٥٣"
-البارت الأخـير
-ثـارهم وبنت الـفقير
وعندما تشعرين
أنَّ كل الأماكنِ
لا تناسبكِ
تعالي إلى هُنا
وتأكدي أنه سيتّسع لكِ دائمًا
-قلبي الصغير-
إنّهُ بيتكِ.
-رن مبايل امي فتحته واشوف وجها اصفر وعيونها جحضت لطمت على صدرها وحجت:- يايمه شهل مصيبه
سدت المبايل وكعدت
سيرين... يوووم احجي شكو
نهايه... بدر مسوي طلابه وي بيت حطام ماخذ زلام رايدين يرمون على ضرار بس ربج ستر وماصابه شي
لطمت على وجهي احس بلكوا
كاعده على حيلي كامن يهدن بيه وانه حتى المكياج خرب دك مبايلي جاوبت مياده
مياده... خيتي فدوه اروحلج كافي بجي هالخابرتني ميس وكالت جايين
سيرين... وضرار
مياده... مابي شي سالم
راحت جابت المكياج ورتب مكياجي ويهفن عليه
شوي وصاحو علينه اجت الزفه
ضليت اقرا ايات وادعي كون تعدي على خير
اجت الزفه وانه بالي مويمهم ترى شصار هسه
وشصابه البنات يباركلي وكلهن فرحانات ولاجن صاير شي بس كلبي مقبوض
اجت مالكه وكفت كدامي وعاوجه حلكها
مالكه... والله مبين كصتها خير علينه من هسه
دنانير... جا من اكولن فكر احد يلومني عالططوه
الدمعه صارت بطرف عيني نهضمت كلش من كلامهن احس سم ويبثنه عليه ماحس غير صرخن بصوت
سلافه... ميلن منا يالحيايه جا ماترتاحن الاتبثن سمجن عالبت وحك علي اذا سمعتجن حاجيات شي اكولن لضرار وتعرفنه شيسوي
دنانير... حجيه شحاجين اجينا نباركلها
سلافه... وكوات عينج ولج يالمسمومه والج عين وتجين جا نسيتي هذا جان بيتج والبت بتج وحالج حال الغربه جايه تفي على هيج مره لاخجل ولامستحه ولجج اشو بعد جدامي ميلي بالله لاكسرج جدام النسوان
دفعتها واجت يمي باستني وعافت هديتي بايدي
غمضت عيني وادعي بكلبي فتحتها وصوت الهلاهل على دخل بكل هيبه لابس رسمي ومتأنق على اخر حبه والضحكه شاكه حلكه
اجى باسني من راسي وكعد يمي
اجن البنات حتى نركص لزمني من ايدي وكومني
لزمني من خصري ونتمايل وي الاغنيه
وهوه مندمج والفرحه بعيونه همس يم
بحب ولهفته مبينه من كلامه:- يـاراحتي وتـعبي
زنزانـته لـضرار يـبوي انـه عـاشگج
سيرين... مـن بعد سنين,وايام,شهور,عذاب,وألم وهسه انـه صرت مرتك وبأسمك بدايتها ونهايتها
لـ سيرين احبـك
باسني من ايدي وغمض عيونه اندمجنا عبالك بس احنا وماكو غيرنا
اجت ميس صاحته حتى انروح لبسني البركع وهوه يغطي ويشد لفني لف بيه لزمني من ايدي ومشينا وماشوف شي كدامي وعيني بالكاع
رفعت راسي جان ابوي واخوتي واكفين شمرت نفسي عليه ودموعه تجري
جابر... ريحانه ابوها كبرت وصارت احلى عروس
وهاي زفيتج بيدي وصارلج عرس ورجال مثل ماتتمنين عذريني يبوي اذا قصرت وياج بشي
سيرين... بعد روحي انه لوالف الدنيا كلها ماكو احد احن عليه مثلك كلشي بوجودك يكمل بحياتي
باس ايدي ودموعه تجري سحبتها وحضني
كملتها امي تشهك وتبجي انه مشصابني وفحطانه وياهم بالبجي
عاف ايدي بايد ضرار
والي ماممكن انسى كلامه بيوم
جابر... ريحانتي وضي عيني فرحتي الاولى نسمه السعاده الي الله وهبني بيها بهالحياه ... مدللتي بيها انكسر وبيها استقيم... ضوه ابيتي وبحياتي حبيبه ابوها وتعب عمره وراحته ... ماوصيك عليها بويه هاي امانه عندك ماريد بيوم تنزل دمعه منها دامها يمك وانت هسه صرت مسؤل عنها وسلمتها الك ورده مفتحه اريدنك تحافظ عليها زين
ضرار... عمي بدون ماتوصي اخليها بضلوعي صارت مني وبيه انه الها اب واخ وزوج هسه صارت مرتي وريحانته احافظ عليها اكثر من روحي
لاتنمس ولاتنخدش دام انه يمها
جابر... يبوي هاي بنيتي وسـر من اسراري
ضرار... من رخصتك عمي بس هسه صارت
بنيتي
جابر... هذا هوه توكلو والله يوفقكم
ماشوفون شر بحياتكم وتنسعدون سوا
سيرين... واكفين ويحجون وانه بيناتهم احس فراشات بكلبي من السعاده بشوفتهم
زوجي وابوي الله رزقني بيهم وبحبهم
اب ماكو بحنيته وزوج محب وصادق
طلعنا والرمي صار مطاشر ماعرف منو اليرمي ومنين يجي الصوت كلها تكومت اخوته وولد عمه يرمون الدنيا نخبصت بالرمي
ويهوسون:- اجينا بعرسك يانور العيون
اياصاحبنا لاجلك نكلب الكون
صعدنا بسياره رضوان وميس ويانه
بنتها يم عمتها عايفتها وماخذه راحتها بالدك والركص
ميس... لا لاتكظوني اليوم العب لعب
لا لا تكظوني اليوم العب لعب
ذبو القوط يهل القوط اخوي معرس الليله
اجى صعد رضوان يهوس شافها تهوس
وهوه جن ماصدك
رضوان... لا لاتكظوني اليوم العب لعب
وذبوو القوط يهل القوط ضرار معرس اليوم
ضرار... بعد اخوك اشلع الكاشيه
رضوان... جا موتدلل
وخرت البركع من عيوني السياره مضلله محد يشوفنا مشينا والطريق كله سيارات كدامنه وورانه وشاعلينها شعل
سيرين... منو كل هذول
ضرار... ههههههه اخوتي وولد عمي وصحباني
سيرين... يجوز فرحانين اكثر منك
ضرار... حالفين يعلكوها بعدج ماشفتي شي
ميس... هم عريس هم نشمي وهم ربعه يزفونه
كلووووش
سيرين... عرسي اليوم معقوله ماعلكها
ميس... خايبه علكيها
الطريق كله دك ركص واصور بميايلي انه وميس علكناها وهمه عايفينا براحتنا زفونا لحد المصور
وهناك السيارات سدت الطريق
ونزلو ربعه كلهم يهوسون ويدبجون
عاين رضوان لضرار وضحك
رضوان... انزل خويه
ضرار... امشي
نزلو اثنينهم وراحو وياهم ضرار نزع سترته هوه ورضوان وياهم
شعلوها شعل واشوف درغام وحيدري شالو ضرار ويركصون اعاينله الفرحه باينه بعيونه وجن ممصدك لحد هسه انه صرت مرته
اعاين للناس توكف وتصور بيهم وانه مفهيه على ضرار وجماله
شوي واجى لبس سترته ونزلنا ناخذ صور
بحيث ماضلت حركه ماسويناها
خلصنا جلسه التصوير ورحنا للفندق وطبعاً اصدقاءه هم لازم ويانه
الطريق كله جابو ركص وهوسه والدنيا صارت ليل
وهمه طالعين من جام السياره ويركصون
ماراحو غير لمن وصلنا للفندق
وبس ميس وياي تمشي وتوصي بيه عافو ابحدنا وهوه هادئ كلش وانه مشبيه الرجفه مسيطره عليه
خفت لانوب يغمى عليه مثل غيد
ضليت اقرا ايات واهدي بنفسي،اجى وخر البركع من راسي وباسني
ضرار... الف مبروك
سيرين... الله يبارك بيك
ضرار... يله يبوي اسبحي وارتاحي حتى تاكلين
سيرين... ها
ضرار... اي
سيرين...اي
اخذت الملابس الجبتهن وياي فتحلي البدله نزعتها ورحت اسبح خلصت وطلعت لكيته مبدل
ويرتب بالاكل تعجبت من هدوءه كلش
عاينلي وابتسم تك خد
ضرار... تعالي اكلي
سيرين... احم اي جايه
رحت كعدت وهوه يسويلي لفات واكل
خلصتنا شلت الاكل ولميت الغرفه ماحس غير حاظني من ورى ومقوي قبضته
سيرين... كلي شصار اليوم
ضرار... انسي كلشي
سيرين... مانسى ابد
ضرار... بوكت جاي نطلع اجى بدر ووياه ازلام مسلحه جان هدفه انه راد شلون ماكان يخرب العرس وبالفتره المرت جان دائما احد يهددني برهف وبيج جنت ادري هوه بس ماجان عندي دليل عليه لعبتها صح وكدرت اكظه بس العار جان بغداد وماندل وين بالظبط ضليت وراه علما لكيته وابوج وجدج جانو شاهدين عالصار بيوم الزفه اجى بس انه جنت حاسب حساب لكلشي وجدج مطيني الضوى الاخضر حتى اصرف براحتي
خليت الولد يصرفون وياه وانه اجيتج
سيرين... يربي شوكت نخلص من المشاكل
ضرار... تهون وتصير سوالف كلها كظت
_عاينلي بخلث وابتسم
تك خد
ضرار... صرنا ابحدنا
سيرين... ضرار
ضرار... ها سربوت
سيرين... تعبانه اريد انام
ضرار... خلي هالحجي يفيدج بعد روحه لضرار
سيرين... خوفتني وخر مني
ضرار... بس خل نتحاسب عالقضى والمضى جا انه موكايلج بعدين اطلعهن من عيونج
دفعته وطكيتها ركضه عالجربايه
سيرين... اااليوم عرسنا وتحاسبني على شي قديم
ضرار... تعالي خوما اعديها الج حتى تتوكحين زياده
سيرين... اوي حبيبي الشويب
ضرار... ابو المصريات قصدج
سيرين... عندك عراقيه شجابك عالمصريات يالشويب
ضرار... هخخ فدوه اروح للعراقيه شو تعالي مونشفتيني
سيرين... ضرااار
ضرار... تعالي هين وعلي اذا ماجيتي انه اجيج الاافرج فر يالفصمه
غندبت بوجهه بزعل رحت يمه وكفت كدامه وصرت بطوله لزمني من خصري وباسني بطرف شفتي
سيرين... انه بس بحظنك اتوكح
ضرار... توكحي وتمردي براحتج انه شعندي غيرج
حتى ماتحمل وكاحتج وصلافتج
سيرين... تتحمل مزاجيتي
ضرار... اتغير حسب مزاجيتج
سيرين... تتحمل اخبالي
ضرار... انه اخليج تعقلين
سيرين... وطوله لساني
ضرار... كل كلمه تطلع من هالسان مثل النغمه الدافيه
سيرين... وزعلي
ضرار... يهون كلشي عليه ولازعلج
سيرين... سوالفي
ضرار... دوا لجروحي
سيرين... وفراكي
ضرار... يتعبني
سيرين... و وجودي
ضرار... بوجودج احيا
سيرين... يمه منك شلون سربتت لكلبي
ضرار... احبج يالمسربته كليبي
_ضعت بيه وبحظنه,شوق,لهفه,حنيه
انجمعنا من بعد فراق وتعب والم من بعد كل العقبات الي مرت بحياتنه
منو يصدك انو انه نفس البنت الي خطفها
وهسه انه زوجه اله وحبيبه لروحه
انه نفس البنت الي جنت اشوف دم سنوني ولااشوفه وهسه صرت زوجه اله وشريكه حياته
شخص كدر يتغلب عليه ويخلي حبه يكبر بكلبي
هاي انه وهاي قصتي
عانيت بس فرحت
تألمت بس تشافيت
نجرحت بس تداويت
من بعد المريت بيه كل العقبات وكل الصعاب
تغلبت عليها بقوه وثبتت نفسي تحملت بعمر صغير ... كدرت استعيد نفسي بقوه من بعد كلشي مريت بيه ... رجعت كسبت حياتي وعائلتي وكرامتي من نفس الشخص الي كان هوه سبب الم الي بس هسه صار الي داو لجروحي وكمال لروحي
_سيرين بنت الـ ١٨ سنه ريحانه ابوها " نخطفت,نهنت,تعذب,تغربت هاي انه هسه
سنين تمر وانه بكل يوم اكبر يوم بعد يوم
واشوف نفسي بنت قويه وصبوره صبرت وتحملت بس بالاخير الله عوضني عن كل الي مريت بيه ....
سيرين...
مر كم يوم وانه انتقلت لبيتي
بيت,وزوج,وبنت عايشه بسعاده وهدوء
ممتعوده ابقى ابحدي بس رهف يمي ولاهيتني عن كلشي
ضرار يروح لشغله وانه اكضيها ارتب واعزل بالبيت فرحانه وطايره بيه
شوي شوي تعودت البنات يزوروني ويرحون يردون عليه وانه هم كلش قريبين عليه
_عاينت للساعه مباقي هواي على جيته
طفيت الطباخ ورحت سبحت ورتبت نفسي ورهف كاعده عالتلفزيون عطرت الغرفه ورتبتها
رحت حضرت الاكل شوي وسمعت دك الباب
راحت رهف تفتحه ورحت وراها
اجى شايلها والضحكه الي متغيب عن وجهه
اجى باسني ووخر
ضرار... شلونهن بناتي
سيرين... بخير تعال اسبح حتى اصب غدا
ضرار... صار
حصرت الاكل عالطاوله ورحت للغرفه مبايلي جان يدك اخذته عاينتله رقم غريب جاوبته واجاني صوته صالي مده ماسامعته ولاحتى سامعه اخباره
بدر... مهنايه ياحب طفولتي
سيرين... بدر ؟
شهك بالبجي وحجى بكسره
بدر... ربيتي وياي وربيتي على حبي وهسه صرتي لغيري
سيرين... خلص انه هسه مزوجه وعايشه حياتي الاحسن تنساني
عاط:-شنسااا ولججج كليلي شنسى وانه حبيبه حياتي اخذها غيري
سيرين... فدوه لاتخرب البينا وصلح الي ضل عيش حياتك وانسى سيرين لاتدمر نفسك بهالطريقه خسرت علاقتك بامك وجدك صلحها انه هسه مرته لضرار موسيرين الطفله
لازم تفهم هالشي
بدر... بويه مهنايه ووعد من اليوم لاكربلج ولأذي احد بيكم
سيرين... متأكد
بدر... هذااا هوه لاطلعيني من طوري وعذريني على كلشي سويته
سيرين... اذيته لضرار بكل طريقه لازم تطلب منه السماح
بدر... لاتكفريني بيه انه اشوف الموت ولاشوفه جدامي
سيرين... هههههههههههه شكراً ااخي
بدر... روحي يبعد اخوج
سديته منه والفرحه بكلبي انداريت
واشوفه واكف ومكتف ايده ركضت حضنته وراسه بقبتي
سيرين... احبـك يالشويب
ضرار... بـعد روحـه لشويب
سيرين... عرفت وي منو جنت احجي ؟
ضرار... اي
سيرين... ماضجت
ضرار... وليش حتى اضوج اذا ممسويه غلط ولاحاجيه شي موزين
سيرين... ممم احبك لان متفهم
ضرار... واحبج يالماخذه روحي
سيرين...الاكل برد
ضرار... جا ليش تتحارشين
سيرين... ها بدينا شوف منو يتحارش
ضرار... عدي سالفه وياج
سيرين... هالله من سوالفك
ضرار... اي صـدك العصر طالعين
سيرين... وين ؟
ضرار... لكربـلاء
للعصر طلعنا لـكربلاء الطريق طويل وايدي على كلبي وهوه يسوق بليل من صار بيهم الحادث وانه خوف,رهبه من سواقته بليل
لهناك وصلنا المكان والناس راحه نفسيه لازم ايدي بقوه ساكت ومانطق بشي ورهف حبيبتي لابسه عبايتها وتكمز لازمتها خايفه تضيع
دخلنا زرنا وطلعنا تعجبت من سكوته وبس يباوع لقبه الأمام لز ايدي وباسها
ضرار... مره اجيت وطلبتج منه ضاكت عليه وتعبت بدونج مالكيت غيره يكظيلي حاجتي
اجيت حتى اطلبج منه وهسه انه جاي وانتي مرتي
سيرين... شريكـه حياتك وكـمال لـ روحك
صديقه الك وزوجه وام لأطفالك احبك يالمسربت كلبي
رفع ايدي وباسها :- زلمه شكدني وشكبرني بس يمج ارد مثل الطفل شلعبتي بحالي ولج
سيرين... هههههه صوجك انت حبيتني
ضرار... والله احلا شي صار الي هوه حبج
سيرين...
ردينا وحياتنه ماشيه باحسن حال
جمعتنا كل اسبوع ابيت الحجي حطام او ابيت جدي علاقتهم كلش حلوه
واذا ماعدنا شي ننجمع ابيت الحجيه او ابيتي ومرات يم اهلي
حياتي هادئه نوعاً ما,
_عفت رهف بغرفتها ورحت يمه حظنته وهوه جان ملتهي بمبايله
سيرين... يرببي كم مره كتلك لاتحط من هالعطر
ضرار... غيرته
سيرين... يربي روحي تطلع منه
ضرار... وتااالي وياج اشو كلشي مايعجبج
سيرين... لاتحط وبس
ضيق عيونه ويعاينلي بحيره
ضرار... انه اعرف سالفتج شنو
سيرين... شنو
كام على حيله بعصبيه اخذ اغراضه وطلع
اخذت مبايلي اتصل عليه ميجاوب وانه الدمعه بطرف عيني بس احد يكلي بز ابجي
سمعت صوت برى كمت طلعت للصاله اجى باسني ويضحك
سيرين... وين رحت
ضرار... خير شبيج مدمعه
سيرين... يربي اااكرهك حل عني
عفته ورحت للغرفه حبست نفسي بالحمام
احس كلبي محروك منه وهوه ممسويلي شي مزاجيتي كلش متعبه وحالتي مخربطه ماعرف شبيه دك الباب بعصبيه وكاتم غضبه
ضرار... افتحي الباب
سيرين... عوووفني بحالي
ضرار... خل احجي وياج وردي كملي كعدتج
كمت على حيلي والدموع مثل الشلال
فتحت الباب يعاينلي بحيره نفخ بضيج سحبني من ايدي لزم وجهي بكفه وباسني يمسح بدموعي ويبوس بيه:- مضوجج بشي كليلي
سيرين... لا
ضرار... هاج
سيرين... شنو هذن ؟
ضرار... اختبارات حمل
عافهن بيدي
سيرين... حمل ؟
ضرار... خلنا نتأكد اعراضه نفس اعراض حملج الاول تذكرين من جنتي تضوجين من العطر الاخلي وريحه الجكاير
سيرين... اوف لاموحممل وماعندي اعراضه
ضرار... جربيهن بالله خوما ترديني انه احلل
سيرين... هههههههههههه يعني رحت جبتهن وجيت
ضرار... اي
خذتهن ورحت احلل طلعت وانتظر النتيجه
شوي وطلعت خطين رحت سويت غيره وهم طلع خطين سويت اربع تحاليل وكلهن نفس النتيجه
اخذتهن ورحت يمه عفتهن يمه ويعاين
يبلع بريكه وعيونه مدمعه
كام فرك وجهه والضحكه شكت حلكه
ضرار... حامل !!
سيرين... هههههه اي حامل
اجى باسني من راسي شالني ويفتر بيه
وصوت ضحكنا مالي البيت اجت رهف تفرك عيونها بنعاس ومبرطمه
رهف... ماتحلوني انام
راح ضرار شالها ويبوس بيها جابها يمي وياشرلها على بطني :-يبوي افرحي راح تجيج اخت
سيرين... وشعرفك بنت ؟
ضرار... محلاها الله يرزقني ابنت منج
سيرين... راح بشر الكل وفرحان طاير من الفرح
شهور تمر على حمـلي كلش متعبني وصعب بحيث ايدي ماكدر اشيلها بس ابد ماقصرت تجاه ضرار لو رهف
هالسنه جنت ناويه اقدم على جامعه أجلتها بسبب حملي وبسبب المظاهرات الي صارت بكل محافظات العراق الي بسببها هواي بيوت فقدت
ابن,اخ,زوج,اب الاوضاع ساءت كلش ووضع العالم من سيئ لاسوء
الي بسببها سقط عشرات القتلى والجرحى وكانت أكثر أيام الاحتجاجات دموية،
حبيبتي رهف هالسنه اول سنه الها بالمدرسه
هيه وملك وبنت درغام مسويلهن خط ياخذهن ويجيبهن
غيد ولدت ولد سمته علي"وشذر ولدت ولد سمته حسن ... مياده ولدت احمد وهيج صار عندها مروان وروان واحمد الله يحفظهم الها
وباخر فتره اشترو بيت وناوين يكعدون بيه علما يكمل تجهيزه
شهر يجر شهر وانه حملي كلماله يصعب عليه
تعبني كلش وباخر فحص الي تبين انو انه حامل ببنت وفرحه ضرار الي ماممكن اوصفها وكت سمع انو حامل ببنت
_كعدت خمول,وكسل هذا اخر شهر الي ومتعب كلش عاينت للساعه متأخره بكعدتي ضرار طالع وبس انه ورهف بالبيت رتبت الغرفه ورحت لغرفه رهف مالكيتها طلعت ادور عليها
لكيتها بالمطبخ صاعده عالكرسي وتغسل بالمواعين:-جاي سوين
رهف... بابا كال ماما مريضه ودامج مريضه مايصير تشتغلين
سيرين... حبيبه امها انزلي لاتوكعين
نزلت من الكرسي كافي ارداناتها وضفيرتها تخوط وراها :- لاتلتهين بشي غير دراستج روحي حضري كتبج ماباقي هواي يجوج البنات
رهف... اي رايحه
راحت وانه كملت التنظيف خلصت رتبت البيت
ومسحته طلعت للحديقه لميت نظفتها وعدلت افراش بيها سمعت دك الباب اخذت شالي ورحت فتحته
ادم... هلا عمه شلونج
سيرين... هلا بيك حبيبي تعالو ادخلو
اجى جايب وياه اخته وملك كليوم العصر
يجيبهن حتى يقرن سوا
كعد ادم بالحديقه يقريهن وانه دخلت جوا
كعد عالقنفه ولازمه بطني بألم احس الهوا ضاك عليه كمت للغرفه اخذت مبايلي واتصل عليه مبايله مقفول
ضلت روحي تلوب والألم كلماله يزيد لاعرف ألم الولاده ولاعرف سبب الوجع كل ضني الطفل صار بيه شي ضليت ابجي واشهك وحايره شسوي
كمت للصاله امشي واتكئ كعدت عالقنفه وانحب بصوت عالي ألم موتني وماعرف سببه
على صوتي اجو الاطفال خايفين ويعاينون
ادم... عمه بيج شي
سيرين... ضراار وييينه
ادم... بنات ضلن يمها هسه اشوفن عمي واجي لاحد تطلع
راح ادم يصيحه والبنات يمي اجت رهف تمسح على بطني وملك تمسح على ايدي
رهف... شيوجعج
ملك... ناخذج للطبيب
سيرين... حبيباتي الطفل يرفس ببطني
مسحت على بطني وحجت
ملك... اكعد حبيبي عيب تضرب امك
عمو مايقبل
غمضت عيني بألم ماريد ابجي واخوفهن
الألم زاد ماكدىت اكتم صوتي صرت اشيل روحي واركعها من الألم ولازمه بطني حاسه وكانه راح يوكع مني، دخل ضرار يلهث ووياه ميس
اجى سحبني وكعدني وينفخ بضيج
ضرار... مييس ااحجي شبيها لاتروح من ايدي
ميس... اهداء شوي راح تولد
ضرار... ااي كوومي خل تولد
ميس... وين اكوم غير ناخذها
ضرار... ها نسييت يله بدليلها بسرعه هسه ارد
راح هوه وميس هيه والبنات يبدلني ويلبسني
حضرت جنطتي وكلشي احتاجه وانه سبقت ومحضرتهن مر مده من الوقت واجى ضرار هوه وامي ووياهم ابوي انه شفتهم وكان طفله وضليت ابجي
جابر... بعد كلبي اهدي بويه ليش البجي
سيرين... ياابه خايفه ماريد اولد عوفو بطني
جابر... بحفظ الله وال البيت كومي بنيتي وتوكلي على ربج لاتخافين
نهايه... بنيتي اهدي شوي
لبسني العبايه وضرار لازمني وابوي من جهه
اول ماوصلنا المستشفى دخلوني عالخاص وماقبلو اي احد يدخل وياي كتلت روحي بالبجي والألم موتني
اخذت سونار وفحصتني ضربتني ابره وطلعت برى اتمشى واجر بروحي جر حجز غرفه خاصه وانه فاصله عنهم الالم يروح ويجي
ضرار... يله ولدي
سيرين... وينه غير تطلع بنتك موتتني
ضرار... جا شكو اجينا غير حتى تولدين
سيرين... اي موهيه بيدي اطلع الطفل كوا
ضرار... والطفل شلون يطلع
سيرين... من حلكي يطلع
ميس... هههههههههههه
سيرين... وخرر مني لاارتكب بيك جريييمه
يرببي الالم بيه لييش هاا كلي ليش كون بيك ولابيه
ضرار... ولايهمج هسه اطب اجيب بمكانج وانتي هناه ارتاحي
عطت بعصبيه وألم:- تحشش عليه وخر وخر حممموت ضراااار
باس ايدي وعيونه مدمعه
ضرار... بعد روحه لضرار لاتخوفيني عليج
اطلعي بالسلامه حتى اخليج تحبلين مره ثانيه
سيرين... عوووفني ماريد انه الاحبل واتحمل الالم وحضره جنابك تجيني عالحاضر تكثر براسي
اوووي روح مني
ضرار... نترس البيت ريحان محلاها
سيرين... تترس البيت خضره براس سيييرين
عوووفني كتلك يربي طلللقني وردني لاهلي وتنطيني حقوووقي
ضرار... دورين حقوق عليه يالعرمه وانتي كرطتي فلوسي كرط
شهكت بالبجي ولازمه بطني
سيرين... ضراار راح اولد طفل وانه حتى ماعرف اولده
ضرار... ميس بالله علميها شلون تولده
ميس... اعاينلهم شلون يتداهرون هوه كاعد كدامها وماباقي شوي وتنزل دمعه وهيه
تبجي وتشهك
شوي واجتها ألم الطلوك دخلنها الممرضات وضرار يمشي ويوصي بيهن
سيرين...
ساعات مرت عليه شفت بيها الموت احس روحي باقيلها شوي وتطلع الم الطلوق والابر والمغذيات
وصوتي الي رج الغرفه رج لدرجه حتى بلعومي تجرح من العياط
كلساع افقد واوعى لاعرف شلون اطلك وبس الالم ينهش بيه
كل هذا اختفى وكت سمعت حسها لـ بنيتي
نورت دنياها وكملت روحـي
جابنها يمي ودموعي ابد ماتوقفت لزمتها
كلش ناعمه وترفه خفت لاتنخدش ضميتها لصدري وصوتها مثل نغمه ترن بمسامعي
ميس...
ضلينا ثلث ايام بالمستشفى علما استقرت حالتها هيه والطفله
بوكتها جنت يم غرفه الخدج مال اطفال واعاين من بعيد اجو الولد بيدهم النفاخ والورد وحيدري يمشي ويطك اصبع والعالم تعاين عليه عرفتهم متفقين ولازم كل واحد بيهم من يجي طفل يحتفلون ويباركوله بطريقتكم
فاتو من يمي وماباقي غير يدكوها ركصه
حيدري... جيبي الفرخه وتعالي خلنا نحتفل لاخونا
درغام... امشي خنروحله
راحو همه وضرار شوي واجى متوتر ويبلع بريكه
رحت جبت الطفله ناعمه كلش مثل ترافه امها
خذتها لابوها يعاينلها وعيونه مدمعه
ضرار... الله رزقني بنت ومن الاحبنها
ميس... الله يحفظها الك هاك الزمها
ضرار... ماكدر ايدي ترجف خافن أاذيها
ميس... اهداء وهاك الزمها
عفتها بيده شمها من رقبتها الفرحه بعيونه والضحكه مرسومه على ثغره
من سنين ماشايفته هيج فرحان
رحنا لغرفه سيرين الولد يمها ويباركولها وعلاقتها بيهم كلش حلوه ماتتقيد بوجودهم وهمه مكيفين بيها راح اخذ الطفله عافها بيدها ودموعها تجري
سيرين... يمه بنيتي ضرار شوفها شكد ناعمه
عاينتله نزلت دمعه منه ومسحها بقسوه لزمت ايده :-
سيرين... انت وانه ورهف و ...
ضرار... لحد هسه ماسميتها
سيرين... سميها انت
ضرار... ريحـانه
سيرين... مو انه ريحانتك ها ؟
ضرار... أشر على قلبه وحجى،انتي هناه ريحانه ضرار وراحته وتعبه جرحي ودوائي سجينتي وحريتي احبنج يالمسربته كليبي
سيرين... شهل حُب
ضرار... انه بدون حبج ولاجن عايش
شالها من ايدي وباسها
ضرار... ريِحـانه أبوها نَـورت الدنـَيا
سيرين...
نورت الدنيا ريحانه ابوها وامها"
من بعد الي عشته
من عذاب,غربه,اهات,الم,ودموع
الله عوضني بزوج محب وطفلتين منه
عشت طـفله مافهم من الدنيا شي بين اب ماكو بحنيته الي وام ماكو بخوفها واخوه ينشد بيهم الظهر
كبرت عالحب,والموده, بعيداً عن الكره والحقد
وبيوم وليله انقلبت حياتي رأسا على عقب
ليتملكني رجال لاشايفته,ولااعرفه
ماممكن ييوم توقعت نفس هالرجال هوه الشخص الي راح يخليني اوكع بحبه
اندار الزمن وانعادت الكره من بعد رحله طويله بينا انجمعنا وصرت زوجه اله وتحت سقف واحد
_حياه هادئه,ومستقره زوج ماكو مثل حبه
والي يوم بعد يوم وحبه الي يكبر
طفله عشت وياها سنين من حياتي واليوم تكبر كدام عيني مومن دمي ولامن رحمي بس بحبي الها وخوفي,واهتمامي,وضياعي بدونها اتخطينا كون انو الامومه مو مرتبطه بنفس الحليب الرضعته ولانفس البطن الشالتها ربيتها وربت وياي ويوم بعد يوم تكبر كدامي حبيبتي رهف"
_طفله حملتها بأحشائي ريحانه امها ومدلله أبوها
طفله ومن نفس الشخص الاحبه ثمره حبنا
ومن بعد الالم والجروح الي نحفرت بروحنا الله عوضنا وجمعنا من بعد كلشي صار بحياتنه
ورزقنا ببنت من بعد رحله عشنا,بجينا,تألمتا,افترقنا ريحانتي "
مياده...
انه بنت اليوم عاينت من حياتي وكبرت تحت ضغط وألم وعذاب تحت مسمى انتي بنت "
نحرمت من ابسط الاشياء الي ممكن اعيشها واولهن انو نحرمت من حب طفولتي وحب حياتي
تزوجت,وابتعدت,وافترقت
بس مع كل الي صار ضل متمسك بيه ومابيوم اتخلا عني زوج محب عشت بكربه وكأني طفله
اب وقت الشده وصديق وقت الضيق وزوج لأمرآه عانت وتعذبت وانطعنت
بس مع كل الي مرينا بيه ومن بعد الألم اليوم الله عوضني عن المريت بيه ورزقني منه
بـ اطفال ربو بأحشائي والاكثر حبه,والخوف,الحنيه,اهتمام الله رزقني بشخص كدر يعوضني عن كلشي سيئ مريت بيه
وادعي الله يدون الفرحه والمحبه بينا...
جنوب...
طفله يتيمه عاشت بدون اب طفله افتقدت حضن اب ممكن يلمها بس الله عوضني بضرار صارلي اب,اخ,صديق
وبنت حبت ودخل الحب لكلبها بنت ضاقت لوعه الحب والفقدان فقدت الشغف بنفسي وكرهت الحب بسبب شخص انخدعت,وانخذلت منه من بعد مابنيت قصر من الأحلام وياه
_اتخطيت وجنت كدها حتى اتخطاه ووهبني الله بزوج محب,حنون,صارلي زوج وصديق وقت المزاح واب بوكت الشده واخ يسندني
من بعد الرحله الي عشتها وفقدت نفسي
اتخطيت وحملت بأحشائي طفلين من نفس الشخص الي مابيوم عاينتله لو انتبهت لحبه الي واللهفه الي بعيونه تجاهي
_اليوم انه عايشه مع زوج وولدين منه حياه هادئه وعائله مستقره يسودها الحب والموده بعيداً عن الماضي الأليم الي عشته
وانه اليوم ام وزوجه ومسؤؤله عن عائله
ميس...
عانيت من جفاء,واهمال,ودموع,وقهر
شخص بيوم وليله صرت زوجه اله وعيت على حبه بس مابيوم حسسته بهالحب صرت اله زوجه وبيوم انصدم بـ انو بكلبه غيري
الخذلان,والعذاب,والألم الحسيته بوكتها
نهيت كلشي ولملمت شتاتي البقت حتى انهي من حياتي ... وبضوء امل يعيد هالحب لقلبي
واليوم صار اب لاطفالي وزوج الي
عشت وشفت تأذيت وانجرحت
وهسه كدر يعوضني عالمريت بيه وكدر يداوي الجروح الي نحفرت بروحي
عايشه بوسط عائله يسودها الحب
طفله من نفس الشخص الاحبه
وزوج محب ومستقر
_من بعد الي عشنا واليوم نحب نعوف حد لقصتنا حتى نكمل حياتنا
نستودعكم الله ونتمنى دائما تكونون بخير
ضـَرار ....
طـفله قد تمكنت مني طفله قد رأيت العالم بعينيها ادمنتها وادمنت تفاصيلها
ها انا هناه اعلن ضياعي,وهزيمتي
امام تلك المرآه التي جعلتني شخصاً هشا امام حبها ... الان انا احمل طفلتها بين يدي اليست هذه اكبر هديه وهبني الله بها
عشقتها,ادمنتها,سجنتها,احببتها
ادمنت سجيني حتى جعلتني اقع فيها
ها انا ارى النور بمقلتيها بعد ان كنت شخصاً رثا لاشي في حياته سوى الظلام
ها هي الان اعظم امنياتي التي وهبني الله بها
وهبني قلبها وحبها ... جعلتني شخصاً يعيش في نصف قلب والنصف الاخر بين يديها
الان قلبي احبها للمره المليون وكأنها المره الاولى التي احببتها فيها (سـيرين )
سيرين...
جحيمي اليش هذا عدلا ان تجعل مني شخصاً رثا امام حبك ... اليس عدلا بـ انك جعلتني اقع فيك
اياليت الزمان يعود وخلقنا أشخاصا لنكون معا
دون الم,عذاب,دموع
ترى كيف كانت سنكون حياتنا ؟
الان اقف معك وبيدي طفله منك لم اعلم انه في يوما ستجعلني اقع في قيود حبك
اوقعتني فيك دون أذن اليس هذا ظلما !!!
شخصاً ادمنت حبه لي شخصاً جعلني طفله بين يديه ... اقبض علي وارجعني الى ظلامك فـ انا قد ادمنت هذا الضلام
اسيرتك جعلتك مدمن حبي
والان امتلك قلبك بين يدي ...
امتلكت قلبك وها انا روحي الان تسكن جسدك اجعل هذه الروح فيك وبك
فـ انا بك أحيا (ضـَرار)
- الـــــنهايـه
2022/7/12
࿐໋࿐໋࿐໋࿐໋࿐໋࿐໋࿐໋࿐໋.࿐໋.࿐໋
_لهنا وتنتهي قصتنا ,ثارهم وبنت الفقير عشنا,شفنا,ضحكنه,بجينه,فرحنا
وياهم
اتمنى تكون عجبتكم واخذتو العبره منها
وابطالي وبهاي اللحظه يودعونكم
ولازالت حياتهم مستمره رغم كلشي وهسه نسد بابهم ونتركهم يكملون حياتهم ونكولهم
امانينا نضل عالبال...ولافد يوم تنسونا
واذا مره وحشناكم...الف مره وحشتونا
هالقصه من خلالها بالنسبه الي هواي تعلمت منها كل بطل بيها وكل شخص منهم اخذنا منه العبره وعشنا بأسطرهم واندمجنا بحياتهم وتطلعنا ع الي عاشو وعانو منه
بهالحظه واصعب لحظه هيه الودااع كلش متردده من انو انهيها وخاصه انو تعلقت كلش بيها 🥺😭
بس لازم نضع نهايات لكلشي هواي تعبت بيها وكلش تدمرت نفسيتي بسبب التعاليق والكلام السلبي والاتهامات بس رغم كلشي عشت بيها احلى لحظاتي وي مصگوعاتي وأبطالي
جانت من اجمل واحلى الحظات وحتضل ذكراها بكلبي واتمنى اكون وصلتلكم الاحداث بصوره حلوه واتمنى تعذروني اذا قصرت وياكم
ودائما اتذكرو (بالاخير كلها اوقات وتكظي )
واتمنى تسامحوني على دموعكم الي نزلت وطول انتضاركم وحماسكم عالقفله وعن التعب النفسي الي سببته الكم في بعض المشاهد
وممنونه لكل وحده بيكم على تشجيعكم ولطافتكم وكلامكم المحفز ودائما اكول موعبثا من سميتكم مصگوعات ترانيم لان انتو جزء مني وبيه
بيكم افرح وبيكم احزن احبكم يروح كلبي
_الكاتبه ترانيم هادي 😘🍒
وانشالله انزللكم مشهد عن حياتهم ومختصر لاحداثهم وبارتات يوميه 🤭👍😍
واذا عدكم اي سؤال استفسار
حسابي الانستا
+وقناتي التلي موجودات بطلاتي بيها اذا تحبون تجون 😘😘
كاتبتكم ترانيم هادي استودعكم بالله واتمنى تكونون دائما بخير وانتظروني بقصه جديده❤️.
مصگوعاتي أحبكم 😍♥️