٥٢"
ثـارهم وبنت الـفقير
كانَ يذرف الكثير مِن دموعه
ما حيلةٌ لهُ سوى أنّ يبكِّي
لكنهُ ورُغم البَحر..
المُتدفق مِن عينيه
لم يشعرْ يومًا
بأنّهُ قد قام
بغسلِ قلبهِ بشكلٍ كافِ
:-بـارت جـديـد وقـفلـه جـديـده
نهايه... يايمه موهيييج ااهدي وفكري
سيرين... يوووم كلشي مااريد ودااعتج تعبانه من النفس الاتنفسه
مراد... خويه لاتستعجلين بقرارج وفكري زين
مراد راح اجت امي سحبتني من ايدي
كعدت ونمت بحضنها
نهايه... كبل جنت اذا نجرحتي جرح اخاف علييج حتى لو هالجرح بسيط
جنت اعرف ترفه ومتتحملين تبجين عالاقل شي تنخدشين بسرعه
وهسه بنيتي صارت تتحمل وتتخطى متأكده لووحده غيرج ماجان ضلت صامده وواكفه على حيلها بنتي وترباتي كضت سنين من عمرها وهيه تتحمل معقوله هسه تضعفين وتنهدين
سيرين... بس هالقوه خسرتني نفسي
نهايه... ماممكن بيوم تخسرين نفسج ابوج سندج ودومه بصفج اخوتج بظهرج وانه بس تغمضين عينج وتفتحيها تلكيني بكربج
ريحانه امها قويه وكدها حتى تتخطى كل العقبات والصعوبات ماعلمتج تضعفين وكت الي لازم تكونين كدها وتتخطين
سيرين... وشلون اتخطاه ؟ واتخطا حبه يمه احبه وماكدر بدونه والله احس كلبي حيوكف وانه اتخيله وي غيري وعدني ميعوفني ولايتخلى عني شوفي شسوا
نهايه... الي مقسوم الج مايصير لغيرج اذا الله كاتبلج تنجمعين وياه ماكو شي يوكف ضدكم
سيرين... وهسه راح يتزوج وانه خلص نساني
نهايه... ماريدنج هيج تفكرين فكري بنفسج كولي شلون اكدر اتخطاه وابدي حياتي
المايريدج لاتردي والي باعج لاتشتري بفلس
سيرين... والدنيا متوكف على احد
نهايه... ولاريحانه امها حياتها توكف على احد
سيرين... عافتني وراحت وانه التفكير حاوطني
ساكنه ودموعي تجري وحايره شسوي ....
غطيت بالنوم حتى اهرب من واقعي
ماعرف شكد نمت وافز على صوت الاتصالات تتراكع فوك راسي كمت مغمضه اريد اندل دربي
اخذت مبايلي وجاوبت
_يالمسربته كليبي
سيرين... ضرار ؟
ضرار... بعد روحـه لضرار بدون كلمه تعالي عالشباك الي يطل عالبرى
سيرين... ها ليش
ضرار... اششش لاسألين
اخذت شالي ولبسته ودموعي تجري موراضيه تتوقف هوه ساكت وبس صوت انفاسه
رحت فتحت الشباك ووكفت على جهه ماكو شي بس الحراس
سيرين... وهسه ؟
ضرار... احبنج
شهكت بالبجي ودموعي مثل الشلال
سيرين... والله اااكرهك موطايقه حتى سيرتك كلي شراايد
ضرار... انه اعلمك سربوت
عاينت واشوف سيارات جايه من كد العدد ماحزرت كم سياره وحده ورى الثانيه يمشن
سدن الشارع على طوله نزلو رياجيل كلها معكله
وكبار .... لهناك واجن سيارات صفن فرد صفه
نزلو منها بكل هيبه فكيت حلكي وابلع بريكي من منظرهم الدشاديش والغترات والسبح بايدهم
اخوه ضرار كلهم وولد عمه وولد خوالي كلهم وبعد كم شخص ماعرفه
شفته نزل بكل هيبه لابس الدشداشه والغتره لازم المبايل ويفر بالسبحه والضحكه شاكه حلكه
فهيت عليه وعلى جماله
سيرين... فـهمني شـكو ؟
ضرار... گـد الـَوعد رجالـج مـرتي تـصيرين
وكـمال لـ روحـي
خليت ايدي على حلكي واشهك بالبجي
وهوه يزفر ويتنفس بقوه
سيرين... مااريدك ولااريد حتى ااشوفك بكد حبي الك كرهتك
ضرار... احلف علييج مااكو بكلبج غير ضرار
يالفصمهه ميت بيج وعاشكج عشك مخابيل
عاينلي اشرلي براسه اوخر سداه مني وراح
كعدت اريد استوعب الموقف
اتصلت على ميس بسرعه جاوبتني
ميس... يمعوده خوفتيني هاي هم عمله تسوينها
سيرين... ااااجى خطططبني مييس ااحجي شكو
ميس... والله فلا ااحجي كتلج فهميني
اشو خبصتي الدنيا خل عود الشويب مالج يفهمج
سدته مني كمت خليت ونزلت جوا
لكيتهن يحضرن بالجايات واصواتهم عاليه كلش
اجى زكريا عاينلي جرني لزمني وباسني من راسي
زكريا... يُبه جا كل هالشيوخ والزلم جايين علمود هالفصمه
سيرين... ها
زكريا... يله استعجلن والزلم برى الديوان مايكفي
نهايه... اي خلصنه
سيرين... رحت كعدت يم بيبيتي وانه لحد هسه مامستوعبه الموقف
عاينتلها وكلبي احسه راح يطلع من مكانه
بالله كرصيني
مزاهر... خايبه ميلي عني لاكسرج بهالعصه
سيرين... اجى يخطبني
مزاهر... جا هذول الجابهم شني طليان موش زلم
سيرين... هههههههههههه
ساعات مرت وانه التوتر,والخوف مسيطر عليه ماعرف شبيه وشصايبني وبالي يودي ويجيب
والاسئله تجمعت بعقلي
خليت وصعدت لغرفتي اعاين للسيارت كومه
ونص الزلم برى الديوان ماكفى
علما راحو يالله نزلت محد فتح الموضوع وياي
وانه من غير شي كلبي محمل عليه من القهر
جانو كاعدين رحت وكعدت يمهم
ابوي حضني وباسني من راسي
جابر... بنيتي تستاهل اليجرالها
اركان... جدي جا اذا بشي يوم ردت اخطب اريدنك تحظرلي هيج مشيه معدله تحجي بيها كل الناس
زكريا... ناخذ سياره وحده كافيه عليك
اركان... بويههه
مرجان... ههههههههه بسكم
جابر... اعوفنج تفكرين براحتج بويه
سيرين... بدون مافكر انه ماراضيه
عفتهم ورحت لغرفتي ودموعي تجري
حايره كلش وواكعه بين نارين والسواه الد ميروح من بالي
رحت تمددت حتى انام وابالي الف حسبه ضليت اكلب بالمبايل ساعات بدون ملل
طفيت كلشي عود انام سمعت رنه التيلفون
عاينتله نفس الرقم الي خابرني منه
رفضته ورجع يلح بالاتصال يالله جاوبته
ضرار... 12:12
سيرين... وشنو
ضرار... تعالي ورى البيت
سيرين.... ماااجي
ضرار... وداعتج بس احجي وياج وبعدها روحي
سيرين... ماجي كلت
ضرار... صار تانيني انه جاي
سيرين... لااا
ضرار... وروح ابوي اجي ومحد يكظني
سيرين... اوف شرايد
ضرار... رايدج
سيرين... ماريدك
ضرار... هسه نشوف
سيرين... شنو ؟
ضرار... يله متانيج
سداه مني وانه اعاين للساعه كمت افتر بالغرفه
عاينت بالمرايه وجهي اصفر ومابي لون
سيرين... يربي اذا يشوفني بهالحاله يبطل حتى الخطبه
خليت حمره وكحله اخذت عباتي ونزلت على كيف جوا كلها نايمه وانه ضاله اتختل
لبست العبايه ومشيت من جهه الحديقه حتى لايشوفوني الحراس
رحت ورى البيت ادوره ماكو ماحس غير احد مخلي ايده على حلكي يحبس صوتي وايد على خصري سحبني وانه احس الخوف ملاني من الموقف همس يم اذني ومن حروره انفاسه كأن كهربا وسرت بجسمي
ضرار... يالمسربته كـليبي
عافني وسحبني من ايدي للمخزن وسداه
اعاينله يلهث والعرق يصب منه وعيونه مركزهن عليه بدون سابق انذار اجى سحبني عليه وحظني
بقبضته حسيت ضلوعي تكسرت
كلما اتحرك يزيد بقوته
دفعني عالحايط وحبس حركتي سحب العبايه وراسه برقبتي
خلا جبينه على جبيني ويتنفس بقوه
سحب ايدي ويبوس بالشامه البيها باس اصابعي واحد واحد اتنهد وحجى
ضرار... نار موجره بـكلبي شلون اطفيها
دفعته بخفه ووخرت منه
سيرين... حرام
ضرار... يُبه مرتي
سيرين... طلقني
ضرار... هههههههههههه
سيرين... شنو
ضرار... مشتاكلج
سيرين... ابد موطايقتك احجي حتى اروح
ضرار... كلتي ماراضيه مو ؟
سيرين... زكريا كلك مو ؟
ضرار... لاجاوبيني بسؤال
سيرين... مادخلك وبكيفي ارضى او لا
ضرار... ااكعدي خل شوي ااحجي
سيرين.. شتحجي
ضرار... ااريد *** شوي
راح جر واحد من الكراسي القديمه
شمره يمي وهوه جر واحد وكعد شغل جكارته وعيونه مانزاحت مني
كعدت كدامه وهوه جكاره ورى جكاره يشرب
سيرين... ليش رحت عني كل هالمده
ها وكان ردتها حجه بس حتى تتخلا عني
ضرار... حقج بويه
طلع مبايله فتحه وانطا الي
لطمت على وجهي من الصور الشفتهن وانه نايمه ومسدس موجهه عليه
سيرين... يرببي شنوو هاي
ضرار... بدر ال*** اكيد سوالفه
سيرين... هاي شوكت
ضرار... قبل مده
سيرين... فدوه فهمني ترا عقلي افتر وانت تدري الي سويته تهديد منه وبموقفك نهيت كلشي بينا
ضرار... وتتوقعين بهالسهوله انهي البينا
سيرين مزاجيتج تعبتني وذليت روحي الج هواي من تخابريني وتحجي حجي اكبر من راسج كليلي شسوي اصفكلج اي واحد لوسمع كلامج راح يفكر انو انتي تلعبين عليه وبمشاعره
حتى لورايده تحجين جان حجيتي بطريقه احسن
سيرين... ماافكرت بشي ابد
ضرار... جنت رايد اسويلج فركه اذن حتى تبطلين تبربك يبربوك بس شسوي اشو انتي تزيدين ماتنقصين عبنج عايقه وصلفه
سيرين... لاتتتفشر ابو النسوان ابو المصريات
ضرار... عمي وشبيهن المصريات
درت وجهي منه والدمعه بطرف عيني كام وكف كدامي لزمني من حنكي ودفعت ايده ماتحملت وطكيتها بچيه
حضني من راسي ويهدي بيه
ضرار... ولـج عدي عراقيه تسوا الف مصريه
سيرين... يربببي اااكرهك عوفني
ضرار... ههههههااي لاتخليني امددج هناه واعلمنج شلون تحبيني
سيرين... منو هاي الي جنت تحجي وياها
ضرار... منيه
سيرين... لاتغشم نفسك
حك حاجبه وضحك طلع مبايله
وشغل تسجيل صوتي هوه ورجال ونفس الكلام من سمعته يحجي
سيرين... هذا منو ؟
ضرار... هارون
سيرين... ليش هيجي سويت
ضرار... انه جنت احجي وياه وانتي سمعتيني
سيرين... هسه احجيلي كلشي
راح كعد صفك ايد بايد وحجى
ضرار... وكت ردينا العاار بالعزيمه يذب حجي ويلمح انه لوماعيب من الوادم جان كسرت سنونه جدامهم
سيرين... وهسه ليش هيجي عصبي
ضرار... تسكتين لوشلون ؟
سيرين... اي
ضرار... وسالفه المسدس طلعتها من عيونه بس مبين الكتله مافادته ورجع عادها يدزلي صورج وهوه مصوب عليج يكلي اكتلها وماصير لغيري
فرك وجهه بعصبيه ونفخ بضيج
سيرين يشوفج وانتي مكشفه وانه روحي تحترك من اتخايله لزمج لو سوا شي بس اعرفنه هالمايع بس هياط ويزامط مايسوي شي
سيرين... يربي شلون يسوي هيجي
ضرار... منها مشاكل الشغل وامي كلساع واكعه والبيت كله فوك راسي انشغلت عنج وطول المده المرت عيني ورى هالس***
**** معدله وسحلته بنص ديوانكم
سيرين... وشصار ؟
ضرار... كل الصور والمراسلات والصوتيات كتيتهن كت جدام ابوج وجدج
جدج مارضى عليه بنص الديوان رزاله غسل ولبس وطرده
لطمت على وجهي وابلع بريكي
سيرين... يعني هوه ماسافر علمود الشغل
ضرار... هههههههه انطرد
سيرين... يربي وشوكت هالحجي
ضرار... كبل مده وهسه مثل الك*** ضال يتوسل بجدج حتى يرضى عليه
سيرين... اوف حييل يستاهل الحقد وين وصله
ضرار... بعد اكو شي
سيرين... و وخطبتك ؟
ضرار... وكت ردت اجيبن المشيه من خبرت الولد همه ماصدكو خبر اجو يمنا وكضوها يهوسون ويركصون والنسوان يردلهن حجه حتى يخبصن الدنيا بالهلاهل
وكت خابرتي ميس من سمعتي صوت الدك والركص
سيرين... اي كالت عدنا خطبه
ضرار... ماخليتيها تكممل حتى تفهمج وفوكاها قافله المبايل
عضيت شفتي بفشله واحس دخنت من المستحه هسه شيكول عليه
سيرين... عبالي خطبت غيري وانت الي غلطان يعني بربك متعرف دز رساله شهل برود البيك
ضرار... اااكره روحي من اضعف جدامج
لحد هسه ضامها الج واعرفن شلون احاسبج من تجيني وتردين ينتهي البينا سيرين هيج
انه رخيص عدج حتى بسهوله تتخلين ؟
سيرين... بس تعرف ليش سويت هيج
ضرار... ماريدنج بهيج مواقف تضعفين لوصار الاقوى منه شراح سوين بالله
يالفصمه انه مثل هيج واحد مايكدر ينهيني بجم طلقه وعيونج مايستاهل اضيع وكتي وياه
هسه بمكالمه اخليهم يمحونه لاحس ولانفس
بس اريد اربي على ايدي واخبزه خبزه معدله
سيرين... لاتتتشطح زايد عوفه ترى عمتي تموت وراه الي سويته كافي بيه وهوه يصرف بدون تفكير وهاي نتيجه افعاله وغلطه
ضرار... ماعديها اله
سيرين... ضراار خووفني والله ااحسك مجرم وتحجي هيجي كلك غموض ومافهم بشنو تفكر
ضرار... لايُبه انه رجال فقير ويني وين هالسوالف
سيرين... احلف عليك انت خطيير يربببي ااموت وماممكن احزر الي بعقلك
ضرار... لاتفكرين زياده تتعبين واخافن عليج من التعب
سيرين... ولمن خطبني بدر
ضرار... ههههههههاااي والله خوش جاي يخطب مرتي اعرفنج ماتوافقين
سيرين... انه اليوم وافقت اتزوجه
فك عينه على وسعهن وخزرني
ضرار... ومن اكلج بربوك وعايقه ماترضين
سيرين... موجن طولنا حروح
كمت حتى اروح سحبني من ايدي وكعدني بحظنه لزمني من خصري ويشم برقبتي
ضرار... شعامله بحالي
سيرين... عوفني
ضرار... روحي ماترضى تعوفج
لزم وجهي بكفوف ايده وباسني بطرف شفتي
كمت منه وكفت كدامه وهوه يفرك بوجهه
سيرين... شبيك ؟
ضرار... اجيت من بغداد صالي كم يوم هناك
والشغل العفته لازم اخلصه كله تعب
كعدت كدامه وعيني تتوزع على ملامحه
سيرين... لـيش هيجي تـعبان ؟
ضرار... دام الـتعب منج انه راضـي
سيرين... وشـلونك بـعدي ؟
ضرار... كلـشي بعدج بـاهت
سيرين... ديـربالك على روحـك
ضرار... جيف انتي روحـي محافظ عليها
سيرين... هيجي وكـدرت تتخلى عني ويجوز حتى نسيتني
ضرار... وعيونج الدولـبني انسى روحـي ومـانساج
سيرين... اوف منك
ضرار... عـاشگج يُبه
سيرين... شلون
ضرار... لاتكليلي شلون حتى انـه ماعرف لان انتي مثل السحر بـحياتي
سيرين... احـبك
ضرار... وعـلي مـوبكدي انـه اتنفس عـشكج
انـه بيج ابـدي وبيج انتـهي
سيرين... ماعرفت شجاوبه دموعي تجري وبس صوت انفاسه ودقات كلبي ينسمع ضلينه ساكنين
بدون ماننطق بـكلمه
عاينلي وعاكد حاجبه عيونه حمر
وكأنه يريد يبجي حجى بلهفه:- اتعب بدونج
:-ليش هيجي تحبني ؟
:-انه بدون حبج ولاجن عـايش
كام على حيله اجى باسني من راسي ومسح دموعي:-كومي ردي اتأخرتي
كمت حتى اروح فتحت الباب واستوقفني
صوته:-وعدتج انتي الي تـضلين
سيرين:-كـد الـوعد يالشويب
ضرار:- امشي يـالفصمه
رجعت وانه الفرحه موسايعتني اتكلب بفراشي وافكر بكل كلمه وبكل لمسه منه تعجبت على وضعي شلون بكلمه احس روحي طايره بسابع سما ... مر كم يوم وهمه لحد هسه ينتظرون جوابي وضرار عصبيته وتهديده حتى اوافق
وقله صبره وانتظاره بعد مده يالله رديت موافقتي اللهم
احضر لخطبتي والفرحه موسايعتني قبل مافرحت وهسه نفس الشخص الي جنت اسمي جحيمي
وصار هالجحيم هوه أماني
حددو الخطبه وبديت احضر لخطبتي
بزواجي ماتهنيت ولاحتى حضرت لابسط شي
وهسه كلشي بنفسي وكلشي رايدته انه بيدي احضره فرحتي بوكتها مامكن انطيها لشخص
وطبعاً البنات ابد معافني
جنوب وميس ولادتهن قربت وغيد حملها ماشي وضعه وبسول داير باله عليها
مياده ملتهيه بعائلتها
لحد هسه علاقتي بيهن كلش حلوه صارن الي اخوات وصديقات عوضن بداخلي مكان ماممكن احد يعوضه لمتهن وضحكتهن,سوالفهن,وخوفهن
كل هذا بالنسبه الي كافي
عايشات وكل وحده وي زوجها واطفالها
من بعد الي مرن بيه من تعب,قهر,الم الله عوض كل وحده بيهن
زوج محب واطفال "
سيرين...
كعدت الصبح تريكت وحضرت اغراضي
حتى انروح للصالون خلصت كلشي احتاجه
ونزلت جوا
جانو كاعدين بالاستقبال امي تحضر وابد متكعد هيه وزوجه عمي
رحت كعدت بصف ابوي حضني بقوه وباسني
جابر... شلونها عروستنا
سيرين... بأحسن حال يابه
زكريا... يله خويه انروح
سيرين... اي ماعندي شي
اجت وياي شذر وزينب وزكريا طول الطريق
يدك ويركص ووياه شذر لعبو فلك
حسيتهم فرحانين حتى اكثر مني
ميس...
كعدت الصبح وانه بطني واصله لخشمي
الولد كلهم كاعدين وبنات عمي وولدهم ملتمين
نزل ضرار من فوك الضحكه شاكه حلكه
ورهف شايلها
ضرار... صباح الخير بويه
ميس... صباح النور
ضرار... منو يمنا
ميس... على كوله حيدري مجلس التعاون العربي كله
اجى رضوان وحيدري من برى صوفر وصار يهوس
حيدري... اسمر ويخبل وكل القوط تلوك اله
رضوان...ها خوووتي هاا
دخل من برى بسول وغيث ودرغام
_هااا
رضوان... واحنه العلمنه الوادم عالضم والتنوين
_هااا
ضرار... يااملعونين الصفحه اريدنكم تشعلوها
درغام... اخوتك بظهرك ولايهمك
نزلت غيد من فوك شافتنا ضلت تهلهل وتهوس
غيد... فرحح كلبببي يوم الدكن طبوله
بسول... هاااي عود حامل يمعود
اجت حضنت ضرار ومغندبه بوجهه
غيد... وحتى بهالفرحه كاضني مايصيبني شي
بسول... اي لاتكمزين
رضوان... هااا بدينا بعركاتكم من الصببح
غيد... شوووفو مدري شبي وياي انت شبيك ها ليش هييج سوي ويااي هالكد تكرهني
فرك وجهه بعصبيه
بسول... ها بدينا
سحبها من ايدها وهمه يضحكون
كعدنا نتريك وانه اصور لمتنا وادز لسيرين
كامن البنات نظفن البيت وخلصنه
وانه وجنوب وغيد كاعدات عشتو حوامل
وميخلونه نجيس شي
علما خلصنا كلشي وكعدنا نبدل والمبايل بيدي
واحجي وي سيرين
راسلتها واخر كلمه كالتها:-خلصنا وهسه انه بالطريق
سيرين...
لحظات مرت خوف,توتر
كاعده ببدلتي وكلشي جاهز اجت امي بيدها عليه
طلعت منها كلاده بيها عين زركه
نهايه... يايمه جا تردين تهدين حيلي
سيرين... هههههه ليش
نهايه... خايفه عليج من العيون
سيرين... لاتخافين يووم
دخلت مياده وكفت باب الصاله وطكتها هلهوله
ونوب كابلتها شذر يهوسن ويهلهلن
اجت باسني وعيونها مدمعه
مياده... الف مبروك بعد روحي تستاهلين
سيرين... لييش البجي
مياده... ولجج وجن اختي من امي وفرحانه لفرحها الله يسعدج
سيرين... اوف بلكوا لازمه دمعتي
مياده... خايبه همداج تردين تنوحين
سيرين... يمكن اطفالج وينهم
مياده... بقو يم عمتي وحماتي
سيرين... صاحو علينه كالو اجو وانه ماضلت ايه ماقريتها ومياده وشذر يهفن عليه
مشصابني ووضعي اتخربط اجن البنات يهوسن ويركصن
شفت حبيبتي رهف اول ماشافتني اجت تركض وشمرت نفسها عليه
كعدت يمي تصفك وتركص
اعاين لجنوب كتلت نفسها بالركص وهيه حامل وبطنها لخشمها خفت لايصيبها شي
شوي وكالو السيد راح يعقدلهم كومني ورى الباب
واسمعه يردد ايات
تذكرت اول مره من جابني شلون عقد عليه اجباري وهسه انعاد نفس الموقف بس هالمره برضاتي شهكت بالبجي واردد ورى السيد
نطقت :- نـعم وانت وكـيلي
كلتها والهلاهل ابتدت زرفت اذني زرف كومني يعدلن بالمكياج وانه دموعي موراضيه تتوقف
هوه شوي ودخل
شافني وعكد حاجبه كعد بصفي باسني من كصتي ومسح دموعي
ضرار... ماريدن هالدموع يجرن
سيرين... ضرار
ضرار... عيونه
لبسنا الحلقات وحلصنا كلشي همه راحو
وانه خلصت حفلتي وي البنات ورهف بقت يمي
لليل مياده راحت وكل المعازيم راحو
بدلت وصعدت لغرفتي ورهف يمي
وصلتني رساله رحت شفتها
كاتب:-شوي وجاي
سديته ورحت طلعت فستان لبسته ورتبت مكياجي نزلت جوا كلهم بالديوان محد يجي بهالوقت دخل ابوي ركضت حضنته باسني من راسي ويضحك:-ريحانه ابوها
سيرين... حبيبي
جابر... تعالي بويه ضرار رايدج
سيرين... احم اي جايه
شال رهف وراح اخذت شال وخليته على كتفي رحت للاستقبال جان كاعد ولازم راسه ويهز برجليه
شافني وأشرلي اجي سديت الباب
ورحتله وخرت ايده وكعدت بحظنه
ضرار... هخخ بويه من الوكحات
سيرين... ههههههههه يمه منك يالشويب
لزم ايدي ويبوس باصابعي باس الشامه وايدي مخليها على خده
ضرار... يالمسربته كليبي
سيرين... يربي شكد احبك
ضرار... الجفاف نازل للنعال
سيرين... هااا شكلنا
ضرار... اريد اطلع فلوس المهر اشو قطيتيني
وبجيبي ضلت بس الهويه
سيرين... هههههههههه اننت وافقت على شروطي
ضرار... بالله ياشرط منهن
سيرين... كتلك قبل لااوافق انت لازم توافق على شروطي ، اولهن عقد السيد والمهر شكد مايكون لازم ترضى وانت الممنون
ضرار... اي كملي يبعد ابوج
سيرين... مممم وارجع اكمل دراستي
ضرار... المهر
سيرين... شبيه
ضرار... كسرتو ظهري بيه
سيرين... هههههههههههه
ضرار... اضحكي شرايحلج المهن فلس فلس وتالي يصفن الج تخلصيهن بيوم واحد وانه اكعد حافي
سيرين... حبيبي مشكلتك هاي
ضرار... اطلعهن من عيونج اصبريلي
سيرين... اااوي شكد بخييل شنو نمونه
ضرار... انتي كااعده يجنج شرايحلج راسج مصفح
سيرين... وخررر يالشويب مووبحال فلوسك اخذهن وهسه تطلقني
كمت منه حتى اروح كام ولزمني من خصري
دفن راسه برقبتي عاين عليه وضحك باسني من شفتي ووخر:- تصبيره منا للعرس
سيرين... ها
ضرار... بس بستج شمالج خدرتي
كرصته بزنده ودفعته
سيرين... فاسق
ضرار... تعالي خل اكمل البوسه شو ناشفه
سيرين... هههههههههه وخررر راح اعيط
دك مبايله عاينله وعكد حاجبه نفك بضيج ووخر
ضرار... حروحن هسه بعدين اردلج
سيرين... بعد وكت ابقى
باسني بطرف شفتي وخر
ضرار... هسه حروح لبغداد عدي شغل من ارد امرلج
سيرين... وليش هسه بهالليل ضرار ترى مابيه حييل والله
ضرار... روح ضرار لاتخاافين وياي رضوان ومازن
سيرين... اوفف لاتنسى تخابرني
ضرار... صار
سيرين...
مر كم يوم وهوه ببغداد وماعرف ليش هيجي طول بجيته
رهف ضلت يمي كل المده الفاتت دخلنا بسنه 2019
ميس وجنوب ولادتهن قربت
وصدفه كلهن حوامل مدري شمالهن هالسنه بس يحبلن مشالله عليهن غيد وشذر
ومياده هم حملت وكضتها تدك وتبجي
بسبب اطفالها متعبينها وهمه صغار بعدهم وكملتها من حملت بس مابيدها حيله غير تتقبل الواقع
_بوكتها بدلت ونزلت جوا ورهف وياي اول ماشافت ابوي ركضتله وهوه مكيف عليها
رهف... اجي وياك تتو(جدو)
جابر... بعد روحه لجدج اي يبوي اخذنج
سيرين... وين تردون ترحون
جابر... اخذها للبستان
سيرين... ممم وانه نسيتوني
رهف... ماتجين بث اني
وصلني اشعار رساله :-وصلت
سمعت دك هورن
جابر... يبوي اكيد وصل ضرار
راح ابوي واسمع اصواتهم برى رحت كعدت يم بيبيتي ورهف تروح وتجي يم راسي
علما راح وابوي اخذ رهف وراح للبستان
اتصل عليه صعدت فوك تحجي وياه
سيرين... ليش مابقيت
ضرار... جبت فلوس مهرج بويه وانه كلبي محروك
سيرين... ليش
ضرار... راحو الغوالي انطيتهن لابوج وجن انطيته كلبي
سيرين... هاا بدينه
ضرار... انه اعلمج يالعرمه
سيرين... هههههههههههه وين هسه انت
ضرار... عدي شغله اسويها واروحن للبيت اطكها نومه صالي كم يوم ولانايم
سيرين... ممم ماشي وانه رايحه اصرف فلوسك مثل متدري عروس ولازم ادلل نفسي
ضرار... هينه انه الج
سيرين... هههههههههههه
ضرار... بس استعجلي عبن شهر او اقل احنه نعرس
سيرين... بهااالسرعه
ضرار... يبوي كافي تانيت هواي وشلعتي كلبي
سيرين... اوف مااعرف
مر كم يوم وانه بديت اجهز لعرسي والفأجانه ولاده جنوب وميس
جنوب ولدت ولد سمته علي وميس ولدت بنت سمتها ملاك
بيوم اتصل عليه وانه كاعده ومخليه الماسك بوجهي وحالتي حاله
ضرار... هسه جاي اخذج حضري روحج
سيرين... ويين
ضرار... بعدين تعرفين وين
سيرين... خل اخبر ابوي بالاول
ضرار... خبرته واخذت منه الموافقه
سيرين... ماشي
سديته منه ورحت رتبت نفسي وبدلت
اخذت جنطتي ومبايلي ونزلت جوا اتصل عليه حتى اطلع واجى ابوي وزكريا وياه من برى
رهف بس شافته ركضتله
سيرين... رهف امشي خنروح البابا ينتظرنا
رهف... ماروح ابقى يم تتو(جدو)
جابر... روحي بويه وخليها يمي
سيرين... اي ماشي
طلعت لكيته واكف ومنتظرني صعدت واجى صعد اول ماسد الباب سحبني من راسي وباسني من شفتي ماوخر غير وانه مخنوكه جواه
ضرار... مشتاكلج يالفصمه
سيرين... يمهه خنكتني
ضرار... دخيل ربج شكد فاهييه
سيرين... ولايستقر الشويب
ضرار... اشوفج الشويب شبيده
سيرين... لاشكرا كلشي ماريد اشوف
ضرار... يله انروح ولاتكولين وين نوصل وتعرفين
شينا وهوه طول الطريق مشغل اغاني لازم ايدي وكلساع بايسها
وصلنا لنفس منطقتهم استغربت منه بس ماحجيت صف السياره ونزل نزلت وراه طلع مفتاح من جيبه فتح الباب ودخل رحت وراه
وهوه سحبني من ايدي وعيونه تتوزع على ملامحي
سيرين... وين جبتني
ضرار... لبيتنا
سيرين... بيتنا ؟
ضرار... اي بويه هاج
عاف المفتاح بيدي وضحك
ضرار... البيت بيتج
شمرت نفسي بحظنه وهوه يضحك ويبوس بيه دخلنا جوا البيت جان مأثث وكامل كلشي مثل ماحب الالوان والاثاث
وطريقه الترتيب تعجبت عليه
سيرين... يربببي شكد حلو
ضرار... بس مواحلا من عيونج
صعدت للطابق الثاني غرفتنا بيها ومخلي باب يطل على غرفه رهف صعد وراي وهوه ساكن وبس عيونه مركزها عليه اجى حظني من ورى ويبوس بيه
سيرين... من شوكت سويته
ضرار... من زمان ردت اسويها الج مفأجاه بس ماصارلي وكت وهسه خلصت كلشي وجبتج
سيرين... وليش مانبقى يم اهلك
ضرار... لتردي يجرالج واهلي قريبين علينه بعد كم خطوه
واحنه اول وتالي لازم نعزل عنهم باجر عكبه اولادنا يكبرون ولازم فوكهم سكف يلمهم
والبيت باقي الج ولاولادج انه ماديملكم
بس لازم أامن على حياتكم وعيشتكم حتى لاحد بيكم يضل بعازه احد وكلشي اسوي لراحتج ولمصلحتج
سيرين... لاتحجي هيج عمرك طوييل واثنينا نحيا بهالحياه سيرين بدون ضرار متعيش
ضرار... ماريدج تحجين هالحجي اريدنج بدوني قويه وتتخطين اليصيبج الاعمار بيد الله ومحد يدوم لاحد بويه
سيرين... لاتحجي هييج مااتخيل بيوم تبعد عني
ضرار... انه شما ابعد عنج روحي وكلبي يمج
سيرين... على كولتك انه بيك ابدي وبيك انتهي
ضرار... يالفصمه دولبتيني
سيرين... اوف منك يالشويب
ضرار... سيرين ابوج كلج حددنا العرس
سيرين... لا شوكت
ضرار... نهايه الشهر
سيرين... ضرااار ليش بهالسرعه مسستحيل
ضرار... اهدي بويه لمصلحتنا ماريدن اطول اكثر
سيرين... ليش هيجي مستعجل
ضرار... الاحسن نستعجل بدون مانطول اكثر
سيرين... صاير شي
ضرار... انشالله خير
سيرين... ضراار ترى خوفتني شنو الصاير ومتكوله
ضرار... لاتخافين كلشي ماصاير يله خل نرد
سيرين...
رجعني للبيت وانه عقلي يودي ويجيب
طردت كل الافكار من بالي وبديت اجهز لعرسي
كله بمساعده البنات واوصي من النت
بحبث ماخليت شي ماجبته من غير الي تجيبه الي امي والهدايه الي توصل من البنات
والتجهيزات الي يجهزنها الي
ايام مرت وانه عرسي قرب وكلما يقرب
احس كلبي ينعصر اكثر طردت الافكار من بالي وضليت بفرحتي
من بعد ماجدي طرد بدر ماشفته بعد ولاسمعت عنه شي ومحد جاب طاري ونوعاً ما ارتاحيت بس جنت خايفه من هدوءه
الحنه سويناها بقاعه قاعه للرجال وقاعه للنساء
كلش حلوه صارت وأصدقاء ضرار وولد عمه الي خبصو الدنيا بحيث تعجبت على عددهم
وشلون علاقته قويه بيهم كلهم
وحنتي انه والبنات والي كلهن حوامل
وياحيف يحركن نفسهن بس ابد ماقصرن
بوجودهن وهوستهن حلت
سيرين...
واكفه كدام المرايه وكلساع اعاين لنفسي
واخذ صور
اليوم زفتي ومن الاحبه الفرحه ابد ماسايعتني
وطاير بسابع سما
اخذت مبايلي واتصل عليه ميجاوبني من الصبح ولحد هسه ماكو منه جواب
اجت زينب لبستني البركع حتى زكريا يرجعنا
ورهف يمي ببدلتها البيضه رجعنا للبيت وانه عيني عالمبايل وكلبي احس يدك طبول من سرعه دقاته
الزفه طولت والمعازيم بدو يملون وانه كاعده ومنتظره ببدلتي اتصل عالبنات ولاوحده منهن تجاوب من غير ضرار الي ميجاوب
اجت مياده يمي تهون عليه دموعي اخذت مجراها ونغزات بكلبي
سيرين... اعرف الفرحه متدوملي جنت متأكده حيصير شي لهالدرجه انه منحوسه بحيث
الفرحه متدوم الي ولاالرحه
مياده... لاتحجين هيج اصبري
سيرين... ساعات مرت ولاواحد بيهم يجاوب اليوم زفتي ولازم افرح وشوفه عينج الصار
مياده... سوده علييه امسحي دموعج بله بجي
عدلت مكياجي وانه المبايل بيدي
وجسمي يختض والشهكه بكلبي
رن مبايل امي فتحته واشوف وجها اصفر وعيونها جحضت لطمت على صدرها وحجت:- يايمه شهل مصيبه
يـــــتـــبع ....