في النهاية سينتهي بك الحال متقبلاً كل شيء، المُعاناة، المخاوف، الحُب، الفقد، الكره.
.........................................
فرح:اجوي الحجي وعمك ولولد
كام وكف
شرار:شجااابهمم
فرح:دخلهم عباس وكعدو بلصالة بلبداية ساكتين بعدين.حجو
سالم: الله بلخير يابة اسئلك سؤال واحد بوية وجاوبني عليه
شرار وهو ياخذ نفس من لجكارة
شرار:تفضل اسئل.
سالم:من يمتة صرنة نزعل على لنسوان ونعوف بيوتنة
شرار: عمييي الله بلخير عليك. ماعفت لبيت علمود هذا لشي وترة كلمتك جبيرررة لبيت لمابي حترامات ولابي حك وضمير مالي كعدة بي واذا تخلي سالفة النسوان بنص هنا راح يصير غير حجي
سالم: جا هية السالفة كلها غير من ورة لنسوان
شرار: نعيمة ماريدها بعد بلبيت هية اساس المشاكل واذا على شيرين وفرح اني اعرف شتصرف وياهن بس نعيمة خل تكفنة شرها
الحجي: رح تخلي الصوج كله بيها ومرتك تتطلع الفقيرة
شرار: ياابة بسس عووفوو مررتيي شتردوها يعني تنضررب وتسكت طبعا ادافع على نفسها عمي تقبلها كل مااجي للبيت الكا بيها شي لو من جدي لو نعيمة زين هية بكد نعيمة؟
ليش ويا البنات زينين وياها لا مسويتلكم شي واني مادري ؟ اعتبروها وحدة من بناتكم خافو الله بيها اهلها بعيدين لمفروض تصيرون انتم اهل لها مو تكعدون تتعاركون وياها وتضربوها وتستغلون غيابي وياها
سالم:ماحجيت غير الصح عمي
الحجي: ارجع للبيت ولتريدة يصير ومالنة غرض بعد بيها ونعيمة ماتوصل بعد هناك وخاف تجي مالها شغل ب مرتك ومرتك هم احجي وياها وخير ان شاءالله
ياسر: يابة لبيت مايسوة بدونك والله
سالم: لا يابة يرجع يرجع
فرح: رحت بدلت وهو اجة للغرفة
شرار: نرجع وكبل فوك نزلة ماكو جوة فهمتي لاامي ولالحجية ولاشي تكعدين فوك وتسكتين
فرح:هزيت راسي وطلعنة سلمت عل نور وهية ضاجت لان راح نروح طلعنة همة بسيارتهم واحنا بسيارتنة وصلنة للبيت سلمنة عليهم وكعدنة كلها ساكتة ومحد يحجي
شرار:شيرين وين
الحجية:بغرفتها يمة ابد مانشوفها تجي تاكل وترجع تصعد
الحجي:خليها احسن مانريد مشاكل بعد
فرح: صارلنة 3 ايام من رجعنة وهو كلش زين وياي كلامة وتصرفاتة اهتمامة رغم اني ابد متغيرت ويا ومرات واحنا جوة الكا صافن بية احسة تعلق بية كلش والكل منتبه عليه
كاعدين بغرفتنة هو كاعد على جرباية ومخلي اوراق يشتغل بيهن واني كاعدة يمة اباوع عليه
فرح: انزل جوة
شرار:لا
فرح:ليش
شرار:اني ويمج ليش تنزلين بعد
فرح: اريد انزل ضوجة
سحبني عليه كال
شرار:تعاي خل انام احسن
فرح:ماريد انام
شرار:نوميني ونزلي
فرح:انت مو جاي تشتغل
شرار:بطلت
فرح: نمت بصفة وهو حاضني وجهي كبال وجهه
فرح:شوكت ترجعني للمدرسة
شرار:دزيت واحد يكملها من بغداد
فرح: يقبلون اداوم واني صار هواي مامداومة
شرار:مشيتها معليج
فرح: يعني الاسبوع ليجي اداوم
شرار:الله كريم
فرح: خليت راسي عل صدرة ومغمضة عيوني وهو ايدة بشعري دك تليفونة سحبة من لميز واحنا عل نوومتنة جاوب
شرار: هلا يابة
شرار: شكوو شبيجج حنيين عل كيفجج ماافتهم شي
شرار: جايج جايج
فرح: طفرنة اثنينة واكلة شكو بس اريدة يحجي
شرار: لج حنين مدري شبيها
فرح: لبست واريد اروح ويا ماقبل
فرح:فدوة اخذني وياك
شرار:امشي امشي
فرح: نزلنة كاعدين بغرفة لحجية عبرناهم وطلعنة وهو يسوق سريع رجعة اتصل بيها
شرار: بياا شقةةة وصفيي عدلل
شرار: لاتخافين هاي جايج
فرح: وصلنة لشقة لهية بيها دك لباب هواي محد يفتح شوية وفتحتة بنية انصدمنة من شكلها لابسة ملابس نوم احمر وشعرها اصفر دفعها ودخل جوة
وهية ضلت تعيط لكينة رافد كاعد عل كرسي بلصالة وكبالة طبلة جبيرة بيها كلشي حتى شرب ولابس بس شورت كام يريد يشرد لزمة حيدر وضل يضرب بي باوعت على هاي لبنية ورحتلها جريتها
من جرها وكعتها بلكاع ولزمتها دك ضلت تخرمش بوجهي وجرت حجابي ودفر بية تريدني اوخر من فوكها واني مستلمتها كطعتها تكطع جانت لابسة نعال برجلها سحبتة وكتلتها بي عل وجها وهية تصيح يمكن طلعت ضيم كلبي كله بيها
فرح:كح.... سا.... جنج بيبتي
فقدت عليها بلكتل طلعت لضيم كلة بيها رغم هية ضربتني بس اني موتتها
ماحسيت غير شرار يجرني من فوكها واني اريد ارجعلها
شرار:لجج فررحة
طفرت سحبت عباية من لكرسي وطكتها ركضة شردت اباوع حنين واكفة وشايلة نونة وحالتها حالة وهذا لساقط واكع بلكاع ووجهه كلة دم كوة مفتح
عيونة عدلت شالي ورحت اخذت نونة منها وهية اخذها شرار وطلعنة صعدنة بسيارة وسكتة. وهو عيونة عل اختة ويسوق هية كاعدة ليورة هادئة متحجي بس دموعها ينزلن ونونة بحضني مدري شتحجي كلشي ماينفهم عليها
شرار: حنين بوية
باوعتلة كلها
شرار: دموعج ماريد اشوفهن
يلا نزلي وكبل صعدي فوك انتضريني بغرفتي
نزلنة دخلنة جوة لكينة عمتي والحجية بصالة وشهد بلمطبخ رادن يحجن اجة شرار ورانة كال لحنين
شرار:روحي صعدي
ام شرار:يمة اختك شبيهاا
فرح:اخذتها ورحنة صعدنة كعدنة عل جرباية وهية جانت ضامة البجية كبل انفجرت بل بجي حضنتها وتبجي بحضني
حنين:ليشش هيج فرح بشنوو احسن مني هية شبية اني وهيج يسوي لج فرح اريدد امووت
فرح: على كيفج ويا روحج باعيلي حنين مايستااهلج خيولي يروحلج فدوة هو زبالة وهية ازبل منة واثنينهم توالمو سوة تبجين على واحد هيج والله حرامات دموعج على مودة احمدي ربج وراح تخلصين منة واخوج موجود ويتخبل عليج
ميستاهلج والله
حنين:وبتي شلون فرح
فرح:بنتج تعيش انتي وياها وخالها مايخليها احسن ماتبقة ويا اب هيج وتكبر وهية تشوف ابوها هيج يسوي
حنين:مامقصرة ويا ابدد والله
فرح:لج خيولي هو لو رجال يسوي هاي سوالفه ليش اسوي بنفسي هيج وابجي علموده واتعب نفسي انتي هسة لازم تفرحين لان خلصتي من واحد مثلة
حنين: واهلي شلون فرح وكلامهم
انفتح لباب ودخل شرار وهية بقت حاضنتي وتبجي
شال نونة واجة يمنة
شرار: حنين بابا
بلا خل احجي وياج
عدلت كعدتها وهية تبجي سحبها لحضنة . وكال
شرار: لج لاتبجين ماعاش لينزل دموعج وحق غلاتج بوية الا اخلي يبجي دم عليج هلسااقط اخذلج حقج مربع منةة
حنين: كل مرا اريد احجيلك وهو يطلع بجذبة يقنعني بيها واخر شي كشفتة حبسني وضل يهددني ببتي اخذني لهاي لشقة يومين ويجيب بنات وكدام عيني وشرب ويرجع يحبسني بغرفة اخر شي اخذت تليفونة بلكوة وخابرتك
شرار: سهللة سهللة
بس انتي اريدج قوية وتكومين عل مود بتج خطية ولباقي علية ومعليج بأي واحد
حنين: مارجعلة بعد
شرار:وياساقط يرجعج بعد.
شرار: لج بوية واني اشتم لهوا واحد ياذيجن مو بلحييف ياابة الا اني جوة التراب
حنين:اسم الله عليك من عمري لعمرك ابوي وسندي انت
شرار: اخليج بعيوني و بنيتج لاتهتميلها دام اني موجود بس هسة ماريد اشوفج ضعيفة وتبجين
مفهوم
حنين:صار اصلا فرحانة لان خلصت منة
شرار:كومي غسلي واكلي وهاي بتج خطية شوفيها
كام وكف وكال
شرار:تعاي فرح
رحت ورا بصالة راح للمطبخ جاب علبة واجة طلع بطل معقم وقطن كعدني عل كرسي ويمسح بوجهي ب لخراميش
شرار: كسرر بيدها الكح +++++ ام ++++++ مرض ب ++++++
فرح: عزااا شبيييك
شرار: شمسوية بوجهي ل ++++
فرح: اوف شلون كتلتها
شرار:والله صدمتيني حسيت ماخذ رجال معدل وياي
طلعتي بيج ل بله
فرح: شعبالك لعد يابة
شرار:كفو من شواربك حبيبي ابو جاسم
فرح: عااا حيدررر منيلي شووارب
شرار:دكومي لحنين وخليها تسبح وترتاح وانطيها اكل فرحة خليج وياها بس هليام
فرح:بدون متحجي شلون لعد
سحب راسي وباسني
كمت للغرفة طلعت ملابس لحنين
فرح: حنين هاي ملابس اسبحي وانطيني نونة اوكلها يلا انطيني ايدج وكومي
حنين: ايي انطيج ايدي هو انتي دودة
فرح: افه عليج لج
حنين: اوف فروح شكد احبج
فرح:ههه يااختي لاتكولين هيج قدرو انو اني اخجل
حنين: دولي
فرح:كرصت خدودها واني اضحك
ايي ايي ضحكيي
راحت تسبح واني اخذت نونة انطيتها لحيدر كاعد بصالة ورحت سويتلها تشريب جاي
فرح:هاك وكلها
شرار:ماعرف
فرح: شلون يعني ماتعرف هيج ووكلها
شرار: خاف تغص
فرح:ههه شتغص يمعود بس وكلها ومعليك
عفتة يوكلها ورحت للمطبخ عود اني اعرف اسوي اكل وكذا
شفت شعدنة بلثلاجة مادري شوكت يجيب هل مسواك حتى مادري بي طلعت همبركر وهلسوالف وبتيتة وزلاطة كملتة ووديتة للصالة لكيتها كاعدة يم حيدر رحت طلعت عصاير من الثلاجة. خليتة ب الصينة
شرار:تعبناك ابو جاسم حبيبي
فرح حجيت واني اضحك :لا بلخدمة يابة
ندك لباب كمت فتحتة دخلت عمتي عيونها حمر مبينة باجية كعدت يم حنين رادت تحجي بس
اشرلها تسكت سكتت واخدت نونة بحضنها
شرار: يلا اكلي بوية
حنين: فرح من يمج شربي نونة ماي
فرح:اريد اشربها اخذتة عمتي مني
ام شرار:وخرري كل لمصايب منج من اجيتنة لهسة مارتاحينة . افرحي هسة هاي الله طلعها بينة
فرح: انهضمت كلش من كلامها اول مرا تحجي وياي هيج
شرار:خير يمة هية شعليهاا
ام شرار: انه تعبت منكمم ومن حملكمم يومية واحد موكف كلبي مااموت واخلص من هذا لهم راح ورتاح وذبكم علية ابتلييت بيكمم
شرار: رحم الله والديج يمة
عافنة وطلع حسيتة اتاذة من كلام امة كلش
خلت لشيلة عل وجهه وضلت تبجي وحنين تبجي وياها حضنتها كلتلها
ام شرار:يمة خيولي مايستاهلج لاتهتمين هاي بتج خطية منو لها اطلكي وضلي يمي احطج بعيوني
حنين: يمة ليش هيج حجيتي ويا فوك مامتحمل الضيم مالنة هو اكثر واحد تعبان ويانة يمة هو صارلنة ابو واخو وشايل مسووليتنة كلها وهسة اجيتي حجيتي هيج طلع مقهور يمة كومي شوفي
ام شرار:شسوي ماتكليلي گلب والدة يايمة محترك كلبي ماعدكم حظ بهاي لدنيا
حنين: الله كريم
فرح:طلعت امة وحنين راحت نامت على جرباية شلت لصينية ونومت نونة. اخذت ملابس ورحت سبحت وطلعت وهو ماكو مشطت وكملت وكعدت بلصالة ربع ساعة ودخل جايب علاليك انطانياهم
شرار:هاي ملابس لهم
وهذا حليب نونة وشغلاتها
وينها هية
فرح:نايمة
شرار: ها خليها
فرح:شنو شبيك
شرار:مابية شي بس اريد ماي
فرح: عيونك حمر وتعبان
مسح وجهه بيدة
شرار:كلشي مابية
فرح: يومين وحنين نعزلت بغرفة امها اكل اني اوديلها نحجي وياها شكد وماكو فايدة حيدر السكر مالتة ضل يرتفع بس رغم هيج يكابر ويطلع ويروح لدوام عادي ويكول كلشي مابية كل مااكعد بليل الكا كاعد يدخن
عمتي مدري شبيها كالبة علية تسمعني كلام تخليني ابجي بس اغلس عليها. الظهر نزلت جوة ادري بي طالع اني رحت شفت حنين وطلعت كالتلي عمتي
ام شرار: خاف انتي تسمعين لبنية كلام لوشي
فرح:ياا شلون اسوي هيج والله لاا. ولااحجي شي
ام شرار: اني سمعتج تكليلها الحوبة تتطلع عبالج ماتتطلع انتضري وشوفي
فرح: يي كتلها هيج حتى
ام شرار: عرفتج والله طبين اسمعيها كلام هل نعزلت
فرح بجي :انتييي شبيججج وياايي شلوون اسمعهاا كلاام شتعرفينيي يعنيي كلل مانزل وحجيتيي شيي
واسكتت
الحجية:ولجج اسكتيي رجلجج نايمم بلغرفة يلمصخمة
فرح:ماحسيت علي فتح لباب جانت مردودة وطلع اجة جرني من شعريي وعيونة حمر ومعصب
شرار:عليمن تصيحين لجج بكدجج هيةةة ادبسززز حسبالج انيي مامووجود وماخذة راحتجج تصيحينن
فرح: يجر بشعري واني بس ابجي ماحجيت ولاحرف
ضربني راجدي ودفعني على درج
شرار:ولي اصعدي يلا واني اعلمج ونزلة ماكوو بعددد فهمتييي نزلي وشوفي شيصيرلج
فرح: صعدت دخلت وقفلت لباب جنت احجي وياها واكلها اصبر بيها كتلها لاتخافين حوبتج تتطلع ان شاءالله انتضري وشوفي واني كله مهتمةة بيها وبتها شهد يم اهلها بس اني و شيرين مالها دخل بشي خاتلة فوك
ومادري شبيها لمرة وياي تمددت على جرباية واني ابجي نمت ودموعي على خدي هستوني نمت وفزيت على دكة لباب كمت فتحتة طلعت حنين دخلت جوة وسحبتني من ايدي
حنين: سودة عليه من وراي نضربتي
فرح:لا شعليج انتي
حنين:امي مدري شبيها هم سامعة غلط هسة كلت لحيدر لبنية مامخليتني احتاج شي دايرة بالها علية وحتى بتي مادري بيها كله عليها تنومها تبدللها توكلها ونوب فوك هذا تضربها خطية هو هم اجة من لدوام متخربط ولسكر صاعد عندة
وامي هم مدري شبيها لبارحة بليل اختنكت وحدها عليج لله لاتنقهرين فدوة فروح ادري بيج تعذبتي بية وب نونة
فرح: انجبي شنو هلحجي شمسويتلكم قابل
حنين: جا لاتبجين كافي
فرح: فتح لباب ودخل باوع علي درت وجهي منة
حنين:اني راح انزل جوة
شرار:ضلي اذا تردين
حنين:لا رايحة اشوف نونة
طلعت حنين اشرلي اجي يمة درت وجهي منة وبقيت كاعدة بمكاني خلا الجكارة بحلكة واجة علية كعد يمي
شرار:شوفي فرح اني هسة من اسوي شي لاتلوميني عليه ولاتضوجين مني ترة بالله عقلي مو براسي وتعبان كلشش . امي منا ومنا حنين ولاتنسين رحمة هم شترديني يعني زين وعايش والله اني اجي يمج الكا راحتي بس يمج رغم تصرفاتج وياي وماتريدني بس اني رايدج من اجيج حتى ارتاح وانسة لبية واذا على. صار جوة هاي اني اعتذر منج وابوس راسج هم . بس امي لاتعلين صوتج عليها فرحة امي خط احمر وهاي لفترة هية تعبانة متشوفيها هيج تتصرف وياج مو بس وياج حتى وياي واحنا عايفيها على راحتها طولي خلك وياها وشتحجي وياج عوفيها
فرح:اني والله ماحاجية وياها شي بس هية تكلي تسمعين حنين كلام يضوجها
خلا الجكارة ب النفاضة وحجة
شرار: اني كتلج عوفيها بعد شتحجي عوفيها
فرح: هزيت راسي سحبني لحضنة
شرار: انتي راحتي من كل تعب لاتعوفيني ابد
فرح: اجاني احساس حلو اريد احضنة واني اشوفة هيج التعب بعيونة اريد اخذة لحضني واخفف عنة
وسويتها حضنتة حيل وكتلة
فرح:يمك وماعوفك
رفع راسي وباسني 💋 بدون سابق انذار
شالني واحذني لجرباية شمرني عليها وطفة لضوة
شرار:مشتاكـلج ميت عليج
فرح: تقربلي بهدوء حسيتة مو نفسة هو مثل كل مرا جان يهمسلي بكلمات احسها طالعة من كلبة جان حذر وياي خايف يأذيني او ماريدة مثل كل مرا
ابتعد عني واخذني لحضنة خليت راسي بصدرة
شرار: اوف يـفـرحة گلبي
شرار: فرحة شبيج
فرح:حجيت واني على نومتي
فرح:مابية شي
ابتعدت وكمت منة اخذت ملابس ورحت للحمام سبحت وطلعت مالكيتة نضفت لغرفة وكفت كبال لمراية امشط وهو اجة سابح وشعرة منكع مي
فرح:انت ليش تتطلع هيج وشعرك كلة مي
شرار: متعلم عادي
اجة صار وراي وخلا راسة بركبتي واني اباوعلة بلمراية
درت علي وكفشت شعرة
شرار: لاتتحارشين ماتحمل ولج
فرح: بكيفي
شرار: اي يابة اي
فرح: مشطت وعفتة يحجي بتلفون ونزلت اول شي سويتة رحت لعمتي كعدت يمها لزمت ايدها
فرح: حبيبتي خالة اعتذر منج عليت صوتي عليج
ام شرار: عادي حبيبتي اني هم مدري شجاني
مختنكة فرح يمة
فرح: ليش خالة اذا على حنين شتسوين بعد هذا حظها وموزين خلصت منة قبل مامسويلها شي خطية وهية من تشوفج هيج تنقهر بزايد المفروض نحجي وياها طلعها من جوها
ام شرار: يمة ماعدي حظ ببناتي ابد سودة علي اني مهدود حيلي عليهن
فرح:الله كريم حبيبتي لاتقهرين نفسج كومي سبحي واسويلج اكل ورتاحي .
ام شرار: سودة علية اعذريني يمي خليتة يضربج
فرح:لاحبيبتي مصار شي ان شاءالله دكومي يلا
فرح: كمت اريد اروح للمطبخ لكيتة واكف على درج ابتسملي رديتلة الابتسامة ومشيت للمطبخ سويت صينية اكل وجبتها رحت لحنين صحتها تاكل ماقبلت كومتها كوة وعمتي هم اجت الحجية نايمة
جان كاعد على كرسي وبيدة التليفون كتلة
فرح: تاكل
شرار: يي هسة
كعدنة وهو شوية واجة كعد هم بس عينة بل تليفون
شرار: حنين فرح وين
حنين:جا مو هاي فرح كبالك
كبل رفع عيونة باوع علينة
شرار:نونة نونة موو فررح
حنين: ها نايمة مو انت كلت فرح
شرار: ها لا مادري غلطت
ام شرار:يمة دعوف هذا التليفون واكل
شرار: يي
يمة حجزتلج يم الدكتور باجر ب 4
ام شرار:عليمن يمة مابية شي
شرار: لا نروح احسن نشوف وضعج
ام شرار:ان شاءالله
يمة اني مابية شي بس مرات تلزمني خنكة تهد حيلي
شرار: يي نشوف وضعج بلا
هاي شيرين وينها ماتبين
فرح:باوعت عليه ورفعتلة حاجبي
ام شرار:اندري يمة خليها مخلصين من مشاكل
فرح: ثاني يوم لصبح رحنة اني ويا للمدرسة حتى نكمل لنقل
شرار: فرح خففي شوية من هاي ل بحلكج
فرح:مامخلية هواي والله
شرار:حتلو مسحي
وهاي لابستة يمكن شوية بي كصر ليش مالبستي من لشتريناهن
فرح:اهوو والله كلشي مابي هسة غير كاعدة طبعا يكصر
شرار:اني ملابسجج كلها تضوجني وماحبها
دنرلي يلا
فرح: نزلت وهو لزم ايد ومشينة دخلنا جوة كبل للمديرة تعرفة وسلمت علية وسئلتة عل جدة
المديرة: والله هو النقل نسد بعد بس هاي علمودك والله
شرار: ماتقصرين ان شاءالله
المديرة: نكمل نقلها وكبل اداوم حتى ميفوتها شي اكثر
شرار: اي يابة ماعدها شي اداوم
المديرة:هسة بسرعة اكملة لك
فرح:كملتة وطلعنة وكلتلة باجر اداوم اخذني عل سوك اشترالي ملابس مال مدرسة بطلعان الروح اشترينة كلشي مايعجبة ثاني يوم داومت اخذني لصبح
شرار:شبيج
فرح: مادري بس كلشي ماعرف هنا شلون
شرار:تتعودين شوية شوية ومن طلعين تنتضريني بلمدرسة مو توكفين يم لباب اكسر رجلج واكلي وشوفيلج بنية بيها حظ امشي وياها خوش
فرح:ي ي
شرار:يلا انزلي ومثل مكتلج
فرح: تعال انزل وياي
شرار:شبيج بوية صف اول انتي وين انزل بنص البنات يلا اني جاي اباوعلج روحي ادخلي
فرح:دخلت يلا راح مدرسة غريبة علية كلشي ماعرف بيها حايرة وين اروح. رحت كعدت وشوية ودخلنة
اني حرت وين اروح عاد رحت للمديرة كالت للمدرسة اخذيها لشعبة ج اخذتني لمدرسة ودخلت كعدت يم بنية بس ماعجبتني تكمز ومبين خفيفة
البنية:شو لابسة حلقة مزوجة
فرح: يي
البنية:ولجنن بناات ويانة بنية مزووجة تعالن
اجن يمي ويسئلني شكد عمرج وشوكت تزوجتي وهلسوالف اجت مدرسة جبيرة كلش ولابسة مناظر كلهن كعدن بمكانهن
ضلت تباوع عل الكل واستقر بنضراتها علية كالت بعصبية
المدرسة:كومي عيني خانم كومي
كمت وكفت اني كالت
المدرسة:شنو هاي الحواجب المحفوفات شنو هذا لمحبس
فرح:هاي حلقة مو محبس
لمدرسة:ليش مزوجة
فرح:يي
لمدرسة:وينج وين الزواج يمة انتن لبنات ميتات على زواج كلشش مفلفلات هاي لو بتي اكسر ضهرها وينج وين لزواج ومزوجة وهسة خوش تعلمين لبنات
فرح: اول شي الفاظج انتي مدرسة عيب ثانيا هذا شي يخصني مزوجة لولا
المدرسة: يمة شوف اللسان امشي طلعي برا. وبعد ولامحاضرة ادخلين
فرح: طلعت وبجيت افتريت بلمدرسة واخر شي رحت للمديرة
لمديرة: ها ماما فرح شبيج
فرح:ست اريد اخابر على زوجي
لمديرة:ليش ماما شبيج
فرح:شوية مالي خلك ست فدوة خابري
خابرتة وانطتة لي شوية ورد
شرار:الو
فرح: رديت واني ابجي
تعال اخذني
شرار:شكوو فرحة شبيجج منوو وياج
فرح: تعال حيدر ماريد اداوم بعد
شرار:جايج جايج
فرح:دقايق واجة واني كاعدة يم لمديرة اجة يمي وحضني
شرار:شبيج فرحة
لمديرة: مادري تكول مالي خلك واتصلت بيك
شرار:من رخصتج ست
فرح:اخدني عل صفحة بلمدرسة
شرار:شكو شبيج
فرح: سولفتلة على كلشي وشلون حجت وياي
شرار: دكعدي هنا وهسة اجيج
فرح:جانت اكو رحلة كعدت بيها وهو راح للادارة شوية وطلعت مدرسة ونوب اجت ويا لمدرسة هاي لمدرسة لحجت وياي باوعت علية وخزرتني دقايق وطلعت هية ويا اجت يمي وتكلي
المدرسة:ماما اعتذر منج على كلام لبدر مني ولو انتي هم ماقصرتي
هزيت راسي وهية اترخصت وراحت
شرار: بربج صدك تحجين وكفتي كلبي
فرح:اخذني وياك ليوم مااداوم
شرار: لا روحي يلا
فرح: ماا اخذني ويااك حباب
شرار: ماكوو دووام بعددد اذا ترحين هسة
فرح: ضوجني عفتة ورحت دخلت بشعبة نفسها لمدرسة واكفة دخلتني رجعت كعدت بمكاني
خلص الدوام وصاحتني المديرة انطتني كتب طلعت ب 12ونص لكيتة واكفلي يم لباب رحنة صعدنة بسيارة طلع بطل مي فتحة وانطانيا
شرار: هاا شلونة لدوام
فرح: تعبانة وجوعانة
شرار:ليش ماماكلة
فرح:اكلت كيكة وعصير بس جوعانة
شرار:هسة نوصل ونتغدة
فرح:باجر مااداوم
شرار:خير شكو
فرح: كلشي ماعرف همة واصلين هواي بلمواد وامتحانات وحتى ماعرف شي هنا
شرار:عادي اني ادرسج
فرح:هو باجر عندي امتحان
شرار:ومتردين اداومين
فرح:كلشي مااعرف لعد ولامفتهمة شي
شرار: هسة غير كتلج اني ادرسج
فرح:وشتعرف انت
شرار: ترة لكدامج خريج ادارة اعمال
فرح: عااا صدك
شرار: اي
فرح: وين صايرة زوجي كلشي ماعرف عنة
شرار:ليش كلشي ماتعرفين بلا
فرح:يي حتى شغلك ماعرفة
شرار: احسن
يلا نزلي يابة
فرح: نزلنة لكينة لحجي والحجية وعمتي ولولد كاعدين بصالة سلمنة عليهم واني صعدت بقة هو جوة
سبحت وطلعت ونزلت لكيتهم يحجون على حنين
الحجي: شراح تسوي هسة
شرار:الاحد محكمتهم ويطلكها
الحجية:وبتها
شرار:تبقة لها
ام شرار:شلون اذا طالب بيها
شرار: شحدة
ام شرار: وعمامك درو
شرار: لا
ياسر: بس كتلك عووفة علية اخخ لو الزمةة
شرار: لا تخاف اني مامقصر ويا
مهند: طلكها وخلصنة منه من لبداية زواجهم مو صح
شرار: الله كريم يصير خير
صعد فوك وهمة ضلو يحجون رحت للمطبخ لكيت عمتي تصب غدة ساعدتها بي اجت حنين تريد تسوي ممية ل نونة
حنين:ها فرح اجيتو
فرح:يي حبيبتي
حنين:جا وينة حيدر ماكو
فرح:فوك
نزل اجة للمطبخ شافنة كال لامة
شرار:هااي وينهاا ماتنزلل تساعددج
ام شرار:شريد منها يمة عوفها
شرار:خل تنزل لاصعد اشمرها من فوك
ام شرار:هستوها صعدت قبل لاتجي
حنين:هسة رايحة اصيحها
فرح:راحت حنين ونزلن اثنينهن
شيرين: ها حبيبي جنت اسبح
فرح: حبيبج ام الوصخ احترمي نفسج
ضحكن عمتي و حنين
شيرين: هاي شوف ليش ماانزل
فرح: دولي عساج مانزلتي
حيدر:فررررح
وانتي امشي اوكفيي وياامي مو مصدكة كعدتي وسكتي فوك
شيرين:تدلل يبعد كلبي
وخري عمة اني اكمل بدالج
فرح: وكفت وتتلوك لعمتي ولحنين طلعت اني
مااتحملها تغدينة وصعدت فوك غسلت وغيرت ملابسي وتمددت على جرباية واجة هو
شرار:نامي شوية حتى تكعدين تقرين
فرح: جنت نعسانة كبل نمت
..................................
حنين: كاعدة بغرفة امي مثل يومية ونونة تلعب كبالي افكر ب الصار كلة بشنو احسن مني بشنو احلا مني حتى يسوي هيج شناقصني وساعات افكر
احسن لي خلصت منة. حيدر بكل مرا يجي يحجي وياي وامي وفرح بس نفسيتي تعبانة والانعزال افضل لي جنت احجي ويا شهد واسولفلها ب
التليفون. وهية تصبر علية لحد ماسمعت صوت امي تصيح
ام شرار: يمههه وليدددي ولك شبيي احجيي
ياسر: يممة حيدر حيدر.........
.............................................
فرح:فزيت علئ لمساتة يكعد بية فتحت عيوني صار وجهه كبالي نايم يمي
شرار:يلا كعدي
فرح: همم يي هسة
ورجعت غمضت عيوني
شرار: انتي مو عندج امتحان لساعة ب 3 ونص هسة
فرح:بعد بعد
شرار: اريد اطلع ترة ب 4 عندي شغل
فرح: كمت رحت غسلت وشربت مي وهو متمدد على جرباية ويدخن
فرح: يلا مو كعدت
شرار: يي
فرح: شنو شبيك
شرار:مادري مالي خلك
فرح: خاف لسكر
شرار: لا
دجيبي كتابج وتعاي
فرح:كعد يشرحلي رياضيات شرحة يخبل
شرار:هسة راح انطيج سؤال تحلي اشوفج فهمتي لو بس صافنة
فرح:لافهمت
شرار:اذا حليتي صح ابوسج
فرح:واذا غلط
شرار: اكتلج
فرح:لاوالله شنو تكتلني
شرار:يي بس مو لكتلة لبالج
فرح:لعد
شرار:لكتلة لبالي
فرح:انطاني سؤال وحليتة اخذ الدفتر يباوع بي يشوف الحل
شرار: عفية
سحبني عليه وطبع بوسة على شفايفي ابتعد مني مبتسم
شرار:اووف اشحلات طعمهن
فرح:حيددرر والله مااقرا بعد
شرار: تعاي لج
يلا نرجع كافي تلهيني وتبوسين بية حتى مادرسين
فرح:عزااا هااي انيي
شرار:جا اني
فرح:شكد جذااب
شرار:لجج منوو لجذاب
فرح:موو انت بس يلا اشرح
رجع يشرحلي وينطيني اسئلة كل مااحل صح يبوسني خبلني لحد ماكملنة المادة
شرار:هسة فهمتي
فرح:يي ي
شرار:خوش يابة
ماكو شي منا منا على كد تعبي
فرح:شتريد؟
شرار: اذا تبقة علية شريد اني طماع
فرح: تقربت عليه بستة من خدة
فرح:هاي كافي
دفعني نومني على جرباية كال
شرار: لا مو كافي هاي
فرح: تقرب باس عيوني وكال بصوت هادئ
شرار: اووف عيونج راح يخبلني
وباس خدي وعضه كال بهمس
شرار: اروحن فدوة لترافة خدودج
ونزل على ركبتي وصار يتفنن ويا كل لمسة منة يكول كلمة تخليني احس بشعور حلوو
ابتعد مني وكال
شرار: عذبتيني فرحة
ضميت راسي بحضنة واثنينة ساكتين باوع على الساعة وكام بسرعة
شرار:لج فرح لساعة ب 5 خرب تليفوني وين
فرح:اخذ لتليفون شافة وراح يسبح واني هم دخلت للغرفة لكيتة واكف يم الكنتور يبدل كمل واجة يمي
شرار: يلا راح اروح محتاجة شي
فرح:لا سلامتك
تقرب عليه وباسني من راسي
شرار: فرحتي ديربالج على نفسج خوش بوية
فرح:ترة انت لراح تتطلع مواني
شرار: اني مايصيرلي شي واذا صار ومتت عود ضلي ترحميلي واني ماعوفج حتى من اموت يومية اجيج لحد مااخذج وياي
فرح: هسة شنو هذا الكلام اسم الله عليك
شرار: تخافين علية ؟
فرح:اني لا بس خطية امك واخواتك
شرار: هاا ماشي يلا رايح
فرح:ضاج من كلامي ونزل
اني رجعت امشط كملت وتمددت على جرباية نمت بنص نومتي وفزيت حسيت انشمرت من الجرباية
كمت كعدت واصلي على محمد كمت شربت مي بس احس شي خانكني ياررب شنوو هذاا الشعور حتى مصارلي هواي من نمت هسة فتحت لباب ودانزل لدرج واسمع صرخت عمتي نزلت بسرعة وكف كلبي وجمدت بمكاني واني اسمع كلامهم
..................................
حنين:
طلعت بسرعة واسمع كلام ياسر
ياسر: مادريي مادررري عبااس وفارس يمه لجج يمةة يكلولي مسوويي حاادث
الحجية: يماااا وليدددي اخذونيي له ولكمم
عافنة ياسر وطلع يركض من سمع صوت لسيارة وامي ولحجية ضلن يدكن ويلطمن عافونة وكلشي مامفتهمين رجلية يرجفن مااسيطر عليهن بعد واشوف امي كبالي وجدتي حالتهن لابية اروحلهن ولااكدر احجي نزلت فرح لصدمتنة رد فعلهه
ماتوقعناها هيج ابد نزلت تركض على درج وتتعثر راحت على امي وتتوسل بيها
فرح: فدوووة خاالة بس كليلي شبيي شبيي حيدر
فرح: احجنن لج حنينن بس كوللي شبيي
حنين:طب الحجي وكوة يحجي تلكينا من لباب
الحجي: يابوية حيدر
ام شرار: بسس احجووولنة شبي ولكممم شبيي
الحجي: مسوي حادث متخربط وهو يسوق عمت عيني عليك يابوووية
حنين: اباوع على فرح لزمت ايد جدي وتتوسل بي
فرح: حـ حيدر فدوةة الله يخليك ارريد اشووفة بس اشوووفة ماابي شي موو ماابي
حنين:امي لكطعت روحها ولحجية كعدت بعد مابيها حيل فتحت شيلتها وكعت بلكاع وفرح تحجي ويا جدي كام طلع وعافنة اجو عمامي راح وياهم وشوية ولبيت نملة نسوان عمامي وعماتي وشيرين
لخبصتنة بل صياح نريد بس واحد يجي يكول يطمنة نتصل بيهم ماكو اخر شي خابرنة مهند
كال بعدنة مانعرف حالتة ولاكين لسكر مالتة 550
اجوي اخذو امي له لان ماكعدت ابد وتريد تروحلة لليل كلش اجوي جدي وعمامي وامي لازم يبقون
يمة 2 بس عاد باقين بس عباس وياسر وفارس ومهند ماراضين يجوم ضالين برة اجن لبنات وحالتهن اسوء من يمنة اجت نعيمة وكبل على فرح
نعيمة: من ليووم لاجيتي مارتاحيينة وجه الفكرر الا تموتين لرجال يلا ترتاحين ولجنن هااي فكرر علينةة
مرت سعد: الله لاينطيها كون حسبالها اذا يصير بي شي نعوفهاا الفكرر
الحجية: خافن الله بل بنية لو شفتنة ماموجود استغليتن لوضع عوفن لبنية بحالها
فرح: اني ساكتة وبس اباوع عليهن شحجي يعني حتى ماعندي حيل احجي وياهن عفتهن يحجن براحتهن كمت ويا لبنات نسوي عشة واكفة احضر
وياهن ونعيمة مترائسة المطبخ وماخذة راحتها كلش واكفة على طباخ وتحمس بل لحم باوعت عليه وحجت
نعيمة: لجج انتي ولي طلعي شني ناكل من ايد الفكورة احنا
فرح: شووفي نعيمة تحترمين نفسج احسن ترة لهسة صابرة وساكتة
ماحس غير تشمر علية الخاشوكة اجت بكصتي لزمت كصتي بوجع حيل تاذيت وخرت ايدي واشوف لدم بايدي
نعيمة: هاي حتى تعرفين شلون. تحترمين اذا مامرباية بيت اهلج انه اربيج
فرح: ربي نفسج يلا تربيني وهاي لضربة لاعبالج افوتهاا لج. شفتي حيدر ماكو طلعتي سمج استحي على اعمرج على اقل
داحجي وحسيت انجريت من ورة درت وجهي شفتها بتها زينب لزمتني من شعري وتجر بية
زينب:ولجج هلكدج ولسانج شطولة عود متسبعة بزوجها دتعااي بلا
فرح: لزمتني وتريد تضربني ودخل لحجي وعمة سالم عافتني ونعيمة ضلت تبجي
نعيمة:تقبلوها بلا ترضاها تكلي حيدر ماكو طلعتي سمج ومعندج تربية بكدها انه
فرح:اجة الحجي ويغلط علية لزمني من ايدي ودفعني على باب بقوة
الحجي:ولي صعددي لابارك الله بيج وانه اعرف شتصرف وياج
فرح:عفتهم وصعدت فوك واني ابجي رحت للمراية اشوف كصتي كلها دم حسيت بقيمتة بهذا الوقت احتاجيتة لو هو موجود يسوون هيج بية
كعدت بلكاع ابجي دخلت علياء واجت يمي كعدت
علياء: فرح معليج بيهن بس خل يطلع بسلامة ويصير زين وهو دوائهن لاتحجين وياهن خيولن شافنة ماكو طلعلهن لسان حتى علينة يحجن
فرح: خليهن كلشي يحجن بس اهم شي يطلع بسلامة
باوعت علية وضيكت عيونها وحجت
علياء:فرح تحبي؟
فرح: باوعت عليها وصفنت بوجها ماعرفت شنو اجاوبها واتسال نفسي اني ليش هيج خايفة عليه ؟ ليش كل السوا مايجي ببالي؟ ولبالي بس كلامة اهتمامة باخر فترة تصرفاتة
علياء: لاتجاوبين اجاني جوابج
فرح: رجعت راسي على جرباية وغمضت عيوني واني اتذكر هلموقف قبل ايام
كاعدة على الجرباية وابجي حنيت ل امي واهلي
اجة وشافني ابجي استغرب
حيدر:منو وياج فرحة ليش تبجين ؟هاا لاتخبليني احجي؟؟
فرح:محد
حيدر:جا ليش تبجين احجيلي
فرح:ماابجي
حيدر: جا وهاي لدموع شنو خاف رموشج جاي تسبح
فرح:ضحكت من بين دموعي
مسح دموعي واخذني لحضنة
حيدر: يي يي فرحتي اضحكي مارريد اشوف دموعج بعد
فرح: جذاب انت تحجي هيج وبعدين تخليني ابجي
حيدر: اني ابجيج عادي وراها اراضيج بحضيني بس شحدة غيري لينزل دموعج غير *****
فرح:انت لاززم تغللط وخرر
حيدر:شسوي هذا لساني شوفيلة حل بلا
.......
فرح: انفتح لباب باوعت دخلت حنين اجت كعدت يمنة حجت وهية تبجي
حنين:ولجن راح امووت اريد اشوفة سوودة علي شصار بحالة هسسة ولجن قبل مايطلع اجاني يكلي
حيدر:دام اني موجود وراسي يشم لهوا لاتهتمين لشي
علياء:مابي شي ان شاءالله ويكوملنة بسلامة
فرح هاي كصتج داوئيها والله لاينطيها ان شاءالله كسر بيدها وكافي باعي عيونج شصار بيها نخبطت خبط كوومي والله موجود ويرجعة سالم لنا
فرح:كمت غسلت وجهي ونزلنة دخلت بغرفة لحجية محد بيها وهمة كاعدين يتعشون تمددت على جربايتها اجت سناء جابتلي لفة كالت امي ودتها لج تكول خل تاكلها
فرح:ماريد والله
سناء:شنو متردين كومي يلا اكليها ورجعي
فرح:كمت اكلت شوية ورجعت تمددت ل 12 ونص صعدت فوك واخذت لبنات وياي فرشتلهن ونمنة بس ماغمضت عيونة ابد كل وحدة ببالها شي وتفكر بي لصبح كعدنة غسلت وغيرت ملابسي ونزلت اريد اعرف شي عنة لكيت عمتي كاعدة تصلي
فرح: عمة فدوة ماسمعتي شي ماخابروكم
ام شرار:بعدة يمة بعدة
فرح: وضل ليوم هذا هم بل مستشفى وهذني ماخذات راحتهن كلش نعيمة شكد تحجي وصبرية تردها اني كمت اسمع واغلس جانت ل ساعة ب 9بليل دخلت لغرفة عمتي لكيت عمتي كاعدة وصبرية قبل شوية رجعو من المستشفى صاحتني صبرية رحتلها
صبرية: تعاي يمي يمة سودة علية
فرح:رحت كعدت يمها جرت راسي خلتة بحضنها
صبرية:شلاعبه بروحج وين راح منج خل يجي يشوف فرحتة شصاير بعويناتها
ام شرار: غير رجلها جا شلون
صبرية: يي حقها الله لاينطيها شوف شلون حافرة كصتها
ام شرار: خلاسها وماكو شتريدها
فرح: طلعنة بلصالة ولحجي دك تليفونة رد ويكول
الحجي: هلاا بووليددي. هلاا بذيبي الحمدالله على سلامتك بووية هاي هاي امك
انطاها لعمتي تحجي ويا وتبجي اخر شي كلتلة
ام شرار: يي يي هاي يمي هاك
فرح: قربت عليه التليفون اخذتة منها بسرعة كلت الو وانفجرت ب البجي واني اسمع صوتة كوة يحجي
شرار: ها فرحتي اخخ لاتبجين ولج
شرار: مابية شي بوية
شرار:احجي عوفي البجي
عباس: اووف بااع الحب لك ياسرر
شرار: اخخ كوا... وخر مني
شرار:انطيني امي فرحة ولاتبجين بابا مابية شي وباجر اطلع خوش يلا كافي
فرح: انطيت التليفون لعمتي حجت ويا وتكلة
ام شرار: جا شلون تتطلع غير بعدك ياايمة
ام شرار: ايي حتى لو ماتكدر
سدتة وتكول للحجي
ام شرار:يريد يطلع ولدكتور يكلهم بعدة ميصير هسة يطلع يكول ياسر مايقبل قافل الا يطلع
الحجي: جا انتي ماتعرفين ابنج بعد الحمدالله عدت على خير وطلعلنة بسلامة
الحجية:الف الحمدالله
الحجي:بوية فرح خاف يطلع باجر لاتحجيلة شي ولصار ينسي ماريد اشوفج موصلتلة حرف واحد
سعد: لا بوية متحجي هو بحال هاي السوالف
نعيمة: جا اني شسويتلها غير هية تجاوز عليه تدري بية هية ليصير زين وياي اصير زينة ويا
فرح: بكلبي اكول كامو يتلوكون بس درو بي باجر يطلع والله بس خل يطلع ويصير زين واني اعرف شسوي من سمعت صوتة حسيت رتاحيت بحيث كبل صعدت نمت واني انتضر باجر
...............................
حنين: واكفة اغسل بمواعين ودخل فارس تعبان شصاير بحالة سلم علي وكال
فارس:لاتخافين انشاءالله مابي شي وباجر يطلع
حنين:انشاءالله
فارس:اجيت اخذلة ملابس
حنين:هسة اجيبلك
فارس: انتضرج بسرعة بس
حنين:صعدت فوك بسرعة دكيت لباب على فرح ماكو فتحتة لكيتها نايمة لا هية بشرق ولاهية بلغرب وثوبها واصل مدري وين والله ضحكت عليها رحت طلعت ملابس ونزلت لكيتة واكف بباب لمطبخ
انطيتة لملابس كال
فارس:جوعان ماعندج شي اكلة علسريع
حنين:يي وكف سويتلة لفة وكعد ياكل سئلتة على حيدر كال
فارس: يابة اخوج خبصنة فرح يافرحة لحد ما صحة
حنين:يي غير مرتة
فارس: يي جا شلون اخر شي لدكتور كال يابة
جيبولة هلفرحة لحد مااكعد خبصنة
حنين: ابتسمت وكتلة وهسة شلونة
فارس:شوية متاذي من ايدة وعفتة نايم باجر لصبح نطلعة بحيل الله
حنين: ان شاءالله
فارس:نونة نايمة شو ماكو
حنين: يي نايمة
فارس: ها يلا اني اروح ديربالج على نفسج
حنين:هزيت راسي وراح.كعدت على كرسي واخذت نفس اوووف يافارس
.............................................
فرح: فزيت لصبح لساعة ب 7 ونص كمت بسرعة سبحت وطلعت مشطت وكملت ونزلت كلها كاعدة يسوون ريوك تريكنة وكملنة لبيت ولحجي جاب ذبيحة علمود سلامتة كعدنة ننتضر شوكت يجي ب 11 اجوي يصيحون اجو اجو طلعو كلهم وكفنة اني
وحنين نباوع من شباك لمطبخ دخل ولازمة عباس ايدة مجبسة ورجلة وبيدة عكازة وكصتة بيها لازكة ذبحو الذبيحة ولحجية اطش علية جكليت عباس شاورة وهو ضحك دخلو جوة وهمة مخليلة جرباية ب الديوانية وكلها دخلت يمة بقينة اني وحنين ب المطبخ
حنين:متروحين لرجلج شمالج
فرح: هاا شروح متشوفين لهوسة
انتي مترحين لاخوج شمالج
حنين:هههه امداج
فرح:ضلينة اني وياها بلمطبخ كاعدين
طلعن يكملن لغدة ضلو عمامة وولد عمة يمة
ولحجية ونعيمة بعدين كايللهم اريد اغير ملابسي ف اخذو بغرفة عمتي وصاحوني رحت كوة مدري شبية فتحت لباب ودخلت لكيتة واكف يفتح بقميصة كوة بيدة لمابيها شي دار وجهه علية برطمت شفايفي مثل لطفل ابستم وفتحلي ايدة ركضت علية حضنتة حيل نسيت وضعة
شرار: اخخخ هيج خايفة علية ومشتاقتلي
فرح: بعدت شعرة لنازل على كصتة رجعت حضنتة وحجيت واني ابجي
فرح: خفت عليك كلشش
شرار:ليش مااجيتني كلها شفتها بس انتي ماكو ردتـ
سكت وماكمل كلامة تلمس كصتي وحجة وهو عاكد حاجبة
شرار:شبيها كصتج
فرح: انضربت بيها
شرار:وين انضربتي
فرح:بل باب
شرار: وعيونج ليش هيج
فرح: من وراك
شرار:ليش
فرح:خفت يصيرلك شي
رجع حضني ويبوس بركبتي
شرار: اووف فررحة اندارلج فدووة
فرح: ابتعدت منة وباوعت بعيونة الذبلانة
فرح:متوجع؟
شرار: كل وجع يمج وبحضنج يروح
فرح: نزلت عيوني منة رفع راسي وباوع بعيوني
شرار:لا ديرين عيونج مني مرمرتي كلبي
فرح: حيدر
شرار: هاا يبعد اهلي
فرح: خليني اساعدك تبدل يلا
وخر ايدة وتقرب علية افتحلة بدكم القميص رفعت راسي شفتة يباوعلي صارت عيوني بعيونة نزلت عيني ونزعتلة القميص على كيف غمض عيونة بوجع
شرار:اوكفي اريد اغسل
فرح: مشة للحمام مشيت ويا راد يدخل باوع علية
شرار:ها
فرح:ها غير ادخل وياك
شرار:ها يلا
فرح: دخلت ولازمتلة المنشفة غسل وجهه وجسمة
وبلل شعرة انطيتة لمنشفة نشف بيها وطلع ساعدتة لبس اندك لباب ودخلت عمتي جايبة صينية اكل وياها حنين سلمت عليه وتحمدتلة بسلامة وطلعن
كعدت يمة اوكل بي
فرح:شبيك
شرار:مابية شي نعسان
فرح:يلا خلص اكل ونام
اكل شوية وكال ماريد بعد مبين متاذي كمت وديت لصينية انطاني فارس علاكة ادوية وعلمني عليهن اخذتلة مي ورحت انطيتة العلاج شرب ساعدتة ينام على جرباية
شرار:تعاي من هاي لجهة
فرح:رحت نمت يمة من جهة ايدة السليمة
فرح:شلون صار وياك الحادث
شرار: مادري واني امشي بسيارة حسيت دخت وعيوني غوشت وضربة قوية براسي ومادري بعد
فرح: الحمدالله عدت
شرار: يي
فرح:مد ايدة يتلمس لجرح لبكصتي
شرار:هاي ب لباب مضروبة
فرح: هاا يي
شرار: وبعد لباب شسوالج بغيابي
فرح:حسيتة يقصد شي بكلامة
ماحجيت وسكتت لان مو وكتها رجع كال
شرار:............
.
.
.
يتبعععععع