٥١"
ثـارهم وبنت الـفقير
بـارت جـديـد
وقـفلـه جـديـده 😍😂.
لثاني يوم كعدت على عياط رجنا رج
كمت اريد اندل دربي بس شالي لبسته
وزلت جوا واشوف
واشوف عمتي تدك وتلطم مفرفحه من البجي
عمتي... يمهههه بس هالوحييد عدي
الله لاينننطي السوا هييج
مزاهر... خايبه شمالج مابي شي هسه يردون
سيرين... خييير شصاير
قاطعنا دخول عمي وابوي وجدي وزكريا واركان
لازمين بدر
شهكت بصوت من منظره الكدمات والجروح وجهه مامبين منه شي وأيده مجبره ويمشي ويعرج
كعدت عالدرج اريد استوعب الموقف
لطمت على خدي وانه ساكنه
عرفته هوه ورى السالفه وماممكن يفوتها اله
وانه مدري شصابني نسيت نفسي وطكيتها ضحكه ... همه استغربو حالتي وعمتي من جهه فحطانه من البجي وهوه يون من الألم وانه اضحك
تلاحكت نفسي خليت الشال على وجهي وسويت نفسي ابجي واشهك والشال بحلكي كاتمه صوت ضحكتي
زينب... اهدي خيه ليش البجي مابي شي
عفتهم وصعدت لغرفتي
لحد هسه ممستوعبه الموقف
مر كم يوم وضرار اختفى عني نهائيا
او بالاصح احنا انتهينا ....
حياتي تمر ومابيها ايشي رهف
يوم بعد يوم وانه روحي تلوب عليها
ماشوفها ولاسمع صوتها غير بس من ميس
تروحلهم او ضرار يجيبها يمها
مايقبل تشوفني او تحجي وياي
مياده حملها متعبها كلش بحيث ايدها متكدر ترفعها وولادتها قربت كلش
عرس غيد وبسول تحدد
وانه وامي الي اشرفنا على تجهيزها وكلشي تحتاجه وكفت وياها وابد ماعفتها
ابوي جان يجي يودينا الها لو مراد
وهيه جان باقي لعرسها يومين واجيت انه وزينب يمها
كضيناخا دك وركص من غير الماسكات
السويناهن ومنها احنا مشترين
بحيث طلعت تلمع لمع
سمعت دك الباب وكمت حتى افتحه
الماسك على وجهي وايديه
ولابسه دشداشه كصيفه كلش
وانه جنت ستوني مسويه رجليه من عنايه
وشعري مخليتله زيت وظافرته والضفيره تمشي وياي
طلعت واشوف ميس وجنوب وشذر ووياهن رهف وملك جايبهن ضرار
سلمت عليهن ودخلن جوا
عاينتله متغير كلش وصاير احلى
متجاهلني بنظراته ولاكأني موجوده
وصلهن ومشى وانه من المغثه حتى واهسي راح
دخلت جوا والبنات يضحكن ويسولفن
شافني سكتن وكامت جنوب وميس وكفن
كدامي وكل وحده لازمه بطنها
سيرين... شنو ؟
ميس...
ايام تمر علينه واحنه حياتنه ماشيه
انه ورضوان كلش مستقرين بحياتنا
وماكو احلا منها
جنوب وانمار هذول وحدهم سالفه
مشاحناتهم,وكلامهم,وعركاتهم
كله ورى شوي ويردون
ازان سافر وجان ناوي يستقر بالخارج
بس ابوه وجده منعو
الجان مضوجني موضوع حملي
كلش اتأخر وكلما تجيني الشهريه ابجي وانحب
ورضوان يحير شيسوي
ابد مالح عليه لو كالي نريد اطفال انه الي جنت رايده طفل
ومن جهه ضرار وسيرين الي علاقتهم بادت تنتهي والي صدمني اكثر
قرار ضرار والي سواه بوكتها ايقنت انو همه
ماممكن يرجعون سوا وترجع علاقتهم ....
الصبح كاعده انه وفقار وشذر نتريك واجت جنوب
جنوب... خايبات اشوفن هذا التحليل
شذر... حمل ؟
جنوب... اي
شذر... جا وفقار بعد بطول اصبعي
جنوب... جا اريدن اخو اله خوما يضل وحيد
ميس... ههههههه سوي يله
راحت تسوي شوي واجت جاحضه عيونها
شذر... ها بشري
ضحكت بصوت عالي وعاطت
جنوب... حاااااامل
ميس... مبروكك
شذر... شو اطيني واحد خل اسوي
ميس... فلك اسود جا انتي شكو وشلون حبلتي؟
شذر... من زرف الحايط
ميس... طيني انه هم خل اسوي
جنوب... دهاجن سوون اروح ابشر ريلي
شذر... همدا حظي وانه ريلي لحد هسه ماشرف
ميس... كمت منهن حتى اسوي التحليل
خذت واحد منهن سويته
وبقيت انتضر النتيجه رحت كعدت يمهن وعفته
على جهه
جنوب... بشري
ميس... ماكو
شذر... يجوز ممضبوط سوي غيره
كامت جابت التحاليل وعافتهن يمي
جنوب... هذا الي لو الج ؟
ميس... شنو
جنوب... التحليل
ميس... خذت منها التحليل عاينتله خطين
شذر... يبوووو كلللللوش ولج حامل
جنوب... هاج خل نتأكد
ميس... خايفه
جنوب... يـا فضيها بطيتيني بط
ميس... رحت رجعت سويت التحليل الثاني
وانه كلبي دكاته ابد مومنتظمه وادعي ربي
يفرحني
دخل رضوان وانمار من برى اجى يمي وانه متصنمه بمكاني باسني بطرف شفتي
ويعاينلي باستغراب
رضوان... شمالج
ماجاوبته وايدي ترجف ماعرفت شحجي وشجاوب عفت التحليل بايده وهوه يعاين مستغرب
ميس... حـامل
رضوان... صـدك !!!
ميس... والله شوووفه خطين
فرك وجها حاير شيكول عاينلي وضحك
حظني بقوه ويبوس بيه اجت جنوب وانمار
وشذر شايله فقار وتهلهل
انمار... بشرووو
رضوان... حااامل ااانمار راح اصيرن آب
حضن انمار وضحكته ترن حار شيسوي
وكلساع يحظن ويبوس كدامهم
راح بشر اهلي وماخلا احد ماكله جنت كاعده يمه وحاظني
اتصل وعلا الصوت
رضوان... هلا ابو الشباب
ضرار... هلا يبوي خير
رضوان... عندي بشاره الك
ضرار... اي غرد بس انشالله خير ولو من شفتك ولهذا يومي ماشايف منك خير
رضوان... مقبوله منك بس تدري شني؟
ضرار... شني
رضوان... حبلتها لاختك وقريباً راح تصير خال
ضرار... يا ابن ال**** جا هيه مومرتك
ميس... كرصته بزنده وهوه وضرار ماضلت فشوه ماكالها سداه منه واتصل عليه
ضرار... ااحجي بويه صدك حجيه
ميس... ااي
ضرار... شني ااي كولي اي يو لا
رضوان... جااااا هيه شكاللتلك
ميس... هههههههه اي يابه حاامل وحتصير خاال
سداه بدون مايجاوبني ورضوان
يتصل عليه وميجاوب شوي وسمعت صوته
لبست شالي وطلعت جان حاضن جنوب وابنها
رحت يمه جرني عليه باسني وحضني
وعيونه مدمعه
ضرار... الف مبروك بويه كبرتي وهسه حصيرين ام
رضوان... كفو مني
ضرار... تسكت لو شلون
رضوان... جان باركتلنا بالمبايل ماخليتنا ناخذ راحتنا انه واختك
ماحس غير ضرار كام وخنكه تلازمو
وانمار يهد بيهم وضلو واحد يشمر عالثاني
مانتهت عركتهم غير وهمه كاعدين بصف بعض ويصنفون على بعض...
سيرين...
لثاني يوم كعدنا من وكت ميس وغيد اخذهن
للصالون
بقينا نضف ونرتب بالبيت واجتي امي ومره عمي وهم ويانه
ماكو من اهلها غير الحجيه عمامها ماجوي كالو بالعرس يجون ولو الاجو والي ماجو مراح يفرق شي حالهم حال الغربه
جهزنا كلشي والتحضيرات حتى الاغاني
وجنوب لازمه فقار ومكضيتها ركص
وامي كلساع تكعدها وتكوم
وكملت من اجتي مياده داخله بشهرها وتجر خطواتها جر
وماهمها كعدت تدك وتركص هيه وجنوب
خلصنا كلشي بدلنا وكعدنا نمكيج
لبست فستان ازرق طويل ورهف وياي هيه وملك بدلات
خلصنا وكعدت اطكطك صور وجنوب تصور
ماخلت وضعيه ماصورتها الي
لحد ماجت غيد حبيبتي تخببل وراها بش ي اجوي اهل بسول
الحفله بس نسوان وماخذين راحتنا
تعبت كلش ورحت كعدت يم سلافه
سلافه... ها يالغاكه تعبتي من التكمز
سيرين... ااي كلشش تعالي كومي ركصي وياي
سلافه... ياخايبه جا انه لو بيه حيل جا شعلتها شعل بس همدا المرض
سيرين... اي يله عادي تعوضيها بعرسي
سلافه... يايمه يالبايره جا لحد هسه ضاله
سيرين... هههههههه نايمه على كلبج ولاكوم
سلافه... جا جده همدا كلبي النايمه عليه
سيرين... مامرجيه منجج
سلافه... يالغاكه هاي امج مو ؟
أشرت على امي اعاينلها تفتر وترتب
جانت هيه شايله كلشي مع انو وضعها تعبان
سيرين... اي هيه
سلافه... والله خوش مره اعاينلها تخوط وتجول احسن من دنانير المسمومه
سيرين... ابد امي متتقارن بدنانير
عاينت لجهتي جانت دنانير كاعده وتطك بالعلج والذهب يتكلكل منها ورافعه خشمها وجن بس هيه كاعده
وامي مع انو عدها بس ابد متحب تتكبر دومها بسيطه وبعيدا كل البعد عن التفاخر والتكبر
كمت رحتلها سحبتها من ايدها بالنص
تركص ويانه انه وجنوب وميس
لليل حنه الولد سووها بحد واحنه حنتنا ابحدها
ودك ركص للصبح
لثاني يوم ونتفأجاه بمياده تريد تولد
حرنا شنسوي وهيه كلشي مجايبه ولامحضره شي اتصلت على ابوي وعلى ايهاب
رحت انه وابوي وياها هناك جان حاجزلها ايهاب عالخاص وولادتها مبيها اي خطوره
هناك واجتي عمتها وامها واختها
واحنه منتظرين حتى يدخلوها
مياده... هخخخ يايمه شهههل الم
سيرين... اوف اهدي
مياده... خايفه كلش
سيرين... لاتخافين إنشاءالله تولدين بالسلامه
وتكحلين عينج بأطفالج
مياده... واذا صارلي شي فدوه ديرو بالكم عليهم
ايهاب... بسج لاتحجين هيج اطلعي بخير وسلامه
جابر... بنيتي توكلي على الله ولاتخافين ربج يسهلها الج
بجت وشهكت بدموعها راح ابوي
باسها وهيه حظنته
مياده... ابوي حتى ماجى وشافني وهاي انت عوضت مكانه جا انه موبنيته مارف كلبه عليه
جابر... جا بويه انه مثل ابوج ودامني يمج لايهمج شي اطلعي بخير وسلامه واحنه كلنه يمج
سيرين... طلعنا بصالات الانتظار
وانه كلساع اروح وارد ايهاب بلكوا واكف على حيله وكلساع ضغطه مرتفع
القهرني ابوها لاجى شافها ولاسال عليها
اعاين لامها حالها تعبان كلش واختها وياها
جان باين عليها اثار ضربه بشفتها
مر كم ساعه من الانتظار
وميس كلساع تتصل واطمنها وغيد من جهه
الي مكدرت اوكف بعرسها واحضره
من بعد ااانتضار طلعت الدكتوره المشرفه على حالتها
_الف مبروك ولدت بنت ولد
غيد....
الرجفه مسيطره عليه خوف,توتر
البنات لبسني البركع وهوه دخل ماكدرت اشوف شي بس رجليه لزمني من ايدي وامشي وراه
رفعت راسي عاينت ضرار واكف
ومبتسم شمرت نفسي بحظنه واشهك بالبجي
ضرار... ابويه انتي ليش البجي
غيد... تذكرت ابوي ريته يمي بهاليوم
ضرار... جا انه وين رحت دومني بكربج
وبوكت ماتحتاجيني تلكيني يمج
بسول... احم يله خويه اريد اخذ مرتي وانروح
ضرار... انه هسه ابوها ومايحتاج اوصيك عليها
وتعرف كلش زين معزتها من معزه اختك
واذا شي يوم وحده منهن نمست بشي موزين
ماعديها على خير
بسول... وانه اخوك وكدها على كولتك ولايحتاج توصيني عليها بعيوني اخليها
ضرار... يله يُبه توكلو والله يسعدكم
غيد... طلعنا للتصوير ومناك الولد زفونا للفندق
الباب نسد عليه لو كأن سد الهوى عليه
وهوه مترهي وهادئ وانه ساكنه وبس ارجف
اجى وخر البركع وباسني
بسول... وينه لسانج ؟
غيد... ها
بسول... اي امشي بدلي
غيد... اي هوه رايحه
بسول... تعالي خل افتح السحاب
غيد... لاشكرا ميحتاج
ماسمعني اجى وخر البركع وفتح السحاب لزمتها ورحت اسوحل بيها للحمام
نزعتها وحرت شلون اطلع اجيب الجنطه ضليت واكفه والدمعه بطرف عيني شوي واندك الباب
بسول... افتحي
غيد... ليش !!!
بسول... بويه هاج جنطه ملابسج
غيد... فتحت الباب بخفه خذتها منه ورجعت سديته بدلت وطلعت لكيته مبدل
ويرتب بالاكل عاينلي وابتسم
بسول... تعالي اكلي
غيد... انه ماصدكت رحت وكعدت كدامه جريت الاكل واكل وهوه يجيب ويخلي كدامي
نسيت روحي ونسيت الخجل عشتو عود عروس
بسول... اكلي على كيفج
غيد... هوه جاي اكل على كيفي
بسول... اي اي كمملي
غيد... خلصت وشلت الاكل اجى هوه
ردت اطكها ركضه للحمام ولزمني
بسول... وين
غيد... للحمام
بسول... بعدين
غيد... يمههه وينجج عوفني
بسول... اهدي شبيج
غيد... خايفه
دارني عليه لزم وجهي بكفوفه وباسني
مدري شبيه صرت اختض وجسمي يرجف
لزمته وايدي على كلبي احسه حيطلع من مكانه
غمضت عايني وماشفت غير بس الظلام محاوطني...
ميس...
نايمه بحظن رضوان وهوه يخابر بالمبايل
خلص وعاينلي
رضوان... اي شرايج نعرس وياهم
ميس... الطفل جوعان
رضوان... لاتكليلي اطلع واشتريلي حجتج بالبطنج
ميس... يعني ترضاها هيج انام جوعانين
فززنا رن المبايل كمت منه جاوبته بسرعه
عبالي اكو شي
بسول... تعالي هسه خل رضوان يجيبج
ميس... ليييش شكو ؟
بسول... بدون اسئله
سديته منه ورضوان رجع اتصل عليه بدلت بسرعه ورحنا للفندق
وانه ابالي اجت الف حسبه صعدنا لغرفتهم
رضوان بقى برى وانه دخلت جوا
جان لازم غيد واكعه بالكاع وتشهك بالبجي
ميس... ياستار شكو
بسول... تعالي خويه شوفيها
عافنا وطلع من الغرفه ضايج رحت كومتها
وغسلت مكياجها صاير خريطه من البجي
ميس... كاافي بجي ياعيني
غيد... خربتها هاي عود وصيتني وانه من اول بوسه اغمى عليه
ميس... ههههههههه اغمى عليج ؟
غيد... اي
ميس... اوف اهدي ولاتفكرين بشي بطلي خوف وتوتر ولاتفكرين بشي
غيد... مدري خايفه كلشش
ميس... وهسه شلون
كعدت اهدي بيها واحجي وياها علما هدت
عفتها ونزلت جوا اعاينلهم ماكو ولاواحد
طلعت برى واشوف رضوان كاعد مخلي ايده على وجهه وبس كتفه يهتز وبسول واكف ويدخن رحت يمهم مستغربه حالتهم
رضوان... يله خويه هالمره مادبرتها
كدامك العمر كله
بسول... ميس اخذي وروحي لابتلي على دنياه
رضوان... خويه راح اخذ اختك واروحن
يعني مثل متدري حامل اختك ولازم ترتاح
واختك ولازم ترتاح وي زوجها
عاينلي بضيج وهز راسه
بسول... موجن كثرت من اختك ،لو الواحد يتورط من ينطي اخته لصديقه
ميس... ههههههههه اهداء ولاتضوج من شي روح لمرتك منتظرتك واحنه رايحين
سيرين...
لثاني يوم واحنه يمها ابد معفناها وكل الوكت يمها
عفتهم ورحت يم غرفه الاطفال جان ايهاب واكف ويعاين عليهم ويمسح بدموعه
ايهاب... خيتي الله انطاني الاحبنها ورزقني بطفلين منها شرايد اكثر من هيج
سيرين... الله يحفظهم الك يله نروح مياده منتظرونا
ايهاب... اي يله
اجت الممرضه بدلتهم ولبستهم انطتني البنت شالاها وايهاب شال الولد رحنا لغرفتها
وهيه بس دموعها تجري عاف الولد بيدها
وايدها ترجف متكدر تشيله
مياده... يربي فدوه اروحلكم
سيرين... حبيبتي ألف مبروك يتربون بعزكم
_خويه شسميتهم
ايهاب... بعدنا والله مامسمينهم بويه اطفالج وانتي سميهم
ام ايهاب... جا يمه واذا اولادها سميهم انت مالك شغل بيها
مياده... انه الي حملت وتعبت بيهم وهسه مالي حق اسميهم
جابر... يبوي ستهدو بالرحمن
مياده... الله يرحمنا
ايهاب... هههههههههههه
سيرين... لزمت ايدي وباستها سحبتها وعكفت وجهي معاجبني
مياده... خيتي انتي سميهم
سيرين... انه !!!
ايهاب... اي يخوي
سيرين... ممم مروان وروان شرأيكم ؟
مياده... حلو
ايهاب... هذا هوه مروان وروان
سيرين...
بقت بالمستشفى علما خرجوها
واحنه رجعنا
وصدفه وراها بكم يوم زوجه حيدري ولدت ورى اسبوع زوجه غيث هم ولدت
اثنينهن بنفس الشهر ولدن
حيدري صار ابو هيثم" وغيث ابو هشام"
وهيج بيت حطام زادلهم حفيدين لعائلتهم
انه وضرار علاقتنا انتهت وماكو بينا اي شي
ماعرف شنو الانتظره منه ولحد هسه
منتظرته ،ماكو غير رهف حبيبتي المصبرتني
الي كلما احجي وياها وهيه ماكو بحلكها
غير شوكت تجين ؟
بدر ماكف عني ياخه ودومه وراي مقيدني بكلشي ويريد عالاقل شي يفرض نفسه عليه
اصده واتعارك وياه وهوه ولاهمه
حالته كلش تعبتني وبزعتني بروحي
_كاعده بالغرفه متمدده ومشغله
اغنيته ...انسى العالم كله انساه
من تكون بحضني انساه
فكر بيه شلون تحبني
و بكل قوتك من تحضني
الي يذوب يذوب الحاله
و الي يموت الله وياه
دموعي تجري والمبايل بايدي اعاين على مسجاته وصوتياته كلساع اعيدهن
سيرين... شلون كدرت تتخلى عني ؟
مسحت دموعي وكمت غسلت ونزلت جوا
لاكاني بدر طالع الكدمات خفن والتجبير شالو منه اجى يمي سحب ايدي وباسها
دفعته وارتد ليورى
سيرين... يااانجس شلون سوي هيج
بدر... اهدي شسويتلج انه
سيرين... كاافيك ازعاااج ترى بزعتها لروحي
ياخي افهم انه موالك
بدر... انتي من زمان الي وحضلين الي
سيرين... هسه دنيا عصر وانت خوش تحلم احلام خلص احلامك بعيداً عني
تخطيته ومشيت رحت يمهم كعدت بصف ابوي وحظنته وزكريا كاعد يمي ويفرك ايده بتوتر وهوه مركز بالكلام وياهم
مرجان... جا يبوي نشوفلنه يوم ونروح نخطب البت
زكريا... ليش ماترحون هسه ؟
سيرين... خير
زكريا... اي هوه اريدهم يخطبولي شذر
سيرين... صدككك ؟
زكريا... ايي وهسه يردون يأجلوها
سيرين... يا ليش تأجلوها اطلبوها وخيرا على خير
وهب... جا جدي بالاول خل نشوف العالم شمالكم مستعجلين
زكريا... جدي انه سنين صابر موطكت روحي
شلون ماستعجل
مزاهر... والله خوش طلعت عاشك وانه اكولن شماله لحد هسه بار علينه ولاراضي بوحده
سيرين... ههههههه بيبي شلون ياخذ غير اليحبها هسه جدي حبج وماخذ غيرج
وهب... جدتج دوهنتني وخلتني ماشوفن غيرها وانه طكيت رجل الا اخذنها
مزاهر... يا بسكم
زكريا... خجلت الحجيه
سيرين... خلها تخجل يلوكلها الخجل
زكريا... كافي تصبغين ولج
سيرين... بكيييفي
زكريا... شلون راح تخليني اكفخها
سيرين... شو جرب ومد ايدك
زكريا... اعرفنج مسترجله
سيرين... اي يعيني انه بنت ومغطيه مكان هواي رياجيل
زكريا... والله كفو لو رجال جان هسه اجيبك وياي ضلعي وبكل عركه اخليك بظهري
سيرين... ولو ضلعي تدلل
جابر... يبوي محلاها البنات وانه بنيتي تعرف شوكت تكون بنت وتعرف شوكت لازم
تبين قوتها انخلقتي بنت وهاي نعمه من الله
والله ماخلا القوه بس للرجال
واعرفن بتي ذيبه وكدها
سيرين... يبعد روحي والله انت نعمه
مرجان... جا اذا هيج بويه شرايك باجر انروح نخطب البت
وهب... هذا هوه
مزاهر... عالخير جده
اجى بدر وكعد بصف جدي
بدر... جدي انه هم رايد وحده
وهب... انشالله خير منيه
بدر... سيرين
سيرين... خزرته ودرت وجهي همه كلهم استغربو
بدر... من زمان انه رايدها وعمي يدري كبل جنت احبها ورايدها ولو مالصار جان هسه هيه مرتي وانه هسه جدامكم اريد اخطبها
جابر... انه اكلك كبع واخذ وبنتي ماجبرها على شي اذا هيه راضيه خيراً على خير
سيرين... كمت منهم صعدت للغرفه اروح واجي
احس حتى تعبت من البجي
رحت اخذت مبايلي دزيتله رساله:- هيييج تتخلا عني من بعد ماخليتني احبك
نهيت كلشي بينا ببساطه وشفت حياتك بدوني
هسه يردوني اصير لغيرك ترضاها ؟
انتضرته يجاوب ماكو اخرها شاهد ومجاوبني
حضرته من كل البرامج وقفلت المبايل
مانزلت ولادمعه تعبت من البجي والنحيب
غلست عالسالفه ومنطيتهم مجال حتى يفتحوهالثاني يوم اخذو مشيه حتى يخطبون شذر من بعد مانطوهم خبر لليل يالله رجعو وزكريا يلوب يريدهم بساعتها يردون الجواب
مر كم يوم هدوء وماكو شي جديد منتظرين حتى يردون جوابهم
جنت كاعده بالحديقه وزكريا يمي يحجي وي شذر وروحه تتحرمص من وراها وانه روحي تلوب لمحبوبي الي لحد هسه كلبي موكادر ينسا...
فجأه سد المبايل وكام على حيله وفرك وجهه بعصبيه ويزفر بغضب
سيرين... شكو ؟
زكريا... راحت بيها
ميس...
كاعدين يتناقشون علمود شذر والي لحد هسه حايرين يوافقون او لا
انمار... اذا خوش قسمه نسال البت واذا رضت نتوكل
رضوان... انه اريد اسالها واحجي وياها
كام رضوان صعد فوك شوي ومانسمع
غير العياط رجنا رج صعد عمي وانمار فوك وصعدت وراهم
واشوف رضوان لازم شذر ويضرب بيها اول مره اشوفه بهالعصبيه والغضب وخره عمي وانمار منها وهيه تبجي وتشهك
رحت كومتها الدم يخرخر منها وشعرها مهلس
رضوان... وخرررررو كلتتتت
ذاكر... شمااالك وي اااختك تخبلت عليها
اجى انمار حضنها ويمسح بالدم
انمار... حبيبه اخوها ااحجي ليش سوا هيج
رضوان... شتتتحجي تكلك مكضيتها تمعشك ومخابرات وي صديق اخوها
ميس... هوه كال هيج ولطمت على صدري عرفت لكفها وي زكريا
وخرتها منهم كلها حاده سنونها عليها ورضوان يريد بس يلزمها اجى عليه سحبني وطلعني طلعو وسدو الباب عليها
عاينلي وخزرني حتى ماحجي
نزلو جوا ولاواحد نطق محد متوقع تسوي هيج ونوب وي ابن عم سيرين واحنه ياحيف انتهت بيناتهم المشاكل
نزلو جوا ورحت وراهم راح رضوان للغرفه شوي وطلع بيده السلاح ركضت عليه خفت لايتهور ويسوي شي
ميس... فدوه اهدا وااافهم منها
رضوان... وخريييي
دفعني نجفيت على وجهي لزمت بطني
بألم واحس فقدت الرؤيا
ميس... رضواااان بطنني
اجى عليه شالني وعيونه بكصته من العصبيه حتى خفت من حالته اول مره اشوفه هيج
بشائر... سترك ربي راح يموووت البنات جيييبها ييييمي
كومني وكعدني يم عمتي وهوه ينافخون ويرعدون من العصبيه اندك الباب راحت جنوب فتحته شوي ودخل ضرار عرفتها جنوب مخابرته
كعدو يحجون ورضوان بلكوا كاضينه
جنوب...
خذت مبايلي ورحت للغرفه اتصلت على سيرين بسرعه جاوبتني والهوسه يمها كلشي ماينفهم
سيرين... بشري شصار
جنوب... ولجج ضرار بلكوا لازمهم ورضوان كاض السلاح مايرضى يعوفه
سيرين... اوف وزكريا من جهه عمي وجدي كاضينه حتى مايجي
جنوب... خايبه شلون لكفها وشكو مخابرها
سيرين... جانو يحجون علمود الخطبه وفجأه رضوان دخل عليها هيه من الخوف عايفه المكالمه مفتوحه
زكريا سدها ورجعت اتصلت عليه عباله شذر
طالع رضوان
وهوه لازمها معترفتله التحجي ويا زكريا
جنوب... دهر جا هالفاهيه ماعرفت طلعلها عذر
سيرين... ليش من الخوف تضل فكره بعقلها
جنوب... يله انه رايحه اذا صار شي اتصل عليج
سيرين... اي ماشي
ميس...
كاعده بصف عمتي واستمع لسوالفهم
ضرار يحجي برود وكأن كلشي مصاير
وهمه مستشيطين من الغضب
ضرار... سد السالفه اذا احد عرف سمعه البت تدمر وصير على كل لسان
رضوان... ولك شسددد وعللي اذااا ماترست راسه طلق ولااعديها اله
ضرار... شكلت ؟
عاينله بخزره وابتسامه على ثغره
وكأن لغز بيناتهم رضوان هز راسه وسكت
ميس... خفت من الهدوء الي صار وكان هذا هدوء ماقبل العاصفه خفت كلش من سكوتهم
ولايكون اكو مصيبه ابالهم
ضرار مثل هيج سالفه ماممكن يسكت عليها
ويلعبها بهدوء وتدبير
مر كم يوم هدوء ماكو اي شي شذر قافلين عليها الغرفه والاكل نودي الها
محد حجى وياها ولاسمعها شي
حتى انمار الي جان واكف وياها ماطاق حتى يسمع سيرتها
سيرين.... من بعد الصار عمي وجدي رجعو خطبو شذر بس وصلهم الرفض
ودوو عليها مشيه اربع مرات وبكل مره جان يجينا الرفض زكريا كلش تخربطت حالته
وكلما يريد هوه يروح عمتي تلزمه لوتتخربط لوتضل تدك وتلطم وبسببها ميروح
لحد مابيوم كاعده بالحديقه انه وزكريا كل يوم بهيج وقت نكعد سوا
مابيدنا حيله غير ننتضر الي راح يصير
فجأه رن مبايله شفته عكد حاجبه بحيره
زكريا... الو - ماسويت غلط وطلبتها من اهلها-وين تريد-هسه جاي
شفته كام يريد يروح ولزمته
سيرين... وين رااايح
زكريا... سيرين تعبت من الكعده وانه ماعرف شصايبها وشسوو بيها
سيرين... بس كتلك كلشي مابيها وميس يمها تطمنا عليها
زكريا... ماكدر انه كلبي متلوع علمودها لحدمن اضل كاعد
سيرين... هسه شراح سوي
زكريا... اشوفن رضوان هوه اليكدر يساعدني
سيرين... اااجي وياك
زكريا... امشي لادفنج هنا وين جايه
سيرين... والله اذا ماخذتني وياك اروح اكل لجدي
زكريا... استغفرالله ربي ااامشي بدلي بسرعه
سيرين... رحتتت خبرت ابوي بس مكتله ليش بدلت بسرعه ونزلت جوا لكيته منتظرني
مشينا المكان جان خالي من الناس ومبي احد
اشجار بكل مكان وشط يتدفق بي المي
بقينا بالسياره وماشوف غير اجت سياره
وكفت كدام سيارتنا
زكريا... ابقي هناه شما يصير لاتنزلين
سيرين... نزل هوه وانه بقيت واشوف رضوان نزل وبيده سلاحه
ووياه نزل ضرار شفته لو جن كل جروحي تجددت من بعد اخر مره شفته بيها من رجعنا من السفر وبعدها انقطعت كل التواصل بينا
نزل مترهي بمشيته الجكاره بيده ولابس نظارته وملابسه كلها اسود والمسدس بخصره
ماشوف غير رضوان ضرب زكريا بطرف المسدس ووكع من طوله الدم يخرخر
سحبه وتلكا بالضرب وزكريا ساكن حتى مادافع على نفسه وضرار واكف على جهه ويشرب بجكارته ويعاين كان مسرحيه كدامه
اخرها راح كوم رضوان من زكريا وكوم زكريا
سحب السلاح من رضوان وعافه بخصره
وهمه مستمرين خفت من حالتهم
زكريا... *** زوووودتها
ماشوفه غير اتولى رضوان بالضرب
واحد يضرب بالثاني عبالك اعداء
نزلت بسرعه قبل لايموت واحد بيهم ولزمني من زندي حسيت ايدي انخلعت من مكانها
ضرار... وعلي اذا خطيتي خطوه امددج هناه
سيرين... وخرررر مالك شغل مسرحييه كدامك مخليهم يتكاتلووون
ضرار... خلصتي!!
سيرين... مالك شغل
دفعني ووخر مني راح فاككهم والجكاره ابد موكعت من حلكه وابتسامه مرسومه على ثغره
زكريا... لاتعااااند على حظي لك **** ماسويت غلط وياها
رضوان... لاتخليني اسب عشيرتك مخابراتك وتتمعشك جان كبل لاسوي هيج تخلي بعيونك عشرتنا وصداقتنا
زكريا... لوما المشاكل ماجان سويت هيج وهسه هيه مرتي
رضوان... عود خلي التقشمر يفيدك بالعباس لوتنط روحك ماطيها الك ومشيتها الاسبوع الجاي
زكريا... وحك علي كبل لاسوي هيج جيله براسك واخلص منك
رضوان... عوف لحجي يفيدك تحددت مشيتها وكدامك تنزف لغيرك
ضرار... امشي اريد احجي وياهم
سيرين... ومتحجي كاضتك
خزرني ووخرت منهم رحت صعدت بالسياره وهمه يحجون اعاينله يضحك ومترهي ولاهامه شي بلعت غصتي واحس الدمعه بطرف عيني صارت
سيرين... ربي طفي نار الي بكلبي وخليني انسا
اخرها راح رضوان وزكريا يم الشط يغسلون اجى ضرار يمي صعد بالسياره ومتجاهلني بنظراته
اخذ المسدس مال زكريا وعافه بخصره وعاينلي
ضرار... اي يبوي شلونه وضعج
درت وجهي عنه ومجاوبته
ضرار... سمعت ابن عمتج رجع خطبج
سيرين... منين سمعت ؟
ضرار... مومهم منين
سيرين... جا لاتسال
ضرار... عود كلت اريد مصلحتج مبين لحد هسه متانيتني
سيرين... بلعت غصتي وكلبي وجعني ،عاينتله وحجيت،ابد مامنتظرتك ومطلعتك من بالي وحياتي انت ماضي ويستحيل افكر بيك لاتطير بافكارك زياده وانه اذا اريد اوافق مايمنعني شي
بس ابالي شخص وهالكم يوم جاي يخطبني
فتح الباب يريد ينزل وحجى
ضرار... عود لاتنسين تعزميني على عرسج لازم اقيم بالواجب
عافني ونزل وانه اشهك وابجي بدموعي
موتني ونهش روحي بكلامه معقوله نفسه ضرار ؟
رجعنا للبيت وانه بس جسد يتحرك احس حتى كلبي تعب من الألم وكلامه يرن باذني زميروح من بالي
زكريا طلب من جدي يرجعون يخطبون شذر وصدك همه رجعو وخطبوها
والفأجانه موافقتهم من بعد عده مرات من الرفض ، سوو الخطبه باسرع وقت وحددو موعد العرس وهذا كله بطلب من زكريا الي محد يعرف سبب استعجاله
ميس...
من بعد خطبه شذر بدينا نحضر لعرسها والي لحد هسه كلها مقاطعتها ولاواحد يحجي وياها بكلمه وهيه حاولت تعتذر وتحجي وياهم بس ولاواحد بيهم راضي يسمعها
حملي كلش زين وكل شهر عندي مراجعه وي دكتوره ورضوان داير باله عليه
_كعدت الصبح وحضرت نفسي حتى انروح للصالون جهزت الريوك ورحت للغرفه حتى اصيح رضوان لكيت شذر يمه لازمه ايده وتشهك بالبجي
شذر... فدوه اروحلك لاتجافيني هيج يوم حنتي وفرحتي بدونكم ماتكمل
رضوان... انتي جبتيها لروحج امشي منا لابتلي بيج خلي تعدي على خير وولي
شذر... اعرفن هالحجي مومن كلبك طالع وانت اكثر واحد متلوع لدمعتي الله يخلييك سامحني والله اموت وماتحمل تعاملوني هييج
ميس... انه مدري شمالني صرت ابجي وياها رحت يمه ولزمت ايده مبرطمه عكد حاجبه وابتسملي
باسها من راسها وهيه حضنته وتبجي
رضوان... هسه انتي ليش تبجين
ميس... انه بس شفتها تبجي مدري شبيه بجيت وياها
شذر... عالواهس نرطب عيونا من الصبح
رضوان... بويه امشن حتى اوصلجن
سيرين...
حياتي تمر وكلشي مابيها جديد
مجرد بس يومي الي يتغير وصحتي الي تتدهور
ابوي واخواني وامي دومهم يمي ويحاولون يطلعوني من الحاله الي انه بيها
بس روحي موراضيه تترك حزنها مليت من البجي وروحي خوت من الألم
شوي شوي وبديت اتخطا ومابتقي غير انهي من حياتي وتنتهي رحـلتي وي ضرار....
عرس زكريا مر بسرعه والي طاير من فرحته
وزواجهم مر بخير وسلامه
علاقه زكريا ورضوان ماتصلحت بس زكريا يحاول يصلحها وي رضوان ويرضي
بوجودهم مسوين جو بالبيت وخاصه شذر وزينب كل وكتي وياهن واحاول اطلع نفسي من الحاله الي انه بيها وماحبس نفسي بقوقعه حزني
باشرت سنه 2018 تخلص وايامنه تمر
كلها اوضاعها زينه وحياتنا ماشيه
جنوب وميس حملهم سوا مر
اما مياده ملتهيه بأطفالها الي لاهينها عن كلشي وفرحتها بيهم بس كلش متعبينها بحيث
متفقين انو مايخلوها ترتاح اذا واحد نام الثاني يكعد ومتوكحين وكل وقتهم يبجون وطبعاً ايهاب الي لازم يعوف شغله ويعتني بيهم وياها ماكو اذا ماعاف شغله ورجعلها تسويلها مشكله طويله عريضه وطلعه هوه الي غلطان وميحبها
غيد وبسول دائما باتصال وياهم وطبعا مشاكلهم ومشاحناتهم الي متخلص
وها وباخر شهر غيد طلعت حامل وفرحه بسول الي ماخلا واحد مابشره وهوه طاير من الفرحه بحملها من بعد مانحرم من طفل يشيل اسمه عده سنوات وهسه الله عوضه
حبيبتي رهف والي لهفتي عليها يوم بعد يوم تزيد والي لحد هسه بحلكها ماكو غير سيرين
انحرمت من ريحتها وماعرف اذا بشي يوم ترد لحظني ومستمرين باتصالنا بالمبايل وصوتها الي اسجله وكلما احس روحي تشتاكلها اشغله
ملك يوم بعد يوم تكبر والي حيدري معتني بيها وداير باله عليها وطبعا ابنه الي معتبرته مثل اخوها
وموت انور الي محد اتخطا وضل ذكرى بكلوبنا وماباقي منه غير بس ريحه بنته ملك
_كاعده بالغرفه ومشغله صوته وهوه يكلي
:-بويه عاشكج يالمسربته كليبي
مسحت دموعي وانه كلبي مثل الجمر والكره تجااه احسه جاي يزيد نسى الي بينا واتخلى عني ببساطه
غمضت عيني فجأه واتذكرت كلام المره كمت على حيلي اتصلت على رؤيا
علاقتي حلوه بيها ودائما انه وياها نحجي ومسوين كروب انه والبنات سوا وهيه ماباقي هواي على عرسها وملتهيه بالتحضير
جاوبتني تضحك صوت هوسه يمها
رؤيا... يهلا ويننج مختفيه لورجعتي دفنتي نفسج بالتفكير
سيرين... انه التفكير محاوطني وماممكن اتخطا
رؤيا... يجي يوم وتتخطين كلشي انتي كدها وتحملتي الاقوى
سيرين... اريد احجي وي امج
رؤيا... ليش شكو ؟
سيرين... بموضوع
رؤيا... صار انتضريني
سيرين... بقيت عالمكالمه صاحتها
وانطتها المبايل
الو
_هلا بيج امي
سيرين... عرفتيني ؟
_طبعا عرفتج ورؤيا الي ابد متوكع سالفتج من لسانها كليلي شلونج
سيرين... ماعرف شلوني
_حبيبتي الله يعينج ويريح بالج
سيرين... انشالله بس اريد اعرف شغله
_شنو ؟
سيرين... بوكت شفتيني وقريتي كفي
كلتي راح تتغربين
انه سافرت سنه وضليت بغربه صح مو ؟
_اي صح كان قصدي سفر او انتقال
سيرين... اثنين راح يتلوعون بسببي
ضرار وكت تركنا والي ضل يعاني بسبب حبي
وبدر الي لحد هسه موراضي ينساني وديحاول حتى ارجعله
_واثنينهم يحبوج بس محد حصلج بيهم
ضرار من انتي طفله ولحد ماكبرتي وهوه جان رايدج
اما بدر كبرتو سوا وكبر حبكم بس ماكدر هم يحصلج وصرتي لضرار
واكيد لحد هسه بعده يعاني حتى يحصلج
سيرين... اي وزواج ثاني ؟
_ الج زواج ثاني
سيرين... من منو
_ماحددت من منو مجنتي تأمنين ونيتج موصافيه حتى تطلع مضبوطه
سيرين... محد يعلم الغيب الا الله
_كلشي بيد ربج وهوه القادر على كل شي
الي مريتي بيه وعانيتي منه قريبا راح تفرج بوجهج وترتاحين من كل التعب بس اصبري بنتي وخلي املج بالله جبير
سيرين... والنعم بالله اشوف تاليتها وين توصل
_سديته منها ونزلت جوا جانو كلهم كاعدين بالاستقبال ويسولفون شافوني سكتو ومحد حجه استغربت حالتهم وكلبي نغزني
نزل زكريا هوه وشذر يعاينون عليه وجن اكو كلام ابالهم
سيرين... خير صاير شي ؟
زكريا... لاخويه ب بس شو ماتبينين
سيرين... جا ليش بس شفتوني سكتو ؟؟؟؟
عفتهم وصعدت لغرفتي ودموعي تجري والشهكه تزرف بكلبي
ضليت افتر بالغرفه وافرك بصدري الهوى ضاك عليه واريد اتنفس
عاينت للساعه بـ ١٢:١٢
رحت فتحت الشباك واعاين لنفس المكان الجان يكعد بيه من فتره وانه كل يوم اراقب واكعد يم الشباك بس ماكو ولاشفته اجى
سديته وانه احبس بصوت شهكتي
توترت كلش ضليت افرك بأيدي
واجر النفس بالكوا غمضت عيني وتركيزي صار
وي
صوت دقات الساعه
وصوت جريان الحنفيه
كعدت عالجربايه وجسمي يختض ماعرف شبيه وحالتي كلش تخربطت اريد ابجي اريد اعيط واطلع الحركه الي بكلبي
كمت على حيلي جريت الكرسي وصعدت جبت الساعه
سيرين... كااااافي يررببببي موتتتني وخلصني من هالعذااااب
شلتها وكسرتها رجعت شلتها وشلعت الميل مالتها وشمرته رحت للحمام اسد بالحنفيه بس القطرات مستمره تجري احسها تنهش بعقلي من التوتر
كمت طلعت من الحمام ودموعي مثل الشلال كعدت بالكاع الجي وانحب
سيرين... ربي دخيلك ساعدني تعبت كلش طفي النار الي بكلبي وانصفني
تعذبت هواي وخوت روحي من الألم
موكادره اتحمل اكثر
ضليت ساكنه اقرا ايات علما شوي ارتاحيت
رحت سبحت وطلعت امكيج واعدل بنفسي
خلصت ورحت تمدتت عالجربايه
خذت مبايلي اتصل عالبنات ولاوحده تجاوب
اخرها ميس جاوبتني صوت الهوسه والاغاني والهلاهل يمها يطرش
سيرين... خير شنو هالهوسه ؟
ميس... ها ماكو شي شلونج انتي
سيرين... ميييس احجي شكو
ميس... اوف عدنا خطوبه
سيرين... خطبه منو
ميس... ها
سيرين... اااااحجي
ميس... ضرار
سيرين... هيه كالت هيج وكأن واحد كفخني على راسي من الصدمه مكدرت استوعب الكالته
لاتشاقين فدوه هوه يحبني وماممكن
ياخذ غيري
ميس... ااهدي الله يخلييج وافهميني
سيرين... اششش كليلي شفهم نسااني ونسا حبناا وهسه راخ يخطب غيييري شتتحمل كليلي ،سديته منها وكمت اريد اهج من الدنيا كلشي بيها جاي يسببلي ألم وخنكه
ممرتاحه ابد وكلبي موتني من الألم حسيت بروحي شكد رخيصه عنده حتى يتخلا عني بهالسهوله
كسرت المرايه صرت اشيل واشمر بالاغراض
دخلت امي هيه ومراد شافتني بهالحاله لطمت على وجها واجت حظنتني
نهايه... يمه بنتي سوده عليه شصايبجج يمه اسم الله علييج
سيرين... يووم تعبت من الدنيا ماشفت منها راحه
نهايه... ياروحح امج لاتخوفيني عليج ولج سيرين احجيلي شبيج يبعد بيتي
سيرين... راح يتزوج واليوم خطبته
نهايه... اوففففف اهدي يامي تعال مراد كومها وياي
سيرين... لاتخافين مابيه شي
كمت على حيلي مسحت دموعي
وعاينتلها
لاتخافين عليه انه قويه وكدها حتى اتخطا
نهايه... شلون ماخاف عليج وانه بهاي حالتج كلما اشوفنج كلبي يتلوع
سيرين... خلص كلشي انتهى وانه حسمت قراري
نهايه... شنو ؟
سيرين... انه راضيه اتزوج بدر
يـــــتـــبع ....