مريم: بصت لعهد بغضب " هو مين سمحلك تشيلي اابنييي
عهد: انا استأذنت من ابوه و وافق
مريم: والله مش قادرة تستنيني لما اطلع وتقوليلي انك عايزه تشيليه
صفيه: ي مريم في اي ، يعني هي كانت اجرمت عشان تكلميها بالطريقه دي ، دي فرحانه بيه وعايزه تشيلو
مريم : ولا اجرمت ولا نيلت ، بس انا غلطانه ان قعدت تحت ، لما كل من هب ودب هيجي يشيل ابني ولو حصلو حاجه دلوقت استفاد اي انااا
عهد: "سابت اياد ع السرير زي مكان ووقفت " خلاص ي مريم اديني سبته ، وبعدين متقلقيش ، انا دكتوره و اكيد هفهم اشيل البيبي الصغير ازاي
مريم : هو انتي دكتوره اي ولا اي ولا اي ، ي ماما الاطفال مش تخصصك ، انتي بتاعت مخ واعصاب ونفسيه انتي اخرك كده تعالجي المجانين ال ذي ع.....
عهد: بزعيق وقاطعتها " اوووعي ي مريم تنطقيهاااا اوووووعي ، قسما بالله مهسكتلك ، انا سكتالك من بدري وساكته ع كلامك السم ده بس اوعي تزودي وتختبري صبري ، لان هتلاقي وش تاااني ي مريم
"ومشت بغضب وطلعت ع شقتها و حسن لمحها وهي ماشيا مدايقه وراح ل مريم "
حسن: انتي دايقتي عهد
صفيه : ايوة ي حسن ، مريم دايقتها وقالتلها كلام زي السم وكلمتها باسلوب مش كويس وكل ده عشان اي، عشان عهد شالت اياد
حسن: بجد انتي عملتي كده
مريم: ايوة ي حسن ، يرضيك لو عهد جات ازت ابننا ، ااكيد هي غيرااانه مني عشان انا خلفت قبلها وكمان انا حملي كان كويس اما هي حملها ضعيف وممكن ميكملش اكيد نيتها لاياد مش كويسه
"وخلصت كلام وحسن رزعها قلم صدمها وصدم صفيه وكان اول مره يعملها ، زعق ف مريم وبعدها خرج من الاوضه هو وامه وقفل الباب بالمفتاح"
حسن: لما اشوف بقا هتتربي ولا لا ف ايامك دي
صفيه: مستغرباه وازاي اتعصب ع مريم عشان خاطر عهد ، ده هو دايما واقف ف صف مراتو سواء ف الغلط او الصح " حسن ، مكنش يصح انك تمد ايدك عليها ، البنت لسه تعبانه من الولاده تروح تمد ايدك ، انت معملتهاش وهي بخير
حسن: ندمت ي امي ان معملتهاش ومربتهاش ندمت ، بس هصلح كل ده. "واخد مفتاح الباب ومشي "
"ع الفجر و عهد قامت من ع السرير وملقيتش عمران جنبها ، قامت تشوفه ف الشقه وملقيتوش و عرفت انو مطلعش ع الشقه وقلقت عليه جدا ، نزلت تحت وراحت المكتب ولقيتو نايم والابتوب مفتوح قدامه ، قربت منه ببطئ وبصت ع الابتوب ولقيت حسابات كتيره وارقام هي مش فاهمه منها حاجه ، كانت عايزه تصحيه عشان تخليه ينام ف الشقه بس مرضيتش تزعجه ومشيت وطلعت هي ....
"الصبح وعمران فاق من نومه وطلع ع الشقه واخد شاور وغير هدومه وعهد فاقت وقامت وقفت قباله "
عهد. : هو ممكن اعرف اي ال شاغلك اوي كده
عمران: حاجه تخص شغلي "وسابها ومشي وراح للمحامي بتاعه وكان بيراجعله الارصده مره تاني عشان بردو يتأكد وميظلمش حد بس فعلا رصيد المصنع ناقص فلوس كتير ، راح ع البنك واتأكد من الرصيد الموجود فيه و بعدها طلع ع المصنع بكل غضب "
جمال: فتح باب العربيه وعمران نزل "
عمران: جمال ، انت معاك مسدس صح
جمال: ايوة ي فندم
عمران: هاتو
جمال: عمران بيه بس ...
عمران: بقولك هااااتو سمعت
جمال: اتفضل ...
"' عمران اخد المسدس وحطه ف جيبه وطلع فوق ودخل مكتب منتصر وحط قدامه الورقه ال فيها الارصده الصح و والورقه المتسجله ف دفاتر المصنع وع الداتا والفلوس ال ف البنك "
عمران: فهمني الفلوس ناقصه لي وراحت فين ، ع ما اظن مفيش غيري انا وانت ومصطفي ال لينا علاقه بفلوس المصنع ، والفلوس بتتسرق ف الايام ال انا غايب فيها ده ملوش غير معني واحد ، ل انت ال بتسرق لابنك
منتصر : ثواااني بس ي عمران ، عايز اشوف اي الكلام ده ، هو بجد رصيد المصنع ناقص
عمران: امال انا بهزر معاااك
منتصر: بس والله العظيم معرف حاجه عن الكلام ده انا لسه عارف دلوقت ، اكيد لو لحظت ده كنت بلغتك او كنت حاولت اتصرف ، ااكيد ف غلطه ف الفلوس وهتتصلح
عمران: دي مش غلطه ... دي مقصودة و مفيش غير مصطفي ال يعملها ورحمه ابويا م هسيبو
منتصر : طلع برا مكتبه وراح لعمران " ااستني هناااا ، مصطفي مش هيعمل حركه زي دي ي عمران ، خف بقاااا انت جاي ف وشي وزي متكون بتقول ان ابني سارق فلوس المصنع
عمران: هو مش زي ميكون هو ابنك سارق الفلوس فعلاااا و انا ووو ربي مهسيبووووو م هو ياخد حقي منه يبلغ عنه وارتااااح هووووو فينننن الزفت ده ، غااار فين روح عالبيت ولا في انه داهيه
منتصر: عمراااان "وعمران بيتعدل ليه ومنتصر ضربو قلم " فاجأو " كفااااايه بقااا كفايه عصبيتك كفايه ال بتعملو ، قد اي استحملتك وخسرنا كذا شركه بسبب رفضك وبحترمك وانت ولا عامل ليا قيمة ولا لاي حد ف الدنيا ، انت غصب عنك او برضاااك لازم تحترمني ، انت سساااااامعني ي عمرااااان
عمران: انا مش هسيب مصطفي انهردا ي عمي ي انا ي هووو ، حتي لو عملت فيااا اي
منتصر: بزعيق " وانااا قولتلك هنتصررف والله لو طلع هو م هسيبو وهوريه نتيجه ال عملو بس نتأكد الاول والله مهسيبو ، انا هتصرف والله العظيم بس انت حاليا مينفعش تتناقش معاه لان عارف مش هيبقا نقاش هيبقا خناق وضرب ، صدقني انا خااااايف عليكم من بعض انت مش هتسكتلو ولا هو هيسكتلك
عمران: خاف ع ابنك بس "وطلع المسدس " خاف عليه بقا
منتصر: اتصدم وقال ف سره ، هو اه حالته النفسيه رجعت اسوء من الاول بس متوصلش للدرجادي ، قتللل ... " عمران ، انت ماسك مسدس لي .. انت ممكن تأذي ابن عمك ?
عمران: ايوة ممكن أ أذيه ، انا كل همي ف الحياه هو المصنع ده و سمعتي هو بيستغفلني ونا هوريه
"ومشي من المكتب و منتصر كان لازم يمنعه بقوة من انو يروح يقابل مصطفي لحسن يأذي ااابنه ، منتصر راح ل عمران بسرعه ومسكه و عمران بعد ايد منتصر عنه و منتصر رجع لورا و وقع من ع السلم ، عمران وقف ثابت مكانو ومصدوم من ال شايفه و عمه واقع وفاقد النطق ودماغه بتنزف دم ............
عمران: حط المسدس ف جيبه وبلع ريقه و نزل ع السلم بسرعه وقرب منه وبيرفع دماغ منتصر ، عمران كان في حاله زهول ومش عارف يعمل اي وساب منتصر وقام بعد عنه وايده كانت مليانه دم ، رن ع الاسعاف بسرعه وجات اخدتو و طلع ع المستشفي ودخل ع العنايه المركزه ... بالليل وعمران كان قاعد قدام الاوضه بتاعته ومستني عمه يفوق عشان يطمن عليه بس الدكتور بلغه انه دخل ف غيبوبه ومش عارف ممكن يفوق منها امتا او هيفوق اصلا ول لا وممكن يفضل فيها بالايام او الاسابيع .. عمران زاد خوفو اكتر و بلغ اهله و هيام وهدي وليله ومصطفي راحو ع المستشفي وكانو بيبكو ، مصطفي قرب من عمران "
مصطفي: عمراان بترجاااك قولي اي ال حصل لابويااا ، انت شفته صح انت ال جبته للمستشفي مش كده ، قولي ونبي ي عمران هو هيكون بخير مش كده
عمران: معرفش يقول اي بس قرر يغير كلامه وبعدين هيبقا يقولو ع الحقيقه لما يكون مصطفي حالته احسن من دلوقت عشان يفهم " هو وقع من ع السلم ي مصطفي وانا جبته هنا ... اكيد هيكون بخير
عمران: قرب من هدي وليله " ممكن متقلقوش وبطلو بكاء وهو والله هيكون بخير وهيرجع احسن من الاول صدقوني
هدي: اترمت ف حضن عمران " اناا خاايفه ع بابا اوي ي عمرااان والله هموت من الخوف ، عاايزااه يفوق ف اسرع وقت عشان اطمن
عمران: ضمها " هيكون بخير والله ي هدي صدقيني ان شاء الله هيكون بخير ولو مفاقش انا مش هسيبو وهوديه ف مستشفي انضف من دي ان شاء الله " بص ل ليله وحط ايده ع شعرها " متبكيش ادعيلو بس انو يكون بخير
ليله: بعدت ايده عنها ومشت قعدت بعيد وهو استغرب ومش عارف مالها وماله بس هي كاره علاقته ب اختها ومش راضيا بيها "
عمران: بعد عن هدي وراح ل مصطفي " عايزك تجمد كده متبقاش ضعيف ، انت ال هتقوي اخواتك مش كده هيكون بخير صدقني وانا مش هسيبكم ، ده ابويا التاني ، انا عمري مشفت حد احن عليا قدو ، ربنا يتمم شفاه ع خير ياارب يااارب يااارب
مصطفي: عيونه مليانه دموع " انت عارف سلم المصنع ي عمران ، انت عااارف سلم المصنع ، الرخام بتاعه زي الحديد لو حد وقع عليه ممكن يموت فيها ، ده لو وقع عليه حديد الحديد هيتكسر وهو لا ، انت عارف صعووبته ، ااااه ياربي
عمران: بحزن شديد وغمض عينه وقال ف سره." والله العظيم مكنت اااقصد والله مكنت اااقصد انا بس ببعد ايدو عني معرفش انو لما يسبني هيقع و مش مجرد وقعه وخلاص ، ده وقع من ع السلم ، لو حصلو حاجه هكون انا السبب ، لو عمي راح هكون انا السبب ، زي متسببت ف موت اخويا هتسبب ف موت عم
"عمران قعد ف الارض وحط ايديه ع وشه والتفكير مش طالع من دماغه "
___________________
" بعد نص الليل و عهد نزلت تحت "
عهد: طنط هو عمران مجاش هنا
صفيه: اي هو مش معاكي
عهد: لا
يارا: طلعت من اوضتها " ي ماماا ي عهد ، انا لسه مكلمه ليله حالا ، عمي ف المستشفي وكلهم هناك وعمران هناك
عهد: ياااربي ، طب والعمل هنعمل اي ، اروح البس واخبط ع حسن يجي يودينا تمام ول اي
صفيه: ماشي ي عهد روحي
"عهد مشت بسرعه وزي ميكون بتجري وحست بتعب واتوجعت وسندت ع الحيطه ، صفيه شافتها وقربت منها ومسكت ايديها "
صفيه: ع مهلك ونبي ي عهد ع مهلك ي حبيبتي تعالي بس
"وسندتها وقعدتها ع الكنبه وعهد كانت بتتنفس بالعافيا " ي بنتي مالك فيكي ااي طيب انتي بيحصلك كده ع طول ولا اول مره ، عهد اطلبلك الاسعاف
عهد: شاورت بايدها لا "
صفيه: يارااا ، ي زفتهه ، هااتي كوبايه ميه بسرعه
يارا. : جريت وجابت ميه " يلهوي مالك ي عهد
صفيه : شربتها بهدوء وفضلت تملس ع شعرها واخدتها ف حضنها ، عهد كانت حاطه ايدها ع بطنها " هتكوني بخير ان شاء الله بس ارتاحي
عهد : مش المهم انا ، المهم البيبي ي طنط والله انا محتجاه للبيبي ده اوي ، انا بقالي فتره بيحصلي كده ، كل م اتحرك فتره اكبر بدوخ مش عارفه اي السبب مع ان باخد علاج ، بقعد فالارض بالساعه لحد م افوق واعرف اخد نفسي ، او عمران كان بيجيلي يشيلني ويجبلي ميه واكل لولا بفوق ، انا خايفه اوي
صفيه : حبيبتي انتي بس متوهميش روحك انتي هتكوني بخير و ع ما اظن انتي عارفه ان حملك ضعيف مش كده ، الدكتور قال ان حملك ضعيف جدا وبلاش الحركه الكتيره ، لو عايزه البيبي بلاش تتحركي كتير
عهد : ان شاء الله
" فضلت نايمه ف حضن صفيه لحد م راحت ف النوم وصفيه نيمتها كويس ع رجلها ونامت وهي قاعده لحد الصبح ، حسن راح فتح لمريم ال كانت متغاظه منه ومش بتكلمه وطلعت جابت اكل لنفسها. حسن قرب من امه ولقي عهد نايمه "
حسن: اي ده عهد قاعده تحت لي هي زعلانه مع عمران
صفيه: لا ي حبيبي بس عمران ف المستشفي عشان عمك تعبان
حسن: انتو عرفتو ده انا لسه كنت جاي ابلغكم ، طب مش هتروحو ولا اي ده مصطفي بيقولي حالته خطر اوي وكلهم خايفين ، لازم نروح
صفيه: حاضر ي حسن "ونيمت عهد ع المخده وعهد راحت فتحت عيونها " معلش ي حبيبتي صحيتك ..
عهد: لا عادي ي طنط ، انتو هتروحو المستشفي
حسن: ايووة
عهد: انا عايزه ارووح
صفيه: يبنتي ااانتي تعبانه حرام عليكي
عهد: سبيني اروح ونبي ي طنط ، انا هروح البس بسرعه واجيلكم اوعو تمشو من غيري "وطلعت فوق وراحت ع اوضتها ولبست ومسكت الفون ولقيت رنات كتير من عمران ، فتحت لقيت رسايل منه ....
عمران: فينك مش بتردي لي ، عهد افتحي انا محتاجك ومش هينفع افضفض مع حد غيرك ، والله العظيم محتاجك جنببيي ااافتحي ....
عهد: ي نهار اسود ، يقطعني ي حبيبي ، غصب عنييي والله ي حبيبي "ونزلت بسرعه " يلا نروح بسرعه ي حسن
صفيه : يلا
"وراحو كلهم معادا مريم و وصلو المستشفي وسلمو عليهم ويارا راحت حضنت ليله ، مصطفي كان اخد الاشاعه بتاعت ابوه ورايح يعرضها ع دكتور كبير جدا ف البلد وحسن قالو انو رايح معاه ومشيو .. عهد سألت ع عمران و هيام شاورت ليها ع الاوضه ال عمران فيها ..عهد قربت من الاوضه ....."
عمران: قاعد جنب هدي ع الكنبه وكان ضاممها ليه وهي ضماه جدا وكان بيحاول يهديها ، هدي حطت ايدها ع قلبه وفتحتلو زراير قميصه لحد نص القميص وكانت بتقرب منه وهو قرب منها "
عهد: فتحت الباب وقالت بسرعه " عمران انت كنت محتاجني و ااا ...... "واتصدمت لما شفته وهو قام وقف وبص ل عهد بخنقه ، هدي بصلها بغيظ انها قاطعتها "
عهد: سوري "وقفلت الباب وطلعت وراحت بسرعه قعدت قبل م تدوخ وتتعب ...
هدي: وقفت قدام عمران وبتحط ايدها حوالين رقبته راح بعدها عنه " في اي ي عمران
عمران : بس ي هدي بترجاااكي
هدي: هو انا مش هبقا زي زيها ولا اي ، ولا انت ناسي ان كتب كتابنا كان هيتم خلال الايام الفاتت دي وكنت هبقا ملكك
عمران: اااكيد مش ناسي ، بس هي هتزعل ، انا دلوقت قاعد عشان عمي ، المفروض ميبقاش في بنا حاجه دلوقت
هدي: بقولك انا هكون مراتك وزي زيهااا انت ناااسي
عمران: لاااا ي هدي خلاااص
هدي: عايز افهم انت مدايق لي هو انت مبقتش تحبني
عمران: سكت ومعرفش يرد "
هدي: انت مش عايزني ي عمران
عمران اكيد انا عايزك ي هدي بس ... انا مش عايز اجي ع عهد بالطريقه دي ، ف الاول والاخر انا مفيش حد استحملني غيرها ، حتي انتي ي هدي محبتنيش قد مهي حبتني ، هي متستاهلش ان اجي عليها "قفل ازرار قميصه وخرج وراح قعد جنب عهد ورفع وشها لفوق ولقاها بتفتح عنيها بالعافيا "
عمران: مالك ، انتي دوختي تاني .
عهد : لا عادي انا بخير
صفيه: ي عمران احنا صحينا جينا هنا ع طول ، روح هاتلها فطار لانها مأكلتش ...
عمران: حااضر "ومشي .."
هدي: راحت عندهم وقعدت جنب امها ...
"عمران جابلهم اكل كلهم و راح مسك ايد عهد وقومها ونزلو تحت وركبه العربيه "
عمران: يلا عشان اأكلك بإيدي
عهد: خلاص ي عمران بجد مليش نفس
عمران: مسك ايدها وباسها " وغلاوتي عندك متزعلي ، انا عارف ان غلطت
عهد: ع لما شفتك انت وهدي ، لا ي عم ده حقك والله بس استغربت ، انت بجد ف اي ولا ف اي ، هي ابوها ف غيبوبه وانت بتقول مخنوق وكنت محتاجلي ، بس حقيقي حلو الحب ده ، ال بينسيكم كل الهم والتعب والخنقه لما بس تكونو جنب بعض ، هي طلعت حاجه كويسه ربنا يسعدك
عمران: ضمها وادايق جدا عليها وعارف انها زعلانه " انا محتاجك ي عهد لسه عايز افضفض معاكي ، مفيش غيرك هيعرف اخباري ويحس بيا ويقدر ظروفي
عهد: قالت ف سرها ' ياه ي عمران قد اي انت اناني وعايز كل حاجه ، انت فعلا محتاجني ودي الحاجه الوحيده الصح ف علاقتنا ، انا ال عرفت احللك مشاكلك واطلعك من المود الزفت ال كنت فيه وانا ال بعرف اهديك لما تتعصب ، ف بدل م كل دقيقه تروح للدكتوره ال عرفت تعالجك لا انت تكسب قلبي وتتجوزني وابقا معك وانت ف اسوء حالاتك ولما تكون مبسوط تروح لحبيبه قلبك الحقيقيه ، خلصت من صدمتي ف ادهم دخلت ف صدمتي من عمران و يمكن عمران عيشني معاه ف حب مزيف ومش حقيقي و وجعني اكتررر من ادهم ، عمران هيتجوز عليا ونا معاه ، ادهم معملهاش ، ده انا كرهت ادهم عشان اتجوز بسرعه بعد م اتطلقنا امال ده ال هيتجوز عليا وانا معاه ... " زعقت " انت شخص مقررررف ي عمران ، واللله انت مقرف ومتستحقش حبي ، ولا تستحق قلبي ، بس مش هقول غلطت لما اتجوزتك لالا ، اصل مش بمزاجي انااا بلعن قلبي ال حبك ، اااانت كسرررتني ي عمرررراااان ، انت كسرررررتني"
عمران: لاقاها سكته وهي ف حضنه وبص عليها ف المرايا لقاها سرحانه بعيد ، بعدها عنه راحت بصتله ' مالك سرحانه ف اي ولا بتفكري ف اي
عهد: قالت ف سرها ، ياااه لو كل الصراع ال جوايا والكلام الكتير المكتوم ده يطلع ، هرتاح اوووي هرتااح " مفيش ي عمران
عمران: حط ايديه ع خدها " انا عارف انك اخدتي ع خاطرك مني بس صدقيني انا مش عارف اراضيكي ازاي
عهد: متشغلش بالك .. عمران هسألك سؤال عادي وكده وترد بصراحه ، هو اي االسبب ال هيخليك تتجووز هدي
عمران: عشانها هي اكيد ، عشان مش هينفع اشوفها بتبكي وبتتعذب بسببي ، مش هينفع اشوفها متدمره وانا ف ايدي الحل ال يخليها مبسوطه ومقدمهوش ليها ، انا السبب في حالتها دي حتي انا السبب ف جوازها وطلاقها وتدمير حياتها
عهد: انا فهمت هدي عايزه اي ي عمران ، مش بسأل عليها هي انا بسألك انت ، انت لسه بتحبها
عمران ; لا ي عهد ، انا من ساعه م اتجوزتك وانا اي حاجه ف قلبي تجاه هدي وهي ادفنت ، ومش من ساعه م اتجوزتك بس ده من قبلها ، ف لو بتفكري ان حبي لهدي م زال موجود حتي وانا متجوزك تبقي هبله ي عهد
انا بس هتجوزها عشان انا السبب في حالتها ، عشان مش هقدر اسيب بنت عمي متدمرا كده حتي لو هي ال غلطت ف حقي من الاول ، هتجوزها عشان اجبر بخاطرها وافرحها ، عشان خاطر عمي ال هو ابويا التاني .. ولو قارنت بينك وبينها ف انتي ال هتكسبي ، ولو انتي قولتيلي الغي الجوازه هلغيها ، والايام الحلوة كلها عايزها معاكي انتي مش معاها "حط ايده ع بطنها " الابن ال هيجي هيكون منك انتي مش منها ، انا مش عايز عيال غير من عهد وبس مش هخلف من هدي ابدا ، الوقت الحلو ال هقضيه هيكون معاكي ، اسراري وحوراتي ومشاكلي وفرحي هشاركو معاكي انتي وبس ، غلاوتك اكتر من غلاوتها بمليون مره ، اهلي عايزينك انتي وبس ال تكوني مراتي مش عايزين هدي ، انتي كسبتي قلبي وعقلي وروحي وحياتي كلها ، انا بحبك فوق م تتخيلي ي عهد
عهد: عيونها دمعت وحست انها كانت حاسبه الحكايه كلها من اتجاه تاني ، ضمته وهو ضمها جدا ، سمعه صوت حد بيخبط ع قزاز شباك العربيه وعمران بعد عنها وفتح الشباك '
عسكري شرطه : يعني عيني عينك كده وف عز النهار ، طب انزلي
عمران: اي ي كابتن ، دي مراتي وربنا في اي
العسكري: ماشي تقدر تقول الكلام ده للظابط وشوف رأيه اي
عمران: وهو انا عملتلها اي اساساا انتو بتهزرو
العسكري: واحنا هنسيبك تكمل ولا اي
عمران: اه لا معك حق ميصحش ، دقيقه ي عهد لما اشوف الحوار ده
عهد: مسكت ايده وكانت خايفه جدا " هياخدوك ع القسم ولا هيعملو اي ي عمراان انا بجد خوفت
عمران: مش هروح ف حته انا ، متقلقيش ، هشوفه واجيلك "ونزل وراح للظابط واتكلم معاه والظابط مكنش مصدق انها مراتو بس عمران ملقيش اي اثبات معاه غير صور فرحهم و وراه الصور وبعدها خلاه يمشي وراح ع العربيه وطلع بيها "
عمران: اوووف مش عارف اي الظابط السئيل ده
عهد: معلش ي حبيبي حصل خير
"ورجعو ع البيت و شالها وطلعو ع الشقه ونيمها و حط الاكل جنبها وباس دماغها وايدها ومشي ، مكنش في حد ف البيت غير عهد و مريم ، مريم خرجت من الاوضه ومسكت قزازه زيت وطلعت فوق ع اول درجه من السلم وملتها كلها زيت ونزلت "
مريم: بخبث " انا هوريكي ي عهد ، بقا انا حسن يقلب عليا عشان واحده زيك ، هتشوفي بقاا ، انا هخليكي تقعي وتاخدي السلم من اول لاخرو وتصقطي الطفل ال هتموتي عليه ده ومش هخليكي تتهني بيه ..........
__________
" بالليل وحسن اخد امه واخته وروحو ع البيت ، حسن كان قاعد مع مراته وبعدها جاي يطلع فوق ومريم افتكرت الزيت ال حطاه وخافت ع حسن وجريت وراه ومسكت ايده "
مريم ; حسن ااستني متطلعش
حسن: لي ي مريم
مريم: انزل بس دلوقت وشويه كده اطلع
حسن: لا منتي تفهميني ف اااي اااخلصي ف اااي
مريم: حسن خلص بقااا
حسن: والله م متحرك غير لما اااعرف انتي بتمنعيني لي
مريم: بخوف .." حسن انزل بقا
حسن: مش نازل "وجاي يطلع ومسكت ايده تاني "
مريم: السلم عليه زيت كتير اوي وممكن تقع ي حسن
حسن: بغضب شديد ومسك شعرها " ومين ال حط الزيت ده ولي
مريم: ااانا ي حسسسن ااانااا
حسن: بزعيق ' حراااام عليكيييي حرام انتي لي بتعملي كده بجد لييي انتي عايزه مننا اااي ، ارحميناااا ي شيخه تعبت تعبت منككككك
"وضربها قلم ومسكها من شعرها وطلع ع السلم ومسح بيها الزيت ال ف الارض وكانت بتصرخ وعهد ويارا راحو ع صوتهم وكانو بيبعدو حسن عن مريم ، عهد اخدت مريم ع شقتها ويارا مانعه حسن من انو يروح ياخدها ويكمل عليها "
عهد: اااهدي ونبي ، اااهدي هجبلك ميه تشرب
"وجابت ليها ميه وحسن طلع عندهم وعهد خلت مريم تستخبي ورا ضهرها وعهد وقفت ف وشه "
متقربلهاش ي حسسسسن متقربش كفايه ازي ف البنت ، انت لي بتعمل كده فيها انت اتجننت
حسن: عهد بترجاااااكي ااابعدي خليني اااكمل عليها انا تعبت وقد اي كل الفتره دي كنت مصدووووم فيهااااا لي هي خدعتني بالطريقه دي وعمت عيني ع الحقيقه وخلتني اقف ف صفها ضد عيلتي لي هي عملت كده لي
"وراح مسك مريم بقوة من درااعها وعهد معرفتش تمنعه واخد مريم جر بيها السلم واخدها برا وركب العربيه و راح ع بيت ابوها ورماها ، رجع اخد ابنه وادهولهم ورجع ع البيت ودخل الاوضه ورزع الباب "
عهد: هو مالهم ي طنط اي ال حاصل ليهم ، من امتي حسن شديد كده وقاسي من امتي
صفيه: والله العظيم م بقيت فاهمه حاجه ولا عارفه اي ال بيحصل ، ربنا يهديهم يااارب
____
"
بالليل وعمران رجع و قعد مع اهله وقعد مع حسن وفهم ال مريم عملتو وفرح ان حسن ااخيرا اخد موقف منها ، تاني يوم الصبح وعمران راح ع المستشفي و مصطفي قالو يروح ع المصنع بدل م هم التلاته مفيش حد منهم موجود وده مش هينفع وعمران بدأ يروح المصنع ع طول وبيطلع من المصنع يروح عند عمه وبيقعد هو ومصطفى لحد بالليل ويروحو وفضلو اسبوعين ع الكلام ده و عمران قرر ينقل عمه ف مستشفي تاني وياخد الاشاعه بتاعته ويشخصو حالته من جديد بس مفيش جديد وكان تشخيص حالته نفس ال كان ف المستشفي الاولي وعمران زاد خوفه اكتر ومش عارف يعمل اي وهل عمو هيفوق امتي ولا ممكن ميفوقش خالص ، عمران مكنش،بيتعاقد مع اي صفقه وبيأجل كل الاجتماعات لان العقود موجوده ف خزنه الشركه ف مكتب منتصر وال مسؤل عنها هو منتصر وبس ومفيش حد ليه الحق ف فتحها بدون ازنه ، ولا حد ليه الحق ف سحب فلوس من رصيد الشركة غير منتصر ف مكنش عارف يتعامل ....
________
" ف الجامعه ، خارجين من المحاضره "
عُديّ : يارا ممكن نقعد ف كافيه نتكلم شويه
يارا: لي ?
عُديّ : عايز ابلغك ب حاجه بس مش هينفع اقولهالك واحنا واقفين كده
يارا: تمم يلا
عُديّ : يلا "وراحو كافيه ف الجامعه وقعدو " بصي ي يارا ، انا جوايا كلام كتير جدا ولازم تسمعيني للاخر وليكي حريه الرأي
انا من ايام الثانوي وانا معجب بيكي ، معجب بطريقه ملهاش وصف ، حتي خناقتنا ال حصلت وكانت بسببي ، كانت بسبب غيرتي عليكي ،حبيتك امتي وليه وازاي مقدرش اقولك عشان انا نفسي مش عارف ، فكرت ان دي ممكن تكون لحظه اعجاب وتروح لحالها بس مراحتش ، وحبي ليكي صادق وانا متأكد من كده وبم ان معنديش الجراءه الكامله ال تخليني اعترف بحبي ليكي او مش عايز اخسرك ، ف مرضتش اقولك.لحسن تفكريني زيي زي اي ولد بيتسلي وكنت ناوي ابلغك بحبي ليكي يوم م اجي بيتك واتقدم ليكي بتمني يكون جزء كبير من ال جوايا وصلك
يارا: ب ابتسامه كبيره وقلبها كان فرحان جدا ، سكتت شويه وبعدها هزت راسها ب اه " وصل ..
عُديّ: مسك ايدها وهي اتكسفت جدا وبصت ليه وهو ابتسم ، جايا تشد ايدها منه بس ضغط عليها " انا ماسك ايدك بس ، مش هاكلها متخافيش ، لما اجي اتقدملك ي يارا هتوافقي ، هتوافقي وترضي بيا اكون خطيبك وجوزك ف المستقبل
يارا: سكتت شويه وكانت فرحاانه جدا وبصتله " هوافق ي عُديّ ، انا مش قادره اصدق والله ، انا كمان قلبي كان بيتحرك اتجاهك بس كنت خايفه جدا ليكون من طرف واحد ، دلوقت انا اسعد واحده ف الدنيا
عُديّ : والله انا هخليكي تكوني مبسوطه طول الوقت ي يارا ، ممكن رقم عمران
يارا: ايوة ممكن " واديته الرقم واخدو ومشيو وكل واحد راح ع بيته ، يارا جريت ع عهد وضمتها " اااانا فرحااانه اوي فرحااانه ي عهد فرحااانه
عهد ; مالك ف اااي ، ف اي يبت الهبله انتي مالك عمك فاق ولا اي
يارا ; لالا لالالا ي عهد
عهد: حسن رجع مريم
يارا: انا مالي بيها متغور ف داهيا ، حاجه لياا انا ي عهد ، عُديّ اعترفلي بحبه اخيرااا اااخيرا ااااخيرااااا
عهد: "مسكتها من درعاتها " فرهدتيني يبت ي مجنونه انتي ، اهدي وفهميني حصل ازاي
يارا: اااعترفلي قالهالي وش ل وش ي عهد قلهالي ، قالي انو بيحبني "حطت ايدها عند مناخير عهد " شمي ريحه البرفن شمي الريحه القمر
عهد : يارب تصبرني ، دي ريحه رجالي ع ما اعتقد
يارا: ايوة دي ريحه عُديّ دي ريحه البرفن بتاعه فضلت ف ايدي ، انا مش هغسل ايدي دي خالص
عهد: ياربي ع العفانه ، يبنتي اكبري شويه دي اي فتره المراهقه الغريبه دي ، اعتقد ان لما كنت قدك مكنتش بعمل كده بس في ناس كانت بتتجنن باالطريقه دي عادي ، ممكن نبطل عبط
يارا: بتقولي ع فرحتي انها هبل ي عهد
عهد: اولا انا مقولتش،هبل انا قولت عبط ، ايوة المفروض تفرحي بس مش كده ، الواد ده ممكن يكون بيتسلي انتي متعرفيش
يارا ; ال بيتسلا ده هيكلم عمران انهردا وهيطلب ايدي هيطلب اااايدي ، هيطلب ايدي ي. عهد ي عهد انا مش مصدقه عُديّ هيطلب ايدي ، شفتي سرعه زي كده ، عُديّ هيخطبني هيخطبببنيي
عهد: قعدت ع الكنبه وحطت ايدها ع دماغها " انا مصدعه لوحدي وربنا ، لما نشوف الحفله دي هتخلص امتي
يارا: عهد ي عهدددد عهووووده انتي مش فرحنالي ولا اي ي عهددد
عهد: لا ازاي فرحانه طبعا طبعا بس ينفع نهدي
يارا: انا هتخطب لواحد بيحبني وانا كنت بكراش عليه كمان هتخطب لواحد كان نفسي فيه ي عهدددددد
عهد: بزعيق " يارااااا
يارا: ي دبله الخطوبة عبالنا كلنا ، ونبني طوبه طوبه ف عش حبنا "راحت تطبل ع الترابيزه " ياما القمر ع الباب ، ياما اناديلو ، ياما ارد الباب ياما ولا اناديلو ياماا لولولولولي
عهد: ضحكت " ااه يبنت المجنونه خلاص ، مكنتش اتوقع فرحتك دي والله
يارا: والله ولا انا بس حقيقي قلبي فرحان ، اصل عُديّ ده مختلف جدا ، والله مختلف وغير اي ولد ممكن تشوفيه ف حياتك
عهد: ممكن تشوفيه انتي ي حبيبتي انا خلاص متجوزه
يارا: بس ي فصيله ، وربنا ده غير انو قمر يعني ، انو هو كان بيحبني من بدري بس طلع بيتكسف ومحترم جدا وخاف يتكلم معايا ، وكمان كان بيغير عليا اوي ، انتي عارفه انا كل مفتكر خناقتنا انا وهو افضل اضحك والله حتي خناقتنا كانت جميله اوي بجد " ونامت ع الكنبه "
عهد: ي حبيبه قلبي ربنا يكملك ع خير ويسعدك معاه ويخلي ايامكم كلها جميله شبهكم ي قمري ..
يارا: ياااارب يارب .. انا هستنا عمران هنا لحد ميرجع من الشغل عشان يقولي الاخبار و عُديّ راح يتقدملي ول لا
عهد: نعم يختي ، عمران بيرجع بالليل ي يارااا انزلي بقاا
يارا: بتطرديني تمام ماشي
"ومشت وعهد نادمت عليها مردتش '
عهد: استننني ي بت ، يااارا انا مقصدش والله "ورجعت قعدت ع الكنبه ، يارا راحت غيرت هدومها ولبست بيجامه واخدت اكل ليها ول عهد وطلعت ل عهد "
يارا: هاا هناكل فين بقا عشان ننام بعد كده واستني عمران
عهد: همووووت 'وراحو اكلو سوا وبعدها يارا راحت اوضه الاطفال " هتعملي اي ي زفته
يارا: هستنا عمران هنا تمام
عهد: سؤال بس انتي هتموتي م الفرحه لي ، عشان هتتخطبي ولا عشن عُديّ
يارا ; بتهزري ، اااكيد عشان. عُديّ طبعااا، انا كان نفسي اكلمو من بدري وانتي قولتيلي لا
عهد: ايوة فاكره، ربنا يجعله من نصيبك. .. " ومشت راحت اوضتها وبالليل عمران وصل ع البيت وعهد راحت فتحت الباب ودخل الشقه وضمها ورفعها ليه واخدها ع الاوضه ونيمها ع السرير وبيقلع جاكت البلزر و يارا راحتلو ع الاوضه وهو اتفاجأ "
عمران: هو ف ااي ? في اي ي عهد
عهد: منا عايزه اااقولك ان يارا هنا مش مديني فرصه هو في حد بيعمل كده
عمران: من امتي وهي هنا
يارا: من ساعه م جيت من الجامعه مستنياك ، عايزه اسئل ع حاجه
عمران: يبت الجزمه ي يارا يخربيت ايامك ، ااانتي عايزه تسأليني ع اي
يارا: عُديّ ...
عمران: اه الولد ال معاكي ف الجامعة والثانوي ، قالي انو وقفك واخد منك رقمي ، جالي هو واخوه ، ومتقلقيش انا اتصرفت
يارا: مقلقش من اي واتصرفت ازاي
عمران: قولتلهم عمي تعبان دلوقت ومش هقدر افيدك ب حاجه ولا هنعرف نديكم رأي دلوقت وبس ، مشيتهم بالادب
يارا: بصدمه " مشيتهم ...
عمران: ايوة ، انا عارف انك اكيد هترفضي ، مش ده بنفسه الولد ال اشتكناه ايام الثانوية ، ببجاحته جاي يتقدم .. انا مشفتش كدهه ف حياتي
يارا: ف سرها " ي نهار مش معدي ي مصبتي "ومشت بسرعه ورزعت الباب ، عهد ادايقت جدا عليها ومش عارفه تعمل اي وفرحت يارا ضاعت "
عهد: عمران ، مش كان المفروض تاخد رأيها
عمران: منا اكيد هاخد رأيها بس الولد ده انا عارف انها هترفضه
عهد ; لي ي عمران اش عرفك ااانت
عمران: اتخانقو مع بعض قبل كده وعملنالو محضر ف المدرسه
عهد: عشان كده بس ، مش يمكن هي تفكيرها اتغير تجاهه
عمران: هيتغير ازاي يعني ي عهد ، هم اتكلمو او كان ف بينهم حاجه ? عهد كان في بينهم حاجه وانتي عرفاها
عهد: انت بتهزر ي عمران ، تاني ي اااخي تاني ، هتشك ف اختك تاني
عمران : امال ف ااي ، انني بتقولي تفكيرها اتغير تجاهه ، اي ال هيغيرو ي عهد ، بقولك في بينهم مشاكل ازاي لما يتقدملها توافق هتيجي ازاي يعني فهميني
عهد: لا تيجي ي عمران بس انت مش بتشوف غير من اتجاه واحد بس
عمران: تمام تمام ، ع فكره لو اكتشفت ان بين عُديّ و يارا حاجه مش هعاقبها هي بس ، صدقيني هتزعلي اوي هتزعلي اوي ي عهد بجد ، لو عارفه حاجه قولي دلوقت اااحسن قولي ي عهد
عهد: بصت بعيد وخافت " هيكون في اي ، اا مفيش اا ااكيد مفيش حاجه بينهم وكمان انا ، معرفش عن اختك حاجه ومش مربوطه بيها
عمران: امال بتدافعي عنها بكل ثقه لي
عهد: مش هدافع عنها تاني
عمران: يبقا ااحسن ، يلا اتخمدي
عهد: اتخمد ??
عمران ; ااه
عهد : طيب ..
_________________
"تاني يوم وعمران راح ع المصنع و مصطفي كمان قرر يروح وقعدو يشتغلو ، كمان اسبوعين ومنتصر بردو لسه ف الغيبوبه و مدير اعمال وف نفس الوقت المحامي بتاع منتصر قرر يجتمع ب عمران ومصطغي "
المحامي: بصو ي شباب انا جمعتكم انهردا عشان ابلغكم حاجه بخصوص الوصايه ال كاتبها منتصر
مصطفي: واصيا اي ، ااانا اابويااا عايش
المحامي: اهدا ي مصطفي انا عارف كده كويس ، بس ع حسب القوانين ان لو مدير المصنع حصلتله حاجه سواء موت او مرض ف هتنتقل ادارة المصنع للشخص ال هيكتبه المدير ف وصيته ولو مكتبش ف هيبقا رأي العمال
عمران: وده يعني مدير المصنع اصيب بالمررض ده لمده معيينه ولا اي وعمي منتصر كاتب اسم حد ع كده
المحامي:اكيد بمده معينه ، المده هي شهر ، لو منتصر مرض لمده شهر ومقدرش يجي ع المصنع ف لازم حد يمسك الاداره بدل انهيار المصنع و ايوة ، كاتب اسم واحد فيكم "عمران ومصطفي بصو لبعض "
مصطفى: ال كاتبه ابويا هو ال هيتولي اداره المصنع بأكملها ب فلوسها بكله ?
المحامي: اكيد ، هو هيبقا في مكانو بالظبط وهيكون مسؤل مسؤليه كامله عن كل حاجه وكل حركه ف المصنع
مصطفي ; طب تمام
عمران: فيك تفتح الوصيه ...
المحامي: حاضر ، انا هخليكم انتو بنفسكم ال تقرو العقد ، بس عشان تعرفو ، اداره المصنع هتتسلم لـ ..... ..... ..... .....
"التكمله ف البارت التاسع عشر ، بقلمي / دينا "
تواقعاتكم اسم مين المكتوب .... ???