في الصاله
عبدالعزيز: جدي قال م تطلع يعني م تطلع !
نوال : مو ناقصني الا انت ابعد بس
غزل : يمه خلاص
نوال : وش خلاص!!! امشي معاي بيت ابوي يعزنا
سعود : البنت م راح تطلع من البيت قلنا ! تبين تروح بين اهلك باللي م يردك
نايف وهو دخل البيت : غزل روحي البسي عبايتك و روحي مع امك
عبدالعزيز : يابوي جدي قال لا !!
نايف : اعقب انت
سعود : جدي قال لا يعني لا و م راح تطلع غزل من البيت الا اذا وافق جدي !
صقر : لا ترفع صوتك على عمك !!
سعود : ياعمي جدي قال لا ! مو قصدي ارفع صوتي
نايف : جدك ماله دخل بعيالي
زينه : الحين ماله دخل بعيالك ! بعد م اعتبرهم ابوي نفس عياله ولا نقصك انت و عيالك شي جاي تقول ماله دخل ! عيالك ب الاسم بس ؟
سعود : لا جاء جدي ذيك الساعه خذها
محمد : وش ذا الاصوات !
سعود : يبا جدي قال غزل م تطلع يعني م تطلع !
نايف : بس ذولا اهلي و بنطلع بكيفنا ولا احد له كلام علينا !
عبدالعزيز: بس ذولا اهلك ؟
نايف : انت بتقعد عند جدك و امك ، رجال و قد المسؤوليه
عبدالعزيز: و غزل ؟
نوال : مالك شغل بغزل
دخل الجد و بدا الهدوء ولا احد قدر يكمل كلمته :
سلام عليكم
الكل : وعليكم السلام
الجد : بنعتذر من الرجال ولا بنروح لمكان
الجده : ماله داعي انا بخير نقدر نروح و الكل جهز
سعود : اي جدي خلاص نروح لهم الحين الساعه ٨ونص
نايف : انا باخذ اهلي و امشي
الجد : على وين ؟
نايف : طردتني !
الجد : بس رجعتك الحين ، زوجتك خله ببيت اهلها و عيالكم عندي هنا
نوال : انا ماني تاركه بنتي !
الجد : غزل يابوك تبين تروحين مع اهلك ولا تقعدين هنا
غزل وهي تبكي : مدري
الجد : و الاخير ؟
غزل : هنا
الجد : اجل روح بزوجتك
نوال : ماني طالعه بدون غزل
الجده : تعوذي من ابليس و اطلعي غرفتك
زينه : خليها يامي خليها
الجد : روحوا تجهزو و ياسعود جهز السياره
سعود : ابشر تعال عزوز معاي
هُمام : ايلين جيبي ثيابنا انا و العيال ف المجلس
ايلين : تمام
برا البيت
سعود : ابوك يمكن م كان يقصد !
عبدالعزيز: لا تبرر له وش يقصد يعني ؟ خلك عند جدك وامك !
سعود : يقصد انه م راح ياخذك
عبدالعزيز : وين بيروح اساساً يعني بيتركنا
سعود : لا ياولد هد وش ذا التفكير تعال شف السياره
هُمام :سعود
سعود : هلا
هُمام : وش ذا
سعود : من وين جبته
هُمام :متى رجعت له
سعود : توي قبل شوي مشتريه
عبدالعزيز: م يصير ياولد مره تاخذه مره لا ، هاته خله معي
سعود : ياخي برجع اجرب بس
هُمام : لا تجرب !! بخلي ذا معاك بس الثاني برميه
سعود : شدعوه كله دخان
عبدالعزيز: بتنكتم
سعود : ابثرتونا ماني بمنكتم
هُمام : سعود رح انسدح من امس صاحي
سعود : و السياره ؟
عبدالعزيز: عندي م عليك
هُمام : فكوها عاد كل واحد زعلان
عبدالعزيز: محد زعلان
هُمام : اضحك اشوف
ضحكوا كلهم و طلع الجد
يعيال م قلت لك م تدخلون عندهم ؟
سعود : توي كنت جايك ياجدي جدتي طايح و البيت هواش تبينا نقعد بغرفنا ؟
الجد : معذورين ذي المره تراني كلمت البنات و الكل يدري الحين
سعود : ابشر كلشي ولا زعل السمي اللي تبيه يصير
صقر : ابثرتونا باسمي لا جاك ولد ياسعود سميه باسمي مالي سمي
سعود :ولدك عانه هنا وراه م يسمي
صقر : لا ابيك انت
سعود : الاول ع اسم ابوي و الثاني يمكن ع اسمك اذا عجبها
الجد : افااا يابو محمد تسميه هي ؟
هُمام : حقها دام هو احد البكر هي تاخذ الثاني
سعود : عاد انا و ام عيال نتفاهم ، وراح للبيت
الجد : على وين ؟
سعود : البيت
الجد : على المجلس
سعود وهو يضحك : ابشر
ف غرفة زينه
ساره : تتوقعون صارت المشكله بسببي ؟
ايلين : انحلت المشكله خلاص مالك دخل انتي
زينه : كل السبب على نوال
ايلين : اص شوي و تجي غزل
ساره : غزل امها نوال ؟
ايلين : اي عمي متزوج ثنتين
ساره : الثانيه ام عزوز صح ؟
ايلين : اي
ساره : م عندها بنت ثانيه ؟
ايلين : لا
ساره : و ملاك ؟
ايلين : ملاك بنت عمي محمد اخت سعود
ساره : اها اخت سعود عرفتها بس اضيع
زينه : هيا خلصو الحين يجون
ساره : تتوقعين جدي ليه سوا كذا ؟
زينه : لانكم كبار خلاص !
دق الباب : افتحي الباب
زينه : سعود شتبي ؟
سعود : ابيك ، بسرعه افتحي قبل يجي جدي
زينه : نعم ، لا تدخل بنات عمك هنا
سعود : اي نسيت ، بس بسألك البنت اللي يبيها جدي شسمها ؟
زينه : ليه ؟
سعود :بس امانه بسرعه
زينه : بشرط
سعود :وشو ؟
زينه :جيب قهوه
ساره : وانا كمان
زينه :اص انتي عيب مب محرم لك بس انا عادي
ايلين : يالليل البزره درينا انه محرم لك بس جيبي لي معاكم
سعود : ايلين لا
ايلين : ليه ؟
سعود : شربتي اليوم
ايلين : ابي الحين !
سعود : اذا رحت
ايلين : م اسامحك لو جبت لهم وانا لا
زينه : طقيتوها سوالف ترا بنادي ابوي
سعود : قولي اسمها !
ايلين : وش تبي فيه ؟
ساره : مين ذي ؟
سعود : زوجتي !
ساره : متزوج ؟
ايلين : لا بس يقولها كذا
سعود : لا تجاوبين عني !
زينه : ابووييي
سعود وهو نازل ركض : هلا جدي
الجد : مو قلت لك ع المجلس
سعود : كنت ابي ملاك تجيب ثوبي
الجد : ها يلا ع المجلس
ف غرفة غزل
غزل :ملاك سوي لي زي م سويته لنفسك
ملاك : اصبري لا تتحركين طيب
غزل : بعدي عني بروح لزينه قصدي عمه زينه
الجده : شفيكم يابنات الوقت طويل وانتي اقعدي خلي ملاك تسويه ولا تتحركين
ملاك : مب نخلص لبكره ع ذي وانتي تقولين الوقت طويل
غزل: بسرعه عشان بطلع قول عزوز
ملاك : طلعته
غزل : متى ؟
ملاك : طلعته مع حق سعود و طلعت حق هُمام
ف المجلس
منسدح ف وسط تفكيره و عقله و يقطع تفكيره فاطمه
فاطمه : شفيك ياوليدي لا تكون مريض ولا مرتفعه حرارتك
سعود : لا م فيني شي
فاطمه : اجل شفيك ياوليدي
الجد : شفيك تعبان ؟
سعود : لا بس كنت انتظر تخلصون عشان نمشي
الجد : اقعد انت ياسعود من اليوم صاحي ورانا سفر شوي !
فاطمه : وراه م تخليه ف الصباح عشان نرتاح كلنا و ننام
الجد : نشوف ان شاءالله
سعود : م فيني الا العافيه بس انتظركم خلصتوا ؟
فاطمه : اي خلصنا
طلعو الكل رايح لسيارات
هُمام : ياجده تعال اركبي هنا
الجده : لا لا م احب الركب الا مع جدك
عزوز : جدي م بيسوق هي ثلاث سيارات و اركبو كلكم
ملاك : غزل وين تركبين ؟
غزل : م تقدرين تعيشين بدوني ؟
الجده : ايلين تعالي اركبي معاي
ايلين : اتوقع اني حصلت لي مكان محجوز
زينه : سعُودي في مكان لي ؟
سعود : انتي اولهم
زينه : وهي تبوسه شبيه ابوي مو مثل الباقين
عزيزه : حدك عاد شفيهم الباقين ؟
هُمام : لا يكون مب عاجبينك ؟
عزوز : افا !
زينه : شفيكم اكلتوني ؟
زينه : نعم انتي هنا
ايلين : شدخلك ؟
الجده : عيب يابنت
ايلين : عمتي زينه م تزعل يمه
زينه : من قال ؟
ايلين : سعود يراضيك
سعود : شدخلني ؟
الجده : اجل تخليها زعلانه ؟
سعود : اهااا فهمت فهمت
ضحكوا كلهم الجد بانزعاج : بس بس
سعود : شفيك اليوم ياسعود
الجده : عيب جدك !
الجد : ياسعود اعذرني ذي المره بركب مع عزوز
سعود : ليه لا يكون زعلت
الجد وهو يضحك : وشو له ازعل بس بركب معاه
سعود: براحتك جده تعال قدام
ايلين : بعيد المكان ولا ؟
سعود : شوي
ايلين : تقريباً ؟
سعود : نص ساعه او ساعه
زينه : لا تنسى القهوه
سعود : تونا طلعنا من الحاره
ايلين : حط محمد عبدهُ
سعود : اي اغنيه ؟
ايلين : توصيني ع الكتمان
الجده : بدون اغاني
ايلين : تكفين جده من اليوم مستحيه من جدي خليني الحين
سعود: خلاص عشاني ذي المره
ف السياره الثانيه :
فاطمه : ياعبدالعزيز هدي
عبدالعزيز: كان ركبتي مع سعود دامك خايفه كذا
فاطمه : لا حصلته قل له يوقف بنزل
غزل : عزوز وقف عند القهوه
عبدالعزيز: ليه قوه بتوسخون نفسكم
ملاك : بزران حنا ؟
عبدالعزيز: ماشاءالله انتي هنا اجل من مع هُمام
الجد : وقف القهوه هُمام عنده حريم عمامك نوال و فاتن و عزيزه و ساره
عبدالعزيز: سعود من عنده ؟
الجد : جدتك و زينه و ايلين و كنت انا بس نزلت
ف السياره الثالثه :
عزيزه : سكر الاغاني فقعت اذني
فاتن : اي والله سكته
ساره : وش ركبني معاكم
هُمام : عجايز
فاتن :عيب ياولد خلني اسمع مره ثانيه
هُمام : م اقصدك انتي باقي بشبابك
عزيزه : اجل تقصدني ياللي م تستحي
نوال وهي تضحك : وهو صادق
هُمام : لا لا
نوال : ياقليل الادب !!
هُمام : ياخي اقصد ساره
ساره : شدخلني انا
فاتن : حرام عليك ساره باقي توها ف شبابها مثلي
هُمام : اجل انا العجوز
و كلهم بصوت واحد : يمكن
هُمام : افا !!!
فاتن : لا لا انت باقي ف شبابك كمان
عند سعود كان يغني بصوت مكتوم و لحد م قام بصياح وقف بنص الشارع
الجده : يويلي شفيكم !
سعود : تكلموا !
ايلين : انكب علي !
سعود وهو يتنفس : القهوه ؟
ايلين : اي عادي نرجع ؟
سعود : لا ومشى
الجده : ارجع ياسعود
سعود : لا
الجده : تعاندني ياسعود ؟
سعود : اذا بتعتبرينها معانده ايوه
زينه : سعود ما حنا بعيدين
سعود : خلاص اسكتوا
ايلين : سعود والله م يترقع ف كل مكان انكب ارجع تكفى سعود
سعود وهو يناظرها من مرايته : لا
بكت بعدها ايلين و دقايق و رجع سعود
ف بيت اول مره نزوره وهو بيت العم سليمان
العم : يالله ياعيال
عز : كانهم طولوا
عزيز : دقيت عليهم قالو شويات و نجي شفيكم مستعجلين
راكان : والله اني متوتر
سليمان وهو يضحك : من وش متوتر ترا ناس زينا زيهم
راكان : اكيد ناس زينا ياحمار بس يعني من زمان
ف غرفة البنات :
جيلان : يمه تعرفينهم ؟ يعني اشكالهم
عمتهم : اي اعرفهم بس من زمان عنهم
شيهانه : عندهم بنات ؟
عمتهم : اي عندهم اول وحده زينه ذي عمتهم و ملاك و ايلين و غزل و ساره من زمان م شفتها مدري اذا معاهم الحين اذكرها وهي صغيره م اعرف ملامحها
فيصل : و عيال ؟
العمه ؛ اي عندهم سعود ، و هُمام ، و عبدالعزيز بس
فيصل : سعود اذكره بس
العمه : لان هو الوحيد اللي يجي عندنا
ف بيت الجده :
ايلين : اصبر بدور لي ملابس
سعود : اخلصي
ايلين : لو تناديني زينه احس اني محتاره
سعود : وش له الحيره كلشي عليك حلو
ايلين : وشو ؟ تعال شوف اتحداك لو م تحتار
سعود : م يبي لها حيره اكيد ذا
ايلين : ليه ذا ؟
سعود : كيف ليه ذا عجبني بس يعني قريب من لون لبسك ذاك و ينفع مع اللي ف وجهك
ايلين : ايوه والله ها يلا
سعود : وش ها يلا
ايلين : اطلع برا
سعود : ليه ؟
ايلين : كيف ليه بلبس
سعود : اها ، لا تطولين انا تحت
ايلين : اقعد عند الباب اخاف
سعود : يالليل ياذا الخوف
ايلين وهي تلبس و تتاكد انه سعود موجود : ياسعود
سعود : م رحت
ايلين : ادري بس جدي قال لا تكشفون ع بعض
سعود : خلاص محد يدري
ايلين : يعني عادي ؟
سعود : لا بس يعني نسينا انا بنسبه لي نسيت مدري عنك
ايلين : اكيد انا نسيت
سعود: اجل سكري فمك ، خلصتي ؟
ايلين وهي تفتح الباب : اي شكلي حلو ؟
سعود : اي والله حلو بس هيا مشينا
ايلين : لا تسلك لي
سعود : والله حلوه بكل لبس
صقر : سعود !
سعود وهو متوتر : هلا ع..
و كف من غير لا يحتسب
سعود : عمي ؟
صقر : البسي عباتك و انزلي بعدين نتفاهم
سعود : بس انا مو قصدي
صقر : غير كلامك ذا حساب ثاني شقال لك ابوي ؟
سعود : نسيت
صقر : روح قول له قبل اقول له انا
سعود : والله مب قصدي والله اني نسيت لا يوصل الموضوع لجدي
صقر : انا اعرفك ياسعود بس وش ذا الحركات ذي الايام بتقول له بس انسى الكلام اللي قلته لها لا تقولها يدفنك ف مكانك
سعود : الكلام قلته بس كذا عشان تمشي اساساً م ناظرتها
صقر : امي تنتظرك تحت
سعود : بيننا لا شفت حركه ثانيه قولها كلها حتى ب الكلام
صقر : روح انت الحين
سعود : بتجون عندنا
صقر : اي بمشي مع ابوك
نزل سعود لسيارته بدون نفس و مشوا و سعود طايح ف تفكيره و ف ايلين ولا حسو بالوقت الا وصلو الكل نزل الا سعود
هُمام : شعنده العاشق الولهان
سعود : ياخي مالي خلق ادخل
هُمام : انزل شف اهل زوجتك
سعود : بنزل بنزل بس شوي راسي يعور
عزوز : هيا عيال
سعود :روحو و الحقكم
دخل الجد وهو يدور سعود : وين سعود ؟
هُمام : هنا شوي وجاي
الجد :روح ناده م بنزل الا كاملين
عبدالعزيز: يقول راسه يعوره من اليوم صاحي بيرتاح شوي و يجي
الجد :تمام
ف البيت
دخلوا يسلمون
العمه : ياهلا ياهلا نسيناكم عرفيني ع حفيداتك وينهم
ايلين :يمه عندهم رجال كيف ندخل
الجده : تعالوا يبنات
فاطمه : مستحين من العيال
فيصل : م بنقعد بس جينا نسلم عليك و نمشي خليهم
الجده : انت فيصل ؟
فيصل :ايوه
الجده : ياهلا متى كبرت
فيصل :السنين تركض
العمه : السنين تركض و الناس للحين هاجده
الجده : محد هاجد
دخل الجد سعود و عياله و احفاده و يسلمون ع العمه منيره
العم سليمان : تعالوا
سعود : في رجال ياعمي
العم سليمان : ما من قريب ولا ياسعود ؟
سعود : لا في احد غريب
الجد : سعود !
سعود : ياجدي ! معليش عمي تبي تسلم عليهم يجونك بلحالهم
راكان : شقصدك ؟
هُمام : م قصده شي ! بس عندنا البنت م تطلع لغريب
الجد :سعود هُمام !!
الجده : ايلين
فزو صقر و هُمام و سعود
صقر : ايلين لا تجين في احد
سعود : هيا طلعنا
عزيز : هيا
طلعو عزيز و فيصل و سليمان
هُمام : عز راكان هيا
عز : ماني بطالع
سعود : كيف يعني منت بطالع !
العم سليمان : عز اطلع
طلعوا عز و راكان
و الكل ذا يسلم ع العم سليمان
العمه : هاذاك الولد ولد مين ؟
فاطمه : ولدي
العمه : سعود ؟
فاطمه : اي
الجده : ايوه ذا سعود وذي ملاك عيال محمد و فاطمه و ذي غزل اخت عبدالعزيز من الاب بنت نوال و الولد ولد عزيزه عيال نايف و ذي ايلين و هُمام اخوها عيال صقر و فاتن و ذي ساره بنت نواف و ذي عاد زينه م يحتاج اقول
العمه : اها اما حنا ذولا عيال اخوان سليمان و انا بعبرة امهم عز و عزيز تؤام و فيصل ولدي و راكان و سليمان اما البنات شيهانه اخت راكان و جيلان اخت فيصل من الرضاعه ذي سدين و اللي جنبها نجلاء
ايلين : اي وحده اللي يبيها جدي لسعود
زينه : مين تتوقعين ؟
ايلين : شيهانه ؟
زينه : لا
ايلين : اجل
زينه : الحلوه اللي جنبها
ايلين وهي تشهق : كذابه !
الجده : شفيك يامك
ايلين : نسيت جوالي ف السياره و ذي توها تذكرني
الجده: روحي له
جيلان : بنادي احد اصبري
راحو جيلان و ايلين : سعود شكراً جيلان خلاص حصلته
سعود: هلا
ايلين : نسيت جوالي ف سيارتك
سعود : خلاص ادخلي بيجون الحين
ايلين : ابوي قال لك شي ؟
سعود: ابوك يناظرنا ترا ادخلي قبل يشوفك و اقول لك بعدين
ايلين : لا تطول بنتظرك
راكان : عسى م شر سعود اشوفك عند الابواب
سعود : اكلم الاهل لا تخاف ماني بقاعد عندهم م نسيت اني رجال
هُمام وهو يضحك : عجبتني ما نسيت اني رجال
عز : انزل لنا كوره
سعود : م انصحك و اسأل فيصل عني ، بروح اجيب شي من السياره و جاي
عزيز : لا تهرب
سعود : هُمام عندك لين اجي
راح سعود لسياره جاء الجد : وش تدور ياسعود
سعود : خرشتني ياجدي
الجد : م عجبتني اليوم ياسعود
سعود : ليه ؟
الجد : نتكلم بعدين
نسى نفسه فجأه و طاح في تفكيره و فاجأه اتصال و رد : هلا
المجهول : سعود محمد
سعود : وصلت
المجهول : في لغز و حله
سعود ؛ تسوقها ؟
المجهول : لغز بيغير من حياتكم كثير و اولكم سعود
سعود : وش هو
المجهول : فتح عيونك ع اللي حولك و قفل
سعود اخذ الموضوع بمزحه و سحب عليه
ودق الجوال مره ثانيه :يالليل ازعجتني
ايلين : اسفه بس كنت بعلمك مكانه
سعود : ايلين ؟
ايلين : اي
سعود : معليش والله احسبك واحد يدق من اليوم
ايلين : شدعوه علمني وش قال لك ابوي
تنهد سعود وهو يركب السياره : قال بيقول لجدي و كلمته و قال اخر مره و مدري كيف م فهمته للحين
ايلين : اخاف ارجع البيت و يحقق معاي
سعود : لا قلت له كل القصه و انه مو قصدنا المهم البنت اللي بتخطبها جدتي حلوه ؟
ايلين : ازعجتنا فيها انلقع و قفلت