"تاني يوم وعمران بعد م خلص شغله رن ع عهد واتفق يتقابلو بالليل وبعدها رجع ع بيته وحسن قابلو "
حسن: شفت طبعا ال احنا مختارينو
عمران: اخدت فكره بس انا مش محتاج ابص مختاريين اي
حسن: امممم وعرفت السعر طبعا ، اوعي تكون كنسلت اي حاجه من الحاجات الغاليه
عمران: لا تقلق .. مليش حق الغي حاجه مش بتاعتي وبالاضافه الي اني مش انا ال هدفع تمنها ، ده انت لان دي شقتك انت
حسن: ااه اه عايز تفهمني ان بشغلانتي هقدر اكفي شقتي صح
عمران : بصلو بغضب " وانا ماااالي
حسن: عمران مش هنضحك ع بعض انت وانا عارفين المصنع بيكسب كام ف الشهر وانت مش بتشتغل بنصيبك انت وحدك ، انت بتاخد مرتب اكبر من مرتب المدير زات نفسه وانت عارف كدا كويس ، انت بتشتغل بنصيبك ونصيبي ونصيب يزيد ونصيب ابويا
عمران: وانت باي حق تبص ع رزقي ، انت مااالك وماال مرتبي ، انت كان ليك نصيب ف المصنع وانت بنفسك اتنازلت عنه ليا واخد تمنه كتير اوي ي حسن ااخدت تمنه ، ومش من حقك تشوف مرتبي كام دلوقت ، وبنسبه لشقتك ف الواحد بيختار ع قد لل معاه ، مش هزنق نفسي عشان اسعد وحده كان فيك تختار حاجات احسن من النت مختارها وسعرها ف المعقول زي شقتي كده ال كنت طمعان فيها ، بس طول محضرتها داخله ع طمع يبقا انت المسؤل قدامي مش زنبي
حسن ; محدش داخل ع طمع ولا انا ولا هي ، بس براحتك عايز تخلي التفكير ده ف دماغك خليه برحتك اوي ، واشبع بفلوس المصنع ي عمران "وجاي يمشي بس مسك ايده "
عمران: صدق بالله من غير اي حاجه انا كنت ناوي اسدد باقي تمن العفش بتاع شقتك ، بس صدقني انت كل مره بتبين ليا انك قد اي زباله "وسابه وراح ع اوضته .... "
"حسن راح ع اوضته ومريم حضنته "
مريم: عمران قبل يساعدك ف شقتك ولا رفض زي مقولتلك
حسن: تقريبا رفض ي مريم ، تقريبا كلامك صح
مريم: قولتلك ي حبيبي والله ، هو مش عايز غير كده ، ضحك عليك واخد نصيبك ف المصنع ورمالك شويه ملايين ، وهو دلوقت بيكسب فلوس ملهاش عدد ، ومش عايز حد يقرب من ثروته ، اخوك هيفضل طول عمره اناني
حسن: معاااكي حق ، والله معاكي حق ، انااا قرفت منه بجد قررررفت ...
مريم: لازم نفوق شويه وناخد موقف بقا منه
حسن: يعني نعمل اي ي مريم
مريم: لازم تبين وساخته وانانيته دي لامك ولاختك وحتي ل عمك وتقولو ال بيحصل بينك وبين عمران ال بقي بيكرهك ، متنساش ان عمران كان طمعان حتي فيا ي حسن ...
حسن: اتعصب جدااا وضم قبضه ايده وفضل يفكر ف كلامها ' "
___________
"صفيه ف اوضه يارا "
صفيه: مبسوطه انهردا يعني وده من النادر اشوفك مبسوطه
يارا: هههههههه لي كده ي ست ماما انا نكديه يعني
صفيه: حضرتك تقولي للنكد قوم ونا هقعد مكانك
يارا: طب يستي شكراهههههه
صفيه: قوليلي بقا في اي ..
يارا: مفيش والله ي ست الكل
صفيه: خلصي ي زفته احكي
يارا: مفيش عادي يعني هيكوون ف اي
صفيه: يكش ي يارا تكوني اتعرفتي ع حد كده ولا كده هخلي اخواتك يموتوكي
يارا: اااي ي ماما ف اي بتشكي فيا ، انتي عارفاني مليش ف الكلام ده
صفيه: عارفه بس انا مليش حكم ولا سيطره ع قلبك ي هبله ، بس بحزرك ومش لاخر مره وهفضل احزرك ، اوعي حد يضحك عليكي بكلمتين حلوين ي حبيبتي صدقيني انتي هتندمي قوي لو صدقتيه ، هتندمي ندم عمرك لو فرحتي بكلمه اتقالت ليكي ، لان ال بيحب حد بيجيلو بيتو ، وانتي مبقتيش صغيره والفتره دي اكبر فتره خطر ربنا يعدينا منها ع خير ، بلاش ي يارا تغلطي عشان هتندمي "ومشت وسابتها ..."
_____
ليله: انتي عارفه ي هدي لو حد عرف ان سبب زعلك ده هو عمران ، انتي مش بس هتطلقي انتي هتتفضحي وممكن يقول عليكي خاينه كمان وبتفكري ف غيرو وانتي معاه ، انتي ال وافقتي ع الجوازه دي بمزاجك ومستنتيش تتأكدي ان عمران مرتبط ولا لا وانت ال شلتي الشيله دي لوحدك يبقا استحملي
هدي: انا كنت راضيا ف الاول والله كنت راضيا انا مش عارفه اي ال حصلي ولي دماغي بتفكر ف عمران بالطريقه دي ، انا تعبت والله
ليله: انا حقيقي مش عارفه اقولك اي غير ربنا يهديكي ويهدي قلبك ع جوزك وترجعو لبعض لانو بجد زعلان جدا
هدي: هحاول اقرب منه والله واكون كويسه معاه بس شويه وقت ان شاء الله ...... "
_____
"بالليل وعمران اخد شاور ولبس وظبط نفسه ع الاخر وخرج برا الاوضه وكانو قاعدين ف الريسبشن بيهزرو ويضحكو و يارا خارجه من اوضتها ولابسه هدوم خروج "
يارا: كنت مستنياك عشان ابلغك اني عايزه اروح عند ليله اقعد معاها شويه
حسن: اي ده واشمعنا راحه تستأذني من عمران منا موجود من بدري
يارا: بكسوف من اخوها " عادي ي حسن مفيش فرق بينكم اكيد
حسن: طيب يستي روحي ومتتأخريش
يارا: تمام شكرا
عمران: مسك ايد يارا " ع اوضتك ومفيش مرواح
يارا: في اااي ي عمرااان
مريم: بغيظ " ههه هو اي عند وخلاص ، لازم تمشي كلمتك ع اخوك عشان تبين انك كبير العيله ومحدش عندو كلمه غيرك
عمران: اوووووف انا بس لو اعرف انتي اي ال بيخليكي تحشري مناخيرك بيني وبين اخويا او اي الهدف من كل ال انتي بتعمليه ده لو اعرف بس الاستفاده اي
حسن: والله هي كلامها صح ، ع فكره انا قولت ل يارا انها تروح لي بتعيد ع كلمتي وخليتها متروحش انت بس قولي اي الاستفاده لما تصغرني وتقلل من قيمتي قدامكم وقدام مراتي
عمران: حسن ااافهم شويه ، انا مقصدش اصغرك او اا ...
حسن: قاطعو " كدا ومتقصدش امال لو تقصد ي جدع
عمران: لي متفكرش ان انا عندي وجهه نظر غيرك مثلا
حسن: وجهه نظرك دي ف اي ، ف بيت عمك ، هي بتقولك راحه لاي حد والسلام ، دي راحه عند ليله ، اي متعرفش بيت عمك مثلا في مين ومين
مريم : عادي ولا يمكن مش واثق وخايف لتكون يارا بتقولو انها راحه ل ليله وهي ف الحقيقه مش راحه ل ليله دي راحه لحد تاني
عمران: ضم قبضه ايدو من الغيظ وقرب منها بسرعه وحسن وقف ف وشه " لو شفتك بتقولي ع ياااارا كلمه تانيه انا مستعد احجزلك مكان ف المستشفي متطلعيش منها تاني ي مريم واللله مستعد اكسرلك عضمك ومحدش هيقدر يمنعني ، وانت حسابك معايا بعدين والله حسابك معايا بعدين ، لو البيه ده مش واثق ف اخته ف انا واثق فيها مليون مره ، وموافق ي يارا انك تروحي ع بيت عمك يلا اطلعي وروحي "ومشت وهي مدايقه وهو طلع وراها، صفيه زعلت جدا ع كل يوم مشاكل شكل ودخلت اوضتها وسابتهم "
عمران: استني ، اولا متزعليش
يارا: مشزعلانه عادي ، هي مش هتتغير وهيفضل كلامها زفت زيها
عمران: تمام خليها تغور ، ثانيا انا كنت بهزر بس قدامهم كان لازم اقولك روحي عشان ابين اني واثق فيكي
يارا : وقفت وبصتله وربعت ايديها " اه وف الحقيقه انت مش واثق فيا
عمران: والله قولتلك قبل كده انا مش واثق ف مصطفي ، تعالي معايا نروح المشوار ال انا رايحه ده
يارا: هو احنا مش خلصنا من زفت مصطفي
عمران ; اه خلصنا بس بردو عمري م هثق فيه تاني ابدا ولا عمركم هترجعو زي الاول طالما جه اليوم ال بصلك فيه بصه مش تمام ، يلا اركبي
يارا: اوف تمام .. رايح فين انت
عمران: رايح اقابل عهد
يارا : ومتشيك وعامل ده كله عشان عهد
عمران: اولا انا طول عمري شيك ثانيا اه عشان عهد امال هعملو ليكي مثلا
يارا: ااه يارب اوعدنا
عمران: متقلقيش يختي دلوقت يجيلك ال هتطلعي عينه وهو هيبقا غلبان مش قدك
يارا: لي انا مفتريه يعني
عمران: اه ولسانك طويل
يارا : اااه ي جزمه "وضربته ع ايدو وراح حط ايده ع شعرها وابتسم وكمل طريقه ووصل الكافيا ونزل و يارا نزلت " عمران " يارا استني ، اصل ف البدايه بس كنت عايز اتكلم مع عهد ف موضوع بريفت مش هينفع اقولو قدامك ، فا ممكن تفضلي هنا فالعربيه اخلص الموضوع ده واجي ادخلك ممكن ?
يارا: ااانت بتهزر صح قولي انك بتهزر
عمران: صدقيني بتكلم جد ، اسف والله بس اعمل اي
يارا: تعمل اي ف اي ، انا كااان مالي بام المشوار ده اصلا يااااارباااااي هموت بسببك
عمران ; معلش بقولك ، مش هكمل 5 دقايق
يارا: مااااشي "وجايا تركب ف العربيه من قدام راح مسك ايدها " ف اااااي تاني
عمران: اركبي من ورا عشان محدش ياخد بالو منك ويغلس عليكي
يارا: بغيظ " حااااضر حااضر
عمران: "دخل وكان بيقفل القزاز لحد الاخر "
يارا: انت بتهبب اي ، انت هتقفل الشبابيك كمان
عمران: ايوة عشان محدش يدايقك
يارا: عمران انت هتجنني انا كده هفطس وهموت جوه العربيه
عمران: هسبلك فتحه صغيره عشان تتنفسي متقلقيش "وقفل الشبابيك وساب جزء صغير جدا وهي كانت متغاظه وهتموت من الغيظ ، دخل جوه ولقي عهد مستنياه ومدايقه "
عمران: اهلا
عهد: كنت واقف مع مين برا
عمران: مين قالك ...
عهد: سألت عليك الهوانم ال ف الكافيه ده قالو هو وصل لاني كنت هروح بسبب التأخير ده ، ومتأخر وكمان جيت وواقف مع واحده
عمران: دي اختي
عهد: انا بقيت اشك ف اختك دي ، ع م اظن قولتلي عايز تكلمني ف موضوع مهم جايب اختك ازاي
عمران: والله ده ال حصل .. المهم عشان نا رابطها برا ف العربيه ، ف الموضوع ال انا كنت عايز اكلمك فيه هو بخصوص ، بخصوصنا يعني
عهد: بعدم فهم ' ازاي بخصوصنا
عمران: استني بس قوليلي تشربي اي
عهد: عصير برتقال
عمران: تمام "وطلب لنفسه وطلبلها وطلب لاخته وراح اخد العصير " ثواني بس هدي العصير ده ل يارا "وخرج وراحلها وفتح الباب راحت صرخت وهو اتخض " ف اي يبت الملبوسه مين هيفتح عليكي يعني غيري وبعدين نيمالي فالعربيه
يارا: امال اعمل اي يعني ، خلصت ول لسه
عمران: لسه بس خدي العصير ده روقي ع نفسك ولو حاسه بحر خدي ده ريموت التكييف شغليه
يارا: اووووووف طيب طيب
عمران : اوعي توقعي العصير ف العربيه
يارا : رفعت حاجبها " وحياات ااامك بتكلم طفله ولا اي
عمران: لا باخد احتياطاتي
يارا: ولو وقعت ع نفسي عادي
عمران: اه ايزي
يارا: اهه ياااارب هتنقط بسبببك هتنقط وحيات اااامي
عمران : سلامتككك " ومشي وراح قعد مع عهد "
عمران: المهم
عهد: اه ..
عمران: بصي انا هدخل ف الموضوع ع طول تمام
عهد: ياريت والله
عمران: انا عايز اتجوزك ... "عهد سمعت الكلمه من هنا وقلبها رفرف من الفرحه والسعاده بانت عليها واترسمت ع وشها ، سكتت شويه وعمران ابتسمت " انا عايزك تكوني ملكي وتكوني ليا ، عايز اكمل عمري معاكي انتي ، اختارتك انتي تكوني شريكتي ، متعرفيش اي السبب او اي الدافع بس انا اعجبت بيكي ، وشوفتك ف عمري الجاي وانك هتكوني معايا دايما ي عهد ، انا عارف ان كلامي غريب شويه ومكنتش مبين ليكي او مرتب حتي كلام ، بس ده ال كان لازم يحصل ، انا هقبل ب رأيك مهما كان اي هو ولو وافقتي بكره تاخديلي معاد مع مامتك وهجيلك بكرا
عهد: بفرحه كبيره اوي " صدقني مش عارفه اقولك اي ، بس .. بس بجد انا كان نفسي فيك اوي ي عمران "وضمته " انا موافقه ...
" عمران فرح جدا وهي فرحت اكتر وحتي وافقت من غير متسألو ع حبه ل هدي ، وهل هو لسه في حب ف قلبه من ناحيه هدي ول لا بس فرحتها خلتها مش شايفه اي حاجه ، فضلو يتكلمو مع بعض ويهزرو وعمران نسي يروح يجيب اخته ، يارا زهقت من العربيه وراحت طلعت وفضلت تتمشي حوالين العربيه وبردو عمران مطلعش وقررت تدخل الكافيا ، دخلت وسألت ع عمران والجارسون وصفلها مكانه ومشت وكان قاعد ف اخر الكافيه ، قربت شويه لحد م لمحته ولقيته منيم عهد ف حضنه وحاطت ايديه ع خدها وبيقرب منها عهد حطت ايديها ع شفايفه "
عهد: مش هنا ي عمران ..
عمران: ف اي حته ي عهد ..
عهد: لالا لا ...
يارا : بغيظ وراحت قعدت قدامهم وعمران اتخض وبعد عن عهد " اي ي عمران
عمران: انتي ازاي تيجي كدا انا مش سايبك ف العربيه
يارا: اي هو بقا ال مش هنا ي عمران ..
عمران: يارا بطلي رخامه بتاعتك دي ، انتي جيتي لي مش قولتلك انا هطلع اجيبك
يارا: انا بقالي ساعه قاعده ف الزفت العربيه هو ف ااااي
عمران: طب وطي صوتك ولاحظي ان حوالينا نااااس سمعاني ولا اقوووم اضربك دلوقت
يارا: يعني كمان انا ال غلطااانه ، انت قاعد مبسوط هنا وبتحب ف الانسه دي وانا لاطعني برا ف العربيه كدا عادي
عهد: انا اسفه ي يارا ، اسفه يمكن هو اتأخر عليكي بسببي
يارا: يمكن اي ، مهو ده اكيد ، لما هي الحكايه كدا من دلوقت ونسيتني امال بعدين هتعمل اي
عمران: مين قال نسيتك و هنساكي لي من الاساس بس الكلام اخدنا ، حقك عليا
يارا: تمام .. بعد ازنك تعالا روحني البيت وتعالا كمل سهرتك
عهد: خلاص احنا مروحين دلوقت ، يلا ي عمران
عمران: تمام "بص ل يارا بغيظ " تمام هنروح "ومشي ويارا جايا تركب جنبه " خلي عهد ممكن
يارا: تعرف انا امي معرفتش تربيني عشان قبلت اجي معاك ، انا لو احترمت نفسي وفضلت ف البيت كان احسنلي بس والله اول واخر مره "وضحك ع عصبيتها وركب وعهد ركبت جنبه وكان بيبصلها ويضحك ومسك ايد عهد وعهد كانت متبته فيه ، يارا بصت ع ايديهم وهم مسكينها وابتسمت بس محبتش تبين وقالت لنفسها "
يارا: باين عليهم بيحبو بعض , ربنا يسعدكم ياااارب ، ماما هتفرح اوي لما اقولها "عمران وصل عند محل دهب ووقف "
عمران: يارا انا هنزل انا وعهد نتفرج ع كام حاجه وجاي
عهد: عمران انت سبتها كتير ف العربيه خليها تنزل
يارا: انا كده كده نازله من غير متقولي "ونزلت وعمران ادايق لانه مكنش عايز يتفرج بس كان عايز يجيب ل عهد هديه دهب ومش عايز يارا تعرف ، دخلو المحل هم التلاته وفضلو يتفرجو ع الدهب و عمران اختار سلسله حلوة جدا وصغيره ، واختار الدلاية بتاعت السلسله وركبهم ولبسها ل عهد "
عمران: اي رايك ف زوقي
عهد: جميله والله العظيم جميله اوي ي عمران ، زوقك يجنن ، صدقني انا لحد الان مش مصدقه نفسي
عمران: بابتسامه كبيره " صدقي ي عهد صدقي "وقلعها السلسله وراح للراجل عشان يشتريها ويارا راحت وقفت جنبه"
يارا : انت هتشتري الشبكه دلوقت ولا اي انت لسه متقدمتلهاش ولا اهلها شافوك
عمران: شبكه اي ي متخلفه ، دي هديه
يارا: بصوت عالي " هدية
عمران: حط ايده ع بوقها " اسكتي يبت متخلنيش اشتمك هنا
عهد: ف اي ي عمران مالك ومالها
عمران: شال ايده " لالا مفيش ، واشتري السلسله "
عهد: عمران انت اشتريت السلسله لي
عمران: هديه مني ...
عهد: هديه ... انت قولتلي هنتفرج بس
عمران : منا لو قولتلك ان هنقيلك حاجه مكنتيش هتوافقي ، اطلعي ي عهد ع العربيه وانتي ساكته
عهد: بابتسامه وفرحه كبيره " حاضر.
عمران: انتي بقا لويالي بوزك لي دلوقت ، واحد هيجيب هديه للبنت ال هتكون مراته انتي اي مدايقك
يارا: هديه دهب .. هو الورد والحاجات دي اتلغت
عمران: وانا هجيب الحاجات دي لي ، الدهب احلي
يارا: تمام ، انا عايزه سلسله زي بتاعت عهد
عمران: حط ايده ع دماغه " يارا انا لسه ورايا حاجات تانيه متضغطيش عليا
يارا: تمام ، مهو الهدايه لناس وناس "ومشت وراحت ركبت العربيه ، عمران نقالها سلسله زي بتاعت عهد ويمكن احلي كمان وراح وراها "
عهد: اي اتأخرت لي
عمران: كنت بجيب حاجه ل يارا ، يعني يرضيكي مجبلهاش
يارا: بفرحه " بجد ، وريني جبتلي اااي
عمران : اتفضلي
يارا: اخدت العلبه وفتحتها وشافت السلسله وفرحت جداا " شكراا ي عمراااان
عمران: حبيبتي ي ياراا ، اهم حاجه تكوني مبسوطه
"وطلع بالعربيه و وصل ع بيت عهد ونزل يوصلها لحد الباب "
عهد: انت طلعت حنين اوي ي عمران قلبك ده والله ما في زيه ، انا مبسوطه اوي واسعد واحده ف الدنيا ان واحد زيك هيكون ف حياتي ، انا لحد الان مش مصدقه انك عرضت عليا الجواز وكمان هتتقدملي بسرعه ، والله حسه اني ف حلم
عمران: حط ايده ع خدها ، لا دي حقيقه متقلقيش ، انا هفضل اسعدك وبس ، مش عايز حاجه غير اشوف ضحكتك ع وشك "وحضنها وهي حضنته " يلا اسيبك انا وهستنا اتصال منك تقوليلي اجي الساعه كام
عهد : حااضر "ومشي وراح ل يارا وطلع بالعربيه ورجعو ع البيت "
صفيه: يارا هانم كل ده عند بيت عمك ، شوفي اخوكي بقالو قدد اااي برا وانتي كل الفتره دي عند بيت عمك
يارا: اتكلم ي استاذ
عمران: كانت معايا متقلقيش .. صحيح ممكن اروح اتقدم للدكتوره عهد بكرا
صفيه: بتهزر صح
عمران: لا والله مش بهزر ، عشان تبقو تجهزو نفسكم
صفيه: حضنته " الف مليون مبروووك ي حبيبي الف مليون مبروووك ، ربنا يتتملك ع خير
عمران: يااارب ي اامي
صفيه: ع كده حسن هيجي معانا
عمران: لا الحوار مش لازم ...
_________
" تاني يوم وعمران اخد معاد مع مامت عهد وبالليل اخد امه واخته ورايحين ع بيتها ...."
عمران: امي في حاجه كنت عايز اقولهالك
صفيه: اي خير ..
عمران: عهد كانت متجوزه قبل كده وحاليا متطلقه
صفيه: لا بتهزر
يارا: اكيد طبعا بيهزر ااااكيد
عمران : اسكتي ي يارا انتي خالص ، انا بتكلم بجد عهد مطلقه
صفيه: يخربيتك ، ومقولتليش لي كده غير دلوقت ، عمرااان انت عارف اني مش هوافق ع حاجه زي كده. ، حبيبي انت مسبقش ليك الجواز عشان تاخد واحده متجوزه قبل كده وكانت مع راجل تاني ، لي ي عمران كده لي
عمران : ايوة عارف انك مش هتوافقي بس دي حياتي وانا قابل اتجوز واحده مطلقه عشان دي مش حاجه وحشه تمام ي امي "بص ل ليارا راحت عدلت وشها بعيد وامه متكلمتش بس بان ع وشها الزعل عكس ما كانت ف البيت ، وصلو ع البيت و ابو عهد استقبلهم ودخلو وقعدو ف الريسبشن ، عهد بعتت مسج ل عمران وقالتلو ميقولش انه كان بيتعالج عندها وقالها تمام ، اتعرفو واتكلمو واهل عهد كانو مبسوطين وامه كانت مدايقه بس بتحاول تبان طبيعيه ع قد م تقدر ، اتفقو وقرو الفاتحه وصفيه مش قادره تعترض ولا تقول لا عشان عمران ميزعلش ، بعد نهايه اليوم وقرايه الفاتحه والخروجه ال خرجوها وكل واحد رجع ع البيت "
صفيه: انا حاسه اني كنت قاعده ولا ليا لزمه ، قولي اخدتني معاك لي طلاما انت مجهز كل حاجه وكل حرف هتقولو ، واخدني معاك اقعد زي الكرسي ال كنت قاعده عليه ومليش كلمه صح كده ، بتدبسني وبتحطني فالامر الواقع عشان مفتحش بوقي وتعمل ال عايزه ، حتي الخطوبه لغيتها وقررت تجيب الشبكه وبس وتتجوزو ع طول ، حتي مفيش وقت الواحد يقنعك تفشكل الجوازه دي ياخي حرام عليك بقااااا
مريم: خرجت من الاوضه ع صوت زعيق صفيه " هو في اي ، مالك ي مرات عمي بتزعقي لي
عمران: ممكن لو سمحتي متدخليش بينا و تروحي مكان مكنتي
مريم: ثانيه بس وانت مالك من اصلو هو انا جيت بكلمك انت ولا هو تلزيق وخلاص
"عمران جاي يتكلم بس صفيه قاطعتو "
صفيه: انتي يبت انتي اتعدلي وانتي بتتكلمي معاه ، انا سكتلك كتير وكلنا عملنا نفسنا اننا مصدقينك ف الحاجات ال بلتيها ف عمران ومش هسمحلك تتعدي حدودك معاه تاني وف الاخر تجيبي الغلط منه لان المره الجايا هرميكي ف الشارع ، واتفضلي روحي ع الاوضه عشان الموضوع ال بنتكلم فيه ميخصكيش "مريم اتكسفت جدا ومتكلمتش ول كلمه ومشيت " وانت بقا ي عمران ، انا كده كده عرفه انك هتتجوزها ، احنا مكناش راضين ع الزفته ال اتجوزها اخوك بس هو مهموش رأي حد فينا وراح ااتجوزها ومحدش قدر عليه ولا انا هقدر عليك وال مش هتعملو قدامنا هتعملو من ورانا ، اعمل ال تعملو ي ابني ، واخوك اول م يعمل شقته يعزل هو ومراته دي ال مش عايزه اشوفها دقيقه ف وشي وانت تعزل انت ومراتك وبردو مش عايزه اشوفها وانتو احرار عشان انا عارفه ان لو فضلت اتكلم من هنا للصبح مش هستفاد حاجه "ومشت راحت ع اوضتها وعمران راح وراها "
عمران: امي انتي اي مشكلتك معاها ان هي متطلقه ، هو فيها اي بجد ، انتي لما تقعدي معاها وتعاشريها هتحبيها اوي والله
صفيه: عشان خاطري اطلع برا عشان عايزه اتخمد ممكن
عمران: امي اسمعيني
صفيه : بزعيق " ااااطلع برااا
عمران: تمام ااهدي .. اااهدي "ومشي وطلع قعد ف الريسبشن وكان مخنوق ويارا راحتلو "
عمران: يارا لو جايا تلوميني ع حاجه امشي احسنلك
يارا: هتزعل ماما ي عمران
عمران: مش هاين عليا بس انا مش فاهم اي مشكلتها
يارا: طب فكر ف ماما ، انت عارف ان حسن زعلها واتجوز واحده هي مش حباها وانت كمان هتتجوز واحده هي مش حباها ، ماما كده ملهاش نصيب يعني ف جوزات عيالها بدل ميكونو هم زي بناتها ال مخلفتهمش جايبين ليها ناس بتكرها تعيش معاها ف البيت ، انا نصحتك وخلاص ، متنساش ان بعد وقت انا هتجوز ومحدش هيكون جنب امي غير مراتك ومرات حسن ، والاتنين مش كويسين وهي مش بتحبهم ، فكر كده مين هيفضل جنب ماما ي عمران "ومشت ع اوضتها "
"عهد قالت لامها ان عمران ده هو هو ال كان بيكشف عندها وراح ع المصحه وامها كانت هتتجنن من الغيظ ، ابوها معرفش يقول اي بس عهد بكت وقالت ليهم انها بتحبه وهو خف وبقا احسن من الاول ، ابوها حضنها وكان موافق وقالها هيقنع امها ، بعد ايام كتير وعهد وعمران مكنوش بيتكلمو بعدها عمران رن ع عهد وقابلها وقالها تيجي تشوف الشقه وبالفعل راحت وطلبت تغير العفش ال فيه لان ده كانت مختاره هدي ، فضل يقنعها ان مش هيقدر يغيرو دلوقت بس رفضت واخرو الفرح بسبب التعديلات ال هتتعمل ف الشقه ، وخلوها بعد امتحانات الثانويه العامه بتاعت اخته ..... "
________________________
"بعد مرور شهرين ونهايه الامتحانات وف انتظار النتيجه ..
.. حسن ومريم استلمو شقتهم بعد 20 يوم بالظبط من بدايه الشغل فيها و عمران دفع باقي فلوس شقه حسن
.. هدي وسامح حياتهم مستقره الي حد ما مفهاش مشاكل ، وف نفس الوقت مفهاش حب من نحيتها ليه هو ، بعد م سمعت خبر ان عمران هيتجوز قعدت اسبوع تبكي وهو سامح مش فالبيت وكانت بتحاول ترسم الابتسامه ف وش سامح بالعافيا ...
.. عمران وعهد خروجاتهم وفسحهم مكنتش كتير وكانو بيشوفو بعض قليل جدا جدا حتي الديكور والالوان بتاعت الحيطه كانو بيبعتو لبعض ع الفون لكن مفيش مقابلات وعهد مش فاضيا ولا عمران ..
.. مريم كانت فرحانه ان صفيه مش راضيه بردو ع مرات عمران لان مريم طول الوقت شايفه انهم مفضلين عمران ع حسن وشايفينه احسن واحد ف البيت ف فرحت انها هتكون مدايقه من عهد زي مهي مدايقه منها
.. عُدّي كان كل يوم ف الامتحانات لازم يروح ل يارا يسألها عملت اي ف الامتحان وهي بتطمنو وبعدها بتمشي حتي مش بتسأل هو عمل اي فالامتحان بس كانت بتكون مبسوطه من سؤالو عليها وكان بيهون عليها كتير وكانت بتستغرب كده "
___________" يوم فرح عمران " __________
"الضهر "
عمران: الو ي عهد انا قدام البيت يلا ، تمام بسرعه بس عشام ورايا كذا حاجه ..
وطلعت وراحتلو وركبت العربيه وحضنته "
عمران: الف مبروووك لينا ي حبيبتي
عهد: الف مبروكك ي حبيبي
يارا : خلصو احضان واطلع يبني ع الكوافير
عهد : اي ده يارا ، انتي معانا
يارا : ايوة معاكم بس معلش انتي مش هتشوفي انهردا غير عمران "وضحكت وعهد ابتسمت وبصت لعمران "
عهد: معاكي حق .. انتي متعرفيش انا بحبه قد اي .. "عمران بصلها وابتسم وبعدها طلع بالعربيه "
يارا: ربنا يفرحكم يارب يااارب يارب ويسعدكم
عمران: يارب ي يارا ..
" وصلهم ع الكوافير وبعدها شرين راحت لعهد وبنات خالتها راحو ليها و مصطفي اخد ليله و وصلها عندهم ومشي يجهز بدلته ... عمران مشي ورجع ع البيت وحسن و مريم كانو نازلين من فوق "
عمران: حسن .. مش هتقول مبروك ولا اي
حسن: لا ازاي مبروك طبعا "وحضنه " الف الف مبروك
عمران: الله يبارك فيك.. مستنيك بالليل تكون معايا .. "ولسه هيمشي بس وقف لما سمع كلامه "
حسن: وانت كنت معايا يوم فرحي ?
عمران: سكت شويه وبصلو " ظروفي غيرك ي حسن ولا اي !
حسن: اي حاجه ليك بتكون كويسه وليا هتكون وحشه معروفه
عمران: مش كده ، وصدقني مش لاقي رد ، وانا هقدر لو مجتش وهفرح اكتر لو جيت
حسن: ورايا مشاوير كتير انهردا لو فضيت هاجي "عمران هز راسه ب اه ومشي ودخل اوضته وادايق جدا "
مريم: جدع ي حسن ، هو فاكر اي ، احنا مش هنخطي فرحه
حسن: اكيد هو مجاش ولا وقف جنبي ف اليوم ال كان نفسي يكونو اهلي جنبي فيه ، مجاش ومنعهم كمان انهم يجيو ، مش هنروح طبعا
"بعد شويه وعمران اخد شنطه الدريس ال جايبه لامه وراح اوضتها "
صفيه: ادخل
عمران: عامله اي
صفيه: كويسه .. الف مبروك
عمران: الله يبارك فيكي ، اتفضلي ، حاجه حلوة ومناسبه ليكي متخافيش.
صفيه: مش عايزه حاجه .. انا كان نفسي تسمع كلامي ولو لمره زي منا بسمع كلامك كده ، وكلمتك بتمشي ع الكل كان نفسي تقدرني
عمران: قعد عند رجلها " انا مقدرك ي امي والله ، اانا بجد مقدرك بس الجوازه دي لازم تحصل ، لازم ي امي
صفيه: انت حصل بينك وبينها حاجه
عمران: والله ابدا ابداا مفيش حاجه من الكلام ده ، بس انا عايز اتجوز باسرع وقت ودي ال اختارتها لان راحتي لقيتها معاها ، وعايز اتجوز عشان كفايه ال بيحصل ، اخويا بيقولي بتبص لمراتي ومصطفى بيقولي انت بتحب هدي وحاجات كتير ولي عهد بالزات لان زي مقولتلك ، انا ي امي مليش علاقات ولا اعرف بنات كتير ، ف لما احب استقر مع واحده مش هروح اتجوز واحده ع عمايا معرفش عنها حاجه ولا هي تعرف عني حاجه مش هتجوز وخلاص انا ي امي ، عهد اعرفها وتعرفني وكمان بتحبني جدا هلاقي اكتر من كده ف مين تاني
صفيه: ملخص كل الكلام ده انت عايز تتجوز زي م هدي اتجوزت ، طب انت اهو حاطتها ف دماغك ، هتعرف تسعد ال انت هتتجوزها دي
عمران: لالا مش ف دماغي خالص ، انا مبيفرقش معايا حد وانتي عارفه.. امي انا محتاج عهد بجد هي هتعرف تسعدني وتاخد بايدي .. "مسك ايد امه وباسها" مينفعش الفرح يتم من غير وجودك
صفيه: انا مكنتش راضيا عن مريم واخوك كان محتاجنا ، وانت منعتنا اننا نكون معاه ف يوم زي ده صح .. "عمران بصلها ومردش " اظن عرفت ردي ي عمران .. "عمران قام ومشي ودخل اوضته وكان هيتجنن ، ضم قبضه ايديه وفضل يضرب ف الحيطه لاحد م صوابع ايديه جابت دم وصوابعه وقفت ومقدرش يحركها. ، قام راح اوضه يزيد وطلع لبس من دولابه وضمه وقعد ف الارض "
عمران: عيونه اتملت دموع " انا بحبك اوي ي يزيد ، والله بحبك ي حبيبي ، وكان نفسي تكون معايا ، انا غلطت لما خليتك سافرت ايوة غلطت بس لي سايبني اتعاقب كل الفتره دي ، لي بتعاقب ع الغلطه دي لي ، ضيعتك وبوظت علاقتي مع اخويا ، والشخصيه الوحيده ال قلبي معاها هي يارا مش بقدر اضغط عليها ف اي حاجه ، مهي اختنا بردو صح ي يزيد لازم اكون حنين معاها ، هي اختنا الوحيده .. انتو كان لازم اكون شديد معاكم مينفعش اكون حنين عشان اعلمكم .. كان غرضي من سفرك انك تشيل مسؤليه .. انا معرفتش اكون حنين عليك وقسيت وقسيت ع حسن ، بس صدقني بحبكم ...
…………………………
'" فضل قاعد ف الاوضه لحد منام وهو حاضن هدوم يزيد ع المغرب وفاق من نومه وقام وشال هدوم اخوه وراح ع اوضه ومسك الفون وشاف الساعه ولقي الوقت اتأخر وفي حوالي 100 رنه من اصحابه ومن عهد واخته ، حط ايده ع دماغه "
عمران: ياااربي ، السيشن ال المفروض يتعمل و معاده فات وانا لسه مجهزتش اووووووف "ودخل الحمام بسرعه وظبط دقنه وملحقش يقصر شعره شويه واخد شاور ولبس البدله بسرعه ومشي بخطوات سريعه وامه استغربت انه لسه ف البيت لحد الان ونادمت عليه بس مسمعهاش ، اخد عربيته وراح ع الكوافير وكانو قاعدين ف غرفه تانيه ، دخل عندهم وعهد وصحبتها وبنات خالتها و ليله ويارا كانو قاعدين "
عمران: عهد ..
يارا: راحتلو " انت اتاأخر كده ازاي انت بتهزر انت مش وراك كذا حاجه هتعملها طب وتلفونك مشفتش الرنات
عمران : صدقيني غصب عني "قرب من عهد ومسك ايدها وطلعو برا الغرفه " سامحيني ، انا بس كان معايا كام حوار
عهد: ال يريحك
عمران: تعالي يلا عشان نروح السيشن
عهد: احنا اتأخرنا ، الغي الفكره ..
"مصطفي وعلي راحو هناك "
مصطفي: اي يبني ادم كل ده تأخير
عمران: غصب عني
علي: طب نتكلم بعدين يلا ي عمران العربيه جاهزه "وعمران مسك ايد عهد وطلعو وركبو العربيه والشوفير ركب ، البنات كل مجموعه ركبو ف عربيه وعربيات الشباب طلعت وكانو بيزفو طول الطريق وهم رايحين ع النادي "
عهد: كانت باصه قدامها ومخنوقه جدا "
عمران: مسك ايدها ومش عارف يعمل ليها اي او يعتزر ليها ازاي راح ضمها وفضل ضاممها جدا وهي حطه دماغها ع قلبه وحاسه بدقات قلب سريعه جدا ، بعدت عنه وجايه تمسك ايده لقيته متعور جدا ومش قادر يتني صوابعه "
عهد: مالك ف اي ، اي ال حاصل معاك ف يوم زي ده
عمران: متقلقيش ي حبيبتي خير ، بس مدايق من كام حاجه ف البيت مع امي واخويا وكده اتخنقنا يعني قبل م اجي ، ف احتمال ميجوش الفرح ف ده موترني ..
عهد: حطت ايدها ع بوقها " متهزرش ي عمران ، مامتك ممكن متجيش الفرح ، لي كده ي عمران ، الكل هيلاحظ ده وهيسألو عليها ، انت عارف ان مفيش غير الكلام ال الناس بتفلح فيه ، وناس كبيره جايا ع فرحنا ، تبعك وتبعي ، ودكاتره كبيره ، لو حد سمع ان مامتك مجاتش هيقولو عني كلام وحش وان هي رفضاني ف عشان كده محبتش تيجي ي عمران ..
" التكمله ف البارت الرابع عشر .. بقلمي // دينا "