"အစ်ကိုရေ ငါဝင်လာပြီနော်"
သက်နှင်းကအဲ့လိုပဲ။ သက်ထင်က အကြီးမို့လို့ အစ်ကိုတော့ခေါ်ပါရဲ့။ သူကိုယ်သူသုံးတာကျ ငါတဲ့။
"ဝင်ခဲ့"
"ချပ်"
"ဘာလဲ"
"ဘာမှမဟုတ်ဘူး ပျင်းလို့"
သက်ထင် မျက်စောင်းတစ်ချက်ထိုးပေးလိုက်သည်။
ပျင်းရင်လာရအောင် သူ့အခန်းက ကလေးကစားကွင်းလည်းမဟုတ်။ သူ့ကြည့်နေကျ ဒရမ်မာထဲကမင်းသားပုံတွေရှိတဲ့ ရုပ်ပုံကမ္ဘာကြီးလည်းမဟုတ်။ သူ့ကိုအပျင်းပြေစကားပြန်ပြောပေးလောက်အောင်လည်း ကိုယ်ကအားလပ်နေသူမဟုတ်ဘူး။ ခုတောင် ရောင်စဥ့်အတွက် ရည်ရွယ်ပြီးစပ်နေတဲ့သီချင်းကို ပြန်အကြောင်းဆက်နေတာ။
ကြားထဲသို့လောသို့လောတွေကြောင့် ဘယ်လိုမှခေါင်းပြန်စိုက်မရသေးလို့ ခေါင်းခဲနေခြင်းပင်။ ကိုယ့်ခံစားချက်တွေကြားမှာ ဓားစာခံဖြစ်နေရလို့ မပြီးပြတ်သေးတဲ့သီချင်းတစ်ပုဒ်က သနားစရာကောင်းလွန်းပါသည်။
ရောင်စဉ်နဲ့သူ ခုထိပြန်အဆင်မပြေသေးရင် ဒီနေ့ထိခဲတံကောက်ကိုင်မိဉီးမှာမဟုတ်သေးပေ။
"ဘာလုပ်နေတာလဲ"
"သီချင်းရေးနေတာ။ စကားလာမပြောနဲ့ ကိုယ့်ဘာသာ K drama ကြည့်နေ"
"ကြည့်ရတာပျင်းလာလို့ပါဆို။ မပြောဘူးစိတ်ချ။ ကိုယ့်ဘာသာစပ်နေ။ အနားတစ်ယောက်ယောက်ရှိရင်ပြီးရော"
သက်နှင်းက သူ့အိပ်ရာပေါ်လှဲချပြီး သူ့ဖုန်းသူသုံးနေ၏။ တကယ်လည်းဘာသံမှထွက်မလာ။ ဒီချိန် ညီညီသာရှိရင် တကယ်အကူအညီဖြစ်မှာ။ အဲ့ကလေးက ဂီတနဲ့ပတ်သတ်တာမှန်သမျှ အကုန်စမ်းကိုရှိတာ။ တခြားသီချင်းဆိုရင်တော့ အကူအညီတောင်းမိကောင်းတောင်းမိပါရဲ့။
ညီညီဆီက အကူအညီယူရတာကိုလည်း ဂုဏ်မငယ်ပါ။ ညီညီက တကယ့်ပါရမီရှင်အစစ်တစ်ယောက်မို့လို့ အောက်ကျို့သင့်ရင်ကျို့ရမှာပဲ။
ခုသီချင်းက ချစ်ရသူကောင်မလေးအတွက်မို့ စာသားတစ်လုံးချင်း တီးလုံးတစ်ခုချင်းကမှအစ ကိုယ်ပိုင်အိုင်ဒီယာပဲဖြစ်ချင်တဲ့ အာသီသလေးရှိနေ၍။
"ဟယ်လို ဂုဏ်ရည်ညီညီရေ"
ရေးလက်စ ခဲတံလေးရပ်သွားသည်။ အတွေးတွေ ညီညီ့ဆီရောက်နေတုန်းမှာ ညီညီ့နာမည်ကြားရတာ ရင်ထဲတောင်ထိတ်ခနဲ။ နောက်လှည့်ကြည့်တော့ သက်နှင်းကဖုန်းကိူကြည့်ပြီး နာမည်ကိုရွတ်နေတာ။ တမင် ဗွီဒီယိုကောလ်ပြောနေတာများလား။
"သက်နှင်း။ မခေါ်စဖူးခေါ်လို့ပါလား"
"ငါပျင်းလို့ ခဏ... ခဏ အစ်ကို့အခန်းထဲရောက်နေတာ။ ငါအပြင်ထွက်လိုက်ဉီးမယ်"
သက်နှင်းကပြောရင်းကုန်းထလေသည်။
"ဟုတ်လား။ အစ်ကိုဘာလုပ်နေ"
ညီညီ့အသံကြည်ကြည်လေးက သူ့ကိုမေးလာသည်။ ကြားရတာနဲ့တင် ပျော်မိသွား၏။
"သီချင်းရေး"
"ဟေ့ သက်နှင်း ဘယ်သွားမှာလဲ လာဒီနားပြန်ထိုင်"
တံခါးဝနားရောက်နေတဲ့ သက်နှင်းက ဘာလဲဆိုတဲ့အကြည့်နဲ့ပြန်ကြည့်သည်။ ပြောချင်ရင် အစောကတည်းက အပြင်ဘက်ကနေပြောလာပါ့လား။ လူရှေ့မှာ လူကိုအာရုံလွှဲပြီးမှ ထွက်သွားလို့ရမလား။
"ဖုန်းပြောတာအသံကျယ်နေမှာစိုးလို့ အပြင်ထွက်မလို့လေ။ သီချင်းရေးနေတာဆို"
"မဖြစ်ဘူး လာ ငါ ညီညီနဲ့ပြောချင်လို့"
ထိုတော့မှစောင့်စောင့်နဲ့ ပြန်ရောက်ချလာ၏။
"ပေး ဖုန်း"
လက်ထဲဖုန်းရောက်လာတော့ ညီညီကတခြားဆီကိုကြည့်နေတာမို့ ခဏစောင့်နေလိုက်သည်။ ရေချိုးပြီးစထင်သည်။ ဆံစတွေဆိုတာ စိုအိအိနဲ့နဖူးစပ်တွေမှာဝဲကျနေပြီး မျက်နှာလေးကနုနေသည်။ အဝတ်မလဲရသေးဘူးထင်၏။
Bathrobe လည်းဝတ်ထားတာကလည်း လျော့ရဲရဲ။ လည်တိုင်လေးကဝင်းမွှတ်နေပြီး ညက်ရိုးပင်တစ်ခါတစ်ခါပေါ်လုချင်ချင်။ ဖုန်းစခရင်ကမြင်နေရတော့ အရမ်းကြည်လင်မနေပေမယ့် မြင်ဖူးနေကျပုံနဲ့ အနည်းငယ်တော့ကွာခြားနေသည်။ ညီညီက လည်ပင်းကနေ ခြေမျက်စိအထိ နေရာအကြားအလပ်မရှိအလုံပိတ်ဝတ်တတ်တဲ့သူ။ ခုလိုအသားပြင်တွေပေါ်နေတော့လည်း မြင်ရတာဆန်းသည်။
"အစ်ကို့"
ဆက်ခနဲလှည့်လာပြီး ခေါ်လိုက်သံလေးက အူယားစရာ။
"ဗျ ....ဗျာ"
"သီချင်းရေးနေတာဆို"
"အင်း"
"စာမေးပွဲနီးပြီ အစ်ကိုရ။ သီချင်းကိုခဏနားထားဉီး။ စတိတ်ကျောင်းသားဘဝကြီးပြီးဖို့ လပိုင်းလေးပဲကျန်တော့တာ စာဘက်ကိုပိုအားစိုက်တော့လေ"
"အဟင်း အင်း"
သက်ထင်မှာပြုံးပြုံးကြီး။ သက်နှင်းရဲ့ စာပဲလုပ်စမ်းပါဆိုတဲ့ ဆရာလုပ်ပြီးပြောတဲ့အသံနဲ့ကွာပါ့။
"ဟို ဆရာကြီးလုပ်တာမဟုတ်ဘူးနော်။ ကျွန်တော်ကအဲ့လိုပြောရေးဆိုရေးရှိတဲ့ အထူးဖန်မို့လို့ အဟက်ဟက်"
"ဟားဟားဟား"
သက်ထင် တကယ်ကိုသဘောခွေ့နေမိတာ။ ညီညီပြောပုံက တကယ်ကိုကလေးလေးလိုပဲမို့ သက်ထင်သဘောကျစွာရယ်မိလေသည်။ တကယ့်က်ုအဖြူထည်လေးပါကွာ။
"အဲ့လိုမရယ်နဲ့လေ။ ရယ်နေတော့ ဒီကသေပြီပေါ့လို့"
"အာကွာ အတတ်လေး ဟားဟားဟား"
စတွေ့တုန်းကတော့ ကြောက်လို့တဲ့။ ခုများ ညီညီတို့ ကိုယ့်ကိုစနောက်နေလိုက်တာ မပြောရဲတာကိုမရှိဘူး။ စကားကလည်းတတ်ပြီး တကယ်အနီးကပ်နေကြည့်မှ ကလေးလေးတစ်ယောက်လိုအဖြူထည်လေးဆိုတာ ပိုပိုသိလာရတာ။ ညီလေးတစ်ယောက်ကောက်ရလိုက်သလိုပါပဲ။
"ဟွန့် စကားပြောမယ်ဆိုပြီး ဟိုကချည်းပြောနေရတယ်။ သူကတော့ကြည့်ပဲကြည့်နေ။ ပေး ဖုန်း"
"နေ ပါ...."
သက်နှင်းက ဖုန်းကိုပြန်လုတော့ မပေးချင်ပေးချင်နဲ့ပြန်ပေးလိုက်ရသည်။ ဟုတ်လည်းဟုတ်ပါတယ်။ ကိုယ်ပြောချင်လို့ဖုန်းယူထားပေမယ့် တကယ်တမ်း ပြောစရာဘာစကားမှရှိမနေ။ ထိုင်ပဲကြည့်နေလိုက်သည်။ နောက်မှ ညီညီ့ကိုအေးဆေးခေါ်ပြီး အကြာကြီးပြောပစ်မယ်။
ကိုယ့်ဖုန်းနဲ့ကိုယ်မဟုတ်တော့ ထပ်ကြည့်နေချင်သေးတာတောင် မကြည့်ရ။ ခုတော့ သူတို့ပြောတာနားစွင့်ရုံ။
"ညီညီရေ ငါ့နယူးဖိမှာ နင်ချည်းပဲ။ ငါ့အစ်ကိူထက်နင်ကပိုအောင်မြင်နေတာ။ ကွန်ကရက်ကျူလေးရှင်းစ်ပါ သူငယ်ချင်းရေ"
"ဟင်းဟင်း ကျေးဇူးပါဟာ။ ငါသီချင်းဆိုရဲတာလည်း အစ်ကိုကလေ့ကျင့်ပေးလို့ပါ။ သူ့ကိုလည်းကျေးဇူးတင်တယ်လိူ့ ခဏနေရင်ပြောပေး"
"အမလေး ခုလည်းကြားပါ့။ ဘေးမှာပြုံးပြုံးကြီး နားထောင်နေတယ်"
"ဂုဏ်ရည် ထမင်းစားမယ်တဲ့"
"အော် အင်း လာပြီလို့"
ညီညီ့ဆီကနောက်တစ်သံပါထွက်လာသည်။ ဒါ ဟိုကောင့်အသံ။
"သက်နှင်း ငါအဝတ်လဲလိုက်ဉီးမယ်။ နောက်မှအေးဆေးအကြာကြီးပြောမယ်လေ"
"အိုကေပါ"
ဖုန်းချသွားတော့မှ အပြန့်သားဖြန့်ထားတဲ့စာရွက်ဆီ ခေါင်းပြန်လှည့်၏။ ခဲတံကိုကောက်ကိုင်လိုက်ပေမယ့် ဘာစာသားမှပေါ်မလာ။
ပေါ်လာတာကဘာတွေလဲဆိုရင် ပန်းခြံထဲမှာ ညီညီ့ကိုသီချင်းမဆိုနဲ့လို့တားနေတဲ့အဲ့ကောင်မျက်နှာကြီးပဲ။ ဒီလိုပုံနဲ့သီချင်းက ပြီးပါလေဉီးမယ်။ အရင်ကဆိူ သီချင်းတစ်ပုဒ်ကိုခဏနဲ့ရေးနိုင်တဲ့ ခေါင်းကဘယ်ရောက်သွားပြီလဲ။
"ညီညီနဲ့ကျောင်းအတူလာတဲ့ကောင်လေးက ရောင်စဥ့်ကိုရည်းစားစကားပြောတဲ့တစ်ယောက်မဟုတ်ဘူးလား"
"ဟင် အင်းလေ"
"သြော် အတော်ရင်းနှီးတာပဲ"
သက်ထင်တင်မဟုတ်။ သူတို့ရင်းနှီးတာ သက်နှင်းတောင်သိနေသည်။ အလုပ်ရှင်နဲ့အလုပ်သမားက လိုတာထက်ပိုရင်းနှီးမနေဘူးလား။
သက်ထင်မှာ ခွဲခြားစိတ်တတ်တဲစိတ်တော့မရှိပါဘူး။ ညီညီလည်း မရှိလို့ကို ဟိုကောင်နဲ့တပူးပူးတတွဲတွဲနေနေတာလေ။ အမှန်ဆို ညီညီ့ကိုကြည့်ရှူစောင့်ရှောက် ညီညီ့မျက်နှာရိပ် မျက်နှာကဲကိုခတ်ပြီးနေရ လိုချင်တာမှန်သမျြှဖည့်ဆည်းပေးရမှာ။ ခုက ညီညီကတပြန်ကြီး အဲ့ကောင်ကိုအရေးပေးနေရသည်။ မသိတဲ့လူဆို နေရာချင်းမှားထင်ကုန်ဉီးမယ်။ ညီညီက ကလေးနဲ့တူတာကောင်းပေမယ့် တစ်ခါတလေကျထုံလွန်း အလွန်း အူလွန်းသည်။
"အဲ့ကောင်လေးက ညီညီနဲ့ဘယ်လိုတော်တာလဲ။ အမျိုးလား"
"သိချင်သွားမေးပေါ့"
ပြန်ပက်သည့်စကားတော့ ပြန်မလာပါ။ သူ့အာရူံနဲ့သူဖြစ်သွားလို့။ နို့မို့ သက်နှင်းက တစ်ခွန်းအပြောခံတဲ့သူမှမဟုတ်။
"အစ်ကိုနဲ့ညီညီနဲ့ကို Ship နေကြတယ်။ အဟိ တို့လည်းသဘောတူပါ့"
"ဟ နင်ဘာတွေပြော"
"ဘာပြောရမလဲ။ အစ်ကိုတို့အဲ့လောက်အတွဲညီနေတာ ထင်ချင်တဲ့သူကထင်မှာပေါ့"
"ဘာလို့ထင်ကြတာလဲဟာ။ ယောက်ျားလေးချင်းတွေကို"
"ယောက်ျားလေးချင်းတော့ဘာဖြစ်တုန်း။ ဘယ်သူမှဂေးကြီးဖြစ်နေလို့အားမပေးဘူးဆိုပြီး မလုပ်ကြတော့ဘူး။ ယောက်ျားမိန်းမအတူတွဲမြင်လို့ Ship ပေးကြတဲ့သဘောပါပဲ သာမန်ပါပဲဘရို"
"အဲ့လိုပြောတာမဟုတ်ပါဘူးဟာ။ ငါအဲ့လောက် အမြင်မကျဉ်းပါဘူး။ ညီညီနဲ့ငါရဲ့ကြားက ဆက်ဆံရေးကိုအရောင်စိုးသလိုဖြစ်နေမှာစိုးလို့"
"အစိုးခံလိုက်ပေါ့။ တကယ်လည်းလိုက်တယ်။ အမှန်တိုင်းပြောရင် အစ်ကိုနဲ့ရောင်စဉ်နဲ့ထက် အစ်ကိုနဲ့ညီညီနဲ့ကပိုလိုက်တယ်။ ငါလည်းညီညီနဲ့ပဲ ပိုသဘောတူတယ်"
"ပြောလေကဲလေ မန်းလေပြဲလေ"
"ကဲ ဒါဆိုယှဉ်ပြမယ်"
သက်နှင်းကအိပ်ရာပေည်ကပြန်ထလာသည်။ အတည်ပေါက်ကြီးပြောတော့မယ့်ပုံနှင့် လက်နှစ်ချောင်းထောင်သည်။
"ရောင်စဉ်က အသိုင်းအဝိုင်းကြီးထဲက။ ညီညီလည်းပဲအသိုင်းအဝိုင်းကြီးထဲက။ ရောင်စဉ်ကလည်း ထက်မြက်တဲ့သူ။ ညီညီလည်းထက်မြက်တဲ့သူ။ ရောင်စဉ်နဲ့တွဲဖြစ်သွားရင်လည်း ပရိတ်သတ်အလျော့အတင်း အတိုးအများကရှိမှာပဲ။ ညီညီနဲ့တွဲလည်းရှိမှာပဲ။ ညီညီနဲ့လက်တွဲရင်တော့ LGBT အသိုင်းအဝိုင်းကပါ အစ်ကိုတို့ပရိတ်သတ်ဖြစ်လာလိမ့်မယ်။ တမင်ပရိတ်သတ်များချင်လို့တော့ တွဲတာတော့ မလုပ်နဲ့ပေါ့။ လူနှစ်ယောက်လက်တွဲဖို့က ပကာသနတွေမလိုတာမှန်တယ်။ အချစ်ပဲလိုတာ။ သူချစ်ကိုယ်ချစ်ကိုရွေးရင်ရပြီ။ အစ်ကိုလည်း နှစ်ယောက်စလုံးအပေါ်မေတ္တာရှိသားပဲ။ အဓိကက လူရွေးမှန်ဖို့"
သူ့ညီမက စကားလုံးအကြီးကြီးတွေကိုပြောနေတာ။ မှန်နေသလိုလိုနဲ့ တစ်ခုခုတော့မှားနေပြန်၏။
"ရောင်စဉ်နဲ့ညီညီ့ကိုချစ်တာခြင်းက မတူဘူးလေ။ ညီညီ့ကိုက တကယ့်ညီလေးလိုချစ်တာ"
"ဒါတော့ အချိန်တန်ရင်သိရမှာပေါ့။ ဘယ်အစ်ကိုက ညီနဲ့ Video Call ပြောတာ တစိမ့်စိမ့်ထိုင်
ကြည့်နေလို့လဲ။ မသိရင်ချစ်သူရည်းစားတွေကျနေတာပဲ"
သက်ထင်မျက်နှာကြီးရှိန်းခနဲ ဖြစ်သွားသည်။
"ဟေ့ အထင်လျှောက်လွဲမနေနဲ့။ ကဲ ထားပါ ငါက ညီညီ့ကိုချစ်တယ်ပဲထား။ ညီညီကမှမချစ်တာ ဘယ်လိုတွဲမလဲ"
"ဟောတော့်"
သက်နှင်းက တအံ့တသြ အာမေဋိတ်သံပြုလေသည်။
"အချစ်သီချင်းတွေရေးနေဆိုနေပြီး ဒူချက်တော်"
သက်ထင်တို့ ခံရပြီ။ ဒီနေ့ကျမှ သူ့ညီမသူ့ကိုအလုံးနဲ့အရင်းနဲ့ကိုဆော်နေတာ။
"ညီညီက အစ်ကိုမချစ်ခင်ကတည်းကချစ်ပြီးသားလေ။ အစ်ကိုချစ်ရင်ပွဲကပြီးနေပြီကို"
ချီး။ အကောင်းမှတ်နေတာ။ သောက်တလွဲခေါင်း။ ဒီတစ်ခါကိုယ့်အလှည့်ပဲ။ သက်နှင်းနဖူးကို လက်ညိုးနဲ့ထိုးလိုက်ပြီး
"နင်ကမှငဒူမ။ သူကငါ့ကို သူ့စံပြပုဂ္ဂိုလ်တစ်ယောက်လိုချစ်တာ။ ငါ့လိုပဲငါးရာနှစ်ဆယ့်ရှစ်နဲ့။ ယောက်ျားလေးပရိတ်သတ်တစ်ယောက်က ယောက်ျားလေးအိုင်ဒေါပေါ်မှာ လိုချင်တပ်မက်စိတ် အပိုင်ရလိုစိတ်ကင်းတယ်တဲ့။ ညီညီကိုယ်တိုင်ပြောပြတာ"
"ကင်းကင်းလေ။ သာမန် တွေ့ကြတဲ့သူတွေတောင် ချစ်သွားနိုင်ကြသေးတာ။ ညီညီကအစ်ကို့ကိုဟိုးအရင်ကတည်းက တစ်နည်းတစ်ဖုံနဲ့ကြိုက်လာတဲ့သူ။ အစ်ကိုကသူ့ရင်ထဲမှာ နေရာတစ်နေရာရှိပြီးသား။ သူ့စိတ်ကိုတစ်နည်းနည်းလှုပ်ကိုင်နိုင်ပြီးသား။ အစ်ကို့ဘက်ကစပြီးချစ်တယ်ပြောရင် သူ့ဘက်ကပြန်မချစ်ဘဲနေမလား။ ၅၂၈ နဲ့ချစ်ပြီးသား သူစိမ်းတစ်ယောက်ကို အထူးသဖြင့် ကိုယ့်စံပြလူကို ၁၅၀၀ နဲ့ထပ်မချစ်နိုင်တဲ့ဖန်ရယ်လို့မရှိပါဘူး"
သက်နှင်းပြောလိုက်တဲ့စကားသည် သက်ထင်ရင်ထဲသို့ ထိုးထိုးဖောက်ဖောက်ဝင်ရောက်သွားပါသည်။ သက်နှင်းပြောတာလည်းမှန်နေသည်။
တစ်ပေါက်စာခွက်ဝင်သွားအရာမရှိဘဲ မြေကြီးထဲ စိမ့်ဝင်သွားတဲ့ရေစက်တစ်စက်ကဲ့သို့ နားကိုဖြတ်ပြီး စိမ့်ရာနေရာနှလုံးသားမှာအစိုဓာတ်အရာလေးတော့ကျန်သွား၏။ သက်ထင် ညီညီ့ကို ချစ်သူတစ်ယောက်လိုတစ်ခါမှတွေးမကြည့်မိခဲ့ဖူးပါ။
သို့ပေမယ့်လည်း မညာတမ်းဝန်ခံရရင် ညီညီ့ကိုညီလေးအရင်းတစ်ယောက်လိုချစ်တယ်ဆိုပေမယ့် အချစ်တွေကရာနှုန်းပြည့် ၅၂၈ စစ်မနေခဲ့ပါ။ ရေတော့ရေ အက်ဆစ်ဓာတ်တွေပါနေတဲ့မိုးရေလိုပါပဲ။ ဟိုစိတ်ဒီစိတ်တော့အနည်းငယ်ပါနေပေမယ့် သွေးသားမတော်စပ်တဲ့လူတစ်ယောက်ကိုညီအရင်းလိုခင်တဲ့အတွက် အနည်းနဲ့အများတော့ပါမှာပဲလို့ ခုမှသတိပြုမိခြင်းပင်။
ညီညီနဲ့ဆိုရင် စိတ်ပေါ့ပါးတယ်။ အေးချမ်းတယ်။ လွတ်လပ်တယ်။ ညီညီ့ကိုကြည့်ပြီး ကိုယ်ပါလိုက်ပျော်ရတယ်။ အနေသက်သာတယ်ပေါ့။
ရောင်စဥ့်နဲ့ကျ အနေတောင့်သလိုပဲ။ ရောင်စဉ်ကသူ့အချစ်ဉီး။ အချစ်ဉီးမို့ ချစ်နေပေမယ့် အချစ်တွေကြီးထွားချင်ပေမယ့် သည်းသည်းလှုပ်ချစ်ပြပေချင်ပေမယ့် ဘောင်ကွပ်ခံထားရသလို။ စောင့်ထိန်းရမယ့်စည်းမျဉ်း စည်းကမ်းတွေများပြီး အတိမ်းအစောင်းရှိရင် ထိလွယ်ရှလွယ်ဖြစ်တာ သူကြုံခဲ့ပြီးပြီ။ ဒါလည်းချစ်နေမိတုန်းပါပဲ။
သက်နှင်းပြောလို့ ညီညီ့ကိုအတင်းရင်ခုန်တာမျိုးလည်းမလုပ်ချင်ပါ။ သရဲရှိတဲ့အပင်ကြီးအကြောင်းမသိခင်ကတော့ ဒီလိုပဲသွားရဲလာရဲနေပေမယ့် သိသွားတဲ့အခါကျ ဒီသစ်ပင်ပေါ်မှာပဲစိတ်ရောက်နေတာလိုမျိုးဖြစ်မှာစိုးတာ။ လူဆိုတာက မသိတစ်မျိုး သိတစ်မျိုးမလား။ စိတ်ဆိုတာကို တည်ငြိမ်စွာထားနိုင်တဲ့ ပုဂ္ဂိုလ်တစ်ယောက်မဟုတ်တဲ့အတွက် အစောကတည်းကနားမယောင်မိဖို့ စိတ်ပိုင်းဖြတ်လိုက်သည်။ ယတော်ကြာ ရင်ခုန်သံနှစ်ခွတြွေဖစ်ကုန်မှ။ ခုလောလောဆယ်ကတော့ သူရင်ခုန်တာ တစ်ဉီးတစ်ယောက်တည်းကိုပါပဲ။
"မပြန်သေးဘူးလား အခန်းကို"
"ပြန်သေးပါဘူး။ မေးစရာရှိသေးတယ်"
"မေး"
"ညီညီ့အမေပြောထားတဲ့ကိစ္စလေ။ အစ်ကို့ကို လူရွေးပွဲပြိုင်ဖို့ခေါ်နေတာ။ အဲ့တာဘယ်လိုလုပ်မှာလဲ"
"ပြိုင်မှာလေ။ နောက်လထဲမှာ အန်တီကုမ္ပဏီမှာ သင်တန်းသားအသစ်ခေါ်မှာတဲ့"
"လုပ်လိုက်စမ်းပါ အစ်ကိုရယ် ကမ္ဘာကျော်အိုင်ဒေါရဲ့ညီမဆိုပြီး ပတ်ကြွားပစ်ချင်လို့"
သက်ထင်မျက်စောင်းပျော့ပျော့သာ ထိုးပေးလိုက်သည်။ ဒါဆိုသူ့မှာ လုပ်စရာတွေအများကြီးရှိသွားခဲ့ပြီဖြစ်သည်။ စာလုပ်ရမယ်။ လူရွေးပွဲအတွက်လေ့ကျင့်ရမယ်။ သီချင်းသစ်အတွက်လုံးပန်းရမယ်။
ဟူး မောလိုက်တာ ညီညီရယ်။ မင်းလိုတစ်ယောက်လောက် ညီလေးပဲတော်ရတော်ရ ချစ်သူပဲတော်ရတော်ရ ရချင်မိပါရဲ့။ စိတ်တူကိုယ်တူနဲ့ အလုပ်တွေတူတူလုပ်ရရင် ကိုယ်ပျော်မိမှာ။
............
ဒီနေ့ ခြံထဲ ညီညီဆင်းမိသည်။ အရိပ်ကောင်းကောင်းအပင်အောက်မှာ စားပွဲတစ်လုံးနဲ့ ခုံပုလေးနှစ်လုံးနဲ့ ဂီတာတစ်လက်ပါယူထားသည်။
Youtube ဖွင့်ပြီး WhiteNet ရဲ့သီချင်းသစ်ကို Stream နေမိသည်။ မေမေက ကတိတည်သားပဲ။ အဖွဲ့ဝင်အချင်းချင်း Bully လုပ်ပါတယ်ဆိုတဲ့ Scandal ကိုလည်းသေချာဖြေရှင်းနိုင်ခဲ့ပြီလေ။
အဖွဲ့ဝင်အချင်းချင်း မသင့်မမြတ်ဖြစ်သွားလို့ ပဋိပက္ခလေးနည်းနည်းကြီးသွားတာကနေ အများအာရုံအစိုက်ခံရဆုံးအဖွဲ့တစ်ဖွဲ့ဖြစ်သွားတာကနေ ပိုပြီးကိစ္စတွေကြီးကုန်တာ။
တော်သေးတာပေါ့ Twitter မှာ Hastag တွေနဲ့ "ဘယ်သူ Out" "ဘယ်သူ Out" ဆိုပြီး Worldwide trending အထိဖြစ်မသွားတာတော်သေးသည်။ အဲ့လိုသွေးကွဲနေချိန်ဆို Haters တွေဝင်လို့အကောင်းဆုံးအချိန်။
သတင်းတွေလည်းဖြေရှင်းအပြီး ဘယ်အချိန်တည်းကပြင်ဆင်ထားတယ်မသိသည့် Comeback ပါတန်းထုတ်ပစ်တာ။ ဖန်တွေဆိုတဲ့အမျိုးက သူတို့လူတွေကိုလူပြောများလေ သည်းသည်းလှုပ်ပိုကာကွယ်ပေးကြလေ။ ခုလိုချိန်ထုတ်ချလိုက်တဲ့သီချင်းအသစ်က Chart တွေထိပ် တန်းရောက်။
တစ်ခေါက်နဲ့တစ်ခေါက်ပိုမိုက်လာတဲ့ သီချင်းတွေက ညီညီ့အကြိုက်ကိုတကယ်ကိုပေးစွမ်းပါသည်။
"တူ"
ပြောရင်းဆိုရင်း မေမေ့ဆီကဖုန်းဝင်လာသည်။
"Hello အိုမိုနင်း"
"ဂျီဂင်းမ် မော် ဟာဆယ်ရော်"
[ခုဘာလုပ်နေတာတုန်း]
"Nothing အိုမား"
"ဟန်းဂုဂဲ ဝုဂျွန်ဘီဂ ဒက်စ်ရော့စ်စင်မီက"
[ကိုရီးယားကိုလာဖို့ အဆင်သင့်ဖြစ်နေပြီလား]
"နဲ အိုမိုနင်း i'm ready"
[ဟုတ် မေမေ အဆင်သင့်ပဲ]
"ဒန်ရှင်နင်း ဟန်မိုနီနင်း ဒန်ရှင်နင်း နိုမူခုတီဝါး ဒန်ရှင်ဂဲ မုဆုနီဒါ"
[သားအဘွားက သားကိုအရမ်းသတိရနေတာ။ မင်းအကြောင်းတွေခဏခဏမေးတယ်]
"နဒို ဂင်ညော့ဂ ခုတီဝို"
(သားလည်းလွမ်းပါ့)
"Ok , အီဒါတယ် မာဂျီမက်နယ် မန်နယ်ယို"
(ခုလကုန်တွေ့ကြတာပေါ့)
"See you, Mom"
မေမေကတော့ ဟန်းဂုကိုခေါ်ဖို့အတော်ကိုအားသန်နေတာ။ ညီညီလည်း ညီညီအရွယ်ရောက်မှမက်ဖြစ်တဲ့ အိပ်မက်ကို အကောင်အထည်ဖော်ဖို့ အဆင်သင့်ဖြစ်နေပြီ။ ကိုရီးယားမြေပေါ်ခြေချမိတာနဲ့ ရှေ့လျှောက်ပင်ပန်းရတော့မှာဆိုတဲ့အသိ ခေါင်းထဲဝင်လာချင်း ငါလုပ်ကိုလုပ်နိုင်တဲ့အတွေးပါ တစ်ခါတည်းပေါင်းထည့်ပစ်လိုက်သည်။
ဒါနဲ့ မနက်ကတည်းက သုခကိုမတွေ့သေးပါ။ ခါတိုင်း ညီညီ့ကိုလာနှိုးနေကျ။ အန်တီနီလာဈေးသွားတာကို လိုက်သွားတယ်တဲ့။
သုခလည်း အိမ်မှာအားတယ်လို့ကိုမရှိပါဘူး။ အမှန်ဆို ဉီးဇေယျနဲ့ အန်တီနီလာကမှ ငှားထားတဲ့ တရားဝင်အလုပ်သမား။ သုခက အပိုလူ။ အရင်က ညီညီတို့ရပ်ကွက်ထဲမှာပဲနေတာတဲ့။ အဲ့တာကြောင့် ကိုယ့်ရပ်ကွက်ထဲမှာပဲ သုခကိုကားနဲ့တိုက်မိမလိုဖြစ်တာ။ ဉီးဇေယျက အရင်ကပွဲရုံတစ်ခုမှာ စာရေးလုပ်ပြီး အန်တီကတော့ ဈေးဆိုင်လေးတစ်ခုဖွင့်တယ်တဲ့။ သူ့လူနဲ့သူတော့ရောင်းရပြီး စားလောက်ရုံပဲတဲ့။
နောက် အိမ်ငှားကလည်းစာချုပ်ပြည့်တော့ အသစ်ရှာဖို့ဖြစ်လာရော။ ညီညီတို့ကလည်း အလုပ်သမားအသစ်ရှာတာနဲ့တိုးပြီး ဉီးဆွေအဆက်နဲ့ ညီညီတို့အိမ်ရောက်လာတယ်ပေါ့လေ။
လင်မယားနှစ်ယောက်စလုံးက ရိုးရိုးသားသားနဲ့ အေးအေးလူလူသမားတွေ။ ဒူးနေရာဒူး တော်နေရာတော်လည်းနေတတ်တယ်။ အလုပ်လည်းမခိုမကပ်နဲ့အကုန်ကျေတယ်။ သားအမိသားအဖသုံးယောက်ရှိတာဆိုတော့ သားဖြစ်သူပါပါလာတာ။ ပစ္စည်းပစ္စယတွေအကုန်ပါလာမို့ နောက်ဖေးကအဆောင်လေးကို သူတို့မိသားစုဖို့ဆိုပြီးသက်သက်ပေးထားလိုက်တော့သည်။
သုခအတွက် လခမပေးဘူးထင်သည်။ ဒါပေမယ့်လည်း အပိုလူအလကားတင်ကျွေးထားရတာဆိုပြီး တမင်ရှာကြံခိုင်းတာမျိုးလည်းမရှိ။ အလကားနေနေရတာမျိုးလည်းမဟုတ်။ သူ့အဖေသူ့အမေအလုပ်တွေကိုတော့ သူ့စိတ်နဲ့သူကူလုပ်ပေးသည်။ သူ့တစ်ယောက်စာပိုကျွေးရလို့ ညီညီတို့က ဆင်းရဲမှမသွားနိုင်ဘဲလေ။
ဒါ့အပြင် ကိုယ့်တူအရင်းအချာလိုပဲ ကျောင်းစရိတ် ကျုရှင်ဘာညာကမှအစ အကုန်ထောက်ပံ့ပေးတာ။ ဒါ့အပြင် ညီညီနဲ့အတန်းတူသူငယ်ချင်းဆိုတော့ ဖေဖေရောမေမေပါ ပိုတောင်အားကိုးသေးသည်။ အန်တီတို့ကလည်း ရှားမှရှားသူဌေးတွေဆိုပြီး ညီညီ့ကိုဆိုချစ်လိုက်တာတုန်လို့။
ဟော တွေးနေရင်း အန်တီနီလာတို့ပြန်လာပြီ။ ဈေးကနီးနီးလေးမို့ ခြေလျင်သွားသည်ထင်။ သုခက ခြင်းတစ်ခုကိုဆွဲထားပြီး လက်ဆွဲခြင်းတစ်ခုတည်းမှာ ကန်းစွန်းရွက်တွေလားချဉ်ပေါင်ရွက်တွေလိုပါသည်။ အန်တီနီလာကဟင်းချက်သိပ်ကောင်းတာ။ အဟင်း ဒီနေ့လည်းစားကောင်းဉီးမယ်။
"သုခ ပြီးရင်ဒီကိုလာခဲ့"
"အင်း"
သုခအိမ်ထဲအထုတ်အပိုးတွေဝင်ထားနေတုန်း
ညီညီဂီတာစတီးလိုက်သည်။ ဘယ်သီချင်းဆိုမယ်ဆိုပြီး ရည်ရွယ်တီးလိုက်တာမဟုတ်ဘဲ တီးမိတီးရာတီးချလိုက်ပြီး ခေါင်းထဲအရင်ဆုံးပေါ်လာတဲ့သီချင်းကိုကောက်ဆိုလိုက်သည်။
"ပြောဖို့စကားလေး တို့မှာမကုန်သေးလည်း.....မင်းအနားလေးပဲ ဆက်နေချင်သေးတယ်...."
ညီညီကအဆွေးသီချင်းတွေဆိုပိုကြိုက်တာ။
K pop မြူးမြူးသီချင်းတွေနားထောင်ချိန်ကတော့ အားမလိုအားမရဖြစ်တဲ့အချိန်တို့ ပျော်စရာကိစ္စတစ်ခုခုရှိတဲ့အချိန်တို့ဆို လိုက်ဆိုလိုက်က။ ကျန်တဲ့အချိန်မှာတော့ အဆွေးသီချင်းတွေအတိုင်း လိုက်ကြေကွဲနေတာ။
ခေတ်စကားနဲ့ဆို ညီညီဖီးလ်နေတာပေါ့။
သုခ အနားရောက်လာပြီးခုံပုလေးမှာဝင်ထိုင်သည်။ ဂီတာတီးရပ်လိုက်ပြီး
"ထန့်ရှီနင် ဆမ်ရှီ ပွတ်ဒုံဂမ် ဂစ်တာယဲဆော့ေ
ရိုာ့"
မေမေနဲ့ပြောထားတဲ့အရှိန်ကပါပြီး ပြောချလိုက်တော့ မျက်ခုံးလေးပင့်လျက် ပြူးကြည့်တာခံရသည်။
"ဟင် အဲ့တာဘာပြောတာလဲ"
တကယ်လည်းနားမလည်မှန်းသိလို့ ပြောလိုက်တာ။ ပြန်မေးတဲ့ပုံကရယ်ချင်စရာလေး။
"မင်းကိုနာရီဝက်လောက်စောင့်လိုက်ရတယ်လို့"
"သြော် သိဘူးလေ ပြောပါဉီး ဘာလို့စောင့်"
"ငါပျင်းလို့"
"သီချင်းဆိုနေတာမဟုတ်ဘူးလား။ ဆက်ဆိုလေ ငါနားထောင်မယ်"
"တကယ်လား။ ဒါဆိုငါဆိုမယ်နော်"
လက်ချောင်းလေးတွေ အသေအချာတင်ကာ ဆိုလက်စသီချင်းကိုထပ်ဆိုလိုက်သည်။
"ပြောဖို့စကားလေး တို့မှာမကုန်သေးလည်း..... "
"ဟိုး ဟိုး"
"ဟင် ဘာလို့လဲ"
"အဆွေးသီချင်းတွေမဆိုနဲ့။ မခံစားနိုင်ဘူး"
သုခက ရင်အုံအပေါ်လက်ငါးချောင်းတင်ပြီး ပြောသည်။ သူနာကျင်တယ်ပေါ့လေ။ အပိုကိုလုပ်တယ်ဆိုတဲ့မျက်စောင်းနဲ့ ဒိုင်းခနဲထိုးချလိုက်သည်။
"ဒါဆို.......သိပြီ"
"ဒင် ဒင် ဒင်"
အဲ့လောက်တောင်မြူးချင်ဉီးဟဆိုကာ ဂီတာသံကြမ်းကြမ်းကထွက်ချလာသည်။
"ဟန်နီ ဟန်နီ မင်းရဲ့အရိပ်လေးငါ ဟန်နီ ဟန်နီ ×
ဟန်နီ ဟန်နီ မင်းအနားငါရှိမှာ ဟန်နီ ဟန်နီ ××
ဘယ်သွားသွား မင်းလေးရဲ့ဘေးမှာ ×××
ဘာလုပ်လုပ် မင်းအကြောင်းပဲတွေးကာ ×××ငါသိပ်ချစ်မိသွားခဲ့လို့ပါ အတူတူသာဆိုရင် အို နေ့ရယ်ညရယ်မရှိဘူး"
ညီညီ့စိတ်တွေပေါ့ပါးလာသည်။
ကြည့်သူပရိတ်သတ် ဆိုသူအဆိုတော်ပြည့်စုံနေသည့် တစ်ဦတည်းပိုင် Live Show မှ သီချင်းသံလေးသည် စည်းချက်မှန်မှန် ပျံလွင့်နေခဲ့လေသည်။
.............
#Thurein
May 4 2022 10:01 PM