حفيدة نوره

بارت ٤

سعود رجع يتصل على الرقم و عطاه مشغول و م اهتم له
صقر : وراك هنا ؟
سعود : لي اغراض هنا
محمد : بتكلم معاك بموضوع ياسعود بس تخلص تعال سيارتي
سعود وهو يهمس لعمه : قلت له؟
صقر وهو يرفع اكتافه بمعنى : مدري

ف المطبخ

شيهانه : عندهم البنت م تطلع ع عيال عمها ؟
جيلان : م اتوقع
نجلاء : يمكن يطلعون هم على بعض
شيهانه: بس عمي اعتبرهم نفس عيال عم المفروض م يسوون كذا
سدين : اشوف انه من حقهم
نجلاء : صح من حقهم بس كانت بتصير هوشه و كسرو كلمة عمي
جيلان : خلصونا من ذي السوالف و هيا برا
نجلاء : شفيك مستعجله عليهم
سدين : الله يستر لا بكره تروحين معاهم
جيلان : وش يوديني عندهم !
شيهانه : ياخي هاذي مفهيه لا تتكلمون عندها باللغاز
جيلان : اها فهمت خلاص هيا
سدين وهو تضحك : كذابه

برا البيت

عزيز : عز شفيك ارمي زين
عز : رفعتها لك بس ضيعتها
هُمام : انا وسليمان صرنا اصحاب
سعود : افا وانا
هُمام :انت حبيبتي !
سعود : ابك وشو حبيبتك !
راكان : ها نكمل ؟
العم : تعالو للعشاء
سعود : روحوا و قل لجدي اني ف السياره
عزوز : شفيك انت ترا اليوم جدي عصب عشانك م دخلت بس !
سعود : ياخي م ابيه
هُمام : ولا انا
دق جوال سعود : نسيت ابوي
هُمام : ابوك راح من اليوم
سعود : هلا ابوي
محمد : نتكلم فيه الديره
سعود : لو م قلت لي م بنام
محمد : الموضوع نفسه حق جدك
سعود : اها لا
محمد : فكر ترا ان رحنا اليوم مب نرجع
سعود : خلاص اشوف
فيصل : ياسعود تعال
سعود : جاي قم هُمام بس نجلس كذا عشان جدي

الساعه 2:00

ف بيت العم
العمه : وراك م تقعدون شوي
الجده : والله بنروح الديره انتو من زمان م جيتو
ايلين : يمه سعود ردي
زينه : جيلان وين عباتي عطيتك
جيلان : اي نسيت للحين اجيبها
زينه : ياحلوها
ايلين : اي
زينه : تنفع لسعود ؟
ايلين : يمكن
ساره :مره لا مدري ليه م تقبلتها
الجده : يلا يبنات مشينا
ملاك : في احد عندكم ؟
ايلين : لا م نبيكم يا نشبات
ملاك : تراها سيارة اخوي
ايلين : و الزق
غزل : هين اذا م قلت له
شيهانه : ايلين نسيتي جوالك
زينه : شفيك ثاني مره تنسينه
ايلين : م فيه شي هيا
جيلان : ليت تجون مره ثانيه م طولتو
ايلين ؛ وين م طولنا الساعه ٢
جيلان : م شبعت منكم
زينه : بنجيكم

برا البيت

الجد : ها ياسعود قبل نمشي تبيها ؟
سعود : لا اساساً م اعرفها ولا اعرف من هي بنته ولا افكر ب الزواج
الجد : انا اعرفها اهلها ناس مننا و فينا و اذا تبيها طلبتها و م راح يرفضون ينتظرونك من زمان
سعود ؛ لا لا
العم : ياعيال اتركو الكوره خلاص
فيصل : اخر هزيمه قبل يمشون
هُمام : تخسي
طلعت ايلين و اول م لفت طاحت عليها الكوره
هُمام : ايلين جاك شي ؟
ايلين : كسرت راسي تقول جاك شي
فيصل : اسف بس المرمى وراك م كنت قاصد
الجده : يمه ايلين شفيك
ايلين : خلصت هيا م فيني شي
الجده: الله يكسر رجلك ياهُمام
هُمام : مب انا فيصل
فيصل : هلا جده
جده : سلامتك ياوليدي
هُمام : بس انا تنكسر رجلي
الجده : م كنت اقصد قلتها كذا و باست كتفه
هُمام : امزح معاك عادي تنكسر رجلي عمه جيبيلي مويه
زينه : شيهانه جيبي مويه
هُمام : مين شيهانه بنتهم ؟
ملاك : لا خدامتهم
هُمام : وجع
الجده : عيب يابنت وش خدامه ذي بنتهم اي
هُمام : ايلين اتركي الدلع خلاص
ايلين :وين سعود بركب بسرعه
هُمام : سعود راح عند السياره الحين جاي شوفيه
سعود وهو يدق بوري ع هُمام: خلاص اذني
ايلين : خذ المويه انت
هُمام : شكراً
ايلين : م عمري سمعتك تقولها
هُمام : اركبي بس
ملاك : هُمام وين عزوز
هُمام : كان يلعب كوره مدري وين راح الحين
غزل : رح ناده
هُمام : ليه
غزل :في سالفه حريقه
هُمام : علميني
ملاك : انقلع
هُمام : والله م اناديه
الجده : امش انت اهلك ينتظرونك بسياره وانتو اركبوا وانا بركب مع عزوز
سعود : ليه يمه ؟
الجده : خلي عندك البنات و انا بروح عند جدك
سعود : هيا اركبوا

عند البنات
العمه : ها شفتوهم الحين ادخلوا قبل يجي عمكم
شيهانه : باقي عبدالعزيز م شفناه
جيلان : مين ذاك ؟ مو عبدالعزيز ؟
شيهانه: لا ياغبيه ذا هُمام
نجلاء : وانتي شعرفك فيه
شيهانه : توه نادته ملاك و جاوب
سدين : وانتي قاطه معاهم ؟
جيلان : باقي جدي م شفناه
العمه : ادخلوا خلاص

ف سيارة سعود
زينه : زوجتك شكلها تراقبنا
ايلين : زوجاته
سعود : وينها !
ملاك وهي تضربه : عيب !
سعود : امزح
ايلين : هاذاك فيصل ؟
سعود : لا انزلي سلمي عليه !
ايلين : وقف طيب
سعود وهو يناظرها : انزلي يلا
فتحت الباب : فيصل
سعود : بنت !!
فيصل : هلا
ايلين : خاتمي طاح هناك عادي تجيبه
فيصل : هاذا ؟
سعود : اركبي انا اجيبه
ايلين : خلاص جابه
سعود : ايلين تعاندين !!
فيصل : خذي
سحبه من يده: اركبي
راحت ايلين و ركب سعود : عناد هي ؟
بعدين شعندكم كلكم ورا ! سواق انا !
ساره : ملاك روحي
ملاك : لا زينه روحي
زينه : عمتي زينه ! بعدين لا م ابي هنا احلى روحي غزل
غزل : لا مب انا ايلين روحي
ايلين : توكلو بس
سعود : دامك باقي م ركبتي تعالي هنا
ايلين : بتحطون لي مكان ولا كيف؟ انا راكبه قبلكم هنا
ملاك : هاذا اللي نقدر عليه عاد
ايلين وهو تسكر الباب : خلاص اجل م في مكان م بروح
سعود : ايلين امشي مالي خلقك الحين اركبي !
العم : في مشكله ياعيال ؟
سعود : تركبين ولا امشي مو كلشوي تأخرينا
ايلين : م بركب
سعود : دقي ع هُمام يرجع لك و مشى
قعدت ايلين تنتظر لخمس دقايق و رجع لها سعود : يلا تعالي
ايلين : لا
سعود : يعني انزلك ؟
فيصل : اذا م عندكم مكان اوصلها
ايلين : قول لابوي عشان م يقعد يسأل عني
سعود : لا في مكان و نزل ايلين وش ذي الحركات اركبي يلا
ايلين : لا م في مكان ! بعدين تذكرت هات خاتمي
سعود : لا ركبتي اعطيك اياه
ايلين : اجل اعطاه زوجتك هديه مني
فيصل : هات المفتاح عزيز
رماه عليه عزيز : انتبه لطريق
سعود : فيصل! ماله داعي قلت في مكان اركبي انتي لا اسحبك
ايلين : لا تلمس منت بمحرم لي
سعود : ذي اخر مره لو م ركبتي والله والله م ارجع لك رجعت عشان زينه بس
زينه : هيا ايلين !
ايلين : بركب عشان زينه
سعود : خلاص فيصل
ركبت و بدت هوشات لاحد م وصلوا الديره و اغلبهم نايمين
نزل الجد من السياره : سعود المفتاح معاك ؟
سعود : لا عطيته هُمام
هُمام : اي صح نسيت
فتحوا الباب و دخلوا هُمام : جده مو كانه البيت صغر
عزوز: حمار انت كيف البيت يصغر ؟
سعود : يقصد انه كثرنا و طلع صغير
هُمام : اي
فاطمه : روح المجلس يمه و نام عيونك تعبت
الجده : اكلتوا؟
عزوز : سعود و هُمام م اكلوا
الجده : ليه ؟
سعود : لا اكلت انا
هُمام : وانا بعد الا اقول لكم من يوم كان المجلس ؟
عزوز : اشوا اننا وصلنا ولا كنتو الحين ف داهيه دام ذا نايم
الجده : لا تنامون غبار الحين !
فاطمه : اي والله تذكرت غبار بعدين انت ياسعود بتنكتم خلك برا
سعود : بكره ننظفه
الجد : الحين نص ساعه م ياخذ منكم شي و انتظرو صلاة الفجر م باقي لها شي
ايلين : ابوي م جاء ؟
الجد : م جاء لا هو ولا محمد ولا نايف
غزل : ابوي عنده دوام الحين
عبدالعزيز : جايين كلمني ابوي
الجدع : هيا ادخلوا و نظفو
نوال : مالي خلق
الجد : وشو !! ننظف كلنا حتى انا تسمعون ! اشوف واحد م يتحرك بس روحوا ساعدو جدتكم انتم سعود اجلس
نوال : غزل تتعب خلها تجلس مع سعود
غزل : لا يمه عادي
الجد : اللي يتعب منكم ياعيال يجلس م عندي مشكله
دق الباب سعود : مين جاينا الحين ؟
الجد : افتح افتح
فتح سعود : هلا والله
الجد : مين ذولا
سعود : عيال اهل الديره
الجد : يالله حيهم خذ الحلاو من السياره و عطيهم
عيال اهل الديره بصوت واحد : ياهلا ب ال سعود ياهلا ب ال سعود
سعود : هلا فيكم تعالو سلموا على جدكم و هو يعطيكم حلاو
الجد : تعالوا تعالوا
ساره : مين ذولا !
ايلين : هلا برقيه سوير كيفها ؟
رقيه : اوف سوير بخير اساساً انا جيت عشان اقول لك انها تبيك تجينها
ايلين : قولي لها هي تجينا بكره شعرفكم اننا هنا ؟
رقيه : صباح الخير اهل الديره كلها تعرف
الجده : اقص يدي اذا مو انتي مجمعه الوراعين و جيتنا
رقيه : جايين من فرحتنا لو زعلتي م بنجيك
سعود : مب هينه يارقيه
رقيه : طايحه من عينك !
ساره : وه وش ذا الكلام
رقيه : مين ذي
ملاك : ياملقوفه روحي مع الوراعين
رقيه : مو منك من نقابك ذا
هُمام وهو يضحك :والله صادقه وش ذا النقاب ؟
رقيه : سعود
سعود : هلا
رقيه : بقول لك سر
سعود وهو يقرب لها : يلا قولي
رقيه : ايلين انقلعي مفككه اذانك عندنا
ايلين : طيب يارقيه تجيني شوي
رقيه : اوف خلاص تعالي
غزل : رقيه بعدي من عندك بغسل
رقيه : ببعد بس اعصابك سعود تعالي معاي برا ذولا م يخلونا نسولف
طلعوا هي و سعود رقيه : اقول سعود شرايك توديني البقاله لان صلاح طاردني من يومين
سعود : افا وش سويتي ؟
رقيه : عشان ضربت بنته
سعود : اوفف ليه تضربينها ؟
رقيه : تعايرني بكشتي
سعود : اذا كذا انا اضربها كمان
رقيه : يلا بروح تاخرت على سوير
سعود : تعالي لي بعد صلاة الفجر
ملاك : سعود امي تبيك اترك ام كشه
سعود : جاي جاي
رقيه : ياشبيهة امك يلا يلا رايحه
فاطمه : ليه شفيها امها
رقيه : م فيها الا العافيه
سعود دخل وهو يضحك : ياحبي لها رقيه
هُمام : مدري شفيها ملاك عليها
ملاك : هي م تحبني حتى كانت تقول لي ليتك مو اخت سعود بس م نقدر نتكلم عشانه بس تحب سعود
سعود : كل الناس يحبوني
هُمام : خف علينا
عزوز :هُمام... فجأه طيحت هُمام و عزوز صار صمت بعدها
هُمام : اوهه
الكل فجأه يضحك ولا قدر احد يسكت
فاتن : يمه هُمام صار لك شي ؟
سعود : لا م صار شي بس كسر ف الظهر و يدينه كلها مكسره و رجل وحده بقيت
فاتن :بسم الله على ولدي !!
عزيزه : عزوز فيك شي ؟
عزوز وهو يضحك : لا لا م فيني شي
نوال : انتبه ثاني مره
عزوز : تعورت هُمام ؟
هُمام : لا لا
الجده : ياعيال بشويش
ايلين: سعود خذ البخور حطه ب المجلس
فاطمه : لا لا افتحو الشباك بدون بخور
سعود : باخذ لفه بس
فاطمه : انتبه لا يكثر
ملاك : خلاص خلصنا صح ؟
غزل: باقي الغرف حبيبتي
الجده : الغرف فيها اغراض بنرميها تعال عزوز شيلها
هُمام : انتظروني بجي معاكم م مداه قام الا طاح
الجد : شفيك ياولد ؟
هُمام : م فيني شي
فاتن : يمه سمي سمي
نوال : بكذا خلصنا الصلاه
عزيزه : ننظف السطح ولا م يحتاج ؟
الجده : لا لا م يحتاج
عزيزه : بكره اكيد بيجينا احد خلينا ننظفه و نحط الفرش عشان يكون جاهز
الجد : صدقتي السطح حلوه ع العيال انتو نظفو البيت
الجده : غزل و ملاك و نوال روحو المطبخ و ايلين و زينه وانا بنظف غرفتي و عزيزه و فاتن و فاطمه الغرفه الثانيه و عزوز و هُمام و سعود الحوش و السطح
سعود : خلاص يمه روحو نظفو تلقونا مخلصين
الكل راح لشغله

ف سيارة نايف
محمد : والله قصة الرجال هاذا غريبه
صقر : شلون كلهم عيال اخوانه و هو اللي رباهم ولا علمنا عايشين ولا ميتين
نايف ؛ اكيد ميتين بس يقولون فيصل و وحده من البنات عياله الباقين عيال عم
صقر : المشكله فيصل م يشبه لهم
محمد ؛ مب لازم الشبه انا ولا احد من عيالي يشبهني
صقر : بس سعود يشبه جده وانت فيك ملامح منه
نايف : انا محد منهم يشبهني اقول انه عادي م يفرق الشبه يمكن ع امهم
صفر : لا نتاخر بس ع ابوي ياكلنا اكل بكره اكيد في عزيمه

ف المطبخ
ملاك : نوال خفي يدك شوي لك ساعتين ع صحن
نوال : شوفيني اغسل
الجده : بس ياملاك صوتك واصل عندي
ملاك : شوفيها ياجده من اليوم ع صحن !
الجده : ايلين روحي مع ملاك و تعالي انتي يانوال
ايلين : اكرفيها تكفين يازينه قاهرتني
الجده : عيب !

ف الحوش
سعود : ياعزوز لا تلعب خلنا نخلص
هُمام : اكتشفت انه حوشنا يصلح ملعب ولا ؟
الجد ؛ اخلصوا لا تسولفون
عزوز : ياجدي اذا قعدنا ساكتين م ينفع ننام
سعود : تنام وانت تغسل ؟
عزوز ؛ يمكن شدراك
الجد : اجل لا تسكت ياهُمام
هُمام : ع طاري الملعب عيال الديره للحين يلعبون فيه ولا ؟
سعود: شوي نروح نصلي و نمر عليهم واحشيني
هُمام وهو يكب المويه ع راس عزوز : عشان م تنام
الجد وهو يضحك : روحوا تروشو بعدها
عزوز : اوريك ياهُمام
هُمام وهو يركض لجدته : انا فوجهك ياجده
الجده ؛ خلاص ف وجهي بس قول لي وش سوا
عزوز : كب علي المويه
الجده وهي معصبه : ليه ؟
هُمام ؛ جدي قال لي عشان م ينام
عزيزه : عزوز غير ملابسك لا يدخلك برد
دق الباب و فتح سعود : هلا ابوي
محمد ؛ وين جدك ؟
سعود ؛ عانه هنا
صقر :وش تسوون
سعود : ننظف البيت
صقر : كلمة جدك ؟
سعود : قلت لي انسى
صقر : مب قصدي لا تقول كلمه قبل اكلمه عندك لبكره
الجد : شفيكم ؟
صقر : ولا شي قاعد اعلم ولد اخوي انه ثوبه توسخ
سعود : بغير اساساً
محمد : سعود قول لهم يسوون شاهي
سعود : ابشر
دخل سعود المطبخ : ملاك سوي شاهي ابوي يبي
ملاك : ايلين سوي انا رايحه اشوف غزل
ايلين : تمام
سعود : ابوك يقول لازم اقول لجدي م كلامك انتي للحين ؟
ايلين : م تقابلنا من بعدها يمكن شوي يكلمني وش تقول لجدي
سعود : يقول لبكره ان م قلت له هو بيقول اخاف يقول له و يفهم غلط بس قلت انا اقول له و افهمه
ايلين :سعود
سعود : لبي..هلا
ايلين : خاتمي
سعود : بعطيه لزوجتي
ايلين : لا
سعود : ليه
ايلين: خلاص هاته
صقر : سعود
فز سعود من سمع صوته : هلا عمي
صقر: جيب لابوي مويه
سعود ؛ ابشر
الجده بصوت خفيف : الله يهديك ياصقر خربت قصتي
صقر : ايلين
ايلين : هلا ابوي
صقر : سعود ليه كان واقف عند باب غرفتك
ايلين بتوتر: يوم مشينا من البيت انكب علي قهوه ف السياره و رجعت اغير و سعود كان واقف عند الباب عشان قلت له اني اخاف و البيت كان ظلام و هو وقف و سألته عن لبسي و جاوب لانه تعب وهو ينتظر و سلك لي و جيت انت الا سعود م عمره قال لي كذا و معتبرني نفس ملاك و يوم كان يكلمني م كان يناظرني ابد و جاني الحين عشان الشاهي و قال لي انه جده بيزعل لو قال ابوي لا تخليه يقول امس طول الوقت كان خايف ان يزعل جدي
صقر : سعود الشاهي جهز تعال
سعود : هُمام تعال و نادي عزوز معاك
صقر وهو رايح : لا تكلم ابوي
لف سعود ع ايلين وهو يبتسم: كفو علميني وش قلتي له
ايلين : روح الحين بعدني اعلمك من فرحتي م اقدر اخفي ابتسامتي
هُمام : امحق ابتسامه
سعود : خذ الشاهي عني وديه برا
راح هُمام
ايلين : وش تنتظر ؟
سعود : تبين خاتمك؟
ايلين : خله عندك
سعود : اساساً ابيه و راح لبرا
هُمام : انتبه ياسعود
و طاح سعود
الجد : اسلم شفيكم انتو اليوم ذا ثالث واحد يطيح
محمد :جاك شي
قام سعود وهو يعدل ثوبه : م فيني شي بس عطوني شاهي
و بعد دقايق و قامت الصلاه
الجد ؛ يلا يعيال مشينا
سعود : بغير ثوبي و بلحقكم

سلموا و قامو يسلمون ع اهل الديره
ابو فهد : عشاكم الليله عندي كلكم ياللي موجودين
الجد : م تقصر يابو فهد
سعود : الليله عنده و بكره عندنا
ابو فهد : م تقصر ياسعود
طلعوا و جاته رقيه تركض فهد :رقيه ارجعي
سعود : لا بوديها البقاله و بجيبها لا تخاف عليها
فهد : ياخي رقيه ذي م صارت هاجده يسعود لا تعطيها وجه كل من هب و ذي اشتكى منها
سعود : صغيره يرجال
فهد : تجينا الليله؟
سعود : اكيد بجي سولف لي عن اهل الديره
فهد :والله م تغير شي عانها ام سلطان زي م هي م غير تراقب من جاي و من رايح و جارتها ام بدر نفسها م تغيرت بس كرهتنا من يوم كسرنا شباكها ذيك الليله و شوفه ابو صالح اللي كان يعلم اهلنا عن كلشي نسويه الحين يقول لجدك انك رحت البقاله و مكان الوراعين للحين عند بيته و م يشتكي الا من رقيه و شف صالح صار يشتغل مع ابوه من اخر امباراه لنا م عاد رجع للملعب بس ع تواصل معنا و شف العيال جالسين هناك
سعود : سلام عيال
العيال : عليكم السلام تلعب؟
سعود وهو يضحك : لا لا
فهد : نفس م قلت لك كلهم م تغيرو م غير صلاح غير ف بقالته شوي و الحمدالله صارت احسن من قبل و شوف ابو عواض للحين يهاوش بالعيال الصغار و من بيت فلان لفلان يشتكي
سعود : رقيه روحي اشتري
صلاح : اهلين سعود رقيه م في يشتري
سعود : افا عشاني ذي المره
صلاح : م في اضرب بنت ثاني مره
سعود ؛ م عليك قلت لها يلا روحي
عوض : سعود ؟
سعود : هلا
عوض : ارحب وينك من زمان
سعود : موجودين
دخلوا عيال سلطان : سلام عليكم
صلاح : اطلع برا انت م فيه ادخل
ثامر : وخر بس
صالح : جيب دخان
صلاح : م فيه يلا برا
عبدالمحسن : شكلك مشتاق لضرب
عوض  : شفيكم
ثامر :شدخلك
صلاح : ثامر هاذا دايم يخرب اغراض و ياخذ بدون فلوس ولا يدفع
سعود : ثامر
ثامر : اوفف تذكره ياصالح ؟
عبدالمحسن : من زمان عنك
سعود : اطلعوا
ثامر ؛ لا يكون بقالتك
سعود : مو بقالتي بس بطلعك بكيفي !
عبدالمحسن :مسوي قادح الحين ؟
سعود ؛ هيا توكل ع الله قبل يصير شي م يعجبك !
ثامر : وش بيصير ؟
صلاح : انا بدق ع شرطه
ثامر : دق محد خايف
سعود : فهد خذ اختك و رح انا احاسب
ثامر : شخبار هُمام ؟
سعود : شدخلك و سحبه من ثوبه و طلعه : قلت اطلع يعني اطلع
ثامر : قدها ؟
سعود : ايوه !

دقايق و تجمعوا اهل الديره و صارت مضاربه طويله و عريضه م يبان واحد فيهم الكل انحاس و كل واحد م يدري يروح مع مين راح فهد يركض عند بيت الجد سعود
يدق الباب بدقات قويه
هُمام : كسرت الباب جايين
فهد : وهو يتنفس بسرعه الحق سعود و يقاطعه يتنفسه
الجد : وش فيه سعود !
فهد : متهاوش مع عيال سلطان
هُمام : وشو !!
محمد ؛ وين متهاوش !
فهد : عند البقاله الدنيا قايمه قاعده الحقوه
راحوا كلهم ركض
فاطمه : ياربي ياهاذا الولد بيجيب اخرتي !
الجده ؛ م يتهاوش سعود الا اذا هو ع حق الحين راحو له عمامه
ملاك : مين ذولا اللي دايم يتهاوش معاهم سعود !
الجده ؛ عيال سلطان من ايامنا وهو م يطيق جدكم و الحين عياله
ايلين : مستحيل سعود يروح يضربهم كذا
نوال : سعود م بيصير له شي بسم الله عليه
عزيزه : دام عمامه راحو اكيد بيحلونها
فاطمه : هاذولا عيال سلطان م تعرفونهم ذبحو لهم اثنين و محد يقدر يوقفهم ! لحول ياسعود

الجد : سعود !
وقفت المضاربه من بعدها
سلطان بعد م تفرقوا : م كفانا شرك ياسعود ! من اول يوم تجي كذا يصير !
سعود وهو يدور شماغه : لو تشيل شرك عنا محد بيقرب لكم
عبدالمحسن ؛ يوم يتكلمون الكبار تسكت ياورع
سعود : تعقب م نشوف ولا كبار كلكم على بعضكم م تجون ورع
سلطان : صار يتكلم ورع الامس !
هُمام ؛ ويدعس عليك
الجد : امشو يعيال
محمد : سلطان ! ذي اخر كلمتين عندي امسك عيالك عنا ولا والله ياذابح يامذبوح
ثامر : مذبوح مذبوح
صقر :خذ عيالك و امش و خليتو احد ف الديره م تهاوشتو معاه الحين جايين ذي المره بنمشيها بمزاجنا بس المره ثانيه والله ياسلطان م يصير خير وانت تعرفني
سلطان وهو يضحك : اعرفك اعرفك كيف م اعرفك وهو يغمز

ف البيت
دخل سعود معصب من عمامه و ع طول اتجه للمجلس
الجد ؛ سعود !!! تعال لا تروح
فاطمه : في شي يعورك ! وين ضربوك
سعود : محد ضربني خلاص
الجد : ادخلوا جوا خلاص
قامو كلهم لداخل البيت
الجد ؛ سعود من متى هاذي الحركات !
محمد ؛ كم مره قلت لك م تتهاوش معاهم ! ولا تقرب لهم
سعود ؛ طيب محد سألني ليه تضاربت معاهم ؟
صقر : ليه ؟
سعود : كنت ف البقاله و الكلب ذا ثامر جاء و قعد يهاوش ف صلاح و يبي يضربه قال لي صلاح انه م يسدد دينه و ياخذ بدون فلوس وانا كنت احاول اطلعه لان صلاح م قدر عليهم بس هم حولوها لمضاربه
صقر : اجل كان ناديتنا !
سعود ؛ اقول لهم وقفو بنادي عماني و اجي ؟
محمد : يالله ياسعود خلاص روح نام
الجد ؛ انا بتفاهم معاه سلطان و اخليه يدفع الدين لصلاح بس يستاهل اللي جاه
هُمام : م طلع سالم والله
الجده : ادخلوا نامو يعيال
دخلوا المجلس وهم تعبانين و انسدحو

عند البنات

ملاك : والله اني خايفه يسوون شي ف سعود
ايلين ؛ وش بيسوون يعني ؟م سمعتي هُمام يقولون م طلعوا سالمين يعني م يقدرون عليهم مره ثانيه
ساره ؛ اذا م طلعوا سالمين اكيد بيرجعون ينتقمون
زينه : خير وش ذا التفكير ! سعود من يوم عرفته وهو يتهاوش معاهم م قد صار شي ويلا نامو ترا ورانا عزيمه
ايلين : اوف عزيمه عزيمه طفشت
غزل : بنات بروح لعزوز ايلين تعالي معاي
زينه : ليه ؟
غزل : شفت بوجهه جروح بشوفها قبل ينام
زينه ؛ البسو طرحه قبل يشوفهم ابوي

ف المجلس

دخلت غزل : عزوز
سعود : نايم وش بغيتوا
ايلين : هُمام نايم ؟
سعود : كلهم نايمين
غزل ؛ عزوز شاف جروحه ولا
سعود ؛ م اتوقع قال بكره خلوه تعبان نايم
ايلين ؛ وانت
سعود : انا ايش ؟
ايلين : جروحك عندي علاج
سعود : تعالي شوفي تعورني
ايلين : غزل اقعدي عند الباب قبل يجي احد
سعود : بوريك جرح بس لا تعلمين احد حتى امي لا
ايلين : وريني
سعود : شوفي ظهري
ايلين وهي تشهق : من وش !
سعود : اص حطي حق الجروح ذا
ايلين : من وش طيب
سعود : ذي فيني من زمان بس الحين مدري اتوقع دقوها و طلع دم
ايلين ؛ فيك جروح غيرها
سعود : بسيطه ذي
ايلين : بيحرقك
سعود ؛ حطيه
ايلين : خاتمي للحين معاك ولا طاح عليك ؟
سعود وهو يتوجع : معاي
غزل : ابوك ابوك جاء
ايلين و سعود وهم يناظرون بعض : شكلنا بنرجع لسالفه
ايلين : وين اروح
غزل : بدخل الحمام اللي برا
ايلين كانت بتلحقها و سحبها سعود ؛ م يمديك ياغبيه اقعدي هنا
ايلين : غطيني بالحاف
سعود ؛ م عليك مو باين شي
دخل صقر : سعود م نمت ؟
سعود ؛ توي كنت بنام ليه تبي شي ؟
صقر ؛ لا والله بس ادور
سعود وهو يضحك : عاد هاذي شغلتك
صقر : كلمت ابوي ؟
سعود : لا
صقر : من اليوم يرمي اللغاز علينا م لاحظت؟
سعود : مدري م انتبهت
صقر : يلا رايح
سعود : يلا
ايلين : بعد عني
سعود : بعيد انا
ايلين : كذاب ! شف رجلك موصلها عندي !
سعود وهو يضحك : ذي رجل هُمام شوفي رجولي هنا
ايلين : الله يلعنك ياهُمام
سعود : تعالي كملي عشان بنام
ايلين : سعود
سعود : عيوني
ايلين : م تعورك ؟
سعود ؛ لا
ايلين : صدق اتكلم
سعود ؛ اكذب عليك
ايلين : ترا خلصت وانت م تحس اعوذبالله
سعود : اي اقول لك م يعورني يعني م احس فيه
ايلين : وريني وجهك في شي
سعود : لا م في شي
ايلين : الا هنا
سعود : خفيف
ايلين : م يعورك ؟
سعود وهو يضحك : الا كملي
ايلين : من وش ذي ؟
سعود : منهم
ايلين : الله يكسر يدهم
سعود : شفيك بعيده
ايلين : وشو قريبه
سعود وهو يتوجع ؛ ليه تعور
ايلين : اتوقع لانها عند رقبتك يحمار
سعود ؛ لا ذا جرح جديد عشان كذا
ايلين ؛ يعني ذاك قديم ؟
سعود ؛ اي
غزل : ايلين خلصتي ؟
ايلين : باقي شوي
دخلت زينه وهي تشهق : ايلين سعود !
سعود : هلا اص لا تقومون العيال
ايلين : خلاص خلصت
سعود : لا باقي
ايلين : وين
سعود ؛ عيدي عليه
ايلين ؛ م يصير
سعود ؛ ليه م يصير
ايلين بخوف من قرب سعود لها : شفيك انسدح ليه قمت
سعود : عشان اكون اقرب
زينه ؛ سعود وش ذا الكلام ! غزل هيا مشينا خلي ايلين هنا
سعود وهو يناظر بعيون ايلين مباشره : تبين الخاتم ؟باخذه ليوم خطبتنا و بعطيك اياه
ايلين : خطبة مين ؟
سعود ؛ خطبتي !
ايلين ؛ م تعرفها البنت ! يمكن م يعجبها
سعود ؛ مين البنت
ايلين : اللي تبي تخطبها
سعود ؛ اقصدك انتي مب هي
ايلين : ها خلاص خلصت و طاحت كل الاغراض اللي بيدها نزلت بتجيبها مسكها سعود : بتوافقين ؟
ايلين : على ايش ؟
سعود ؛ علي !
و عم الصمت بعدها
ايلين : في شوي عزيمه بروح انام
سعود : موافقه ؟
ايلين : لا جيت خطبتني اقول لك اي او لا
سعود : بس انا ابي الحين عشان لو م تبين م بخطبك من البدايه
ايلين : سعود هُمام بيقوم
سعود : عادي
ايلين : لا مو عادي
سعود : ليه خايفه ؟
ايلين : تسأل ! سعود خلاص فكني
زينه : ايلين قومي بسرعه صرفنا صقر تعالي
ايلين : فكني سعود
سعود : موافقه ؟
ايلين: اي بس فكني
سعود : عمه اطلعي برا
زينه : موافقه على ايش ؟ تطردني ياسعود !
سعود : لا م اطردك بس اطلعي دقيقتين بس
زينه : تمام
ايلين : وين بتروحين بروح معاك
سعود : موافقه ؟
ايلين : اي 
سعود ؛تمام
ايلين : لا تنسدح ع ظهرك
سعود : من عيوني
قامت ايلين و طلعت
زينه : مسرع !
ايلين : ابوي وينه !
زينه : ابوك راح ينام
ايلين : م في احد بصاله صح ؟
زينه : م في روحي ركض
دخلت زينه ع سعود : شفيك سعود
سعود : تعالي
زينه : وشو
سعود : ساعدني
زينه : ف وش و ابشر !
سعود : بخطب ايلين
زينه وهو تشهق : ايلين !
سعود : اي ايلين
زينه وهي تضحك : اما عاد م عمري فكرت تصيرون مع بعض
سعود : ابغى بس انتي تكلمين جدتي عشان تكلم جدي و جدي يكلم عمي واذا سألوني بوافق م ابي انا اروح لابوي
زينه : تم اعتبرها صارت
سعود: كفو بس ها بيننا
زينه : قلت لايلين !
سعود ؛ اي قلت بس قالت موافقه
زينه : اوفف مب هينه ايلين
سعود : يلا زي م قلت لك بس لا تقعدين تعطين اللغاز تزعل بعدين
زينه : اوف مسرع صرنا نخاف نزعلها
سعود : وش مسرع من يوم م عرفتها وانا احبها
زينه : اص لا يسمعك هُمام يلا بروح انا