
سعود : اي اقدر
الدكتور : نسوي اشاعه الحين و تقدر تطلع بمسؤليتك لو م فيه حاجه
سعود : الحين ؟
الدكتور : م تبي تطلع ؟
سعود : الا
الدكتور : يلا تعال
فبيت الجده
الجد : دق على سعود
عزوز : تلاقيه نايم
الجد : صحيه
عزوز : خله شوي الظهر
الجد : اجل صحي اللي ف المجلس و امشو معي
عزوز : ابشر
ف المجلس
عزوز : فيصل قم
فيصل : وش تبغى ؟
عزوز : جدي يبيكم
عزيز ؛ خليه شوي
عزوز: عيب عليك وش خليه شوي !!
راكان : يرحم امك م كملنا نومنا ترا جايين من سفر
عزوز : هيا اذا م قمتو بناديه
الجد : م قامو
عزوز : لا... قعد يتلفت حوله خلاص قامو
الجد : م عندكم ثياب انتو ؟
راكان : م جبنا
الجد : عطيهم ياعبدالعزيز و الحقوني بقوم عمكم
عزيز ؛ يمكن م فيه مقاسي
عزوز : يابوي كلكم نفس الطول بتحصلون عندنا كلشي
ف غرفة البنات
ايلين فتحت الباب : هلا جدي
الجد : انا رايح لا جاء عمك ولا ابوك قولي له اني ف الشبك
ايلين: تمام
الجد : هيا ياسعو.. ياعزوز تأخرنا
الجده : سعود م دقيتو عليه
ايلين : تلاقونه نايم
الجده : احسن خليه يرتاح امس طول الليل يكلمنا
الجد ؛ ادخلي جوا عيال سليمان بيطلعون
ايلين : ابشر
ف المستشفى
الدكتور : دام كلشي سليم تقدر تطلع بس على مسؤليتك المفروض م تطلع الا بعد يومين ع الاقل
سعود : بجيكم ع المواعيد م عليكم
هُمام : نروح الغرفه الحين ؟
الدكتور: اي تقدرون
هُمام : اركب ف العربيه سعود
سعود : لا طفشت بمشي هات يدك
هُمام : تحب العناد يعورك لا مشيت ؟
سعود : اي بس يقول هاذا يخف على كل مره تمشي
هُمام : تبي شاهي ؟
سعود ؛ اقول لا ؟
هُمام ؛ اجل دقايق
ف الشبك الساعه ٩
الجد ؛ وراكم م خلصتو للحين ؟
عزيز : وش تبغانا نسوي
الجد : لو سعود موجود كان خلص
فيصل : بس حنا مب سعود
الجد ؛ محد مثل سعود
عزوز : جدي تبي شاهي ؟
راكان : وليه ذا م يقوم معانا
الجد : ذا كرفته من امس
العم : الحقها
الجد : لا بارك الله فيك الحقها عبدالعزيز
عبدالعزيز وهو يمسكها : جدي انا احسن من سعود ؟
الجد : تخسي يابوك بس تعال
العم : ع طاري سعود دقوا عليه
سعود : م اتوقع يحتاج
الجد : وش جابك !!
عبدالعزيز: ياخبل ليه جايبه
هُمام : كتبوله خروج
الجد : ليه جاي هنا !
العم : مشينا البيت
سعود : جاكم عفو ياعيال سليمان امشو
الجد : دق ياعبدالعزيز يسوون اكل
سعود : لا جبت فطور امشو بس
فيصل ؛ الحمدالله ع السلام سعود
سعود : الله يسلمك
هُمام : تعالو اركبو معانا
سعود : عزوز بكلمك شوي
عزوز: هلا
سعود : فيصل ؟
عزوز : بلاه ؟
سعود: شوف لي اياه بكون مشغول انا ف المستشفيات
عزوز: تم بس هو ؟
سعود : لا شفت احد نفسه علمني
عزوز ؛ ياولد غريب
سعود ؛ ليه
عزوز : يدخل علينا كذا المشكله نقول له وقتها بس م يفهم
سعود ؛ ليه صار شي جديد ؟
عزوز : قبل م نطلع من البيت قال جدي لوحده مدري مين بس قال انه عيال سليمان بيطلعون ادخلي م نشوف لك الا هو مدرعم جدتي غطتها بلحافها جدي هاوشه بس م يفهم يقول تعودت
سعود : يبي له
عزوز : هيا هيا
سعود : م صارت مشاكل ؟
عزوز ؛ وين
سعود : ف البيت
عزوز : هاجدين م يقدرون ع جدي كل م قالو شي قام عليهم ولا احد يقدر يفتح فمه
سعود : ياليت دايم كذا نكمل ف البيت
ف البيت
الجده : سوي الشاهي و صحي حريم عمامك نايمين للحين !
زينه : الله يعين بتروحون عند سعود؟
الجده : سعود طلع
ايلين ؛ م جاء هنا
الجده : راح الشبك عند جدك الله يعيننا عليه
ملاك : ياربي اخاف يلاقي اللي تهاوش معاهم كمان !
الجده ؛ لا اكيد بينتبهون له
غزل ؛ حتى لو ينتبهون ذاك اليوم قدام عيوننا كلنا و مدري كيف راح
الجده ؛ بنشوف حل
ف غرفة نايف و نوال
نوال : انا طفشت من هالديره وانت طول الوقت نايم و م نطلع من البيت ولا قعدنا مع بعض تهاوشنا
نايف وهو فيه نوم : ياخي مالي خلق
نوال : م ابي اقعد بروح عند اهلي
نايف : روحي
نوال : وديني انت
الجده : ينوال تعالي
نوال : اوفف
ايلين : متى قالو بيجون ؟
زينه : وانتي شفيك مستعجله
ايلين ؛ م له دخل بس بيبرد الشاهي و هم م جو
دق الباب
زينه : افتحي ايلين
ايلين : غزل جنبك افتحي
غزل : ملاك اخوك
ملاك : شيهانه
الجده : يعني انا اقوم !
ايلين : خلاص قايمه ، مين ؟
الجد : انا جدك افتحي
ايلين : هلا جدي
الجد ؛ ادخلوا جوا
قاموا كلهم بانزعاج جيلان : م تطفشون ! قوموا اجلسوا
ايلين ؛ اجل نقعد قدامهم !
دق الباب
جيلان : لا يكونون يطلعونا من الغرفه كمان
سعود ؛ ملاك
ملاك : هلا هلا سعُودي ، عندك احد اطلع ولا ؟
سعود: تعالي م فيه احد ، عمه ودك تجين ؟
زينه ؛ انتظرك تناديني
سعود ؛ امي وين ؟
ملاك : نايمه شوي و بصحيها
سعود : تعالوا المطبخ
زينه وملاك وهم يحضنونه : اشتقنا لك
سعود : الله من متى الحب ذا كله
زينه : مخبى
هُمام :امحق حب بس ناديني ايلين تكفين ياعمه
زينه : معصي
هُمام : ايلين
ايلين : ها
هُمام : قليلة ادب فوق انها م استقبلتني تقول ها !
ايلين : هُمام ! م جبت لي قهوه ليه ؟
هُمام : مصلحجيه ذي البنت تعالي سويلي زي سعود
ايلين : شفيه سعود
هُمام : م فيه شي بس يحضنونه و حب و حركات
ايلين : اها تعال اجل
هُمام : ياحبيبتي ياختي بجيب لك اليوم قهوتين
زينه : وانا !
هُمام : م حضنتيني رحتي لاذا
زينه : ولا يهمك ها
هُمام : خلاص ابشرو بس قول اشتقتلك و كذا
سعود : قلودي
ايلين : اشتقت لك
هُمام : وانا اشتقت لك
صقر : الله الله وش ذا الحب تعالي شوفي فاتن
فاتن ؛ ماشاءالله وحنا ملنا !
ايلين وهي تحضن صقر : الله يخليك
فاتن: وانا !
هُمام : بنت ابوها خليها انا معك
صقر وهو يضحك : تعالي زينه
زينه وهي تحضنه : الله يخليك
الجد : حلو الاحضان لسعود
سعود : اكتفيت م عاد ابي حضن
صقر : ايلين ادخلي
سعود : كنت ف المطبخ مع ملاك
عزوز : محد سأل
سعود ؛ جدي توه كان بيسأل
الجد وهو يضحك : تعالو للفطور و نادي بنات سليمان
صقر : تناديهم !
الجد ؛ اي ! ملاك اطلعي عادي و قومي امك و ابوك
سعود : هُمام
هُمام : هلا
سعود : تعال معاي
الجد ؛ على وين مصيبه ثانيه ؟
سعود : لا تخاف مو كبيره
صقر : اهجدي ياسعود م صار لك ساعتين طالع من المستشفى
سعود : مب الحين لاحقين
صقر : رح معاهم عزوز
عزوز : لا بقعد مع جدي
الجد : لا روح عادي
هُمام وهو راجع : ياعزوز امش ولا بنمشي
عزوز : يلا جاي
الجد : وين بتروحون ياهُمام !
هُمام : الحوش اللي ورا
الجد ؛ بيجي الفطور الحين لا تطولون
سعود: فيصل
هُمام ؛ وش نسوي به خله
عزوز: جدي بيخليهم يدخلون عليهم عادي !
سعود ؛ جدك دخلنا عندهم م تبيهم يدخلهم علينا !
هُمام ؛ نقول لجدي لا طيب
سعود ؛ قل له بيسمع لك ! عمي صقر م سمع له
عزوز ؛ يعني وش السوات
سعود ؛ خلكم عليه اكثر من اول لا مسكتوه مع وحده ادمغوه لا تنتظرون
عزوز : وجدي ؟
سعود ؛ جدك ! بيخليه يسولف مع غزل عادي
عزوز : شدخل غزل !
هُمام ؛ خلاص يعيال نقول لهم م يسولفون
سعود ؛ بيقول متعود
هُمام ؛ لا بكلم البنات
سعود : بكيفكم عاد بس بقول لكم شي !
عزوز : قل
سعود: ترا شفت اللي طعني وانا م قلت لهم عشان اخذ حقي انا
هُمام : سعود تورط بعد وش تاخذ حقك !
سعود: كيف اخليه كذا !
عزوز : مين طيب ؟
سعود : ثامر
عزوز وهُمام وهم يناظرو بعض : وش بنسوي يعني ؟
سعود : بطعنه و ف نفس المكان و فوقها ضرب بعد ولا م ذبحته بعد
عزوز : اترك هبالك خلها لوقت ثاني الحين مره لا
سعود ؛ لمتى ؟
هُمام ؛ هدي نشوف حل غيره
سعود ؛ وش الحل ؟
هُمام : غير الطعن و غير اننا نجيه
سعود ؛ غيره م ابي هيا دخلنا جوا
هُمام ؛ هيا بس لا تروح له
سعود ؛ م عليك هو مب الحين بس بيجي يوم