وليان: كعدت لكيتهم كلهم يمي عد محمود وامة مجانو موجودين اما عمي محمد(ابو محمود) لا جان موجود ومصطفى و ليان اختي هم جاية.... كعدت راسي احسة يريد ينفجر من كثر الالم وصلت لدرجة ابجيي ماما جان كاعدة على كرسي يمي بس شافتني كعدت وابجي رسن كامت اجتي علية...
ام وليان: ها ماما ها عيني شبيج كلبي شنو يوجعج كولي
ابو وليان: شبيج بنيتي اصيح الدكتور يشوفج
ابو محمود: اني حروح اصيحة انت ظل يمها
وليان: راسي ديوجعني
ام وليان: ليش
ابو وليان: هي شيعرفها ليش خلي يجي الدكتور ويكللنة شبيها
ام وليان: اكيد من البجي انت مشفتها شكد بجت من وراك ومن ورة مرت اخووك
ابو وليان: اني شعلية
ام وليان: هه انت شعليك حاط عقلك وياة عقلها مدكول بنتي كاعدة مفكرتتتت شوية بمشاعرهاا
ابو وليان: اتريدين اسكتلها مشفتي كلامهااا شلون جاننن
وليان: كااافي فدوووة كااافي (بهدوء حجيت)
ابو وليان: كافي سدي الموضوع
ام وليان: استغفر الله استغفرالله....
وليان: اريد مي
ابو وليان: اي اي ادللي
وليان: بابا انطاني الميي تدرون عباللك سنة مشاربة مي كمت اشرب المي مثل المخبلة...
ام وليان: جوعانةة انجيبلج شي تاكلي
وليان: لا ماريد(شهيتي على اكل جانت مسدودة)
ام وليان: ليش امي
ابو وليان: شتريدين اجيبلج حتى لو تاكلين اشوية كلبي
ام وليان: اي بس اشوية اكلي
وليان: واللهماريد عوفوني
ام وليان: اكلج وليان تكدرين تحجيلنة لي صار وياج وشلون انخطفتي وشنو صار وياج
ابو وليان: البنية بياحال هسة وانتي بياحال
وليان: ماريد احجي بهل موضوع فدوة فدوووة سدوووو
ابو محمود: اكلكم الدكتور ماكو ملكيتة وسئلة علية كالولي طالع هي هسة بشنو دتحس
ابو وليان: راسها ديوجعها
ابو محمود: طبعا يوجعها اذا كولشي مماكلة من اول مجابوها وهي محاطة شي بحلكة
ابو وليان: اي هسة كلنالهة بس ددكول ماريد
ابو محمود: صدك جذب وكلتلك ماريد يعني هاهية متريد هي شي طبيعي حدكلك ماريد اجبرها على اكل يااخي اجبرها تاكل علمود علاجها وعلمود صحتها
ابو وليان: اي هسة حروح لبيت اجيبلها ملابس ومناك اجيب اكل واجي
ام وليان: حتروح وحدك
ابو وليان: لا حاخذ ليان بس
ام وليان: ليش ومصطفى
ابو وليان: شنو ليش غير حتى تجيب ملابس لاختها واني احتاجها بغير شغلة ومصطفى خلي يمكم
ابو محمود: يحتاج اجي وياك
ابو وليان: لالا ماكو داعي تسلم ارتاح
ابو محمود: لعد خلو ابو الصوف يمي
وليان: عفتهم يتناقشون واني رجعت نمت
محمود: من طلعني برة ابوية بعد مخلاني ادخل لاني ولا امي وحتى عمي مخلانة ندخل لغرفة جنت كاعد وايدي على راسي افكر بالغلطة لي سويتها شلون احجي هيج بدوون ماافكر شلوون اخ اخخخ
ام محمود: حتظل كاعد اهناا كوم امشي خلي نرجع لبيت(بعصبية)
محمود: اشلون تريديني اعووفها وارجع
ام محمود: معقولة انت تحبهاا(باستهزاء)
محمود: رفعت راسي وحجيت.... اي اي معقولة مو بس احبها اعشقهااا
ام محمود: ولاتستقر روميو يعني انت ملكيت غيرها حتى تحبها هاي البنات تارسات الدنيا عفتهن ورحت على هاي
محمود: وشبيييها هااي هسة صارت متعجب شوفي يمة والله حرام حررام عللليج تكولين هيج البنية مو بارادتهاا اجباااري عنها اجببباري
ام محمود: وشنو اليثبت اجباري عنها مسمعت كلام ولد خوالها وخوالها يجوز صدوك انهزمت وياة حبيبها وبعد ماخذ لي يريدة منها وشبع منها وملل شمرها مل الجلبة
محمود: مراح احجي وياج وحسكت لان انتيي اميي بس والله اذا بعد تحجين عليهااا ترةةة ميصير خييير بعد والله اعوفلج البيت واطلع
ام محمود: هذا جزاية ولك انييي امك واريد مصلحتك ازوجتها وبعدين الناس شراح تكوول حتاكل وجهنة اكللل بالحجي
محمود: يمة لو تروحين لو فدوة الكلللللبج اسكتي وعوفيني بحااالي .... دنتناقش طلع ابوية باوع علينة وراح اني عفت امي ورحت اتمشى بالممار اروح وارجع اروح وارجع اجتي امي علية
ام محمود: انطيني مفاتيح السيارة
محمود: ليش
ام محمود: اريد ارجع للبيت
محمود: ماكو داعي ظلي هنا
ام محمود: اظلل برةةة مثل الجلللبة انطيني المفتاخ ولتخليني اتخبل عليك هسة
محمود: امشي اني اوصللج
ام محمود: لا ميحتاج انت خللليك يم حبيبة الكلب بس شوف يمحمود اني كتلك اذا صارت القسمة اموووت نفسيي وبعد يمك انت وابوك
محمود: اخذت المفاتيح (السويج) وراحت واني ظليت اروح وارجع اروح وارجع اجة ابوية.... يابة
ابو محمود: امك وين راحت
محمود: راحت لبيت
ابو محمود: احسن خلي تروح وانت هم روح
محمود: يابة والله بدون قصدي حجيت هيج انت تعرفني شكد احبها ومستحيل افكر اجرحها بكلامي حجيت هيج حتى احرك كلب عمي علي حتى ينجبر ينطينياها
ابو محمود: بعديش هذا الكلام البنية بعد اخذت موقف منك هسة انت شنو فرقك عن امك هااا
محمود: يابة بس اشرحلك...(مخلاني اكمل كلامي)
ابو محمود: اششش مو الية تشرح اشرح للبنية لي كسرت كلبها هسة وخر من كدامي وخرر
محمود: عافني وطب لغرفة وخلاني برة وحدي اكل بنفسي اكل من التفكير اشلون ادخل لاا ماادخل ورة شوية طلع عمي علي باوع علية وعافني وراح ورة ايان و ابوية مدري وين جانو رايحين ظليت اراقبهم لحد مانزلو وراحو واني رسن رجعت ركض لغرفة رسن طبيت لكيتها نايمة ومرت عمي جانت غاافية بس دخلت رسن فزت...
ام وليان: شدخلك هناا اطلع يلا اطللع برةةة
محمود: بس خلي احجي وياة وليان بس شوية وبعدين اطلع والله
ام وليان: شتحجييي بلا مكفاك لي حجيتة انت وامممك اطلللع برررةة
محمود: والله مجان قصدي احجي هيج واجرحة بس احبببها احبهاا(بعدني ممكمل كلام قاطعتني)
ام وليان: هه هو هذا حبكك تجرحها بكلامك هذاك وهسة جايني احبهاا والله شنو احبهاا نزززلت من عيييني بعد محمود
محمود: خالة فدوة لظلميني بس خلي افهمج موقفي شنو
ام وليان: محمود كافي اطلع برةةة
محمود: بس خلي احجي وياها
ام وليان: مدشوفها نايمةة
محمود: والله العظيم مقصدت احجي هيج بس ردت اخلي عمي بالامر الواقع وينجبر يزوجنياها والله هذا قصدي مفكرت قبل ماحجي جان كل همي اخلي عمي يخليني ازوجها
ام وليان: اخخخ منك اخخخ كافي محمود كااافي وليان متصير بعد الك خلاص كافي
محمود: ليييش متصير كلللة لان حجيت هيج
ام وليان: لا بس حتى لو احنة نوافق تزوجها امك مرااح توافق وحتى لو وافقة حتظل تسووي مشاكل واني ممستعدة اجازف بحياة بنتي واخليها تعاني بسبب امك لي بيها مكفيها
محمود: والله ميصير ايي شي اصلا ماااظل وياة اهلي اطلع اعزل اروح بيت وحددنة اسوي كولشي بس حتى اخليها مرتاحة الله يخليج خالة بس احجي وياها
ام وليان: .....
محمود: بسس اشووووية والله
ام وليان: واذا مقبلت تحجي وياك هية
محمود: لالا تقبل
ام وليان: اي نشوف يلا كعدها واحجي وياها
محمود: اي اي.... رسن رحت كعدت يمها على كرسي لزمت ايدها وظليت ابوس بيها لحد ماكعدت هي ورسن بس شافتني سحب ايدها
وليان: يتببببببع
حساب الانستا ضيفو... tott_a0011
بقلم: الكاتبة اية عبدالرحمن🦋
عيوني انتوو تفاعلكم وإن شاءلله اذا شفت تفاعل وعد مني استمر وياكم واكوم كل يوم انزللكم بارت اوكِ اتفقنة شاركو اصدقائكم بالقصة اءا عجبتكم طبعا 🦋🤍