هايي شلونكم
خليكم ويه البارت
..........................
قرائه ممتعه ↗️
#هيام
هاذ الحلم خوفني هواي
رجعت تمددت وافكر
شنو هاذ الحلم معقوله شي سيئ
لا صمالله
حسيت ع ايام حضنتني
ايام; لاتخافين عمري مجرد حلم يروحي
هيام: افف اني خايفه هواي ومن
جينه للموصل وكلبي مقبوض
ماعرف ليش
ايام: لاتفكرين هيج اكيد لان عفنه محافضتنه
هيام: مدري
ايام:
نمنه وكعدنه عاد الصبح
بلساعه 9 كمت لكيت ماما نازله قبلنه
وهيام نايمه عفتها نايمه
وكمت غسلت وجهي حته اصحصح
وفرشت سنوني
ولسه الي صار بيناتنه اني وفهد افكر
بيه مرات ابتسم ومرات اكول الي سواه
غلط افف كملت ولبست شالي ونزلت سمعت اصواتهم بلمطبخ فتت
هيام: صباح الخير
الكل: صباح النور
رحت حضرت وياهن الريوك
واحس فهد يباوعلي
يربي كلش تربكت حضرنه وحطينه
الاكل
فتحو مواضيع داعش
ابو فهد: الطياره كايمه تقصف جثير
علي: اي ولله عمي ساحل الايسر
مسويته خريطه
ابو فهد: ولله غلطنه من ماطلعنه من اول مره
فهد: ايي راحت بعد
ونوب صاير كلشي غالي
علي: اي المواد بلسوك غاليه
راح يصير قحط
ابو فهد: علي البيت لاتبيعو
خلي ونتو ضلو كاعدين يمنه ولله ماتطلعون
علي: لاعمي مايصير
فهد: لايصير وين تريد تطلع ماشوف الدواعش ولقصف فوكانه ماتطلعون
علي: ولله مدري
فهد: كملت يلله كوم
علي: وين
فهد: كوم تانروح ع رائد
راد ناعونو بشكم شغله
علي; ماشي
مريم: اباوع لعلي
مدري احسه يجاهلني
نوب كعدنه نتريك
صارت عيني بعينه وكبل دار وجه
اني الدمعه صارت بطارف عيني
شويه وكمت
اسراء: يوم وره يوم يمر
وحازم ماكو اي خبر عنه
افوت لصفحته
مافاتح وين راح روحي تلوب عليه
يوميه اكعد بليل وحدي
اموت روحي بلبجي
تعبتت كلشش
ليش هيج اختفه
نوب الدواعش سوو مجزره
بسبايكر هزت العالم هز
كتلو هواي منتسبين
بدون رحمه يعني من شفت الفديو جسمي
قشعر
وضلينه نبجي عليهم
جي ابالي حاازم بس بعدين كلت لا صمالله
ربي يحفضه وين مجان
حت لو هوا الي عافني
هيام: كعدت من النوم
ويه اذان الضهر
جسمي احسه مكسر واحس نفسي
تعبانه عبالك جنت احرث
كمت فتت سبحت بمي دافي
وطلعت مشطت شعري
شويه واسمع صوت الطياره
يمه كلبي
وانزل اعيط
سرئ: اصمالله يمه تعاي
اسماء: تعاي بنتي لاتخافين
هيام
رحت لماما حضنتني وحضنت ايام
واسماء حاضنه
بناتها وعمي كل ساع طلع
ابو فهد: هسا يون راحو ذوله
وكت رائد
ياربيي صبرك
اسماء: يالله احفضهم ياربي
هيام; ابوعلها كعدت بلكاع تبجي وتلطم
وماما كامت تبجي وتدعي
وتكابلن ويبجن وحنا هم كمنه نبجي
وعمي يسكت بينه
شويه وزاد صوت الطياره وضربت
صاروخ وره صاروخ مانعرف وين
كمنه نعيط واحس كلبي حيطلع
اسماء: يممممممممممه راح الولد يبووووو
ولك يمه فهد عليي
سرئ: ابجي ربي لاتفجعني بيهم
هيام: نبجي وندعي وعمي سجد ويدعي
يربي احفضهم يالله
ايام: ربي لاتفجعنه بيهم
ربي اني مالي غير علي من بعدك هاذ اخوي
وسندي
وفهد حب حياتي
مريم: سمعت صوت بره طلعت للحوش
كلت يجوز اجو
باوعت ونهم دواعش يم الباب جان تجي
الطياره وتضرب
حسيت شي نهش اعضائي
وما سمعت شي غير بس صرخت بابا وماما
ولبنات
هيام:ضربت الطياره بلفرع المقابيلنه
مالحكنه نكول لمريم ارجعي
عبالنه بلمطبخ ماعبالنه طلعت للحوش
ضربت وماسمعنه غير صرخت مريم
ركضو كلهم ونها واكعه
ولدم يتطافر من كتفها وبطنها
بس من كتفها اكثر
عمه اسماء كامت تلطم وعمي حاضنها
ويحجي
هيام: كضبت ايدها
لجج مريم لاتموتين
اكعدي
اسراء: صافنه عبالك دااحلم معقوله هاي اختي
الي امدده كدامي
ماعرف شسوي صرخت ورحت تمددت يمها وابجي
هيام : فاتو الدواعش
حجه واحد يمكن حان سوري
الداعشي- هيي عم احكي معكن فوتو لجوه استرو حالكن
هيام: فتنه ركض لبسنه بشتات
ونقاب
ونزلنه اسراء: فاات كبل خطيه اختها
ياربي ميكون صارلها شي
اسراء: طلعت يمهم بابا وماما شالوها
ولدواعش طلعو جي جيرانه
ااخذ بابا وماما للمستشفه
ابو فهد: بعصبيه ويننن راحو ذوله شلون اخليكم
وحدجن ياربيي صبرك
سرئ: لاتخاف خويه روحو انشالله هسا يرجعون
هيام: فاتن ماما واسراء
اسراء اتابوع ع دم اختها وتبجي كطعت روحها
اسراء: صدكك حتعوفيني ولجج
مريم من يضلي بعدج
هيام; كلنه تحاضنه ونبجي
ع مريم وع علي وفهد الي منعرف ويهنم
شويه ونفتح بابا الحوش
وفاتو مصدومين رحنه حضنه علي
وماما حاضنتهم وتبجي
فهد يباوع ل اسراء
الي صافنه ع دم وتبجي
بسرعه راح لعدها
فهد: شكووووو شنو هاذ الدم وين ابوي وامي
احجي
اسراء: تناشغ فه فهد مريم انصابت بشضيه
فهد: شنووووو
سرئ: ابجي يمه طلعت للحوش
تاشوفكم اجيتو
جتي الطياره بسرعه
ومالحكت يمكن تفوت ومانسمع بس صرختها
فهد: لا يالله
هيام: اباوع كعد بلكاع واجها اصفر
اباوع ع علي وكف مصدوم
احسه يريد يبجي
فهد: من اخذهم للمستشفه
سرئ: جيرانكم ابو محمد
فهد: ماشي اني رايح
علي: اجي وياك اكف
فهد: لالاتجي من يضل يمهن
علي: ماشي روح
ايام; فهد حيل خاف بس حقه اخته
هوا احنا خايفين متستاهل ياربي تحفضها
فتنه وكومنه اسراء
لملمنه البيت اني وهيام
هيام: ياربي هاي مو حاله
افف
ايام : ايولله
للضهر رجعو
ندك الباب طلع علي فتحه
فاتو عمي ومرته وفهد شايل
مريم وكانونه بيدها ولمغذي عمي شايله
مضمدين يم بطنها وايدها
اباوع لعلي ضل صافن عليها
وهيه نايمه
صعدها فوك للغرفه وحطها ع سرير
باسها براسها ونزل
يالله شكد حنين
نزلنه جوه عمه تبجي
وامي وابو فهد يكول
جرحها الي ابطنها مو غميج
بس شويه ضمدو ائلها
بس الي بكتفها خيطو
مريم: احس ضلام
حواليه فتحت عيوني
اوجع ايدي وبطني بنهشن بروحي
لو ميته ولا هل وجع
فات فهد كعد يمي ويبوس براسي
ويحضني
فهد: الحمدلله ع سلامه يروح اخوج
مريم: الله يسلمك حبيبي وبسته
شويه وكام
اجن الثلاثي المرح
اسراء جعصتني جعص
مريم: كافي ولج هياتني كبالج
ايام هيام/ الحمدلله ع سلامه
مريم: الله يسلمجن عمري
هيام: ولله حيل خفنه عليج شزهفج وطلعتي
مريم: هاي بعد حته يصير وياي هيج
ايام: يروحي عدت انشالله
اسراء: خفت لاافقدج خغت هواي من شفت
الدم
مريم: يروحي ماعوفج اني
نوب فات بابا يحضن بيه هوا وماما
وعمتي سرئ
بس علي ماشفته اي يعني اني شنو بل نسبه اله
اصلن هوا مجاهلني
دموعي تجمعن بطارف عيني
ياربيي شديصير
لليل كلهم نامو اباوع ع اسراء
نايمه الله رزقني باهل كلش حنينه
ربي يحفضهم ائلي
كمت حطيت ايدي ع بطني
علمود اشرب مي
فوك الميز
بلكوه كمت شربت وسمعت حركه
يم الباب ودكه خفيفه
كلت منو بصوت خافت
علي: اني كاعده /يحجي بخفوت
مريم: اي ليش
علي: افتحي الباب
مريم: رحت غطيت اسراء زين
وفتحت الباب
شتريد
علي: شنو شريد جيت اشوفج شلون صرتي
مريم: بعد وقت
علي: بنفاذ صبر مريم عوفي ذنه سوالفج
شلون صرتي
مريم: زينه
فات للغرفه وسد الباب
ياا وين اطلع لاحد يجي
علي: محد يجي
مريم: جرني عليه وحضني ع كيف بس
لازمني بقوه
حط وجهه بشعري
واني سكنت بحضنه احس نفسي ذبت
عطره ريحت الجكاير الي ممزوجه بعطره
الدفو الحسيت بيه
ابتعد مني وباسني بشفتي سحب شفتي الجوه
ع كيف
وحك خشمه ع خشمه وثنينه نتنفس سريع
دكات كلبه تنسمع من قوته
واني تخربط وضعي
حجه بدفو
علي: لج شنو انتي هاا
مريم: ليش هيج دسوي وخر
علي: اشش عوفيني
مريم; عفيه وخرر
علي: تدرين انو اني احبج وميت بيج
من جينه لهنانه واني يوم وره يوم اكع بحبج
لحد ماهسا صرت اعشكج
يبنيه
مريم: ماعرف شكول احساس
حلو
بس انته اليوم مجاهلني ومتباوع بوجهي
علي: لان خفت لاحد ينتبه وهم
من اباوعلج انتي كبل تبتسمين
خفت لاحد ينتبه
مريم: امم
علي: شنو رئيج اصيري حلالي
مريم: بصدمه يعني نزوج
علي: اي يعمري
مريم: اي اي موافقه
اباوعله حك لحيته وضحك
افف شجاني هسا يكول خفيفه
وبس تريد تزوج
امداي
علي: ههههههه انتي حت ماكتيلي احبك
مريم: هاا هوا اني احبك
علي: واني اتنفسج
هسا خوما يوجعج جرحج
مريم: امبله شويه
علي: مابلعتي مسكن
مريم: امبله بس ميفيد
علي: لحضه هسا اجي
مريم: ماشي
راح شويه واجه بيده حبايه
علي: هاج هاي الكبسوله
ابلعيها وذا صرتي زينه كلليلي
تاجيبلج نفسها
مريم: بلعت الكبسوله
وكتله ماشي
بسته بخده
علي: هاا كمتي تتحرشين
مريم: هههه لا بس بستك
ضحك وحضني واخر الدشداشه شويه
وباس كتفي الي بيه الجرح
بس مضمد او وخر
علي: ريت هل جروح بيه
ليش بيج
مريم: اصمالله حبيبي لادكول هيج
علي: ههه حبيبي اروحلج فدوه يابه
تخافين عليه
مريم: اكيد لعد اني شطلعني
بره غير علمود اشوفكم اجيتو لو لا
علي: بعد هاي زاد حبي ائلج لج
اعشكج
مريم: حطيت ايدي ع كتفه
واني اعشكك
علي: يلله روحي ارجعي نامي
مريم: ماشي
وداني للجربايه تمددت وباسني براسي
وطلع
من اروح فدوه
اشكرك ربي لان رزقتني بيه
للصبح كعدنه
جابولي ريوك للغرفه
ايام: كعدنه الصبح وكل عاده سوينه ريوك
ونضفنه البيت وسوينه غده
و لفهد كل يغمزلي
يربي واني ميته خجل
رحت للمطبخ
سمعنه الطياره اجت
كلنه تكومنه بل استقبال
احنا نبجي
صعد فهد نزل مريم من فوك
وخلها ويانه
ضلت تفتر شويه وزاد صوتها وضربت
هلمره مو صواريخ
براميل ضربت
وكان القصف قريب عليه هواي
بحيث الشبابيك مال الاستقبال تكسرن
شويه وراح
ابو فهد: لاحوله ولاقوه
علي: الوضع كلما جاي يتئزمن الموصل صارت خراب
فهد: لو شوف منطقه( ) دمار صايره
علي: الله يخلصنه منهم
ابو فهد: انشالله
ايام صبينه غده وتغدينه وشلنه
الاكل
اسمع عمي صاح ماما لل استقبال
كلهم موجودين بس احنا البنات طلعونه
رحت يم الباب اتصنت
ابو فهد: خويه ام علي
علي ابني
علي: تفضل عمي
ابو فهد: زاد فضلك وليدي
اني اريد اطلب ايام
منك لفهد
ايام: فتت بصدمه يااا وهذنه يريدن يعرفن
شكو
اسماء: عبن هوا ابن عمها ورايده
لاتخجلونه
ايام: فهد طلع وره الغده كبل هسا بس هما
علي: ولله عمي اني مالكي احسن من فهد
وفهد صديقي واخوي وعضيدي
اني ماعندي شي بس الشور ل امي وايام
ماغصبها
ابو فهد: اكيد يابه ماكو غصب
بكيفها هيه
سرئ: ولله اني ماعدي شي وفهد بحسبت ابني
بس اسئل ايام وردلكم
ايام: حسيت ماما كامت بسرعه رحت
للمطبخ
جي فهد باوعلي وفات لل استقبال
اجت هم عمه اسماء
سرئ: شدكولين يمه
ايام: علمود شنو ماما سويت نفسي ماعرف
سرئ: ايام بنتي اني اعرفج جنتي تتصنتين
يم الباب فا هاي السوالف بطليها
ههههههههه
اسماء: ههههههههه كلهم نفس الشي يحبن يصنتن
شدكولين بنتي توافقين
ايام: احس نفسي خجلت وهاي هيام بس اتكرص بيه
وتضحك
مريم: دسولفي عاد
اسراء: موافقه يمعودين
ايام: هههه اي موافقه ماما
ماحس غير هيام طكتها بهلهوله
هيام: كلووووووووووش
سرئ: فضحتينه ياادبسزز
هيام: غير نهلهل هاي العادات
طلع ابو فهد: هاا شنو هل هلاهل بيانها
موافقه
اسماء: ولبتسامه ع وجها اي موافقه
ابو فهد بلخير عجل بويه
ايام: يمه شكد خجلت رحت يمه وباسني
ابو فهد: عجل اسمعو الخبر الثاني
علي طلب بنيتي مريم هم لزواج
ايام: كلنه انصدمنه
واسراء: طكتها بهلهوله
ابو فهد: فضحتنه بويه
اسراء: صدك بابا
ابو فهد: اي ولله بنياتي
اسماء: اني موافقه
مالكي احسن من فهد
اسرئ: اروحلج فدوه
اسماء: بعد روحي
هيام: اباوع لمريم صفنت
رحت يمها
هيو لجج الصفنه مو ائلج للمطي
مريم: عابتلج يولي
خلني بحالي
فات بابا واجت ماما حجت وياي وعمتي
لساتني مصدومه البارحه مكلي شي انو يخطبني
ياربي احله يوم بحياتي
ايام: صعدنه فوك
واني كمت اكمز وهنا يباوعلي
كلوووووش
هيام: اويي ماعرفتج هستوج جنتي خجلانه
مريم: لجج الي احبه خطبني
مريم: يولن شلون اكوم اني هم اريد
اكمز
اسراء: استجني واكعدي هسا اجي
هيام: راحت اسراء
شويه واجت جايبه مبايل امها شغلت بيه
اغنيه لخالتنه ساجده اعبيد
وشدينه الشالت ع شسمه وفلينه شعرنه
كعدنه ايام ومريم عود عاروسات
وكمنه نهز
ومريم تهز كتفها بلكوه
خاله يم علي يم علي خاله
هيام: كللللللوشششش
ضلينه نركص اشويه واجت عمتي وامي
اسماء: هاا يمه مرايم توافقين
مريم: ايي ماما موافقه
هيام: ردنه نهلهل اني واسراء وماما جرت النعال
تالي سكتنه
سرئ: لاتفضحنه
يروحي مالكي جنه مثلج
هم العاشكها اوليدي
مريم: اباوع لماما انصدمت
اسماء: ولله ياخيه ابني هم عاشك بنيتج
سرئ: الله عليج
اسماء: اي ولله من هيه بزر جان كلما يشوفها
يجي يحجيلي عنها وشلون حلوه
وضحكتها حلو
ايام: يبووو خجلت لعد شكد يحبني
ياربي تحفضه ائلي
شويه وكامن
ونوب رجعن
سرئ: بليل يجي السيد يعقدلكم
ايام: صدم يعني اثنينه
مريم: ولبتسامه شاكه حلكي
بس عرس منريد هسا
اسماء هما الولد كلو موهسا
العرس بس عقد لما يشوفون داعش
وين يوصل
ايام: احسن
راحن وكمت سبحت
وبعدين فوتنه مريم
بلكوه سبحناها ائله كامت تبجي
من وجع بطنها يروحي
بدلنه فساتين نازكات
اني اخضر فات وهيه وردي فاتح وشالت
صارت الدنيه مغرب
وبدلنه
اجن هيام واسراء: شايلات المكياج
وكعدن يمكيجن بينه
مريم: احله شي نطلع مهرج اااخ اذا موحلو ونبي
اعلسجن هين
ايام: اي ولله يصير كتلجن عمل شعبني
هيام: كافي تسولفن وخلنه نشتغل
اسراء: اي دوختنه
ايام: اووووي عيني
كملنه مكياج ورحت شفت بلمرايه
طلعت اجنن وباوعت لمريم وهم تخبل طالعه
ولله طلعتن تعرفن تمكيجن
هيام: بغرور شعبالج لعد
مريم: يااا ونبي حلوو
اروحلجن فدوه
اسراء: اوووي تخبلين
هيام: نزلت جوه شفت شكم مره جايات
يمكن الجيران
وبنات
جابو السيد صعدت فوك
نزلناهن
ايام: نزلت اني ومريم وكلوبتنه ادك قوي
دنحس نفسنه بحلم
نزلن وكعدنه بل استقبال ولنسوان يباركنه
مريم: ماكدر اخفي فرحتي
شويه وصاح السيد هل انتي موافقه
مريم بنت سعد بنت فلان
كلت موافقه
وايام كذالك
وهما هم
كمل العقد
ايام: وهسا صرنه زوجاتهم
مريم: ههههههه اي
شويه وراحن النسوان
صعدنه فوك بدلنه فات علي جنه كاعدين
اني ولبنات
جي حضني وباركلي
بعدين راح لمريم
مريم: جي لعندي واني ميته خجل
حضني كدامهن وهنا يغمزن
-علي لا كدامهن ولله استحي
علي:اشش خليني لجج صرتي مرتي
مريم: تنهدت وهم حضنته
باسني براسي
وطلع
ايام: راح علي
بس فهد ماجي راحن البنات ع غرفتهن
بس مريم ماخذت الفستان
رحت اودي ائلها
فتت ولكيت فهد حاضنها
واسراء داحسه نفسها بيناتهم
هههههه خبال
فتت سويت نفسي زعلانه لان ماجي
عليه
ايام: احم
لتفتو عليه مريم هاذ فستانج
عفته
وتاطلع جرني
عليه
فهد: شبيج لج
ايام; وخرر مابيه شي
فهد: بعد ماصرتي حلالي تريدين اوخر
ايام: لعد ليش ماجيت عليه
فهد: ولله جنت ويه جماعتي بره
وهسا فتت تاريد اجي عليج ونتي فتي
ايام: اممم
اسراء: خل اروح اني ع هيام احسلي
مريم: اءء شسمه اني هم اريد اشرب مي
ايام: ابوعلهن شردن ههههه
فهد: ههههه
ايام: حضني حيل وباسني
بشفتي قوي
كطع نفسي بلكوه وخر
فهد: افيشششش شكثر عاشكج
ايام: واني احبك واموت بيك
هيام: راحت اسراء واجت ايام طلعت
للحديقه احس نفسي
مخنوكه
اباوع للسمه
سواد وبس نجم
جو يخوف
ليش اضل خايفه اني
احس احد يباوعلي
صديت هيج ماكو احد كلت خل افوت
هستوني تاافوت واسمع صوت
متت خوف
احس جسمي انشل
اسمع واحد يكول هييي
بصوت خافت
جمدت بمكاني
لااكدر افوت ولااكدر اباوع وراي
صرخت ب اعله صوتي
احس نفسي انشليت
جي علي يركض
وباين ع وجه الخوف
واجت ماما وعمتي
وفهد
حضني يريد يحركني ميكدر
ولااكدر
ايام: نزلت بسرعه واشوف ايام واكفه
وعلي حاضنها يكللها شبيج
ساكته بس فاتحه عيونها
ومتتحرك
شويه واغمه عليها ماما كامت تعيط
واني ابجي
جي عمي
حطوها بل استقبال طشو مي
متكعد فاقده
عمي حطها بحضنو
وكام يقره عليه
.
.
.
.
.................................................................
هاي حبايبي لهنا وخلص البارت انتضروني ابارت جديد
شنو رئيكم بل احداث وشراح يصير
ياتره
...............................................................
الكاتبه ريم الفلا
الروايه اغتصبني ثم انقذني
دمتم بخير وبحفض الله ❤️